رواية بابت بقي بطلي تستغلي منصب ابوكي الفصل العاشر10والاخيربقلم ليلان سلامة
انا حبيبها!!
زعق أكرم وقال:
_ انتَ عبيط ولا ايه دي خطيبتي؟!
ضحك يزن وقال:
_ مبقتش لسه مش شايف اي دبله في ايديها وبعدين هي حبيبتي وحكون جوزها بقى مش خطيبها....
_ انتَ شكلك شارب حاجه انتَ دلوقتي قاعد في خطوبتنا ويلا أمشي من هنا...
قعد يزن علىّ الكرسي جمبي برخامه وقال:
_ مش ماشي ويلا بقى...
مسكه أكرم من هدومه وزعق فيه شال يزن ايده بكُل برود وقال:
_ من رأيي تمشي من هنا احسلك اصل هنا مفيش خطوبه انا قتيل هنا ومش همشي....
بصلي أكرم وقال:
_ هو انتِ مبترديش علىّ كلامه ليه؟
مردتش فا زعق وقال:
_ متردي عليا ولا كلامه صح؟
قام يزن ضربه بوكس وقال بمُنتهي البساطه:
_ متزعقلهاش علشان مزعلكش وهي الحمد لله عندها لسان يعني لو كنت قولت اي كلمه غلط كانت اتكلمت....
بصلي أكرم ف هزيت راسي هزه خفيفه وهو فهم فا راح خد اهله ومشو مع عدم فهمهم وبابا للي كان بيكلمه جه بابا بعد ما أكرم مشي وشاف يزن جه وقال:
_ اه انا فهمت انتَ عايز ايه من بنتي يا مهزق انتَ بوظت خطوبت بنتي!!
_ والله يا عمي انا عيزاها...
_ بس يا صايع انتَ خلاص هي مخطوبه دلوقتي وأكرم اكيد حيرجع تاني!!
ضحك يزن وقال:
_ يرجع تاني؟!خلاص يا عمي أكرم بح خلص خلاص مفيش رجوع....
اتنرفز بابا وقال:
_ وانتَ قولتله ايه؟
_ قولتله اني حبيبها!!
مسك بابا يزن ضربه ويزن كان مُستسلم تماماً جه كريم عم يزن هو وياسين و بعدو بابا عن يزن وقال:
_ في ايه يا نوح بتضربو كدا ليه؟
_ في انه بنادم مش متربي بوظ خطوبه بنتي وراح يقول ل خطيبها انه حبيبها...
اتصدم كريم وقال:
_ ليه يا يزن كدا...
نفخ يزن ومردش وقال وهو ماشي ل بابا:
_ خلي في علمك انا مش حتنازل عنها ومش حتتجوز غيري فا بطل تجيب عرسان علشان حطفشهم....
مشي يزن وفضل كَريم عم يزن وللي قال:
_ في ايه مش فاهم حاجه؟
أتكلم بابا بنرفزه وقال:
_ روح شوف من ابن اخوك..
_ ايا يكن ايه حفهم من يزن بس مش عايزك تزعل يا نوح انا حشوفه...
مشي الناس وكَريم و أسرته بصلي بابا واتكلم بعصبيه وقال:
_ ادي الفاشل للي انتِ عيزاه جاي يبلطج علىّ أكرم وطفشه اروح اقول ل أكرم ايه دلوقتي؟
اتكلمت بلامبالاه وقولت:
_ متقولهوش حاجه هو حس اني مش طيقاه...
بصلي بابا بملامح متبشرش بالخير ومشي قربت ماما حضنتني وضحكت وقالت:
_ بس يزن دا طلع مش سهل...
ضحكت...
____________________________
عند يزن:
_ فضل يلف بالعربيه شويه وبعدين وصل البيت عند عمه كانو هما وصله دخل ولقاهم قاعدين كريم قال:
_ في ايه يا يزن ايه للي عملته في خطوبه بنت نوح دا؟
قال ببرود:
_ عادي!
_ ايه للي عادي يا يزن انتَ عملت ايه بوظت للبنت خطوبتها...
_ مش عايز اتكلم في الموضوع دا...
وبعدين دخل اوضته دخلت وراه نرمين وقالت:
_ مالك يا يزن؟
سكت ومردش قربت منه نرمين وخدته في حُضنها وقالت:
_ انتَ مش بتعتبرني امك؟
_ لا طبعاً بعتبرك امي وانتِ فعلاً امي...
_ طب متحكيلي ايه للي حصل واحكيلي حياتك كانت عامله ازاي بعد ما سبتني؟!
اتنهد يزن وقال:
_ انا بحب بنت نوح بيه...
_ وانتَ متقدمتلهاش ليه؟
_ اتقدمت ليها!
_ وبعدين ايه للي حصل..
_ ابوها رفضني وقالي كلام صعب مش عارف اوصفه...
_ وانتَ ايه للي خلاك تحب واحده بتحب واحد تاني و كانت خطوبتهم النهارده هي رفضتك يبقى خلاص لكن مش تروح تبوظ خطوبتها يا حبيبي...
_ لا يا حبيبتي هي اصلاً مبتحبهوش وابوها جابرها عليه..
_ مش فاهمه يعني هي مش بتحبه؟
_ هي بتحبني انا مش هو بس ابوها الله يسامحها هو للي اجبرها تتجوز من أكرم علشان طبعا أكرم ظابط ومن نفس مستواهم لكن أنا فاشل وصايع مينفعش!!!
_ طب وانتَ قولتله ايه خلاه يمشي ويسيب الخطوبه؟
_ قولتله اني حبيبها!!
بصت نرمين ل يزن بصدمه وبدات تضحك وضحك يزن كمان وقالت:
_ طلعت سوسه يا واد يا يزن..
ضحك يزن وقال:
_ طب اسيبها يعني تروح مني؟
_ لا يا حبيبي حاول علشانها...
دخل كَريم في اللحظه دي وقال:
_ ليه مقلتليش انك بتحب ميرال بنت نوح؟
_ عادي...
_ كل ما اقولك حاجه تقولي عادي ايوا ليه مقولتش كُنت جوزتهالك...
_ انا عايزه يوافق عليا انا مش علشان انتَ صاحبه...
فرح كريم هنا أن يزن كلمه ولو كلام عادي...
_ ومين قالك اني حضغط عليه علشان احنا صحاب انتَ للي عايز تعمله علشانها اعمل وأنا حكون مساعد من بعيد...
بصله يزن بتضيق عين فا قال كريم:
_ متبصليش كدا انا حعمل اي حاجه علشان تكون مبسوط ودي اقل حاجه اقدمهالك...
_ انا موافق بس اوعى تكون فاكر اني كدا سامحتك يعني....
أتكلم كريم بيأس وقال:
_ اهم حاجه انتَ تكون مبسوط عندي بالدنُيا....
_______________________________
عدت فتره ونقلت من الورشه وبقيت بشتغل في ورشه اكبر واتعرفت الا حد ما ونجحت ولسه بكمل دراستي في الفتره دي مكنتش بشوف يزن غير في الكُليه ومكناش بنتكلم علاقتي انا وبابا بقت في شد ومش كويسه و دايماً مروان و سليم بيحاولوا يبسطوني....
يزن بقى بيشتغل في شركه و خلاص قرب يتخرج وفي يوم راح خبط علىّ عم حسن فتحت كارما الباب قال يزن:
_ ازيك يا كارما؟
_ الحمد لله وانتَ؟
_ الحمد لله كُنت عايزك في موضوع؟
_ اتفضل!
_ هو انتِ للي قولتي ل ميرال اننا مخطوبين من فتره؟
حس يزن انها اتوترت وقالت ودموع بدات تتجمع في عينيها:
_ ايوا انا للي عملت كدا علشان ابعدها عنك انا بحبك وهي أهلها رفضوك وأنا للي استحقك...
_ تعرفي انك كُنتي حتضعيها مني!!
_ مكنش هممني حاجه غير انك تبقى معايا وبس...
_ كارما انا طول عمري بعتبرك اختي وإحنا متربيين مع بعض لكن عمري ما شُوفتك اكتر من كدا انتِ تستاهلي حد احسن مني وحد يحاول علشانك ويبقى قلبه ملكك لكن أنا قلبي مع واحده تانيه ومش حقدر اسيبها لكن ربنا حيعوضك بواحد ميكنش شايف غيرك انتِ وبس فهماني يا كرامله؟
هزت كارما راسها وهي بتعيط فا قال يزن:
_ مش عايزك تعيطي ابداً ولا دموعك تنزل عليا وانا حفضل معاكي لحد ما اجوزك بنفسي...
أتكلم يزن بمرح وقال:
_ فين عم حسن بقى؟
_ ادخله جوا...
دخل يزن وباس راس وايد عم حسن وقال:
_ عامل ايه يا حس؟
_ الحمد لله يا حبيبي..
_ الحمد لله ..
_ عامل ايه في شُغلك وفي الكليه؟
_ الحمد لله قربت اتخرج اهو هانت والشغل الحمد لله ادعيلي يا عم حسن...
_ بدعيلك يا حبيبي والله من غير ما تقول....
____________________________
عدت سنه بكُل حاجه فيها فتحت ورشه ليا وبقيت شغاله فيها و يزن اخيراً اتخرج وبقى بيشتغل في شركه من أحسن الشركات ودايماً كان بيدعمني مروان و سليم وماما....
واخيراً جه اليُوم للي بحلم بيه يُوم للي حيتقدملي فيه يزن من تاني بعد إصرار كريم عم يزن علىّ بابا انه يوافق يقابل يزن منكرش ان قلقانه وجداً لان ردت فعل بابا مش مضمونه ابداً وصل يزن وعمه كريم وولاده و مراته دخله نزلت فضلت واقفه علىّ السلم من بعيد بحيث محدش يشوفني وكان المشهد نفسه بيتعاد من تاني سمعت صوت يزن وهو بيقول:
_ عمي انا جاي اطلب ايد ميرال والمرادي انا جاهز وحعملها كُل للي نفسها فيه وحعيشها في نفس المستوي واحسن ولو علىّ أبويا انا أبويا خلاص مات يعني اظن نفتكر الخير ليه بس و عمي مسامح أبويا وأنا بحب ميرال وهي بتحبني يعني خلاص اظن مفيش حاجه تستاهل الرفض....
أتكلم بابا ب حده وقال:
_ هو انتَ للي حتعرفني ايه للي مستاهل الرفض ولا...
_ لا بس ان...
قطع كلام يزن عمه كريم وقال بهمس ل يزن:
_ خلاص يا يزن مش وقته...
قال كريم ل بابا:
_ يا نوح يزن مش قصده قصده يعني انه حيعمل كُل للي العروسه تطلبه....
قال يوسف:
_ نقرأ الفاتحه بقى؟
سليم قال:
_ انا شايف نقرأ الفاتحه!
أتكلم بابا وقال:
_ فاتحه ايه للي نقرأها شايفني وافقت؟
أتكلم مروان وقال:
_ يا بابا يزن قال حيعمل كُل للي ميرال عيزاه يعني ان شاء الله مافيش خلاف...
أتكلم بابا وقال:
_ بس انا مش حاسُه...
كان لسه يزن حيتكلم قطعته نرمين وقالت:
_ عندي حل حلو بص حضرتك هما يتخطبو وطول فتره الخطوبه خليه تحت عينك معجبكش ارفضه....
بص يزن ل نرمين وهو بيبرق عينه وحيتكلم ضربته في رجله منغير ما حد ياخد باله فا سكت يزن....
أتكلم بابا وقال:
_ طيب...
قال مروان:
_ اخيراً يا بابا يلا نقرأ الفاتحه...
_ استنو...
قال كريم:
_ مفيش استنو يلا اقرو الفاتحه...
قراو الفاتحه و شوفت بابا وهو متعصب وهو بيقرأ أتكلم سليم وقال:
_ حروح انادي العروسه...
طلعت أجري علىّ فوق لقيت سليم جاي وهو بيضحك وقال:
_ قفشتك كُنت واقفه بتعملي ايه؟
فركت في إيدي بتوتر وقولت:
_ هو يعني لا مفيش...
ضحك سليم وقال:
_ بس خلاص يا بنتي اهدي تعالي يلا...
نزلت مع سليم ومسكت في ايده بتوتر نزلت سلمت علىّ نرمين مرات عم يزن وعمه وعيال عمه وروحت قعدت جمب سليم ومروان...
خلصت الخطوبه علىّ خير وعدت فتره كان بابا بيقف ل يزن علىّ الواحد بس سليم ومروان وماما وكريم عم يزن بيمشو الدنيا لحد ما جه يُوم كتب كتابي...
لقيت باب الاوضه بيخبط قولت:
_ ادخلي يا ماما...
اتفتح باب الاوضه وقال:
_ مينفعش ادخل يا بابا..
اتوترت وقولت:
_ لا طبعاً اتفضل...
دخل بابا وقفل الباب وخدني من إيدي وقعدنا علىّ السرير وقال:
_ عارف اكيد انك مش طيقاني و شايفه اني مُتحكم فيكي وفي قراراتك وفي حياتك صح؟
هزيت راسي فا كمل بابا وهو بيدمع وقال:
_ بس يشهد عليا ربنا انه كان خوف عليكي يا بنتي كنت برفض شُغلك في الورشه عارف حتقبلي ناس مش كويسه كتير كنت عايزك تفضلي زي ما انتِ حلاويات البيت مش عايز شُغل يخليكي مضغوطه ولا مش طايقه نفسك كنت عايزك دايماً بنتي للي تغير مود البيت وتخلي احلي يمكن غلط في طريقتي بس يعلم ربنا انه خوف عليكي انتِ عارفه اني معشتش حياه كويسه في بيتي وانا قدك فا دايماً كنت بحاول اخلي بيتي وحياتي احسن حاجه يمكن كنت بعمل دا غلط....
كمل بابا وقال بتنهيده:
_ وعارف غلطت في يزن بس والله كان نفسي تتجوزي حد يخاف عليكي من نفسه يحافظ عليكي انتِ جوهرتي الغاليه مش عايز في يوم الاقيكي جايه بتشتكي من جوزك انه عملك اي حاجه حتي لو قال حرف مش كويس أنا اخترت أكرم علشان لقيت فيه دا كنت بقولك الحب مش كل حاجه علشان مش كل حاجه ياما ناس كانو بيحبو بعض ودلوقتي اطلقو ويزن انا مكدبش عليكي مكنش الراجل للي بحلم بيه ليكي....
ضحكت وسط عياطي علىّ كلام بابا وقولت:
_ طب و دلوقتي ؟
_ اه انا مش طايقه بردو علشان خد أغلى حاجه عندي بس شوفته راجل وهو بيحاول علشانك مش عايزك تزعلي مني مش مصدق انك دلوقتي عروسه والمفرُوض اسلمك ل عريسك...
حضنته جامد وعيطت وقولت:
_ مسامحك يا حبيبي عُمري ما ازعل منك....
_ خلاص كفايا عياط قومي يلا اجهزي وأنا حجهز علشان المأذون قرب يوصل...
بابا طلع وانا جهزت وكنت محضره شنطت سفري علشان قررنا منعملش فرح ونسافر بالفلوس دي دوله أحلامي تُركيا وصل المأذون وبابا طلع خدني حضني وقال:
_ مش متخيل انك حتمشي خلاص...
عيوني دمعت فقال بابا:
_ لا خلاص متعيطيش مش وقته...
نزلنا لقيت ديكوريشن بسيط بس حلو نزلت قعدت والماذون بدأ يقول كلام ل بابا و يزن وقالو لحد ما وصل المأذون اخيراً وقال:
_بارك الله لكما وجمع بينكما في خير...
ساعتها محستش ب اي حاجه غير وانا في حُضن يزن.....
_ مش مصدق خلاص بعد المُعافره دي كُلها بقيتي مراتي...
جه بابا شدني من يزن وقال:
_ أوعى بقى كدا سيبني اشبع منها قبل ما تمشي...
_ خلاص بقت مراتي...
_ والله بقت مراتك مش مبقتش بنتي....
ضحكت وحضنت بابا و سلمت علىّ مروان للي كان بيعيط وقولت:
_ متعيطش يا حبيبي حجيلك تاني واقرفك متخافش...
ضحك مروان وروحت ل سليم وقال:
_مش مصدق والله كُنتي لسه صغيره وبقيتي عروسه زي القمر...
_ سليم انا بحبك اوي...
حضني جامد وبعدين ودعتهم ومشيت مع يزن وقال:
_ ايه نروح...
ابتسم وقولت:
_ نروح...
روحنا ل عم حسن و خبطنا فتحت كارما الباب واول ما شافت يزن قال:
_ الف مبروك...
_ الله يبارك فيكي يا كارما عقبالك...
_ يارب علىّ فكره انا بحاول ادي فُرصه لحد تاني...
دمعت وقالت:
_ اه مش هنساك بس بحاول...
ابتسم يزن ودخلنا ل عم حسن وقال:
_ الف مبروك يا ولاد مش مصدق فرحتي عامله ازاي بيك يا يزن...
_ حبيبي يا عم حسن...
قعدنا شويه وبعدين قال عم حسن:
_ يلا يا حبيبي خُد مراتك وامشي علشان تلحقو طيارتكو..
وفعلا قومنا سلمنا علىّ عم حسن وكارما ومشينا اتفاجئنا ب موجود كريم عم يزن ونرمين مراته واول ما شافتنا حضنتنا وقالت:
_ ترجعو بالسلامه يا حبايبي..
ابتسم يزن وقال:
_ يارب يا حبيبتي...
قرب كريم و حضنه وقال:
_ مش ناوي تسامحني يا ابني...
حضنه يزن وقال:
_ مش حقدر اقولك اني مسامحك دلوقتي علشان وجع قلبي كبير بس اكيد حيجي يوم واسامحك....
ودعناهم ومشينا خلصنا إجراءات المطار وركبنا حطيت راسي علىّ كتف يزن وقولت:
_ بحبك اوي يا يزن...
_ اخيراً مش مصدق انك نطقتيها...
ضحكت وقال:
_ بحبك يا شريكه أيامي وحياتي...
تمت