أنتي ازاي تعملي كده معايا !!!
قالها معتز بقـ.هر وهو ماشي ورايا بعد ما خلصنا المحاكمة طبعا اتطلقت منه وهاخد كل حقوقي. ..
وقفت وانا ببصله ببرود وقولت:
-عملت ايه يعني ؟!
-فضحتيني يا حنان ..فضحتيني ازاي تقولي قدام الكل اني مبخلفش !!!ازاي تكـ.سري قلبي ...
ربعت ايديا وانا بقول ببرود :
-وأنت لما كد.بت على اخويا زين وقولتله اني أنا اللي مبخلفش وروحت اتجوزت عليا مكـ.سرتش قلبي ...ولا حضرتك قلبك من قزاز بيتكـ.سر بسرعة وانا قلبي من حديد !!!
-مفروض تكوني بنت أصول و...
-يا اخي متخلنيش ألعـ.ن الأصول كلها ...لو هكون سجادة تحت رجليك وارضى بالذ.ل وقهرة القلب وان ميكونش ليا عيال عشان ابقى ست أصول فطز مش عايزة أنا سيدي بنت ستين كلـ.ب خلاص أرتحت ..مش هبقى بنت أصول من النهاردة ...أنا ضحيت عشانك واستحملت معاملة اهلك اللي تقر.ف بس حصل ايه متقدرتش بالعكس روحت اتجوزت عليا ...كـ.سرت قلبي وضر.بتني و ..
-هو ضر.بك !!!
زعق زين وهو بيروح ناحيته عشان يضر.به بس مسكت زين وقولت :
-سيبه ميستاهلش اصلا تتعب نفسك عشانه ...
بصيت لمعتز ببرود وقولت :
-أنت خـ.سرتني يا معتز ...بس تعرف أنا بشكرك اووي لولا اللي عملته كنت هفضل الغبـ.ية اللي هتضـ.حي عشانك وتنسى نفسها ...الغلـ.طة اللي ارتكبتها في حقي حررتني منك وانا دلوقتي حرة اتجوز راجل واخلف عيال كتير وانت روح لدينا ومارس ابوتك عادي وعيش حياتك وامسحني من دماغك ...أنا مش عايزة منك أي حاجة.!....بالعكس أنت اديتني قلم وفوقتني من العبط اللي كنت بعمله ...أنا من حقي أكون أم ومش هربط حياتي بيك ...
دموعه نزلت فابتسمت وانا حاسة اني تحررت ...مكنتش شمتا.نة فيه بعد تفكير حسيت اني نفسي اشكره مليون مرة ...لعل الخير يكمن في الشر....هو اداني قلم ...غد ر بيا بس علمني درس مهم أن مش اي حد يستاهل تضـ.حية !!!
قرب زين منه وقال:
-اقسم بالله هجوزها سيد سيدك ..هخليك تندم على كل دمعة نزلت من عينيها ....
.....
مرت الأيام ..والشهور ....وتقريبا مرت تلات سنين ....
دموعي نزلت من عينيا وانا بشيل بنتي الصغيرة اللي قررت أسميها أسيل بعد ما ولدتها...سنة واحدة بس وزين جوزني لعزيز صاحب ليه...كان أرمل ومعهوش أطفال أتجوزنا وعوضني عن كل حاجة ...أمه وأبوه كانوا أهل تانيين ليا ...وقتها عرفت اني كنت دافنة نفسي مع ناس متستاهلش ...وفعلا هما اخدوا عقا.بهم ...اللي سمعته أن دينا لسه مرات معتز بس مطفحاهم الد.م لدرجة أن تم معتز كل يوم تتكلم قد ايه مرات ابنها الاولى اللي هي أنا كانت ملاك. ..ضحكت من جوايا..يااه على الإنسان صحيح مبيحسش بقيمة النعمة الا لما يخسرها ...بس هما مش مهم ..عيلتي الوحيدة اللي أهم السعادة اللي في قلبي دي لا تقدر بتمن أنا شايلة على إيدي جزء مني ...جزء غالي عليا كنت ازاي هضحي بالشعور الحلو ده عشانه. ...قد ايه كنت غبـ.ية
قرب عزيز وباس راسي فابتسمت له بحب شديد ...
-هنسميها أسيل زي ما عايزة ...
ابتسمت بشقاوة وقولت :
-يعني مش عايز تسميها ملك خلاص ..
-لا هتنازل المرة دي عشان خاطر عيونك يا حنان . ♡
ابتسمت بحب وقولت :
-بحبك يا عزيز ♡
رد وهو بيحضني أنا وبنتنا:.
-وأنا كمان بموت فيكي يا روح عزيز من جوا
تمت بحمد الله