رواية في قلب القريه الفصل الواحد والعشرون 21 بقلم نوسه

ابراهيم ولد خالتو سعاد بقا يتناقش معاي واول مره يكون معاي صريح وحتي صارحني انو عاوزني عشان امو طلبت منو كده وشكلو هو م بتاع حب ولا قصص حسيت انو مصدوم من زواجو الاول وحسيت انو كان بحبها شديد بس خزلتو وخايف اتخزل تاني واتخذ قرار انو يرتبط بي عشان وضع امو قلت ليهو ابراهيم انا ما عارفه اقول شنو انت فاجئتني بالكلام دا ولو عاوز تتزوج عشان اقعد مع امك صدقني طول م انا قاعده هنا م ح اقصر من امك ودا جزء بسيط من القدمتو لينا  واوعدك وعد اني كل يوم قبل امش الجامعه اجي اعمل ليها كل البتحتاجو م تشيل هم قال لي نوسه افهم شنو يعني ما عاوزاني قلت ليهو ابراهيم انت كنت صريح معاي وقلت عاوزني عشان امك طلبت منك كده وحاساك انك ما حابي فكره الزواج واحتمال تكون م عارف انا كنت متزوجه ي ابراهيم ومريت بتجربه سيئه هي السبب في كل الانا فيهو دا وما عايزه اخوض تجربه وافشل فيها واطمنك امك في عيوني جوووووه قال لي عارفك م بتقصري بس كان نفسي احقق رغبه امي قلت ليهو ليه تحقق رغبه امك ع حسابك نفسك وانا شايفه في عيونك انك طلبت مني الزواج عشان ترضي امك ما رغبه منك ابراهيم الزواج تقرير مصير وحياه كامله ما نرضي فلان ولا علان  انت كمان طالع من تجربه تاني م تكرر غلطك وزي م قلت ليك امك في عيوني والله م تشيل هم  قال لي ح اخليك تفكري م تستعجلي حسيتو بحب امو شديد وعاوز يريحها بس اريح امو علي حسابي انا م ح اقصر منها في شغله بس م نفسي اتزوج واحد واحس انو م راغبني ولا بحبني رجعت البيت وبقيت افكر هل انا اتسرعت في الرد لي ابراهيم ودي فرصه ضيعتها من يدي بس كل م اتزكر كلام عيوني بقول مهما كان هو شنو ومنو وود منو لو ما بحبني وراغبني م ح اتزوجو  م انكر اني كنت مايله ليهو شديد وفي يوم من الايام فكرت فيهو بس كمان مالي درجه انو اتزوجو عشان نرضي امو حسيت راسي داير انشل من التفكير وانا متاكده اني ضيعت الفرصه دي حياتهم دي الحياه الاتمنيتا من زمان  كل زول في حالو وما عندهم شغله بي زول وبحترمو الصغير والكبير والحقد والحسد ما عندهم ولا من ناسو دي الحياه الانا بفتش ليها كنت مع محمد بس الفرق بينهم محمد متاثر بحياه القريه وعاداتهم وتهاونهم بالامور الما صاح رغم انو متعلم بس دا الزول البطلقو عليهو لغب القلم ما زال بلم   وابراهيم انسان في حالو حتي في تعاملو مع امو انسان راقي جدا وبتعامل بي اصول الدين رغم انو اتربا في مكان كل شي فيهو متاح بس هو اختار انو اكون انسان نظيف واي بت في مكاني لو كانت ح توافق من غير نقاش ما زعلت اني رديت عليهو سريع وانبسطتا اني م رخصت نفسي اي انا لي الشرف اني اتزوجو  بس دا لو كان هو راغبني م كان اترددت وكلو لخير 

اشتياق جات من الشغل وحكيت ليها ودقت معاي جرس قالت لي عزت نفس شنو وانتي امورك كلها جايطه الولد وامو ديل انا في طيبتهم ما لاقاني انا حاسه انك كفيتي رحمتك قلت ليها ربنا عالم بي الزواج استقرار ي اشتياق وهو ما راغبني في حد زاتي ناهيك عن وضعهم وطيبتهم بس لو م بحبني م ح اتزوجو قالت لي م عارفه بس ضيعتي عليك فرصه قلت ليها لخير وما زعلانه ربنا يعوضني عن القلبي بميل ليهو ويحبني ويصوني قالت لي طيب وليد انا شايفه اهتمامو ليك م طبيعي قلت ليها ع فكره وليد دا ولد خاله زوجي وطلب مني الزواج عديل بس انا رفضت ومستحيل اتزوجو هو م قصر معاي بس كمان م بلعب بنفسي وانتي شايفه انا تعبت قدر شنو  قالت لي انتي غريبه شديد قلت ليها اشتياق م غريبه بس انا في عرسي الاول شفت الويل عشان كده م عايزه اغلط تاني قالت لي م مشكله قسمتك موجوده قلت ليها حتي لو م موجوده انا اخدت قسمتي  ورضيانه الحمد لله  بقيت اسال فيها من الشغل قالت لي تمام والله واللليله استلمت الملابس عشان اريح ملابسك حبه قلت ليها يخسي عليك والله انا عيوني ليك انتي نسيتي انك طلعتيني من السجن الكنت فيهو قالت لي وانتي برضو سبب في طلوعي منو وكنا سند لبعض وان شاءالله دايما نكون سند لبعض  قلت ليها امين 

المساء رجعت لي خالتو سعاد ولقيت حالتها زايده زياده طلبت من ابراهيم نوديها الدكتور قلل لي طيب يا نوسه البتشوفيهو رغم انها رافضه فكره الدكتور لانها بتخاف قلت ليهو ونعاين ليها كده حرام عديل اتكلمت معاها قالت لي سمح ي بتي ومسكتها غيرت ليها ملابسها ومشيت لبست عبايتي واشتياق اصرت تمشي معانا ومشينا الدكتور قال جسمها ضعيف ترقد في المستشفى ورقدونا قلت لي ابراهيم واشتياق ارجعو انا ببيت معاها اشتياق قالت لي مستحيل انا بخاف انوم براي قلت ليها اشتياق اها ترقدي في الارض وانتي عندك شغل لازم ترجعي ابراهيم قال ليها م مشكله تعالي بيتي في غرفه امي جوه  وانا اصلا بنوم في الصالون حسيتا خايفه قلت ليها اطمني ابراهيم دا زول محترم شديد انا متاكده م ح ينظر ليك غير انك اختو وع العموم لو حصل اي شي اتصلي علي انا بجيك حسيتا اطمنت وابراهيم ساقا وفات وانا بقيت راقده مع خالتو سعاد واليوم داك حسيتا شويه كويسه بعد بدت العلاج والصباح صحيت بي صوتا قالت لي قوميني النصلي وحيلا ما كان شايلا شديد الممرضه جابت ليها حجر قالت ليها اتيممي وصلي بي اصبعك ربنا يتقبل بعد صلت حسيتا مرتاحه لبست عبايتي ونزلت عشان اجيب ليها شاي وما كانت معاي قروش لقيت لي بتاعت شاي بت حلال والمستشفي كلو عندها الدكاتره والممرضين سلمت عليها وقعدتا جنبها براحه قلت ليها عايزه اطلب طلب بس خايفاك تحرجيني قالت لي العفو يا اختي اطلبي قلت ليها انا معاي خالتي جوه عيانه وهي متعوده علي شاي الصباح وانا جنيه م عندي ممكن تديني كبايه شاي اجي ولدها ولا صاحبتي ح اخليهم يحاسبوك قالت لي معقوله يا اختي والله انا عمل الخير دا بفتش ليهو فتيش وجابت احسن صينيه وكبابي وكبت لي شاي انا وخالتي وملت لي الصحن زلابيه قالت لي دا ما دين دي اكراميه مني ليكم وانا الحمد لله ما خسرانه في شغلي بالعكس انا البطلعو الدكاتره ديل م بطلعو قلت ليها الحمد لله ربنا ازيدك وانتي طيبه تستاهلي كل خير قالت لي امين بس م تنسي الكبابي قلت ليها من عيوني شيلت الشاي ومشيت خالتو سعاد قالت لي حسيتي بي انا من يوم مرضتا م شربت شاي والليله مزاجي فيهو قعدتها علي حيلا واديتا الشاي وبقت تشكر فيني قالت لي العلمتي لي بتي م بتعملو قلت ليها وانا بتك انتي نسيتي العملتي معانا قالت لي م عملت معاكم الا الواجب قلت ليها وانا هسي م عايزه شكر دا واجبي قالت لي الله يحفظك وينولني الفي مرادي قلت ليها امين شربنا الشاي واتونسنا وضحكنا الشمس شرقت ابراهيم واشتياق جو لمن شاف امو قاعده علي حيلا انبسط شديد وبقا يتصل لي اخواتو فيديو واتكلمو معاها وشكلهم بحبو امهم شديد وبناتا النوع الراقي ديك بعد خلصو من المكالمه قالو لي جبنا ليكم الشاي قلت ليهم جبتو من المرا بره ابراهيم قال لي لقيتي القروش وين غلبني ارد قلت ليهو ربنا كريم شال الصينيه وقال لي وصفي لي مكانا وصفت ليهو ومشا اشتياق قالت لي انا جيت اطمئن علي خالتو وماشه الشغل سالتها من ابراهيم قالت لي نوسه والله الولد دا كلمه محترم عليهو شويه ما شفت منو الا الاحترام قلت ليها اتوقعت كده وكلها ايام وخالتو سعاد تبقا كويسه ونرجع قالت لي تمام قلت ليها اول م اطلع عاوزه مكان بشتغل راجلك القديم قالت لي نوسه ليه قلت ليها انتي مالك ح افهمك لمن اجيك  قالت لي تمام بس لو عشان قروشي العندو نوسه انا قنعت منهن وبديت حياه جديده قلت ليها تبقي مقفله لو خليتي يتمتع بقروشك قالت لي ح تعملي شنو مثلا قلت ليها م عارفه بس ح اتصرف ان شالله 

مرت الايام وخالتو سعاد بقت كويسه وقلت ليها عليك الله تاني ما تقولي م عايزه الدكتور شوفي بعد اخدتي العلاج ضوقتي العافيه قالت لي الحمد لله اعمل شنو من زمان بخاف من العلاج 

نهايه اليوم اشتياق وابراهيم جو المستشفى والدكتور خرجنا وكتب ليها علاجات مشينا البيت مبسوطين انا كنت تعبانه نومتا شديد وخالتو سعاد بقت تتحرك براها ما شيلت هم نومتا نومه طويله صحيت مع الصبح مسكت تلفوني لقيت رسايل من  وليد وشكلو اتصل كتير رجعت ليهو قال لي انا بديت ليك اجراءات التحويل بكره جيبي ورقك وتعالي لي في الجامعه واعملي حسابك مهاد م تشوفك قلت ليهو طيب سالتو من قضيه اخوهو قال لي م عارف عنهم شي وتاني م تساليني من القصه دي قلت ليهو تمام  اشتياق صحت لقتني اتكلم قالت لي تحبي من الصبح قلت ليها حب شنو وريتا انو وليد قال لي اجي الجامعه قالت لي طيب نطلع سوا لبسنا وشربنا الشاي وطلعنا غشينا خالتو سعاد لقيناها م شاء الله عملت الشاي واشربو فيهو واتونسو ويضحكو قلنا ليها حمد لله على السلامه بركه الشفنا ضحكتك قالت لي الله يسلمك ومسكتنا تاني شربنا الشاي ووريتا اني ح اتحول من الجامعه ابراهيم قال لي خليني امشي معاك قلت ليهو م بحتاج في استاذ من حلتنا عمل لي الاجراءات قال لي طيب اعملي حسابك منو قلت ليهو حاضر طلعتا ومشيت الجامعه ولبست لي نقاب حتي عيوني ما مظهرن وانتظرت وليد جا وتابع لي اجراءات التحويل وحولني في جامعه السودان واليوم كلو لافين والحمد لله بعد تعب حتي اتحولتا وطلبو مني قروش ودي م كنت حاسبه ليها حساب قررت اشتغل وفكرت اشتغل مع راجل اشتياق الاول منها اسدد الرسوم ومنها اعمل لي خطه اشيل بيها حقها دا لو هي سمحت لي انتظرتها جات من الشغل وطرحت ليها الفكره واقنعتها وافقت وادتني وصف مكان شغلو واتفقت معاها اني امشي ليهو بكره ولبست ومشيت وهو شكلو جنو بنات مشغل معاهو بت سمحه وجريئه قلت ليها عاوزه عماد انا جيتو طالبه اشتغل معاكم عاينت لي بي استفزاز قالت لي م طالبين بت للشغل جا هو لقاها تتناقش معاي وسكتا وفضلني ع المكتب بقيت امثل ليهو اني فاقده السند وجيت الخرطوم للقرايه وعاوزه شغل وهو شغال اعاين لي من فوق لتحت بس ما اديتو فرصه لانو كنت لابسه واسع شديد وعيوني ما مظهراهم قال لي اي شغل بتشتغلي قلت ليهو اي شي ان شالله امسح ليك المكتب دا قال لي م لي الدرجه دي بس عاوزك تكوني مساعد في الحسابات بي قلبي قلت ليهو دا المطلوب …..يتبع تفتكرو تصرفها صاح ولا اتهورت وهل ح تفتح ع نفسها ابواب جهنم ولا ح تقدر تشيل حق اشتياق

             الفصل الثاني والعشرون من هنا