رواية ملك الصقر الفصل الخامس والثلاثون 35 والاخير بقلم بسنت شريف
ملك قاعده مع ولادها بتلعب معاهم
ملايكا.....مامي هو بابي مش هيرجع من شغله دا بقالو كذا يوم ف شغل
مليكه.....ايوه مامي بابي واحشني اوووي
ملك .....معلش بقي ياحبايبي انتم عارفين شغل بابا بيبقي غصب عنه انه يبات باره وهو انشااء الله راجع قريب
يونس قاعد متابع كلامهم وهو ساكت
ملايكا.....بجد .امتي.طيب واحشني اووي
مليكه.....ايوه يامامي راجع امتي ولي مش بيكلمنا في الموبايل.يطمن علينا
ملك مش عارفه ترد تقول لانها هي مش عارفه تقول اي هي مش عارفه مواعيد رجوعه هو كالعاده بيختفي فجاه ويظهر فجاه وهي اتعودت علي دا بس ولادها لا ومع كل مهمه اسالتهم مش بتخلص عنه
ملايكا.....مامي روحتي فين ....يونس اسال مامي بابي راجع امتي دا بقالو ايام كتير اووي
ملك بصت ليونس منتظره يتكلم لكن سكت ..... اي ياونس مش بتسال علي بابا لي ولا هو مش واحشك انت كمان
يونس.....واحشني ....وقام وسابهم ودخل الاوضه بتاعته ودا خلي ملك تسغرب من رده فعله
مليكه.....يوه هوعلي طول كدا ساكت ومش بيتكلم وهو رخم كدا غير عدي ابن عمو عز بيقعد يهزر ويلعب معانا
ملك.....مليكه ماتقلويش علي اخوكي كدا وبعدين ياحبيبتي كل واحد فينا وليه طبع مش كلنا ذي بعض
مليكه ....يعني اي يامامي
ملك.....يعني انتي مثلا نفسك اما تكبري تطلعي دكتوره ذي صح
مليكه.....اه
ملك.....وملايكا نفسها تطلع ظابط لبابا صح
مليكه....صح
ملك.....طيب لي انتم الاتنين ماتبقوش نفس الاختيار
مليكه....انا عايزه ابقي دكتوره ذيك ومش عايزه ابقي ظابط
ملك.....هو دا بقي الفرق اللي بين عدي ويونس عدي بيحب يهزر ويضحك ويلعب لكن يونس هادي بس شوفتي بقي
ملايكا.....وبعدين عدي دا عبيط اصلا
ملك استغربت .....عبيط لي بس
ملايكا....ايوه يامامي ويونس احسن منه بكتير ودا تافه اصلا
مليكه....عدي مش تافه انتي اللي رخمه وبتزعلي عشان مش بيلعبك معانا
ملايكا.....انا اصلا مش بحبه ومش بحب العب معاه
ملك .....باااااس اي هتتخانقو تاني يالا علي اوضتكم وشوفو home work يا لا عشان نخلصه قبل ما روح المستشفي يا لا
ملك انتظرت بناتها يدخلو اوضتهم وحركت راسها باسي علي اختلافهم الشاسع في تفكيرهم وانتمائهم رغم ان هم توؤم بس مختلفين عن بعض جداا
ملك دخلت لابنها كان قاعد بيرسم هو واخد الموهبه دي منها وملك ساعدته ينميها
ملك.....واو ياحبيبي الرسمه تجنن
يونس بسعاده.....بجد يامامي حلوه
ملك....طبعا تجنن وعلي فكره المس ف المدرسه قالتلي انك هتدخل معرض المدرسه وهتعرض لوحاتك وهتكون اصغر متسابق ف المدرسه
يونس.....اه ودا مخوفني جدا تفتكري هكسب
ملك....طبعا انا واثقه من دا انت هتقدر تكسب وهتطلع الاول كمان
يونس بتشجيع.....بجد
ملك.....طبعا انت بطل وانا واثقه انك هتكسب ورسمك هيكون افضل رسم ف المدرسة كلها
يونس....بس هقدر اذاي وانا عندي مسابقه كمان كام يوم بطوله الجمهوريه وبعدها بيومين المفروض اسلم الرسومات الاتنين مع بعض صعب
ملك ببتسامه .....لي صعب انت شاطر وبتقدر نظم وقتك كويس خليك واثق ف نفسك وانت هتقدر ومهما كانت النتيجه انا هفضل فخوره بيك
يونس ....انا بحبك اووي اووي
ملك حضنته .....وانا بحبك اوووي
.......طيب وانا ماليش ف الحب دا ولا اي
يونس اتلفت علي صوت صقر وجري عليه حضنه
صقر.....حبيبي عامل اي يابطل واخبار المزاكره اي
يونس....كل تمام وانا كويس بس حضرتك واحشتني اووووي
صقر حضنه....و انت كمان واحشتني اوووي وبص لملك واحشني اوي اوي اوي وغمزلها بعنيه
يونس....مليكه وملايكا هيفرحو اووي ان حضرتك جيت انا رايح اقولهم
صقر.....تمام يابطل
يونس خرج وصقر راح وقف قصاد ملك ومن قبل ما يتكلم شدها لحضنه....واحشتيني جدااا واحشتيني فوق ماتتخيلي عامله اي طمنيني عليكي ياقطتي
ملك ببتسامه....وانت كمان واحشتيني اووي وحاولت تبعد عنه بس صقر رفض لانها كانت وحشاه جداا بس بعد اما سمع صوت بناته
صقر نزل علي ارض وحضنهم
ملايكا.....واحشتني كتير اوووي ماتبعدش ايام كتير كدا تاني
صقر....غصب عني يا حبيبتي دا شغلي
مليكه....بس انت بتوحشنا اوووي يابابي وانت قعدت كتير يوم مش بتيجي
صقر.....معلش ياحبايبي ماتزعلوش المهم بقي طمنوني عليكم عاملين اي ف المدرسة وبتعملو واجباتكم ولا اي
ملايكا.....طبعا
ملك....طيب ممكن تسيبو بابي بقي عشان يغير هدومه ويرتاح شويه وتكونو عملتم واجباتكم واقعدو معاه براحتكم
مليكه....مامي سبينا شويه
ملايكا....بليز مامي
صقر بصلهم وبص لملك....سبيهم شويه دول وحشوني اووي
ملك ....انت محتاج ترتاح وهم وراهم حاجات كتير يالا علي اوضه خلصو وبعد كدا اقعدو معاه براحتكم
صقر باس بناته.....روحو يالا بدل ماتولع فينا كلنا خلصو بسرعه وانا مستنيكم
ملايكا ...مش هتمشي صح
صقر....لا
ملايكا.....وهتعلمني بوكس
صقر تنح ....بوكس اي دا اللي انتي عايزه تتعلميه
ملايكا....البوكس يابابي اللي بتضرب فيه ف حاجه كدا خالو علي قالي انك بتلعب بوكس كويس وانا عايزه اتعلمو عشان ابقي ظابط قوي واقبض علي الاشرار
صقر باصصلها ومش فاهم اي اللي هي بتقوله ....بوكس ياملايكا .....وبص لملك ....بنتك عايزه تتعلم بوكس
ملك...بقالها فتره مصممه عليه من وقت ماشفته ف التفزيون
صقر.....دا بجد....طيب يا حبيبي في العاب تانيه كتير حلوه في باليه وفي سباحه وفي انواع رياضه كتير
ملايكا.....باليه ....في ظابط بيلعب باليه انت شوفت كدا قبل كدا يعني وبعدين اما اجي اقبض علي مجرم ويهرب مني هرقصله باليه ولاهضربه عشان يعترف
صقر بيتابع كلامها وهو متنح ومش مستوعب الكلام اللي هي بتقوله ....هي بنتك عندها كام سنه
ملك بتضحك علي شكل صقر وصدمته
ملايكا بتزمر....بابي عندي 5ونص انت نسيت
صقر....علي اوضتك انتي واختك يالا يا حبيبي
ملايكا ومليكه باسو بباهم ودخلو اوضتهم وهو علي صدمته
صقر.....وانت ياونس مش عايز حاجه
يونس ....عايز طبعا
صقر.....خير
يونس.....تعلمني النشان
صقر بص لملك وبصله تاني..... اذاي يعني
يونس....النشان يابابي انك تمسك مسدسك ونشن علي حد
صقر صدمه ذادت....لي يا يونس
يونس ....عشان ابقي قوي ذيك
صقر....قوي ذي ادخل يا حبيبي اوضتك
صقر قام من علي ارض ووقف قصاد ملك....اي اللي حصلل العيال اغيب اسبوع ارجع اللقي فيلم الاكشن دا اي اللي حصل
ملك بتضحك.....من وقت ما علي وجوري كان هنا وكنا كلما بنتفرج علي فيلم اجنبي وكان البطل ظابط بيعمل حركات اكشن بقي و كدا وهما انبهرو بيه وكانو مقتنعين ان مفيش كدا ف الحقيقه بس علي قال ان في وان انت بتعمل كدا واكتر ياسياده العميد
صقر.....الله يخربيته دا جنن العيال خالص
ملك.....ادخل ارتاح انت وانا ادخل احضر الغدا
صقر.....ارتاح اي بس يعني ينفع اسيب القمر دا يحضر الاكل لوحده دا حتي عيب
ملك....بس انت تعبان و اكيد عايز ترتاح وانا مش عايزه اتعبك
صقر......تعبك احلي راحه هدخل اخد شاور واغير هدومي وجايلك حالا
ملك سبقته علي مطبخ وابتدت تجهز الاكل وصقر بعده بمده قصيره حصلها وابتدا يساعدها وكانت بتحكيله عن تفاصيل يومها ف غيابه كالعاده من يومها ف المستشفي وتعاملها مع اولادها
ملك.....كنت خايفه تتاخر اكتر من كدا كانت هتبقي مشكله ليك مع يونس
صقر.....باستغراب .....لي !
ملك ....اولا مسابقه السباحه كمان يومين انت نسيت
صقر.....لا طبعا مش ناسي حاجه ذي دي ولو كان عندي شغل كنت هسيبه واجيله بس في اي تاني بقي غير البطوله
ملك.....المدرسه اختارته انه يسابق في مسابقه الرسم
باكتر من لوحه من رسوماته ويعتبر هيكون اصغر متسابق ف المدرسة وثانيا بقي والاهم ان عيد ميلاده اخر الاسبوع
صقر......اممممم وعيد ميلاده انا بجهز لي بقالي فتره اطمني
ملك ابتسمت وكملت اللي بتعمله ولاحظت سرحان صقر
ملك.....في اي مالك
صقر ابتسم ....مش مصدق ان احنا مر علي جوازنا 10سنه وان يونس هيتم 9سنين كمان كام يوم
ملك.....علي فكره لسه فاضل 3شهور ونتم 10سنين
صقر.....مش هتبطلي رخامه ابدا
ملك....لالا
ملك وصقر جهزو الغدا وقعدو اتغدو كلهم ف جو لطيف وطول الوقت بيهزرو وصقر فضل مع ولاده ورفضو يروحو المدرسة تاني يوم ذي ما ملك اخدت اجازه من المستشفي
+
تستمر القصة أدناه
الايام بتعدي وصقر بيساند ابنه وبيروح مع التمرين ويشجعه انه يكسب وبيتابع معاه رسوماته
صقر.....يالايابطل بقي عشان تنام وتستعد للبطوله بتاعت بكرا
يونس ....حاضر
صقر شاف روسومات ابنه.....وكان فخور بيه اوووي .....شاطر يا حبيبي رسمك جميل اووي
يونس....بجد يابابي عجبك
صقر......طبعا يجنن بس دول 4 روسومات بس ومامتك قالت ان المدرسة محدده ليك 5 روسومات
يونس. ...عارف وجهزه بس هتشوفها يوم العرض
صقر.....لي بقي
يونس .....مفجاه
صقر ابتسم....ماشي يابطل يالا نام بقي
عدي عليهم اليوم وصقر تاني يوم هوملك كانو بيحفزو يونس انه يكسب وراحو النادي واتقبلو مع علي وجوري وعز وراندا ووليد وامل كانوكلهم رايحين يشجعوه
عدي......انا متاكد انك هتكسب وهتاخد المركز الاول
عامر .....وانا كمان وانشاء الله هتكون الاول
يونس ابتسم لاصدقائه المقربين .....اكيد
علي.....يا لا يابطل عشان البطوله هتبتدي عايزك ترفع راسنا كدا
عز....بالظبط ربنا معاك يا صاحبي
صقر نزل لمستواه .....انا متاكد انك هتاخد المركز الاول وهترجع بالمادليه الزهبيه وانا واثق من دا يالايابطل
2
وليد......عاش ياوحش يالا
كلهم قعدو في المكان المخصص ليهم ويونس استعد للمسابقه وكلمه بباه بترن ف ودانه انامتاكد انك هتكسب كلمه بتشجعه وبتديله امل
المسابقه ابتدت ويونس بيعوم باقصي سرعه ليه وهوسامع تشجيع.بباه ومامته ليه وكل هدفه انه مايخزلهمش وقدر يفوز وطلع الاول
صقر مجرد مالمح ابنه انه وصل اول واحد وان الحكم صفر انه بيعلن انه الاول شالو من البيسين وفضل يلف بيه كتير اوووي وكان فعلا فرحان بيه من كل قلبه وفخور بيه جدا جدا
صقر اخيرا نزله......قولتلك انا واثق فيك
كلهم بركالو وملك فرحتها ببنها كبيره وبنجاحه
بعد تكريم يونس صقر اخدهم وراوحو عشان اكيد يونس تعبان
صقر دخل اوضه يونس كان لسه هينام
صقر.....نمت يا حبيبي
يونس ....لسه
صقر.....نام يا حبيبي وعايزك تفوق كدا عشان تستعد للي جاي بقي
يونس بابتسامة......ماتقلقش انا دايما هخلي حضرتك فخور بيا
صقر.....انا طول عمري فخور بيك وعلي فكره ليك مكفاءه كبيره اوووي عندي
يونس.....بجد اي هي
صقر.....ولو عرفتها هتبقي مفجاه اذاي بقي يا لا نام عشان انت تعبان والمفجاه هتعرفها ف وقتها يالا تصبح علي خير
+
صقر خرج من اوضه يونس وموبايله رن وكان مطلوب انه يروح الجهاز بكرا بادري عشان مهمه جديده
ملك.....في حاجه
صقر....لا يا حبيبي دا مهمه جديده بس
ملك.....هتسافر يعني
صقر.....اه هسافر الفجر السويس 24ساعه وراجع ماتقلقيش
ملك بقلق ....صقر ماتتخرش عشان يونس والمسابقة
صقر.....ماتقلقيش يا حبيبي هاجي قبلها
ملك بتوتر ....ماشي ياحبييبي
صقر فعلا استعد الفجر وسافر ودخل ودع اولاده وبعد.كدا مشي وهما زعلو اما صحيو وعرفوه انه سافر
تستمر القصة أدناه
علي قاعد بيشتغل ف بيته وسمع صوت عامر
عامر.....بابا انا عايز اشتري دا
علي.....اي دا ياعامر
عامر.....دي ادوات رسم اللي بيحتاجها يونس
علي....طيب وانت عايز تحبهلو منين
عامر......مش عارف انا شوفتهم بيستخدم ذيهم وانا شوفتها علي نت ف عايزك انت تجبها ادهالو هديه ف عيد ميلاده عشان هو كمان يومين وعشان كسب ف المسابقه
علي ابتسم.....حاضر من عنيا انت تؤمر
جوري جت وقعدت.....ارتحت كدا
علي.....في اي
جوري ....من امبارح وهو عمال يزن اني ادورله علي ادوات الرسم علي نت عشان انت تجبله ذيها
علي .....انتي عارفه كويس انهم صحاب وبيحبو بعض اذاي
جوري ....عارفه
يونس قاعد ف اوضته بيرسم وبيجهز لوحاته ومضايق من عدم وجود بباه
ملك دخلت تتطمن عليه
ملك .....اي يا حبيبي بتعمل اي
يونس ....مفيش
ملك....طيب يا لا تنام بادري بقي عشان تصحي فايق
يونس بحزن....هوبابي هيجي بكرا المسابقه
ملك بتوتر.....اكيد طبعا مش هووعدك انه هيبقي جنبك
يونس.....اه
ملك.....يبقي اكيد.هيوفي بوعده ماتقلقش
يونس نام وملك دخلت اوضتها وقلقانه صقر مايقدرش يحضر المسابقه وفضلت منتظراه وقت طويل وهو مجاش وف الاخر نامت وبعد مده صحيت علي صوت ابنها
يونس.......مامي قومي هنتاخر علي مسابقه
ملك قامت ....صباح الخير يا حبيبي
يونس والدموع ف عنيه....بابي مجاش يامامي ومش هيحضر معايا المسابقه
ملك.....هوزمانه جاي ياخبيبي ماتقلقش
ملك قامت وحضرت الفطار ليهم كلهم وفطرتهم وساعدت بناتها ف لبس وراحو المدرسه ويونس حزين اووي من بباه انه مش هيشاركه ف المسابقه
وبعد وقت وصلو المدرسه وسلمو اللوح وقعدو منتظرين عرض اللواح واعلان الفائز ويونس عينه علي باب ومنتظره يجي وملك متابعه ابنها وزعلانه علي حزنه دا
يونس فقد الامل انه يجي وطلع علي منصه اللي معموله مع المتسابقين ومجرد ماطلع لمح ابوه داخل من الباب ابتسم تلقائي وفرح اووي
في مدرسه ابتدت تعرض اللوحات ويسالو الطلبه اي سر انهم يرسمو اللوحه دي
وجيه دور يونس وبتساله اي رسوماته وبتعرضها للكل واحده واحد الاولي كانت عباره عن بحر وفي ياخت
المدرسه.....لي يا يونس رسمت دي
يونس .....عشان بابي بيحب البحر واليخت دا وانا بحبهم ذيه
صقر وملك بصو لبعض وابتسمو
المدرسه طلعت كذا رسمه وكان يونس بيقول اسبابه وكانت اغلبها متعلقه بباه بس اخر رسمه كانت صدمه للكل
المدرسه بتشوفها وتنحت وبصت للتحكيم ولمدير المدرسه وتلقائي ورتها الاول للجنه واتصدمو
صقر استغرب حاله الصدمه دي ومفهمش في اي
المدرسه.....يونس حبيبي انت اللي راسم دي
يونس.....ايوه
المدرسه لسه علي صدمتها ولفت الصوره للمدعوين وكانت صدمه الكل انها صوره لبباه ومامته بس مكانتش مجرد صوره لا دي نسخه من الحقيقه
كلهم اتصدمو واولهم صقر وملك ومش مصدقين ان يونس هواللي قدر يرسمها وطبعا الرسمه دي كانت السبب ان يونس يفوز علي كل وبجداره
صقر ابتدا يجهز حفله ليونس علي بحر وتكونس شامله فوزه في المسابقات وعيد ميلاده واخدهوم وسافر علي اساس تغير جو مش اكتر وكان متفق مع الكل يقابلوه هناك وعمله حفله وهم وفرح بيها جداا وجابلو كل الهدايه الي بيحبها وعامر ووعدي كمان جابولو هدايا اللي بيحبها ويونس كان فرحان جدااا
كمال.انتظر الحفله تخلص وبعد الحفله كلهم متجمعين وطلب البوكس وكلهم استغربو من كبر حجمه
يونس....اي دا ياجدو
كمال.....افتحه وانت تعرف
يونس فتح البوكس وهو عنده فضول راهيب بس اتصدم من اللي شافو وكانت عربيه كبيره برموت كنترول
يونس بسعاده......واووووو دي ذي عربيه بابي بالظبط
كمال.....ينفع حفيدي يكون بيتمني حاجه ومجبهاش لي باردو يالا طلع باقي الهدايه
يونس بيطلع بسعاده وكانت الهديه التانيه عباره عن مجسم طياره كانها حقيقه ودا خلي يونس فرحان جداا
كمال.....دي بقي هديه بباك هو اللي عارف انك نفسك تطلع طيار ف حب يجبهالك عشان تفضل قدامك وتحقق حلمك
يونس راح حضن ابوه وبعد كدا كمل فتح الهدايا وكانت بوكس في كل ادوات الرسم اللي هو يحتاجها
يونس جري علي جدو وحضنو
ملايكا همست لجدها......يالابقي معاد التدريب ياجدو
كمال بهمس.....اهدي بس هتودينا ف داهية كدا
ملايكا.....طيب خلاص
صقر فهم كلامهم واتصدم .....بابا هو انت بدرب البت دي علي اي
مليكه....بوكس يابابي
صقر.....دا بجد
كمال....هي اللي صممت وبعدين بنتك هتبقي ظابط كويس جدا علي فكره بلاش تقتل دا نميه
صقر ....عارف بس مش لدرجه تلعب بوكس ياعني
ملايكا بغضب.....هلعب وهبقي بطله في وهتشوف
صقر استغرب هجوم بنته ومدي حبها البوكس
صقر....حبيبتي انتي بنت اذاي تلعبي رياضه دي
ملايكا .....انا بحبها وهلعبها وهنجح فيها
صقر بص لابوه بس هو رفع ايده باستسلام
+
الايام بتعدي عليهم مستقره وسعيده صقر فرحان بعيلته الصغيره وبنجحها واستسلام لقرار ملايكا وابتدا فعلا يعلمها البوكس واكتشف مهارتها وسرعه استعابها رغم سنها الصغير مليكه طبعا عكس ملايكا ف التفكير وملاهش اي ميول خالص ودا مضايق صقر وبيحاول يحببها ف اي حاجه
ملك بتحاول توازن بين شغلها وبيتتها وقدرت ف وقت قصير تثبت نجاحها كا طبيبه مبدعه وبقت من افضل الدكاتره في المستشفي وبتحضر ف الدكتوراه وصقر واقف معاها وبيساندها وبيفرح بنجاحها وكل خطوه بتتقدمها
صقر علاقته بقيت طبعيه جدا مع والده وولدته الايام داوت المشاكل اللي ما بينهم
رائد اتجوز واحده صاحبه ملك ف المستشفي وبقي هو وعز صحاب وقوه لايستهان بيها في مجالهم
دي كانت خاتمه....يارب تكون عجبتكم وفهمتكم طباع الكل 🥰😍
تمت بحمد الله