رواية حبيبة قلبه الفصل التاسع9بقلم سولييه نصار
-بتحبي الشاب اللي شوفناه في الكافية مش كده ؟!
قالها ياسين بإبتسامة فبصت للأرض وقالت :
-أنت تستحق حد قلبه ميكونش مع غيرك ...أنا غلـ.طت الغلـ.طة دي مرة مش هغلـ طها تاني يا دكتور ياسين ...صدقني انت تستاهل الأحسن !
كان ابتسامته هادية وهو بيقول :
-شوفي يا آنسة منة ...أنا الحب بالنسبالي خُرافة حلوة أووي...مش مؤمن بيها بصراحة ...بس انا مؤمن أن فيه حاجات أهم ممكن تخلي الجواز ينجح وشايف الصفات اللي أنا عايزها فيكي انتي ...أنا قاعد في مصر شوية ..من فضلك متقفليش الباب اووي ادي لنفسك فرصة وانا مستني ردك ...
......
كان واقفة بغسل كوباية النسكافيه اللي شربت فيها لما حسيت بيه دخل ...نفـ.خت بضيق فقرب وهو بيقول :
-جبتلك ورد ...
بصيت عليه بتريقة فاتنهد وقال :
-حبيبة أنا والله طالب فرصة ...فرصة واحدة ومش هيحصل ده تاني ...
مردتش عليه وانا كنت هطلع بس هو مسك ايديا وفجأة شالني وهو بيطلع بيا من المطبخ ...
-أنت بتعمل ايه يا بني آدم انت نزلني ..
قولتها وانا بضر.به على كتفه بس هو ضحك وقال ؛
-لا بصراحة شكلك بيكون احلى لما بتتعـ.صبي ......
-هادي قولت خلاص سيبني ...
-لا ...
قالها ببرود وبعدين قعد على الانتريه وانا قاعدة على رجله ...
-ممكن تسيبني ...
قولتها وانا بحاول امسك نفسي معيطش ...مكنتش عارفة ليه انا بالضـ.عف ده معاه ...هو آذ.اني مفروض ابعد واكر.هه بس كنت لسه بحبه ...
-انا عايز فرصة تاني ...عشان خاطري فرصة تاني ...مش هزعلك تاني ...والله يا حبيبة أنا مش عايز غيرك لو عايزها هي كنت هرجعلها لكن للاسف أنا مقدرش ...قلبي مبقاش قادر يتقبلها ...
-قلبك بيحبها...
قولتها بصوت مخنو.ق بس هو ما انكرش وقال :
-الحب لو كان كفاية كنت رجعت لها بس الحب مش كفاية...أنا عايزك انتي تبقي معايا والله هحاول معاكي ...مش هيأس وهديكي الحب اللي انتي عايزاه ....عشان خاطري يا حبيبة اديني بس فرصة ...
-لا ...
قولتها وانا بقوم وقولت :
-أنا مش هقدر اسامحك ...مش هقدر انسى نظراتك ليها ولا اللهفة في صوتك يا هادي ...انت جر.حتني وانا مش هسامحك ابدا ....أنا استاهل اللي يحبني ...مستاهلش بقايا قلب مش عايز يتخطى ...انت مش مش قادر تتخطاها ...انت مش عايز ...مش بتحاول ...وانا مش هحاول مع واحد مش بيحاول حتى يتخطى ماضيه
وبعدين سيبته ومشيت ...على قد ما قلبي وا.جعني بس اني هسامحه فأنا هتو جع أكتر ....
.....
تاني يوم ...
فتحت والدة منة الباب واتصدمت لما لقيت هادي ...
-أنت !!!
قالتها بصدمة وغضب فقال ببرود :
-عايز اشوف منة !