رواية ملك الصقر الفصل الاول 1 والثاني 2 بقلم بسنت شريف
في احدي المقاهي في احدي الدول الاروبية بيكون في شاب قاعد بيشرب
قهوته وباصص لبعيد عشان قدر ينفذ مهمته رغم صعوبتهابس انه الصقر لا يصعب شئ علية صقر المنشاوي ظابط كفء جدا 32من عمره ظابط بالمخابرات مايعرفش المستحيل ومفيش مهمه. قدر يفشل فيها مهما كانت صعوبتها معروف عنه قسوته وشدته في التعامل مع المجرمين في بعض الأوقات لذا قدر يحفز اسمه في الداخلية بسبب القضايا اللي بيمسكها هو عريض المنكبين ببشره سمراه وعيونه سوداء ويحميها ورموش طويله تزيد من
قسوته وحدته وذات طول شاهق وبيمارس العديد من أساليب القتال باحترافية
الطفله ببراءه....عمو ماسوفتس ماما
صقر كان شرد ف عيونهاالزهبيه وجمالها كانها هي مش عارف اي الي حصله فضل واقف متنح مش عارف يتحرك ولا فاهم اللي بيحصل
الطفله بغضب ....انت ياعمو انت سامعني ....ولوحت بايديها عشان تلفت انتباه ....ها اها انت اخواده يعني ولا اي
صقر بصلها بانتباه ...اي اخواده دي
الطفله....انت بتكلم عدل اهو امال اي في اي مس بترد.عليا ليه
صقر مستغرب لمضتها دي....انتي عايزه اي ياقمر طيب اقدر اساعدك.بايه
الطفله ....انا مش اسمي قمر انا اسمي تهب
صقر بمعالم استغراب ...اي تهب دا
الطفله .....يوووه بقي تهب تهب
صقر ....ايوه سامعك بس مش فاهم
الطفله شاورت علي خاتم ف ايدها ...تهب
صقر واول مره يبتسم من سنين....دهب اسمك حلو
دهب ....عالفه وانا بحبه ممكن بقي تساعده القي مامتي او موكتي
صقر .....امممم حاضر تعالي.... قام من علي كرسي والطفله شهقت وحطيت ايدها علي بوقها
صقر .....في اي مالك
دهب....انت طويل اوووووي انت اذاي كدا هو انت صاخب الالجل الاخضل (الرجل الاخضر)
صقر باندهاش من تشبيه....الرجل الاخضر هي حصل للرجل الاخضر انتي بتجيبي الكلام دا منين
دهب ببراءه....من الtv
صقر مسك ايديها ومش عارف يعمل اي يروح بيها فين ولايوديها فين
دهب......اي هنفضل واقفين كدا كتير انا عايزه ماما
صقر لسه هيتكلم قطع صوت واحد
البنت.....دهب دهب انتي فين بدور عليكي
دهب سابت ايده وجريت علي مامتها
امل .....كنتي فين ومين دا
دهب.....دا عمو كنت بخليه يدور عليكم
امل ....شكرا جدا يا استاذ واسفين علي ازعاج
صقر ....حصل خير ....وسابهم ومشي
امل....انا مش قولت مالكيش دعوه بحد اي ومين الراجل اللي يخوف دا ماخوفتيش منه
دهب....مس عالفه هو طويل وعليض كدا اذاي
امل ....مش عارفه
........انتم قاعدين هنا وانا بدور عليكم كدا وكنتي فين يادهب هانم
دهب.....موكتي معلش
امل .....خلاص ياملك كانت واقف مع واحد غريب مش فاهمه جبيته منين دا
ملك بستغراب....اذاي غريب يعني باربع رجول ولا اي
امل....كل كلامك هزار كدا امشي قدامي
ملك....الله مانتي كلامك غريب ياامل يعني اي راجل غريب يعني في حد يقول كدا
_________
ملك بنت جملها بسيط جدااا بس ملفت للانظار بوجها المستدير الصافي وعيونها اللي بلون الذهب الصافي وشعرها الاسود الطويل وقامتها القصيره مش بتوحي لسنهاال18بنت كلها حيويه وبتحب تلعب واغلب حياتها واخداها بهزار ولعب ذي الاطفال ولسه هتدرس اولب طب
4
تستمر القصة أدناه
امل بنت ملامحها هاديه وجميله وبتحب جوزها وليد جدا
وليد....شاب ف 35من عمره شاب طموح جدااا بيسعي لتحقيق افضل مستقبل ليه ولاسرته
علي...شاب ف 23من عمره بيسعي لتحقيق حلمه وانه يبقي ظابط مخابرات ويكون نسخه تانيه من صقر المنشاوي
___________
امل.....يابنتي المشكله انه طويل جدااا وعنده عضلات كدا وعيونه سودا اوووي و حاجه قمر كدا و
ملك....بس بس حيلك حيلك اي يابنتي دا كله انتي ركزتي مع الراجل كدا ليه انا هقول لابيه وليد يشوف الموضوع دا
امل برعب ....انا مابصتش عليه دا بس
ملك.....مابصتيش كل دا ومابصتيش امال لوبصيتي يااست امل هتعملي اي وبعدين يجي اي ف ابيه وليد دا ها ولاطعامه ابيه وليد وحلاوته ياختي حلوه مقطقطه وعسليه وطويل
امل....انتي بتعكسي جوزي قدامي يابت
دهب .....باااااس اسكتو بقي في طياله هنتاخل عليها حلام عليكم
امل وملك افتكرو الطياره وجريو
وليد واقف بعصبيه ومستغرب اختافئهم دا
وليد. ..ممكن اعرف اختفيتو فين وبكلمكم مش بتردو لي
دهب.....مفيس يابابا توهت وكانو بيدولو عليا يا لا نلحق الطياله هتمسي وتسبنا يا لا لا
وليد مشي مع بنته وهومبتسم علي كلامها
وطلعو الطياره كلهم ومن حسن الحظ انهم قعدو جنب صقر
دهب.....هااااا انت تاني هنا
صقر انتبه للصوت وبصلها
امل....دهب عيب كدا
صقر...لاعادي مفيش حاجه
امل همست لملك ....اهو بوصي
ملك بعدم فهم....مين دا
امل.....يالهوي علي غباوه اخوكي جنبنا
ملك....اها فهمت وبصت مكان هي شاورت وفلحظه دي كان اتلفت صقر ناحيه ملك وعنيهم جت ف عنين بعض حسو احاسيس غريبه هما مش فاهمينها
صقر مش فاهم اي الي حصل ولا مين دي بس عنيها عنيها دي هي هو مستحيل ينساها قلبه دق ومش فاهم اي الاحساس دا ولا اي الشعور دا
+
ملك استغربت حست انها شافته قبل كدا في حاجه غريبه هي مش فاهمها احساس غريب وحست انها متلغبطه وتايها
صقر بعد عينه عنها وغاص ف زكرياته واحلي ذكري بالنسبه ليه
فلاش باك
في احدي البيوت البسيطه انتشر الصراخ وصوت العالي
عاليه بخضه ....في اي مين بيصوت كدا
كمال ....مش عارف يمكن لبني بتولد انتي قولتي انها حامل صح
عاليه....اه صح انا نسيت ....وقامت تجري عشان تلحق تنزل ليها
كمال.....اهدي بس في ماتستعجليش كدا
عاليه....اهدي اي البت وحدانيه وملهاش حد ياكمال مانت عارف انا نازله تعالي معايا عشان ننزل نشوفها
كمال .....حاضر يا لا
خرجو الاتنين كان ابنهم ذات ال14سنه واقف مستغرب من صوت الصريخ ومش عارف مين بيصرخ كدا
صقر .....ماما في اي مين بيصرخ كدا في اي
عاليه..... دي لبني جارتنا بتولد يا حبيبي
صقر .....بتولد طيب مش هنروح نساعدها
كمال ابتسم لابنه ...طيب يالا عشان مش نتاخر عليهم
عاليه .....تيجي معانا ياصقر
صقر ....اه طبعا انا مش هسيبك لوحدك
عاليه ابتسمت علي طفلها واخدته ونزلو وخبطه علي جارهم
كمال بيخبط ومتظر الرد وخرج الشخص من الشقه كانه ماصدق لاقي نجده
احمد.....استاذكمال الحقني لبني مراتي بتولد انا مش عارف اتصرف
كمال.....اهدي اهدي ....انا هنزل اجهز عربيتي وانتي ياعاليه ادخلي ساعديها وهننزل نوديها اقرب مستشفي ماتقلقش
وفعلا ساعدتها وبعد وقت وصلو المستشفي وفضلو منتظرين بقلق وتوتر
واخير خرجت الدكتوره
احمد......طمنيني مراتي عامله اي هي كويسه
الدكتوره ....اطمن ....مراتك كويسه وجابتلك بنت ذي القمر تقدرو تشفوها عن اذنكم
دخلو يطمنو علي لبني وبعد وقت دخلت الممرضه بالبنت
احمد.....مشاءالله جميله اوووي
كمال ببتسامه....ربنا يبارك لك فيها يارب
احمد....متشكر ليك انا مش عارف اشكرك اذاي بجد.حضرتك يعني
كمال..ً...مفيش مابينا شكر
صقر ....عمو احمد ممكن اشوفها
احمدببتسامه.....طبعا ياصقر باشا اي رايك
صقر....حلوه اوووي بس هي لي صغيره كدا وليه مغمضه عنيها هي نايمه
احمد....اه نايمه
صقر.....هو انا ممككن اشيلها
كمال....لاياصقر ممكن تقع منك
صقر باص لاحمد برجاء
احمد......طيب تعالي اقعد علي كرسي دا وحطها علي رجلو
صقر كان مبسوط اوووي وفرحته ذادت اول ما فتحت عنيها وغرق ف لون عنيها اللي بلون الذهب
صقر بفرحه ....اده صخيت فتحت عينها فتحت عينها
احمد ضحك علي فرحته
صقر.....انتم هتسميها اي ياعمو
احمد.....لسه مش عارف يا حبيبي انت اقترح اسم ليها
صقر ابتسم....هسميها ملك عشان تبقي ملكي انا وملكه علي الكل هتبقي ملك الصقر
الكل ضحك.علي كلامه
احمد.....وانا مش هكسر كلامك ياسيدي وهسميها ملك
باااااك
صقر فاق من زكرياته علي صوت المضيفه وهي بتنبه ان الطياره هتهبط
تستمر القصة أدناه
الكل ابتدا يخرج من الطياره ويخلص اجراته
صقر خرج من المطار وراح علي شغله
وائل .....صقر المخابرات حمد لله علي سلامتك يا صاحبي
صقر ....الله يسلمك اي الاخبار هنا و اخبار الشغل اي
وائل.....يابني خود نفسك دانت كنت ف ايطاليا بتقبض علي اكبر مافيا ف العالم وخرجت من بوق السبع بالعافيه حد غيرك يكون راجع هلكان وتعبان دا غير النفسيه يابني دا انا سمعت انك خرجت وسلمتهم باصعوبه يعني النفسيه زفت اتهد بقي
صقر بهدوء.....انا داخل مكتبي وابعتلي ملف القضية الجديد
وائل....مفيش فايده.....روح للمدير عشان عايزك وهو هيقولك علي قضيه الجديده
وصل وليد وملك وامل البيت
وخبطو وكانت صدمت علي وهو شايف اخوه قدامه
علي بفرحه.....وليد انت جيت حمدلله علي سلامتك انا مش مصدق ياماما ياعزه ياعزه وليد رجع
عزه.....في اي يا علي بتزعق وليد حبيبي
وليد ....زوزا حبيبتي عامله اي واحشتيني اووووووي
ملك ....اي ياابيه هتفضل حاضنها كدا كتير انا عايزه احضنها شويه انا كمان بقالي 4سنين ماشوفتهاش
عزه ......حبيبتي انتي كمان واحشتيني اوووي اوووي
دهب .....طيب وانا يانانا مس واحستك
عزه.....يا روحي دهب جميله اوووي ربنا يبارك لك فيها يا حبيبي
امل.....نحن هنا علي فكره
عزه .....حبيبتي انتي واحشاني جداااا
فضلو وقت طويل يرحبو ببعض عدي 4سنين علي فراقهم
+
صقر دخل لمديره رحب بيه جدا
المدير.....صقر تعالي اتفضل حمد لله علي سلامتك يابطل
صقر....متشكر يافندم
المدير.....طبعا الكل بيشهد بشجاعتك وقوتك في تنفيذ المهمه ياسياده المقدم
صقر.....مقدم انا
المدير.....مبروك عليك الترقيه ياسياده المقدم
صقر.....الله يبارك فيك يافندم
المدير.....طبعا المهمه اللي انت لسه خارج منها اخدت من وقت ومن مجهودك كتير جدااا عشان كدا انا وليتك تدريب الفرق الجديده
صقر باتسغراب ....فرق اي دي
المدير......مجموعه شباب لسه متخرجين من كليه شرطه هتدربهم وهتختار منهم 15واحد.3فرق هيتوزعه عليكم انت وائل ورامي تمام
صقر .....تمام يافندم
المدير....التدريب مدته هتبقي 15يوم وهيبقي تكملته هنا
صقر.....نعم مش
المدير.....التدريب هيبقي ف الصحراءياصقر عشان يتدربه علي اقصي الظروف اللي ممكن تواجهم ويقدرو يتصرفه وطبعا انت عارف الباقي
صقر .....تمام يافندم
المدير .....هتسافر كمان 48ساعه عشان تكون ارتحت
صقر .....تمام يافندم
ملك قاعده ف اوضتها بتدفرج عليها وسرحانه ف اللي جاي وهتعمل اي ف حياتها وسرحت ف الشخص الغريب اللي كان جنبها حاسه انها تعرفه بس مش عارفه وقطع شرودها دخول علي
علي.....لوكاااااا سرحانه ف اي
ملك....ولا حاجه ...انت اخبارك اي واخبار الكليه اي
علي.....تمام المفروض عندي تدريب ادعيلي بقي يالوكا عشان التدريب دا حياتي كلها متوقفه عليه
ملك بعدم فهم ....يعني اي مش فاهمه انت مش اتخرجت من كليه شرطه يابني وبقيت ظابط خلاص حيات اي بقي اللي بتكلم عليها دي
علي.....بوصي يالوكا المفروض بيحصل تدريب عشان يختارو اكفءطلابه عشان نبقي ف المخابارت و المشكله ان التدريبات دي صعبه اوووي ياملك وانا خايف افشل اومقدرش انفذ حاجه وحلم حياتي كله يروح انتي عارفه اني انا اللي صممت ارجع واسيبكم في ايطاليا عشان ادخل ثانوي عسكري وبعد كدا ادخل شرطه دا حلم حياتي ياملك
ملك ببتسامه.....ومدام انت تعبت هتوصل عارف ماما قالتلي قبل كدا ان ربنا مش بيخليك تتمني حاجه اما تكون ليك ولو مش كاتبها ليك كانت هتبقي ضرر ليك ف انا متاكده وواثقه انك هتنج وهتحقق اللي انت عايزه وهتبقي اكبرظابط ف الدنيا
علي.....ماتحرمش منك يا حبيبتي ويسمع منك ربنا
ملك ابتسمت وسكتت
علي....اي رايك بقي بمان ان انا كلها يومين وهسافر بكرا نخرج وافسحك
ملك بفرحه ....بجد يا علي
علي....طبعا
ملك بتوتر ....ممكن اطلب منك طلب
علي....امري ياست البنات
ملك.....توديني ازور بابا وماما
علي قرب منها.....واحشوكي صح
ملك الدموع اتجمعت ف عنيها وسكتت
علي......حاضر ياست البنات حاجه تاني
ملك ....لا يا احسن ظابط ف الدنيا انا بحبك اوووي اوي
علي ضحك علي جنانها....
استووووووب👯
رواية ملك الصقر
الجزء الأول
الحلقه_الثانيه
علي.....اي الجمال دا بقي وافرض اتعاكستي مني اعمل اي انا اقتلعم وادخل السجن قبل ماببقي ظابط يعني
ملك......لالا بلاش يا ولد معايزينش دم احنا محتاجينك
علي ضحك بصوته كله.....ماشي ياخره صبري اتفضلي قدامي
عزه....خلي بالك منها يا علي
علي.....اخلي بالي من مين بس يازوزا اهدي كدا اهدي
عزه.....ماشي يامجانين ماتتخروش
علي.....حاضر
+
دهب.....والله عال واخدها تفسحها وسيبني هنا لوحدي شكرا شكرا
علي ....يابت انتي متاكده انك طفله اي الغلب دا
ملك....ومين قال دا احنا هنخرج من غير القمر الصغننه اتفضلي ياقمر معايا نختار لبس شيك كدا عشان نخرج مع بعض
علي.....ايوه يعني مش فاهم هتاخدي مين
دهب.....انا عندك مانع
علي....لاياباشا مستنيكم ف العربيه يالا واه ماتنسيش الكاميرا بتاعتك عايز فوتوسيشن ابن ناس كدا واعملي حسابك كمان بورتريه كمان مهو انا مش هفسحك ببلاش
ملك.....نععععععم الاتنين لي يعني اختار حاجه واحده ياتتصور ياتترسم الاتنين مع بعض لي
علي.....هو كدا يا لا بقي عشان مانتاخرش
ملك خبطت برجليها علي ارض ....رخم ومستغل حقير
علي....اي بكابورت في اي يا لا
ملك اخدت دهب وطلعت ليها بنطلون جينز وتيشرت لونه ابيض
دهب....لا انا مش عايزه التيشرت دا انا عايزه لون اللي انتي لبساه عشان نبقي ذي بعض
ملك....حاضر يااخر صبري وجهزتها ونزلو لعلي اخدهم اماكن كتير وراحو الملاهي وكان يوم حلو جدااااا
وفجااه وقف بالعربيه
ملك ....وقفت لي
علي....دهب خليكي هنا ثواني وجاين ماشي يا حبيبتي
دهب.....اوكي ماتتخروس
علي....حاضر يا روحي ....يا لا ياملك
ملك... احنا فين
علي ....مش قولتي عايزه تزوري بباكي ومامتك احنا اهو عند المقابر
ملك ودموعها اتجمعت وبصتله
علي مسك ايديها.....من غير عياط اقريلهم قرآن وبس ممكن يالا
ملك هزت راسها ووقرأت قرآن ورجعت ليها الذكري الاليمه اللي رغم مرور الزمن عليها لسه فكراها
فلاش باك
طفله جميله جدااا قاعده حزينه ودموعها نازله
عزه.....مالها ملك يالبني ليه بتعيط كدا ولي شكلها دبلان كدا
لبني بحزن علي حال بنتها.....من وقت ماسفرو وهي علي حال دا انتي عارفه هي كانت متعلقه بصقر اذاي وفكره انه اختفي من حياتها وضحيت مالقتهوش دي محزناهااووي وانا مش قادره اعملها حاجه
عزه.ً...طيب وهم راحه فين ولا اي اللي حصل
لبني.....مش عارفه حاجه انا كل اللي اعرفه احمد شاف استاذ كمال ماشي بليل و معاه صقر واما ساله رايح فين زعق فيه وسابه ومشي
عزه ....يا حول الله يارب طيب بقولك اي ماتجبيها تقعد معايا يومين تلعب مع علي
لبني ....بس مش هتتعبك ودي لسه عندها 4سنين
عزه ....ياستي يومين و تعالي بعدها بيومين انتي واحمد خدوها
وفعلا اخدوها وكانت اغلب الوقت ملك بتلعب ونسيت نوعا ما حزنها شويه
عزه.....ملوكا تعالي عشان اسرحك بقي عشان بابا وماما جاين
ملك ....بجد.جاين امتي
عزه....ف الطريق ياحبيبتي
ملك منتظره مجي بباها ومامتها يجو بفارغ الصبر
ملك ....هوفي اي ياخالتو ماما اتخرت لي
عزه....مش عارفه يابنتي
وقطع كلامهم دخول محسن ومعاه وليد وباين عليهم الحزن
عزه......في اي يامحسن مالك ياوليد
محسن....مش عارف اقولك اي ياعزه بس انتي ست مؤمنه وموحده بالله
عزه بقلق ....في اي يامحسن ماتكلم
محسن ....لبني واحمد عاملو حادثه البقاءلله
عزه مش مصدقه معقول معقول اختها سابتها وانهارت من العياط ملك واقف بتعيط ذي خالتها ومش عارفه في اي بس هي سمعت ان اسم بباها ومامتها يعني اي الكلام دا ما لهم
ملك راخت لوليد ....ابيه وليد في اي ماما مالها انا مش فاهمه حاجه
وليد وهو بيمسح ودموعها ....ماما وبابا راحو عند ربنا
ملك....يعني اي
وليد....يعني راحو عند ربنا
ملك....يعني مش هشوفهم تاني صح
وليد دموعه نازله مش عارف يقولها اي
بااااك
فاقت من اسواءذكري ف حياتها
علي......اي روحتي فين
ملك بتمسح ودموعها.....ولا حاجه
علي ....اي رايك نطلع علي كورنيش واجبلك ذره وايس كريم
ملك ....لا انا عايزه اروح
علي....ابدا يا لا
واخدها فعلا وجبلها حاجات عشان يخرجها من حزنها دا
ملك بطفوله ....علي علي عايزه بلونه المنوره دي
علي.....مخرج طفله انا صح
ملك....يوه بقي انجز الله
علي ....حاضر جبلها البلونه وجاب لدهب واحده وكانه فرحانين اوووي
صقر راح يقعد علي نيل ويفتكر زكرياته اللي حابس نفسه فيها وخطف انتبه تعبيرات وشها اللي كل شويه بتتغير وضحكتها الكدابه اللي رسماها عشان مايبانش حزن عنيها
صقر.....صدفك كترت اوووي ياتري انتي مين واي حكايتك نفسي تكوني انتي نفسي
صقر روح وبيته عشان يستعد للسفر وملك وعلي روحو عشان علي يستعد للسفر
ملك دخلت اوضتها وطلعت كراست الرسم بتعتها والالوان وابتدت ترسم الرسمه اللي نفسها تبقي بجد
ملك بعد وقت ورسمتها كملت فصلت تبوصلها وتعيط
ملك.....واحشتوني اوووي نفسي ترجعو تاني ولو للحظه واحده خالتو مش ماثره معايا ف حاجه وانا بحبها وبحب علي وابيه وليد جدااا بس انا محتاجكم انتم محتاجه دعمكم ليا
وفجاء كان في ورق العيد ميلاد دا نازل عليها من كل مكان
علي بصوت عالي......مووووووووووكاااااااااا
ملك اتفزعت ....اي في اي
علي بدون مقدمات رش عليها الوان وبهدلها وشها وهدومها
ملك ....عاااااا اي اللي انت هببته دا
علي....عملت كدا ورش عليها الوان تاني
ملك.....يارخم يارخم بهدلت وشي وهدومي يارخم
علي قعد يضحك علي شكلها وصورها كذا صوره
ملك خلته مشغول ف التصوير وغرفته هي كمان بالالوان وفضلو يلعبه كتير زقعده علي ارض
ملك.....ماما اما تصحي....هتعملنا بطاطس محمره علي منظر دا
علي....حصللل دي مش بعيد ترجعك ايطاليا تاني
ملك....ههههههههههه صح
علي.....بقيتي احسن
ملك....انا مش عارفه اقولك اي شكرا بجد
علي....انتي ذي بنتي باردو دانا بعطف علي القطط اللي ف شارع مبالك انتي بقي
ملك....قطط بقي كدا
علي....خلاص يامجنونه انتي عارفه غلاوتك عندي اي ومقدرش اشوفك زعلانه يالا بقي انا هقوم انام عشان هسافر الفجر تصبحي علي خير وابقي نضفي الاوضه بقي
ملك بغيظ....ماشي يارخم
1
صقر صحي عمل روتينه اليومي واستعد للسفر وبعد وقت كان وصل اكتشف المكان كله بعنيه وانتظر الطالبه تتجمع
دخل اوضته ورتب حاجته وقعد منتظر هم.يوصلو وبعد مده عرف انهم وصلو
صقر خرج ليهم .....اهلا بيكم ياشباب طبعا انتم كلكم جاين عشان تدربو بس اكيد.مش كلكم هتتقابلو مجال المخابرات مش هين ومش بالسهوله اللي ف دامغكم عشان كدا هيتم اختيار منكم افضل مايكون وانتم كلكم ربنا يوفقكم ف حياتكم اي ان كان المجال اللي هتشتغلو فيه التدريب هيبتدي من 5الصبح هينتهي 5المغرب التدريب هيستمر 15يوم بس التدريب هيكون لي مجالات كتير وكله مع الوقت هتفهمه الاول انا حابب اسالكم سؤال اي سبب اختياركم انكم تشتغلو ف المخابرات
كلهم باصو لبعض مش فاهمين يعني اي
صقر....اللي قصدي اقوله انتم اما داخلته كليه شرطه كان عشان تبقه ظباط ممكن شرطه او عمليات خاصه او امن وطني وفي كتير تاني اشمعني مخابارت
وابتدا يختار ويسالهم لكن الاجابه مش اللي هوعايز يسمعها
صقر .....وانت
علي....انا
صقر....اه
علي....عشان ابقي ذيك
صقر باستغراب .....ذي انا
علي...اه يافندم ...انا من وانا ف الجامعه كنت بدور علي ظباط المعروفين ف الداخليه عشان اتعلم منهم ومن وقت ماسمعت عن حضرتك وانا بحارب عشان ابقي ذيك
صقر عجبه اصراره.....ربنا معاك وتبقي احسن مني اسمك اي
علي....اسمي علي حسين
صقر.....وانت
.......عشان المخابرات تعتبر افضل مجال ف الداخليه واصعبهم واخطرهم وانا بحب المخاطره
صقر عجبه تفكيره.....اممممم وجه نظر اسمك اي
شهاب....اسمي شهاب
صقر .....تمام ميولتكم ووجهات نظركم مختلفه ودا شي طبيعي بس المهم ولازم يتفهم ان المخابرات مجال كبير جدااا ولازم تكون عندك قوه انتباه مش قوه بدانيه بس لازم تفهمه انكم بتحملو امن البلد دي وبتعرفو اسرار لوخرجت باره الجهاز هنروح كلنا ف داهيه شغلكم رقم واحد.ف حياتكم وقت الشغل باقي الوقت الي مفيهوش شغل انتم حرين اعمله في اللي انتم عايزينه انتم دلوقتي هتروحو ترتاحو من سفر وهتتجمعه بكرا ساعه 5بالدقيقه اتفضلو
صقر دخل اوضته وسرح بخياله الذكري اللي حياته اتغيرت بعدها
صقر راجع من الدرس كانت ملك قاعده قدام البيت وباين عليها الضيق
صقر....مالوكتي قاعده كدا لي
ملك....صقل اخيرا جيت كل دا ف الدلس
صقر....نفسي اعدلك حرف ر اللي بايظ دا معلش بس مالك قاعده كدا لي
ملك....زهقانه اوووي ومفيس حاجه اعملها والبيت تكله بيزعق
صقر.....ههههههههههه دا العادي عارفه يا ملك من وقت بابا مااتصاب ف الحادثه وقعد ف البيت وهوبقي صعب اوووي علي طول بيتخانق وبيزعق من غير سبب انا عارف ان شغله ف الدخليه دا كان حياته وانه ظابط دا كان اهم عنده من دنيا كلها بس داقضاءربنا واللي مضايقني انه معترض علي دا ومبقاش طايق نفسه علي طول بيزعق لماما وبيتخانق معاها وبيضربها ودا بيوجعني اوووي اني اشوف دموعها
ملك هي مش فاهمه كلامه بس شيفاه زعلان ....معلس ياصقل كله هيبقي كويس انت هتكبل وهتدافع عنها بس انت ماتزعلس ملك مس بتحب صقل زعلان
صقر فضل وقت معاها وجبلها شكولاته وطلع ونام صحي علي صوت ابوه
كمال.....صقر صقر اصحي
صقر بخضه... ...في اي يابابا
كمال..قوم جهز شنطه هدومك هنمشي من هنا
صقر.....هنمشي نروح فين
كمال شده من علي سرير ومسك ايديه ....انجز يالا مفيش وقت
صقر برعب ....حاضر حاضر
صقر بيلم هدومه وهو مش فاهم حاجه خايف يسال خايف يتكلم عمره ماشاف ابوه بالاسلوب دا لم هدومه وخرج ....بابا انا انا خلصت هي ماما فين
كمال بانفعال.....انت تنسي كلمه ماما دي فاهم تنسها تمحيها من زاكرتك تنساها خالص فاهم يعني اي تنساها اي
صقر....لا انا مش هنساها انا بحبها و
كمال بانهيار ضرب صقر بالاقلام علي وشه مش مديله فرصه يتنفس
كمال.....لوجبت سيرتها تاني هموتك فاهم هموتك
صقر هز راسه ...حاضر حاضر
صقر فاق من زكرياته
صقر......اااااااه يارب حلها من عندك يارب ....لي ياامي بعدتي عني انتي وملك يارب رجعهملي انا محتجلهم اوووو.