رواية ضحية فرعون الفصل الاربعون 40 بقلم منه محمد
ياسين بيخبط ع الباب وبيعيط: بابا احنا اسفين ارجوك افتح الباب
يامن واقف جنبه وحاضن جسمه بأيده من الرعشه وعيونه احمرت وشفايفه ابيضت وقاله: ياسين انا سقعان جامد
ياسين سحبه : تعال نقعد هنا وري العربيه
يامن: انا بردان
ياسين خلع قميصه ولف بيه جسم اخوه
يامن: ليه خلعت هدومك, كدا هتبرد
ياسين ببكاء: انا مش بردان ها لسه حاسس بالبرد
يامن: ليه بتعيط انت سقعان
ياسين: لا مش سقعان , بس ودنك مجروحه وحمرا بتوجعك
يامن : ايوه انا اتأسفت لبابا بس لسه زعلان مني , ليه مبقاش بيحبنا
ياسين: بابا بيحب جيجي بس
يامن: ياسين لو مت تفتكر هيحبني
ياسين: بس انا مش عايزك تموت
يامن: انا مريض مش اي مريض بيموت دايما ياسيبن لو مت متعيطش بابا هيضربك
ياسين ضمه: مش عايزك تموت بابا افتح الباب , يامن تعبان مش عايزه يموت ارجوك افتح الباب ياداده ساره افتحي ساعدينا يا اميره ارجوكي افتحي الباب, مش عايز يامن يموت
امير الكلمه مش عايز يامن يموت اثرت فيه وراح يفتح الباب
جيجي مسكت ايده وقالت له: مفيش داعي تسمعلهم الاطفال في السن ده شاطرين يستعطفوا الكبار لو اتساهلت معاهم المره دي خايفه مش يخافو منك, او يحترموك ابدا
ساره: امير بيه دي بخاخه يامن لازم ياخدها حالا
جيجي: امير مش ضروري هو مش بيعاني من نوبه الربو غير كدا لو سيبتهم بره البيت هما هيدخلوا الجراش يعني مش هيتبلل كفايه حبيبي اطلع اوضتك ارتاح هدخلهم كمان شويه متقلقش
امير: اوكيه
جيجي لنفسها بحقد: يستهلوا ده كلاب بوظوا شعري خليكم بره لحد ما تموتوا
................قصص منه محمد كاتب...............
ياسين: يامن تعال اضمك في حضني لسه بردان
يامن بيرعش: ايوه بردان يا ياسين بلغ ماما اني تعبان
ياسين بصراخ: ماما يا ماما تعالي بسرعه يامن تعبان ماما ساعدي اخويا يامن تعبان ’ حد يلحقنا تعال احضنك اكتر
يامن: ياسين لو مت بابا هيدفني في التراب مش كده
ياسين ببكاء هستيري: انت مش هتموت( جري يخبط بكل قوته) بابا مش عايز يامن يموت افتح الباب
يامن وشه مال للزراق: انا تعبان شكلي هموت يا ياسين عايز انام
ياسين قعد ع الارض وربع رجله وقاله: تعال نام انا واميره بنحبك , يا ماما انتي فين
اميره سامعه استغاثه اخواتها ورايحه جايه مش عارفه ممكن تعمل ايه تنجدهم راحت غرفه امير الي رايح في النوم
اميره هزته: بابا اصحا
امي فتح وبصلها: في ايه بلاش تبقي مزعجه يا اميره دماغي بتوجعني انزلي تحت
اميره: بابا افتح الباب وخلي يامن وياسين يدخلوا يامن تعبان
امير: تعبان اخد علاجه من شويه هو بس شقي وبيمثل مفيش لزوم تاخدي الامر بجد
اميره بدموع: بابا ماما قالت يامن ممنوع يتعرض للبرد والدنيا بتمطر جامد والجو بارد بره , وماما قالت
امير قطعها هو بيزعق فيها: بس مالك ,كل شويه تقولي اسمها , لو هي مهتمتش بيكم خلاص هتموتوا كأنها اعظم ام في العالم انزلي تحت والا هرميكي بره معاهم امشي
امير بصتله بكره شديد واخدت بعضها وجريت بسرعه من المكان برجفة وهي خايفة
امير نفخ بزهق: دايما تشتكي حاجه تقرف
اما اميره نزلت تتسحب لتحت لقت جيجي نايمه ع الكنبه مبتسمه ابتسامة شيطانيه اتغاظت منها وراحت بصت ع اخواتها لقتهم بيترعشوا وياسين قاعد عريان ويامن نايم ع رجله من غير حراك
اميره جريت ع ساره برجاء: داده ارجوكي افتحي الباب, يامن تعبان اوي
ساره: اميره انا خايفه مش باباكي قال محدش يفتح الباب , وطلب من جيجي تفتح بعدين , ولو عملت كدا هي هتتعصب
اميره بعد تفكير: خلاص اتصلي بماما قوللها ان يامن تعبان , ارجوكي اتصلي تيجي تلحقه
ساره بقلق وتردد: انا خايفه , وخايفه اوي ابوكي يتعصب عليا
اميره: ارجوكي عشان خاطري , يامن تعبان وشوفته مرمي بره , داده هو عنده صعوبه في النفس ارجوكي اتصلي بماما
ساره: هتصل بيها حالا والي يحصل يحصل
اميره خطفت الموبيل من الرخامه وعطتهولها وضربت رقم ايمان الي ردت
ساره: ايوه يا ست ايمان
اميره صرخت ببكاء: ماما تعالي بسرعه , بسرعه يامن تعبان اوي
ايمان بفزع: ماله يا اميره
اميره: بابا طرد ياسين ويامن بره ويامن تعبان اوي ارجوكي تعالي هنا بسرعه
ايمان: ابني
.......................قصص منه محمد كاتب...................
ايمان كانت وصلت وفضلت تضرب الجرس محدش بيرد والشتا والرعد بدأ يهطل بغزاره طلعت موبيلها تتصل بأمير مش بيرد
ايمان صرخت: ياسين يامن اميره
ياسين بص ليامن: ماما جات
ايمان بصت من فتحه الباب: ياسين ليه خالع هدومك يا حبيبي فين قميصك متقفش هنا هتاخد نازله برد ادخل جوه
ياسين خده مليان دموع ويشهق : ماما يامن تعبان وبابا رافض يدخلنا
ايمان حاولت تشوف يامن لحد ما لقته مرمي ع الارض وقالت بدموع: ياسين روح ليامن اجري
ياسين سمع كلامها وراح رفع دماغ يامن من ع الارض الي كلها ميه
ايمان هبدت بكل قوتها: ساره افتحي الباب ( هبدت اكتر) افتحوا الباب بسرعه افتحوا
ساره مشت ع اطراف اصابعها واخدت نفس وهي حاسه بالتوتر الي تملك كل انش فيها فضلت ايدها ع الزرار لفتح البوابه وهي مترددة بالخطوه الي هيتعملها وخايفه لأن الخطوة ممكن تفتح النار عليها
ايمان بقت تجري زي المجنونه ع البوابه بتحاول تعمل اي حاجه لحد ما اتصلت بساره: ساره افتحي البوابه حالا يامن اغمي عليه
ساره واميره ..حاولوا يستجمعوا قوتهم جريوا يدوسوا ع زرار فتح البوابه بلهفه
امير نزل: مين الي جه هنا
جيجي بغل: مين غيرها الست دي اكيد حد بلغها تيجي هنا رغم واضح انك مش قاصد تعذب ابنك
امير بتحذير: اميره اياك تفتحلها الباب, ساره حذاري تفتحلها
اميره صرخت فيه: بس يامن تعبان
امير اتحرك وراح لـ ايمان: انتي بتعملي ايه هنا
ايمان صرخت في وشه بغضب: جايه اشوف ولادي افتح المخروبه دي حالا
امير: مش فاهمه الوضع قلت لك ممنوع تدخلي بيتي خطوه
ايمان: لولا ولادي فيه مكنتش عتبت بيتك’ متفكرش اني عاجزه حتي لو بشحت اللقمه مش عايزه من ثروتك
امير: امشي
ايمان: مش هتحرك من هنا غير لما اطمن ع ولادي مش شايف يامن مريض وانت عارف عنده الربو ليه طردته بره في الشتا
امير: دي مجرد اعذار وبتتصرفي كأنك مش عارفه ابنك المدلع , هو بيمثل هو بيكدب, شايفني غبي ومش فاهم , للدرجه اسيب ابني بره لو كان تعبان
ايمان صرخت فيه بجنون: ايوه انت غبي
امير برق عيونه: قلتي ايه
ايمان: حتي الحيوانات بتعرف ازاي تحافظ ع حياه ولادها لو كنت مهتم بولادك ع الاقل اظهر بعض الانسانيه
امير رص على أسنانه بقوة واتبدلت ملامحه بشكل يخوف وبيحاول يشدها من وري البوابه وايمان رجعت بدماغها لوري
امير صرخ بغضب اسود: ساره افتحي البوابه
جيجي: ادبها فعلا ست وقحه اوي وصفت خطيبي بالغبي
اميره بتتسحب تجري ع ايمان جيجي مسكتها
جيجي: انتي رايحه فين
اميره: عايزه ماما
جيجي: لاء ادخلي
اميره: عايزه اخرج ابعدي
جيجي دفعتها لوري بقسوه : انتي ليه عنيده
ساره لحقت اميره وبعتاب: براحه انسه جيجي , متعامليش اميره كده اشفقي ع الاولاد الي بره
جيجي بحتقار: اخرسي , انتم الاتنين خليكم هنا
.....................قصص منه محمد كاتب.........
امير فتح البوابه وسحب ايمان بقوه من دراعها وهو يتكلم بعصبيه : سمعيني قلتي ايه
ايمان صرخت في وشه بجنون: انت اعمي مش شايف ابنك بيعاني, عايز ايه اكتر من كده
امير مسك دراعها بعنف: انا بسألك كرري الي قولتيه
ايمان: انا قلت عليك غبي
امير مسك رقبتها من ورى : اه يا واطيه
ايمان زقته بكل قوتها وقالت بشجاعه: يله لو عندك الشجاعه اطلع بروحي يله عايزه اشوف مدي عظمتك بجد , ومش خايفه حياتي وموتي بأيد الله, لو كنت عايز تـ حرق نفسك في نار جهنم اقتـ لني يله
امير صرخ فيها ودفعها وقعت على الأرض بقوة وقعدت تصرخ واتكورت على نفسها وقعدت تزحف وهي تبكي بصوت عالي وامير يرفسها بـرجوله: مفكراني هخاف
ايمان بتحاول تبعده عنها وهو لسه هيهجم عليها تاني لقاه الي نزلت ع وشه بالقلم وبتصرخ فيه: احلم بكده يا وقح, الله يلـ عنك الله ينتـ قم منك حـ قير , انا متبريه منك يا ظالم
ايمان اتحاملت ع نفسها وجريت ع يامن الي لاحول له ولا قوه
اميره ببكاء: ماما الحقي يامن
ايمان: ساره هاتي البخاخه بسرعه
يامن بصوت طالع بالعافيه: ماما انا تعبان
ايمان: عارفه يابني هجبلك العلاج حالا استحمل شويه بس
ياسين: ماما انا كنت بهتم بيامن بس هو حاسس انه هيموت
ايمان شخطت فيه: متقولش كدا ياياسين
ساره: ست ايمان البخاخه اختفت دورت عليها في كل مكان ملقتهاش
ايمان: ازاي اختفت ماما صابرين لازم ناخده حالا للمستشفي
صابرين للسواق: شفيق خد يامن للعربيه
ايمان: ساره هاتي هدوم ليامن وياسين , بسرعه هاتي هدوم تقيله
صابرين: يله يا شفيق بسرعه ارفع حفيدي
شفيق رفع يامن ع ايده وجري بيه للعربيه اما ايمان دخلت زي المجنونه تدور عن البخاخه في كل مكان ملهاش اثر
ايمان: فين البخاخه لاء مستحيل فين هي ساره فين البخاخه مش قلتلك دي متتحركش تحصل مشكله
ساره: كانت هنا من شويه ياست ايمان حطتها ع التربيزه اه حطتها هنا وطلبت من امير بيه يديها ليامن بس جيجي رفضت مكنتش اعرف انها هتختفي فجأه
ايمان: اكيد حد حركها مش مهم هاخده المستشفي حالا
.........قصص منه محمد كاتب............
صابرين: عملت ايه يا امير نسيت انهم ولادك
جيجي: امير معلمش حاجه يا طنط الاولاد اشقيا جدا وخصوصا يامن لزق بالامير ترتر ع شعري وشعري باظ عشان كدا امير اتعصب
صابرين: قلتي ايه ياروح امك شعرك باظ , ولا عقلك الي تلف ( هجمت ع شعرها تقطعه) يا رخيصه يا حقيره بسببك حفيدي هيموت عشان شعرك باظ ده انا هنتفهولك
جيجي بتحاول تسحب شعرها منها: امير الحقني
صابرين فضلت تلطش فيها: يا رب تموتي وتغوري في ستين داهيه تاخدك
جيجي: ابعدي
اما ايمان خرجت وقالت لها: ماما سيبك منها لازم نتحرك ع المستشفي حالا مش لاقيه البخاخه اجري
صابرين لامير: انت بتقدر الحقيره دي روح احضنها ودلعها دلوقت, اياك توريني وشك يا كلب يالي مفكر الرخيصه دي اهم من حياه ولادك انتم الاتنين زباله
.......قصص منه محمد كاتب...........
في المستشفي
صابرين بتضم ياسين واميره لحضنها: الحمد لله اني صممت اروح مع ايمان والا معرفش كان هيحصل ايه في ايمان وبأحفادي
حنين: ابنك ده اتجنن في عقله مكنتش اعرف انه هيعرض حياه ايمان ويامن للخطر
صابرين: عندك حق كل ده عشان الساقطه مستعد يخاطر بحياه ولاده, حتي ضرب مراته اي نوع من البشر يتصرف كده انا ندمانه اوي ياحنين مكسوفه اواجهه اهل ايمان
حنين: انا مقهوره ع وضع ايمان عندها نزيف بس رفضت تتعالج عشان تفضل مع يامن
اما امير اتصل بأكرم الي بص في تلفونه ورفض يرد كتب له مسدج( ارجوك يا اكرم محتاج اشوف ابني رد عليا هو في انهي مستشفي)
ايمن دخل بيمد بخطواته ووراه امه وابوه واميره وياسين جريوا في حضن بسيمه يبكوا بحرقه
بسيمه: صابرين ايه الي حصل
صابرين نزلت وشها لتحت بنكسار وقالت: والله ما عارفه حتي اشرحلك, الي حصل حاليا ندعي لسلامه يامن
مرزوق: ليه احفادي بيعيطوا
ياسين ببكاء شديد: جدو ايدي بتوجعني بابا ضربني عليها جامد
مرزوق بص لايده المتورمه وقال بستياء شديد: يالله
اميره بعياط يقطع القلب: جدو بابا وحش, انا بكره , ضرب ياسين ويامن وزق ماما
مرزق: يارب صبرني عليه , كفايه يا حبايبي انا هنا متعيطوش ماشي , ياسين حالا احطلك مرهم
بسيمه: بس فين بنتي ايمان
حنين: ايمان مع يامن , هو مش عايز غير امه , وايمان ضروري تعمل اشاعه
بسيمه: ليه
عادل كان وصل وسلم ع الرجاله واميره وياسين جريوا عليه
اميره: وحشتنا اوي ياجدو
ياسين: كل يوم كنا بنسأل عليك
عادل عيونه رغرغت بالدموع وقال: وانا اشتاقت لـ احفادي اكتر
ياسين: جدو ايدي بتوجعني بابا ضربني
عادل اتنهد بخنقه وقال: استغفر الله العلي العظيم
ياسين: يامن كان بردان اوي ياجدو , وبابا رفض يفتح الباب ويامن قالي انه عايز يموت وانا مش عايزه يموت حضنته جامد قال انه بردان ياجدو
عادل: انا هنا يا حبايبي مش هسيبكم مره تانيه , كفايه متعيطوش خلونا ندعي ليامن يقوملنا بالسلامه
ايمن: اميره تعالي عندي يا قلبي
اميره جريت دخلت في حضنه وعادل اخد ياسين في حضنه
.................
جيجي: امير راسي بتوجعني ازاي امك تتعامل معايا بالطريقه السوقيه دي , حبي ادخل هيجيلك برد الدنيا بتمطر امير ادخل
امير اول ما جاله الرد من اكرم جري زي الملبوس ع العربيه
جيجي: انت رايح فين
امير: لازم اشوف يامن
جيجي: اوكيه هاجي معاك لحظه واحده اجيب شنطتي
امير ركب وحرك العربيه وسابها ومشي من المكان
جيجي صرخت بجنون: يعني ابنك يتعب شويه تسيبني وتمشي كدا ببساطه الواد ده بارع في التمثيل
اما امير دخل وعيونها بتصرخ بالقهر والدموع: اكرم يامن حالته عامله ايه
اكرم بجمود: بيموت متقولش انك متعرفش اظن انت الي عملت كده
بسيمه بعصبيه: عملك ايه يامن عشان تعمل فيه كدا يا مفتري , عملك ايه حفيدي رد عليا
امير مال بجسمه ع صابرين وهو بيبكي : ماما يامن مش تعبان كان دافي شويه بس انا عارف
صابريت وقفت قدامه بحده: لسه بتحاول تدافع عن كبريائك ورافض تعترف بالجرم الي عملته , مبسوط دلوقت انت همك تجري وري الصعلوكه ايه الي جابك هنا روحلها يله اعمل الي تعمله زي ما تحب مع الوقحه دي
امير ببكاء: ماما انا اسف انا مكنتش عايز اؤذيه يامن هو شقي وانتي عارفه
صابرين: اللاهالي بتعاقب اولادها بس مش زيك يمكن تعليمك تعليم عالي بس من غير عقل مش قادر تميز بين التأديب والاذيه
الدكتور خرج: مين والد يامن امير
امير راح عليه: نعم يا دكتور انا والده عامل ايه وضع ابني
د/ حاله يامن حاليا مستقره بس لسه تحت الملاحظه وفيه احتمالات كتيره ادعوا كتير هننقله غرفه عاديه
امير: تمام الف شكر
دقايق اول ما تم نقل يامن غرفه عاديه الكل جري بسرعه البرق للاطمئنان الا امير فضل واقف بعيد
اكرم لف وبصله: مش عايز تدخل تطمن ع يامن؟!
امير برجاء: ساعدني يا اكرم مش هتحمل اشوفه مكنش قصدي اذيته,انت مصدقني صح
اكرم بتهكم: اصدقك, انت طردتهم بره وانت عارف الجو شتا , كنت تقصد بده ايه , وانت عارف انه مريض ربو , معني كدا انك متعمد تعذبه
امير هز راسه بالنفي: لاء يا اكرم مستحيل اعذب او اذي ولادي انا بحبهم ارجوك صدقني
اكرم بسخريه: يعني مكش فيه نيه سيئه للي عملته في المسكينه ايمان تعرف ولادك قالولنا ايه انك زقتها وخنقتها , قالولنا ع كل حاجه انا بحتقرك اوي بعد كل الي عملته , هو انت اعمي مش شايف انها حامل في التاسع انت انسان زينا ولا نوعك ايه بس هتتحاسب ع ظلمك لمراتك
امير بعياط:لاء يا اكرم انا
اكرم قطعه بحده: ايمان لما وصلت هنا كانت بتنزف وكان المفروض تتحجز في المستشفي بس رفضت لانها عايزه تقعد جنب يامن ويمكن انت قاصد تسقطها لانك مكنتش عايز الحمل ده من اساسه
امير: لاء
اكرم: واضح انك فعلا بتكره ايمان حقيقي فمن اللحظه دي ياامير مهما كان الامر صعب غصب عنك تتقبل تتحمل عواقب افعالك شئت ام ابيت لازم تتعامل مع الامر انا بشفق ع ايمان هي حامل ودلوقت ابنها بيموت وانت عارف اد ايه بتحب اولادها كانت ملهوفه تشوفهم جدا
امير : عارف يا اكرم عارف ان كله من تحت راسي
اكرم :وجه اليوم الي تستحقه عشان تقدر انكسارها , وانهيارها الطفل الي حلمته وولدته ممكن يمشي للابد , حاول تفهم مشاعر الام , انا نسيت انك معندكش مشاعر ولا قلب
امير بنبرة حزن: اكرم انا والد يامن , وفاهم ايه هو الشعور
اكرم: تقصد شعور الكرهه سواء بتحب ايمان او لاء مش مشكله هي اتقبلت نهايه علاقتكم سوي لكن ارجوك متعذبهاش بحرمانها من اولادها
امير : انا مش هبعد ايمان عنهم بعد كده , انا محتاجلهم في حياتي عايز ارجعهم
اكرم بحده : ماكفايه بقي كفايه اتخلي عن الانانيه الي فيك, امير لو كنت معتبرني صاحبك ارجوك حط مصلحه ايمان ولولادها في اعتبارك, لو اصريت ع كبريائك اقسم بالله انا الي هحاربك بكل قوتي( سابه ودخل غرفه يامن)
امير بكاء: عملت ايه ....... سامحيني يا ايمان........ انا اسف
........................
ايمان بنهيار: بابا ادعي لابني ان ربنا يطولي في عمره مش هتحمل الفراق تاني
مرزوق: ايمان وحدي الله لازم تكون قويه
بسيمه: ان شاء الله يبقي بخير
ايمان: ماما انا يادوب قدرت اشوف ولادي ملحقتش اطفي نار شوقي ليهم لكن
بسيمه: كفايه يا بنتي اصبري
ايمان انفجرت تبكي من القهر : يارب خليك في عوني
امير هنا فتح الباب ودخل محروج من نظراتهم عليه
ايمان بصتله بصرخة للجو : انت ليه هنا مش عايزه اشوف وشك, انا بكرهك اخرج اخرج( قامت تضربه ع وشه ) مستني ايه قلت اخرج الي زيك ميستحقش يبقي اب قلبك اسود من الجحيم سامع انت عذبت ابني غلط في ايه ايه ذنبه لحد ما اموت مش هسامحك ابدا ومش هخليك تشوف ابني اطلللع
يامن فتح عينه ونطق: بابا ماما
ايمان سابت امير وجريت عليه: يامن حبيبي
امير قرب من سريره: نعم يا بني
يامن: ماما متزعليش من بابا
حنين حطت ايدها ع كتفها وقالت: ايمان اهدي احنا في مستشفي امسكي نفسك شويه
ايمان: حنين قوليله يمشي ,مش عايزه يشوف ابني , هو عذبه بما فيه الكفايه اه يا مسكين يابني
حنين وشوشتها: حاله يامن لسه مش مستقره , هو محتاج ابوه مش سمعتيه من شويه بينادي عليه سبيه شويه اشفقي ع يامن
يامن فتح تاني وقال: بابا
امير : نعم
ايمان كانت هتهجم ع امير تطرده من الغرفه حنين سحبتها معاها ع بره
امير باس جنينه ويبوس أيديه وراسه وهو بيعيط : انا اسف يا يامن سامحني يارب ارحم ابني وخد روحي بداله انا اسف
مرزوق مقدرش يتحمل وخرج لكنه وقع ع الارض وايمن سنده وقعده
ايمن: بابا استغفر
مرزوق: استغفر الله
.............قصص منه محمد كاتب.............
شويه والكل اتجمع حوالين يامن وايمان بتجاهد تتمالك نفسها وحنين بتحاول تهديها من ناحيه امير
عادل مسح ع شعره: يامن انا جدو عادل
يامن: جدو
عادل: بحبك يله قوم عشان تلعب معايا
يامن: انا تعبان ياجدو
عادل: عارف يا حبيبي عارف , والدكتور عطاك العلاج وشويه هتكون بخير اجمد خليك قوي
مرزوق قرب وقاله بمرح: يامن عارف انك عيان وبدعيلك تقوم بالسلامه عشان تلعب مع الخروف
ايمان: يامن اجمد عشان خاطري متسبنيش انتي بتحبني مش كده لايمكن تسيبني
يامن: ماما عايز انام
ايمان: حاضر هنيمك
يامن: بابا عايز انام
امير مسح دموعه وقاله: نام يا حبيبي
يامن: مش زعلان مني
امير : لا مش هزعل منك انا اسف حقك عليا يانور عيني انا بحبك اوي
يامن: ماما عايزك تبوسيني
ايمان: تعال ابوسك
يامن: انا مش شقي يا بابا ارجوك بوسني
امير : لاء انت مش شقي حاضر هبوسك حاضر
يامن: ياسين لسه ايدك بتوجعك
ياسين: ايوه بتوجعني يا يامن وجدو هيحط لي مرهم وبعدين هحط ع ودنك مرهم
اميره: يامن انا كنت عايزه ادخلك بس بابا وجيجي رفضوا
يامن: جدتي نفسي في الكيكه
بسيمه: حاضر هعملهالك صابرين مسمحتش الفرصه ياكل من الكيكه الي عملتها ابنك رفض ياكل منها غلطت معاك في ايه ولا عشان ست فقيره مش مسمحولي ائكل حفيدي اعملهاله ازاي دلوقت ياصابرين وازاي ائكلهاله (تحط ايدها على قلبها) اه قلبي وجعني
يامن: بابا
امير: نعم
يامن: متزعلش من ماما
امير بص لايمان وقال: لا مش هزعل منها انا بحبها كتير
يامن: ماما عايز المس النونو
ايمان: اكيد يابني المسه براحه ( حطت ايدها ع بطنها)
يامن: بابا ارجوك حب اختي
امير بص لايمان وحط ايده ع بطنها وقال: انا بحبها وبحب ولادي كتير ( عيط عملت فيك ايه يا يامن
يامن جسمه رعش: ماما انا بردان
ايمان: يامن لا متعملش فيا كده والنبي افتح عنيك متسبنيش دكتور
امير قام يجري: دكتور حد يلحقنا
د /دخل: الكل يخرج بره
ايمان: يامن متسبنيش يابني
امير: يامن
اكرم شد امير وحنين شدت ايمان الي حرفيا منهاره وبتصرخ بكلمه واحده: يامن متسبنيش
لكن للاسف يامن سابهم كلهم وغمض عيونه ودخل في غيبوبه
...............قصص منه محمد كاتب..............
في المستشفي ايمان حاسه نفسها تايهه وضايعه مقهورة مجروحة كرهت امير مليون المره
شاهيناز ماسكه عكاز وراحت تسلم عليها: ايمان ازيك
ايمان بعد تردد شويه مدت ايدها سلمت من غير نفس
شاهيناز: اصبري انا فاهمه شعورك عديت بنفس الوجع ده بس انا غلطت ومقدرتش اتقبل قضاء الله وقدره رميت اللوم عليكي انا ضعيفه الايمان وظلمتك وظلمت ولادك وخربت بيتك سامحيني انا اسفه
ايمان بعد صمت قالت : انا مسمحاكي
شاهيناز وسعت عيونها بدهشه: يعني مش بتكرهيني , ولا في قلبك ضغينه ناحيتي
ايمان: مفيش سبب اكرهك , او احقد كل شئ مكتوب
حنين بصتلها بنظرات كلها قرف ومشت مع ايمان وقالت: شوفت حاتم من شويه فعلا هتعيشي مع ايمن
ايمان: ايوه ايمن اجر لنا شقه امبارح وعايزني اعيش معاه غير ولادي معايا بس ايمن راح يوصل بابا وماما القريه الاول
حاتم قرب عليهم بحنيه طاغيه وقال: ايمان اجمدي وشدي حيلك , وان شاء الله يامن يقوم منها بالسلامه , مكنتش متوقع ان الوضع يوصل لهنا ابدا
ايمان: شكرا يا حاتم ,,ربنا عايز يختبر قوه صبري ,,وانا راضيه بحكمه ,شكرا عن اذنك
..........................
شاهيناز: صابرين عادل حقكم عليا طول الفتره دي عملت فوضه في حياتكم انا ندمانه بجد ياصابرين وحاسه بالقهر والحسره خصا اتجاه ايمان مش قادره اسامح نفسي بسبب اسلوبي المؤذي بقت ايمان وولادها ضحايا
صابرين بدون نفس: ده الي حصل , ولا يمكن نرجع الي فات حفيدي دخل غيبوبه وياعالم هيرجع امتي الندم ملوش نفع دلوقت ,,الحمد لله انك توبتي وندمتي وربنا يتقبل منك
شاهيناز انهارت وكانت هتقع لكن يونس اخدها لحضنه يهديها
قصص منه محمد كاتب ضحيه فرعون
مرزوق: ممكن نتكلم لحظه
امير يهز راسه بأسف : عمي انا حقيقي بتأسف ع كل الي عملته , قللت من احترامك وقللت من احترام حماتي, انا اسف ارجوك سامحني ( بيمسك كف ايده يبوسه
مرزوق سحبها منه: لا هتبوس ايدي الفقيره, لا يا سعاده البيه , هتنزل قيمتك احنا عارفين اننا ناس غلابه وع اد حالنا , يا امير بيه
امير: لا يا عمي متقولش كده ارجوك , عارف عملت اخطاء كتير وصعب تتغفر
مرزوق: بس برغم اننا غلابه بس عمرنا ما طمعنا ابدا في ثروتك , ولا علمنا بنتنا تجري وري واحد غني عشان تعيش حياه مستريحه , اقسم بالله متعملش العمايل دي يا بيه , ايمان حبيتك من قلبها واتمنت تكون مراتك وقبلت بنصيبها واتجوزتك عن طيب خاطر , وانا ظنيت انك حبيتها ورضيت بيها
امير :عارف ياعمي ان ايمان مخلصه ليا, انا الي غفلت عن ده انا
مرزوق : انا اتحملت كل الي عملته فينا لما كنا ضيوف في بيتك, كنت بظن ان ايمان عايشه معاك سعيده , مكنتش اتخيل ابد انك بتعاملها زي الخدامه عذبتها ,,ضربتها ,,طردتها من البيت ,,عاملتها كانها رخيصه ملهاش اهل , ليه لانك بتحتقرها وبتكرهها, لان اهلها غلابه ع اد حالهم مش من مستواك السامي عشان كدا عطيت لنفسك الحق تبهدلها واتماديت لحد ما رقدت حفيدي
امير: عمي انا اسف عارف اني غلطت, انا مستهلش ضفر ايمان بس والله العظيم بحبها
مرزوق بغضب جحيمي: ايوه فعلا متستهلش دفرها , انت عذبت بنتي لو كنت فعلا بتحبها طلقها متعاملهاش كمتسوله ليه حرمتها من اولادها غلطت معاك في ايه , ليه بتكرهها كنير
امير: سامحني ياعمي انا غلطان وبعترف عذبتها واذنبت في حقها وحقك وحق حماتي , واذنبت في حق ولادي , ازاي اكفر عن كل ذنوبي
مرزوق عيونه لمعت بالدموع: كنت دايما تعاريرها بفقرنا من اول يوم اتجوزتها , شايفنا حثاله للدرجه , كام مليون من فلوسك اخدناه انا ندمان ع اللحظه
امير ببكاء كله ندم: عمي روح بلغ عني ارميني في السجن , انا استاهل مبقتش قادر اتحمل تقل ذنوبي ارجوك سامحني
مرزوق: امير بيه ده شيك 400 الف عارف يمكن متقدرش المبلغ البسيط ده لما كنت في مشكله لما بلغتني ايمان بوضعك روحت راهنت ارضي للبنك واكيد عارف عمليه القرض بتاخد وقت مش سريعه محتاجه وقت ومن يومين بس خلصت الاجرئات كنت ناوي اعمالهالك مفاجأه واعطيك الفلوس لكن الامور اتغيرت ارجوك يا سعاده البيه اقبل لانه من حقك عايلنتي عايزه بصدق تدعمك بأفضل ما يمكن عايز المبلغ تستخدمه كراس مال مش هيكون كفايه اعتبره مصاريف بنتي الي صرفتها عليها في عمليتها
امير حرك دماغه برفض: لاء مش محناج الفلوس دي, هي مراتي وحقها عليا اصرف عليها
مرزوق : بأذن الله بنتي مش هتكون عبئ عليك امسك
امير ركع تحت رجله : ياعمي سامحني
لكن مرزوق حدف له الشيك ع الارض وسابه وغادر المكان تحت صرخات امير
..............قصص منه محمد كاتب.............
امير وصل فيلته ووقف قدامها بالعربيه وعيونه هتتخلع يلمحها
ساره خبطت ع شباك العربيه: اتفضل التي شيرت والبنطلون الي طلبتهم
امير: حد شافك وانتي بتاخدي هدومي
ساره: لا مفيش حد لو مفيش حاجه تاني هدخل
امير: ساره شوفتي ايمان هي عامله ايه؟ّ
ساره: هي ضعيفه اوي من شويه اغمي عليها بس قامت بتحاول تجمد عشان ولادها معاها اميره وياسيبن مش بيسبوها وناموا بعد عياط كتير
امير بحزن كبير: انا مقهور ع ايمان , وولادي ياساره
ساره بستفهام: بس انت رايح فين بالهدوم دي
امير: هروح اخد شور عند واحد صاحبي , روحي انتي وياريت تطلبي من ولادي ومراتي ياكلو
ساره: ان شاء الله , هدخل انا
امير لسه هيدور عربيته لمح حاتم نازل من عربيته ودخل البوابه
امير قال في سره.....يارب يفضل حبها ليا كبير...... انتي مخلصه ليا يا ايمان مش كده
...........قصص منه محمد كاتب.............
قدام فيلا عادل قاعد مرزوق وعادل بيشربوا قهوه وهو دخل وقف ع عتبه الباب مكسوف وراسه لتحت في الارض لكن من لهفته ع اسرته اتقدم ودخل من غير لاسلام ولا كلام
ياسين قام مفزوع من نومه: ماما
صابرين فتحت عيونها : في ايه يا ياسين
ياسين بعياط: فين ماما
صابرين طبطبت عليه : انا معاك
ياسين : عايز ماما
صابرين بحنيه : متعيطش يابني روح في النوم
ياسين :عايز ماما
صابرين :جايه يا حبيبي
امير دخل: ماله ياسين
صابرين : كان نايم وحس ان امه مش موجوده هنا قعد يعيط نام يا ياسو
امير فتحله ايده: تعال نام في حضني
ياسين زق ايده : عايز ماما هي فين
صابرين : هتكون هنا كمان شويه ارجع للنوم يله يا قلبي نام
امير بهمس : هي ايمان فين
صابرين: راحت المستشفي نزفت تاني
امير بستفسار : ومين الي وصلها
صابرين : حاتم كان هنا وراحت معاه وايمن وحنين راحوا وراه هي كويسه اتصلت بيها من شويه وزمانها داخله انا بس قلقانه وبدعي متكنش حاجه خطيره
امير بقهر: مسكينه ايمان يا ماما ازاي ازقها لحد ما تقع مدتهاش اي اهتمام هو انا ليه في غضبي مش بيبقي عندي اي رحمه , مفكرتش في الطفله الي في بطنها رغم دي بنتي , بسببي يامن دخل في غيبوبه وعذبت ولادي وعذبت مراتي هو انا فرعون اوي كده انا اكيد مش بني ادم انا شيطان ارتكبت ذنوب كتير , ماما انا اسف اوي طول الوقت مسمعتش كلامك ابدا انا ابن عاق ازاي اكفر عن ذنوبي ازاي اعمل ده
صابرين: انا حزينه مش عشان يامن دخل غيبوبه انا عندي حاله يأس منك ومن اسلوبك, انا محروجه اواجهه اهل ايمان بعد عمايلك, اسمع انت تسيبهم في حالهم من الساعه دي سيب ايمان تقرر حياتها بنفسها مع اولادها انت عندك حياتك الخاصه
اثناء كلامهم اتفتح الباب ودخلت ايمان وشافت امير وملامحها كلها اتحولت للغضب