توضيح صغير بس الروايه تكمله لحياه ملك وصقر مش لاولادهم تغير بقي كل مره بيبقي الجزء التاني للاولاد ف التجديد حلو بقي 😂😊🌟
_________//____
صقر وملك حياتهم مستقره وصقر دايما الداعم الاساسي لعيلته الصغيره وفرحان بكل خطوه بيتقدموها
صقر دخل ل ملايكا يطمن عليها واتفجأ انها واقفه علي كرسي ومعاها صوره كبيره بتحاول تلزقها علي حيطه ف فضل واقف متابعها تخلص بس لاحظ انها مش عارفه تتصرف بسبب قصرها ف راح يساعدها ويعرف هي بتعمل اي
صقر.....ملايكا بتعملي اي
ملايكا....بابي ساعدني
صقر. ....حاضر بس بتعملي اي باردو مش فاهم
ملايكا فردت صوره لصقر
صقر......مين دي
ملايكا.....مش عارفه
صقر ....امال بتعلقي صورتها لي وجبتي صوره دي منين اصلا
ملايكا.....عشان نفسي اكون ذيها بابي هي ظابط شاطره وعندها عضلات قويه اووي بوص انا نفسي اكون ذيها وجدو جبهالي
صقر ....ملايكا انتي بنت عايزه يبقي عندك عضلات اذاي بس .
ملايكا.....انت عندك عضلات
صقر......انا راجل ياملايكا ....تعالي ياحبيتي
صقر اخدها وقعد بيها علي سرير
صقر ....بوصي ياحبيبتي انا مش بعترض علي اي حلم انتي بتحلميه وبدربك بوكس ذي مابتحبي لكن ياحبيتي انتي بنوته جميله ماينفعش يبقي عندك.عضلات
ملايكا.....انا بنوته قويه يابابي وهبقي بطله بوكس
صقر باصص ليها فرحان بتصميمها علي حلمها لكن خايف عليها خايف تنسي انها بنت
ملايكا....بابي روحت فين
صقر....معاكي يا حبيبتي
ملايكا.....هندرب امتي
صقر ببتسامه.....هقوم اطمن علي اخواتك ونبتدي ياقمر هي مليكه فين
ملايكا.....مش عارفه
صقر.....ماشي يا حبيبتي انا هروح اشوفها
صقر راح الاول ليونس وكان بيرسم كالعاده
صقر.....اي الاخبار
يونس.....بابا تعالي اتفضل
صقر.....بتعمل اي يا حبيبي
يونس .....برسم
صقر.....انت بترسم عامر صح
يونس ابتسم....اه عيدميلاده بكره يابابا
صقر....امممم وانت ناوي تقدمله رسمه لي كاهديه يعني
يونس .....اه وفي رسمه كمان بوص
صقر باستغراب ...اي دا يايونس
يونس ....دا عامر ومعاه طياره احنا متفقين انا طيار وهو هيصنع طياره يعني مهندس صح يا بابا
صقر....صح يا حبيبي ربنا يحققلكم حلمكم انتم الاتنين
يونس....يارب كان نفسي عدي يبقي ذينا لكن هو عايز يكون ظابط مش عارف لي
صقر....انت عايز تكون طيار لي
يونس.....عشان انا حابب كدا وبحب شكل طياره ونفسي افضل طاير كدا
صقر ابتسم.....هواكيد باردو لي اسبابه ولا اي
يونس .....صح
صقر.....تمرين السباحه امتي يابطل
يونس.....بكرا ساعه10
صقر.......تمام عايزك تجهز كدا البطوله قربت عايز مركز اول
يونس بثقه.....انا يونس صقر المنشاوي ومبحققش غير المركز الاول
صقر بفخر بابنه.....عاش يابطل كمل بقي يالا
+
صقر خرج من عند ابنه فرحان بيه وفخور بيه انه مش بي محقق نجاح ف حاجه واحد لا دا ليه اكتر من حلم وبيسعي لتحقيه وملايكا رغم محولاته المستمره معاها مصممه علي بوكس فاضل مليكه هو مضايق من فكره انها مش ليها حلم هي كل االلي بتتمناه انها تطلع دكتوره وبس وهو مش حابب كدا هو عايزها يكون ليها ميول تانيه تلعب رياضه اي نوع بس المهم يكون في مجال جنب الدراسه تنجح فيه دور عليها ولمحها ف اوضه بعيده قافله علي نفسها
وشافها من شباك صغير وهي بترقص باليه وبتقلد اللي بتشوفه بالظبط فضل متابعها بتغلط وبتعلم نفسها بنفسها اكتشف فيها اصرار غريب ف دخل عليها
صقر.....مليكه انتي بتعملي اي
مليكه بخضه.....بابي انا
صقر.....انتي لي قاعده هنا ياحبيبتي
مليكه بصت ف الارض وسكتت
صقر.مسك ايديها وقعدها علي رجله.....اي ساكته ليه
مليكه مش بترد
صقر حب يشجعها .....اتعلمتيي باليه حلو كدا اذاي كدا
مليكه....بجد.عجبك
صقر ..ًبجد طبعا انتي هايله ياحبيبتي اتعلمتيه اذاي بقي
مليكه.....فيديوهات بشوفها وبعمل ذيها انا بحب الباليه اووي يابابي
صقر.....ومدام بتحبيه اووي كدا لي مش قولتي ليا وانا اوديكي مدرسه تعلمك عشان تبقي افضل
مليكه بسعاده.....بجد بجد.انت موافق
صقر.....وليه ارفض يا حبيبتي مدام حاجه انتي بتحبيها انا هشجعك عشان تنجحي فيها ذي اخواتك
مليكه.....اصل
صقر.....اصل اي يا حبيبتي
مليكه.....انا كنت هقولك بس ملايكا خوفتني
صقر.....اذاي !
مليكه.....قالتلي انه حاجه وحشه وتافها ف بقيت العب لواحدي هنا
صقر....لاياحبيتي مش تافها ولا حاجه انتي موهبه وشاطره اووي ووصلتي لمستوي كويس لوحدك ومن غير مساعده حد.وبكرا هوديكي مدرسه تتعلمي الباليه بس المهم عايزك تكوني افضل واحده وعد
مليكه بسعاده.....وعد طبعا انا بحبك اوي اوي اوي اوي
صقر ....وانا بحبك يا قلبي يا لا بقي عشان نلعب شويه
صقر شالها وخرج ونده علي يونس وملايكا ونزلو الجاردن وفضل يلعب معاهم وقت طويل وبعد كدا قعدهم حواليه
صقر.....بوصو ياحبيايبي انتم التلاته عندي ذي بعض وبحبكم اووي واغلي حاجه عندي.وفخور بيكم وبيولاتكم المختلفه بس حابب افهمكم حاجه مش شرط عشان انتم حابين حاجه وغيركم مش حابيبها انكم تقللو منه بالعكس كل واحد فينا لي تفكيره وطموحاته
ملايكا .....يعني اي بابي
صقر ....يعني ياحبيبتي اختيارك لمجال محدد دا مش معناه انك فشلتي ف حاجه تانيه لا دا انتي حبيتي المجال دا عن الباقي وقررتي تنجحي فيه مش مهم انتم اختارتو اي المهم توصلو لاقصي نجاح في المجال دا وتثبتو نفسكم وماتقللوش من اختيار حد ابدا واهم حاجه انكم تفضلو انتم التلاته دعم لبعض تساندو بعض ف اي اختيار فاهمين ياحبايبي
يونس.....انا بوعدك ب دا يابابا انا هفضل داعم ليهم هما الاتنين
صقر.....طبعا انت مكاني هنا يايونس
ملايكا بصت لمليكه بحزن وحست انها دايما بتقولها ان الباليه حاجه وحشه واعتقدت انها كرهتو بسببها ف قررت تعتزر منها
ملايكا.....انا اسفه يامليكه
مليكه ....علي اي
ملايكا....اني قولت ليكي ان باليه وحش انا مش بحبه بس لكن انتي شاطره وبتحبيه واناهكون معاكي وهجبلك فيديوهات كتير عشان تتعلمي اكتر
مليكه.....بجد.
صقر ابتسم وفرح انه قدر يفهم ولاده صح بطريقه غير مباشره وانهم يفضلو دعم لبعض
يونس.....بابا انا جعان
صقر....وانا كمان ....تعالي نشوف في اكل اي ف التلاجه ونجهزه قبل مامتك ماتيجي
صقر دخل المطبخ وعياله معاه بيساعده وكانت ملك مجهزه الاكل هما سخنوه بس وجهزوه
يونس ...هي ماما لي مش عندها حد يساعدها ذي نناه عاليا
صقر.....مامتك ليها دماغ لوحدها يابني وانا بريحها
يونس.....الاول كنا ف شقه لكن حضرتك جبت فيله وباردو علي رايها
صقر. .....حكم القوي بقي هي حابه كدا نعملها اي
ملايكا.....بس انا بحب اكل مامي اوووي
مليكه.....وانا كمان
صقر.....وانا كمان
ضحكو كلهم وكملو تحضير
ملك.....اي روايح دي
صقر .....حمدلله علي سلامه ياحبيبتي
ملك.....الله يسلمك انا مش عارفه اقولك اي بجد انا فعلا تعبانه اوووي وهموت وانام وجعانه جدا
صقر.....اطلعي غيري هدومك وثواني والاكل هيكون جاهز
ملك.....تصدق انت راجل عسليه وبحب الوقت اللي بتكون في اجازه دا
صقر.....لا والله .....اطلعي طيب عشان الاكل جهز
ملك.....لا انا جعانه اوووي ولو طلعت هنام ومش هنزل
صقر.....اوك ....
حطو الا كل وابتدو ياكلو مع بعض وكل واحد طلع اوضته
صقر.....قلبي يومها كان عامل اذاي
ملك.....روحت الجامعه كان عندي محاضره والمستشفي كلمتني كان يوم متعب اووي ياصقر عارف انا من ساعه 10صبح ف العمليات المشكله ف مده العمليه المشكله ان حاله المريض كانت صعبه اوووي وولده المريض كانت بتترجاني انقذ ابنها حاجه صعبه اووي
صقر.....وعملتي اي
ملك.....الحمدلله العمليه نجحت بتمني حالته تكون مستقره
صقر.....اكيد انشاء الله ارتاحي انتي بقي عشان شكلك تعبان
ملك.....اه جدااا تصبح علي خير يا حبيبي
صقر.....وانتي من اهل الخير يا قلبي
اليوم عدي عليهم وصقر تاني يوم سال علي اكتر من مدرسه للباليه وقدم لمليكه بس اترفضت عشان سنها اكبر من سن المحدد
تستمر القصة أدناه
صقر بعصبيه ......يعني اي مينفعش وسنها كبر
بنت .....يافندم بنت حضرتك عندها 6سنين ونص والمفروض السن المحدد للباليه 4 سنين دا نظام المدرسه عشان تتعلمه
صقر.....والله اللي انا اعرفه ان دا شغلكم انتم وانتم مطلوبين تعلموا الاطفال مهما كان سنهم
فب مدرب جيه علي صوت صقر العالي
المدرب....خير يافندم في اي
صقر.....في اني حابب اقدم لبنتي هنا والانسه بتقولي ماينفعش وسنها كبر
مدرب.....هي عندها كام سنه
صقر....6سنين
مدرب ....هي فعلا عندها حق الباليه بيحتاج سن اصغر من كدا عشان في عضم معين بيتم كسره وعضلات بيتم في ليونه ودي بتحتاج سن صغير
صقر.....بس هي بتعرف تلعب باليه
مدرب.....اتعلمت يعني ....طيب اتفضل معايا وانا هختبرها واشوف
صقر اخد مليكه ودخل بيها اوضه التدريب
المدرب.....اذيك ياقمر اسمك اي انا اسمي سراج
مليكه بصت لببها ف هز راسه انها تتكلم.....مليكه
سراج.....اسمك جميل اوي بتحبي الباليه يامليكه
مليكه.....اوي
سراج .....اممممم بتعرفي ترقص باليه بقي ولااي
مليكه.....بعرف طبعا
سراج عجبه ثقتها......طيب وريني كدا
مليكا ابتدت تعمل الحركات اللي اتعلمتها وسراج كان بيتابعها بانبهار لانها تعتبر مسابقه اللي ف سنها
سراج......بارفو عليكي يامليكه بجد انتي موهبه جداا انتي لازم تكوني معانا
مليكه فرحت وبصت لصقر
صقر كان فخور ببنته جدا واخدها ومشي وجبلها لبس الباليه ورجع بيها البيت
ملك.....انتم كنتم فين
صقر.....اطلعي حبيبتي اوضتك غيري هدومك
مليكه.....حاضر
ملك....هو في اي ياصقر
صقر.....هوانتي كنتي عارفه ان مليكه بتحب الباليه
ملك....اه لي
صقر.....من امتي
ملك....من مده
صقر.....ومش قولتي ليه ماخدتهاش مدرسه تدريبها لي
ملك....هي فجاه قالت لا ومفتحتش تاني الموضوع وانا كمان انشغلت ف المستشفي والمزاكره عشان الماجستير
صقر.....وعيالك فين هااا مستقبلك وشغلك انا معاكي فيهم ومفيش مره مش وقفت معاكي فيهم لكن عيالك مهمين عندك لوهانم مشغوله قولي لي وانا كنت هتصرف
ملك.....صقر انا ماثرتش مع عيالي ف حاجه انا
صقر....ماثرتيش تعرفي ان بنتك بتقعد ف اوضه لوحدها وتشغل فديوهات تعلم نفسها تعرفي ان ملايكا قللت من اختها وحسستها انها فاشله وان الباليه دا حاجه ملهاش قيمه ودا اللي خلها تبعد ومش تقول لحد علي دا تعرفي ان حاجه تافها ذي دي ممكن تكرهم ف بعض لكن انتي مش ف دماغك دا
ملك وطت ف الارض هي ماتخيلتش دا كله يحصل واكتشفت انها بعدت اووي عن ولادها
صقر.....اتمني مايتكررش دا تاني يا ملك مستقبلك اهتمي بيه وانا بكون فخور بكل خطوه انتي بتنفذيها لكن عيالك محتاجينك ياملك اتمني تكوني فهمتي كلامي وتركزي ف تفاصيلهم الصغيره
ملك....حاضر انا مش كان قصدي انا بس
صقر.....عارف يا ملك انه غصب عنك بس دا مايتكررش تاني
ملك....حاضر
صقر....انا قدملتها ف مدرسه تعليم باليه ومواعيدها هبعتهالك ف ماسدج اتمني تتابعي معاها وتشجعيها
ملك.....حاضر. ...ماتزعلش مني طيب اما مش قصدي انا بس
صقر....انا مش زعلان منك يا ملك انا مش عايز عيلتي تتهد يا ملك انا عايزكم كلكم احسن ناس ف الدنيا
ملك....طول مانت معانا هنكون احسن ناس ف الدنيا
صقر باس دماغها ....ان شاء الله نقاشه الماجستير امتي
ملك.....بعد اسبوع انا خايفه اوووي ياصقر
صقر.....ماتخفيش هتنجحي ويتقبل
ملك.....يارب
صقر لسه هيكلم قاطعه تليفون من شغله انه عايزينه
صقر....انا هروح الجهاز واضح ان في حاجه
ملك.....انت مش ف اجازه في اي
صقر.....مش عارف
صقر سابها وراح الجهاز وقابله عز
عز.....اي اتاخرت كدا لي
صقر.....هو في اي
عز.....انت عملت مصيبه
صقر.....نعم انت عبيط
عز.....اصل اللي عايزك رئيس المخابرات تبقي اكيد عملت كارثه
صقر بتعجب.......رئيس المخابرات واعايزني انا لي
عز.....مش عارف
صقر مستغرب هو دايما بياخد.اوامره من المدير اول مره يتم استدعائه من رئيش المخابرات ف راح لمديره يفهم في اي
صقر دخل مكتب المدير اللي كان منتظره
مدير .....تعالي ياصقر
صقر.....هو في اي يافندم مهمه جديده ولا اي
مدير.....بالظبط كدا بس المره دي التكليف من رئيس المخابرات بنفسه ليك انت ياسياده العقيد.
صقر قلق نوعا ما بس مابينش. ....تمام يافندم انا هروح ليه
المدير .....ماشي ياصقر
صقر راح لمكتب رئيس المخابرات وخبط وهو كان متوتر اووي
ودخل اما سمح ليه
صقر.....تمام يافندم
رئيس المخابرات .....تعالي ياصقر
صقر قعد.علي كرسي اللي قدام مكتبه .....حضرتك عايزني
محمود....في مهمه انت متكلف بيها يا صقر المهمه دي من اصعب المهام اللي ف حياتك لان يانفذتها ياما انت عارف النتيجه
صقر ولاول مره يحس بخوف وهو عنده مهمه لاول مره ف حياته نفسه يقوله بلاش انا ارجوك اعفيني بس مايقدرش
محمود.....صقر انت تم اختيارك عشان الخوف مالوش مكان جواك في اي
صقر..... المطلوب مني اي يافندم
محمود ....مجموعه جاسوسيه عايزين يهكرو الامن العربي وانت فاهم توابع دا اي المطلوب منك تفجير جهاز التحكم بتاعم في المجر مجرد.وصولك هناك هتلاقي رجلتنا مستنينك وهيسعدوك
صقر .....والتنفيذ امتي
محمود .....هتسافر كمان يومين
صقر بصدمه.....يومين هو ماينفعش يتاجل سفر
محمود .....تاجيل اي ياسياده العقيد احنا هنهزر ولا اي انت نسيت نفسك
صقر....اسف يافندم....صقر قام وادي التحيه......في الوقت هكون جاهز
محمود......تمام اتفضل
رواية ملك الصقر
الجزء الثاني
الحلقه_ال 2
صقر خرج من مكتب رئيسه راح مكتبه وهو تايه و الاول مره يحس بالرعب دا مش عارف يعمل اي حاسس انه عاجز احساس الضعف والرعب دا عمره ماحس بيه ف حياته بس المره دي غير هو رايح مهمه مش عارف هيرجع منها ولا لا طيب وولاده هيكون مصيرهم اي وملك افكار كتير فكره ان في ناس مربوطه ف رقبته دي بتخنقه اوي وبتخليه عاجز عن التفكير وقطع شروده صوت عز
عز.....يابني روحت فين
صقر......عايز اي
عز....في اي مالك محمود بيه كان عايزك ليه .
صقر اتنهد.....مهمه
عز باستغراب......طيب ودا اللي عمل فيك كدا هي دي اول مره يعني ولا اي مش فاهم في اي
صقر.....ولا حاجه انا هروح
عز.....يابني استني في اي انا عارف انها اكيد مهمه خطيره مدام تكليف من محمود بيه نفسه انا بس عايزك تفك وبعدين دي مش اول مره ياصقر المخابرات ولا اي
صقر بيلم حاجته .....بس المره دي ياعز متجوز وعندي 3اولاد
وسابه وخرج لانه مش قادر يتكلم مع حد هو محتاج يكون لوحده يجمع افكاره ويفهم هو هيعمل اي
صقر فضل لوقت. طويل مع نفسه يفكر هيعمل اي هيقدر ينفذها بس للاسف هو معندوش اختيار تاني وبعد وقت رجع بيته كان ولاده قاعدين بيلعبو مع بعض والي لفت انتباه ان كل واحد بيقوم يعرض موهبته و الباقي يشجعه ودا طمنه عليهم نوعا ما اول مالمحو صقر جريو عليه
يونس. .....بابا انت اتخرت كدا ليه انت مش اجازه
صقر.....معلش يا حبيبي كان عندي شغل
ملايكا.....شغل وانت اجازه اذاي .
صقر ....اوامر عليا نعمل اي
مليكه.....يعني انت مش هتيجي معايا تمرين بكرا بابي
صقر......جاي طبعا
مليكه......هيااااااه حبيبي يابابي وحضنته جامد
صقر....وانتي حبيبتي
ملايكا.....والبوكس يابابي
صقر.....حاضر ياملايكا هغير هدومي واجيلك
كلام ولاده مش بيخلص كالعاده بس لاول مره هو مخنوق مش عارف يسمعهم خوفه بيذيد ودا مضايقه انسحب ما بينهم وطلع اوضته ف هدوء.....ملك لمحته طالع من غير مايكلم ف استغربته وطلعت وراه
صقر دخل اوضته وقعد علي اول كرسي قابله وغمض عنيه وفتحها علي صوت ملك
ملك.....مالك يا حبيبي في اي
صقر.....مفيش
ملك...امال انت روحت فين كدا واتخرت لي
صقر.....كان عندي شغل بس
ملك.....في اي مالك ياصقر انت كويس .
صقر....اه يا حبيبي ماتقلقيش.....انا هقوم اغير.عشان تدريب ملايكا
ملك. لاحظت ان صقر بيتهرب منها محبتش تضغط عليه ......علي فكره انا مش حابه فكره البوكس دي خالص البنت بقيت عنيفه اووي ياصقر
صقر ابتسم......دا للاسف فعلا ملايكا مختاره رياضه صعبه وبتاثر كتير علي اللاعبين حاولي انتي معاها باستمرار وفكريها انها بنت عشان لوفضلت كدا هتنسي انها بنت اصلا
ملك.....دا اللي مخوفني عليها
صقر......دي مهمتك انتي بقي
ملك .....حاضر هحاول معاها
صقر هز دماغه وسابها وراح ياخد هدومه يغير
ملك قلقانه عليه و عارفه ان في حاجه غريبه هي مش فاهمها
صقر بعد وقت خرج من الحمام
ملك مسكت ايده واخدته وقعدو علي كنبه
ملك.....انا عارفه ان بيبقي عندك مشاكل شغل كتير ومش بتحكي عنها بس انت دايما مجرد ما بتدخل البيت بترمي كل حاجه باره فيك ياصقر
صقر .....عندي مهمه جديده
ملك....فيها مخاطره
صقر....مفيهاش خيارات يا ملك يا رجعت او هيقتلوني
ملك .....بعد الشر انت هتنجح فيها وهترجعلي انا واثقه من دا
صقر اتنهد.....ان شااء الله
تستمر القصة أدناه
اتكلمو مع بعض في مواضيع كتير تخص ولادهم وصقر سابها ونزل يدرب ملايكا
اليوم عدي علي صقر رخم اووي لان تفكيره مش بيقف ملك بتحاول تتطمنه وهي نفسها مرعوبه عمرها ماشافت صقر خايف من مهمه ابدا مهمها حصل توتره المره دي قلقها اووي
صقر صحي عمل روتينه اليومي وكلم علي يجهز ليه معلومات هتفيده
ملك....صباح الخير
صقر.....صباح الفل ياملوكتي
ملك فرحت انه هدي عن امبارح ...انت كويس
صقر ....انتي شايفه اي
ملك....شايفه قمر
صقر ابتسم.....بكاشه اووي علي فكره ....يالا عشان نفطر عشان تدريب مليكه اول يوم ليها النهارده
ملك....عارفه واستاذنت من المستشفي اني هتاخر عن معادي
صقر.....اوكي
صقر اخدها ونزل وابتدو يجهزو الفطار واتجمعو كلهم يفطرو
صقر.....تدريبك امتي يايونس
يونس... انا مش هروح التمرين النهارده
صقر.....لي
يونس... عيد ميلاد عامر يابابا انت نسيت وانا استاذنت من الكوتش امبارح وقالي ادرب ف البيت وهعمل كدا
صقر.....العيد ميلاد بليل و التمرين الصبح اي العلاقه
يونس... في تحضيرات ياباباهعملها انا وعدي وعامر
صقر..ً....طيب ....هتروح امتي
يونس.....حضرتك هتوصلني اول ما نخلص
صقر....تمام هتروحي معاه ملايكا
ملايكا.... اه يابابي عشان العب مع عدي
صقر.... هو مش المفروض تقولي جويريه
ملايكا....جويريه بحبها بس هي مش بتحب تلعب معايا انا وعدي
يونس ....اصل جويريه هاديه مش مجنونه ذيك
ملايكا.....انا مجنونه انت رخم وهي كمان وبعدين هي بتقعد ساكته علي طول وممله اووي
يونس .....ماتقوليش عليها كدا جويريه كويسه وحلوه
ملايكا....لا وحشه وملهاش صحاب خالص و مفيش حد بيحبها عشان وحشه
يونس ....ماتقوليش عليها كدا تاني انتي فاهمه
صقر.....وبعدين هتتخانقو وانا قاعد
يونس...يابابا حضرتك شايف طريقتها .
صقر.....انتم الاتنين غلطانين واتفضلو علي اوضتكم من غير كلام
ملايكا بعند....انا مش غلطانه بابي هو غلطان و دايما بيدافع عنها وبيخليها تقعد جنبه وهو ييرسم و احنا لا عشان كدا انا بضايق منها عشان هو بيحبها اكتر مننا
صقر بص ليونس .....تعالي معايا ملك جهزيهم
صقر اخد يونس وطلع بيه اوضته
صقر.....من صغرك.وانا بفهمك الصح من الغلط و دايما بفهمك ان اخواتك رقم واحد صح
يونس هز راسه باه
صقر.....ينفع طريقتك مع اختك دي
يونس.....بابا هي دايما بضايق جوري وجوري مش بتعمل ليها حاجه
صقر.....اممممم طيب وياتري ملايكا بضايق مكه باردو او بتكرها كدا
يونس. .....لا
صقر.....ومستغربتش ليه مع ان مكه وجوري نفس الطبع
يونس هز كتفه.....مش عارف
صقر....بوص يايونس انك تعامل الكل كويس وتحافظ علي بنات العيله دي حاجه كويسه جدا بس اوعي ف يوم توصل ان اخت من اخواتك تغير منها لان دا هيبقي اكبر غلط يا حبيبي اخواتك رقم واحد وبعدين الباقي فاهمني يايونس
يونس ....انا بحبهم اوي يابابا صدقني بس
صقر.....بس اي يونس
يونس....جويريه غير كل
صقر.....اذاي يعني
يونس ......انا بحبها يا بابا بحب اشوفها علي طول وبزعل اما حد.بيزعلها واما اكبر هتجوزها
صقر بصله وفكر شويه وبعد كدا اتكلم ....هحكيلك قصه يايونس كان في واحد عنده 16 سنه شاف بنت حبها كلمها وكملتو وارتبطوا بس دا كان حب مراهقه مر علي حبهم سنتين فتقلب من مراهقه لعشره سنتين ومع الوقت بقت 4 سنين بقت قصه حب لذيذه خرجوا واتكلموا وعملوا كل حاجه باسم الحب بقي عنده 20 سنه وهي 20 سنه هيا رايحه جيا من افراح تهيص لصحابها وهيا كابنت نفسها في اللي يهيصلها وبعد فتره جلها عريس عنده شقه وعربيه وعنده 26 سنه جاهز ووالدها طبيعي وافق المصيبه الكبيره حبيبته اتخطبت عيط كتير وسمع اغاني حزينه وبعد وقت دخل الجيش وحظه كان مش لطيف طلع خدمته عسكري مرور وشاف حبيبته مع خطيبها في العربيه وهو واقف بينظم ليهم المرور نفسه اتكسرت وضهره انقطم قدام عينه اتمني الموت .....فهمتني يايونس
يونس .....لا
صقر.......انت لسه صغير يايونس علي تفكير ف الجواز وكلام دا قدامه سنين كتير اوي يابني عشان كدا عايزك متخطيش خطوه انت مش قدها متبصش تحت رجلك بص قدامك وجهز نفسك وخلص مشاكلك كلها زي الواد ابو 26 سنه بعد كدا دور علي الحب والنصيب وفكر الاول واحسب كل خطوه قبل ما تخيطها عشان متبقاش ضحيه لافكارك.....فهمتني
يونس ....حاضر
صقر.....فكر فكلامي وصدقني محدش هيحبلك الخير ويتمني انك تكون سعيد ذي
يونس ....عارف يا بابا
صقر. حضن ابنه وبعد كدا بعده عنه.....عايزك تخلي بالك من اخواتك وولدتك يايونس خليك دايما ف ضهرهم انا عمري ماعملتك انك ولد صغير انت مكاني هنا يا حبيبي
يونس....هو في اي يابابا هوحضرتك مسافر
صقر.....اه يا حبيبي عندي مهمه ...انا مش عارف هرجع منها ولا لا ولومرجعتش اخواتك ومامتك انت تحميمهم واوعي فيهم تسمح لنفسك اولغيرك انه يكون سبب زعلهم
يونس....حضرتك هترجع انا متاكد
صقر ....ان شااء الله هسيبك تجهز بقي بس بسرعه عشان اتاخرنا
صقر نزل وبعده بدقايق كان الكل جهز ووصل يونس وملايكا عند عز وراحو التدريب مع مليكه وكانو متابعينها بسعاده كبيره
صقر.....انا هروح المكتب عندي شغل
ملك....اوكي
صقر.....ماتتخريش ف المستشفي عشان تلحقي تجهزي قبل عيد الميلاد
ملك ...حاضر
صقر مشي وراح علي شغله وقابل علي
صقر.....ها وصلت لا اي
علي ....دا المعلومات اللي انت طلبتها
صقر.....تمام
علي.....هو انا ينفع اجي معاك المهمه دي
صقر ....اشمعنا
علي.....يعني اكون معاك
صقر.....عشان نتمسك احنا الاتنين صح انت عبيط يالا
علي.....انت هترجع صح.
صقر.....24ساعه من بعد سفري لومرجعتش اعرف اني مش راجع
علي.....انت هترجع انا متأكد انت نفذت عمليات اصعب من دي بكتير
صقر.....ربك يسهل
الوقت بيعدي وصقر بيدرس القضيه وبيدرس تحركاته وتوابع اللي ممكن يوجها هناك وبعد وقت طويل كان رجع بيته عشان يجهز وكانت ملك واقفه ف اوضته بتجهز وكانت لابسه فستان حلو جداا
صقر ....جمالك بيسحر عنيا كاني اول مره اشوفك وبقع ف حبك من اول نظره منك
ملك ....اي كلام الحلو دا
صقر.....انتي اللي حلوه عشان ومفيش كلام يوصف عشقي ليكي
ملك....احنا لوفضلنا كدا مش هنروح العيدميلاد
تستمر القصة أدناه
صقر.ضحك ....عندك حق هروح اجهز
ملك.....اوكي
صقر دخل جهز وبعد وقت كان وصلو عند عز وكل كان بيحتفل مع عامر وبيهنو
صقر لاحظ ان يونس نفذ كلامه وقاعد مع عدي وعامر والبنات مع بعضها
كمال همس ف ودن صقر.....جاهز
صقر.....اه
كمال....هتسافر امتي
صقر.....الفجر ....عايز منك خدمه
كمال .....اي
صقر.ً....تخلي الولاد عندك النهارده
كمال.....ماشي يا عم هنيالو
صقر ضحك.....قبل ماسافر هجيب ملك عندك باردو
كمال.....انت خايف من حاجه
صقر.....لا مفيش عادي عشان الولاد هيخافو ينامو لوحدهم
كمال.....عليه باردو كلام دا
صقر ....هههههه انا هتكل بقي
صقر قام ومسك ايد ملك وخرج من غير ماحد ياخد.باله
ملك.....في اي رايحين فين
صقر ....اركبي وانتي تعرفي
ملك....طيب والولاد فين
صقر....انتي بترغي كتير اوي
ملك ركبت العربيه مع صقر. اسالتها مش بتنتهي بس استغربت اما لاحظت انه رايح طريق البيت وبعد وقت صقر وقف بالعربيه ونزل منها وفتح لملك واخدها
ملك......انا مش فاهمه حاجه في اي
صقر....لو سكتي هتفهمي
صقر اخدها عند الجاردن وملك اتفجئت انها كلها بلالين ومكتوب عليها I love you واللي استغربته ام في ممر عريض علي البول وعليه تربيزه و
2 كرسي
ملك.....اي دا
صقر مسك ايديها وطلعها علي ممر وقعدو ملك كانت متوتره
ملك.....هو مش هيقع
صقر.....يقع ....لا اطمني
ملك مسكت ف ايد صقر....صقر دت بيتحرك انا خايفه
صقر.....انتي فصيله اووي ياملك بجد
ملك.....انا خايفه حاسه ان احنا بنتحرك
صقر.....الممر بيتحرك عشان الامواج الصناعيه ممكن تهدي بقي
ملك......انت عملت دا كله امتي وليه
صقر مسك ايديها .....عيد جوازنا كمان كام يوم وانا هكون مسافر مش هعرف نحتفل بيه مع بعض ف قررت نحتفل بيه بادري ف دا كان تخطيطي من فتره و احنا ف العيد ميلاد كلمتهم يجو ينفزو بس
ملك ......كل سنه وانت معايا
صقر بصلها ودعها من قلبه.....يااارب
صقر حاول يبسط ملك ويفرح معها وقضو اجمل لحظات مع بعض صقر كان جواه احساس انه بيودعها وبعد وقت صقر جهز نفسه عشان يسافر
ملك....انت هترجع امتي
صقر....المفروض بكرا او بعدو بالكتير
ملك.....المفروض يعني اي
صقر.....ولاحاجه ....انتي عارفه اني ماليش مواعيد انا هقووم اجهز وانتي كمان اجهزي عشان اوصلك
ملك هزت راسها واقامت وبعد وقت كانوجهزو وصقر وصلها عن ابوه وطلع اطمن علي ولاده وودعهم ومشي لطريقه المجهول
تمت الاجراءات وصقر سافر وبعد وقت كان وصل متنكر للمكان المتحدد ليه ومجرد خروجه من المطار جيه شخص عليه
الشخص .....مرحبا مستر k
صقر ....اهلا
الشخص ....امشي معايا ....انا اندرو هساعدك هنا
صقر.....تمام اندرو
اندرو اخد صقر وركبو عربيه وبعد وقت نزلو في مكان مهجور
اندرو...تعالي .....مرحبا بيك
صقر....شكرا...
اندرو....انت وقتك هنا قليل جدا انت عارف كدا دي خريطه هتساعدك تعرف مداخل ومخارج المؤسسه صقر
صقر مسك منه الورقه وابتدا يدرسها كويس جدا ويحدد هو هيقتحمها اذاي
اندرو.....ال jbs دا خطر جدا صقر ولازم تكون حزر كتير وانت بتقتحم لان هما ما منين المكان كتير جدا
فاهمني
صقر كل تركيزه ف الخريطه اللي معاه عشان يحدد اذاي هيقدر يقتحم المكان ويخرج ف اقصر وقت ممكن
اندرو.....معايا صقر
صقر....اه ....هو الjbs لي نسخه واحده بس ولا اي
اندرو ....اكيد.عشان كدا المطلوب منك انك تفجر المعمل كله بالداتا اللي فيه
صقر.....تمام
صقر اتكلم مع في تامينات اللي هتم وبعد كدا استعد عشان يروح المقر وقدر يوصل ليهم بعد معناه وهو متنكر ف نفس اليونيفورم بتاعهم عشان يتحرك بسهوله اكتر واخير قدر يوصل للمعمل
صقر دخل كان المكان فاضي دخل علي كمبيوتر الرئيسي وابتدا يفرمته ومسح كل اللي عليه لان دا المتحكم ف الشركه كلها وبعد كدا ابتد يركب المتفجرات بسرعه وخرج بكل سهوله وقبل مايضغط علي زرار عشان يفجرو سمع صوت عياط طفله دور بعينه عليها لحد ماشافها واقفه بعيد راح ليها
صقر..بيبص للبنت كانت في عمر بناته ولاحظ انها لابسه حزام ناسف
صقر للحظه اتجمد مكانه مش عارف يتصرف يعمل اي يهرب لان وجوده خطر علي حياته ولايساعد البنت الي هتموت وتخيلها لوبنت من بناته
صقر.......اهدي اهدي ماتقلقيش
قرب منها بهدوء وحاول يقلعها الحزام ويقوف العد الي ف كنبله وبعد وقت قدر يوقفها
صقر.....اهدي انتي ك.....
وقبل ما يكمل الجمله كان سمع صوت شد اجزاء المسدسات