الدكتور بعمليه انا شايفه ان المدام صحتها كويسة ومافيش اى مانع من الخلفة.
ام كمال بعصبية اومال العطل فين؟
اتنفست مريم براحه وهى حاسة جبل انزاحمن على صدرها وبتسمع كلام الدكتورة.
الدكتورة أهدى يا حجه، مش شرط يكون الزوجه عندها مشكله ممكن الموضوع يكون محتاج شوية مقويات او في مشكله عند الزوج وده مش هي
ممكن الموضوع يكون محتاج شوية مقويات او في مشكله عند الزوج وده مش هيظهر غير بالتحليل.
ام کمال شكلك اصلا لسه متخرجه جديد ومش عارفة حاجه وهتجربي فينا يالا بينا من هنا.
خرج كمال وكلام الدكتورة بيرن في ودانه والقلق بدأ يدخل جواه اما مريم وقبل ما تحصلهم قالت للدكتورة متزعليش منها حق عليا انا هى اه حمقية وعصبية بس قلبها أبيض.
الدكتورة:
الله يعينك عليها على العموم انتى كويسة جدا وامورك تمام متخليش حد يوهمك بعكس كده، ولا تسمحى الدكتور يبوظلك هرمونات جسمك بعلاج غلط.
مريم بابتسامه حاضر يا دكتورة.
حماتها بعصبية يالا يا مريم بتعملى ايه عندك.
مريم بسرعه جاية يا عمتي
وطبعا يا حبایبی وزى ما كلنا عارفين ال بيدخل دوامه الدكاترة مش بالسهل يخرج منها وفضل كمال ومريم من دكتور لدكتور وكله نفس الكلام ولما يأسوا انهم يسمعوا حاجه جديده عمل كمال التحاليل ال طلبها منه الدكتور وهنا كانت الصدمه لما شافها.
وقال:
للاسف زى ما كنت شاكك، مشكلة عويسة جدا.
كمال بصوت مهزوز مالهاش علاج يا دكتور.
الدكتور:
كله بتاع ربنا يخلق الداء والدواء وما تعرفيش بتيجى على اهون سبب ويحصل حمل بس اهم حاجه الصبر وطوله البال.
مريم وهى ماسكه ايد كمال ال بتننفض: واحنا معاك يا دكتور.
الدكتور بعملية :
كويس شوف یا استاذ کمال في حالة حضرتك الحمل هيكون صعب جدا او مستحيل بالطرق الطبيعيه بس ممكن يحصل وانا بقول ممكن لو استمرينا على العلاج فترة.
كمال بصدمه قصدك بعد ده كله مممكن ما يحصلش حمل ؟
الدكتور احنا بنعمل ال علينا والباقي على ربنا.
مريم وهى بتحط ايديها على قلبها وعاملة مش فارق معاها بإذن الله خير يا دكتور المرة دى حماتها مرحتش معاهم عند الدكتور من خوفها يأكد الى بقت شاكه فيه، طول الطريق متكلموش كمال كان وشه مطفى ومريم ماسكه ايده رافضة تسيبها، واول ما دخلوا على حماتها ال كبرت على عمرها عمر سألت بقلق:
قالكم ايه الدكتور ده؟ جاية مريم تتكلم وقفها كمال وقال كل كلام الدكتور الخبر نزل على ام كمال هدها كانت هتوقع من طولها لولا ابنها هاني ال سندها وقعدها.
بص كمال لمريم وعيونه كلها دموع وبكسره في صوته يابنت الناس انا راجل مش عارف نفسي هل العلاج هيجيب معايا نتيجه ولا لا وانتي بنفسك سمعتى كلام الدكتور وال قاله ولو عايزة.....
وقفت امه من مكانها بسرعه وبصوت عالى تعوز ايه انشالله؟
ايه يابت محسن عاوزة ايه بنت الأصول المحترمه تراعى جوزها وتقف معاه فى شدته متسبهوش تحت ای ظرف مريم مردتش عليها بصت لكمال وقالتله:
انا مش هسيب ايدك يا كمال واهو طريق هنمشية سوا وانشالله يستجيب وعدت الايام والايام بقت سنين وكمال ومريم في سكه العلاج مكملين وانهاردة كان فرح هاني على ندى وهما فى القاعه ميلت وحده جارتهم عليها وقالت:
مبروووك يام كمال عقبال عوض كمال.
بصتلها مريم وأم كمال بقهر واتملت عيون مريم بالدموع لما حماتها اتهربت بعيونها عنها وجت عنيها على بنت صغيرة بين ايدين مامتها ظهر الشوق في نظراتها وعطشها للامومه بيكبر جواها كل يوم عن ال قبله وحتى لو مقالتهاش بلسانها قالتها عيونها ونظراتها عايزة ابقى ام غصب عنها يا جماعه دى غريزة بتتزرع جو كل بنت مننا كان كمال واقف بعيد بس ملاحظ وكمان عمتها وعملت نفسها مش واحده بالها.
الجارة لام كمال بس عروسة هاني قمورة اوی یا ام كمال وقعتوا عليها ازاى دی؟
ام کمال :زميلة هانى فى الكلية وبعدها بقت زميلة ليه في شغله.
الجارة وعلى كده بقا داخله خالطه علیکی زی مريم ولا كل واحد لوحده؟
ام كمال برضه عايزة تجيبي مريم لدى وبصدق قالت :
انا لو لفيت الدنيا كلها على كعوب رجليا مكنت هلاقی زی مریم بنت اخويا.
خلص الفرح ورجع على بيتهم وكمال لمريم :مريم.
بصتله مريم بعيون مكسورة وهو قال: ندمانه؟
ابتسمت ابتسامه :میته مبقاش ينفع خلاص يا كمال.
دخلت اوضتها وهو فضل في الصالة مش عارف يعمل ايه ؟
ومريم في اوضتها ضامه
رجلها لصدرها ودفنه رأسها ما بينهم بتفتكر ال حصل من كم شهر وهما راجعين من عند الدكتور وكمال كان متعصب.
امه استهدى بالله يا حبيبي ايه حصل لكل ده؟
کمال ممنهوش فايدة يا امي حتى الحقن المجهرى فى حالتى الأمل فيه ضعيف واحد في الميه.
مريم وهى بتحاول تهديه قادر ربنا یا کمال نجرب ويمكن تصيب المرة دى.
كمال وهو بيبعد ايدها انتى فاكرة إنه سهل
عليا لما اخدك من ايدك واعملك العملية واستنى والنتيجه مفيش وانا عارف ان العيب منى انا بتكسر قدام نفسى قبلك يا مريم انا مش هعمل عملیات تانی ولا هحط نفسی تحت ايد دكتور.
ام كمال :حسبى الله ونعم الوكيل في ال باصص في حياتنا اكيد دى عين وصابتنا الناس مش سايبة حد في حاله.
مريم بتمنى طيب ايه رايك انا لاقيت حل مناسب.
بصلها كمال وأمه بتركيز حل ايه ده يا مريم؟