رواية لنا موعد اخر الفصل الرابع والخمسون54 بقلم لولا
حط على مناخيرها منديل فيه مخدر فاغمى عليها
احد الرجال بلهفه برافو عليك يا ادهم يلا هاتها بسرعه
ادهم وطى شالها بين ايديه وتابع بحده كانت هتفضحنا المفروض كنتوا عملتوا كده من الاول يبهايم
الراجل بخوف طب يلا انجز مفيش وقت للكلام ده اركبوا يلاا
فبالفعل كلهم ركبوا وادهم طلع بلميا وقعد في اخر العربيه ورا وهي نايمه في حضنه وكلهم في الكراسي اللي قدامه فتنهد بعمق وشال القناع رماه على جنب وكلهم عملوا زيه لانهم ماشين وسط الشارع مش عايزين حد يشك فيهم
الراجل اللي بيسوق بص عليهم من المرايه وتابع مين اللي هينفذ المهمه بقى؟
ادهم بحده ما اتنيلنا قولنا انا هو حواار !!
واحد تاني بضحك : بس بس اهدى ياعم ادهم خلاص محصلش حاجه مبروك عليك الليله يباشا سيبه يا صابر
صابر اللي بيسوق تابع بضحك ياعم انا بنكشك ياعم في ايه بس ميمنعش تباصي لاخوك بعد ما تخلص ده احنا اخوات يعني والبت بطل الصراحه
ادهم اتعصب جدا وكور ايديه بغل وتابع بعصبيه يظهر ان هزاري وضحكي معاكم نسااكم اني كبيركم يا حيوان منك ليه بس الصبر ليكم روقه
رامي بقلق حقك عليا انا يا ادهم بيه سيبك منه ده متخلف وبيهزر اكيد
صابر بقلق اه اه انا فعلا بهزر ده حتى الاصول ان لما كبيرنا يكون واخد حاجه عينينا كلنا تتخزق ومتترفعش فيهاا دي حاجه كلنا عارفينها
ادهم بصله بحده وتابع بهدوء : ده كده كده وغصب عنك واتعصب وتابع واخلص يلا مش هنفضل ساعتين في الطريق
صابر بتوتر حاضر والله وبالفعل رفع السرعه ومشيوا في طريقهم للمكان اللي بيقعدوا فيه وادهم بص لـ لميا وهي مغمضه ونايمه باستسلام وحط ايديه على خدها وتنهد بوجع ووطى باس جبينها وسند جبينه على جبينها وهمس بوجع ليه وصلتينا لكده؟؟ ليه تخليني ليا شوكه تكسر ضهري هناك بعد ما كنت بلعب بطولي؟؟ حرام عليكي يا لميا ياريتك سمعتي كلامي اللي جاي هيحصل فيه ايه انا حقيقي مش عارف
وشويه ووصلوا فادهم شالها بين ايديه ونزل بيها فتابع احد الرجال: عدلي بيه بيستعجلك يا ادهم فخلص وبلغني علشان اروح اقوله
ادهم بتنهيده حاضر ابعدوا انتوا بس عني ومتقفوش فوق راسي
معتز بضحك لا يباشا براحتك هنعتبرها ليله فرحك
وكلهم فضلوا يضحكوا وادهم غمض بضيق وتابع بعصبيه قسما بالله اللي هيفتح بوقه تاني هقل منه مش عايز خفه دم من اهلك انت وهو
صابر بتوتر اعتبره متكملش حقك عليا انا
ادهم بضيق بقيتوا حاجه تقرف يلا غوروا وانا شويه وجاي
وخد لميا ومشي بيها في ممر طويل ووصل لاوضه اخر الممر وفتحها ودخل حط لميا بهدوء على السرير وراح قفل الباب بالقفل وخد نفسه بعمق وبصلها وهي نايمه وتابع يشيخه منك لله اهبب ايه انا دلوقتي !! ايه اللي بايدي علشان انجدك مانا ياما حذرتك مسمعتيش كلامي ليه ؟!! وضرب كف في كف ومسح على وشه بضيق شديد
-----
عند هاله كانت في المطبخ بتعمل شاي علشان ابتسام اختها قاعده معاها وابتسام ماسكه الفون وبترن على لميا ومتوتره اوي
فخرجت هاله وهي شايله الصنيه وتابعت مبتردش بردو؟
ابتسام بتوتر لا مقفول و100 مره اقولها لو روحتي مشوار ضروري وهتتنيلي تقفلي الفون طمنيني قبلها بس لا ازاي ازاي بنتي تعيشني بالي مرتاح يعني
هاله بقلق اهدي بس متوتريش نفسك تلاقيها جايه والفون فصل منها ولا حاجه
ابتسام بقلق ياهاله قيلالي من ساعتين انها نازله من الجريده وهتركب وجايه ليه كل ده بس
هاله بحيره طب ايه اكلم كريم اقوله؟
ابتسام بخوف لا ايااكي وهو كريم ينورعين امه هيعمل ايه من وهو في شرم يعني مش هينوبنا منه غير العصبيه والزعيق لانه اخر فتره مكنش مطمن وحاسس ان لميا بتعك وبتنشر مقالات ضد ناس كبار اوي
هاله بحده ماهي بنتك دي بردو مش ناويه تتهد خالص بصراحه هي قد الناس دي ولا احنا قدهم اصلاا
ابتسام بخوف اقول عليهاا ايه منها لله واجعه قلبي ده لو طلعت هي اللي بتنشر المقالات اللي خاربه البلد الفتره دي ضد الدكتور عدلي الشامي يبقي انا بنتي الله يرحمها ودموعها نزلت وهي بتضرب على رجليها من التوتر
هاله بخوف بس بس تفي من بوقك عدلي ايه ان شاء الله مش هي انا اه شوفت انه اسم الجريده بتاعتها بس سألناها وقالت انه زميلها
ابتسام بدموع وخوف وقال يعني صدقتها اوي دي بنتي واعرفها من نظره عينيها وكدابه هي اللي بتكتب يا هاله انا واثقه وعيطت
هاله بخوف وبحده واما انتي متنيله واثقه مخلتيش ابنك يمنعها تنزل شغلهاا ويرزعها في البيت لييه هاا
ابتسام بدموع وبحده علشان عارفاها دماغها ناشفه وجزمه قديمه زي ابوها الله يرحمه هو حاتم كان كده تقوليله والله يمين هيدمرك يقولك يمين واتدمر عادي المهم يمشي اللي في دماغه وهي زيه مكنش هينوبني غير خناقات ليل مع نهار هي وكريم
هاله بحده متيهألك ده كريم يقطم رقبتها وبيخوفهم كلهم مكانتش هتقدر تتكلم
ابتسام بدموع متيهألك انتي كانت هتهاوده وتقول لغيرها ينزل حتى من وهي في البيت .. لمياا طلما حطت موضوع في دماغها هتنفذه وهي مصممه تحبس الراجل ده .. مبتشوفيش التحول اللي بتتحوله لما بتيجي سيرته وبتتعصب ازاي
هاله بذهول شوفت ياختي شوفت ولوت بوقها وضربت بايديها على رجليها ياواقعه سودا ربنا يستر ده مكنتش قلقانه قلقتيني ربنا يسامحك ياريتها سافرت مع اخواتهاا ياريتها كنا اطمناا
ابتسام بدموع اممم وتسيب بلاويها لمين لما تسافر ده تحسي ماصدقت كريم مش هنا ونزلت من صباحيه ربنا متفهميش بتعمل ايه ورفعت الفون تحاول تتصل تاني بس بردو مقفول فنفخت بضيق ولقيوا الباب بيخبط
ابتسام وهاله بلهفه: اهي شكلها جاات وقامت هاله تفتح الباب بسرعه اتصدمت بعلي فلهفتها اطفت وتابعت بضيق هو انت !!
علي بتنهيده عايز اتكلم معاكي شويه ياهاله
هاله بضيق كريم مش هنا مش هينفع تدخل
علي بحده ليه مكونش طلقتك وانا مش فاكر علشان كريم هنا ولا مش هناا !! اتهفيتي في مخك على الصبح ولا ايه
ابتسام سمعتهم فراحتلها وتابعت بتوتر خلاص يا هاله سيبيه يدخل ده جوزك بردو تعالى يا ابو نيره تعالى اتفضل
هاله بحده متقوليش ابو نيره دي بنتي انا بس مش بنت حد
علي برفعه حاجب جبتيها لوحدك ياك
هاله بعصبيه لا لسه بدور جبتها منين زي ما طلبت مني قبل كده بس ملقتش ابوها لحد دلوقتي
علي غمض عينيه بعصبيه وتابع بهدوء طب انا مش عايز اقل منك وازعلك قدام اختك لحد دلوقتي هاا
ابتسام بقلق تعالى يعلي تعالى ده بيتك ومطرحك وشدت ايديه ودخلت بيه وهو بيبص لهاله بضيق
وابتسام بصتله بقلق وتابعت اتفضل اقعد انا هطلع واسيبكم شويه ربنا يهدي سركم ويعمل الصالح
هاله بحده لا خليكي متسيبناش لوحدناا
ابتسام بتوتر خلاص بقي ياهاله ده جوزك مش حد غريب ميجراش حاجه اقعدي معاه واسمعيه وهدي سركم مالكوش الا بعض وسابتها وطلعت وقفلت الباب فعلي بصلها وضحك بسخريه وتابع جتك ستين نيله متقلقيش اوي ياختي الدنيا خدت عافيتي خلاص ملهاش لازمه تقعد معانا
هاله بحرج احترم نفسك واخلص قول عايز ايه
علي فضل يضحك بشده لما شاف احمرار خدودها وتابع انتي لسه بتتكسفي يا هاله ؟ وابتسم وتابع ولا العيله الـ 20 سنه
هاله بصتله بوجع وتابعت ليه هو انا كنت قعدت مع راجل العمر كله علشان ابطل اتكسف؟ مانا كل اللي عيشتهم في بيتك 3 سنين ومن يوميها للنهارده وانا عايشه لبناتي وبس مع اني كنت قادره اطلب منك الطلاق واتجوز بس انا معملتش كده
علي ابتسم بوجع وتابع ومعملتيش كده ليه يا هاله؟
هاله الدموع اتجمعت في عينيها وتابعت مكنتش هقدر .. مكنتش هقدر اشارك غيرك فرشتي ياعلي مع انك اكتر حد قهرني ووجعني في الدنيا ويااما جالي عرسان اللي مطلق واللي ارمل واللي متجوزش خالص لاني جيت صغيره وحلوه بس انا مكنتش بوافق ابدا رغم ان حاتم وابتسام زنوا عليا كتير اني اطلق منك واتجوز بس انا مقدرتش
علي دموعه نزلت وبص للارض وتابع انا عارف اني جيت عليكي .. وعارف اني ظلمتك بس اقسملك بالله حقك انتي وبناتك جيه تالت ومتلت وبصلها بوجع وتابع كفايه عمري اللي ضاع وانتي بعيد عن عيني واتمنيت كتير المحك وابوس على راسك واقولك حقك عليا سامحيني وملقتكيش .. انا عشت الندم بيموتني كل دقيقه واتعاقبت زياده بكرهه بناتي ليا واختيارهم لكريم عليا
هاله رايحه تتكلم فتابع بوجع ودموع وقبل ماتتكلمي فاهو حقهم ومش بلومهم على فكره ما هو فعلا اللي رباهم بس بوريكي اللي عيشته صعب وقاسي قد ايه انا اللي حصلي ولسه بيحصلي عقاب من ربنا لاجل اني ظلمتك يا هاله
هاله بدموع عايز ايه يعلي .. انا مطلوب مني ايه دلوقتي
علي بوجع عايز اسالك سؤال وصدقيني مش هضغط عليكي في اي حاجه تاني
هاله بدموع اسأل
علي وقف قدامها بالظبط وحط ايديه على خدها يمسح دموعها وتابع انتي لسه بتحبيني؟
هاله قلبها وجعها ودموعا نزلت وتنهدت بقهر وسكتت فعلي بصلها بوجع وتابع ارجوكي ردي عليا
هاله بصتله بوجع وتابعت بدموع معرفتش اكرهك .. رغم انك شكيت فيا وجيت عليا وقهرتني الا اني لسه زي مانا وعيطت وتابعت فكرت لما بعدت عني اني خلاص هنساك وكرهتك وبصت لملامحه بوجع وتابعت بس اول ماشوفتك .. قلبي وجعني ورجع يدق كأني عيله عندي 18 سنه شافت حبيبها اللي معاها في الدرس وصعب عليا اني العمر عدا بينا كده واحنا بعيد عن بعض واللي جاي خلاص مش قد اللي راح وعيطت اكتر وتابعت بقيت بتمنى ان ياريتك ماكنت اذتني علشان بس افضل جنبك .. تقوم تقولي لسه بتحبيني؟ انا عمري ماكرهتك يعلي وكنت بفضل اتخيل يتارا العمر عمل ايه في ملامحك في غيابي
علي دموعه نزلت بقهر وابتسم بالعافيه وتابع عجزت مش كده؟
هاله ابتسمت بدموع وتابعت ليه هو انا عجزت؟
علي بابتسامه 40 سنه وعجزتي !! انتي بتهزري صح ده انتي احلويتي وغلاوه بناتي
هاله ضحكت من بين دموعها وتابعت مش لوحدي وابتسمت وتابعت ولا كأن العمر والسجن غير فيك حاجه لسه زي مانت بنفس الملامح حتى الابيض في شعرك شعرتين تلاته
علي بضحك انتي عايزه راجل 45 سنه شعره يبيض يشيخه روحي منك لله ده انا اكبر من كريم بـ 18 سنه
هاله شهقت وتابعت بضحك تصدق لما قارنت سنك بكريم صغرت اوي في نظري
علي بضحك اه اومال انتي فاكره ايه انا متجوزك انتي 17 وانا 22 العيال دي اتأخرت اوي بجد
هاله بابتسامه محدش بقى يتجوز بدري دلوقتي ياعلي
علي بابتسامه لا والله احسن شوفي بناتنا كبار ازاي واحنا لسه صغيرين
هاله بضحك لا صغيرين ايه بس متصدقش نفسك
علي بابتسامه نفسي اصدق نفسي وتسامحيني وارجع اقعد وسطكم الكام سنه اللي فاضلين في عمري
هاله دموعها نزلت وتابعت ممكن متقولش على نفسك كده تاني ورحمه اخوك
علي ابتسم بوجع وتابع مانتي لسه قايله يا ام نيره مش هنعيش قد اللي راح فابوس ايديكي سامحيني وساعديني بناتي تحبني
هاله بدموع صدقني صعب .. نفسي اسامحك بس مش قادره
علي تنهد بوجع وبصلها وتابع حتى لو عرفتي اني ممكن مبقاش موجود في اي لحظه؟
هاله اتخضت وبصتله بخوف وتابعت بدموع لا مش فاهمه ؟؟ متبقاش موجود ازاي ها انت اتجننت رايح فين؟؟
علي بدموع ياريت بمزاجي مكنتش اختار اتحرك من قدامكم تاني ابداا
هاله بدموع وخوف في ايه يعلي ؟؟ وحطت ايديها على وشه وتابعت بعياط وخوف انت كويس صح؟؟ رد عليا ورحمه اخوك متسكتش
علي حط واحده من ايديه فوق ايديها اللي مسكاه ولف وشه باس ايديها بعمق وبصلها تاني وتابع بوجع انا عندي سرطان رئه يا هاله
هاله اتصدمت بشده وفتحت عينيها بذهول ودموعها نزلت منها بصمت شديد فتابع هو بوجع : وداخل عمليه كمان اسبوعين علشان الحمدلله الحاله لسه في الاول ودموعه نزلت وتابع فجيت اقعد وسطكم انتي والبنات يعالم هيجرالي ايه بعدها و
فقاطعته هاله لما حضنته وتابعت بعياط وانهيار لااا لاا ابوس ايدك متقولش كدده انت كويس لالا صدقني انت كويس انا واثقه وبصتله بلهفه وعياط وحطت ايديها على خده وتابعت بلهفه: بتضحك عليا علشان اسامحك واقعدك معانا صح؟؟ قول انه صح وانا والله العظيم وغلاوتك عندي يعلي مسمحاك خلاص والله مسمحاك ومسكت ايديه باستها وتابعت بعياط وقهر مسمحاك بس متقولش قدامي انك تعبان كده لالا ابوس ايدك يعلي ابوس ايدك
علي غمض بقهر وتابع وغلاوتك انتي والبنات انا مش بكدب عليكي دي الحقيقه وابتسم بوجع وتابع ياريتني بهزر وتسامحيني فعلا واعيش معاكم عمري كله انما انا كده معرفش فاضل قد ايه و
هاله بمقاطعه وعياط هششش اخرس متقولش كده وحطت ايديها على بوقه وتابعت بعياط وقهر ايااك تقول كده تااني يعلي انت هتبقى كويس والله العظيم هتبقى كويس وهتقعد معايا ولو بت فيهم فكرت تضايقك هكسرهالك تحت رجلي وحطت ايديها على خده وتابعت بعياط بس متقولش كده انت هتعيش معايا كفايه اللي فاتني يعلي وحضنته جامد وتابعت بعياط وقهر كفايه اللي فاتني يحبيبي مش هتسيبني تاني لا
علي ابتسم من بين دموعه وفرح انها سامحته وحضنته فضمها ليه اكتر وباس راسها بعمق وتابع وبوجع ودموع كنت فاكر ان ربنا عاقبني لما دخلت السجن وبعدت عنك انتي وبناتي بس لما مرضت لما خرجت كمان فهمت ان لسه عقابه مخلصش وقولت ده ذنبك بس لما شوفت حبك ليا ده استغربت طب اللي حصلي ده حصلي ليه
هاله بعياط وقهر لو ذنبي انا مسامحه والله يارب مسامحه بس يبقي كويس وبصتله بقهر وعياط وهي حاطه ايديها على خده وتابعت اه كنت بعيد عن عيني بس عارفه انك عايش .. عارفه انك بتتنفس انما انا مش هقدر اعيش من غيرك ده انا اموت وراك لو جرالك حاجه يعلي
علي بدموع بعيد الشر عنك متقوليش كده
هاله بعياط ده بعيد الشر عنك انت يحبيبي انا كويسه وبخير مش كاسرني اي حاجه في الدنيا غير تعبك دلوقتي بس صدقني انت هتبقى كويس وهتدخل العمليه وهتطلع وهتبقى زي الفل وهتقول هاله قالت وعيطت بقهر وتابعت لالا ربنا مش قاسي كده هو ابتلاك علشان يقربنا مش يبعدنا كفايه اللي بعدناه
علي بوجع لو سامحتيني علشان تعبت فانا والله راضي على الاقل لو جرالي حاجه هبقى مرتاح
هاله بعياط يعلي متقولش كده حرام علييك حرام علييك والله فعلي حضنها ففضلت تعيط وهي ماسكه في قميصه بقبضه ايديها
------
في شرم الكل كان نزل علشان الفطار الا علي وحبيبه ونيره
كريم بصلهم وتابع باستغراب الله اومال الباقي فين؟
اسراء بابتسامه جايين ورانا يا كيمو
مالك بضيق ياستي قولي حاجه عدله ان شاء الله علي مينزلش خالص
كلهم فضلوا يضحكوا فسلمى ضربته في كتفه جامد وتابعت بضحك مالك باخوياا حاطط نقرك من نقره ليه هاا
مالك بضحك اخوكي اللي حاطط نقره من نقري ومش طايقني
كريم بضحك يعني واخد الغاليه وعايزه يطيقك كمان ده انت جاحد يالا
مالك فضل يضحك وتابع ده انا حاسس اني خدت ورثه مش اخته
كريم بضحك ورثه اهون على فكره ويضحي بيه عادي انما متعرفش انت المسهوكه بتاعتك دي معلقاه بيها ازاي
فكلهم فضلوا يضحكوا فتابعت سلمى بتمثيل اخص عليك يا كريم انا مسهوكه؟
كريم بضحك لا يعمري هو انا اقدر وولع سجاره ونفخ دخانها وتابع طب ايه هنفضل واقفين كده كتير؟
حسن تعالي نروح وهنبعتلهم لما ينزلوا يجولنا
كريم بابتسامه اه يلا ومشيوا بالفعل فاسراء راحت شدت السجاره من كريم ورميتها وتابعت بضحك 100 مره اقولك انت والبيه التاني لما تفطر مش على الريئ كده
كريم حط ايديه على كتفها وهما ماشين وتابع بضحك قسما بالله ده لو كان حد غيرك كنت زعلته بس انتي اخر العنقود ليكي معزه خاصه اعملي اللي يعجبك
اسراء بضحك حبيبي والله وابتسمت وتابعت بس صدقني مش برخم انا خايفه عليك
كريم باس راسها بعمق وهو ماشين وتابع بحب عارف يعمري والله وشويه ودخلوا المطعم وقعدوا فكريم بص لحسن وتابع بضحك وغمز ايه مش ناوي تاخد عروسه البحر بتاعتنا تنزلها البحر ولا ايه؟
حسن بضحك يسلام ده من عيوني ناكل وانزلهاا
كريم مسكه من قفاه بهزار وتابع بضحك تنزل مين يحيوان انت ده انا بختبرك ليه شايفني بقرون هنزلك معاها وهي خطيبتك ولا ايه؟؟
فكلهم فضلوا يضحكوا بشده فتابع مالك بضحك عيال مبتتقيش الله يكريم ياخويا والله
حسن بضحك لا والله وبص لكريم وتابع بضحك حتى لو كاتب عليها؟
كريم برفعه حاجب حتى لو فاضل على فرحكم يوم طلما متجوزتهاش وسلمنهالك انها تروح بيتك يبقى كأنها خطيبتك بالظبط
مالك كان بيشرب فشرق وسلمى اتوترت وفضلت تطبطب على ضهره وكلهم فضلوا يضحكوا بشده الا كريم قلق وبصله وتابع انت كويس؟
مالك بتوتر كويس كويس متقلقش
حسن بضحك الا انا مبتقيش الله انت بتشرق ليه يا مؤمن ها وغمزله وهو بيشاور بعينيه على كريم
مالك بتوتر وفيها ايه شرقت هو عيب؟
اسراء بضحك لا المايه متشرقش مؤمن ابداا ده انت حتى بتتقي الله يا جوز اختي
مالك بضحك خطيب اختك .. كريم لسه قايل ايه؟
كريم بتنهيده خطيبتك فعلا لحد ما تعملوا فرح ما ممكن متكملوش بعيد الشر
مالك اهو شوفتي
فكلهم فضلوا يضحكوا بشده فتابعت اسراء بضحك ماشي يا وغمزت وتابعت ياخطيب اختي
كريم بصلها وتابع برفعه حاجب هو في سين بينكم انا مش فاهمه ولا حاجه؟
سلمى بتوتر ولا سين ولا صاد دول دمهم تقيل على الصبح والله ومسكت المنيو وتابعت فكروا هتاكلوا ايه لحد مايجوا يلا
كريم لا شوفوا انتوا انا هستنى نيره تيجي الاول
اسراء بضحك ماشي ياخويا استنى نيره تعالى نشوف يا سنسن ناكل ايه احناا خليه هو يستنى
كريم مسك ودنها وتابع بت احترمي نفسك وانا قاعد .. اسمه حسن هاا اسمه ايه؟
اسراء بضحك ااه ااه حسن والله خلاص سيبني
كريم سابها وتابع بضحك ايوه كده
-------
عند حبيبه كانت قاعده في اوضه الشباب وعلي كان في الحمام وباب الاوضه مفتوح ففتحت فونها شافت الساعه وتابعت بضيق يعلي يخرابي عليك كل دده مذنبني جنبكك ما تخلص
علي خرج من الحمام وهو بينشف وشه بالفوطه ولابس قميص سماوي وبنطلون ابيض وتابع خلاص هسرح شعري والبس الكوتش وخلاص
حبيبه بابتسامه بالله هيوحشني شعرك ده مش كفايه دقنك
علي بضحك اخرسي ومتفكرنيش علشان هقلبلك عيل 3 سنين واعيط دلوقتي
حبيبه فضلت تضحك وتابعت لالا زي القمر ياروحي فكل حالاتك اخلص بس ياعلي
علي سرح شعره وبصلها وتابع بابتسامه حاضر يا قلب علي ومشي ناحيتها وهو بيتابع :وروح علي وقرب عليها وهي قاعده على السرير وتابع بهيام: ونن عيون علي
حبيبه اتوترت وتابعت اتربى هاا وبتحط ايديها على صدره تبعده
علي فضل يضحك وتابع يشيخه اتنيلي وسحب الساعه بتاعته من وراها لانها على السرير وقام يقف يلبسها فحبيبه خدت نفسها بارتياح وتابعت بحرج انت كنت بتجيب الساعه من ورايا؟
علي بضحك اومال بمهد اني اتحرش بيكي مثلا؟
حبيبه ضحكت وتابعت يا ابني نفسي تتربى بجد
علي بضحك اصل انا مبمهدش لو متربتش صحيح هرزعك بوسه دلوقتي تنسيكي اسمك بس معلش نستحمل
حبيبه قامت وقفت قدامه وتابعت وهي بتربع ايديها بضحك:عارف هتستحمل قد ايه ولا افكرك؟
علي بصلها بخبث من فوق لتحت وتابع بغمز احسنلك متفكرنيش وسبيني متعشم انه زي ماهو بعد 5 شهور
حبيبه فضلت تضحك وتابعت بقيت مش متربي لعلمك هاا ويظهر ان علي الشيخ طار مع الدقن
علي فضل يضحك بشده وتابع مفيش حد بيحبك هيورد على جنه اصلا يعمري هندخلها بالعافيه ولا ايه ده انا مبعرفش انزل عيني من عليكي
حبيبه بصتله بحب وتابعت كل ما افتكر ايام زمان لما كنت بحبك لوحدي وبعيش على كلمه صباح الخير اللي بتقولها لسنه قدام مصدقش اللي انا فيه دلوقتي وبفضل مش مستوعبه ازاي وصلت لهنا وبصت لايديها وتابعت بحب وهي بتمنع دموعها: ودبلتك بقيت في ايدي عادي وحبك بقى طبيعي يتقال قدام الناس مش ذنب مضطره اني اخبيه .. انا مش فاهمه ازاي وصلت لهنا يا علي بس عايزك تعرف وتتاكد ان حبيبه عمرها ما حبت ولا هتحب راجل قدك انت حلمها من وهي عيله صغيره
علي ابتسم بتأثر وقرب حط ايديه على راسها ومال باس جبينها بعمق وتابع والله وعلي محبش قبلك ولا هيحب قدك كأن العمر اللي فات كله كان مستنيكي علشان احس اني عايش .. حبيبه انا روايتي اسمها " ما كنتي سوى البدايه " وسميتها كده بالذات علشان القارئ يحتار في البدايه هو يقصد ان البطله دي بدايه حياته اللي هتكمل ولا هي هتكون الشوكه اللي هتكسر ضهره فتبقى بدايه حياته الجديده علشان كده اسمها ما كنتي سوى البدايه يعني مكنتيش غير البدايه .. والواقع اللي في الروايه ان البطل اتخدع من البنت اللي ضحى علشانها بكل حاجه لانها خانته وقللت منه لما مشروعه فشل قصاد شركه كبيره وخسر كل ثروته فبدا من اول وجديد وشاف بنت تانيه كان يعرفها من صغروا وافترقوا بسبب ان الاهل عزلوا ودي وقفت جنبه وقومته على رجليه وبقى حد ناجح جدا بعد كده .. فلما شاف الاولانيه وعينيه جت في عينيها تاني قالها انتي مكنتيش غير البدايه اللي كسرتني عشان توصلني لنهايه فرحتني .. ومن هنا جه اسم الروايه مع ان كتير هيفتكر ان البنت دي الاولانيه القصد عليها علشان بدات ان هما الاتنين هيتقابلوا وهيحبوا بعض فهي بدايه حياته يعني بس اللي عايز اقولهولك ان مش يوسف بس اللي لقى سنده لما وقع في ازمه حتى انا عيشت القصه اللي كتبتها بالغلط كأن القدر حطني في موقف اخترعته بخيالي وخلاني اعيش تفاصيله كلها بس حبيبه اجمل من ملك .. ملك وقفت جنبه اه وخليته يقوم على رجليه من تاني بس حبيبه مشيت بدالي لما انا وقعت ومقدرتش اقوم .. اللي انتي عملتيه يحبيبه انا مجاش في بالي اكتبه في روايه .. انتي عديتي الحدود وكنتي ارجل من 100 راجل وانتي بتدافعي عني وبتقفي جنبي علشان كده انا لو عشت عمري كله احبك واحطك فوق راسي مش هوفيكي حقك
حبيبه ابتسمت وغمضت فدموعها نزلت وتابعت اكتر حاجه مفرحاني ان قلبي مكدبش عليا وقالي ان اليوم ده هيجي وعلي هيبقى معايا وبصتله بحب ودموع وتابعت كنت بتخيل كلامك ده كل يوم قبل ما انام علشان اعرف انام وابطل تفكير يوجع فيا بس ولا مره تخيلته بالحلاوه دي انا بحبك اوي بجد يعلي .. بحبك ومش ندمانه ولا هندم على حبي ليك ولا على كل اللي عملته علشانك
علي بحب وعلي بيموت فيكي ورفع ايديه باسها بعمق
حبيبه بصتله بحب وتابعت بابتسامه هو احنا بجد هنتجوز يعني ده مش حلم وهقوم من النوم الاقي امي بتمرر عليا عيشتي اني بحبك؟؟
علي ابتسم بحب وحط ايديه على خدها وتابع ده انا مفيش حاجه في الدنيا مصدقها قد اننا فعلا هنتجوز وباس جبينها وتابع خلاص يا حبيبه دي مكتوبه من فوق انتي نصيبي وانا نصيبك هي بس كانت مسأله وقت
حبيبه بابتسامه والدموع في عينيها مش عارفه اصدق بصراحه لما يجي ساعتها بقى يمكن احس ان الحلم اتحقق فعلا
علي بابتسامه هيحصل ان شاء الله وبص لفوق وتابع بضحك يارب هون وجريهم بجد
حبيبه ضحكت من بين دموعها وتابعت يارب يحبيبي
علي وهو بيمسح دموعها تابع بحب يارب يعيون حبيبك وكفايه عياط انا مبحبش اشوف دموعك ايا كان السبب
حبيبه بدموع مش عارفه يا علي حاسه كابس عليا اني اعيط وموقفش
علي بضحك هي قربت صح اعترفي؟؟
حبيبه شهقت وفضلت تضحك وضربته بقبضه ايديها في صدره وتابعت ضحك : بس يعلييي احترم نفسك بتقول ايييه هي بالكتير بكره او بعده فعلا بس احترم نفسك بردو
علي فضل يضحك بشده وتابع اصل من اول ما بداتي تعيطي علشان مش مستوعبه اننا مخطوبين مع اننا مخطوبين بقالنا مده حسيت ان هي علطول لان انا كل شهر بلاقيكي بتعيطي وبتحبي فيا .. يعني البنات اللي خلقها ربنا كلها بتبقى مش طايقه نفسها وبتنكد وحبيبه بتبقى بتموت فياا ورومانسيه جدا
حبيبه تضحك بشده وتابعت لا على فكره انا فعلا كل شهر مش بستوعب اننا مخطوبين وانك من حقي خلاص وملهاش علاقه بيها احترم نفسك
علي فضل يضحك وتابع ايوه ما انا ملاحظ بس عامه انا مبسوط يمكن انا الراجل الوحيد في العالم مش في مصر بس اللي مش بيتنكد عليه انا بيتحب فيا في فترتهاا يا جماعه حد متخيل ؟!
حبيبه فضلت تضحك وتابعت علشان تعرف بس وده بسبب انك انت الراجل الوحيد في العالم اللي معاه حبيبه
علي فضل يضحك وتابع ده كده كده ينورعيني هو انتي في منك تاني
حبيبه بابتسامه طب عارف والله يا علي شمس بتفضل تقولي اتقلي عليه وبطلي تبيني انك بتموتي فيه كده انما انا مبسمعش كلام حد اصل اتقل على مين ؟ وبصتله بحب وتابعت بدلع : على حياتي ؟ على نن عيوني ؟ على قلبي ؟
علي بتوتر لا اهدي شويه انا راجل عازب واحنا لوحدنا والشيطان تالتنا ويلا ننزل بسرعه ومسك ايديها وخرجوا يقفلوا الباب وحبيبه فضلت تضحك بشده وتابعت لالا مكنتش اعرف ان قلبك رهيف اوي كده يالولي
علي بضحك قلبي ده دم ولحم انتي فاكراه حجر ولا ايه ده رهيف ورهيف وجاب اخره خلاص
حبيبه فضلت تضحك وتابعت بس ايه رايك في كلام شمس؟
علي بضحك وهما ماشيين :يعني لو سمعتي كلامها هفكرك اتغيرتي علشان عايزانا ننفصل
حبيبه فضلت تضحك بشده فتابع علي بضحك ااه بجد اصل انا بحبك كده اصلا وعمري ما هقول دي مدلوقه عليا فانا اتقل عليها والجو الاهبل ده وفيها ايه لما نتدلق على بعض؟؟ انا ادلق عليكي وانتي تدلقي علياا والحياه تبقى ايزي كده ليه لازم اتقل واعمل نفسي كاريزما واعمل خطط ما هو مش معقوله يعني الواحد يشوف الجمال ده كله ويبقى ملكه قدام الناس وميقولوش هموت عليكي وحط ايديه على كتفها وقربها منه وتابع بحب وانتي روح قلبي وحياتي وقرب سنه كمان وتابع بهيام وعايز بوسه كده يعني
حبيبه بضحك وتوتر علي علي اتلم الناس رايحه جايه هاا
علي بضحك هنتلم يستيي يارب هون ياارب
حبيبه بضحك ايوه ادعي بكده كتير
ففضل يضحك ومشيوا وشويه كانوا نزلوا فكريم اتصل بيه فعلي بص لقى مكتوب " my bro " فتابع بضيق يختاااي هنبتدي خنااق بدري انهارده
حبيبه بتوتر ايه مين؟ فعلي وراها الفون فتابعت بتوتر ده كريم صح؟
علي بضحك يعني هكون مسجل مين اخويا يا اذكى اخواتك انتي هاا؟
حبيبه بقلق اخوك اه رد على اخوك يحبيبي رد
علي رفع الفون على ودنه وتابع الو
كريم بحده انت فين يحيوان كل ده
علي بابتسامه واحشتك صح؟ انا كنت واثق هلاقيك خارب الدنيا عليا
كريم بحده خارب الدنيا عليك علشان حسن قالي البت معااك مش عاشق جمال اهلك بتهببوا ايه كل دده هاا
علي بضحك اه ياحسن يا ابن الكلبب خلاص يكريم نزلنا وجايين اهو والله المايه كانت قاطعه بس فاستنيتها تيجي علشان الشاور فحبيبه كتمت ضحكتها بالعافيه فتابع كريم بحده المايه قاطعه اه ده انا اللي هقطع خبرك بس تجيلي انت وهي
علي فضل يضحك وتابع سلام داخل عليكم والله خلاص شوفت اللوكيشن اللي بعته
كريم بضيق سلام يازفت وقفل معاه فحبيبه بصتله وتابعت بضحك المايه قاطعه هاا
علي بضحك ايوه ده يادوبك لسه جايه فحبيبه فضلت تضحك ورايحه تتكلم لفت نظرها ايديه فتابعت ايه ده يعلي؟
علي باستغراب ايه في ايه؟
حبيبه بحده دبلتك فين؟
علي اتصدم وغمض عينيه فتابعت حبيبه بعصبيه والله؟ فينها بردو ماترد
علي بصلها بحده وتابع بهدوء وطي صوتك علشان الناس هاا مش عايز ازعلك
حبيبه بحده اه اه ادخل في فقره قلب الترابيزه واتعصبت وتابعت مانت بتعشقهاا
علي مسح بايديه على وشه بضيق وتابع يابنتي خدت الشاور ونسيتها على الحوض اييه في اييه ليه محسساني انك قفشاني متلبس
حبيبه بحده مانا قفشاك متلبس فعلا ومش في ايديك اهي ومش اول مره تنساهاا وكل مره اقولك يعلي متتقلعش طلما بتنساهاا بس لا ازاي علي ميعصبنيش ويضاايقني ازااي
علي بحده يابنتي بتتزحلق من الشاور والرغوه مبعرفش اتنيل بيهاا مبعرفش
حبيبه بحده طب يلا كده ارجع هاتهاا يلاا
علي بذهول ارجع اجيب ايه انتي عبيطه؟ هو انا لسه هروح الاوضه تاني !! حبيبه اعقلي كريم خارب الدنيا
حبيبه بحده اقسم بالله ياعلي لو ماروحت تجيب الدبله ولبستهاا لاخربهاا انا فوق راسك دلوقتي
علي برفعه حاجب انتي بتهدديني؟
حبيبه بحده ودموع اعتبر اللي تعتبرره علشان انا مبتنيلش اقلعهاا ثانيه اصلا حتى وانا باخد شاور
علي مسح بايديه على وشه وتابع بعصبيه طب بتعيطي لييه هو انتي مش لاقيه حاجه تعيطي عليهاا !!
حبيبه بحده ودموع بعيط علشان خذلتني متوقعتهاش منك تعرف تنزل من غيرهاا عادي كده ومتاخدش بالك هات ايدك دي علشان تتربى بعد كده ومسكت ايديه عضتها جامد
فعلي صرخ بالم وشدها منها وتابع ااه ايه انتي اتجننتي !! وبصلها بذهول وتابع قسما بالله انا لولا عرفت اللي فيها وان هرموناتك ضاربه اليومين دول كنت نكدت عليكي على اسلوبك معايا ده
حبيبه بحده ودموع علي اخلص هتجيبها ولا لا بجد؟؟
علي بحده هتنيل تعالي متقفيش هناا لوحدك ولو فتح بوقه بكلمه هقوله البلوه اللي جبتهالنا هي السبب
حبيبه بحده بلوه هاا وضربته في كتفه جامد وتابعت بلووه
علي فضل يضحك وتابع بلوه بس مقدرش اعيش من غيرك للاسف ومشيوا ركبوا الاسانسير وطلعوا تاني فعلي دخل جابها وتابع بضيق وهو بيلبسها: اهي اهي يخش نتبط ونسكت
حبيبه ضربته في كتفه جامد وتابعت بحده ودموع ابقى اقلعها تاني يعلي وانا والله هزعلك ايه عايز البنات تحت تفكرك مش خااطب صح؟؟
علي وهو بيقفل الباب تابع بضحك يخرابي عرفتي السر الخطير ده منين
حبيبه بحده انا مبهزرش يعلي وده كمان فال وحش
علي بضحك ايوه مانا هسيبك بكره الصبح وحط ايديه على كتفها وهو ماشي وتابع ربنا يهديكي يحبيبتي والله
حبيبه بضيق اوعاا كده ايه شايفني مجنوونه
علي بص جنبه وتابع استغفر الله العظيم يارب وبصلها وتابع بضحك انا اللي مجنون وابن مجانين وانتي ست العاقلين ياستي ممكن نمشي بقى؟
حبيبه بضيق يلا واياك اشوفك قالعها تاني والله انكد عليك
علي بحده مخلصنا يحبيبه الله
حبيبه اتخضت وتابعت بضيق وهي بتضرب كتفه: انت متعليش صوتك علياا
علي بضحك يحبيبه هزعلك ورحمه ابوياا انا كل ده بهاودك فاتلمي كده ولمي ايدك
حبيبه بضيق امشي بعيد عني كده وملكش دعوه بياا وشالت ايديه اللي على كتفها
علي بهمس حاد طب يحبيبه تعالي متفرجيش الناس علينا علشان وربي وما اعبد هقل منك قدام الناس
حبيبه بضيق انا عايزه امشي لوحدي انا حرره
علي بحده يابنتي انتي متعرفيش المكان اصلا اخلصي
حبيبه بضيق لا همشي معاك اهو يلا بس من بعيد فعلي نفخ بضيق وسابها تمشي جنبه بس بعيد عنه شويه ودقايق ووصلوا المكان فكريم شافهم استغرب وحبيبه دخلت قعدت الاول فتابع ايه ده مالكم ونيرو فين ؟
علي باستغراب هي مش هنا؟
كريم بخوف نعمم؟؟
حبيبه متقلقش متقلقش في اوضتها نايمه مقدرتش تصحي علشان سهرت امبارح شويه وصاحيه تعبانه فقالتلي مش هاكل هنام
كريم بحده مش هتاكل ازاي يعني اما انا مستني اطفح مع مين والله ما رضيت اختار اكل ايه متعود هي بتختارلنا سوا
علي بابتسامه وغمز وهو بيسحب الكرسي وبيقعد جنب حبيبه تابع نيره الكاتشب بتاع الاكل يعني؟
كريم نفخ بضيق وتابع والنبي يعلي ما نقصاك انا هروح اجيبها ورايح يقوم فوقفته حبيبه وتابعت متتعبش نفسك يحبيبي والله ماهتصحي مانت عارفها فسيبها تنام شويه علشان تفوق لسهره بالليل
كريم بتنهيده طب كلوا انتوا انا هستناها فسلمى بصتله بذهول وتابعت بتهزر يكريم بقى !!
كريم بضيق مش هعرف والله اكل من غيرها شويه وهجيب اكل واطلعلها وطلع سجاره يولعها
مالك بابتسامه خبيثه : هو انا نفسي اسالك سؤال بس خايف تلبس المايه في وشي
كريم بضيق مع اني مش بطيقك ومفيش بينا عمار بس اسأل
علي بضحك بلاش يمالك شكك في محله يقلب اخوك بس مش دلوقتي علشان هيلبس المايه في وشك فعلا
مالك فضل يضحك وتابع ده بجد !! انا قولت بردو وضرب كفه في كف علي فكلهم استغربوا فتابع كريم برفعه حاجب ده بجد على ايه؟
علي بضحك متشغلش بالك انت جوز اختي وبفهمه من غير مايتكلم هبقى اقولك بعدين
مالك بابتسامه يباشا الحاجه تخصنا وانا عن نفسي موافق
علي فضل يضحك بشده وكريم فهم ورفع حواجبه باندهاش وفهم انه كشفه وتابع ليه ياروح امك هو كريم الجارحي هيستنى موافقتك انت؟
مالك بضحك روحك في ايدي يا باباا متقدرش تنكرر
كريم برفعه حاجب ده انا اموت لو روحي في ايدك انت انا روحي معايا يغالي ومحدش يقدر يمنعني اوصل لحاجه عايزها
حبيبه بضيق يووه ممكن كفاياكم الغااز انتوا بتقولوا ايه
مالك بضحك بعدين بعدين وبص لكريم وتابع بابتسامه بعيدا عن الخناق انا بجد معاك وشوف هتعمل كده ازاي وفي ضهرك
سلمى بصت لكريم بذهول وتابعت بضحك هو مالك بيتكلم جد؟
كريم بتنهيده اممم واضح ان مالك لتات زي اهله ومبيتبلش في بوقه فوله
كلهم فضلوا يضحكوا فتابع مالك بضحك مراتي يحبيبيي مفيش بينا اسراار
كريم بضحك ومواضيعي انا تبقى اسرار بينك انت ومراتك ليه هاا
مالك بضحك متدخلينش في تفاصيل المهم اني مش بخبي عليها
كريم بتنهيده على العموم كلوا وهفهمكم كلكم علشان محتاج مساعدتكم
حبيبه بحماس اتفقنا
اسراء مالك انتي وعلي بقى داخلين زي المتخاصمين ليه كده؟
حبيبه بضيق مانا مش بكلمه فعلا
علي وهو بيقرا المنيو تابع فكك منها يا اسراء هاوديها يحبيبتي
اسراء بضحك لا في ايه بجد واضح عليها انها مش طيقاك
علي بضحك اه ما كانت بتحب فياا بس انا حسدت نفسي وبص لحبيبه وتابع صدق اللي قال ما يحسد المال الا صحابه انا كده زيي زي رجاله العالم كلهم هاا
حبيبه بضيق احسن فكريم بصله وتابع عملت للبت ايه يحيوان ماهي حبيبه بتموت فيك انها تبقى مش طيقاك كده يبقى زعلتها
علي بتمثيل تأثر : اه زعلتهاا جدا نسيت دبله خطوبتنا في الحمام وانا باخد شاور بس ده كده فال وحش وهنسيب بعض او انا عايز اكلم بنات وميعرفوش اني خاطب شوف انت بقى
كلهم فضلوا يضحكوا فتابع كريم بضحك حبيبتي اغلبنا بينسى الدبله بعد الشاور وملهاش علاقه بالحب زيكم والله
اسراء بضيق لا طبعا حقها تضايق ليه هو يقدر حسن ينساهاا ده انا كنت قتلته
حسن اتوتر فعلي بص لاسراء وتابع ايه ده اسراء بصي الفيلم اللي على الشاشه وراكي ده
اسراء لفت وشها فعلي طلع من جيبه دبله حسن وحدفهاله بسرعه فكلهم فضلوا يضحكوا بشده وحسن مسكها وبقى يلبسها فاسراء لفت وتابعت باستغراب ماله الفيلم في ايه ؟ ولفت نظرها ايد حسن التانيه اللي بتثبت الدبله ولما شافها ابتسم بتوتر ونزل ايديه الاتنين فبصتله برفعه حاجب وتابعت انت بتهبب ايه في الدبله؟
حسن بتوتر بثتبها يعمري ايه عملت ايه؟
اسراء اه وهما بيضحكوا ليه ان شاء الله؟
كريم بضحك علشان لقيناه بيطمن عليها متشغليش بالك
اسراء بضحك ااه المهم ماله الفيلم يعلولي
علي بضحك تحفه عايزين نشوفه سوا
اسراء بابتسامه اه سمعت عنه خلاص اتفقنا
فحسن مسك فونه بعت لعلي واتساب: "اقسم بالله انت انقذت حياتي انهارده تسلم يا قلب اخوك😂😂" فعلي قراها وفضل يضحك وبعت " مره عندك مره عندي يا ابو علي الجايه عليك تلحقنا" فحسن ضحك ورايح يكتب فاسراء بصتله وتابعت برفعه حاجب خير مش هناكل انهارده؟
حسن بضحك هناكل طبعا يعمري يلا
-----
عند لميا كانت صحيت لقيت نفسها في حمام غريب عليها فاتخضت وفضلت تعيط وتخبط على الباب وتابعت بعصبيه ودموع انتو مين يحيوانات افتحولي .. افتحوا الزفت ده خرجووني من هنااا
وبرا ادهم كان قاعد عاري الصدر وبيشرب سجاره وتنهد بعمق فالباب خبط ففتح ادهم كان معتز
معتز بص لشكله .. صدره العاري وشعره المتبهدل فابتسم وتابع طلما حالك متشقلب كده تبقى نفذت اللي عدلي بيه طلبه منك مش كده؟
ادهم بسخريه ومش هنفذه ليه ياروح امك ادخل خدله الملايه زي ماطلب منكم لحد ما اخد شاور واجيله
معتز ابتسم ودخل وهو سامع لميا بتصرخ وبتخبط عايزه تخرج فتابع بضيق حطلها مخدر دي مش ناقصين وش
ادهم نفخ دخان السجاره وتابع بضيق خد اللي جاي علشانه وغور يلا محدش قالك اقعد معاايا
معتز بص لبقعه الدم اللي على السرير وبصله وغمز بضحك وتابع يبختك ياعم
ادهم بحده معتزز فوق لنفسك انت هتصاحبني ولا اييه
معتز بتوتر يكبير بهزر معاك متبقاش قفوش كده ولم الملايه وتابع انا هروح اوريها لعدلي بيه واقوله انك نفذت بس هو مصمم انه يشوفك فاخلص يلا ونيم البت دي قبل ماتمشي وتسيبها مش ناقصين وش وبص للباب بفضول وشهوه عايز يشوف شكلهاا بعد اللي حصلها بأي طريقه ونفسه يوصلها زي ادهم ولميا كانت عماله تخبط وتعيط
ادهم فهم نظراته لانه خبير في النظرات جدا وضربه بالبوكس بقوه وقعه على الارض فمعتز اتخض وصرخ بألم وتابع ااه ليه كده يا ادهم بيه قولتلك ايه اناا
ادهم بعصبيه امشي غور براا يلا وضربه بالرجل في بطنه فصرخ بقوه اكبر فتابع ادهم بعصبيه براا يلاا
معتز قام وهو بيتسند بالعافيه من الألم وسحب الملايه ومشي فادهم رزع الباب وراه ورمى السجاره بعصبيه طفاها ولميا كانت بتخبط وتابعت بعياط افتحولي بقى حراام عليكم المكان ضيق اتخنقت
ادهم راح فتحلها الباب واداها ضهره فخرجت وهي بتعيط وشافت الجزء العلوي منه عاري فاتخضت وتابعت بحده ودموع انت مين يحيواان وجبتني هناا ليه
ادهم لفلها وتابع ما لو كنا سمعنا الكلام مكنتيش جيتي هناا
لميا شافته حست قلبها هيتقسم من الوجع وهمست بقهر: ادهم
ادهم راح وقف قدامها وحط ايديه على خدها وتابع بوجع: عيون ادهم
لميا زقت ايديه من عليها وتابعت بعصبيه وعيااط ااه يحيوان يا زبااله انت طلعتتت من رجاله عدلي فعلااا !! انت يا ادهمم !! وانهارت عياط وتابعت لييه لييه حرام عليك ده انا حبيتك وبصتله بلهفه وعياط وتابعت ده انا وثقت فيك انت يطلع منك كل دده .. انت تكسرني وتقهرني كده بعد مافكرتك عوضي عن كل اللي شوفته !
ادهم بحده انا غصب عني انتي اللي وصلتينا لكل دده انا هنا عبد المأمور بسمع وانفذ وبس
لميا بصتله بذهول وتابعت بعياط وعصبيه بتسمع من مين؟؟! وضربته في صدره بقوه وتابعت بعياط وعصبيه بتسمع من مين قولي؟!! بتسمع من عدلي؟؟ اللي ياما اطفال وناس ملهاش اي ذنب ماتت بسببه؟؟
ادهم غمض بوجع وتابع لميا انتي مش فاهمه اي حاجه
لميا بعياط وعصبيه فهمني .. فهمني علشان انا غبيه ومحتاجه افهم انما متقوليش ان حبيبي طلع مجرم زيهم لا والله ماهقدر والنبي رد علياا والنبي وانهارت عياط
ادهم قلبه وجعه عليها وتابع مش ده المهم .. المهم هخرجك من هنا ازاي
لميا بحده وعياط وجبتني ليه طلما عايز تخرجني هاا ورايحه تكمل لفت نظرها ان السرير متبهدل دم مكان الملايه فبصتله بصدمه وقهر لانه عاري الصدر وفضلت تبص لنفسها برعب فتابعت بعياط وخوف ينهاار اسود ولطمت وتابعت بانهيار ينهاار اسوود انت عملت اييه يحيواان عملتت اييه رد عليااا وضربته في صدره جامد
ادهم مسك ايديها الاتنين بايد واحده بقوه وتابع بعصبيه هكون عملت اييه يغبيه مانتي بهدومك هو انا لو نيلت فيكي حااجه هسيبك بهدومك والفلك الطرحه كمان !!
لميا بحده وعياط وانا ايش عرفنيي انا محدش لمس مني شعرره قبل كدده ايش عرفني انت هببت ايه انا كان مغمى علياا
ادهم بحده لا اطمني انا مش وسخ علشان اعمل كده وانتي فعلا ولا عرفتيني ولا عمرك هتعرفيني
لميا بحده ودموع اومال جبتني ليه وايه الدم ده هاا انا قولت من الاول والله مبرتاحش لأي راجل عينيه خضراا مش قادره افهم ازاي حبيتك
ادهم بوجع جبتك علشان عدلي طلب من رجالته يجبوكي وواحد منهم يعتدي عليكي ويصورك معاه ويهددك يفضحك علشان يهدك من ناحيته خالص وبصلها بعتاب وتابع بوجع وطبعاا علشان انتي عمرك ماسمعتي غير صوت دماغك وصلتيني لمرحله اني واقف سامع الكلاب دول بيبيعوا ويشتروا في شرفك وبيتخانقوا مين اللي يلمسك ومش قادر اتكلم
لميا غمضت بقهر ودموع فتايع ادهم بتنهيده مليانه وجع: فصممت اني انا اللي هعمل كده وطبعا عدلي بيثق فيا فمكدبش خبر وجبتك انا على ايدي حطيتك في الحمام زي ما انتي بهدومك وقلعت قميصي وعورت رجلي وشمر البنطلون وراها وتابع ولحد دلوقتي مصدقين انما اللي جاي انا مش عارف هعمل فيه ايه وكله بسببك وبسبب تنشيف دماغك يا لميا
لميا بصت لجرح رجله بألم وتابعت بعياط كل اللي بتقولوا ده انا قدرته وفهمته بس ولا هيبقى ليه اي معنى طلما انت من رجاله عدلي يا ادهم وبصتله بقهر وتابعت بعياط يفرحتي وانا بحب مجرم وطلع جدع وخان كبيره علشاني وبيحبني
ادهم بتنهيده النقيب ادهم العامري ظابط مخابرات وكده تبقي عرفتي عني اخر واهم حاجه مفيش الغاز تاني يا لميا احنا في مصيبه ومعرفش هنطلع منها ازاي فلازم تعرفي اني مش مجرم واني فعلا حبيتك
لميا اتصدمت بشده وحطت ايديها على بوقها وفضلت تعيط بانهيار وندم على كل شكها فيه
ادهم بصلها بقهر وتابع بتعيطي دلوقتي؟ بعد ماكسرتي كلمتي وصممتي على اللي في دماغك اللي وصلك انك تيجي هنا وتبقي الشوكه اللي تكسر ضهري وتضيع تعبي بعد كل اللي عملتوا ؟
لميا بعياط وقهر مقولتليش ليه انك ظابط يا ادهم
ادهم بحده مش هفتررق كل ده مكنش هيغير حاجه بس انتي لو كنتي سمعتي كلامي 100حاجه كانت هتتغير انا مش ساكت وبكره كنت رايح اسلم اخر ملف في القضيه دي وهحبسه
لميا فضلت تعيط بانهيار فادهم بصلها بوجع وتابع ليه يابنت الناس؟ ليه صممتي تتعبيني معاكي؟ انا من ساعه ماشوفتك وانا بحلم اني افصل في حضنك من القرف اللي انا عايشه ده ونجيب عيال تملى علينا حياتنا ونعمل بيت دافي .. ليه خليتي حياتنا كلها صراعات وخوف من قبل ما نبدائها وزيها زي شغلي
لميا بعياط انا اسفه يا ادهم والله ماحسبتها كده
ادهم بعصبيه بس انا حسبتهاا وقاايلك انتي اللي مبتسمعيش الكلاام ومسح بايديه على وشه بضيق وتابع تسمحي تقوليلي انا هوريه صور ايه على فوني؟ لاني طبيعي مصورتش حاجه وهو حاليا مستني مني صور واحنا مع بعض واتعصب وتابع غير ان انا لازم امشي اسلم اخر ملفات القضيه انهارده ومش هقدر اسيبك لوحدك معاهم دول ولاد كلب وعينيهم هتطلع عليكي فتسمحي تقوليليي انا المفروض اهبب ايه دلوقتيي
لميا بعياط حاول عطل موضوع الصور ده وروح يا ادهم وسلم ملفاتك وخد السي دي اللي في شنطتي معاك كمان ومتخافش عليا انا هستناك
ادهم بعصبيه مخاافش عليكي اييه بقولك بيتخانقوا عليكي ودوول مجرمين محدش عاشرهم قدي ده انا عمري ماخوفت انهارده مرعووب مش خاايف
لميا حضنته وفضلت تعيط بهستريه فادهم الدموع اتجمعت في عينيه وضمها ليه جامد وباس راسها بعمق وتابع ليه يا لمياا ليه يحبيبتي كده حرام عليكي
لميا بعياط اوعدك مش همسك قضايا صعبه تاني صدقني
ادهم بعصبيه ولا صعبه ولا سهله نخرج من اللي احنا فيه ده وهتسيبي شغلك وتفوقي لبيتك وجوزك وبس
لميا بصتله بحب وتابعت بدموع حاضر يا ادهم ولاول مره هقولك حاضر
ادهم ضمها اكتر وباس راسها بعمق وتابع لميا انا بحبك
لميا بصتله بدموع وحطت ايديها على خده وتابعت وانا بموت فيك ومن قبل ما اشوفك
ادهم بابتسامه حتى بعيوني الخضرا؟
لميا ضحكت من بين دموعها وتابعت حتى بعيونك الخضرا ده انا شوفت الامان في عينيك قبل ما اشوف ملامحك انا محبتش قدك يا ادهم
ادهم غمض بوجع وتابع مرعوب عليكي يا لميا عمري ما كان ليا نقطه ضعف ..عمري ماحسيت اني هستسلم وابيع شغلي قد دلوقتي ..علشان لو وصلت اني لازم اختار المهمه تكمل ولا انتي تبقي بخير هختارك انتي وتولع المهمه على الترقيه على الدنيا كلهاا
لميا لفت ايديها حوالين رقبته وعيطت بانهيار وتابعت انا بحبك اوي يا ادهم حقك على عيني بجد
ادهم طبطب على ضهرها وتابع وانا بموت فيكي اهدي متخافيش انا جنبك وهنحلها سوا وبصلها وتابع وهو بيمسح دموعها المهم دلوقتي كلمي مامتك طمنيها انك بخير وبايته عند صاحبتك علشان متخربش الدنيا واقفلي فونك تاني وهاتيه اخبيه
لميا بلهفه ااه ماما صح حاضر هعمل كده
ادهم كلميها في الحمام واخلصي بسرعه علشان جايب اكل ناكل سوا قبل ما يجوا يستعجلوني
لميا بلهفه حاضر ودخلت بالفعل تكلم امها
---
في المطعم كلهم كلوا وخلصوا وكريم قام يطلب اوردر ليه هو ونيره فجات حبيبه وتابعت انت بتطلب بيتزا؟
كريم بابتسامه اه علشان بتعشقها هتشوفها تضعف ومتتعبش اهلي باذن الله
حبيبه بضحك واخده دور برد ونفسها مسدوده اديتها بنادول ونزلت فممكن تتعبك ومتاكلش اي حاجه فعلا
كريم بتنهيده تبقى بتهزر والله انا مفطرتش والساعه داخله على4 اهو
علي بابتسامه لا هتاكل لما تقولها انك مفطرتش المهم اخلصوا وتعالوا احنا هنستناكم على البحر ها
كريم بابتسامه ماشي خلي بالكم من البنات
علي بحب في عيني ومشيوا كلهم وكريم خد البيتزا ودخل الفندق وطلع في الاسانسير ودقايق وخرج وراح على اوضه البنات وفتح الباب بالكرت ودخل ومسمعش اي صوت غير الهدوء فاستغرب وتابع معقول نايمه كل ده يانيره ومشي بخطوات بطيئه علشان ميخضهاش وبالفعل لقاها نايمه وشعرها جاي على وشها فحط الاكل على الترابيزه اللي جنب السرير وقعد قدامها وحط صوابعه على جبينها وبعد شعرها عن وشها بهدوء وابتسم على شكلها وهي نايمه وتابع مش معقوله الحلاوه دي والله وبص على شفايفها وتنهد بعمق وتابع امسك نفسك يكريم مش عايزين فضايح وفضل يضحك وتابع نيرره وهزها بخفه وتابع نيره قومي يابابا يلا وحط ايديه على خدها لقاها سخنه فتنهد بعمق وتابع جايه تتعبي وانا بخرجك تشمي هوا يعني ينيره؟ انتي يابت وهزها بخفه
نيره عينيها انكمشت وتابعت اممم ايه يكوكي في ايه
كريم فضل يضحك وتابع نن عيون كوكي من جوه قومي يلا مفطرتش من غيرك وربنا
نيره فتحت بالعافيه وتابعت بتعب ليه كده يحبيبي؟
كريم مسك ايديها باسها بحب وتابع وهو ده اسمه كلام اكل من غير حبيبه قلبي ازاي يعني؟
نيره ابتسمت بتعب وتابعت ربنا ميحرمنيش منك ابدا
كريم بحب ولا منك يحبيبي ووطى باس خدها وتابع اتعدلي بقى عايزين ناكل ده انا جايلك بيتزا من اللي بتحبيها
نيره بتعب وحياتك عندي مش قادره اشرب المايه حتى
كريم بتنهيده ناكل وهعملك كمدات انما انا مش هاكل لوحدي بعد ما استنيت كل ده
نيره بابتسامه حقك عليا انا والله
كريم بابتسامه انا مبقولكيش كده علشان تقوليلي حقك عليا انا عايزك تاكلي معاياا يلا وفتح العلبه وخد منها وتابع بحب يلا تعالي قربي
نيره حاولت تقوم حست جسمها مهمد فكريم بصلها بلهفه وتابع طب استني استني هاجي انا جنبك وراح قعد جنبها وخدها في حضنه وتابع وهو بيقرب البيتزا يلا كلي كده
نيره قربت واكلت وتابعت بحب كل معايا ها انا باكل علشانك اصلا
كريم قطم وراها وتابع باكل معاكي اهو والله لحد ماتشبعي علشان حاضنك بايد وبناكل بالتانيه
نيره ابتسمت بتعب وتابعت بحبك اوي والله
كريم بحب وانا بموت فيكي كلي يلا وقرب منها البيتزا وتابع حلوه؟
نيره باعجاب اممم خطيره تعيش وتجيب يحبيبي
كريم بحب الف هنا يعمري وبالفعل شويه وكلوا وكريم قام شال العلب على جنب وغسل ايديه وراح جاب طبق فيه قماش ومايه متلجه وحطه على الكومود وقعد جنبها وتابع بابتسامه سلامتك يا تاعبه قلبي
نيره ابتسمت بتعب وتابعت الله يسلمك يعمري بس سيبك مني انا هاخد الدوا وهنام شويه انزل انت كلهم مستنينكم تحت ده هو يومين متضيعهمش
كريم بابتسامه تغور الايام كلها بتهزري ولا ايه خفي عبط يانيره ومسك القماشه عصرها نص عصره وحطها فوق جبينها فغمضت بتعب وتابعت ااه مش قادره يكريم
كريم رفع ايديها باسها بحب وتابع سلامتك يعيون كريم
نيره بصتله وتابعت بحزن طب روح انت طيب الناس مستنينك والله
كريم بحب انتي الناس
نيره الدموع اتجمعت في عينيها بحب وابتسمتله فتابع كريم بحب وانا مش هسيبك وانزل مستحيل اعرف اتبسط وانتي تعبانه بالشكل ده بطلي عبط هاا
نيره بحزن كنت عايزه انزل معاك البحر
كريم بحب بس كده ده من عيوني ننزل بكره يقلبي لسه معانا بكره بس المهم انتي تبقي بخير ومسك القماشه غيرها
نيره بصتله بحب وتابعت يارب ميحرمني منك ولا من حنيتك عليا ابدا ياكوكي
كريم فضل يضحك وتابع لازم ابقى حنين بكوكي دي بصراحه
نيره فضلت تضحك وتابعت الا بكره ايه صحيح في الايام لحسن انا السخونه اثرت على مخي عامه
كريم بابتسامه بكره الاربع وراكي معاد ولا ايه؟
نيره اتصدمت انه نسي وتابعت بحزن الاربع اه ده موافق يوم كام في الشهر يكريم؟
كريم بتنهيده مش فاكر ينيره بصراحه شوفي الفون جنبك اهو انا من السحله في الشغل ايامي كلها بقيت شبه بعض
نيره ابتسمت بحزن وتابعت خلاص مش مهم
كريم بتنهيده وراكي حاجه ولا ايه؟
نيره بتنهيده كنت هحسب معاد الامتحان فاضله قد ايه
كريم بابتسامه اه لا متقلقيش انا معايا جدولك مفيش اليومين دول
نيره ابتسمت بحزن وهزت راسها بلايجاب وسكتت
----
عند عصام كان قاعد في شقته بيشرب سجاره وسرحان وهو بيعمل قهوه وسمع صوت فوران القهوه على النار فنفخ بضيق وقفل النار خالص وسمع الباب بيخبط فخرج يفتح
وثواني وفتح وتابع بتنهيده تعالي يا ماما
هند دخلت وقفلت الباب وتابعت بعصبيه ماما في عينك وعين اهلك ايه اللي انت هببته ده يعصاام هاا
عصام بصلها بحده وتابع بعصبيه ايه هببت ايه؟؟
هند بعصبيه بتطلق رفيدده !! بتطلق بنت اختي !! انت اتجننت !!
عصام بصلها بسخريه وتابع هي بنت اختك وانا ابن شوارع يعني ولا ايه مش فاهم؟؟؟
هند بعصبيه عصااام .. رفيده ترجع وانتهى الامر انت بقالك فتره مش عاجبني وحاشر نفسك وسط عيله الجاارحي فيظهر قاعدتك معاهم قلبتك على مرااتك
عصام بعصبيه انا محدش قلبني على بنت اختك هي اللي اشكال وسخه ومشافتش رباايه ومع ذلك انا رديتهاا لاجل ابوهاا وتخلص ام المحلول وهروح اجيبهاا فرغي كتيير مش عاايز حلي عن دمااغي ومشي ناحيه المطبخ وتابع الله دي بقيت عيشه تقررف
هند راحت وراه وتابعت بدموع انا عايزه راحتك يعصام مش عايزه بيتك يخرب
عصام بعصبيه انتي عاايزه كل حاجه في الدنيا الا رااحتي عايزاني اعاادي علي علشان امه خدت الرااجل اللي كنتي بتحبيبه واكرهه علي واذيه علشان خطب رفيده اللي كانت خطيبتي واللي انا بردو مختارتهاش بس مكنش في غيرهاا قداامي وامشي طول الوقت تحت مزااج سيادتك انما انا عاايز ايه ؟؟ عمرررك سألتي انا نفسيي في اييه مره وواحده وتبطلي تستغليني كأنك زرعتي زرعه مضطره تعيشي من خيرهاا العمر كلهه؟؟
هند بدموع وانا لما مستقواش بيك هستقوى بمين يعصام؟
عصام بعصبيه انتي بتستقوى علياا مش بيااا بتحققي كل رغبااتك بسلطتي اللي انا معترف ومتشكر جداا انك انتي وبابا السبب فيهاا بس انا تعبببت تعبتتت ابقى عصام بيه تعبت ابقى عندي سلطه تعبت ابقى حاسس ان مفيش حد بيحبني لشخصي وكله بيستغلني وخلااص
هند بوجع طب انت عايز ايه يعصاام؟
عصام بسخريه لسه فاكره؟ ماخلاص فات اوان اني اعوز ومع ذلك هجاوبك واتعصب وتابع عايز ست محترمه تصون غيابي قبل وجودي تحبني وتخلف مني وتراعي عياالي وكل ده ممكن مع الدنياا كلها الا مع بنت اختكك اللي جايه تبهدلي ابنك علشانهاا
هند بحزن عملتلك ايه رفيده يعصام؟
عصام بعصبيه عملت اللي عملته سيبوني في حالي علشان جايب اخري وطفى النار وتابع وادي الزفت اهي مش عايز قهوه ولا خراا وساب امه في الشقه ونزل وقفل الباب فهند تنهدت بحزن وتابعت بحده لما تجيلي يابنت الجزم انتي
وعصام نزل وكان ماشي متضايق جدا والدموع متجمعه في عينيه فرانيا كانت بتجيب حاجات من السوق شافته ومسكت ايديه وتابعت بقلق مالك يحبيبي فيك ايه؟؟
عصام ابتسم بوجع وتابع مفيش يخالتي عن اذنك وراياا مشوار
رانيا بخوف مفيش ايه بس يعصام انت مش شايف منظرك تعالى تعالى نعمل حاجه نشربها ونتكلم كلمتين وروح مشوارك
عصام بوجع مش عايز مشاكل مع علي او اسراء فبلاش احسن
رانيا بحده مش موجودين كلهم ولو موجودين ده بيتك تيجي الوقت اللي تحبه ولو كلب منهم فتح بوقه انا اللي هقفله
عصام بتنهيده ممكن اسألك سؤال؟
رانيا بلهفه طبعا يحبيبي
عصام بوجع ليه سيبتي رجاله الدنيا كلها واتجوزتي اللي امي كانت بتحبه؟
رانيا اتصدمت وتابعت هي امك قالتلك كده؟
عصام هز راسه بلايجاب فرانيا تنهدت بوجع وتابعت وقالتلك ايه كمان؟
عصام رايح يتكلم فإيلين رنت فتابع طب ثواني هرد عليها وارجعلك
رانيا بابتسامه تعالى اتكلم فوق منا ما انا اعملك القهوه عارفه بتحبها زي كريم يلا فعصام ابتسم وطلع معاها ورد على ايلين وهو بيطلع السلم وتابع ايه يا إيلي عامله ايه
إيلين بتنهيده مليانه وجع: فينك من الصبح بكلمك مبتردش ليه؟
عصام بتنهيده حقك عليا والله بس اتسحلت في كذا حوار كده المهم انتي طمنيني عليكي حاسس فيكي حاجه
إيلين بوجع انا مش بخير يعصام
عصام بقلق مالك يحبيبتي في ايه؟
إيلين رايحه تتكلم فقاطعها خبط باباها على باب اوضتها وتابع إيلي يلا يحبيبتي الناس جات
عصام استغرب فإيلين تنهدت بوجع وتابعت هرجعلك تاني والنبي خلي بالك من فونك
عصام انا هتصل بيكي من نفسي انتي قلقتيني اصلا
إيلين بابتسامه لا متقلقش خير ان شاء الله يلا باي
عصام بتنهيده باي وقفل معاها وقامت بصت على شكلها لابسه دريس ستان كب ماسك على الصدر لونه بني وواسع لتحت وطوله لحد الركبه وحاطه ميكاب رقيق بيبرز عسليه عينيها وشعرها سيباه مموج نصه جنبها ونصه على ضهرها ولبست هيلز بني وجهزت انها تنزل
----
عند فارس كان قاعد بيلعب بلايستيشن مع تولين
فارس بضحك شاطره شاطره براافو اتعلمتيه بسرعه
تولين بحماس اشوط من هنا يبابي صح؟
فارس باس خدها وقعدها في حضنه وتابع بضحك صح يقلب بابي يلا خديها اهو
تولين برجاء والنبي يابابي سيبني اجيب جول والنبي
فارس بضحك يعمري اهو وساب الدراع وتابع هاتي براحتك يعيوني يسلام
تولين فرحت وفضلت تضحك وباست خده وركزت ومشيت بالكوره ففارس مسك ايديها يساعدها وتابع بضحك ايوه يلا يلا شوطي اهو يلا وشاطتها بالفعل ففضل يسقفلهاا وتابع براافو حبيبه بابي شطورره ومسك الدراع يلعب معاها تاني
تولين بفرح هجيب تاني اهو
فارس بضحك هاتي يعمري وعمل نفسه كأنه بيلعب وسابها تجيب ففضل يسقفلها وتابع يخرابي على الشطااره وباس خدها وتابع تعالي نشوف مامي صحيت ولالا بقى علشان نشوف هنجيب غدا ايه انهارده
تولين بحماس يلا ووقفوا الماتش وقامت معاه وشالها ودخل لاسيا لقاها قاعده ومنزله رجليها على الارض فرحلها بلهفه وتابع يا اسياا يا اسياا حرام عليكي مش قايلك متحركيش رجلك خاالص مينفعش طلما صحيتي كنتي ناديني
اسيا بدموع عايزه ادخل الحمام ومرضتش اتعبك كفايه منمتش من امبارح وروحت وديت البت الحضانه ورجعت خدتني روحنا المستشفى عملت اشاعات ورجعتني وروقت الشقه وعملت الفطار فكتير عليك والله
فارس بتنهيده يحبيبتي بلاش عبط بقى 100 مره اقولك احنا واحد وبعدين هتتحركي ازاي وانتي عندك تمزق يعني ماهو بالعقل متعانديش صحتك يا اسياا انا مشتكتش يابابا وعيوني ليكي والله ونزل تولين وتابع هدخل مامي الحمام وجايلك
تولين هزت راسها بماشي بحب ففارس راح شال اسيا بين ايديه ففضلت تعيط من رجليها فتنهد وتابع معلش حقك عليا انا والله وباس جبينها ومشي بيها دخلها الحمام وتابع يلا اهو خلصي واجيلك ولا عايزاني اساعدك؟
اسيا بحرج لالا روح انت هناديك لما اخلص
فارس بضحك ماشي يعمري
وبالفعل خرج ودقايق واسيا ندهت عليه فدخل شالها بين ايديه وتابع بحب يلا يعيوني
اسيا بابتسامه طلعني الصاله مخنوقه من الاوضه اوي
فارس بحب بس كده يلا بينا وخرج بيها للصالون وقعدها على الكنبه فبصت للشاشه وتابعت بضحك ايه ده انت كنت بتلعب مع مين؟
فارس بضحك مع توتي اهي مش ماليه عينك ولا ايه
اسيا فضلت تضحك وتابعت ياروحي وكسبتها كام صفر
تولين بضيق مكسبنيش احنا 2-2 صح يا بابي
فارس فضل يضحك وتابع صح يعيون بابي
اسيا بضحك ده ازاي ده هاا
فارس بضحك وغمز زي ما سيبتك تعمليها قبل كده
اسيا فضلت تضحك وتابعت لا يحبيبي انا كنت بكسبك بجد
فارس برفعه حاجب طب ماتيجي نشوف بس اللي ميعيطش؟
اسيا بضحك مش هعيط يحبيبي تعالى نشوف ومسكت الدراع
تولين بحماس انا هشجع بابي وفضلت تسقف بفرح
اسيا بضحك مانتي بنت كلب ماشي يا تولين مش تشجعي مامي ده مامي هتكسب هي واخوكي النونوو وحطت ايديها على بطنها
تولين حضنت رقبه فارس وتابعت بضحك لا هشجع بابي
فارس بضحك عيون وقلب بابي وخدها في حضنه وباسها وتابع يلا يا اسيا عايزه تشيلي كام انهارده؟
اسيا بضحك ماشي يا مغرور ماشي اما نشوف بس كده كده مش هخليك تشيلني حتي واحد
فارس فضل يضحك وتابع بغمز ماشلتيه الواحد من زمان ومطلع عين اهلك اهو وشاور بعينيه على بطنها
فاسيا شهقت وفضلت تضحك وتابعت بضحك وهي بتضربه في كتفه مانت متربتش والله ولا شوفت رباايه
فارس فضل يضحك وتابع خلاص خلاص اخلصي بقى عايز ابدء علشان هو ماتش وهنزل اجيب حاجات الغدا
اسيا بابتسامه هات شاورما متعملش حاجه
فارس بابتسامه اتفقنا يلا ابدائي بقى وبدائوا بالفعل ومفيش دقيقه فارس سجل الاولاني فتولين فضلت تسقف وفارس فضل يضحك بشده فاسيا بصتله بتمثيل حزن وتابعت لا فاارس انا حامل وتعبانه نفسيتي مش هتستحمل الـ 10 والـ15 اللي بتسجلهم كل مره هاا
فارس بضحك ليه بس مانتي بتكسبي بجد مش ده كلامك
اسيا بضحك يسيدي انا ست والست بترجع في كلامهاا لا مش كلامي سيبني اكسب بقى
فارس بضحك بعينك
اسيا بضحك وحياه اسيا سيبني اكسب وباست خده
فارس بضحك ضعفت بصراحه
اسيا سقفت وفضلت تضحك وتابعت زي كل مره
فارس بضحك اه ايه الجديد بس عايز المقابل
اسيا بضحك مش هينفع المره دي وشاورت بعينيها على تولين
فارس بضحك وماله وبص لتولين وتابع توتي روحي هاتي لبابي ازازه مايه
تولين بحب حاضر ونزلت من على رجله فبص لاسيا وشاور على شفايفه
اسيا فضلت تضحك وتابعت ولا عمرك هتتربى تعالى وقربت باسته بحب ففارس شدها ليه وباسها بعمق ولما سمع صوت رجل تولين جايه بعد عنها بسرعه ففضلت تضحك بشده ومالت براسها على كتفه وتابعت سيبني اكسب بقى
فارس بضحك انا كده كده كنت هسيبك تكسبي من اول ما قولتيلي وحياه اسيا بس لازم بردو استغل الفرص
اسيا وهي نايمه على كتفه وبتلعب تابعت بضحك عارفه والله بس على قلبي زي العسل
فارس ابتسم وتابع ايه الكلام اللي هيخليني معملش اعتبار لتوتي ده بقى
اسيا فضلت تضحك وتولين جات واديته الازازه وتابعت بحب امسك يا بابي
فارس بحب قلب بابي من جوه وشرب من الازازه وحطها جنبه وكمل الماتش هو واسيا فسابها تجيب جول فاسيا فضلت تسقف وفرحت فتولين بصتله بحزن وتابعت لاا اكسب انت اووف
فارس فضل يضحك بشده واسيا بصتلها بذهول وهي بتضحك وتابعت شوف البت اللي كأني مرات ابوهاا وبطفي السجاير في رقبتها مش امها
فارس بضحك مانتي مرات ابوها صح دي بنتي انا بس دي حبيبه قلبي وحضنها جامد وفضل يبوس خدها فتولين فضلت تضحك فتابع بحب يخراابي ياناس يخراابي سكر وعسل نحل عايز بنوته تاني زيها يا اسيا
اسيا عملت نفس مش سامعه وبصت للشاشه وتابعت كمل بس واخلص
فارس فضل يضحك وتابع مبهزرش بجد سيبك من امي انا بعشق البنات
اسيا بضيق انا ماليش دعوه بامك انا نفسي في ولد يبقى سند لاخته زي علي معانا كده انما هجيبهم بنات نسيبهم لمين لما نكبر يعنيي
فارس بضحك وغمز هو ايه اللي نسيبهم لمين اومال انا موجود بعمل ايه ده انا ناوي اجيب خمسه سته كده
اسيا بلا مبالاه اممم ربنا يقويها مراتك بقى يحبيبي اتجوزتها امتى التانيه اللي هتجبلك اربعه كمان دي؟؟
فارس فضل يضحك وتابع مانتي موجوده اهو ياروحي اجيب واحده تساعدك ليه بس مصر جامده وهتقدر وغمزلها
اسيا بضيق مصر جاابت اخرهاا احنا معانا بنت وهنجيب ولد ومسمعش حسك تااني انا عايزه اخس واهتم بنفسي بقى
فارس بحب تخسي ايه يا اسياا ده انتي حامل ووزنك65 ده انا كنت هقولك اتخني حبه كمان
اسيا بضحك اتخن في عينك لا يحبيبي انا بحب ابقى عصايه كدده اخرس انت خالص
فارس بضحك وانا بحبك بطاايه متعصبيناش بقى اللي انا اقوله يمشيي
اسيا بمهاوده حاضر يحبيبي حاضر بس شوف هتقسم الوقت بيني وبين التانيه ازاي بردو ربنا يقويك علشان انا مش هجيب اربعه كمان
فارس فضل يضحك وتابع موافقه عادي يعني؟
اسيا بصتله برفعه حاجب وتابعت موافقه على ايه؟ نهاارك اسود انت صدقت !! ليس كل ماتقوله المرأه تعنيه يحبيبي خصوصا لو حاامل اتلم كده واحترم نفسك
فارس فضل يضحك وتابع يعمري انا مقدرش كده كده السته منك انتي والله
اسيا بضحك والله ماتحلف علشان متعصبش عليك فارس متهزرش انت بتتكلم جد طيب ولالا علشان احدد اطلب الطلاق بعد الولاده ولا اكمل؟
فبس بيضحك بشده وتابع يا بنت الكلب يعني انتي اصلا هتقدري تطلقي؟
اسيا بحب ده انا اموت قبل ما انطقها
فارس ابتسم بحب وتابع علشان الكلمتين الحلوين دول هكون صريح معاكي هما 3 بس يستي معانا توتي وباس راس تولين وتابع وانتي حامل ومره كمان وخلاص
اسيا بضحك ماشي يسيدي لو رسيت على3 يبقى هانت بس مش ورا اللي في بطني يفارس ها
فارس ومش هيبقى فرق كل ده زي تولين بردو
اسيا بحب لالا هو 3 سنين كده مثلا
فارس بضحك اصل كده فرقت بصي تقومي بالسلامه بس الاول بعدين نتخانق على الحمل الجديد ركزي في الماتش انا وغلاوه بنتي سايب الدراع اهو وحضن توتي وباس خدها
اسيا ابتسمت من كلمه بنتي وبصت للشاشه وتابعت مستحرمه اكسبك بعد الكلام السكر ده
فارس بضحك لا ياستي اكسبيني انا راضي لاني مقولتش حاجه هي بنتي فعلا وبعشقها هو حد قالي بابي غيرها
اسيا بحب وهي بتموت فيك يفارس والله وركزت وجابت جول تاني وفضلت تسقف فتولين تابعت يووه
ففارس فضل يضحك وتابع سيبيها ياتوتي تكسب علشان تعبانه بس ولما تخف هخسرهالك 10 -0 فاسيا فضلت تضحك
تولين بضحك ماشي اتفقنا وشويه والماتش خلص 2-1 لاسيا ففضلت تسقف وتابعت بضحك كسبتك ياباشا
فارس بضحك ياستي اتنيلي ده انا سايب الدراع وخلصت انا وتوتي حكايتين تلاته وجبتي 2 بس جتك ستين نيله
اسيا بضحك لا بقولك اييه كسبتك بردو بلاش شغل العياااط ده خلي روحك رياضيه
فارس فضل يضحك وتابع مبروك يعمري شوفتي روح رياضيه اكتر من كده
اسيا بضحك بحبك والله هات لبن ونسكافيه بلاك وانت جاي علشان نعمل ايس كوفي
فارس بحب من عيوني
تولين بحماس وشكولاته لياا
فارس بحب من نن عيوني مش عيوني بس
تولين ضحكت فتابعت اسيا بضحك لما تيجيلي هخزقهوملك اللي بقيوا يتقالوا لحد غيري دوول
فارس بضحك يشيخه اتنيلي دي شاركتك في قلبي ذات نفسه مش هتشاركك في عيوني وباس خد تولين وتابع خلي بالك من مامي لحد ما اجي هاا
تولين بحب حاضر وبالفعل فارس نزل واسيا وتولين قعدوا شويه وربع ساعه والباب خبط فاسيا استغربت وتابعت افتحي يا توتي تلاقي بابي بس غريبه معاه المفتاح
تولين راحت تفتح فتابعت اسيا بلهفه ولا اقولك استني هاتي الطرحه دي الاول ليكون عمك وشاورتلها على طرحه محطوطه على كرسي الترابيزه فتولين راحت اديتهالها وراحت تفتح الباب واسيا بقيت تلفها على شعرها باهمال
وتولين فتحت اتصدمت باللي واقف وجريت على اسيا حضنتها وهي بتعيط وخايفه فاسيا اتخضت وطبطبت عليها وتابعت ايه في اييه مش بابي اللي على الباب؟؟
سليم دخل وتابع بسخريه لا هو بابي بس الغريب انها خافت .. كرهتي البت فيا يا اسيا ولا يكون بقى في بابي غيري؟؟
اسيا شافته اتصدمت وخافت بشده