رواية لنا موعد اخر الفصل الخامس والخمسون55 بقلم لولا
فاسيا اتخضت وطبطبت عليها وتابعت ايه في اييه مش بابي اللي على الباب؟؟
سليم دخل وتابع بسخريه لا هو بابي بس الغريب انها خافت .. كرهتي البت فيا يا اسيا ولا يكون بقى في بابي غيري؟؟
اسيا شافته اتصدمت وخافت بشده وتابعت سليم !!
سليم بابتسامه تخيلي؟! وبص حواليه على الشقه وتابع اصل انا سمعت حاجه كده فجيت اتأكد منها من ام بنتي العزيزه
اسيا اتوترت بشده وفضلت تطبطب على تولين اللي بتعيط وخايفه وحاولت تقف على رجليها السليمه وهي بتتألم وتابعت بخوف تولين ادخلي اوضتك يلا
تولين هزت راسها بماشي ورايحه تمشي فسليم مسك دراع تولين وتابع بحده ماتسيبي البت اشوفها هو انا هاكلهاا فتولين فضلت تعيط وبتحاول تفلت من ايديه
اسيا وهي بتعدل طرحتها وبتدخل شعرها لجوه كويس تابعت بحده ودموع :سيبها انت وخليها تدخل اوضتهاا انا ماصدقت بقيت تعرف تنام الليل من غير ماتصحى مخضوضه بسببك وشدت تولين منه وتابعت بحده على اوضتك يلا واقفلي على نفسك
تولين هزت راسها بحاضر وجريت بسرعه فاسيا بصتله وحاولت تداري خوفها منه وتابعت بحده عايز ايه يسليم وعرفت مكاني ازاي وازاي جاتلك الجراه تدخل بيت الانصاري
سليم بابتسامه عايز كل خير يقلب سليم ورايح يحط ايديه على خدها فزقته بقوه وبعدت عنه خطوتين لورا وتابعت بحده احترم نفسك وانت بتتكلم معايا وايااك ايدك القذره دي تلمسني انا مفيش بيني وبينك غير بنتك وبس وعلشان خاطر بنتي مش علشانك هتكلم عنك بالحلو قدام اي حد مع اني مشوفتوش واتعصبت وتابعت اخلص قول عرفت مكاني منين ودخلت هناا ازاي
سليم بابتسامه عرفت مكانك منين دي بتاعتي .. انا مفيش حاجه عايز اعرفها مبعرفهاش ودخلت هنا ازاي بسيطه والله عيله الانصاري بتاعتك دي معندهمش بواب يسأل الناس رايح فين ولا جاي منين فدخلت عادي .. بس السؤال هناا بقى انتي اللي بتعملي ايه في بيتهم يا اسياا ها ؟؟
اسيا بلعت ريقها برعب وتابعت وهي بتداري شعرها كويس: اظن انك طلما جيت لحد هنا تبقي سألت وعرفت فبلاش نستعبط على بعض واحسنلك تبعد عني وتبطل تشغل بالك بياا وده علشانك مش علشاني لان اللي هيحصلك لو اتعرف انك جيت لحد هناا كتير اوي يسليم
سليم بصلها بسخريه وتابع لا انا الحقيقه مش شاغل بالي بحاجه دلوقتي قد شعرك اللي عماله تدخليه وتخبيه مني كأني مش عارفه ولا حافظه ولا حافظ كل ..
فاسيا قاطعته بعصبيه وتابعت احتررم نفسك يحيواان يا زباله وانت بتتكلم معاياا علشان اقسم بالله وغلاوه بنتي لو ما اتعدلت وخدت بعضك وغورت من هنا لألم عليك البيت كله ومش هخرجك على رجليك الليله دي يسليم
سليم بابتسامه اهدي بس اهدي متتعصبيش لطيقلك عرق انا بفكرك بالحقيقه لان حركه الطرحه دي سخيفه جدا بنسبالي بصراحه بس يظهر ان الحقيقه دايما بتوجع
اسيا بعصبيه ودموع الحقيقه انك مش رااجل ولا عمررك هتكوون رااجل والمفروض اني كنت في يوم من الايام عرضك وشرفك فلما ناخد قرار الانفصال واجب عليك انك تحترم خصوصيتي وتبطل تتكلم عني بالاسلوب القذرر ده
سليم بعصبيه راجل غصب عنك انتي واهلك ولو على الطلاق انا مطلقتكيش بمزاجي انتي جبتيلي اخوكي وابن عمك يجبروني اطلقك وده مش من الشرع ولا الدين والاصول اصلاا
اسيا بعصبيه ودموع دين مين يا ابو دين !! دين ايه يا ناقص اللي يخليك تريل على مرات اخوك وتدوس على شرفه في غياابه ؟! دين ايه اللي يخليك تتجوز واحده عرفي كأن مراتك عوره ولا ناقصها ايد ولا رجل !! دين ايه اللي يخليك تجيب بالفلوس اللي ربنا كرمك بيها لاجلي انا وبنتك خراا تدمر نفسك بيه !! لالا انت شكلك اتجننت واللي بتطفحه اثر عليك امشي غورر من هنا يسليم علشان وربي وما اعبد هعملك مشكله يلاا
سليم بسخريه خايفه افضل ليه يا اسياا؟ متقلقيش يحبيبتي مفيش رجاله في العماره كلها انا سألت رجالتي قبل ما اجي ومحدش عارف بوجودي فخليكي عاقله كده ونتكلم بصوت واطي علشان لو على الصوت العالي انا قذر واقدر اقول كلمتني وقالتلي تعالى البيت فااضي وهيتصدق عادي جداا لاني طبيعي معرفش العنوان
اسيا اتصدمت بكلامه وقلبها وجعها وحست بقهر وتابعت بدموع وانا مهما ههددتني مش هخاف يسليم .. ومش هوافق بحاجه غلط تحصل مهما قولت .. ووجودك دلوقتي غلط وميصحش انا متجوزه سيد الرجال وعارفاه بيثق فيا وبيحبني وعمره ماهيصدقك لو عملت كده فا لو انت مش عايز تحترم اني خلاص مش على ذمتك ومعتش ينفع اي حاجه كانت بتنفع زمان انا محترمه اني على ذمه راجل يستاهل مني اصون اسمه في غيابه قبل وجوده
سليم بابتسامه اممم ومين بقى الراجل اللي انتي على ذمته وبتحترميه ده ؟؟ فارس؟؟ اللي فضلتي تفكري فيه حتى وانتي في بيتي؟؟! وجايه تلوميني علشان خونتك؟! واتعصب وتابع ده انتي محترمتيش نفسك وانتي على ذمتي وفضلتي تفكري فيه وطلعتي اوسخ مني 100 مره عايزاني اصدق انك شريفه وصينااه ؟؟!
اسيا ضربته بالقلم بقوه وتابعت بعصبيه ودموع اخررس قطع لساانك انا اشرف منك ومن اهلك كلهمم فارس ده حب عمري بس يشهد علياا ربنا من يوم مادخلت بيتك وانا قفلت موضوعه ورميته برا حيااتي وصونتك في غياابك ووجودك انا مش قذره كده علشان اعمل القرف اللي انت عملته ده يحيواان فوق لنفسك يا سلييم انا اسياا مش شيري ولا ميرناا بتوعك
سليم حط ايديه على خده وتابع بابتسامه :وهو انتي لما تضربيني بالقلم انا مش هعرف اربيكي؟ وضربها بالقلم بقوه شديده لدرجه انها عيطت ووقعت على الارض بسبب عدم توازنها من رجليها اللي واجعها فوطى مسكها من طرحتها وتابع بعصبيه بصي بقى ياروح امك علشان منرغيش كتيير واقولك اللي جايلك علشانه هما حلين ملهمش تالت يا تطلقي من الزبااله ده وترجعيلي علشان نربي بنتنا ياا اخد انا بنتي ويخش تولعي ولا تغوري في ستين داهيه حتى
اسيا اتصدمت وقلبها وجعها وفضلت تعيط وتابعت انا مش هسيبلك بنتي مش هيسبهالك لو هتموت يا سليم واتعصبت وتابعت ومحدش زبااله الا انت ايااك تجيب سيرره فاارس على لسانك يا وسخ ياحقير
سليم زق دماغها فعيطت وهي حاطه ايديها على بطنها فسليم قام وقف وتابع بابتسامه شاطره يحبيبتي انا كنت واثق بردو انك هتختاري بنتك وهتطلقي من الزباااله ده وترجعي لجوزك ابو بنتك
اسيا بصتله بغل وتابعت بعصبيه ودموع ده في احلامك يحيوان يا زباله اللي تتجوز فارس تبقي متخلفه وبنت ستين كلب لو سابته
سليم بابتسامه واللي ترجعلي انا مش تبقى عاقله وبتحافظ على بنتها؟
اسيا بعياط وعصبيه دي متخلفه وبنت ستين كلب انها اتجوزتك من البدايه اصلاا
سليم بعصبيه اسيااا خلاصه الكلام انا مش هسيب بنتي تتربى مع رااجل غريب لو هتموتي والقانون بيردهاا لحضانه ابوهاا في حاله جواز الام واظن اقرب حد ليكي تساليه اخوكي واهو محامي مش هيكدب عليكي وهيأكدلك كلامي فلمي نفسك ومتخربيش بيتك اكتر ماهوو مخروب وانا هحاول انسى انك اتجوزتي .. يا كده يا تديني بنتي ويخش تولعي
اسيا وقفت بالعافيه وتابعت بقهر ودموع انا وانت عارفين انك مش فاارق معااك تولين يسليم انت بتلوي درااعي بيهاا مش اكتررر
سليم بابتسامه اعتبري كده فعلا ماهو انا جوازك ده مش هعديهولك بالساهل كده وهربيكي عليه ومسكها من طرحتها جامد فصرخت وعيطت فتابع سليم بعصبيه علشان ما عااش ولا كان اللي ياخد مني انا حااجه كانت بتاعتي ومهما كانت مشاكلي انا وانتي كبيره قد ايه فـ ده ميخلنيش اركب قرون واقعد بنتي مع واحد غريب
اسيا بعياط وعصبيه كاان غرريب بس بمجرد ما دخل علياا خلااص يحرم على تولين وزيه زي ابوهاا بالظبط وده الدين اللي انت وامثالك متعرفوش عنه حاجه
سليم اتصدم وساب طرحتها وبصلها وتابع بمجرد ما ايه؟؟ انتي بتهزري صح؟؟
اسيا بصتله بخوف وتابعت بحده ودموع لا مبهزرش فارس خلاص بقى من محارم تولين وبكره تبقى عروسه وتقعد قدامه بالبيجامه وكاشفه شعرها عادي انت بس اللي مش عايز تستوعب الحقيقه
سليم بصدمه وحصل امتى الكلام ده؟؟
اسيا بحده وانت مال اهلك حصل امتى انا مبقتش على ذمتك وعدتي خلصت ميخصكش حصل امتى
سليم بعصبيه ردي علياا يا اسيااا حصل امتى الكلام ده انا يادوب لسه عارف الصبح انك اتجوزتي انتي بتخرفي صح !!
اسيا اتخضت وبصتله بكيد وتابعت اتجوزت بعد ما عدتي خلصت بيوم يسليم كنت قاعده مستنيه وبعد الايام على صوابعي
سليم بصلها بصدمه فتابعت بحده فاتفضل غور من هناا علشان جوزي لو رجع وشاافك هيبقى يوم اهلك طين ومش هيعدي وانا اخاف يدخل السجن في امثالك وبصتله بسخريه وتابعت ومتخافش على تولين اوي كده هي مع امهاا وابوهاا وفارس حاططها جوه عينيه
سليم بعصبيه متقوليش ابوها وابوهاا لسه عايشه يا ناقصه
اسيا بعصبيه فاارس ابوهاا وابوهاا غصب عنك وعن اهلك كلهم وبصتله بسخريه وتابعت الاب مش اللي بيتمرقع ويخلف ياقذر الاب صح اللي بيربي وبيسند وبيحضن ويطمن وبنتك ليل نهاار بتقوله يا بابي .. واقولك اللي لو عندك دم يوجعك؟
سليم بصلها وهو ساكت فابتسمت وتابعت تولين بتحب فارس واكتر منك .. عمري ماشوفتها اختارتك عليا ودايما بتختارني انا انما انهارده بقيت تختار فارس عليا وعلى اي حد في الدنيا وشافتك طلعت تجري منك انما بتشوفه هو بتجري في حضنه من كل حاجه وتنهدت وتابعت ابعد عننا يسليم ابعد عننا وخلي عند اهلك دم انا بكره وبعده هيجيلي عيل وعايزه اربيه في هدوء
سليم اتصدم اكتر وتابع انتي حامل يا اسيا !!
اسيا وقفت قدامه وابتسمت بكيد وتابعت اه حامل .. بس المره دي الفرحه مش سيعاني ..شايله حته من الراجل اللي لو عشت عمري كله احطه فوق راسي مش هوفيه حقه واللي عمله معايا وبصتله باشمئزاز وتابعت ومع بنتك يسيد الرجاله وطبطبت على صدره وتابعت روح يلاا روح شوف وراك ايه تلاقي شيري حالتها تعبانه خالص ومحتجاك
سليم كان باصصلها مصدوم وتابع طب اعتبريني غلطت او نزوه ده يخليكي تتخلي عني وتروحي ترمي نفسك انتي وبنتي في حضن غيري وتحملي كمان يا اسياا !! انتي اتجننتي !!
اسيا بعصبيه لا ده اكيد انت اللي اتجننت والله العظيم !! انت مجنون صح؟!! اقسم بالله اكيد مجنون ماهو ده مش كلام واحد طبيعي وتابعت وهي بتزقه تخرجه :ابقى قلل شويه من الخرا اللي بتشمه علشان لحس دماغك قال نزوه قال يبص لمرات اخوه الناقص ويتجوز عرفي ويدمن ويقولي نزوه واتخليتي عني اتفو عليك انسان وسخ امشي يلاا امشيي
سليم بعصبيه انا مش همشي من هناا غير لما اعرف ازاي ؟؟ وبصلها بوجع وتابع بعصبيه ازاي قدرتي تعمليهاا وتخلي راجل غيري يلمسك يا اسياا ازاي هاان عليكي كل اللي بيناا عاادي كدده انا حقيقي مش مستوعب طب انا اتغيرت انتي قدرتي تتغيري ازااي
اسيا دموعها نزلت وبصتله بوجع وتابعت الوحيد اللي ليه حق يسألني السؤال ده هو فارس يا سليم مش انت
سليم بعصبيه ليه هو فاارس شاف ايه منك انا اللي اتصدمت بواحده عشارتها تحت سقف واحد 5 سنين
اسيا دموعها زادت وتابعت فارس شاف مني اللي مفيش حد في الدنيا شافه فارس عاشرني عمره كله مش 5 سنين بس ومع ذلك انا جيت على فارس اكتر واحد ونسيت اللي بينا وروحت رميت نفسي في حضنك وخلفت منك وقهرته فاهو اللي يسالني ويقولي كده مش انت ولما سألني معرفتش ارد عليه .. اصل هقوله ايه؟؟ هقوله اني كنت عيله ومراهقه وهبله ومحسبتهاش؟ هقوله كنت بعاند فيك؟ هقوله مكنتش اقصد كل ده يحصل؟ كل ده مكنش كفيل يهدي وجعه ولا يخليه يسامحني لاني فعلا كنت بنت ستين كلب وبيعته بس هو فضل شااري
وضربته في صدره بقوه وتابعت بعياط هو معملش زيك ورماني وانا بين ايديه .. هو تعب يشتريني رغم ان في نظرك ونظر الرجاله كلهاا دلوقتي سعري قل وبقيت مدام ومعايا عيله وعيطت اكتر وتابعت بس هو مشاافنيش كدده هو فضل شايفني اسياا العيله الصغيره حبيبته اللي كان كل احلامه انه يتجوزها ويخلف منها يونس بس انا بغبائي هديت ده فوق راسه وروحت للي شافني بنوته بيضه وحلوه وعيون زرقه وشعر ملون
واتعصبت بعياط وتابعت ولما زهق بقى يدور على اصناف جديده عاادي وكلهم وسخين واوحش مني بس نعمل ايه لواحد مبيملاش عينيه غير التراب؟؟ واتعصبت اكتر وتابعت بعياط ده يااشييخ في عزز ماا انت كبررتني 20 سنه بكلامك وقرفك فارس صغرني تاني كأني لسه في اولى ثانوي والفرق مكنش فياا لا انا معملتش حاجه جديده انا كنت بنفس شكلي ووشي المرهق وقايمه من اجهاض بس الفرق في العين اللي كانت بتبص علياا بتحبني ولا بتحب جسمي وخلاص وانت يسليم كنت اقذر انسان مر علياا عمري كله وعيطت اكتر وتابعت كنت عقاب كبير وقاسي على غلطه ارتكبتها في حق نفسي زمان وانا عيله صغيره مش فاهمه حاجه ومش عارفه تقرر ..حسنتك الوحيده بنتي تولين هي الحاجه الوحيده اللي انا بشكرك اني طلعت بيهاا انما غير كده انت صفحه واتقطت من حياتي خلااص انا مش بشفق غير على بنتي اللي اسمك هيفضل ملازمها عمرهاا كله
ولو على سؤالك اللي المفروض متسألوش فانا هجاوبك ومسحت دموعها وخدت نفسها بعمق وبصتله وتابعت سمحتله يلمسني يسليم علشان هو الراجل الوحيد اللي قلبي وعقلي طالبني بيه سمحتله علشان هو كان اول راجل يدخل حياتي واتمناه .. سمحتله لانه كان الاساس من البدايه وانا اللي غلطت لما دخلتك حياتنا وعملتلك مكانه اكبر منه .. سمحتله علشان فضل بيحبني وشايفني ملكه جمال وشايلني وشايل بنتي فوق راسي وفي نن عينيه .. سمحتله علشان ده كان المفروض يحصل من البدايه اصلاا بس انا اللي طولت الطريق اوي من ما بقينا لبعض انما كان وهيفضل حبيبي الوحيد .. حبيبي وبقى جوزي وبكره يبقى ابو ابني وانا محبتكش قده ولا هحب حد في الدنيا قده .. انت كنت وهتفضل محطه وسخه عدت في حيااتي وانا اللي استاهل لاني صممت اركب في قطر عارفه انه مكنش ينفعني من البدايه ولو قارنت بينه وبينك شكلك هيطلع وحش اوي فكل حااجه حتى في لمسته ليا شوفت في عينيه وطريقته حب مشوفتوش ولا مره معااك ومن هنا بس عرفت ان حتى دي كانت قذاره وكنت بتلمسني علشان انت وسخ وشهواني وبس مش علشان بتحبني وشاورت على الباب وتابعت بعصبيه ودموع فغور براا احسنلك وسيبنا في حالناا امشيي يلاا وحتى بنتك تنساها
سليم مسك طرحتها فعيطت بهستريه فتابع بعصبيه انا ماشي يا اسياا بس كل اللي قولتيه ده مش هيعدي على خير وهندمك ندم عمررك بس علشان خاطر بنتي هديكي مهله تفكري اما تتراجعي عن الهبل اللي قولتيه ده كله وانا هعمل نفسي مسمعتوش وتطلقي وارجعك اما اجيب الحكومه واجي اخد بنتي وخلي المحاكم بينا بقي تحكم براحتهاا تديهاا لمين
اسيا بعصبيه ودموع مش هتطلق لو عملت ايه يسليم ومش علشان تولين ارجعلك وادمر حياه ابني اللي في بطني من قبل مايجي
سليم بابتسامه قوليله نزل يحياتي وليكي عليا انا هربيهولك ونكتبه باسمي انما انك تخلفي من فارس ويبقي ليه عيال منك انسي
اسيا اتصدمت من كلامه وتابعت بعصبيه ودموع انت بتقول ايه !! بتقول اييه يحيوان !! وتقولي الدين !! انهي دين ده اللي يخليك تكتب عيل مش منك باسمك هاا ومين الواطيه اللي هتطاوعك اصلااا ده مستحيل يحصل انت اتجننت !!
سليم بضحك يعني علشان شويه دم هتخسري بنتك يا اسيا معقوله؟
اسيا بعياط وعصبيه وده حته مني وميقلش غلاوه عن تولين ومش هتخلى عنه مهما حصل او اكتبه باسم واحد وسخ زيك بدل ابوه ده انا قولتلك بشفق على تولين علشان شايله اسمك فتقولي اكتب ده كماان انت حقيقي اتجننت او بتحلم قولتلك خف من الخراا اللي بتشمه وضربته في صدره بقوه ففلتت من ايديه وبعدته عنها
سليم بابتسامه على العموم رقمي زي ماهو مغيرتوش اما تعقلي وتقوليلي نرجع اما متلوميش الا نفسك يا سوستي واستنيني بالحكومه ورايح يمشي فوقف وتابع بابتسامه و ااه صحيح لو ضميرك واجعك اوي اني اكتبه باسمي ممكن تنزليه مش شايف فيكي بطن فاعتقد لسه في البدايه وتبقي ريحتي واستريحتي لان فكره ان فارس يخلف منك دي انا مش هعديهالك ومشي وقفل الباب وراه فاسيا قعدت على الارض مكانتش قادره تقف من رجليها وفضلت تعيط بانهيار وقامت بالعافيه واتاوهت بوجع من رجليها وفضلت تعيط وراحت عند اوضه تولين وفتحت فتولين شافتها جريت عليها حضنتها فاسيا ابتسمت من بين دموعها وتابعت خلاص يعمري خلاص اهدي هو مشي ومش هيجي تاني حقك عليا انا
تولين بدموع وخوف انا خايفه منه اوي يا مامي
اسيا وطت لمستواها وهي بتعيط من ألم رجليها وتابعت بابتسامه مليانه دموع : عيب لما يكون معانا بابي ونخاف من اي حد مش كده؟
تولين هزت راسها بـ اه وهي بتعيط فاسيا مسحت دموعها وباست خدها وتابعت برافو عليكي فاهدي كده ومتعيطيش انا بهدلته ومش هيقدر يجي تاني بس اياكي ياتوتي اياكي تعرفي بابي ان سليم كان هنا علشان ميزعلش ويخرب الدنيا ماشي؟
تولين بحزن حاضر والله مش هقوله
اسيا بدموع شاطره يقلب مامي وحضنتها وباست راسها بعمق
---
عند رانيا كانت قاعده مع عصام
رانيا بابتسامه وبعدين يعني قولت اعمليلي قهوه عملتلك قولت هخلص مكاالمه في الشغل وخلصت ناوي تتكلم ولالا ياواد انت هاا
عصام ضحك وهو بيقفل فونه وتابع لالا والله معاكي اهو انا بس بخلص معاهم علشان مش ناقص وش ويرنوا يقاطعونا كل شويه
رانيا بابتسامه طيب يسيدي قول بقى وتنهدت وتابعت هند قالتلك ايه بالظبط عني
عصام بتنهيده قالتلي كل شر .. قالتلي انك لما عرفتي انها بتحب عم قاسم الله يرحمه روحتي اتجوزتيه عند فيها
رانيا قلبها وجعها من كلمه عم قاسم وسكتت فتابع عصام بتنهيده وانك انتي اللي شجعتي علي يخطب رفيده لما انفصلنا علشان تنتقمي منهاا تاني فياا وكرهتني فيكي وفيه وحاجات كتير اوي
رانيا بحده انا اشجع علي يخطب رفيده !! ليه اتجننت ؟! بص يا ابني ومتزعلش مني في اللي هقوله بس مراتك دي لو اخر بنت في العالم انا مكنتش عايزاها لابني انا من يوم ما علي شد حيله وانا بحلم اجوزه البت حبيبه بت جدعه وبنت اصول وبتحب علي من وهي قد كده انما رفيده دي علي خطبها من غير رضاايا والايام اثبتتله اني صح حقك عليا في اللي بقوله انا بس بوضحلك الصوره اني عمري ما كنت هفكر في كده انا حتى كنت برفض بزياده علشان كانت خطيبتك قبل علي
عصام بتنهيده لا انتي عندك حق فعلا فكل كلمه قولتيها انا مش زعلان من حاجه ياريتني كان عندي ام تنصحني زيك كده يمكن كنت فكرت الف مره قبل ما اتجوزها
رانيا بوجع عملتلك ايه يا نن عيني
عصام بتنهيده بعيدا عن اللي هي عملته انا لفت نظري في كلامك حاجه دلوقتي ينفع اسالك؟
رانيا قول يحبيبي طبعا
عصام انا كنت افرقلك في ايه علشان كنتي بتمنعي ابنك يخطبها بسبب انها كانت خطيبتي قبله ؟ انا على حد علمي علاقتك بامي مش قد كده بسبب عم قاسم
رانيا تنهدت بوجع وتابعت تفرقلي لاني يشهد عليا ربنا عمري مافرقت بينك وبين عيالي وعارفه ان امك هتكون واهماك ومعبياك بكلامك كتير مش حقيقي بس كان عندي امل الايام تتغير ولما ترجع تلاقي اهلك وجيرانك كلهم حبايبك مكنش نفسي ابداا يبقي في بينك انت وعلي عداوه بالشكل ده كان نفسي تبقوا اخوات واقسملك بالله يعصام علي مكنش يعرف انها خطيبتك ولا يعرفك انت اصلا وخطبها لان البت كانت رايحه جايه تقوله بحبك وبصتله بتوتر وتابعت بس ده زمان يعني متشغلش بالك
عصام ابتسم بوجع وتابع ولحد دلوقتي هو انتي فكرك صدقت انها رجعت تحبني؟ رفيده بتحب نفوذي وفلوسي وبس ولو بكره بقيت ممعيش جنيه هتطلب الطلاق في نفس اللحظه اما باعت جوزها علشان الفلوس مش هتبيعني انا !!
رانيا بوجع متقولش كده يحبيبي ربنا يهديها وتحبك زي مابتحبها واكتر ده انت زين الرجال
عصام ابتسم بوجع وتابع مبقيتش تفرق بالنسبالي .. وجودها زي عدمه وتنهد بعمق وبصلها وتابع :بس بردو مفهمتش سر حبك العجيب ليا يا خاله رانيا انا اذيت ابنك وجيت عليكم كتير وانتي من البدايه كنتي اصيله وعايزاه يبعد عن خطيبتي طب ازاي وفي ايه بينك انتي وامي
رانيا اتوترت وتنهدت بوجع وتابعت انا كنت بحب قاسم من وانا في تالته اعدادي وهو كان اكبر مني وبيدرس اولى حقوق وشغال في سوبر ماركت تحت المكان اللي انا باخد فيه دروس علشان يعلم نفسه بنفسه ويجيب مصاريفه وكنت كل ما ادخله يغازلني من تحت لتحت كده وضحكت وتابعت وطبعا انا كنت ملفته للنظر زي اسيا في حلاوتها كده دلوقتي وعينيا ملونه فكنت بجيب اي راجل على وشه مش هو بس
فعصام فضل يضحك وتابع ولحد دلوقتي بسم الله ما شاء الله زي القمر اقسم بالله يعني هي اسيا جابت الحلاوه منين
رانيا بضحك يقلبي انت تعالي يواد هات بوسه ومسكت فكه بايديها بخفه وقربته منها باست خده وتابعت بضحك بتعرف تتكلم حلو انت وعلي طالعين لـ كانت رايحه تقول لابوكم وسكتت بتوتر وتابعت طالعين بتاكلوا بالعقل حلاوه فعصام ضحك فتابعت رانيا بضحك المهم يسيدي فضل كلمه في غمزه ومعجب بيكي طب انتي عجباني طب مرتبطه وعمال يهري بس انا بقي مسكتلوش
عصام بضحك ايوه بقى احكيلي
رانيا بضحك قولتله انا لسه صغيره عايز تقول حاجه قولها لابويا والعنوان اهو قومت كتباه على اول كشكول قابلني
عصام فضل يضحك بشده لدرجه عينيه دمعت وتابع ايه ده يخالتي ده وفضل يضحك اكتر
رانيا بضحك ايه يواد في ايه
عصام من بين ضحكه يوليه سيبيه يدوخ شويه ويحاول شويه ويمشي وراكي مره طول الطريق لحد ما يعرف البيت انما يقولك معجب تديه العنوان كده علطول !! مش معقوله بجد وفضل يضحك
رانيا ضربته في كتفه وتابعت بضحك ما يواد كنت عيله صغيره تالته اعدادي بردو وكان عاجبني وحتت قمر بصراحه خوفت يطير ولا يطفش فقولتله العنوان علطول علشان يخطبني وجيه خطبني صحيح زمان كنا عادي نتخطب بدري كده
عصام كان لسه بيضحك ومش قادر يوقف فتابعت رانيا بضحك طب تصدق مش هكمل بقى
عصام بضحك ولهفه لالا خلاص والنبي احكيلي اكتر عن حسين فهمي اللي وقعك في حبه بسرعه ده
رانيا بضحك والله يواد يعصام مش حسين فهمي ولا ملون ولا حاجه هو شبه علي كده شايف علي قمر ازاي هو زيه بالظبط وابتسمت وتابعت بس قاسم احلي شويه صراحه فعصام فضل يضحك بشده فضحكت على ضحكه وتابعت الله في ايه يواد
عصام بضحك مفيش ياست كملي انا معاكي اهو
رانيا بحب بس يسيدي وخطبني ولما اتخرج من الكليه اتجوزنا وكل ده انا معرفتش امك مفيش غير بعد شهور من جوازي ابتدت تظهر في شقه حماتي كتير وحماتي بقى كانت بتموت فيها وعايزاها لقاسم بأي طريقه بس قاسم كان اختارني انا واتجوزني انا وانا يشهد عليا ربنا يا ابني ما كنت اعرف امك ولا اعرف بحبها ليه غير بعد ما اتجوزنا
عصام تنهد بعمق وتابع نفسي اعرف هي ليه بتعمل كل ده
رانيا ابتسمت بوجع وتابعت متلومش عليها يمكن وجعها من انها شافت الراجل اللي بتحبه مع غيرها خلاها تقول كده وانا عارفه انها بتكرهني بس قولتلك الحقيقه لاجل ان نظرتك انت ليا تفرقلي
عصام ابتسم وباس راسها وتابع انا قلبي قايلي من قبل ما اسألك انك متعمليش كده ياست الكل
رانيا بابتسامه اديني انا حاكتلك عن حبيبي الله يرحمه انت بقي مش ناوي تحكيلي وتفتحلي قلبك؟
عصام ابتسم بوجع وتابع الله يرحمه يارب وتنهد وتابع بس هحكيلك ايه ؟ انا معنديش حكاوي اقولها وانا عيني بتضحك انا كل حكاويا تكسر بس
رانيا ابتسمت بوجع وتابعت اسمعك بردو تعالى يحبيبي وطبطبت على رجليها وتابعت حط راسك وافرد جسمك على الكنبه وطلعلي اللي في قلبك انت زيك زي علي وهو دايما لما الدنيا كانت تضيق بيه كان يجي ينام على رجلي كده ويحكي معايا
عصام ابتسم والدموع اتجمعت في عينيه وتنهد بعمق وتابع تعرفي ان امي عمرها ماقالتلي كده
رانيا حطت ايديها على خده وتابعت بحنان: ربنا يخليلك هند واعتبرني انا امك التانيه يا نن عيني تعالى يلا وطبطبت على رجليها
عصام ابتسم وتابع نستغل غياب علي واسراء وحط راسه على رجليها وفرد جسمه بطول الكنبه فرانيا فضلت تمشي ايديها على شعره وتابعت بحده تيجي وقت ماتحب وملكش دعوه بيهم ده بيتي انا
عصام بتنهيده مش عايز اعملك معاهم مشاكل
رانيا بحده مالكش دعوه انت اعمل اللي انا بقوله وبس وفضلت تمشي ايديها على شعره بحنان وتابعت عملتلك ايه مراتك يحبيبي احكي
عصام تنهد بعمق وتابع قولي معملتش ايه .. تتخيلي انها هي اللي خدت برشام علشان تنزل ابني اللي كان في بطنها؟
رانيا شهقت بخضه وتابعت بصدمه انت بتقول ايه يعصام انت متأكد من الكلام ده !! اصل ازاي يا ابني ازاي ام تعمل كده في ضناهاا لا مستحيل
عصام بوجع لا مع رفيده مش مستحيل وواجهتها وعملت كده فعلا وتنهد بقهر وتابع ده انتي تشهدي عليا كنت نازل بجري بيها زي المجنون وخايف ومرعوب ازاي ان يجرالها هي واللي في بطنها حاجه
رانيا بوجع ودموع عارفه والله يحبيبي وبدعيلك يعوضك فكل سجده لاجل القهر والخوف اللي شوفته في عينيك يوميها
عصام بقهر وياريتها قدرت ولا رسيت على كده وبس دي كمان كانت بتاخد حبوب منع حمل من ورايا علشان متخلفش مني
رانيا اتصدمت بشده والدموع اتجمعت في عينيها وتابعت وعرفت ازاي الكلام ده؟؟
عصام بتنهيده المفروض انا اللي اسألك يمكن تعرفي حاجه
رانيا باستغراب ازاي يعني وانا هعرف منين يحبيبي
عصام بصلها وهو نايم على رجليها وتابع لان حبيبه اللي قالتلي يخالتي بس قالتلي مسألهاش عرفت منين علشان معملهاش مشاكل
رانيا اتصدمت وتابعت اييه !! حبيبه اللي قالتلك ان رفيده بتعمل كل ده !!
عصام بتنهيده ااه وانا من صدمتي من اللي عرفته كان كل همي اتاكد الكلام ده صح ولا غلط فمصممتش اعرف هي عرفت منين لا والانقح بقي قالتلي رفيده مخبيه حبوب منع الحمل فين ولقيتهم في المكان اللي قالته فعلا وبصراحه الموضوع ده شاغل دماغي اوي بس مش حابب اجيب لحبيبه مشاكل لاني فعلا معرفش هتكون عرفت منين
رانيا شكت ان تكون رفيده حكت لعلي وعلي اللي قال لحبيبه فخافت واتوترت اوي وتابعت مش ده المهم .. المهم دلوقتي انت هتعمل ايه مع مراتك يعصام
عصام بوجع والله يخالتي طلقتها امبارح وريحت دماغي بس ابوها اجبرني ارجعها فكبرتله مع اني مش عايزها
رانيا بحده وانت تسمع كلام ابوهاا ليه ماكنت اعمل اللي يريحك وكفاياك تيجي على نفسك البت دي مقرفه وانا مبقتش عايزه ادعيلهاا ربنا يهديهالك بعد كل اللي عرفته ده ..فـ لاا طلقهاا واتجوز ست ستهاا انت الف مين تتمناك
عصام تنهد بوجع وتابع طب واحد قالي بعتبرك زي ابني وهفتحلك قلبي واصارحك وقالي انه عندي السكر والضغط مبهدلينه وهيعوز عمليه قلب مفتوح ويايخرج يا ميخرجش وحالته صعبه جدا وعايز يطمن على بنته الوحيده كنت هقوله ايه طيب؟؟؟
رانيا شهقت وتابعت بحزن لا حول ولا قوه الا بالله ربنا يشفيك يا عادل يارب والله وجعت قلبي عليه يعصام
عصام بوجع فتخيلي بقى واحد مكانه وشايف بنته مطلقه؟ فضل يتحايل عليا وقالي سامحني وحقك عليا وتستاهل قطم رقبتها بس انا خايف اموت واسيبها بطولها وهي طايشه كده انت ابن خالتها وجوزها وهتراعيها واعتبرها عيله وغلطت دي حبيبتك وهي كمان تعبت وعلقت محلول وعماله تعيط من امبارح فاضطريت ارجعها مع اني مش عايز ابص في وشها بس معلش كله لاجل اني اريح بال الراجل ده شويه
رانيا بوجع فاهمه ينورعيني بس مش معناه تيجي على نفسك بردو اصل رفيده مش هتتغير يعصام انا فقدت الامل فيها خلاص
عصام بوجع مش لوحدك والله وانا عارف انها لسه بتحب ابنك وعلشان كده تحديدا ولا طايقه لمستي ليهاا ولا طايقه تخلف مني
رانيا غمضت بقهر وتابعت بوجع يحبيبي متقولش كده هي لو لسه بتحب علي مكانتش تعبت لما انت طلقتها ده هي بس طايشه حبتين انما اكيد تفكيرها مش مع علي خالص
عصام بوجع انتي بتغني وتردي على نفسك يخالتي؟ مانتي لسه قيلالي مش هتتغير دلوقتي بقيت تفكيرها مش مع علي وتعبت لما انا سبتها !! لا رفيده تعبت من فكره ان مفيش فلوس ولا اسم عصام الفتره الجايه مش علشان بتحبني خالص
رانيا تنهدت بقهر وتابعت طب انت ناوي على ايه يعصام؟ ما بردو مش هينفع تطلقها علشان ابوها حرام
عصام بوجع مش هطلقها بس لو غلطت تاني مش هستحملها وهشاهده عليها وخليها جنبه انا خلاص جبت اخري من ناحيتها ومش هعدي تاني بجد خاصه نفسي ابقي اب ودي لا يعتمد عليهاا دي مريضه
رانيا بحزن فكر اعرضها على دكتور نفسي يمكن لما تتعالج حاجات كتير تتغير لان رفيده مش طبيعيه فعلا
عصام بتنهيده ابوها قالي كده بردو وهشوف الموضوع ده بس الفكره انا عايز اخلف ورفيده حقيقي مش هتساعدني وبيني وبينك مبقتش طايق المسها
رانيا وهي بتمشي ايديها على شعره تابعت بوجع بطلت تحبها زي الاول؟
عصام بوجع ياريت كنت ارتاحت وتنهد بعمق وتابع بطلت اضحك على نفسي بإنها بتحب قربي منها زي مانا بحبه وبقيت مقتنع انها بتراضيني وبس فمبقتش قادر افرض نفسي عليها مهما كنت عايزها وبصلها وتابع طب انتي بتقولي فيها انا اخر مره لمست رفيده يوم ما عرفت انها حامل يعني من 4 شهور
رانيا بذهول وده اسمه جواز يعصام !!
عصام بابتسامه اسمه بيزنس اسمه مصلحه اسمه خرا على دماغها اسمه اي حاجه غير انه يكون جواز يرضي ربنا ورغم كده لسه بحبها ما ياريته بايدي كنت اختارت اشيل قلبي وارميه وادوس عليه باوسخ جزمه ولا يحسسني اللي حاسه دلوقتي ده
رانيا دموعها نزلت ووطت باست جبينه وتابعت وهي بتمشي ايديها على شعره حقك على عيني انا والله ربنا يهدي بالك وقلبك يحبيبي ويرزقك الذريه الصالحه قادر يكريم
عصام بسخريه من رفيده؟ صعب
رانيا بحب طب وفيها ايه لما تتجوز تاني وتخلف يعصام ده شرع ربنا واظن انك ليك اسبابك لان مراتك غير مؤهله انها تشيل مسئوليه ولا انت بقى مش هتعرف تعمل كده ؟
عصام بتنهيده مش قصه مش هعرف انا عادي بنسبالي اتجوز بس مش عايز اظلم بنت تانيه بالوضع ده اصل ليه اتجوز واحده يبقى ليها ضره واعيش اقسم نفسي بينهم وواحده بقلبي والتانيه بعقلي علشان الخلفه يعني مجرد رحم فـ لا هستحقر نفسي اوي لو عملت كده انا مش هتجوز تاني الا لما اطلق رفيده وانساها لاني واثق اننا مش هنكمل العمر كله مع بعض وتنهد بوجع وتابع في ناس كده بنحبهم وبنمسك فيهم زي العيال الصغيره اللي ماسكه في لعبه ومش راضيه تسيبها بس من جوانا بنبقى متأكدين انهم مش لمشوار العمر ونفسهم اقصر من كده بكتير
-
عند إيلين كانوا كلهم قاعدين في الصالون بيتكلموا وهي سرحانه ومش معاهم خالص
فتابع كامل بضحك مش كده يا إيلي
فإيلين مردتش فتابع كامل باستغراب إيلين
إيلين بصتله بانتباه وتابعت نعم يا بابي
كامل ابتسم بحرج وتابع واضح انك مكنتيش معانا
صالح بضحك عروسه يا كامل ومتوتره وبتسرح عادي عديها
كامل ضحك بحرج وتابع اه طبعا طبعا المهم نكمل كلامنا ورايح يتكلم فالام زوجه صالح تابعت بضحك: انا رايي نكمل كلامنا بس في غياب الولاد علشان يتكلموا مع بعض شويه ولا انت شايف ايه يكامل بيه؟
كامل بضحك طبعا يفندم وبص لمراد وتابع بابتسامه خد إيلين وادخلوا اتكلموا شويه في الجنينه يحضره الظابط يلا
مراد بابتسامه تحت امرك يا سياده اللواء وبص لإيلين وتابع اتفضلي يا دكتور
إيلين كانت متضايقه جدا من الوضع كله وحاسه نفسها مش مرتاحه وكامل ضحك وتابع اتكلم معايا عادي يامراد احنا هنا مش في الشغل ده انا هبقى حماك خلاص
مراد بضحك حاضر ياعمي حلو كده؟
كامل بضحك زي الفل يلا روحوا ومتغيبوش هاا وبص لإيلين فقامت وقفت ودخلت الجنينه فمراد ابتسم وتابع اكيد حاضر وسابهم ودخل وبقيوا يكملوا كلامهم وقعد قدام إيلين وهو باصصلها باعجاب وتابع ازيك عامله ايه؟
إيلين بضيق الحمدلله كويسه
مراد باستغراب مالك متضايقه من حاجه؟
إيلين بابتسامه بارده : لا خالص هكون متضايقه ليه
مراد بابتسامه على العموم طالعه زي القمر في الدريس ده بجد
إيلين تنهدت وتابع ميرسي جدا يحضره الظابط
مراد بابتسامه لا حضره الظابط ايه انا باذن الله هبقى خطيبك يعني ناديني باسمي عادي وضحك وتابع ده انتي بنت سياده اللواء حتى يعني كلنا اللي نعملك الف حساب
إيلين بضيق لا مبحبش ارفع الالقاب في بدايه علاقتي بأي حد زي مانت قولتلي يا دكتور كده
مراد وهو بيولع سجاره تابع بابتسامه تمام ياستي بالوقت هتاخدي عليا ونفخ دخانها وتابع عايزه تعرفي عني ايه؟
إيلين فضلت تهوي بايديها بضيق وتابعت لو سمحت اطفي السجاره انا اتخنقت ومبحبش ريحتها بتتعبني ومن الحاجات اللي تقفلني من اي راجل وتخليني ارفضه انه يكون بيدخن
مراد رماها وطفاها برجله وتابع بحرج بعتذر مكنتش اعرف انها بتتعبك وبحاول اقلل منها والله باذن الله نبطلها خالص ادعيلي
إيلين بتنهيده ربنا يهدي الجميع بس عامه انا معنديش اسئله اقولهالك ممكن انت تتكلم عن نفسك
مراد بضحك ايه يا إيلين هو انا في انترفيو اتكلم عن نفسي ايه بس
إيلين بكلمك بجد والله معنديش حاجه اقولها ومبقعدش مع عرسان صالونات دي اول مره بابي يصمم
مراد بتنهيده افهم من كده انك كنتي رافضه؟
إيلين اممم بس مش رفضاك انت رافضه مبدا الصالونات
مراد بتنهيده على العموم انا هكلمك عن نفسي وانتي شوفي اللي يريحك وهستنى الرد من سياده اللواء انما مفيش حاجه هتحصل انتي مش عايزاها
إيلين بابتسامه انا متاكده من حاجه زي دي يحضره الظابط
مراد بتنهيده المهم يستي اسمي مراد صالح عز الدين عندي 27 سنه ظابط مباحث في قسم شرطه المعادي ورتبتي نقيب عندي اخ واحد اصغر مني اسمه باسل بيدرس ثانويه عامه حاليا ومعايا فيلا جنب فيلا اهلي في الشيخ زايد وبصلي الحمدلله ها عايزه تعرفي ايه تاني؟
إيلين بتنهيده لا زي الفل حلو كده انت قولت كل حاجه هل عايز تعرف عني انا حاجه؟
مراد بابتسامه عارفك وعارف عنك كل حاجه من والدك وشوفتك كتير معاه والا مكنتش طلبت اتقدملك
إيلين ابتسمت بضيق وتابعت اممم طب انا هصلي استخاره وخير باذن الله يحضره الظابط
مراد بابتسامه وانا هستنى ردك وقام وقف
إيلين رايحه تتكلم فعصام رن عليها فمسكت الفون بلهفه وتابعت طب اطلع انت يمراد وانا جايه وراك
مراد استغرب لهفتها وهز راسه بماشي وطلع فردت وتابعت بدموع عصام انا عايزه اشوفك
عصام اتخض وتابع مالك يا إيلين فيكي ايه؟؟
إيلين بدموع مش هعرف في الفون هحاول شويه كده او بكره اكلمك واقولك نتقابل فين والاحسن بكره فعلا
عصام بقلق لا انا لسه هستنى بكره انتي قلقاني من الصبح
إيلين بدموع لالا متقلقش والله بس انا مش هعرف انزل انهارده فبكره لما اقولك العنوان تجيلي علطول ها
عصام بقلق حاضر يحبيبتي هستناكي بس حاولي كلميني تاني انهارده بالله عليكي
إيلين بدموع هشوف حاضر باي دلوقتي وقفلت معاه
وخرجت كان باباها قاعد لوحده فاستغربت وتابعت هما مشيوا؟!
كامل بحده اه مشيوا ممكن افهم حصل ايه بينك انتي ومراد علشان يخرج متضايق بالشكل ده ويقولهم يلا وهنستنى ردها !!
إيلين بحده انا معملتش حاجه لحد وكنت بطبيعتي جداا هو اللي حس اني مش عايزاه لان دي الحقيقه
كامل بحده حلو تصغريني كده قدام الناس يا إيلين !! ابوه صاحب عمري تقدري تقوليلي ارد على الناس اقولها ايه واهبب ايه في اللي عملتيه ده !! كسفتيني وخليتي شكلي زي الزفت قدامهم
إيلين بحده انا قعدت معاهم رغم اني قولتلك مش موافقه بس انت اجبرتني وقولتلي اقعدي ومش هجبرك توافقي وانا مش موافقه فخلاص الموضوع خلص
كامل بحده انتي بت قليله الادب ومتربتيش ويظهر دلعي ليكي عمل فيكي كده انا مش هرد على مراد وهسيبك يومين تفكري بعقلك علشان ده عريس ميترفضش وهو اللي بتمناه لبنتي
إيلين بدموع وبحده بس مش اللي انا بتمنااه انا مش عايزاه الجواز بالذات مينفعش بالعافيه مالك يابابي من امتى وانت كده !!
كامل تنهد بعمق وتابع يابنتي انا راجل كبير ومش هعيش قد اللي عيشته خايف يجرالي حاجه اسيبك بطولك فابوس ايديكي ريحي قلبي دي فرصه حلوه اديكي قولتي عمري ما اجبرتك يعني فعلا المره دي شايف انه ميترفضش ده شاب هايل ومجتهد وناجح وبعتبره زي ابني بالظبط ومش هقلق عليكي وانتي معاه
إيلين مسحت دموعها وتابعت انا بحب حد تاني يا بابي
كامل استغرب وتابع بتحبي حد؟! حد مين؟؟
إيلين تنهدت بقهر وتابعت عصام السيوفي
كامل بصدمه المجرم اللي حبس علي واتجوز طليقته !! واتعصب وتابع انتي اتجننتي يا إيلين ولا جراا لمخك حااجه ؟!!!
إيلين بدموع وبحده عصام مش مجرم وكل ده حصل في لحظه شيطان انما هو حقيقي شخص كويس
كامل بعصبيه كويس ايه وزفت ايه على دماغك ودماغ اهلك ده مجرم وعلي حكالي عليه بلاوي ومتجوز يعني حتى لو كويس فاهو متجوز خلاص ضاقت بيكي الدنياا علشان تحبي راجل متجوز !!
إيلين بدموع كان متجوز هو طلقها دلوقتي خلاص
كامل بصدمه وانتي عرفتي الكلام ده كله منين ان شاء الله لتكوني بتكلميه؟
إيلين بحده اه يابابي بكلمه وهو مش زي ما انت فاكره بجدد صدقني انت سمعت من علي بس انما هو حد نضيف من جوه
كامل بعصبيه اياا يكن ميحاولش يقتل ويحبس واحد بريئ مفيش مبرر للي عمله غير انه مجرم ومريض نفسي وانا لواء في الشرطه وليا اسمي وسمعتي ومبعديش الغلط لو الدنيا كلهاا عديته وبطبق القانون حتى لو على ابويا ولما اجي اناسب هناسب راجل مفيهوش غلطه علشان يستاهل إيلين كامل الفقي انتي بنتي الوحيده ومش هرميكي وبصلها بسخريه وتابع انما هو ده اللي ترفضي مراد علشانه !! لالا انتي اكيد اتجننتي وانا عايز اعرف انك شوفتيه ولا قابلتيه تاني وانا اربيكي من اول وجديد يا إيلين وسابها وطلع فقعدت على الكنبه وفضلت تعيط بشده
-
على البحر عند الشباب والبنات كانوا قاعدين كلهم حوالين بعض قدام البحر وبيتكلموا
علي بضحك طب يمالك اقسم بربي هقوم البسها اسود عليك دلوقتي
مالك فضل يضحك وتابع يا ابني مرااتي مراتي انت مبتفهمش ما انت حاطط ايديك على كتف بنت عمي والواحد رجولته بتنجرح وساكت
حبيبه فضلت تضحك وتابعت ولا تزعل يا ولد عمي اوعا يعلي احترم نفسك قدام اخويا ونزلت ايديه
فعلي بصلها بصه وترتها فمسكت ايديه بتوتر حطتها تاني وتابعت لو سمحت يمالك خليك في حالك رجولتك تنجرح ولا تنزف متدخلش امي في الموضوع
فكلهم فضلوا يضحكوا بشده فتابع مالك بضحك هو حلال ليك وحرام لياا ياجدع اتقي الله ده انا كاتب
علي بضحك يحيوان بنت عمك دي انا اللي مربيهاا وكنت بعتبرها اختي فلما بعمل كده نيتي مفيهاش حاجه وعلشان تبطل طوله لسان اهو وشال ايديه وتابع ابعد عن البت بقى واتلم
حبيبه برفعه حاجب لالا لحظه واحده بس هي مين دي اللي كنت بتعتبرها اختك؟؟
حسن بضحك البس يمعلم
علي بتوتر وضحك يابت زمان زمان اوي يعني
حبيبه بحده زمان اوي ده اللي هو امتى اما انت بتحبني من وانت عيل صغير؟؟
علي بضحك يابت لما كنت بقرر اتخطااكي فضلت اقول انك اختي ومش عارف ايه
مالك بضحك في فرق بين انك بتقول وبين انك حاسس كده فعلا فالسؤال هناا انت عمرك حسيت حبيبه فعلا اختك؟
علي فضل يضحك وتابع يا ابن الكلب علشان اقولك لا فتقولي اومال ازاي بتحط ايديك على كتفها وتقولي كنت معتبرها اختي فمالك فضل يضحك بشده وحبيبه ضربته بقبضه ايديها في صدره وتابعت بحده رد عليه علشان منكدش عليك دلوقتي
علي مسك ايديها باسها وتابع بضحك وربي عمري ماحسيتك اختي انا كنت بتهرب منك علشان مغلطش واتعدى حدودي اصلا بس بحور على مالك علشان يتلم
فكلهم فضلوا يضحكوا وحبيبه ابتسمت بحب فتابع مالك بضحك يجدع اتقي الله هتروح من ربنا فين منكم لله
علي بغيره المهم تتقيه انت دي لسه مدخلتش بيتك تعالي هنا يابنت الكلب انتي وقام وقف على ركبته وقرب من سلمى مسك دراعها وتابع تعالي جنبي يلاا
سلمى بضحك حاضر حاضر والله
مالك مسك في دراع سلمى التاني وتابع بضحك لااا واخد مراتي فين اشمعنا انا اقعد فرداني ده انا الوحيد اللي متجوز يكفره يا ملحديين متقوميش يسلومتيي لااا
فكلهم فضلوا يضحكوا وعلي فضل يشدها منه وضربه بايديه التانيه يبعده وتابع بغيره سلومتك في عينك وعين اهلك دي سلومتي اناا بس تعالي يابت كدده
سلمى بضحك ماسك فيا والله فعلي شدها من مالك وقامت قعدت جنب علي الناحيه التانيه تحت ضحكهم المتواصل فعلي حط ايديه على كتفها وتابع برفعه حاجب بتستعماني يحيوان وانا قاعد وايديك مره على رجليها مره على وسطهاا ايه شايفني مركبهم ولا حااجه فكلهم فضلوا يضحكوا بشده فمالك بصله وتابع بذهول وضحك يا ابني مراتي قسما بالله مراتي هتقتنع امتى طيب
علي بضيق مش هقتنع واخرس خالص
سلمى بضحك خلاص يمالك كفاياك تضايقه بجد
مالك بصلها بذهول وتابع بضحك والله انتي انسانه واطيه
سلمى فضلت تضحك بشده فعلي بصلها وتاابع هو الواد ده هياخدك مني؟
سلمى حطت ايديها على خده وتابعت بضحك ياروح قلبي متخلقش ولا هيتخلق اللي ياخدني منك ده انت نن عيون سلمى وباست خده وتابعت وقلب سلمى وباست خده التاني وتابعت وروح سلمى من جوه والله ورايحه تحضنه فحبيبه مسكتها وتابعت بغيره اييه يمااما اييه هي وكاله من غير بواب مبقيتش اخوات كده ده انتي ناقص تبوسيه من بوقه وانا قااعده ماتتلمي وتلمي روحك يابت
فكلهم فضلوا يضحكوا بشده فتابعت سلمى بضحك لا سيبالك انتي دي عيب عليكي وغمزتلها
فكلهم فضلوا يضحكوا بشده فتابعت حبيبه بغيره طب ابعدي عن الراجل كده بس واتلمي يلا يماما يلا يحبيبتي وبتزقها
مالك بضحك ايوه يابنت عمي اديها مترحميهاش تستاهل بنت الجزمه دي
علي فضل يضحك بشده وتابع بس يا ابن ستين جزمه مالكش دعوه بحبيبه قلبي دي براحتها دي وحضنها جامد وباس راسها بعمق فحبيبه بصتله بذهول وتابعت والله؟ يعني انا ببعدها انت بتحضنها
علي بضحك حبيبههه دي سلمى مالك انتي هتتهبلي؟
حبيبه بحده ايوه مالهاا سلمى يعني ينفع تحضنها كدده؟
فكلهم فضلوا يضحكوا بشده فتابع علي بضحك لالا انتي رافعه حاجه من صباحيه ربنا والله
سلمى بضحك وهي بترقص حواجبها تابعت ينفع طبعاا ده يحضني انا وانتي لا دلوقتي
حبيبه بغيره يعلي هجبهالك من شعرهاا
علي فضل يضحك وتابع لالا حرام عليكي ده هما شعريتين اللي حليتهاا البت عايزاها تبقي قرعه قدام المهزق ابن عمك يعني؟
حبيبه بضيق اه احسن
مالك بضحك لالا ثانيه بس انتي شعرك خفيف؟
على برفعه حاجب لا مفيهاش شعر اصلا بحلقلها زيرو كل شهر ها عجبك ولا نفضها سيره؟
كلهم فضلوا يضحكوا بشده فحسن تابع بضحك ياساتر ياارب هتموت وتخربها
مالك فضل يضحك وتابع لا يغالي عجباني على الاقل مميزه لما احط ايدي على راسها هتاخد جوله وتتزحلق بسرعه فكلهم فضلوا يضحكوا بشده فتابعت سلمي بضحك احترم نفسك هو خفيف فعلا فيه فراغات بس طويل الحمدلله وانا بعالجه
علي برفعه حاجب لالا سؤال انتي بتبرريله ليه يابت انتي
سلمى بحرج عادي حقه يعرف
مالك بحب اعرف ايه يعمري وفيها ايه خفيف دي مشكله اغلب البنات بطلي عبط يسلمى انا بهزر بس بصراحه جالي فضول اشوفه بعد اذنك يعلي
علي بضحك ادبك احرجني والله
مالك بفرح يعني موافق؟
علي بضحك لا لما تبقى في بيتك
فكلهم فضلوا يضحكوا بشده فتابع مالك برجاء يعلي بالله عليك مره واحده والله علشان خاطر حبيبه يجدع
علي بضحك لو مكنتش تحلفني بالغاليه خلاص شوفه مره
فكلهم فضلوا يضحكوا فتابعت حبيبه بحب نن عيون حبيبه والله
علي رايح يتكلم لفت نظره ان اسراء بتضحك وتتهامس مع حسن فتابع بحده بت تعالي جنبي انتي التانيه يلاا بلا قله ادب انتوا هتستغفلوني وانا قاعد
اسراء بضحك وذهول وربناا بنتكلم عن المكاان عاجبنا فقولنا نيجي فيه الهاني مون والله
علي برفعه حاجب هاني مون ااه قولنا مفيش جواز الا قبل القيامه بيومين تتجوزيلك يومين ونتحاسب علطول
فحسن بصله بذهول وكلهم فضلوا يضحكوا بشده فتابع حسن بضحك يسطاا ده انا صاحبك اعز صحابك مبصعبش عليك خالص
علي بضحك انت مجنون ياالا مانت علشان صاحبي مش متقبلهاا انت فاهم يعني ايه صاحبي اديه اختي؟؟ لالا انا اللي رجولتي ومشاعري وكل حته فيا بتنجرح من مجرد التخيل تعالي هنا يابنت الكلب
فكلهم فضلوا يضحكوا بشده واسراء نفخت بضيق وهي بتضحك وراحت هي كمان جنبه
مالك بضحك ولا اللي كاتب نافع ولا اللي مش كاتب نافع ده احنا هنرتاح منه وهو في الكليه
علي بضحك مين قالكم كده يكلااب كيمو مكاني يحبيبي وانت بالذات يبتاع مراتي انسى انك تتهنى خالص ده حتى ليله فرحكم هاجي ابات معاكم
سلمى بضحك تنور يعيوني
علي بحب ونطرده وننام انا وانتي في اوضتك اتفقنا؟
سلمى بضحك اتفقنا
مالك بضحك اه علشان ارجعك معااه علطول
علي بضحك ماهو ده المطلووب ياغبيي فكلهم فضلوا يضحكوا بشده فتابع حسن بضحك لامم بنات العيله كلها حواليه ومقعدني انا وانت جنب بعض
مالك بضحك يشيخ ده ربنا ينتقم منه ده
علي بضحك هسيبكم دلوقتي خمس دقايق واقوم انا ومزتي نجيب ايس كريم
مالك وحسن في صوت واحد بضحك ياااه اخيرا فتابع مالك بضحك بص هي دي مش بنت عمي بس والله انا مسامح اقعد ساعه مش خمس دقايق
علي بضحك وهو بيقوم من على المفرش اللي حاطينه تابع لا بتنجرح اوي رجولتك ورش عليه رمله من جنبه وتابع بتنجرح هاا
فكلهم فضلوا يضحكوا بشده وعلي حط ايديه على كتف حبيبه وتابع بضحك يلا يعمري فحبيبه مشيت معاه وتابعت بضحك متكتمش على مالك اوي وحياتي حرام ده جوزها يعلي
علي بغيره حتى لو انا مبستحملش اشوف حد قريب من اخواتي بجد يحبيبه طب تصدقي وتأمني بالله
حبيبه بضحك لا اله الا الله
علي بضحك انا غيرت لما عرفت بحمل اسياا اه فرحتلها بس حسيت اني غيران كده فحبيبه فضلت تضحك بشده ومالت براسها عليه وتابعت بضحك يخربيت عقلك بجد يعلي
علي بصلها بحب وتابع عيون علي .. شكلك قمر في الدريس ده على فكره
حبيبه بابتسامه ده بجد؟
علي بحب اه والله واحلى حاجه انه كم شفاف بالنسبالي اهون من النص كم اللي بتلبسيه فحبيبه فضلت تضحك وشويه وراحوا قعدوا مع بعض تاني ووزع عليهم الايس كريم
وبعد شويه البنات مشيوا انهم يطلعوا للاوضه والشباب فضلوا تحت واتصلوا بكريم
وعند كريم كان قاعد على الكنبه وكنسل على علي وبعتله واتساب "يا ابني مش هعرف ارد اخاف تسمعني" فعلي كتب " طب ايه هتنزل امتى؟" فكريم بعت " خمسه وجاي ابدئو انتوا اهم حاجه " وقفل فونه لما لقى نيره خارجه من الحمام وهي لابسه البورنص بتاعها وقفلاه كويس وطوله لحد بعد الركبه بشويه وشعرها بينقط مايه على الارض ومخلي شكلها كيوت جدا فبصلها باعجاب شديد حاول ميظهروش بس فشل فضحكت وتابعت مالك متنحلي كده ليه هاا
كريم ابتسم بتوتر وتابع لا ابدا شكلك قمر وانتي لسه خارجه من الشاور
نيره بحب يحياتي انت وراحت باست خده فكريم اتأثر بقربها وغمض عينيه وتنهد بعمق وهو بيبص للارض وتابع حرارتك نزلت اهو
نيره قعدت على كرسي التسريحه وتابعت بحب اه حاسه نفسي احسن بعد الشاور بصراحه
كريم بحب طب حلو اوي هنزل انا علشان الشباب عايزني تحت وهكلمك شويه كده انزليلي نتعشا في اي مطعم علشان منزلتيش انهارده
نيره ابتسمت وتابعت خلاص ماشي فكريم راح باس راسها وريحه شعرها كانت تحفه فابتسم وتابع يخربيتك حلويات اقسم بالله ووطى باس خدها وتابع يلا باي ففضلت تضحك وتابعت بحب باي فخرج من الاوضه والبنات كانوا داخلين فتنهدت بعمق وسكتت فتابع كريم بهمس لحبيبه اعملي زي مافهمتك ها
حبيبه بضحك متقلقش والله يلا روح انت
كريم بضحك ربنا يستر منكم والله يلا ادخلوا وبالفعل دخلوا وكريم قفل الباب ومشي وتابع لنفسه لا دي ميتقعدش معاها تاني لوحدنا ابدا قسما بالله ما كنت قادر ابعد نفسي عنها وتنهد بعمق ونزل في الاسانسير وعند البنات دخلوا قعدوا على السرير ونيره كانت بتسرح شعرها وهي سرحانه فتابعت اسراء بخبث خدتوا بالكم من البت نهله اللي كانت تحت زميله كريم اللي عرفنا عليها دي؟
حبيبه بتمثيل ضيق يخرابي دي بت بارده تحسيها عينيها منه يابت يا اسراء
سلمى اه انا حسيت كده جدا عامه
نيره لفت بصتلهم بغيره وتابعت مين نهله دي؟
حبيبه بخبث احنا منعرفش ده بيقول كانت معاه في الكليه وحاليا شافته صدفه فعايزه تشتغل في شركته وهو يابت رحب وفضل يضحك معاها وافتكروا ايام زمان وحاجه اخر مرقعه
نيره بضيق انا اعرف صحاب كريم واحده واحده اول مره اعرف بالاسم ده
اسراء بابتسامه غريبه ده بيقول انها من اقرب صحابه
سلمى بضحك شكلهم هيتجوزوا بما انه كرف للبت ندى الحيوانه دي
نيره بضيق يتجوزوا ايه يابنتي هو سلق بيض؟
حبيبه بتنهيده وليه متفكريش تتجوزيه انتي يانيره؟
نيره اتصدمت وتابعت بضحك افندم؟ انتي واعيه للي بتقوليه
حبيبه بتنهيده واعيه جدا كمان ايه الحرام؟
نيره بضحك يابنتي مش حرام بس مستحيل انتي هبله ده اخونا وابونا يحبيبه ده انا لسه خارجه قدامه بالبورنص علشان ده بالنسبالي من محارمي تقومي تقوليلي جواز
سلمى بابتسامه انا شيفاكي بتتكلمي في النظره المعروفه عموما انه ابوكم واخوكم ومن محارمك ده كله الناس بتقولوا على علاقه كريم بيكم انما مقولتيش رايك انتي كـ نيره ايه؟
نيره بتوتر اكيد لا طبعا جماعه انتوا طبيعين ده كريم لو سمعكم يشتمكم ازاي اصلا هيبصلي بالنظره دي ولا انا اشوفه جوزي ويلمسني يخربيت التخلف وفضلت تضحك
اسراء بضيق متعصبنيش وفيها ايه ما علي كان بيقول على حبيبه اخته بس هي عمرها ماكانت كده
نيره بضحك لان علي معتبرش حبيبه كده بس كريم بيعتبرني فعلا كده بس يحبيبتي ربنا يهديكم والله ده انا مش متخيله يعني ايه اتجوز كريم وهو اللي يلمسني يجدعان حاسه في حاجه غلط يجدعاان وفضلت تضحك بشده
حبيبه خلينا متفقين انك بتضحكي ومش كارهه الفكره او رفضاها بس طبيعي مخك ميستوعبش يعني ايه اخوكي بقي جوزك مش كده؟
نيره بضحك اه زي الخاله نوسه كده ابويا عايز يتجوزني والله انتوا مخكم ضرب قال كريم قال ليه خلصت الرجاله هروح اتجوز اخويا يهبله منك ليهاا وقامت تجيب حاجه من الدولاب
سلمى بتنهيده انتي طول عمرك بتدوري على حد زيه بس ليه مفكرتيش ان ممكن هو نفسه يكون الحد ده؟
نيره بتنهيده جماعه بطلوا عبط بليز على المسا انا اه عايزه زيه لانه حبيبي ونورعيني واخويا وابويا وكل اهلي انما مش طبيعي سلمى او اسراء مشاعرهم لعلي ممكن تتحول لجواز من كتر ما هما بيحبوه وعايزين زيه انتوا فاهمين؟
كلهم بصوا لبعض بحزن فتابعت حبيبه بتنهيده على العموم كبري دماغك دي مجرد دردشه عاديه
نيره وهي بتطلع دريس احمر تابعت بضحك مانا هكبر فعلا سبق وهناء قالتهالي قولتلها انا وكريم وجواز وحلالي وحلاله يعع بجد وفضلنا نضحك وحطت الفستان على نفسها وتابعت حلو ده اتعشا بيه مع كريم؟
حبيبه بتنهيده اه حلو
نيره ابتسمت ودخلت فتابعت سلمى بحزن هنعمل ايه؟
حبيبه بتنهيده متقلقيش انا هعرف اجيبها نيره بتحبه وغارت عليه بس بتكابر لانها مش متخيله الفكره ويمكن مش قادره تعترف ان ده حب وفاكره كريم بيشوفها بنفس نظرتها
وشويه ونيره خرجت لابسه دريس اوف شولدر احمر وصك لحد لركبه بالظبط وفردت شعرها بتمويجه وحطت ميكاب رقيق وروج احمر ولقيت كريم بيرن عليها فردت وتابعت ايه يعيوني .. حاضر نازله خلاص وقفلت معاه وبصت للبنات وتابعت نازله ها
حبيبه بصت على الساعه لقيتها 8 لسه فتابعت بابتسامه هو لسه شويه بس كل سنه وانتي طيبه ينورعيني
نيره اتفاجئت بشده وتابعت بحب ودموع يعني طلع في حد فاكر اهو ياروح قلبي وحضنتها جامد وتابعت بدموع تسلميلي بجد ده كريم نسى يحبيبه متخيله
حبيبه بابتسامه يهبله تلاقيه هيعيد12 انتي عبيطه كريم مستحيل ينسى
نيره بوجع لا نسي بقوله بكره موافق ايه هو مش في دماغه اصلا
اسراء بحزن معلش اعذريه صدقيني اكيد غصب عنه مشغول جدا الفتره دي اديكي شايفه
نيره تنهدت بوجع وتابعت كريم عمل حلو كتير يخليني اعديله واعذره عادي مقدرش ازعل منه ..يلا هنزله انا علشان بيرن تاني وطلعت وقفلت وراها وركبت الاسانسير وهي بترد عليه وتابعت ايه يكريم خلاص والله انا نازله اهو خليك واقف تحت بس علشان مش هعرف اروح لوحدي
--خلاص ابعت اللوكيشن ماشي يلا باي وقفلت معاه ونزلت وفتحت اللوكيشن وبقيت تمشي معاه ودقايق ووصلت وشافت من بعيد مكان مزين على الرمل قدام البحر وترابيزه وعليها شموع فاتفاجئت جدا وبقيت تمشي بخطوات سريعه وكريم كان واقف ماسك وراه بوكيه فلما وصلتله كانت وشها باين عليه الانبهار فبصت للمكان والورود اللي على الارض وعلى الترابيزه والتورته اللي عليها صورتها فعيطت وبصتله وتابعت كريم ..انت منستش عيد ميلادي !!
كريم طلع الورود من وراه فاتفاجئت بشده من حجم البوكيه وكميه الوورد والشكولاتات اللي فيه فكريم مسك ايديها باسها وابتسم وتابع ده انا انسى نفسي وانسى الدنيا كلها ومنساش اليوم اللي ربنا بعتلنا فيه ست البنات كلهم كل سنه وانتي معايا يا نورعيني
نيره عيطت بفرح وحضنته جامد فالشباب كانوا واقفين من بعيد ضحكوا وضربوا كفهم في كف بعض وكريم شافهم وابتسم وحط البوكيه على الترابيزه وحط ايديه الاتنين على ضهرها وضمها ليه اكتر ووطى سند جبينه على كتفها وهي مش مبطله عياط وتابعت انا بحبك اوي اوي بجد يكريم والله ما عارفه اقولك ايه حقيقي مش قادره اصدق
كريم باس راسها بعمق وبصلها يمسح دموعها وتابع بحب وانا بموت فيكي يا قلب كريم اهدي بقى مانا مش صارف ومكلف علشان تفضلي تعيطي كده انا عايز افرحك
نيره بدموع فرح وهي بتبص حواليها تابعت بعيط من فرحتي والله حقيقي كل حاجه تحفه تحفه اوي كماان انت اللي عملت كل ده؟
كريم بضحك بصراحه الشباب ساعدوني بس هي فكرتي
نيره بحب ودموع تسلم ايديك وتعبك والله وحضنته تاني فكريم ضمها ليه اكتر وتابع يارب السنه الجايه اشوفك زي مانا عايز
نيره بصتله باستغراب وتابعت بضحك وهو ايه اللي انت عايزه؟
كريم بحب لا مش هقولك دلوقتي لما اشوفك بالشكل اللي بتمناه هقولك كنت اقصد ده يابت يانيره
نيره بحب ودموع قلب نيره وعُمر نيره والله
كريم بحب هي لسه مجتش12 بس علشان بعد مانحتفل هروح اخرجك قبل ما كل حاجه تقفل
نيره بضحك وفرح تمام جدا اتفقناا
كريم بحب قطعي التورته يلا
نيره بضحك امسك معايا طيب زي كل سنه
كريم بحب بس كده ده من عيوني ووقف جنبها ومسكوا السكينه وقطعوا حته سوا فمسكتها بايديها وقربتها منه فكريم كال منها وتابع عقبال العمر كله يا يعمري
نيره بحب ودموع وانت معايا يحبيبي وكالت وراه ومسكت الوورد وتابعت بحب ودموع تحفه اوي اوي بجد يكريم حقيقي تعيش وتجيب ينورعيني والله كلفت نفسك
كريم بحب تعيشي ياروح قلبي وبعدين ده الغالي يرخصلك يهبله هو انتي اي حد ولا ايه يا نونتي
نيره افتكرت وتابعت بغيره نونتك ااه وضربته في صدره بقوه فتأوه بوجع وتابع ااه في ايه يخربيت اهلك
نيره بضيق انا اللي نونتك ولا نهله هاا
كريم بضحك ايه ده هما قوام قالولك عليها
نيره بحده مبهزرش يكريم مين دي وليه انا معرفهاش؟
كريم بضحك مجاش في بالي احكي عنها يعمري والله بس هحكيلك وماله
نيره بضيق مجاش في بالك ازاي وهما بيقولوا انك قولت انها قريبه منك
كريم امم ده حقيقي بس انا نسيت بقى لما خلصنا جامعه والاايام سحلتني انما كانت واحشاني والله
نيره بحده وحش ما يلهفك يبعيد مين دي يكريم هو انت متعرفش تفضل فاضي خالص؟؟
كريم برفعه حاجب يعني ايه مبعرفش افضل فاضي خالص يابنت الجزمه انتي
نيره بحده يعني من نادين لندى لنهله هو في اييه انت عامل عقد مع حرف النون !!!
كريم بصلها بحب وتابع مش اي نون يملى العين ينونتي والله
نيره بضيق لا ماهو واضح بصرااحه
كريم بضحك ايوه انتي ايه مشكلتك دلوقتي مش فاهم اعتبري معجب بيها
نيره بوجع ومتقوليش ليه؟ ومن امتى بتخبي؟ وليه احس اني عرفت منهم هما مع ان كل اخبارك بتبقى معايا؟
كريم بضحك ايه حيلك حيلك اهدي عليا شويه ايه راديو واتفتح؟! يحبيبتي انا لسه شايفها الصبح وهي لطيفه هبقى اعرفك عليهاا بس احنا صحاب قريبين بس ولما شوفتها فضلنا نفتكر ايام زمان انما قرار زي ده مش من يوم وليله يعني ولما يحصل حاجه زي دي اكيد انتي اول واحده هتبقى عارفه بس هو مفيش حاجه اصلا وحياتك يا نونتي
نيره بضيق اممم طيب يلا يكريم
كريم بضحك يلا ايه وعهد الله ماهتحرك الا لما تضحكي وتقوليلي يلا يكوكي
نيره ضحكت غصب عنها وتابعت دلوقتي كوكي حلوه ها
كريم بحب انتي اي حاجه منك حلوه انا كوكي معاكي انتي بس وضحك وتابع شوفي بشمهندس كريم الجارحي اللي بيتهزله شنابات رضي يبقى كوكي لاجل عيونك
نيره فضلت تضحك بشده وتابعت روح قلبي والله
كريم بضحك ايوه كده هي دي الضحكه اللي تفتح النفس
نيره بصتله بحب وتابعت بضحك طب يلا يكوكي
كريم مسك ايديها باسها بحب وتابع يلا يعيون كوكي بس استني نقعد شويه والعيال هتيجي نكمل احتفال بيكي بعدين نروح نتعشا انا وانتي بس
نيره بحب اتفقنا
-
عند اسيا كانت قاعده في اوضتها على الارض وسانده ضهرها للسرير وبتصارع نفسها هتعمل ايه وايه الحل في المشكله اللي في هي فيها دي وحست انها فعلا كانت انانيه لما اختارت تتجوز وتفرح وتظلم بنتها فمسكت فونها بقهر وبعتت لصاحبتها محاميه لانها مكانتش عايزه تعرف علي " مساء الخير ياهبه عاملة ايه .. بقولك يحبيبتي هو دلوقتي انا اتجوزت تاني هل يحق لابو تولين يطالب بحضانتها مني بسبب الجواز؟" فثواني وكانت بتكتبلها واسيا قلبها بيدق بعنف وجات المسدج "مساء النور يحببيتي انا بخير واه للاسف مجرد جواز الام الحضانه تروح بسهوله جدا للاب في حاله رفضه ان بنته تعيش مع جوز ام" فاسيا شافت المسدج اتصدمت وحست قلبها بيتقسم نصين ومش قلبها بس عقلها كمان تختار مين؟ بنتها وتكمل باقي حياتها في سلام بعيد عن كل حاجه ولا جوزها وحبيبها والبيبي اللي في بطنها وتخسر بنتها !! عقلها كان هينفجر من كتر قله الحيله والوجع وسمعت صوت فارس بينادي عليها فمسحت دموعها بسرعه وقامت تقف فتاوهت بوجع شديد وفارس كان دخل فلحقها قبل ماتقع وتابع بخوف يحبيبتي حاسبي ..100 مره اقولك متتحركيش ونادي علياا يا اسيا
اسيا وهي بتبص بعيد تابعت سمعتك بتنادي فكنت هحاول اجيلك
فارس يحبيبي انا بشوفك صاحيه ولا نايمه وكنت جايلك انما عارف انك متقدريش تتحركي تعالي بس يلا علشان ظبطلك الكلام وجبتلك الشاورما وحضرتلك كولوسلو وطحينه وبيبس بس مجبتش توميه علشان غلط على الحمل
اسيا بضيق ماليش نفس يفارس وقعدت على السرير وتنهدت بتعب وتابعت كل انت وتوتي
فارس استغرب وتابع انتي هبله ولا عبيطه انتي اخر حاجه واكلاها الساعه 1 ولا 2 واديها دلوقتي داخله على9 وعندك ادويه مينفعش طبعا
اسيا بحده يفارس انا مش عايزه اطفح ارجوك اطلع وسيبني في حالي
فارس بعصبيه جرالك يا اسياا انتي هبت منك خاالص وهتزعقيلي كماان !! كل ده علشان بقولك تعالي كلي !! ومسك دراعها جامد وتابع بعصبيه هو انا علشان مدلعك ومش بقومك حرفياا وبعمل كل حاجه مفروض تتعمل ومأجز من شغلي وماشي شايلك اليوم كله فكرتيني هعديلك فبتتعصبي علياا !!
اسيا بدموع يسيدي كتر الف خيرك وحقيقي اللي انت بتعملوا كتير وانا عارفه اني تعباك ممكن تسيبني لوحدي شويه بقي ارجوك
فارس باصصلها مصدوم من عياطها وطريقتها فتابع في ايه يا اسياا حصل حاجه وانا برا ؟! امي كلمتك في اي حاجه ؟؟
اسيا بدموع لا والله محصلش حاجه انا مخنوقه كده شويه هرمونات وهتروح لحالها متشغلش بالك
فارس بحده مشغلش بالي ايه انتي مش شايفه نفسك؟! يابنتي مالك حصل ايه؟!
اسيا بحده ودموع محصلش يفارس يووه بقى في ايه هو اي نكد وخلاص
فارس بحده انا اللي اي نكد وخلاص !! انا اللي بنكد دلوقتي !!
اسيا وهي بتمسح دموعها تابعت بضيق فارس انت مش عايزني اكل يلا هطفح اهو
فارس بعصبيه وهو فارس عايزك تاكلي لنفسه ولا ايه ماتحترمي نفسك وتتكلمي عدل علشان مدكيش قلم يعدلك قسما بالله
اسيا بحده ودموع يسيدي انا هاكل اهو وقولتلك مفيش متاخدش عليا ارجوك انا حامل ونفسيتي تعبانه
فارس بعصبيه مبدائيا انتي صوتك ميعلاش وانتي بتتكلمي علشان مقلش ادبي عليكي ثانياا انا عاايز افهم ايه اللي جرالك فاجاه كدده ماكنا بنعلب وكنتي بتهزري وكويسه حصلل اييه ماهو اما حصل حاجه ومخبيها علياا اما انتي مجنونه
اسيا بضيق ودموع لا محصلش حاجه اعتبرني اتجننت يلا بقى علشان البت جعانه وبتتسند عليه
فارس بتنهيده انا كل ده يعلم الله مطول بالي عن امد ايدي عليكي طب علي كويس وامك واخواتك؟
اسيا هزت راسها بـ اه وتابعت كلهم بخير متقلقش صدقني انا هبقى كويسه متاخدش عليا وطلعت برا وقعدت على الترابيزه وتولين كانت قاعده ساكته وفارس مستغرب سكوتها فتابع بتنهيده انتي كويسه يعمري؟ فتولين هزت راسها بـ اه بحزن
فشكوك فارس زادت فتابع هو في حاجه حصلت وانا برا ياتوتي؟
تولين بصتله بحزن فاسيا بصتلها بحده فوجهت نظرها لاسيا وبصت لفارس بتوتر وتابعت لا يابابي
ففارس خد باله وبص لاسيا بحده وتابع انتي بتبصيلها ليه؟
اسيا بضيق انا مبصتش لحد
فارس زق خدها بايديه للناحيه التانيه وتابع بعصبيه لا بصيتي ماهو انا مش اعمى وشوفتها عينيها راحت عليكي مخبيه ايه يا اسياا وبتعلمي البت الكدب اخلصي
اسيا بعصبيه ودموع مش مخبيه حاجه قولتلك ياربي بقى ورجعت شعرها لورا بضيق وهي بتعيط
فقارس لفت نظره خدها الاحمر وتابع ايه ده ان شاء الله؟
اسيا بخوف ايه في ايه
فارس بعصبيه مين ضربك علشان خدك يحمر كده؟
اسيا بخوف محدش ضربني انت زقيت خدي جامد بس دلوقتي
فارس بعصبيه ليه زقيتك بعياار انتي عبيطه ولا بتستعبطيني؟
اسيا بحده يفارس محدش ضربني ينهار اسود مين هيضربني يعني ايه الاوهام اللي انت عايش فيها دي انا كلمت ماما كانت بتحكيلي عن بابا فعيطنا سوا ومودي اتقلب شويه وتولين كانت شقيه فزعقتلها فعيطت انما محصلش غير كده
فارس بصلها بملامح بارده وتابع مبلعتش يا اسياا بس اطفحي وبعدين نشوف الحوار ده فاسيا تنهدت بضيق وسكتت وبالفعل شويه واكلوا وتولين نزلت تلعب مع ملك ففارس دخل لاسيا الاوضه لقاها لسه خارجه من الشاور وبتتسند فتابع بحده ممكن افهم في ايه بقى؟؟
اسيا بتنهيده مفيش حاجه بس حاسه اني اتسرعت
فارس باستغراب اتسرعتي في ايه؟
اسيا راحت وقفت قدامه بالعافيه فسندها بلهفه قبل ماتقع فبصتله بوجع وتابعت في قرار جوازي منك
فارس بصلها بصدمه وتابع نعم؟ انتي بتقولي ايه؟؟!
اسيا حاولت تمنع دموعها وتابعت اه دي الحقيقه .. حاسه ان كان لازم نفضل ممتنين لايام زمان علشان نفضل فاكرين بعض بالحلو وخلاص انما جوازنا بوظ حاجات كتير
فارس بحده انتي اتجننتي على المساا صح ومسك دراعها جامد وتابع بعصبيه جوزانا ايه اللي بوظ حاجات كتير يا اسياا انتي واعيه بتقولي اييه وفين اللي باظ ده اصلاا
اسيا بصتله بقهر وتابعت بدموع بنتي ..بوظ حياه بنتي يفارس .. وبتعصبت بدموع وتابعت هي متستحقش تتظلم لان امها قررت ترجع ايام المراهقه وتتجوز حبيب الطفوله
فارس بصلها بذهول وصدمه وتابع ليه هي تولين اتظلمت بينا في ايه؟؟ انا مش محسسها بأي نقص ومعتبرها بنتي
اسيا بوجع بس مش ابوها وتنهدت بوجع وتابعت كفايه لحد كده اكون ام انانيه ..طلقني يفارس