رواية انت قدري الفصل العاشر10والاخير بقلم زهراء

حمزه: دكتوره فاطمه هي رهف مالها..

فاطمه: مفيش حاجه مضايقه شويه..

حمزه:من ايه...حد عملها حاجه

فاطمه: لا..حاجه في الشغل..سيبها متضغطش عليها..

حمزه : تمام..

رهف وهي بتمسح دموعها: اجمدي يا رهف..خليه يندم علي اللي عمله معاكي..وغسلت وشها وخرجت..

عمرو: دكتوره رهف..ازيك..

رهف: الحمد لله..وكانت هتمسي لاقت حمزه طالع من العياده وقفت...

وقالت: وانت اخبارك ايه يا دكتور عمرو..

عمرو بابتسامة: الحمد لله..بقيت كويس لما شفتك..

رهف لاقت حمزه جاي عليهم ف ابتسمت لعمرو

حمزه بضيق: تعالي يا رهف عايزك..

رهف : نعم..

حمزه: بقولك عايزك تعالي...

رهف: انا مش فاضيه دلوقتي..بتكلم انا ودكتور عمرو في حاجه..

حمزه: ماشي خلصي انا واقف..

رهف: ممكن تتفضل وهاجي اما اخلص..

حمزه: اتفضل ليه..

عمرو: هو حضرتك هتقف بالعافيه..هي مش عايزه تتكلم قدامك..

حمزه بص لرهف: يعني ايه..

رهف: ايوا بنتكلم في حاجه بينا.. 

حمزه شدها من دراعها بعصبيه: قلت يلا..

عمرو : انت بتعمل ايه يا بني ادم انت..

رهف: دكتور عمرو اتفضل دلوقتي وهبقي اكلمك..

عمرو: متأكده..

رهف: متقلقش..

حمزه بعصبيه: ايه الجنان اللي بتعمليه ده من الصبح...

رهف: جنان ايه..بعدين انت ازاي تشد ايدي كده..وتكسفني قدامه...

حمزه: نعم..اكسفك..انت واقفه معاه ليه اصلا وعماله تتكلمي ومبسوطه...

رهف بعصبيه: وانت مالك..هتدخل في حياتي ليه..كنت بدخل في حياتك...

حمزه بصدمه: انا مالي..انتي عارفه انتي بتقولي ايه..

رهف: ايوا..ويريت تسيبني في حالي..وملكش دعوه بيا..انا حره..

حمزه واقف مصدوم ومش مصدق اللي هي بتقوله..

رهف: سمعت..

حمزه : تمام..من النهارده انسي انك كنتي تعرفي حد اسمه حمزه..ومشي..وهو مش مصدق كلامها..اول مره يحس انه موجوع كده..

رهف حست كأن قلبها اتكسر: ودخلت مكتبها ومقدرتش تمسك دموعها...وفضلت تعيط..

حمزه بضيق: يلا يا ادم..

ادم: فيه ايه يا حمزه مالك كده...

حمزه: مفيش يلا هستناك في العربيه..

ادم باستغراب: ماشي...

فاطمه: فيه ايه..

ادم: مش عارف..اما اروح اشوف ماله..متنسيش الحفله بليل..

فاطمه: تمام..وبعدين افتكرت رهف : يوه اكيد عملت حاجه اما اروح اشوفها فين..

رهف : مين..

فاطمه: انا يا رهف افتحي...

رهف فتحت..

فاطمه: ايه اللي حصل..ايه ده انتي بتعيطي..وحضنتها : خلاص اهدي مفيش حاجه..

ادم: فيه ايه يا حمزه..

حمزه: مفيش..

آدم : مفيش ازاي انت مش شايف شكلك..

حمزه: اتخانقت انا ورهف..وقطعنا علاقتنا..ببعض ..

آدم: انت بتهزر صح..

حمزه: والله بجد..

ادم: طب وايه اللي حصل..

حمزه : هبقي اقولك..بس مش دلوقتي عشان مش قادر احكي حاجه..

ادم: طيب يا صحبي اللي يريحك..

فاطمه: طب يا رهف كنتي اسأليه..قبل ما تعملي كده..

رهف: بقولك شفتها وجات تسلم عليه..وهو وقف معاها..

فاطمه: خلاص يا حبيبتي اهدي..المهم ارتحتي كده..

رهف: اللي مجنني اني مرتحتش..حاسه ان فيه وجع في قلبي..حتي بعد ما قلتله كده الوجع زاد اكتر..كده مبقاش في حمزه تاني...

فاطمه: لا ان شاء الله كل حاجه تتصلح..

رهف: هتتصلح ازاي بس..انا مش هقدر اشوفه مع ساره يا فاطمه مش هستحمل..

فاطمه: متخافيش ان شاء الله مش هيحصل كده..

رهف: ازاي عرف يمثل كل ده نظراته واهتمامه...

وفي الاخر بيحب ساره طب ازاي...

فاطمه: مش عارفه والله حاساه مظلوم..

رهف: اسكتي يا فاطمه..خلاص الموضوع خلص..

فاطمه: تمام..انتي كويسه..

رهف: هبقي كويسه غصب عني...

....................................

ادم: خلاص لغيت الفكره..انا مش هعمل كده وانت مضايق..

حمزه: انت بتقول ايه..انت بتهزر صح..

ادم: لا مش بهزر..لما امورك انتي ورهف تتظبط نبقي نشوف...

حمزه: يابني افهم معتش فيه انا ورهف..اللي بينا معتش موجود..فانت هتكمل اللي عايز تعمله عادي...مفيش حاجه اصلا..وحط ايده علي كتفه وقال ماشي يا صحبي..

ادم: ماشي يا حمزه..بس نفسي اعرف ايه اللي حصل...

حمزه: يلا بقي..المهم خلينا في فرحتنا..

آدم: هفرح ازاي بس وانت زعلان يا صحبي..

حمزه: انا تمام متخفش..يلا بينا نظبط الدنيا بس قربوا ييجوا..

ادم: طيب..

............................

رهف قاعده وماسكه السلسه وقاعده تبص فيها...بعدين الباب خبط..ادخل..

فاطمه: ايه ده يا رهف ملبستيش ليه..

رهف: مش جايه..

فاطمه: ازاي يا رهف..

رهف: مش عايزه اشوفه يا فاطمه..

فاطمه: مش الحفله اللي هتمنعك تشوفيه...انتي لازم هتشوفيه ده قدامك..

رهف وهي بتاخد نفس عميق: اعمل ايه يا فاطمه..

فاطمه: مش هتعملي حاجه..البسي وتعالي واتعاملي عادي ولا كأنك شيفاه..

رهف: فكرك كده..

فاطمه: كده وابو كده..

رهف: تمام..

فاطمه: يلا قومي مفيش..وقت..ادم بيرن..

رهف: روحي انت وانا هلبس واجي..

فاطمه: طيب..متتأخريش..

رهف: حاضر.. 

........................

ادم : الله يسلمكم...اتفضلوا..

وابتسم وقال: ازيك يا فاطمه..

فاطمه: الحمد لله حلو الديكور..

ادم: بجد انا وحمزه عملناه..امال دكتوره رهف مش جايه..

فاطمه: لا بتلبس وجايه..

ادم: طيب..

حمزه فضل يدور عليها بس هي مش موجوده...كان نفسه يشوفها...

مها: ازيك يا حمزه...

حمزه بابتسامة: اهلا يا طنط مها..عامله ايه..

مها: الحمد لله يا حبيبي...فاطمه امال رهف فين..

فاطمه: بتلبس وجايه...

حمزه حس انه اطمن..

مها:بت متأخره علطول...

فاطمه: اهي جات اهيه...تعالي يا رهف..

رهف لما شافت حمزه اتضايقت بس كان نفسها تشوفه خدت نفسها وراحت عندهم بهدوء...

رهف رسمت ابتسامه علي وشها وقالت: الف مبروك يا ادم..

آدم: الله يبارك فيكي يا رهف..

حمزه: ادم.. انا هدخل اجيب حاجه من الاوضه واجي.

رهف فهمت انه بيتجنبها...

فاطمه: بقولك يا رهوفه..تعالي صوريني..

رهف: حاضر..

ادم باصص عليها ومبتسم..وحمزه بيحاول يمنع نفسه انه ميبصش علي رهف بس مش قادر..

ادم: نفسي اعرف انتوا بتعملوا في بعض كده ليه..

حمزه: عملنا ايه ما كل واحد في حاله اهوه..

رهف:يوه يا فاطمه..اثبتي بقي..

ادم : هاتي يا رهف وانا اصورها..

رهف: اتفضل يا ادم...

وراحت وقفت لوحدها وحمزه واقف لوحده.. وكل شويه حد يبص علي التاني..

سناء: مها بقولك..حمزه ورهف مالهم..

مها: مش عارفه فيه ايه..الاتنين تحسيهم زعلانين..

سناء: ربنا يهديهم..

مها: يارب..

ادم: ايوا كده حلوه اوي...

فاطمه ابتسمت من كلمته..وقالت كده كفايه صورتيني كتير..

ادم: طيب..فاطمه بقولك تعالي عايز اتكلم معاكي في حاجه..

فاطمه: نعم..

ادم بابتسامة: بصي انا عايز اشكرك علي كل حاجه..وتعبك معايا..وصبرك عليا وكل حاجه..انتي خليتي لحياتي طعم عشان كده يا فاطمه عايز اقولك اني بحبك..بحبك من اول يوم شفتك فيه..

فاطمه قلبها دق واتخضت من كلامه..وفضلت بصاله وساكته مش مصدقه..

ادم : ايه يا فاطمه ساكته ليه..

فاطمه الفرحه بانت علي ملامحها وقالت: انتي بتحبني بجد..

ادم بص في عنيهاوقال بحب: اكيد يا فاطمه..

فاطمه اتوترت وقالت: طيب..

ادم: طيب ايه..يعني ايه طيب..

فاطمه ابتسمت وقالت: انت شايف ايه..

ادم بابتسامة: انا شايف اني اروح اكلم طنط سناء ونقرأ الفاتحه...

فاطمه بفرحه: بجد يا ادم..

ادم: طبعا انا بحب كل حاجه تبقي رسمي..طنط سناء..

سناء: نعم يا ادم...عايزك في موضوع...

فاطمه: رهف..تعالي 

رهف: حاضر...فيه ايه...

فاطمه: انا..ادم اعترفلي وهيخطبني...

رهف بفرحه: بجد الف مبروك يا فطومه.

مالك كده مش مبسوطه ولا ايه..

فاطمه: اصل يا رهف يعني هفرح ازاي وانتي مضايقه..

رهف بحنيه: يا هبله انا بعد اللي سمعته ده معتش مضايقه...انا اسعد واحده في الدنيا...تعالي هاتي حضن...

فاطمه وهي حضنها: ربنا يخليكي ليا ويفرحك يارب...

سناء بتزرغط: الف مبروك يا حبيبي هنلاقي زيك فين..

مها زرغطتت هي كمان: الف مبروك يا حبايبي..ربنا يكملكوا علي خير يارب..

حمزه وهو بيحضنه: الف مبروك يا حبيب قلبي..

ادم: الله يبارك فيك يا حبيبي..عقبالك..

حمزه بص لرهف وهي كمان كانت بصاله..بس نزلت عنيها..وبصت الناحيه التانيه...

حمزه: بص بقي يا صحبي خلي الخطوبه بقي..اما ارجع من المأموريه كمان اسبوع كده...

ادم: طبعا يا حبيبي..

مها: كويس اهو نكون جهزنا كل حاجه...

ادم قرب من فاطمه وقال: مبروك يا عروسه......

.........................................

عدي يومين ورهف مفتقده حمزه جدا..نفسها تشوفه او تطمن عليه بس برضو لسه جواها زعل....وادم وفاطمه بيجهزوا للخطوبه...

رهف: ايوا بقي يا فاطمه...عندنا اجمل عروسه..

فاطمه: علي قد منا متحمسه بس متوتره...

الباب خبط...

رهف: اتفضل...

ساره: ازيك يا رهف...

فاطمه: نعم يا دكتوره ساره..جايه تقولي ايه المرادي....

ساره: رهف انا جايه اعتذر..

رهف: علي ايه..

ساره: بصراحه انا لاحظت ان العلاقه بينك وبين حمزه مش جيران لاحظت انكوا بتحبوا بعض.. من اول يوم ولاحظت انك كدبتي عليا..عشان كده قلت كل ده وعملت كده ومفيش حاجه من دي..حتي اليوم اللي سلمت عليه هو موقفش معايا حتي...

ف انا يمكن وحشه بس مش لدرجه اني افرق بينكوا ف اتمني تسامحيني انا اسفه...ومشيت...

رهف مكنتش مصدقه حاست انها ضيعته من ايديها...

فاطمه: يا بنت ال..عرفتي قلتلك مظلوم..

رهف: انا بوظت الدنيا خالص..اعمل ايه..يعيني زمانه زعل اوي...

فاطمه: ليه مكنش باين..في الحفله..

رهف: طيب هعمل ايه..

فاطمه: استني اما ييجي واتكلمي معاه في الخطوبه...

رهف: بس هتكلم معاه عادي كده...

فاطمه: ايه يا رهف ده كلو عارف اللي فيها...

رهف: طيب يارب يسامحني..ده انا قلتله كلام صعب.. منك لله يا ساره..

فاطمه: ان شاء الله..

...................................

حمزه: ايوا يا عريس...

ادم: ايه رأيك في البدله...

حمزه: شيك مووت..

ادم: يلا بينا بقي..

فاطمه: ايه رأيك يا رهوفه..

رهف: توحفه اوي يا فطومه..بجد مش مصدقه شفتك عروسة..

فاطمه: حبيبتي يا رهوفه..ان شاءالله اشوفك عروسه قريب...

رهف: من بوقك لباب السما.. يلا بينا بقي عشان نطلع العريس مستني...

فاطمه: طب استني شكلي حلو...

رهف بابتسامة: وربنا قمر..

..................................

رهف عماله تحاول تفتح كلام مع حمزه بس هو متجاهلها...

ادم: فاطمه انا كل ما ابصلك مش مصدق في حد حلو كده...

فاطمه ابتسمت وقالت: وانت كمان شكلك حلو..

ادم: مش احلي منك يا قمر انتي..

فاطمه ابتسمت من كلامه...

رهف قربت من فاطمه وقالت: اعمل ايه يا فاطمه..مش بيبص في وشي حتي..

فاطمه: شوفي شوفي رايح البلكونه اهوه..روحي وراه...

رهف: طيب..

حمزه واقف سرحان عمال يفكر في رهف والكلام اللي قالتله..من غير سبب..فجأه سمع صوتها..

رهف: ازيك يا حمزه..

حمزه: اهلا..

رهف : عامل ايه كده..

حمزه: نعم يا رهف عايزه ايه..الكلام اللي قلتيه مكفاش جايه تكملي...

رهف: لا يا حمزه..انا جايه اعتذر كان سوء تفاهم..

حمزه: سوء تفاهم ايه اللي يخليكي تقولي كلام زي ده...

رهف: ساره..جاتلي وقالتلي حاجات انك بتحبها وبتتقابلو وكده..حسيت وقتها انك بتضحك عليا..

حمزه: وانتي صدقتيها مجاتيش وجهتيني ليه... منا نديت عليكي..

رهف: انا كنت هعمل كده والله بس لقيتها جايه وبتسلم عليك..قلت اكيد كلامها صح..

حمزه: وده يخليكي تقفي مع عمرو وتقوليلي كلام زي ده..

رهف: انا اسفه..حسيت وقتها انك معيشني في وهم..قلت اردهالك..

حمزه: انتي غبيه صح انا هعمل فيكي كده..

رهف ابتسمت وقالت: اه غبيه..

حمزه ضحك عليها...

رهف: ايوا يعني اتصالحنا ولا ايه...

حمزه سكت ثانيتين وقال:  رهف الكلام اللي قلتيه وجعني. اوي بس مش هقدر ازعل منك اكتر من كده ..بس عايزك تعرفي حاجه..انا كل اللي عشته معاكي كان حقيقه ومشاعري كلها كانت بجد...

رهف ابتسمت من كلامه ولسه هترد..

مها: بتعملوا ايه هنا..تعالوا هيلبسوا الدهب...

حمزه: يلا تعالي نشوف...

..........................

ادم: انا مش مصدق بجد...فاطمه انتي احلي حاجه حصلتلي في حياتي..بتحبيني يا فاطمه..

فاطمه ابتسمت وقالت: اكيد يا حبيبي...

ادم: ااه مش مصدق..حبيبي دي انا...

فاطمه ضحكت عليه...

حمزه: ايوا مكملناش كلامنا...

رهف: كلام ايه..فكرني احنا كنا واقفين فين..

حمزه: لسه هقولك تاني..رهف انا بحبك..

رهف ابتسمت وفضلت ساكته..

حمزه: هااه ايه مفيش شبكه ولا ايه...

رهف بخجل: وانا كمان..ومشيت بسرعه راحت عند فاطمه...

حمزه فضل باصص عليها ومبتسم...وقال: اخيرا يا رهف...