رواية الحب الدائم رغم البعد الفصل الرابع4 بقلم جاسمين محمد
ادم: طيب يلا تعالي ياجاسمين انتي وامل اركبه في العربيه معايا انا وفهد
جاسمين: تمام وراحت ركبت هي امل
في الطريق كلهم ساكتين
ادم: صح انتو كنتو الترتيب الكام السنه اللي فاتت لم الجامعه رشحتكم وسافرتكم هنا
امل: جاسمين طالعه الاولي ومش ناقصه ولا درجه ام انا فناقصه درجه
ادم: واو جميل جدا ربنا يوفقكم
امل: يارب شكرا
جاسمين وفهد ساكتين ومش طايقين بعض خالص لحد موصله ونزلو من العربيه وهو مرداش ينزل وساب ادم ومروان رحه عرفوهم علي غرفهم وسابهم ومشي بالعربيه
وراح مكان مفهوش حد وهادي خالص
فهد: انا كيف ابصلها واسرح فيها كدا فوق يافهد انت مش هتحب غيرها وفضل يخبط علي العربيه بتاعتو
في الفندق جاسمين وامل في اوضه وملك وشهد ومنه في اوضه
امل: جاسمين نمتي
جاسمين: لا لسه في حاجه
امل: شوفتي ادم مزز كيف يابت
جاسمين: امل اتخمدي وبطلي هبل زي التانيين
امل: هبل اي والله مززز ولا فهد مززز اووي كمان يالهووي علي عيونه وعلي دقنه ولا عضلاته يالهوووي
جاسمين: املللل اتخمدي وراحت حاطه المخده علي راسها ونامت
الصبح
محمد: انتصار يانتصار
انتصار: ايو يابيه
محمد: اطلعي صحي ادم وفهد عشان يمشو معايا
انتصار: بس استاذ فهد مكنش نايم النهارده هنا في الفله
محمد: كيف ده امال بات فين ولسه بيتكلم فهد دخل من الباب
انتصار: اهو جه اهو
منه: كنت فين ياستاذ
فهد مردش عليها وسابها ومشي
محمد: فهد كنت فين
فهد: ليه في حاجه
محمد: انت شارب صح
فهد: اه
محمد: برضو ناوي تسهر وترجع وش الصبح وتشرب يافهد
فهد: عادي وانتو مالكم
محمد راح ضاربه بالقلم علي وشه: هو اي اللي مالكم انت مش فايق انت بتقول اي ولا اي يافهد فوق كدا
فهد: هطلع اخد دش
محمد: تاخد دش وتيجي وراي علي الشركه عشان التدريب هيبدا النهارده
فهد: خلي ادم ومروان يدربوهم النهارده وانا ابقا ابدا معاهم من بكرا
محمد: اخلص واطلع خد دش وتعال وراي
فهد: حاضر روح وهاجي وراك
محمد: تمام انتصار
انتصار: نعم
محمد: اطلعي شوفي ادم وخلي يجي وراي
انتصار: حاضر
ــــــــــــــــــــــــــــــــــــــــــــــــــ
جاسمين: خلصي يا امل انا خلصت من بدري
امل: خلاص اهو بس اوع اوع اي الشياكه دي قمر يخربيتك وغمزتلها
جاسمين بغرور: دي اقل حاجه عندي
امل: لا والله محسساني اني معرفش جاسمين بس بجد قمر والله يابنت الا اي وهتخطفي الجو
جاسمين: الله يخربيت الجوء بتاعك ده ان جاي للتعليم بس انتو جايين للجوء ام انا نو واخلصي عشان اكيد البنات اي اخرون
امل: ماشي يلا
جاسمين: ها خلصتو
شهد: اه بس اظبط الطرحه وخلاص
جاسمين: ماشي بس بسرعه هنتاخر
شهد: حاضر اهو يلا
جاسمين: يلا
ــــــــــــــــــــــــــــــــــــــــــــــــــــ
انتصار: استاذ ادم
ادم: ايو ياداده
انتصار: استاذ محمد مشي قدامك علي الشركه وبيقولك تروح ورها ومتتاخرش عشان البنات اللي جي تدرب
ادم: تمام انا خلصت لبس ورايح اهو
انتصار: تمام وماشيه خبطت في فهد
انتصار: انا اسفه يافهد يابني بس مخدتش بالي انت لحقت اخدت دش ولبست
فهد: اه ياداده اروح اشوف ماما واروح علي الشركه
انتصار: اه روح والنبي عشان هي سالت عليك بليل وانا قولتلها انك جيت تعبان ونمت ومرتش اقولها انك كنت سهران
فهد: تمام شكرا اروح اشوفها وامشي
انتصار: ماشي يابني روح
فهد خبط علي الباب وفتحو ودخل: ماما صاحيه
_اه
فهد: صباح الورد ياست الكل
زينب بصتلوا بصه سريعه وبعدت عينها عنه تاني
فهد: بتبصيلي ليه كدا عارف انك زعلانه اني مجتش بليل بس راحت عليا نومه
زينب: انت مكنتش نايم انت كنت سهران بر صح
فهد نزل عيونه في الارض: اه كنت سهران نفسي اعرف اكدب عليكي بس دايما مش بعرف اسف
زينب: دايما بتقول كدا وبتسهر انا اه قاعدها علي الكرسي بس ببقا عارفه كل حاجه وانا قاعدها مكاني
فهد: ياواد ياجامد انت كيف
زينب: مالكش فيه واصلا مش بكلمك يلا امشي
فهد بتمثيل انه زعلان: بقا كدا عايزاني امشي حتي من غير متديني البوسه بتاعت الصبح والدعوه الحلوه
زينب: مع انك بتمثل بس بتصعب عليا عامل زيها كانت بتمثل عليا ومكنتش بقدر استحمل
فهد: متزعليش ان شاءلله هنلاقيها بس ادعي
زينب بعياط: بدعي من زمان وربنا مش راضي يستجاب و ترجعلي
فهد: ان شاءلله هترجع عشاني انا وانتي بس استني وقولي يارب
زينب: يارب
فهد باس علي راسها: يارب اروح بقا الشركه هتعوزي حاجه
زينب: عايزه سلامتك ياروحي
فهد: تسلميلي يازنوبتي ياعسل سلام
زينب: سلام
ـــــــــــــــــــــــــــــــــــــــــــــــــــــــــــ
جاسمين هي ديه الشركه حد يرن بقا علي اي حد ادم او اي حد عشان مش هنعرق ندخل
شهد بتريقه: رني علي ادم يامل
امل بقرف: حاضر ياشهودي ومسكت التلفون ولسه هترن لقت ادم نازل من العربيه
جاسمين: بس ادم اهو
ادم: انتو واقفين ليه كدا
جاسمين: فين صباح الخير ولا سلام عليكم ياستاذ ادم
ادم: اسفين ياشختنا صباح الخير وسلام عليكم في حاجه تاني تتقال اقولها
جاسمين: لا كدا فله
ادم ببتسامه : الحمدلله المهم واقفين ليه كدا
امل: مش معانا اي اثبات يخلونا ندخل
ادم: اه صح طيب يلا ندخل وابقا اطلعلكم الاثبتات
جاسمين: تمام يلا
البنات الخمسه دخلو مع ادم وادم بدا يعرفهم علي المكتب اللي هيبقا ليهم المشترك وبعدين اخدهم ونزلهم المعمل تحت
ادم: هو ده المعمل اللي شغلنا هيبقا فيه
ملك باعجاب : يالهوووي ده كبير جدا واي الناس دي كلها
ادم: ههههه دول ناس بتتدرب زيكم وجايين من كل الاماكن عشان الشركه عالميه
جاسمين: المكان حلو اووي احنا هنبدا من النهارده صح
ادم: اه بس تعالي نطلع نروح عند استاذ مروان الاول وبعدين نشوف هنبدا النهارده ولا لا
جاسمين: اشطااا يلا وهم طلعين جاسمين ااااه
جاسمين: مش تفتح يااعماء انت وبترفع راسها لقته فهد
فهد: تانيييي
جاسمين: اسفه والله ياستاذ فهد
فهد: تلمي لسانك مدام هنا في الشركه انتي هنا مش لوحدك الشركه مليانه وتاخدي بالك وانتي بتتحركي
جاسمين: حاضر
فهد وجها كلامه ل ادم: وانت وريتهم المعمل
ادم: اه
فهد: طيب طالع بيهم ليه من المعمل مش المفروض تبدا تعرفهم
ادم: طالعين نشوف مروان وكنا هنستناك في المكتب عندو لحد ماتيجي
فهد: تمام رن علي مروان وينزل المعمل وانت هات البنات وتعال وراي عشان هنبدا النهارده تدريبات
ادم: بس النهارده اول يوم تعريف بس وبكر يبداو يشتغلو ويدربه
فهد: انا قلت اي اخلص هو مش لعب عيال صغيرين هاتهم وراي ويلا نبدا وسابهم ونزل
ادم: الله يخربيتك يافهد
شهد: ليه بس كدا ده عسل
ادم : لا والله
شهد: ها قصدي انه خايف علي مصلحتنا وجدع
ادم : اه تمام انزلو انتو وروحو عندو علي المكتب اللي ورتهولكم تحت وانا ارن علي مروان واجي وراكم
جاسمين: تمام ياستاذ ادم يلا يابنات وراحو نزلو عند فهد
فهد: امال فين ادم
شهد بسهوقه: استاذ ادم بيرن علي استاذ مروان
فهد: تمام بص بقا هنا مافيش هزار ولا لعب عيال هنا شغل وبجد واهم حاجه وبص نحيت جاسمين تلموا لسانكم وتاخدو بالكم من كل حاجه فاهمين
شهد: اكيد ياستاذ فهد فاهمين
فهد: تمام كويس اي غلطه من اي حد هيتعاقب عليها تمام
شهد: تمام
فهد: تمام وادم ومروان جو وهيبداو معاكم
شهد: طيب وانت ياستاذ فهد
مروان: فهد هيتابعنا من بعيد وهيكون عينه علينا
فهد: يلا بطلو رغي وكلام وروحو شوفه شغلكم ادم ومروان ورهم المعدات وعرفوهم كل حاجه
ادم: حاضر يافهد يلا يابنات
فهد: اسمهم دكاتر
ادم: دكاتر حاضر ياباشااا يلا يادكاتر
الكل ضحك علي طريقه كلام ادم
فهد: بتضحكو علي اي يلا
ادم ومروان خدو البنات وفهد دخل مكتبه بيتابعهم من الكامرات في المكتب
جاسمين وهي ماشيه مع امل
امل': مالك مكشره ليه كدا
جاسمين: يعني مش شايفه اللي اسمو فهد ده بيكلمني بقرف كيف
امل: هو اصلا بيكلمنا كلنا كدا
جاسمين : انا مش جايه اشحت منه انا بتعلم بمجهودي
ادم من ورهم: اه انتي بتتعلمي من مجهودك بس هو فهد كدا طريقه كلامه مش فيها هزار وكله جد جد
جاسمين: احنا مش قصدنا حاجه بس شوفه بيعاملنا كيف
ادم: انا فاهم كل حاجه فككم منه وخلي بالكم من دراستكم وتدريباتكم
جاسمين: حاضر
ادم: قولولي صح انتو مش مسهوقين زي التلاته اللي هناك دول ليه
امل: هههههه اصلا احنا مش مصحبين عليهم كتير عشان الاستاذه دي مش بتحب الناس المايعه الصايعه عشان كدا لو سالتهم علينا هيقولولك ان احنا تنكين وكلام كتير بس والله انا ماليش ذنب البت دي السبب
ادم: والله البت دي باين عسل وجدعه عارفه ياجاسمين
جاسمين: شكرا ده من ذوقك،عارفه اي
ادم: عارفه انتي فيكي حتت تناكه زي فهد يعني متعيبش عليه
جاسمين: انا ابقا زي المعقد ده مستحيل
ادم: وربنا شكلك هتطلعي شبها في كل حاجه ربنا يسترها
جاسمين: بتدعي عليا ليه يابني حرام عليك
ادم: خلاص يامزز متزعليش
جاسمين: وربنا المعقد لو شافنا وقفين كدا لانلاقي فوق راسنا وبيبهدا فينا
ادم: هههه اصلا زمانه جي ياختي يلا نشتغل قبل ماييجي
جاسمين وامل: بضحك يلا ياخواف زينا
فهد ده كله عمال يتفرج عليهم من الاب بتاعه ومتعصب
فهد: انتو جاين تهزرو تمام انا هوريكم الهزار وراح قايم طالع من مكتبه ورايح عندهم
مروان وادم: بصو بقا دول طلاب زيكم وبيساعدو بعض وبيحضرو دوء جديد مش عارف لمرض اي انتو هتعملو تجارب زيهم واللي يقدر يساعدهم تمام عندكم تجارب وحابين تعملوها انتو تمام برضو
جاسمين: احنا النهارده تعرفونا علي كل حاجه وبكرا انا عندي تجربها هنبدا نشتغل عليها انا وامل
ادم: طيب وشهد وملك ومنه
شهد: احنا عندنا تجربه برضو هنشتغل عليها
مروان: تمام هتشتغلو فريقين يعني
جاسمين: اه
ادم: تمام تعالو شوفوهم وهم شغلين وفهمو واللي يقدر يساعدهم تمام
جاسمين: تمام تعالي يامل ولسه هتتحرك وتمشي خبطت في فهد تاني
جاسمين: ياختييي اسفه ياستاذ فهد
فهد: استغفر الله العظيم انتي عمياء يادكتوره انتي ما تلبسي نضاره لام تاخدي بالك بقا مش كل شوي تخبطي في
جاسمين: اسفه بس والله مش عارفه ليه بخبط فيك كل شوي ممكن عشان انت عامل زي عمود النور
ادم وهو واقف جمب امل: صحبتك دي لسانها دبش وشكلها هتتنفخ
امل: فعلا هي دبش دي كدا قليل ربنا يسترها
فهد: انتي بتقولي اي يابت انتي متلمي لسانك بدل مرفضك من هنا
جاسمين: ترفضني ليه هو بمزاجك ولا اي انا اصلا مقولتش حاجه غلط انت فعلا عامل زي عمود النور
فهد بعصبيه: هتسكتو صحبتكم ولا لا
امل: اسفين ياستاذ فهد بالنيابه عنها وانتي اسكتي بقا
فهد: ده اخر تحزير ليها اياك تتكرر تاني وسابهم ومشي
ادم بعد ما فهد مشي: يخربيتك انتي اي لسانك ده
لو مامشيش دلوقتي كنت هموت من كتر مانا ماسك نفسي
امل: والنبي هوه ده وقت ضحك بت انتي لمي لسانك
جاسمين: هو انا غلط في اي مهو كدا فعلا
شهد: عمود اي ده بطل ومزز وقمر انتي مش بتشوفي ولا اي
ملك: فعلا ده مززز وقمر اوووي اووي
مروان وادم وامل وجاسمين ومنه بصين علي ملك وشهد اللي علي اللي بيقولو علي فهد
جاسمين: انتو صايعين اصلا انتو كيف تتكلمو كدا اتلمو
شهد: لا والله يعني كلامنا احنا كخه وانتي كلامك حلو ياختي
ادم: بسسسس انتو الاتنين كل واحدها تروح تشوف هتعمل اي مروان انت هتمسك الفرقه اللي فيها شهد ومنه وملك وانا ابقا مع جاسمين وامل
مروان: طيب بس كلامنا بعد منخلص
ادم: تمام
ــــــــــــــــــــــــــــــــــــــــــــــــ
فهد طلع راح علي مكتب محمد وهو متعصب وفتح الباب من غير ميخبط ودخل
محمد: متعصب ليه كدا في اي
فهد: البت اللي اسمها جاسمين اللي تحت دي لسانها طويل اوووي وبتقول عليا اني عامل زي عمود النور وكل متشوفني تخبط فيا وتقول عليا اني اعمه
محمد: هههههههه بقا فهد في بنت تقول عليه كدا يالهوووي دي معجزه دانت البنات بيتمنا يكلموك هي بتشتمك
فهد: بطل ضحك انت التاني مش ناقصك خالص
محمد: وانا ماللي انت مقدرتش عليها تقدر عليا انا
فهد: مش عارف ليه كل ماجي جمبها بس بحس بحساس غريب جدا عمري محسيته ابدا
محمد: احساس اي
فهد: معرفش معرفش وراح قاعد علي الكرسي
محمد: اهد طيب وصلي على النبي
فهد: عليه افضل الصلاه والسلام
محمد: اوصفلي انت بتحس بي اي طيب
فهد: مش عارف بحس اني متلغبط ومش بقدر اتكلم معاها وبسرح اول ما اشوف عيونها
محمد: كيف ده انتو لسه يعتبر شايفين بعض امبارح ولسه بيتكلم الباب خبط
محمد: مين
ادم: انا يابابا
محمد: ادخل
ادم دخل هو وجاسمين وامل
محمد: مين دول
ادم: دي امل وجاسمين الطلاب اللي جو من مصر
محمد: اه ومد ايدو يسلم عليهم وجه عند جاسمين وفضل ماسك ايدها شوي وحس بشعور غريب
جاسمين: ممكن تسيب ايدي
محمد: اهااا اسف يابنتي شرفتونا
جاسمين: شكرا
محمد: انتي اسمك جاسمين محمد صح واللي طالعه الاولي
جاسمين: اه
محمد: ربنا يوفقك يارب
ادم: بابا هم عايزين يمشو وبكرا يجو يبداو بقا لانهم مكنوش مستعدين يبداو النهارده
محمد: تمام ماشي
جاسمين: شكرا يلا يامل بعد ازنكم
محمد: اتفضلو
ادم: أنا هروح معاهم
محمد: تمام روح
بعد مامشو فهد عمي عمي عمي
محمد: ها في اي
فهد: مالك
محمد: البنت دي زكرتني بيها
فهد: بمين
محمد: حياه