رواية عشق محرم
الفصل السادس6
بقلم سوليه نصار
-ماما ...
قولتها وانا بترعش فقربت هي مني ومسكت شعري وهي بتزعق ؛
-ايه الكلام المكتوب ده يا بت..
أنطقي والا فدفنك مكانك ...أنطقي ...
دموعي نزلت وانا مش عارفة اتكلم حاسة بالكسوف في نفسي....معقول قرت كل اللي كتبته....
جابت صفحة من المذاكرات وقالت ؛
-هو ده حصل بينكم فعلا ...أنا مخلياكي تروحي عشان تصالحيه على اختك فأنتي تروحي تلفي عليه ....فعلا تربية ملاجئ ....حتى لو أنا اللي ربيتك من صغرك هيبقى الطبع غلاب...واحدة من الملجأ ...
دموعي نزلت و لي
عيطت جامدة وانا بقول ؛
-ماما نورا متقوليش كده أبوس ايديكي....
-اخرسي ...اخرسي متقوليش ماما...أنا مش أمك أنا ام البنت اللي أنت خدعتيها وعايزة تسرقي خطيبها منها ...ده جزاتي بعد ما نضفتك وكبرتك وعلمتك بتعضي الأيد اللي اتمدتلك...يا بت لولايا أنا كنتي اترميتي في الشارع ازاي أنتي جاحدة بالطريقة دي ..
فضلت اعيط وانا حاسة بالذنب ...حاسة اني وحشة ....أنا بصيت لخطيب اختي..
أنا واحدة حقيرة...كنت بعيط جامد وانا بقول :
-انا اسفة ...اسفة ...
فضلت اعيط جامد كنت بتمنى لو تتشق الأرض وتبلعني....زقتني هي لحد ما وقعت على الأرض وقالت :
-بت انتي...انتي ترجعي للشارع اللي انا اخدتك منه ....اطلعي برا بيتي يالا ...اطلعي ...
هزيت راسي بفزع ...أنا مكنتش هقدر اخسر العيلة اللي عملتها...أنا مش هقدر...مسكت رجلها وانا بترجاها وبقول :
-لا يا ماما أبوس ايديكي متتخليش عني....ماما أنا اسفة ....
زقتني وقالت بقسوة :
-ماشي لو مش عايزاني اطردك تعملي حاجة واحدة ....
بلعت ريقي وهزيت راسي فقالت بقسوة :
-يبقى تتجوزي؟!
بصتلها بصدمة فكملت بتشفي:
-تتجوزي نعيم....
عينيا اتوسعت بصدمة ...الحاج نعيم واحد أكبر مني بخمستاشر سنة كاملين ...هو الوحيد اللي اتقدملي وانا رفضت وماما نورا أول واحدة اصلا اللي رفضت قالت اني لسه صغيرة ومينفعش ادفن نفسي بالحياة ......
- بتقولي ايه يا ماما؟!
قولتها وانا بعيط فقالت بقسوة :
-اللي سمعتيه ...تتجوزي نعيم ....تتجوزيه عشان كريم ينسى الهبل اللي عملتيه ويتجوز سارة ...أما كده او تمشي من بيتي