رواية وجع الماضي الفصل الرابع4 بقلم امل بكر
-انا معرفهوش لي !!! انا عارف كل عيلتك اشمعنا ده مشفتهوش ؟؟؟
بعد عيني عنه وقولت ،
-كان مسافر بره ومش بيرجع غير كل فين وفين
ضيق عينه وكأنه افتكر حاجه ،
-هو ده الي امك كانت عايزاكي ليه ؟!!
هزيت راسي بنفاذ صبر مش فاهمه عايز يوصل لأي ،
-ايوا هو
رفع حاجبه بغيظ ،
-وانتي بتتكلمي ببرود كده لي ؟!!!
بعصبيه قومت وشوحت بايدي ،
-انت عايز اي مش فاهمه اعمل اي يعني دلوقتي اروح اتجوزه زي ما ماما عايزا !
قرب مني بعصبيه من الي قولته ،
-هناااا اتكلمي عدل
رفعت عيني فيه وقولت بعصبيه مشابه ليه،
-سليم انت الي تعدل كلامك لانك بجد أفورت وانا م…
حطيت ايدي علي خدي لما ضربني بالقلم علي وشي بصتله وانا الدموع بتنزل علي خدي وكأنها ماصدقت
قولت بصوت شبه الهمس،
-انت بتضربني !!
"مردش ولف وشه بعيد عني وهو بيتنفس بصوت عالي "
ضحكت بسخريه وهو بصلي باستغراب رفعت عيني فيه بقوة واتكلمت بقهرة خلتني افتكر ايام زمان
-انت زيك زي بابا مفيش فرق … طلعت مش قد كلمتك انا ب بكرهك
"قولت كده وهو فضل باصصلي لغيت لما طلعت ورزعت الباب ورايا طلعت من المكان كله"
"وفضلت ماشيه وانا مش مصدقه انه مد ايده عليا هو وعدني انه عمره مايمد ايده عليا ولكنه مقدرش يوفي حكتله ان حياتي مكنتش الطف حاجه من امي الي محستش بحنيتها ابداً و ابويا الي بيضربني علي اتفه الاسباب وبيحرجني وسط الناس وثقت فيه وحكتله من غير خجل وهو وقتها وعدني انه عمره ماهيعيد الي حصلي تاني وانا صدقته ولو حد قالي انه هيعاملني بالطريقه دي والله ماكنت صدقت "
قعد علي كرسي في مكان عام مسحت دموعي بعنف قفلت عيني وعماله اتنفس براحه يمكن اهدي بصيت قدامي وانا بفكر اروح فين دلوقتي ؟!
بيت اهلي!! امي مش هتشفق عليا ولو حكيت متأكده ان هتشوف ده عادي وهتقولي ماابوكي كان بيعاملك بنفس الطريقه !! بس انا وثقت في سليم واتمنيت ان حياتي تتغير معاه ومع عيالنا للاحسن
ولا ابويا الي هيرميني بالكلام وهيقولي اني اروح بيتي ولو اعترض ولا فتحت بوقي اكيد هيمد ايده ومش هيتحرج ولا هيقول اني كبرت ومبقتش البنت الصغيره والي دلوقتي بقت متجوزه وبقي عندها بيت
عيط اكتر حتي مليش بيت ولا اهل اروح ليهم مليش غيره بس لاء استحاله ارجع البيت استحاله بس هعمل اي ؟؟!
اتنفست بصعوبه وانا بطلع الموبايل من جيب الدريس وكل لما اوقف عيطي يزيد من تاني والمشهد وهو بيكلمني لغيت لما ضربني بيتعاد قدامي
اخد نفس وانا بقول ،
-اهدي يا هنا خلاص كفايه عياط
دوست علي اسمها ورفعت الموبايل علي ودني قولت بهدوء ،
-أروي
-ماله صوتك ياهنا !! انتي كويسه ؟!
غمض عيني بقوة علشان صوتي يبقي طبيعي ،
-انا كويسه ممكن تجيلي
-اه طبعاً انتي بره البيت ؟
-اه بره
-طب ماشي ابعتيلي العنوان وانا هلبس وانزل علطول
-أروي ممكن متقوليش لحد عندك انك جيالي
-طب لي ؟!
-معلش ياأروي
-طيب حاضر بس قوليلي انتي كويسه ؟!
-كويسه مستنياكي
-طيب
"قفلت معها وحطيت ايدي علي دماغي من الوجع "
""""""""""""""""""""""""""""""""""""""
سليم غمض عينه بندم،
-غبي غبي ازاي تمد ايدك عليها !
زعق بعصبيه وهو رايح جاي وبيخبط ايده في الحيطه،
-ازاي عملت كده !!!! والله ماكان قصدي مكنش قصدي
قعد علي الارض وهو حاطط ايده علي وشه
رفع راسه لما استوعب انها مشت لوحدها ومن عصبيته ممشاش وراها اكيد دلوقتي منهاره
قفل عينه بقسوة وكلامها الاخير عمال يتردد في دماغه
قام شد الموبايل من علي الشاحن وفضل يتمتم بكلام ،
-هتكوني روحتي فين ،يارب تبقي كويسه ،يارب ميحصلش حاجه وحشه
داس علي اسمها "حبيبت عيوني "..
فضل يتصل اكتر من مره ولكنها مش بترد واخر مره بضيق قال ،
-عملتي بلوك!!!!
اتنفس وهو بيحاول يهدي من نفسه لاول مره تتصرف التصرف ده بس برده هو السبب
-ايوا ياماما
-اي ياحبيبي
-هنا ياماما اجت البيت ؟!!
-هنا لاء هي من ساعه او اكتر اجتلك الشركه شوفتها وهي نازله وسألتها
-طب معلش ياماما ممكن تطلعي تشوفيها
-طيب حاضر هخلص الاكل وهطلع
-دلوقتي ياماما حالاً
-هو في اي؟!! قلقتني
-معلش ياماما بسرعه
-طيب حاضر
-دقيقتين وهتصل تاني
""""""""""""""""""""""""""""""""""""""
||في العماره ||
يسرا طلعت وفضلت تخبط ،
-هنا انتي جوه ؟!!!
-يابنتي !!!!
جوزها حمدي كان واقف جمبها،
-شكلها مش جوه يايسرا
بقلق،
-حاسه ان فيه حاجه وان سليم صوته خايف كده ده مخوفني
فتح موبايلي وقال ،
-ان شاء الله خير. هتصل بيها كده
-اي مش بترد؟!
هز راسه ،
-لا مقفول انا قلقت يايسرا كده
-ده سليم بيرن
-ردي
-ايوا ياابني هنا مش بتفتح شكلها مش جوه وموبايلها مقفول
-يعني اي ياماما مش في البيت امال هتكون فين
حمدي اخد منها الموبايل ،
-سليم انت عملت اي في البنت ؟!!
-بابا علشان خاطري خبطو اكيد جوه هتكون راحت فين
حمدي بضيق قال،
-معرفش هي ملهاش حد غيرنا انت زعلتها ياسليم قولتلها كلمه تحرج اكيد مجتش لغيت دلوقتي من فراغ
قال بصوت رخيم،
-مكنش قصدي والله
حمدي بعصبيه ،
-تبقي مترجعش البيت من غيرها ياسليم
ابوه قفل في وش بزعل منه ولانه بيعتبر هنا بنته وزي أروي بالظبط
أروي جهزت وواقفت علي الباب لقت امها وابوها نازلين من فوق
-كنتو فين ؟!
يسرا اتكلمت بحزن ،
-هنا كانت عند اخوكي في الشركه ولغيت دلوقتي مرجعتش واخوكي زعلها ومنعرفش فين!
أروي بقلق علي هنا وانها لوحدها دلوقتي ،
-زعلها ازاي يعني ؟!!
حمدي رد ،
-منعرفش المهم انها تكون كويسه متعرفيش حد من اصحابها ياأروي
هزت راسها بنفي وتوتر انه يعرف انها راحلها ،
-لاء يابابا والله
يسرا ،
-انتي راحه فين كده ؟!
بتوتر قالت ،
-ده كورس كده
"مكنتش عارفه تقول ولا لاء بس احترمت رغبه هنا وانها متعرفش حد لغيت بس لمًا تروح وتفهم منها اخوها اتزفت عملها اي !!"
حمدي قال ،
-لو عرفتي حاجه عرفينا وقولي لاخوكي قلقان عليها اوي
هزيت راسي بماشي ونزلت بسرعه وفي خلال ربع ساعه وصلت
""""""""""""""""""""""""""""""""""""
بصيت لقيت أروي بتمشي وهي قلقانه واول لما قربت مني بصتلي بتفحص
-هنا انتي كويسه !!!
هزيت راسي بهدوء ،
-كويسه ياأروي اهدي
قعدت جمبي وهي مضايقه ،
-هنا اخويا الزفت عمل فيكي اي احكي
-مفيش حاجه ياأروي
-هنا احكي بابا وماما برده بيقولو انه هو زعلك يعني هو معترف
بصتلها باستغراب وقولت ،
-طنط وعمو عرفو بالي حصل؟!!!
-لاء قالوو ان سليم مزعلك بس مفيش حاجه تانيه
بصيت قدامي بضيق منه علشان لو كان قال الي حصل كان هينزل من نظري علي الأخر
-هنا في اي طمنيني بلاش تسكتي كده
بصتلها وابتسمت بهدوء ،
-شكراً ياأروي انك جيتي
أروي عارفه حكايتي مع أهلي وعارفه اني لما بسكت ومش بحكي فاانا قلبي بيوجعني ودماغي كمان من كتر التفكير علشان كده كانت بتقولي بلاش تكتمي جواكي اكتر من كده كنت حكتلها ان قبل كده بابا ضربني قدام اهلنا وهزئني كمان وانا وقتها دخلت الاوضه وحبست نفسي ومن كتر وجع قلبي انا كنت حاسه اني هموت ومن وقت لما حكتلها وهي مش بتخليني اسكت ابداً وسليم برده زيها بس انا اتوجعت منه
بصتلي بقله حيله واخدتني في حضنها ،
-عيطي ياهنا وارتاحي
حطيت ايدي علي وشي ومقولتش غير كلمه واحده وجعت قلبي قبل لما لساني ينطقها،
-صدمني ي يا أرو ي خذلني وبقي شبه انا كنت مفكره اني هعمل حياه ح حلوة!!!
مسحت دموعي وانا بكمل ،
-انا مش عايز ا يبقي شبه انا ب بحبـه ومش هستحمل اعيش تاني الي عيشته هموت فيها و والله
أروي دموعها نزلت معها وهي بطبطب عليها فهمت انها بتتكلم عن ابوها وعن الي عاشته بس مفهمتش سليم عمل معها اي برده واي التصرف الي شبه بتاع ابوها !
أروي اتكلمت بعد لما مسحت دموعها طلعتني من حضنها،
-هنا حبيبتي انا …خدي نفس واهدي
عملت زي ماقالت لاني مكنش عندي طاقه اعيط تاني حتي كل دموعي خلصو في سريري وانا طفله
-حلو يلا بقي قومي معايا تعرفي انا جعانه جداً اي رائيك نتغدا؟!!!
ضحكت غصب عني ،
-أروي انتي بتقولي اي ؟!!
-جعانه جعانه والله يلا بينا
مشيت معها وهي كانت بتحكيلي عن كليتها وعن الشاب الي معجبه بيه
وصلنا مطعم كويس الحال قعدنا اكلنا وانا اكلت تلت تربع طاجن كبير النرجسكو لوحدي وكنت هكمل كمان
أروي ،
-هنونه كفايه كده هنخدها وهنكلمها في البيت
هزيت راسي برفض،
-انا مش هروح البيت ياأروي
بصتلي بتركيز ،
-امال هتروحي فين ؟!
اتنهد بغصه في قلبي ،
-برده معرفش بس ممكن فندق
-اكيد لاء يعني ياهنا انتي اتجننتي هتقعدي في فندق لوحدك لو سليم عرف بجد هيزعل مش هينفع
-أروي انا مش هرجع البيت ومفيش غير الفندق عندك مكان ؟!!!
-بصراحه لاء بس ولو مش هينفع طب بصي خلينا نقول لبابا وهو هيساعد انتي عارفه بابا استحاله يقول لسليم طالما انتي مش عايزه اما ماما قلبها طيب وهتقع بالسانها
بصيت بعيد وانا بفكر وبعدين هزيت راسي ،
-لاء برده مش عايزه يحصل مشاكل بينكم بسببي
-اي الي بتقولي ده بس والله هزعل
بصتلها وقولت ،
-طب وعمو هيوديني فين يعني اكيد هيخلينى قاعده عندكم وانا مش عايزا يعرف مكاني
بحزن قالت وهي بتفكر ،
-يعني مش عارفه بابًا ممكن يوديكي فين ؟!
-يبقي خلاص هروح فندق مفيش حاجه تانيه
-للدرجه مش عايزا تشوفي ؟!!
بصيت بعيد بضيق ،
-ايوا مش عايزه اشوفه عايزه اقعد لوحدي
ضحكت بهدوء وهي بتقول ،
-عايزه تقعدي لوحدك علشان تعيطي براحتك والشيطان يفضل يصىولك حاجات ويكبرلك الموضوع بقي
ضيقت عيوني وانا بشاورلها بصباعي،
-هو انتي بدافعي عن اخوكي او عايزاني اكلمه عادي !
نفت براسها بخوف طفيف مني ،
-ابداً والله انا مش عايزه اي حاجه وحشه تحصل بينكم انتي غاليه عليا وهو اخويا وانا مقدره زعلك ومقولتش متزعليش بس مش عايزاكي برده تبعدي اوي كده علشان الزعل ميكبرش ياهنا
فضلت سامعها للاخر بتركيز بس نفيت براسي وقولت ،
-لاء انا عايزه اقعد في مكان بعيد عنه افهميني انا اتصدمت فيه والي عمله مش موقف بصيت بالنسبالي انتي اكتر واحده عارفه اني بتمني اني اعيش حياة غير حياتي القديمه انا مقدرش اعيش زمان تاني ياأروي انا واحده غيري كانت مريضه بالاكتئاب دلوقتي !
هزت راسها بتفهم لكلامي ،
-فهماكي ياهنا والله فهماكي طب بصي خلينا نكلم بابا وان شاء الله هيعرف يتصرف
بنفاذ صبر ،
-طيب موافقه علشان بس واثقه في عمو
ضحكت وقالت بفضول ،
-هنا هو عمل اي ماتقوليلي ؟!!
ضحكت عليها،
-خليكي في حالك
رفعت حاجبها،
-بقي كده ماشي ياستي
-يلا كلمي عمو
طلعت موبايلها من الشنطه قبل لما اتصل من تاني قالت وهي بتغمزلي ،
-بس طالما مش عايزه تقولي ومش عايزه تبوظي صوره اخويا يبقي بتحبي لسه ووانتي بنت جدعه
ضحكت ببرود وانا بهزلها راسي بإن ماشي انتي كلامك صح
-هيييي هنا !!! سليم بيتصل اعمل اي؟!!
بخوف انا كمان وتوتر ،
-معرفش ممكن تقوليله انك في الشارع
قامت وقفت بتوتر وترتني انا كمان ،
-لا لا انا هقوله اني في الكورس علشان قولتهم كده
-طيب بس اوعك تغلطي في الكلام
اتنفست وهي هتعيط من الخوف ،
-لا لا انا مش بعرف اكذب خدي انتي كلمي
برقتلها بغيظ ،
-بت انتي متعصبنيش اكلمه اقوله اهلا حبيبي!!!
ضحكت ،
-طب اه والله واتصالحو لانا اعصابي تعبت من الكام ساعه دول
-طب اخلصي ردي واتكلمي عادي اوعك تغلطي
-طيب خلاص بقي وترتيني والله هفتح الاسبيكر اسمعي معايا
-لا لا مش عايزه اسمع صوته
ابتمست ابتسامه صفرا الي هو لا والله!!
اخدت نفس وردت وفتحت الاسبيكر برده ،
-ايوا ياسليم
بصوت ضيق ،
-اي ياأروي ساعه بتردي !!! انتي فين ؟؟
بلعت ريقها وقالت ،
-في الكورس
-هنا مكلمتكيش ؟!
-هنا … لاء مكلمتنيش
-طب رني عليها كده
-طب ماترن انت
اتنفس وقال بغيظ،
-عملتيلي ابوك ارتحتي
رفعت حاجبها بدهشه وهي بتضحك من غير صوت وبتبصلي ،
-باخبر بلوك!!! انت عملتلها اي ياسليم انطق ؟!
-بت انتي مش وقتك اتصلي بيها واكيد هترد عليكي
باستعباط قالت وهي بتبتسم بخبث،
-طب وانا لما اتصل عليها اقولها اي يعني ياسليم اخويا بيدور عليكي؟!
-تعرفي منها هي فين ومتسبهاش لوحدها وكلميني علطول عرفيني انتو فين اخلصي ياأروي
-طيب حاضر اقفل
"ضحكت بسخريه خايف عليا اوي لاء حنين والله "
بصتلي وقالت ،
-ده خايف عليكي اوي ياهنا ياخرابي علي الحلاوي يارب واحد زي اخويا سليم الي مش بطيقه
ضحكت غصب عني ،
-يابنتي اي الي بتقولي ده دلوقتي ؟!!
بصتلي وهي بتتكلم بجديه مضحكه بالنسبالي ،
-يابنتي انتي مسمعتيش صوته قلقان حبيبي.. انا هقوله انك معايا ده اخويا ياستي مش هقدر استحمل زعله
عضيت علي شفايفي بغيظ وبصيت يمين وشمال وبعدين بصتلها ،
-اهو ده اخره ان الواحده تكلم اخت جوزها
-الله ينور عليكي جوزها يعني بتحبي يلا نروح البيت
قولت بتهديد ،
-أروي والله لو عملتيها هزعلك كلمي عمو واخلصي
بصتلي بقرف ،
-طيب ياختي قلبك حجر عملتي للراجل بلوك!!!
-شكراً ليكي يامحترمه كلمي عمو وبعدين هقظع علاقتي بيكي وهتشوفي
-بس بس يابوق متقدريش تستغني عني بتموتي فيا كده
اتصلت بعمو واجالنا علي اخر الشارع القريب من العماره
قرب علينا وهو بيبصلي بقلق وبيحضني ،
-كنتي فين ياهنا سليم قالب عليكي الدنيا
اتنفست وعيني دمعت وانا في حضنه ومنطقتش
أروي اتكلمت ،
-بابا هنا مش عايزه تطلع البيت وكانت عايزة تقعد في فندق بس رفض ومحتاجه مساعدتك
كان باصص لأروي وهي بتتكلم وبعدين بصلي ،
-صح الكلام ده مش عايزه ترجعي البيت ياهنا؟!!
هزيت راسي بأه
-مش هيحصل الكلام ده.. ده بيتك وهو الي يمشي مش انتي
-حبيبي ياعمو والله بس انا مش عايزه اقعد معاه هو زعلني وانا عايزه اقعد كام يوم لوحدي علي الاقل
-زعلك ؟!!! عملك اي المحروس !!
فركت في ايدي علشان معيطش وبصيت للارض وقولت بهدوء،
-اسفه ياعمو مش هقدر اقول
اتنهد وقال،
-يبقي هتقعدي عندنا بس هو مش هيعرف
رفعت راسي بسرعه ،
-هيعرف طنط طيبه وممكن تقوله
ضحك بهدوء ،
-متقلقيش هنبهه عليها
-ياعمو بس م
-مبسش مش هتروحي في مكان تاني ومش هتطلعي من العماره كفايه الخطوه دي دي كبيره كمان
خلص كلامه وهو بيبتسم ابتسمت انا كمان وبصيت علي أروي الي ماسكه موبايلها الي بيرن
-ده سليم اقوله اي ؟!!!!
عمو قال،
-قوليلو ان موبايلها مقفول
بخبث،
-علي كام يابابا ياحبيبي
بمسايره وهو بيهز راسه ،
-الي انتي عايزا ياحبيبتي
-١٠٠٠ جنيه حلو اوي
-اخلصي ردي طيب
ردت عليه وقالتله اني موبايلي مقفول طلعت البيت مع عمو وأروي طنط يسرا خضنتني بخوف حقيقي وأروي دخلتني الاوضه الي كانت بتاعت سليم
بصتلها ،
-جيباني الاوضه بتاعته لي بازقته ؟!!
-الاوضه التانيه بتاعت الضيوف وانتي مش من الضيوف طبعاً ياحبيبتي
بارهاق ،
-طيب انا عايزه انام هاتيلي بيجامه
-استني اجبلك
-لاء ولا اقولك هو لساله كتير لما يجي ؟!
-مين ؟!
-اخوكي
-اه صوته كان في الطريق عربيات وكده هتعملي اي!!
-طيب هطلع اجيب كام بيجامه
-طيب ماشي
طلعت ودخلت اوضي جبت كام حاجه ليا واخد كل حاجه هحتاجها وسمعت صوت عربيه بصيت من شباك الاوضه لقيته بيركن العربيه جريت بسرعه علشان انزل قبل ما يشوفني
وانا بجري المرطب بتاعي وقع مني في الصاله فتحت الباب ونزلت جري بسرعه وأروي فتحتلي
-في اي بتجري كده لي ؟!!!
-اخوكي اجي خوفت ليشوفني
-طيب اهدي ادخلي خدي شاور وريحي
هزيت راسي بماشي ودخلت الحمام وبعدين لبست البيجامه بتاعتي ونمت علي السرير
"""""""""""""""""""""""""""""""""""""
سليم دخل البيت ونده اسمها اتمني انها تكون رجعت البيت بص علي الارض وشال الكريم الي واقع علي الارض
-اجت البيت ؟!!!
فضل يدور فكرها في الحمام او الاوضه ولكنه ملاقهاش نزل بيت اهله اكيد شافوها وهي طالعه
"""""""""""""""""""""""""""""""""""""""
"سمعت جرس الباب قومت بتوتر قعد علي السرير قربت من الباب علشان اسمع واكيد ده سليم "
يسرا فتحتله،
-سليم …تعالا ادخل
دخل وقفل الباب ورا ،
-ماما هنا مردتش عليكي ؟!
يسرا بارتباك ،
-لا مردتش
ردت عليه ودخلت المطبخ بسرعه واستغرب من تصرفها
قرب من حمدي الي قاعد بيتفرك علي التلفزيون وأروي الي قاعده جمبه بتهرب بعنيها منه
-بابا مش عارف اوصل لهنا هي مكلمتكش ؟!
رد عليه بثبات جدي،
-لاء عملتها اي خلتها متردش علينا كلنا ؟!!
رد بارهاق وتعب من التفكير ،
-زعلتها بس مكنش قصدي والله
بص لأروي وسألها ،
-أروي بلاش تخبي هي اكيد كلمتك انا متأكد
أروي نفت براسها ،
-لاء ياسليم مانا قولتلك
سليم بعصبيه فلتت منه قام وقف ،
-انتووو لي بتكذبـو انا متأكد انها كلمت حد منكو وهي اجت البيت كمان فوق!!
حمدي وقف قدامه ،
-وطالما متأكد انها هتكلم حد بتزعلها لي وبتخلينا نزعل منك انت كمان
اول لما عمو قال كده حطيت ايدي علي قلبي وقولت بس سليم هيفهم اني هنا!!
-بابا يعني انت عارف هي فين قولي بالله عليك دماغي معتش قادر
"يسرا كانت وقفا بعيد بحزن ومش عارفه تتصرف ازاي "
حمدي رد عليه ،
-اطمن هي في امان غير كده مفيش حاجه هنقولها
بص لابوه بحزن من كلامه ،
-لي يابابا كده !!! قولي بقولك بالله عليك
-لاء مش انت زعلتها استحمل بقي مفكر اي بالساهل كده هترجع البيت ؟!!!
-هي قالتلك الي حصل !!!!
-هنا مش بطلع سر ورفضت تقولي بس طالما ده موقفها يبقي الي عملته غلطه مش صغيره ومش علشان هي مفيش اهل يقفو في ضهرها يبقي مقوي قلبك !!! لاء يابني انت عارف ان احنا اهلها قبل لما نكون اهلك انا عندي بنت ومرضاش ان في يوم الايام تزعل ومتلقيش مكان تروح عليه
بلعت ريقي بغضه في قلبي رغم ان انا عارفه كل كلمه قالها ومش جديد عليا بس ان عمو يطلعه ويقوله وجعلي قلبي اكتر
قعد علي الارض وانا دموعي سابقه الي قبلها كان نفسي بابا الي يقول الكلام ده ،كان نفسي يكون سندي ،كان نفسي يكون مصدر اماني مش خوفي!
سليم اتنهد بحزن علشان هو اكتر واحد عارف الي عاشته وهو وعدها ان مهما حصل مش هيكرره وهي صدقته ووثقت في بنأدم لأول مره
قعد علي الكنبه وهو بيبص في الفراغ وقال وهو مازال علي وضعه
-بابًا قولي مكانها خليني اصالحها حتي
حمدي باصرار ،
-لا لما هي تبقي عايزه هندهلك واقولك اتفضل اتكلم معاها
يسرا بحزن قربت منهم ،
-حمدي متعملش كده هي مراته برده خليه يكملها ويصالحها خليهم يتفاهمو
بتفاذ صبر ،
-يسرااا هي بنتي واستنجدت بيا يبقي نسيبها علي راحتها تهدي اعصابها وانا لما اشوف الوقت مناسب بكره كده ولا حاجه هجيبه بنفسي اخليه يكلمها
أروي اتكلمت ،
-سليم سيبها بس دلوقتي وبكره كلمها انت عارف مش سهل عليها التخطي
خلصت كلامها وهي بتبصله لانه عارف انها عارفها وفاهمها
فضل يبص لكل واحد بيتكلم وقال باصرار ،
-لاء برده انا عايز اعرف هي فين دلوقتي حالاً
يسرا بصت لحمدي ،
-سيبه ياحمدي يكلمها سييه
حمدي بنفي ،
-يسرا خلاص بقي خليه يتعلم غلطه
أروي حست انها سامعه صوت عياط هنا!!! حاولت تتسحب براحه وسليم لاحظ ده
بص لابوه وقال،
-ماشي ياحج
يسرا وهو بضبطب علي ضهره ،
-هتروح فين ياحبيبي؟!!
بصلها وقال ،
-مش هروح مينفعش ادخل الحمام ولا اي ؟!!!
خلص كلامه وهو بيبص لابوه وحمدي لف وشه وقعد وهو بيبص قدامه
عمل نفسه رايح الحمام وبص وراه وامه بتكلم ابوه فتح اوضه أروي ملاقهاش فتح الاوضه الضيوف برده مفيش حد!!!
قرب من اوضه القديمه الي في بيت اهله وفتحها وهو حاسس انه هيلاقيها