رواية زواج من اجل المال الفصل السادس6والاخير بقلم سولييه نصار

-يا حقـ.يرة ...

صرخ وهو بيخـ.نقها بس هي ز.قته وقالت :

-لا يا حبيبي ...ايديك اللي هتتمد عليا دي أنا ممكن اقطـ.عهالك ...أنا مش مراتك القديمة يا حبيبي فوق ...أنا عارفة اتجوزتني ليه ....انت بيعت نفسك وانا اشتريتك وخلاص دورك انتهى ....وانت استفدت فترة بفلوسي وعيشت كويس. ..وانا بس إكراما انك كنت جوزي مش هطر.دك من الشركة بس هترجع موظف زي ما انت عادي ...واحسنلك متحاولش تضا.يقني عشان والله ممكن اند.مك على اليوم اللي شوفتني فيه ...

-طيب على الأقل سيبيلي العربية ...على الأقل اديني فلوس ...مش معقول بعد ما سمعت كلامك وبعت مراتي وعيالي اطلع من مولد بلا حمص ...

-هو أنا فتحاها جمعية خيرية يا حيلتها ...أنت عبيط ولا ايه ...لا ...طلقني بهدوء بدل ما اشحططك في المحاكم وصدقني لو اخدت خطوة الخلع هطر.دك من شركتي ...ارضى بالكام ملطوش اللي هتاخدهم من الشغل عندي...

دموعه نزلت وهو مش مصدق اللي بيحصله ده ...هو طلع من غير اي حاجة ....خـظسر عيلته ...هو خـظسر وبس ...عمره ما كان يتوقع الغد.ر من رانيا !!

.....

طلقها ...ورجع جري لشيماء ...هو عايزها وبيحبها وهي بتحبه وهترجعله.....

........

-حبايبي حبايبي وحشتوني ...

كان طاهر بيحضن العيال والدموع بتحـ.رق عينيه ...

كنت قاعدة على ترابيزة تانية في النادي ....مغطية عيني بنضارة وانا ببص على طاهر ... مشاعري كانت منطفية ناحيته ...حاسة ولا كأني حبيته من قبل ...معرفش ليه أصر يشوف العيال النهاردة رغم أنه ليه اكتر من أربع شهور مرفعش السماعة حتى يكلمهم بس انا عمري ما أحرم ولادي من ابوهم 

بعد عن عيالي وبصلي وابتسملي بحب ....مردتش على ابتسامته وانا ببص في تليفوني ...

-يالا روحوا العبوا ...

قال للأولاد كده وبعدين قرب وقعد على الترابيزة اللي انا قاعدة عليها ...

-أنا مسمحتش ليك تقعد ....

بس هو تجاهل كلامي وقال بلطف :

-وحشتيني....

ابتسمت بسخرية وقال :

-ايه مش خايف لاقول لرانيا هانم فتسحب منك المصروف ولا حاجة ....

-على فكرة أنا طلقت رانيا !

ضحكت وقولت :

-اه قولي كده ....يااه عشان كده يعني جاي تتدحلب ليا فاكرني هاخدك بالأحضان !

-شيماء أنا لسه بحبك ...وعايز ارجعلك ...

-وايه كمان يا حبيبي ...قول ...يعني هو الكلام بفلوس ...

-أنتي كمان بتحبيني ....يعني لحد دلوقتي متجوزتيش فأنتي مستنياني ...

ضحكت عليه ...فعلا كان مثير جدا للشفقة وقولت ؛

-يعني مش عشان مستنية الشخص المناسب اللي أمنه على عيالي. نفسي ...تؤ تؤ عشان مستنية الاستاذ اللي باع نفسه بالر.خيص وسبحان الله شكلك اترميت برضه بالر.خيص ....شوف يا طاهر لو أوضاعك المادية مش تمام اقصى حاجة اعملها عشان العشرة وانك ابو ولادي اني هعفيك من النفقة ...لكن اكتر من كده متطمعش. ..أنت خلاص نزلت من نظري في اليوم اللي بعت نفسك فيه لواحدة ست وانا مقدرش اعيش مع راجل أنا قر.فانة منه .....ف ....

ابتسمت وانا ببصله من فوق لتحت وقولت :

-طلبك مرفوض !

وبعدين قومت من مكاني عشان اشوف أولادي.....

.........

مرت الشهور وطاهر رجع زي ما هو. ...مجرد موظف في شركة رانيا ...حتى رانيا جوزها شرط أنها متشتغلش وهي رضيت بطيب خاطر ...كنت مستغربة أن رانيا الست القوية المتـ.سلطة مطيعة للدرجادي للي كان طليقها وأصبح جوزها ...حتى أنه اتجوز عليها ودخلت المستشفى وهي منها.رة بس اختارت تكمل معاه ....الله يسامحني وقتها مزعلتش خالص عليها ..  هي اتعمل فيها اللي عملته فيا بس هي اختارت تتقـ.هر وتكمل وانا لا ...أنا اختارت اني أطلق ...احا.رب عشان عيالي ...وهي ده اللي هعمله دايماً....

في عيد ميلادي الستة والتلاتين كنت قاعدة وسطهم وعيوني مدمعة ...عيالي كبروا وبدؤا يعملولي مفاجات ...أنا عمري ما احتفلت بعيد ميلادي بس السنة دي هما عملولي عيد ميلاد بمساعدة صاحبتي  ...دموعي نزلت وانا بحضن اولادي سيف  ومريم ...با.ستني مريم وقالت:

-حطيت تاج على التورتة بصراحة طنط الهام هي اللي ساعدتنا نعملها ليكي ...

ابتسمت وانا ببص لإلهام ..صاحبتي اللي خليتها تشتغل معايا ....وقفت معايا زي ما تكون اختي ...ابتسمت إلهام وقالت :

-بيقولوا عليكي انك ملكة عشان كده عملنا التاج ...عيالك بيحبوكي اووي .....

حضنتهم وانا بقولهم:

-أنا بحبكم ...بحبكم أووي  ⁦⁦♡ 

حضنوني وهما بيرددوا :

-واحنا كمان بنحبك يا ماما  ⁦⁦♡ 

اولادي كانوا هما الأمل بعد اللي عمله طاهر ...معرفش أنا هتجوز في المستقبل ولا لا بس حالياً أنا مبفكرش الا فيهم ...هما كل حياتي ...هما جزء مني ...جزء من قلبي وروحي وهديهم كل الحب اللي في قلبي  ⁦⁦♡ 

                          تمت