بعد كده تحترمي جوزك ...
قالها وهو بينهـ ت جامد وانا كنت مرمية على الأرض ...كل جسمي وا.جعني بسبب ضر.به ليا ...دموعي بتنزل وانا مش مصدقة ...أنا لو هو ضـ.حى عشاني زي ما أنا ضـ.حيت كنت شيلته فوق راسي ....
.....
بعد ما مشي قومت من على الأرض وروحت اخدت شاور وانا بشوف علامات الحزام على جسمي. ...دموعي نزلت بس كنت خلاص قررت أنا مش هقعد معاه ...
خرجت ولقيته في الاوضة جه تاني بعد ما راح واخد شاور في بيته التاني ...مهتمتش اصلا بوجوده وروحت ناحية الدولاب وانا بفتحه د...قرب مني وهو بيقول بند.م ؛
-أنا اسف يا حنان ...سامحيني ابوس ايديكي ...أنا معرفش عملت كده ازاي !
مردتش عليه خالص وانا بطلع شنطتي وبحطها على السرير ....
مسك ايدي وقال بصدمة :
-أنتي بتعملي ايه ؟!
بصتله ببرود وقولت :
-لو سمحت سيب ايدي ...
-حنان أنا اعتذرت
شديت ايدي وقولت :
-انا مش عايزة اعتذارك ولا اي حاجة ...تقدر تسيبني في حالي !
-مقدرش أنا بحبك ...
بصتله بتريقة وقولت ؛
-ما هو حبك ظهر من شوية فعلا ...شوف يا معتز أحسنلك ابعد عني عشان والله هزعلك مني ...
وبعدين سيبته وبدأت احط هدومي في الشنطة ...
مسك ايدي شدني وحضني جامد ...حاولت أبعده عني وانا حاسة اني بضعف ...بس تمسكت بقوتي للآخر وانا بزقه بقرف عني ....دموعه نزلت وهو بيقول بترجي :
-حنان عشان خاطري متسبنيش ...أنا والله اتعصبت وقتها ...انتي عارفة اني عصبي ...بس عارفة اني بحبك ...وبعدين أنا مغلطتش ..ده شرع ربنا وانتي مسلمة ومؤمنة وعارفة ...
ربعت ايديا ببرود وقولت :
-كمان شرع ربنا بيديني الحق اني أطلق منك وأتجوز واحد تاني عشان أخلف ...ده شرع ربنا برضه ...وأنت مسلم ومؤمن وعارف !
بلع ريقه فقولت :
-شوف أنا لحد دلوقتي مدخلتش اخويا زين في الحوار ...وخليته بعيد ....حتى لما جه سألني عشان جوازك سكت لكن والله العظيم لو مخلتنيش أمشي دلوقتي لأخر.ب الدنيا عليك وانت عارف زين مجنـ.ون !
بلع ريقه بتوتر فابتسمت ...زين صحيح اصغر مني بس لو اي حد جه عليا بياكله ...عشان كده مكنتش بقوله على اي حاجة هما بيعملوها معايا عارفاه ممكن يعمل فيهم ايه ...حتى جواز معتز خر.ب الدنيا بس انا اترجيته ميتدخلش ...معرفش كان عندي امل أن جوزي يعرف غلطه ويندم بس بعد ما ضر.بني بالطريقة دي مكنتش قررت اني مش هكمل....
.......
خرجت من البيت وانا ماسكة شنطتي حمايا وحماتي اترجوني اقعد بس انا رفضت وهما معملوش كده عشان بيمو.توا فيا يعني ....هما بس مش هيلاقوا خدا.مة احسن مني خاصة أن دينا كان شارطة عليهم أنها لو هتسكن هنا مش هتحط ايديها في البيت وكمان قالت هتجيب واحدة تساعدها في شغل البيت بتاعها وإلا كانت هتاخد عيالها وتروح بيت أهلها !
.......
بعد ساعتين ...
-أنا كنت عارف وكنت حاسس بو.جعك...بس انتي طلبتي مني مدخلش ...بس شكلك ده يوحي انه زعلك جامد أنا ممكن اكسـ.رلك دماغه على فكرة ....
اتنهدت وانا باخد منه كوباية العصير وقولت :
-مقهو.رة يا زين ...بعد اللي عملته عشانه عمل كده ...مش قادرة اصدق ...ده أنا ضحـ.يت برغبتي اني اكون أم و ...
-أنتي بتقولي ايه ...
قالها بصدمة فبصتله بكسوف ..أنا مرضتش أقوله اي حاجة ...
-معتز مبيخلفش و ...
قام وقال بصدمة :
-م. أييييه ؟
بصتله بحيرة فصر.خ :
-أبن الكـ.لب الوا.طي لما روحت واجهته عشان هيتجوز عليكي قال انك مبتخلفيش عشان كده هيتجوز !!