رواية سر الصندوق الاسود الفصل الخامس5والاخير بقلم هويدا زغلول

سر الصندوق الاسود 

الحلقه الخامسه والاخيره

بقلم هويدا زغلول 

وفي الوقت ده دخل فارس وقال 

فارس 

معلش يا جماعه قطعت كلامكم كنت عايزه اقول لرانيا هاني من البقاء لله لقو محروس ابن عمها ميت في حد ضربه بالسكينه والله يرحمه البقاء لله يا مدام رانيا

الكل اتصدم ورانيا جسمها كله كان بيترعش وقالت 

رانيا 

يا نهار اسود ومنيل الله يرحمه يا ترى مين اللي عمل فيه كده 

فارس 

مش عارف يا رانيا هانم انا سمعت من البلد ان هم دخلوا لقوا ميت مضروب بالسكينه بس البوليس لما جه خدوا تليفوني وبيقول ان هو مسجل مكالمات كثير وممكن يعرفوا مين القاتل 

رانيا ما كانتش عارفه تنطق وعلي بص لها وعارف ان هي مخبيه حاجه وقالت بخوف 

رانيا 

الله يرحمه 

وبعديها طلعت على اوضتها وقفلت عليها الباب وكانت خايفه ومرعوبه

وفي الوقت ده علي خبط عليها الباب اول ما دخل لقاها مرعوبه متوتره قرب منها وقال 

علي 

انا عايزه اعرف كل حاجه دلوقتي في ايه يا رانيا مالك خايفه كده ليه كانك عامله عامله وكانك انت اللي عارفه مين اللي خلص على محروس 

رانيا بتوتر 

والله ما عملت حاجه يا علي انا ما اعرفش اصلا مين اللي خلص عليه انا خايفه وحاسه ان الناس كلها هتقول ان انا السبب 

علي 

امال مين اللي خلص عليها هو كان ليه اعداء او كان متخانق مع حد انطقي قولي 

رانيا 

ما اعرفش يا علي ما اعرفش ما تخوفنيش الله يخليك انا مرعوبه لوحدي وحاسه ان الدنيا كلها جايه عليا 

علي 

تستاهلي كل اللي يجرى لك لان انتى ظالمه يا رانيا ظالمه 

وبعديها علي سابها وخرج وكان حاسس ان مراته فعلا ليها يد في موت محروس 

اما في صاله الفيلا كان يونس قاعد مش عارف يرد على حد وكان حزين وعمال يبص على ندى اللي كانت منهاره من العياط قدامه وقربت منه وكانت بتعيط وقالت 

ندى بدموع

طب ازاي ده انا من يومي وانا بحلم اكون لابسه فستان الفرح ولا جنبك يا يونس من يومي وانا بحلم ان انت تكون حبيبي وابو عيالي ازاي تبقى اخويا 

يونس ما عرفش يرد عليها وكان حزين خدها في حضنه وطبطب عليها وقال 

يونس 

حقك عليا انا الغلط ولا عليا ولا عليك الغلط على الكبار ما كانش ينفع يشوفونا بنحب بعض وحبنا بيكبر ويسيبونا من غير ما يعرفونا الحقيقه الله يسامحك يابا 

صابرين قربت منه وطبطبت على كتفه وقالت 

صابرين

حقك عليا انا يا يونس بس اكيد ابوك كان ليه راي تاني وما تزعلش اهم حاجه دلوقتي نعرف مين اللي خلص على ابوك

وبعد ساعتين كانوا قاعدين مش عايزين يتكلموا وساكتين وابتسام كانت حزينه على بنتها اللي حست ان الدنيا كلها اتهدت فوق راسها 

وفي الوقت ده علي نده على رانيا علشان تقعد معاهم وفعلا رانيا ما جاش في بالها ان ندى هتورث معاهم وهتاخد في الورث ولا لا كل اللي هاممها ازاي تطلع من المصيبه دي عشان هي اللي خلصت على محروس 

وكانت قاعده رانيا عماله تفرك في ايديها ومرعوبه وخايفه في الوقت ده دخل الظابط ومعاها كل العساكر وقال 

الظابط 

فين مدام رانيا مطلوب القبض عليها متهمه بقتل محروس ابن عمها 

في الوقت ده رانيا جريت ورا علي وفضلت تصرخ ومسكت في هدومه وقالت 

رانيا 

ما تخليهمش ياخدوني يا علي انا ما عملتش حاجه انا كنت بحمي نفسي هو اللي هددني وكان عايز يفضحني الله يخليك يا علي احميني وسامحني 

في الوقت ده علي ما كانش عارف يرد ويونس كلم الظابط وقال 

يونس 

اهلا وسهلا بيك يا حضر الظابط بس حضرتك متاكد ان رانيا مرات اخويا هي اللي عملت كده 

الظابط 

الكاميرات وضحت ان هي اخر واحده دخلت عند محروس ابن عمها ومش بس كده ده هي كمان كانت متفقه معاه يجيب لها سم وتخلص على واحد اسمه الحاج حامد متهيا لي ده والدكم 

صابرين بصريخ 

لا لا ما حدش يقول ان هي اللي عملت كده سيبوها اكلها باسناني قبل ما تاخدوها يعني انتى اللي خلصتي على ابويا انتى اللي سميتيه منك لله الهي تتسمي دنيا واخره يا بعيده 

الظابط 

ايوه هي والقانون هو اللي هيحاسبها وكل ده عرفناه بالتسجيلات اللي محروس كان مسجلها لرانيا 

وفي الوقت ده علي بص لرانيا وضربها بالقلم على وشها وقعت على الارض وقال لها 

علي 

كنت حاسس ان انتى ورا مصيبه من المصايب لكن عمري ما كنت اتصور ان انت تخلصي على ابويا انتى طالق طالق طالق 

وفي الوقت ده الظابط والعساكر خدوها ورانيا كانت خارجه من الفيلا وهي عماله تصرخ وتقول 

رانيا 

سامحني يا علي انت ويونس الله يخليكم هاتوا لي محامي وقفوا جنبي انا رحت ولا جيت كنت مراتك بلاش تسيبني يا علي سامحني عشان خاطري انا ما ليش غيرك اخواتي بيكرهوني ومش هيوقفوا جنبي ما ليش غيرك يا علي سامعني يا علي يا علي 

لكن خلاص الظابط والعساكر خدوها وركبوها البوكس وهي كانت منهاره وهي في عربيه البوكس افتكرت كل اللي حصل 

                               فلاش بااااك 

رانيا بعثت رساله تهديد لمحروس وبعديها بعث لها اضحكني على الرساله على الوتس واتريق عليها وقال لها ان انت ما تعرفيش تعملي اي حاجه وان انا اهد الدنيا عليك لو ما جبتيش المليون جنيه 

رانيا اتوترت جدا وحضرت نفسها وراحت بسرعه على محروس واول ما دخلت الشقه عنده بص لي ايديها لقاها فاضيه وقال 

محروس 

جايه بايدك فاضيه يعني فين مليون جنيه يا بنت عمي احب اقول لك ان انا مش هسكت دي فرصه العمر وما ينفعش اضيعها من ايدي ابدا 

رانيا 

وانا جايه اتفق معاك هم 20 الف جنيه وتحطي سنه جوه بقك ومش عايزه اسمع صوتك ودلوقتي حالا تمسحي التسجيلات قدامي 

محروس 

لا والله وانا بقى المفروض مني ان انا هخاف منك واقول لك حاضر لا طبعا يا حبيبتي ده انتى لما شفتي جوزك واقف قدامي انا وانتي كنت هتتجنني ما بالك بقى لما اروح اقول له ان انتى اللي سميتي ابوه شوفي هيعمل ايه 

رانيا 

خلاص بقى يا محروس ما تكبرش المواضيع علشان صدقني بجد انا هخلص عليك انا ما بقاش عندي اي حاجه اخاف عليها 

محروس 

لا والله وانا يعني اللي عندي حاجه اخاف عليها قوي بقول لك ايه هي كده كده خربانه خربانه هتجيبي الفلوس ولا لا

رانيا 

ولو قلت لك لا يا محروس هتعمل ايه 

محروس 

ولا تزعلي نفسك بكره الصبح هتكون كل التسجيلات عند صابرين هانم ويونس باشا وعلي باشا والكل يسمع ويعرفي ان انتى اللي خلصتي على حماكي ههههههههه

في الوقت ده صابرين لقت على الترابيزه طبق فاكهه وجنبي سكينه خدتها وضربته بالسكينه وبعديها محروس مات في وقتها رانيا صرخت ومن خوفها ما مسحتش التسجيلات اللي على التليفون جريت على طول وروحت على البيت وكانت مرعوبه 

                                      بااااااااك 

رانيا بدموع 

يا ريتني ما عملت كده انا اللي استاهل كل اللي يجرى لي انا طماعه كنت عايزه الفلوس خلصت على حمايا والصندوق الاسود راح مني ومش بس كده خلصت على محروس وعلى حياتي دنيتي كلها اتدمرت بسبب طمعي 

اما في الفيلا كان قاعد علي مش عارف يتكلم وبص ل يونس وصابرين وندى وقال لهم 

علي 

حقكم عليا انا السبب اللي كانت مراتي هي اللي خلصت على ابويا يعني لو ما كنتش اتجوزتها كان ابويا زمان وعايش معانا دلوقتي انا اللي جبت الهم والمصيبه الكبيره بيتنا 

يونس طبطب على كتفه وقال 

يونس 

هون على نفسك يا اخويا اهدى شويه وما تزعلش نفسك منها لله وهي هتاخد حسابها وكويس ان انت طلقتها 

صابرين 

يا حبيبي يا ابويا الله يرحمك كان نفسي اكلها باسناني بس هم اللي منعوني كان نفسي اسمها زي ما انت كمان اتسميت يا ابويا الله يرحمك يا حبيبي 

ندى قربت من صابرين وحضنتها وقالت 

ندى 

لما بيقولوا ان الدم بيحن فعلا دي حقيقه انا دايما بحبك وكنت ببص لك بصه اعجاب مش عارفه ليه دايما بحب اشوفك فرحانه وعمري ما حبيتك تكوني زعلانه ابدا 

صابرين خدتها في حضنها وعيطت وقالت 

صابرين 

وانا كمان يا قلب اختك عمري في حياتي ما كنت احب تقعدوا في الاوضه اللي بره الجنينه كنت دايما بشوف ابويا بيدافع عنك وعمري ما غيرت منك بل بالعكس كنت دايما بقول له صح كلامك يابا وفي الاخر طلعت اختي وده احلى خبر في الدنيا 

ابتسام 

هو احلى خبر ليكي انتي لكن اوحش خبر ليونس حقك عليا يا حبيبي كنت كل مره انت بتبص فيها لندى وا كنت بمنع ندى واقول لها ما ينفعش تحبوا بعض 

يونس بص لابتسامه وقال بحزن 

يونس 

لو كنتم فكرتوا لحظه ان في يوم من الايام هتوجعه قلوبنا كنت هتقولوا لنا الحقيقه لكن جايه تقول الحقيقه بعد ايه يا مرات ابويا بعد ما حبيت ندى بعد ما كنت كل يوم بتمنى ارجع من السفر عشان اشوف عيونها الجميله انتى وجعت قلبي وقلبها 

وفي الوقت ده ندى قربت من يونس وحضنته وبسط في عيونه وقالت 

ندى 

يا حبيبي يا اخويا كان نفسي كان نفسي دي ما تكونش الحقيقه ودي ما تكونش النهايه والنهايه تكون احلى من كده وان انت تكون شريك حياتي ونكمل حياتنا مع بعض لكن اقول ايه الدنيا دايما ما بتديش كل حاجه حلوه 

يونس مسح دموعها وبص في عيونها وقال 

يونس 

انا هفضل جنبك وسندك يا ندى بعد اذنكم 

وبعديها يونس دخل الاوضه وقفل عليه الباب وكان حزين جدا 

وكمان ندى راحت على الاوضه وقفلت عليها الباب 

وكمان علي والكل اللي كان حزين وابتسام كانت حزينه على البيت اللي كان الفرحه والضحكه بتكون في كل مكان دلوقتي بقى احزن بيت في البلد 

وعدى شهر على ده الحال واخوات رانيا عرفوا ان هي اتسجنت ومحدش فيهم راح لها في السجن 

ورانيا كل يوم تستنى الزياره يمكن اي حد يجي يبص عليها او يطمن عليها لكن للاسف طلعت الناس كلها بتكرهها وما حدش سال فيها واتحكم عليها بالسجن 

وعدى كمان شهر وعلي ويونس وندى وصابرين بداوا يحبوا حياتهم الجديده وابتسام خلت للبيت روح عشان هي بقت امهم دلوقتي 

وفي يوم كانوا كلهم قاعدين على السفره بيتغدوا دخل عليهم فارس وكان معاها بوكيه ورد وقال 

فارس 

مساء الخير يا جماعه انا النهارده مش ابن الجنايني انا النهارده عريس جاي اتقدم لصابرين هانم وعارف ان علي باشا ممكن يرفضني لكن عندي امل ان يونس باشا ممكن يقنعه ويقبلني انا بحب صابرين هانم وعايز اتجوزها 

في الوقت ده ابتسام زغرطه وقالت 

ابتسام 

لولولولى خلوا الفرح يخش البيت يا ولاد وليه يرفضوك يا حبيبي هو في احسن منك يا فارس 

علي بص الابتسام بعصبيه وقال 

علي 

ايه اللي انت بتعمليه ده يا مرات ابويا بتزغرطي ليه انا قلت لك زغرتي 

في الوقت ده صابرين عينيها دمعت وعرفت ان كلهم هيرفضوا فارس بصت في الارض وما اتكلمتش وبعديها علي بص لي فارس وقال 

علي 

وانت كمان جاي من غير ميعاد عيب قوي وما يصحش فين الشيكولاته حد يجيب بوكيه بس اه يا راجل يا بخيل يلا يا ندى قومي بيلى الشربات والف مبروك 

كلهم كانوا طيرانين من الفرحه ويونس بص لاخوه وحضنه وقال 

يونس 

وقعت قلبي يا شيخ ايوه كده خلي الفرح يخش البيت هو خلاص ابويا عدى الاربعين ما ينفعش نعمل فرح احنا هنعملها سكيتى يا صابرين بس اهم حاجه ان انت تفرحي قلب اخوك 

صابرين كانت فرحانه جدا وندى حضانتها وصابرين بصت لندى وقالت 

صابرين 

عقبالك يا ندى لما تكوني احلى عروسه يا حبيبتي 

في الوقت ده ندى ويونس بصوا لبعض ولسه مش عارفين نتقبلوا ان هم اخوات ويونس كان حزين جدا 

وفارس وكل الرجاله قاموا من على السفره وقعدوا في الصالون وقاروا الفاتحه والكل كان فرحان وسعيد ودي اول فرحه تخش البيت من بعد فراق حامد 

وعلى اخر اليوم كلهم كانوا قاعدين وصابرين كانت فرحانه جدا وقاعده جنب يونس وعلي وندى وقامت وقفت قدامهم وقالت 

صابرين 

ان الاوان تعرفوا الحقيقه وفي سر خطير جدا هيفرحكم كلكم هو زعلني انا هو سر هيصدم الكل بس لازم تعرفيه 

وبدات صابرين تحكي على كل حاجه 

                            فلاش بااااك 

لما كانوا كلهم قاعدين ورانيا دخلت كوبايه القهوه لحامد 

صابرين قامت تتوضا علشان تصلي وقبل ما تتوضا خرجت للجنينه علشان تشم شويه هوا 

وفي الوقت ده كانت واقفه في ظهر اوضه ابوها ولقيت ايديه بتخرج ورمت الصندوق الاسود صابرين اول ما شافت الصندوق الاسود جريت عليه واخذته وهنا عرفت ان الموضوع كبير وان ابوها عمره ما يعمل كده غير لما يكون في حاجه كبيره جريت على الاوضه وخبت الصندوق الاسود وبعديها لما نزلت للاوضه عرفت ان ابوها اتسم 

                             بااااااااك 

صابرين 

هو انت ليه مش متفاجئ يا يونس 

يونس بضحك 

هههههه عشان انا رجعت الكاميرات وشفتك وانت بتاخدي الصندوق الاسود وجريتي على الاوضه بس قلت اكيد الموضوع مش كبير وما فيهوش حاجه لو كان في حاجه انت كنت قلتي 

علي كان مصدوم وقال 

علي 

الصندوق الاسود ده ابويا كان زمان بيتكلم عليه على طول يا صابرين يا ترى في ايه 

ندى 

ايه الصندوق الاسود ده وفي ايه 

ابتسام بتوتر 

الصندوق الاسود ده يا اولاد في كل الاسرار اللي ابوكم مخبيها وبدل صابرين كان معاها الصندوق الاسود يبقى كانت عارفه ان ندى اختها واني انا مرات ابوها لان في قسيمه جوازي وشهاده ميلاد ندى 

صابرين 

الصراحه كنت عارفه وفي حاجه ثانيه كمان كنت مصدومه جدا لما عرفتها 

الكل كان باصص لها وصابرين قالت 

صابرين

يونس مش اخويا ولا اخوك يا علي يونس غريب عننا

في الوقت ده الكل اتصدم ويونس بص لها وقال 

يونس 

لا لا الله يخليك الكلام ده ما فيهوش هزار ايه الكلام اللي انت بتقوليه ده 

صابرين 

الكلام ده مش كلامى دي شهاده الميلاد اللي كانت في الصندوق الاسود وفيه فلاشه لازم نشغلها ونعرف فيها ايه انا فعلا ما اتفرجتش عليها 

وبعديها لكل قعد جنب بعضه وصابرين شغلت الفلاشه وكمان فارس كان قاعد جنبها والكل كان مركز وكان فيها فيديو لحامد وبيقول فيه 

حامد 

ازيكم يا اولاد عاملين ايه بدل دلوقتي قاعدين جنب بعض وتتفرجوا عليا على الفيديو ده يبقى انا الله يرحمني خليكوا ايد واحده ولازم تعرفوا ان ابتسام مرات ابوك ولا كنت متجوزه في السر وندى اختكم وليها فلوس زيكم بالظبط بلاش تاكلوا بعض يا ولاد 

وانت يا يونس مش ابني انت ابن صاحبي في اليوم اللي كانت مراتي حامل فيه كانت مرات صاحبي حامل وللاسف مراتي كانت في المستشفى والجنين مات في بطنها وكان لازم ينزل ومرات صاحبي مراته ماتت وهي بتولد وجابت ولد زي القمر وسميته يونس 

لكن للاسف صاحبي جه وخد ابني من المستشفى وسجله باسمه وانا كنت دايما بسال عليه وكانت دايما مراتي تقول لي هاتي علشان ارضعه عشان ابنها كان ميت في التاسع وعدى شهر واثنين والولد عندنا عشان ابوه مش عارف يرعاه والبلد كلها عرفت ان يونس ده ابني انا وبعد شهر واثنين صاحبي الله يرحمه وكان  مات في حادثه وكان اعز واحد في اصحابي قررنا انا ومراتي ان الناس كلها تعرف ان يونس ابننا عشان ما حدش يبص له بصه غريبه وانا ما قصرتش معاك يا يونس كبرتك وخليتك احسن واحد في الدنيا وعلى فكره كاتب لك في الورث زيك زيهم بالظبط 

وبالمناسبه يا ولاد الورق اللي معاكم لازم تسلموا لي البوليس كنت هعمل كده بس كنت خايف عليكم علشان اللي هددوني هددوني بيكوا انتم واحد اسمه عزيز والثاني مدحت وفي غيرهم عايزين يعملوا صفقات تؤذي البلد وانا ما وافقتش والورق اللي معايا يسجنهم اعملوا الصح وخلي بالكم من نفسكم 

وبعديها الفيديو خلص والكل كان بيبص للتاني وكانوا مصدومين ويونس ابتسم وقال 

يونس 

ده بجد يعني ندى مش اختي عندك حق يا صابرين الخبر حلو جدا لكن هيزعلك انت وعلي لكن هيفرح قلبي انا وندى 

ندى قربت منه وكانت لسه هتحضنه ابتسام وقفت في النص وقالت 

ابتسام 

جرى ايه يا بنت حامد ما تحترمي نفسك يا بنت انتى انتى كنت الاول بتحضنيه مفكره اخوك لكن دلوقتي طلع غريب كتب الكتاب الاول 

يونس 

بس كده يا حماتي من عيون الاثنين احلى ماذون في الدنيا وهنكتب احلى كتب كتاب بحبك يا اجمل ندى في حياتي 

ندى بصيت له بحب وفرحه وقالت 

ندى 

وانا كمان بحبك يا كل حياتي ربنا يخليك ليا 

وبعديها علي مسك الصندوق الاسود وفضل يقلب فيه ولقى ورق كثير فعلا لازم يتسلم البوليس وبص ليونس والفارس وقال 

علي 

الورق ده لازم يتسلم النهارده قبل بكره يا فارس انت ويونس الورق ده طول ما هو موجود في الفيلا احنا مش في امان ابدا ده الناس دي ممكن تخلص علينا 

صابرين بخوف 

لا لا يا اخويا بعد الشر عليكم يخلصوا عليكم ده ايه يلا روح اعملوا الصح زي ابوكم وما قال لكم 

وفعلا تاني يوم فارس وعليه ويونس راحوا البوليس وسلموا كل الورق وفعلا الظابط امر بالقبض على عزيز ومدحت 

وفي مكتب عزيز كان رايح جاي عمال يتمشى في المكتب بكل توتر دخل عليه مدحت وقال 

مدحت 

انا جيت لك اهو يا باشا موضوع ايه اللي انت عايزني فيه هو في ايه خضتني 

عزيز 

لا يا اخويا بعد الشر عليك من الخضه يا بني ادم يا بارد رانيا اتسجنت عارف كده يعني ايه يعني الدور علينا هو انت ايه ما بتحسش ولا بتفهم انا النهارده هسافر على اول طياره جاي معايا ولا لا 

مدحت 

هو انت يا باشا خايف عليا ولا خايف لحسن مثلا اقول على كل حاجه انا عارفها عنك 

عزيز 

يعني ده كلام يا مدحت طبعا هسفرك معايا مش عشان سواد عيونك علشان انت لسانك طويل وممكن تبلغ عني وانا مش ناقص وجع دماغ ما هو لا اما ابلغ عنك لاما اخلص عليك 

مدحت بخوف 

لا لا وعلى ايه يا باشا يلا بينا انا معاك في اول طياره ان شاء الله ما حد حوش اما بقى رانيا خدت جزاءها وزياده من يومها وهي طماعه يلا بقى 

لكن يا فرحه ما تمت في الوقت ده البوليس هجم عليهم عشان راح لمكتب مدحت وملقهوش وراح على مكتب عزيز وقبض عليهم هم الاثنين وفعلا راحوا القسم واعترفوا بكل حاجه 

واتسجنوا واخذوا جزاهم 

اما في صاله الفيلا كان الكل قاعد فرحان ومبسوط وكان معاهم خريطه الورث هو فعلا راحوا وكان حامد مخبي كل الورث وكل الدهب بتاعه في اوضه جوه الزريبه بتاعه الجاموسه والخروف 

وبعديها كل العيله راحت الزريبه واول ما دخلوا وفتحوا الاوضه اللي هي جوه الزريبه وكره الاوضه عباره عن شباك ما فيهاش باب بس كانوا كلهم عارفين من زمان ان الاوضه دي فيها عفاريت وان ما حدش ينفع يخش فيها ابدا 

بعديها فتحوا الاوضه بالمفتاح اللي كان جوه الصندوق واول ما دخلوا لقى كل الورث والاملاك والذهب بتاع حامد والعيله كلها بصت لبعض وفضلت تضحك وصابرين قالت 

صابرين 

الله يرحمك يا ابويا دماغك دي طلعت الماظ الماظ يا ناس الورث جنبنا طول المده دي واحنا ما نعرفش 

ندى 

ايوه صحي يا صابرين عندك حق معقوله الورث والذهب ده كله لينا احنا يا حبيبي يا بابا الله يرحمك سترتنا وانت عايش وانت ميت كمان 

في الوقت ده علي قرب من يونس وفارس وبص لهم هم الاثنين وقال 

علي 

كنت في الاول بحسب اني ليا اخوات لكن اكتشفت ان ما ليش اخوات صبيان لكن انا لسه عندي كلمتي انت اخواتي والورثه هيتقسم علينا كلنا ما فيش كلام ولا في طمع ثاني الطماعين خلاص مشيوا وانا عايزكم جنبي اهم حاجه عزوتنا عمرها ما تتعوض ابدا 

وفعلا خرجوا الذهب والاوراق بتاعه الشركات والمخازن من الاوضه وقسموها بما يرضي الله والكل كان فرحان وسعيد 

وبعد شهر بالظبط كانت الفيلا كلها فرح وانوار وكل البلد معزومه على كتب كتاب فارس وصابرين وندى ويونس والكل كان فرحان وسعيد وكتبوا الكتاب والفرحه كانت في كل مكان 

وكلهم عاشوا حياه جميله يونس فتح مستشفى كبيره باسم ابوه وبيعالج الفقراء بالمجان 

اما فارس فتح شركه على قده هو وصابرين وكان بيحبها جدا وعايشين حياه جميله وبسيطه 

اما علي رجع لمخازن وشركات حامد وكمل الشغل فيهم وقدر يكبرهم كمان وكمان 

اما ابتسام كانت عايشه معاهم في البيت بس كانت زمان خدامه لكن النهارده بقت ست البيت والهانم كمان 

والكل عاش في سعاده وهنا 

                      تمت