رواية عشق محرم الفصل الخامس عشر15والاخير بقلم سوليه نصار

 رواية عشق محرم 

الفصل الخامس عشر15والاخير 

بقلم سوليه نصار

-حرام عليكي مر شهر وانتي مش راضية تدي موافقتك للمسكين ده ...شغال يلف وراكي بقاله شهر ده غير الشهرين تاني  اختفيتي فيهم ...

ابتسمت بكسوف ....أنا مكنتش بتقل عليه ...ربنا يعلم قد ايه أنا بحبه ....بس كنت برضه خايفة ...

-لسه أنا بفكر ...

قولتها وانا حاسة بكسوف فضربتني سارة على كتفي وقالت؛

-يا بنتي انتي. هتمو.تي عليه وهو هيمو.ت عليكي يبقى ليه التقل.ده...متضيعيش وقت عشان انتي بس اللي هتند.مي ....

-بس ...

-من غير بس اثبت حبه ليكي بمليون طريقة ...بضيعي ايام ممكن تكون احلى ايام حياتك عشان خايفة ...ماما وبابا راضيين عن الجوازة والكل مستني موافقة حضرتك حرام عليكي عايزة البس فستان وافرح ....

ضحكت وانا ببص لسارة ...سارة اللي لو واحدة غيرها كانت لامتني على اللي حصل ...حتى لو مبتحبش كريم كانت هتتضايق برضه وتسمعني كلام مش كويس ...لكن سارة معملتش كده ...هي طلعت احسن مني بكتير ...

حضنتها وقولت :

-يعني خلاص اوافق ...

بعدتني عنها وهي بتقول :

-أكيد اكيد وافقي...يالا عشان ازغرط ...

ضحكت وقولت :

-طيب بكرة هبلغه إن شاء الله ...

-لا بكرة ايه ...دلوقتي يالا ..

قالتها بحماس ....

ضحكت وقولت :

-سارة الساعة اتنين الفجر دلوقتي ...لو اتصلت بيه هيترعب وهيفتكر فيه حاجة ...

-لا لا اتصلي بيه دلوقتي يالا ...يالا ...

قالتها بإلحاح ...ومن كتر زنها مسكت تليفوني وانا بتصل بيه ...رنة ...اتنين ...في التالتة رد بصوت خايف :

-ليلى...فيه ايه ...انتي كويسة ...حصل حاجة ولا ...

ضحكت بخفوت وقولت :

-اهدى. ..أهدى محصلش اي حاجة ...أنا اسفة اني صحيتك من النوم...

-يا ستي فداكي النوم ...بس أنتي كويسة؟!..

بصيت لسارة بكسوف اللي شاورتلي اني اتكلم ...بلعت ريقي وقولت :

-أنا كويسة الحمدلله ...أنا اتصلت عشان اقولك ..اني موافقة على طلبك للجواز ...

-أيه؟!احلفي ...مبتكدبيش عليا أنتي صح ...هتتجوزيني يا ليلى....

ضحكت بكسوف فقال :

-أنا هجيب المأذون دلوقتي ونكتب الكتاب ...

ضحكت وانا بقول :

-مأذون ايه ؟!فيه خطوبة الأول و...

-خطوبة ايه ...مفيش خطوبة ...هو كتب كتاب علطول  ...

ضحكت مرة تانية ومتكلمتش ..

وجه رسمي اتقدم بس انا نفذت اللي في بالي ...خطوبة ست شهور ....صحيح كان بيتنطط وزعلان ...بس نفذ اللي عايزاه ....

....

بعد ست شهور ...

-بارك الله لكما وبارك عليكما وجمع بينكما في خير ....

قالها المأذون ماما زغردت وحضنتني هي وبابا ..كنت واقفة جنب سارة لابسة فستان كريمي كنت لسة لابسة نضارتي ...بفرك ايديا بتوتر لما كريم قرب عليا ...قلب ده جامد وهو بيحضني....

.....

بعد شوية ...

كنت قاعدة في اوضتي أنا وسارة معاه ... لوحدنا...كنت بفرك ايديا بتوتر ...كان هو بيبصلي بهيام واضح ....قرب ايديه ومسك ايدي وهو بيبو.سها بلطف ...اتكلمت بكسوف وانا بحاول اشتته عني :

-ياريتني كنت  اتشجعت عملت عملية ليزك بدل نضارة قعر الكوباية اللي انا لابسها دي ومو.حشة شكلي 

-شكلك سواء بيها او من غيرها قمر ...وبيها او من غيرها أنا بحبك  ⁦⁦♡ 

حسيت بالكسوف وهو بيشلها عني وبيقرب مني ارتبكت اكتر وهو بيبوس خدي وبيقول :

-وهفضل طول عمري أحبك يا غزالي  ⁦⁦♡ 

                                    تمت

لقراءة باقي الفصول اضغط هنا