الفصل الاول1
بقلم سوليه نصار
-أنت بجد مجنو.ن سيب ايدي !!!
قالتها سارة وهي بتحاول تشد ايديها من كريم ...
حاولت أنا اهدي الوضع بينهم وانا بقول :
-كريم ميصحش كده الناس بتبص علينا....
بصلي هو بغضب وقال :
-انتي مش شايفة يا ليلى اختك ...مش شايفة تصرفاتها !!
-مالها تصرفاتي ...
صر.خت فيه بغضب ...فوشه احمر من الغضب وقال:
-تصرفاتك زي الز.فت يا هانم !!!أنا مش قولت متتعامليش مع الولد ده تاني !!!بتعانديني يعني وقاعدة معاه في الكافتيريا وبتهزري معاه !!!
-ده زميلي في القسم اللي بدرس فيه وطبيعي اقعد معاه ....انت ليه مكبر المواضيع...
-انا لا مكبر الموضوع ولا مصغر ....انتي اللي مش عاملة حساب لتصرفاتك ...انتي اللي رايحة تقعدي مع الاكس بتاعك واحنا مخطوبين ...انتي شايفة أن ده طبيعي ...هو انتي للدرجة دي مش عاملة ليا اعتبار ....
بصيت حواليا وانا بقول :
-ممكن نمشي ونتكلم في مكان تاني الناس بدأت تبصلنا ...
-ليلى لو سمحتي متتدخليش ...
قالها كريم بغضب ...حسيت اني قلبي بيتكـ.سر من كلامه وبصيت للأرض وانا بقول بصوت مهزوز ...
-أنا أسفة ...
-أنت ازاي بتتكلم معاها بالطريقة دي ..
قالتها سارة بغضب ...حسيت أن كريم هدي شوية وقال:
-انا اسف يا ليلى ..حقك عليا ...يالا عشان اوصلكم ...
وبعدين بص لسارة وقال؛
-واحنا هيبقى لينا كلام تاني يا سارة ....
........
في عربيته كنت قاعدة ورا وانا حاطة عيني في الأرض ...نضاراتي النظر قعر الكوبابة كانت مغطية نص وشي ...ودموعي بتنزل في السر من معاملة كريم ....أنا اتعرضت لاها.نات كتير ..في المدرسة وفي الكلية بس عمري ما اتجر.حت زي ما اتجر.حت من كلام كريم ...يمكن لانه دايما كان بيعاملني كويس ....كان فيه صمت غريب في العربية وانا كل شوية بمسح دموعي من غير ما ياخدوا بالهم....
...
وصلنا البيت ....فخرجت سارة بسرعة وهي بتقفل باب العربية بقوة وبعدين بتجري ناحية العمارة ...أنا فتحت الباب وطلعت ولسه هروح وراها لقيت كريم بيقف قدامي ....عينيه الزرقا كان باين فيهم الإحساس بالذ.نب ....لقيته بيقول بهدوء :
-انا اسف ...بجد اسف ...كنت متعصب ...سامحيني يا ليلى ....
فرحت من جوايا ...كنت حاسة بسعادة غريبة..وابتسمت لحد ما بانت غمازاتي ...وقولت :
-اعتذارك مقبول يا سيدي ...
وبعدين مشيت قدامه وانا حاسه قلبي بيدق جامد ووشي احمر من الكسوف ....مكنتش قادرة امنع ابتسامتي .....طلعت الشقة لقيت صوت عالي ...كانت ماما بتهز.ق سارة بسبب اللي عملته .:...
-انتي مش هترتاحي غير لما يفسخ الخطوبة صح ...مش قولتلك بطلي هطـ.لك ده ...الراجل هيطفش منك !!!
كانت ماما شغالة تزعق فيها جامد ...
نفخت سارة بضيق وقالت :
-انا مخنوقة يا ماما ...ومبحبش غيرته الأوفر دي...ده ...
-بس اخر.سي ولا كلمة ...هو مش اوفر انتي اللي عبيطة ومش واعية للي بتعمليه ......رايحة تقعدي مع وليد تاني ليه ....مش خلاص نهينا الحوار معاه ....نسيتي اللي عمله معاكي .......
-لا ما نسيتش...وانتو كمان منستوش ...عشان كده بتعا.قبوني على اختياري لوليد وخلتوني اتخطب لكريم وانا مبحبهوش !!!.
-مبتحبنيش !!!
قالها كريم بصدمة