في قصر كبير في القاهره يبان عليه التاريخ والرقي وقوه العيله العمراني
وكان كله مجتمع على السفره مستنيين طلوع جبل كبرهم
وقالت الحاجه تهاني
روح يا زين ساعد اخوك
رد عليها
انتي عايزاه يبهدل الدنيا هو هيجي دلوقتي مواعيده مظبوطه
وخرج جبل بالكرسي بعجل من الجناح وقرب من السفره والكل قرب يبوس ايديه حتى عمو
وقرب طفل منه وقال له
صباح الخير يا بابا ابص له جبل وخاف ورجع الطفل مكانه
وقالت تهاني
اعمل ايه دلوقتي يا ابني
رد عليها
انا كويس وقال اقعدوا والكل قعد
وقال الجد
عملت ايه في الموضوع اللي انا قلت لك عليه
رد جبل بصرامه وهيبه
لقيتها يا جدي وجايه النهارده القصر
رد الجد
بفرحه بجد يا جبل
رد عليه
انا عمري خلفت وعدي معاك وكان جدي لسه هيرد
وقالت مها
مرات جبل مين اللي جاي القصر النهارده
وبص لها جبل بصه ناريه وقال لها بصوت قوي من امتى وانتي بتتكلمي والرجاله بتتكلم
خافت مها وقالت
انا اسفه والله ما قصدي
رد جبل
اطلعي على فوق وما اشوفش وشك لمده اسبوع
وقالت مها
حقك عليا والله ما اعمل كده تاني بص لها وهي خافت وطلعت تجري على فوق
وقال ابوها
بالراحه شويه عليها يا جبل هي برده ما غلطتش وكلنا عايزين نعرف مين اللي جايه ديت
رد الجد
بنتي الكل اتفاجئ
وقال جمال
بنتك ازاي يعني
رد الجد
ما لكش دعوه وياك تقرب منها لما تيجي القصر
وجمال صوته هيعلى
وقال جبل بصوت عالي
هو في ايه انتم ما لكوش كبير ولا ايه الكل سكت وخاف
وجبل قال
انا لو سمعت صوت حد فيكم تاني مش عايزه يتخيل انا ممكن اعمل ايه فيك
ومشي جبل بكرس العجل لمكتبه ورزع الباب
و قالت تهاني
عاجبكم اللي حصل ده
و رد زين
في ايه يا عمي ما انت عارف ان جدي كان متجوز بعد ستي ايه اللي حصل ده كله
رد جمال
ايه اللي حصل ان امي ماتت من قهرتها لما عرفت انه اتجوز عليها
رد الجد
اسمع يا جمال عشان كلمتي مش هتتقال مرتين اللي هيقرب من بنتي هيشوف النجوم في عز الظهر فاهمين ولا لا
قام الجد ودخل اوضته
وفي شقه راقيه كانت جنه صحيت من النوم وخرجت تنده على باباها
وقال لها
تعالي يا حبيبتي انا في المطبخ
وقالت بصوت رقيق
بتعمل ايه يا بابتي
رد عليها
بعمل فطار لاحلى جنه في الدنيا
ضحكت جنه ضحكه تخطف القلب
وقالت له
انت تقعد ترتاح وانا هعمل لك فطار ايه ملوك
رد عليها
المستحيل اخليك تعملي حاجه انتي طول الليل صاحيه وبتذاكري انا اللي هعمل لك الفطار بايديا
وقالت
يا عيني يا بابتي ده انت اكيد كنت مدلع ماما قوي
ضحك وقال لها
اه في زي ماما ولا جمال ماما ولا عيون ماما
ردت عليه بغضب طفولي
ايه ده بقى يا بابتي كل الكلام ده على ماما وانا ما فيش ولا كلمه
ضحك ياسر وقال لها
اذا انتي حته من ماما وما سبتيش منها حاجه غير عيونها عشان خدت عيون جدتك الحلوه
ردت عليه
عارف يا بابتي كنت بستغرب ماما قوي ازاي تيته تسيب ايطاليا وتيجي تتجوز واحد مصري وكمان كبير في السن وتعيش هنا السنين دي كلها
رد عليها
يا حبيبتي الحب ما يعرفش يعني ايه بلد ولا سن عشان القلب بيبقى مسيطر على البني ادم
ردت جنه
معاك حق وعشان كده انا مش احب غير واحد زيك يا بابتي
ضحك وقال لها
طيب يا ستي الفطار جاهز ممكن بقى اعرف انتى جهزت الشنطه بتاعتك ولا لا
ردت عليه
ايوه جهزتها بس مش عايزه اروح عند الناس دي انا عايزه اقعد معاك
رد ياسر
يا حبيبتي دول مش ناس دول اهلك وكمان جدك مشتاق لك جدا ونفسه يشوفك وما تنسيش ان مامتك توفت وهو ما شافهاش اتاثرت جنه بكلامه
وقالت
حاضر يا بابتي وانت هترجع امتى من السفر
رد ياسر
ما انتي عارفه شهر او اثنين وهكون عندك
قالت له
طيب اوعى تتاخر يا بابتي وانا هديك الورقه اللي فيها الحاجات اللي انا هعوزها
ضحك ياسر وقال لها
على طول بتاعه مصلحتك ممكن بقى نفطر
قالت له
حاضر وقعدوا يفطروا في جو عائلي ما يخلاش من المرح والضحك
اما جبل كان في المكتب بيشرب القهوه وبيبص على ورق الشغل
والباب خبط ودخل شاب وقال
بابا انا عايزه اتكلم معاك في موضوع
رد جبل
تعالى يا مروان وقعد على الكرسي
و قال مروان
بصراحه كده يا بابا انا عايز اسافر المانيا اكمل دراستي هناك
رد جبل
ليه يا مروان عايز تسافر حد يضايقك هنا ولا مامتك قربت منك
رد مروان
لا يا بابا ما فيش اي حاجه بس انا حابب اتعلم هندسه السيارات على اصولها في المانيا
رد جبل
انزل المصنع وتعلم كل اللي انت عايزه ده في مهندسين من المانيا وكوريا والصين شغالين معانا
رد مروان
طب اروح سنه واحده وارجع
رد جبل
وانا موافق بس بشرط مش هتسافر السنه دي لا السنه الجايه وهتنزل المصنع هنا
رد مروان بالفرحه
شكرا يا بابا و باس ايديه وخرج وهو مبسوط
وجبل كمل شغله
وفي المطار كانت جنه في حضن ياسر وبتودعه وهي بتعيط
وهو قال لها
ينفع كده جنتي تعيط
ردت عليك
هتوحشني قوي
رد عليها
وهو بيمسح دموعها كل يوم هكلمك على النت فيديو وبسها
وقال لها
هتطلعي تركبي مع السواق وهو هيوصلك عند جدك خلي بالك من نفسك واهتمي بدروسك عايزك تطلعي الاولى زي كل سنه عشان تبقي دكتوره شاطره
قالت له
وعد هطلع الدكتوره اللي نفسك فيها المهم ان انت ترجع لي بالسلامه وحضنها وبعد عنها واخذ الشنطه ومشي وهي فضلت واقفه تبص عليه لغايه ما اختفى
وخرجت ركبت العربيه مع السواق وفي القصر الجد كان واقف مش على بعضه وكل شويه يبص في الساعه
وجمال بيبص له قوي
وقالت الهام
اهدى شويه يا جمال مش عايزين جبل يقلب علينا
رد عليها
انتى مش حاسه بالنار اللي في قلبي دي اللي خلت امي تموت بقهرتها
ردت الهام بصوت واطي
اصبر وانا هخليها تكره حياتها
رد جمال
ماشي يا الهام وبعد دقائق سمع صوت العربيه وخرج الجد بسرعه عشان يستقبلها
وتفاجئ ببنت زي القمر حوريه والحوريات الجنه بشعرها الاصفر و عينيها الرمادي في ازرق مخليها شبه الملائكه واقرب منها بسرعه
وقال
وحشتني قوي يا حبيبه قلبي حضنته جنه
وقالت له
وانت كمان يا جدو
رد عليها بصوت واطي
ما تقوليش جدو قولي بابا استغربت
وقالت له بطفوله بريئه
حاضر بس انت موطي صوتك ليه
قال لها
بعدين هبقى اقول لك ومسك ايديها وقال لها تعالي اعرفك على العيله
ودخل جوه والكل تنح وصدم من جمالها
وقالت تهاني
ما شاء الله و الله اكبر ايه الحلاوه ديت
رد الجد
ايه رايك يا تهاني ببنتي شفتي حلوه ازاي طالعه لامها
رد زين بصوت واطي
يا ابن اللعيبه يا جدي ما البنت شكلها كده كانت امها عامله ازاي اكيد كانت مكن
وخبطته بسنت في دراعي وقالت له بصوت واطي لم نفسك
واقرب مروان بهيام هو انا ينفع اتجوزها يا جدي
ضحك الجد وقال له
لا ما ينفعش عشان هتبقى عمتك يا حمار
رد مروان
الله بقول لك ايه اتجوزي بسرعه وخلفي لي بنت شبهك كده وانا هستناها
وضحكه جنه بصوت عالي والكل ابتسم على ضحكتها الحلوه
وخرج جبل وقال بالزعيق
ايه الصوت العالي ده سكتت الجنه وخافت وعينيها دمعت وحضنت جدها وهو طبطب عليها
وقال لها
ما تخافيش ده جبل حفيدي وهي فضلت دفنه وشها في حضن جدها
وقال جبل
فين يا ماما الغداء
ردت عليه
ثواني كل حاجه هتبقى جاهزه
زعق جبل وقال
بعد كده الاكل ما يتاخرش كله يمشي في ميعاده
ردت تهاني
حاضر يا ابني
وبعد وقت الاكل تحضر والكل راحه السفره
قال الجد
تعالي يلا يا جنه عشان تاكلي وهي فضلت ماسكه فيه وما كانش في مكان مش عايزه ترفع راسها من حضنه عشان خايفه من صوت جبل
وقعد الجد
على الكرسي بتاعه وهي كانت على رجليه
و قال لها
ممكن بقى ترفعي وشك عشان تاكلي هزه راسها بلا طب عشان خاطرك
قالت بصوت رقيق
انا خايفه يا بابا والكل انتبه لصوتها والجبل وبص لها وشاف شعرها الذهبي اللي بطول ضهرها مغطي وشها
وقال الجد
ما تخافيش طول ما انا جنبك رفعت راسها بالراحه وعينيها اول ما جت في عين جبل استخبت على طول في حضني جدها
وهو حس بكهربا في جسمه من نظره عينيها
وقالت تهاني
ما تخافيش يا حبيبتي كلي بس
والجده قال لها
عشان خاطري بقى انا تعبت ولازم اكل عشان اخد العلاج بتاعي وهي
ردت بسرعه
الف سلامه عليك يا بابا وعلاج ايه اللي بتاخده
رد عليها
بعد الاكل هتعرفي ممكن بقى ناكل هزه راسها باه
وفضلت قاعده على رجله وهو ياكلها وهي بتبتسم وبتاكلوا بقه
وقالت الهام بصوت واطي
شكلها البنت هتاكل بعقل ابوك الحلاوه
رد جمال
انا شايف ونفسي اقوم اجيبها من شعرها ده وارميها بره القصر
ردت الهام
بقول لك ايه خلينا ساكتين انت مش شايف جبل متضايق ازاي
رد جمال
اكيد طبعا انتي عارفه انه ما بيحبش الدلع الماسخ ده
و جبل كان متابعها تصرفاتها واهتمامها بالجد واول ما عنيها تيجي على عينيه تهرب بسرعه
وبعد وقت الكل كان قاعد
وقالت بسنت
انتى بتدرسي هزه راسها باه
وقال زين
طب انتي ما قلتلناش اسمك ايه
ردت بصوت رقيق
جنه وانا في ثالثه ثانوي علمي علوم
ردت تهاني
ما شاء الله
وقال مروان
عايزه تخش كليه ايه
ردت عليه برقيق
طب
وقرب مالك منها وقال لها
انتى حلوه قوي ابتسمت
وقالت له
انت احلى
قال لها
هو ينفع نلعب مع بعض ببجي
ردت بصوت عالي
ايوه ينفع قوي انا شاطره فيها وجمعت اسلحه كثيره تعالى بص وفتحت تليفونها واندمجت مع مالك اللي كان فرحان
وجبل بيتفرج عليها وعلى عمايلها الطفوليه والجد ابتسم على اندماجها مع العيله الساعه دقت 9
وقال جبل
يلا كله على ميعاد النوم وجنه كانت لسه بتوري مالك التليفون واللعبه
وقال جبل
هو انت ما سمعتنيش يا مالك يلا عشان المدرسه الصبح
رد عليه
حاضر يا بابا وقال بصوت واطي بالليل ابقى اجي العب معاكي ما تقوليش لحد هزت راسها بالموافقه
وقال الجد
تعالي يلا يا جنه عشان هتنامي معايا في الاوضه
رد جبل
ما لهوش لزوم يا جدي ادخل الاوضه بتاعتك وهي هتخش الاوضه اللي جنب اوضتي
خافت جنه ومسكت في ايد الجد
وقالت له بصوت واطي بطفوله
عشان خاطري يا بابا ما تسيبنيش انام في الاوضه اللي قال عليها احسن يقتلني بالليل
ضحك الجد بقوه وكل استغرب
وقال لها
ما تخافيش يا حبيبتي ما حدش يقدر يقرب منك وانا يا ستي هفضل جنبك لغايه ما تنامي
فرحه جنه وقالت ممكن مالك يجي يقعد معانا او يبات معانا عادي
رد جبل
ما فيش الكلام ده
ردت عليه بطفوله
وانت مالك هو انا اشتكيت لك الكل اتصدم من ردها عليه وهو برق لها وهي استخبت ورا الجد
وقالت لي الاوضه
فين بسرعه احسن ياكلني وشاور لها الجده على الاوضه وهي جريت عليها وقفلت على نفسها بالمفتاح
وجبل ماسك نفسه عشان ما يضحكش
وقال الكل على النوم
والجد كان رايح على اوضتها
قال جبل
سيبها تبات لوحدها وروح انت يا جدي نام انت تعبان من الصبح
رد عليه
احسن تخاف بالليل ده مش شايف هي عامله ازاي
رد جبل
ما تخافش يا جدي هتبقى كويسه
و رد الجد
طيب يا ابني تصبح على خير
رد عليه
وانت من اهله يا جدي وراح جبل الاوضه بتاعته وقفل الباب بالمفتاح
اما جنه كانت بتفتح الشنطه بتاعتها وهي بتشتم وبتلعن في جبل عشان خوفها وطلعت بيجامه جميله لبستها ولفت شعرها كحكه فوضويه

ومسكت التليفون واتصلت على ابوها اللي رد عليها
وقالت له
وحشتني قوي يا بابتي وصلت بالسلامه
رد عليها
ايوه يا حبيبتي وصلت قولي لي انتي عامله ايه حكيت له كل اللي حصل معاها
وهو قال لها لو حد ضايقك اتصلي بيا وانا هبعت لك تذكره تيجي لي على طول
ردت عليه
حاضر يا بابتي يلا بقى تصبح على خير
قال لها
وانتي من اهله يا قلبي وقفل معاها
وهي كانت قاعده مش عارفه تنام عشان المكان جديد ومسك التليفونها قعدت عليه شويه تتفرج على روايه من على قناه عهد عشان بتحب صوت هنادي تنام عليه وفعلا راحت في نوم عميق
اما جبل كان قاعد فاتح اللاب توب وبيشتغل سامع صوت عالي من الاوضه اللي جنبه مش عارف يركز في الشغل
فراح عند الباب اللي فاصل الاوضتين عن بعض وفتحوا ودخل واتفاجئ ان التليفون شغال وهي نايمه رجليها في الارض والثانيه على السرير
وقرب منها ومسك التليفون قفله وعدل رجليها وهي اتخضت وعيطت
وهو قال لها بصوت
هادي اهدي ما تعيطيش فتحت عينيها
وقالت له بصوت ناعس
انت عايز تقتلني
ابتسم وقال لها
لا مش هقتلك ممكن بقى تنامي
قالت له بطفوله بجد
قال لها طبعا ممكن بقى تنامي
قالت له حاضر وغمضت عينيها بسرعه وراحت في نوم عميق وهو استغرب
وغطاها وجه يتحرك بالكرسي اتفاجئ انها ماسكه في هدومه حاول يفك ايديها لقاها بتعيط فسابها وفضل شويه لغايه ما تنام وغصب عنه عينيه فضلت سرحانه فيها شويه
واول ما اتاكد انها راحت في نوم عميق شال ايديها وراح على اوضته وماسك اللاب توب وكمل شغله
اما في اوضه وجمال
قالت الهام
هتعمل ايه البنت دي بكره ابوك يكتب لها نص املاك عشان هي صغيره وانت عارف ابوك رجليه والقبر
رد جمال
مش هتلحق يكتب لها حاجه عشان انا همشيها من هنا
ردت عليه ازاي
قال لها
سهل قوي جبل هو اللي هيمشيها عشان ما بيحبش الدلع الماسخ ده وكمان هي كانت خايفه منه واحنا ممكن نحط تاتش بتاعنا
ردت الهام
انت كلامك صح انت تعملها بحنيه وانا كمان واقول لها ان جبل ممكن يقتلها لو لو ابوها كتب لها حاجه في الميراث وساعتها هي هتخاف وهتبقى عايزه تمشي
رد جمال اتحلت اهي
قالت له
طيب عايزين نشوف الشغل بتاعنا هنفضل سايبينه لغايه امتى كده
رد جمال
عايزاني اعمل ايه انتي مش شايفه ان جبل بقى بيركز في الشغل قوي اليومين دولت من ساعه الحادثه
ردت عليه
ما انت اللي غبي ازاي تفكر انك تقتله وهو اللي بيبيض لنا البيضه الذهب في شغلنا
رد عليها
اني كنت عايزاني اعمل ايه وانا شايفه حاطط ايده على كل حاجه
ردت عليه
ما هو كده احسن يا غبي البضاعه لو اتمسكت هو اللي هيتاذي مش احنا
رد جمال
خلاص بقى اللي حصل حصل المهم يلا نامي عشان عندنا ميعاد بكره مهم مع صفوت بيه
قالت له طيب
يتبع