رواية ليلي الفصل الخامس عشر 15 والاخير بقلم مجهول
《15_الاخيــــــــــــــــــــــرة》
*💖 ليس كل من قال لك أحبك يحبك ولكن ثق تماماً من يهتم بك يحبك 💖.......*
فضلنا مدة على الوضع دا ويدي كانت في بطنها وهي خاته يدها من فوق لي يدي شويه كدت بعدت منها باستني بين حواجبي
بقيت اعاين ليها وما عارف اقول ليها شنو طولت ما اتكلمت معاها. فجأتني بكف قوي قلت ليها بي انفعال لحظي مالك لحقتني التاني
كرفست وشي وقبل ما أرد لقيتا بتديني بنية واتلفت واتناولت خشبة كبيرةهنا اتأكدت أنها مجنونة جريت على الغرفة وقفلت علي الباب شغالة تدق الباب بالخشبة وتقول لي امرق بسرعة أحسن ليك امرق لي كان راجل بقيت أضحك في تصرفاته المجنونة والما متوقعه دي كنت محتار وبعاين ليها بي فتحت الباب قعدت في الواطة بي إرهاق واضح طلعت ليها لقيتا منهارة وبتبكي لما بتشهق وتتنهد قعدت قصادا وحضنتها قلت ليها مالك بتبكي قالت لي جعانة أنا وببكي من الجوع عالفكرة دخلت المطبخ عملتا ليها اسباجيتي باللحمة المفرومة استغرقت نص ساعة كاملة ولما طلعتا لقيتا نامت واضح الدموع ما قدرت اصحيها من النوم وما قدرت اخليها تنوم جعانة ضربت على وشها خفيف وقعدت بالغصب وبديت أكل فيها بيدي هي شدة ما نعسانة عيونا ما مفتاحها تأكل مرة تنوم بعد خليتا تأكل شربت شويه من الزبادي متعودة عليه ونامت في حضني حننتني نمت جنبها ومنها صحينا للصبح صلينا الاتنين وهي دخلت المطبخ كنت واقف متردد ما عارف اقول ليها شنو قالت لي من غير تتلفت علي عارفه عايز تقول شنو خجلان من نفسك وجاي تعتزر مني لأنك غلطت وضخمت الأمور وعقابك بايخ ذي وشك واحمض منو. وعايز تفتح صفحه جديده وننسى الفات مش كدا وأنا بقول ليك جاتني من قريب بطريقة دارمية لحدي وصلت جمبي قالت لي أنا ما عندي أي مشكلة الدنيا ما مستاهلة نتعابط فيها ونتشاكل مع بعض قلت ليها كدا بالبساطة دي قالت لي عشان أنت ما عشت الأنا عشتو شوف اتعلمت حاجة وحدة بعد وفاة أبوي ما افرض في أي زول وما اخبي مشاعري وما في داعي لزعل لأنو الدنيا فانية وعمرنا قصير
أبوي كان عندو مزرعة بزرع فيها سمسم كنت بمشي معاه واساعدو كان عمري عشرة سنين كان بيتونس معاي دائما كنا اصحاب كان بيقول لي أنت أحسن من ميت ولد وأنا بفخر بيك علاقتي كانت معاه قوية بس هو كان عيان يومي بشوف حالتو بتسوء لما مات بقيت ضائعة وكان جواي فراغ وحسيت بالنقص. ندمت على حاجات كتيره لأني ما ضميتو كتير وما شميت ريحتو وندمت لأني ما قلت ليه بحبك وعبرت ليه عن مقدار حبي هو كان مدلعني شديد حتى لين كانت بتغيير مني
ارتبطت بيوسف عشان اعبي الفراغ دا عشان أطلع من التشتت دا بس الحصل بعد اتعلقت بيه كسرني واتزوج أختي عشان يقهرني واتزوجتك عشان أنساه وابدا حياة جديدة بس عشان كنت خاته في بالي عايزه أنساه لقيت نفسي بفكر فيه بس الموقف الأخير الحصل بينا خلاني أنسى يوسف بقيت مركزة معاك كيف اصالحك وأكون صادقة اكتر كنت بنتظر تحضني وتبوس جبيني وتقول لي الله يرضى عليك. أو تعاين لي بنظرة الإعجاب البشوفا فيك ولي كلامك معاي ولي تشكيرك لي الأكل كنت منتظرة تهتم بي لأني حامل ما كنت متوقعه تكون جافي كدا أو قاسي جداً
أصلا قالو اكتر زول بتحبو هو اكتر زول بيوجعك وأنت اكتر زول وجعتني
أنا تاني ما عايزه ازعل أو ابطل اخبي مشاعري أنا بحب الاسباجيتي العملتها كانت رهيبة أمس لقيتا الصباح اكلتها. القهوة جاهزة تعال أشرب
بقيت بتبسم زي الاهبل وحضنتا وعيوني ملانة دموع كنت مشتاق ليها كلاما خلاني فرحان يعني هي باردة من برا بس وهشة من جوا ما كنت قايل عندها مشاعر لي أبوها قدر. بتتكلم عنو بطريقة حلوه الحب حق الهوس دا
قعدت في الكرسي وقعدتها في رجولي وبقيت اشم في ريحتا واضمها بقوة لقيتا مغمضة عيونا ومستكينة وفي وشها ابتسامه حلوه رفعت عيونا وعاينت لي وقالت لي لسه بتحبني ولا قلت ليها بحبك اكتر مما تتخيلي أنت زاتو قالت لي ومودة قلت ليها مودة يمكن كان مجرد إعجاب أما أنت كان حب من النظرة الأولى نزلت راسا وضمتني عليه اكتر واخدت نفس عميق قالت لي نفسي ما أبعد منك ابدا شوية أحس بالموية نازلة من رجلها وهي ملامح وشها تتغير اقول ليها بلتي إنتي تقول لي ضهري بطني ما فاهمة شيء شكلي بولد وبقت تبكي قمت شلتها وطلعتا برا وجري على المستشفى قابلنا دكتور كشف عليها وقال لسه عدينا يوم كامل وهي متألمة ما ولدت
والدكتور دا طبعاً كل شويه يكشف عليها ويمسح ليها العرق ويمسك يدها طبعاً أنا باقي لي إلا اخنقو بس سلمان أخوي يهدي فيني ويقول دا دكتور عشان هي بكرية وهو الدكتور الوحيد الموجود سكتنا وهو شكلو انبرش فيها وشابكا ليها اتحملي ي ليلى عايني لي ليلى دي معرقة وهي ضعفت في فترة الحمل ولونا فتح شويه شعرها رغم إنو كان رابطة كعكة اتفكا قال شنو الدكتور عايز يسرح ليها حيوان ..دا ولا شنو. ولما شاكلتو قال عشان نفسياتا وبعدين بخليها ليكم اسي ولدوا براكم رفع كثافتي متحمل عباطتو كنت ادوها الصناعي ودخلوها غرفة الولادة قلت لي سلمان ما تقول حيدخل معاهم سلمان قالي دا دكتور بعدين ما تخاف منو شكلو ود ميكي انتظرنا زمن حتى ولدت وجابت بنت سمتا روعة دخلوها الحضانة طلعت قدر النتشة حجمها قليل وتنفسا كان ضعيف وليلى كانت تعبانة ومحتاجة دم كنت خايف عليها من كلاما الأخير معاي وماقدرت اتماسك وسألتهم منها قالو لي محتاجه لأنها فقدت كتير بقيت أبكي وسلمان يقول اثبت الناس بتعاين فيك حيقولو بكيت عشان مرة ما كنت شغال بي أخوي وأنا شايف ليلى في النقالة مودنها العنايه المركزه
كنت بعاين ليها مركبين ليها الأكسجين ادوها الدم طبعاً الدكتور لسه واقف معاها كأنو ما عندو مريضة غيرا نامت وبعد ست ساعات جابو ليها البت رضعتا وشالوها منها رجعوها الحضانة لينا ويوسف جو. وكنت شايف بعاين ليها بلهفة كدا وباين إنو خايف عليها قال ليها حمدالله على سلامتك قالت لي الله يسلمك وطلعو الموجودين كلهم فضلت معاها بقيت أدمع قالت لي تعال قعدت جمبها وقلت ليها ربنا ما يحرمني منك ويخليكي لي. ي أحلى ليول في حياتي ضحكت وقالت أحلى ليول مرة وحدة كدا أنا حبوظ بستا في راسا وطلعوها بعد اسبوع والدكتور قال ليها ما عايز اشوفك هنا قريب تاني ما تفكري في الحمل إلا بعد خمس سنين فاهمة قالت لي ما بتوصيني أكيد وجاب هدية لي روعة شالت منو ليلى وشكرتو وطلعنا البيت غايظني كان بشكل المهم رجعنا البيت وأنا قلت أمها تقعد معاها ما كنت عايز يوسف العاطل يكون معاها في نفس البيت
مع إنو عارف إنو هي خلاص نفضت ليه
مودة اتزوجت وانقطعت أخبارا راجلا غيور وحتى الشغل حماها ليه يخليها تشتغل من البيت وراتبا ماشي
المهم في فترة نفاس ليلى أمها كانت معاها وكنا عاملين ذي المراهقين نقابل بعض بدس أحضان وبوس عاملين ذي الحبيبين ما المتزوجين بنتقابل بدس يمكن كانت أحلى فترة لينا عشنا فيها رومانسيات وليلى دي كانت متعلقة بي بقت تحبني وحبها دا حاجة كدا خيالية
اهتمام بي نفسها وغيرتا البتحاول تخفيها. أي حاجة فيها حلوه ليها نكهة وتركيبة خاصه خلتني أتصرف تصرفاتا المجنونة وأنا بقيت أتوقع منها اي شئ طبعاً فترة النفاس معروفة عندنا بتشبه ذي فترة الحبسة حقت العرس ليلى أصلا حلوه ومع الاهتمام بقت أحلى بعدت تمت الاربعين أمها مشت ورجعنا لي شقاوتنا والغنج وهي ما قصرت بس كنت مصر اخجلا وعايز اشوف شكلها هي وخجلانة كيف يوم كنا قاعدين وبلعب في روعة بديت أقرب منها ويدي امشيها في ضهرها من بداية رقبتا لي لنهاية ضهرها ووبديها قدام لي بطنها وابوس في رقبتها لما حسيت بتوترا وعرفت أنها عايزاني بعدت منها قلت ليها اديني روعة نزلت عيونا تحت وحاولت تخفف التوتر والارتباك ضحكت فيها وقلت ليها طلعتي بتخجلي ذي الايناث قالت لي عندك شك في انوثتي ضحكت وقلت ليها لا أكيد شالت روعة واتقدمت شلتا منها قلت ليها البت نايمة خليها منك قالت لي لما أنا خليت البت تنوم أنت بديت تتعابط معاي قلت يمكن ما عايز قلت ليها منو دا الماعايز تعالي هنا وحصل الحصل
بعد مرور 3شهور
أنا وليلى اتناقشنا وكانت زعلانة مني دخلت المطبخ وقعت لما لحقتها ووديتا المستشفى اكتشفت أنها حامل هي بقت تبكي ولي حظنا نفس الدكتور داك قابلا قال ليها قلت ليك بعد خمس سنين تجيني بعد تلاتة شهور مجنونة إنتي
هي زعلانة وتقول لي أنا بتي لسه صغيره حمل شنو اسي ما تمت خمسة شهور رجعت البيت وزهجانة زهج كلمة ساي تخنق زول أنا اليوم داك عشان ارضيها عملت اي حاجه ما خليت شغل ما عملتو غسيل مكوه نضافة طبيخ ولسه هي مادة بوزا شلت البت ونومتا ونمت في الهول
هي زهجت طلعت لي لقتني راقد في الكنبة رقدت في حضني وضمتني حبيتا اكتر من زمان وكل يوم بقيت أحبها هي البتحببني فيها بتصرفاتا العفوية رجعنا قطر وهناك هي كانت بتحاول تهتم بي روعة والبيت. وأنا
وأنا حاولت اساعدا شويه لحدي لما قربت رجعتا السوادن وولدت هناك وجابت ولد سمينا وليد
والحمدلله حياتنا اتحسنت في بينا نقاشات بتعات الملل بس ليلى. ما بتخلي المشكلة تكبر وتطفيها قبل ما تكبر
تمت بحمد الله