رواية حين جمعنا القدر الفصل الاول1بقلم جودي محمد
فقدت ليلي الوعي...
اسر : الو ايوه يا ليلي في حاجه؟
ليلي : اا الحقني يا اسر
اتنفض اسر من مكانه
اسر : طب اهدي في اي ايه الحصل مالك بتعيطي ليه انتي فين طيب
ليلي : انا انا في المستشفى عملنا حادثه تعالى ارجوك
اسر : اي الحصل طب ابعتي لوكيشن ثواني وابقى عندك
نط اسر من سريره لبس التيشيرت واخد مفاتيح عربيته وجري على تحت قابلته مامته وندهت عليه بس هو كان جري مردش عليها وفي الطريق حاول يتصل ب ليلي مش بترد وصل المستشفى في وقت قياسي ودخل سال عن ليلي وعرف هي فين لقاها قاعده في الأرض قدام اوضتين وضامه رجليها وبتعيط
اسر : ليلي في اي قومي وقومها
ليلي : ببابا و ماما يا اسر هيروحو منييي
اسر : اهدي وفهميني في اي خالو وطنط مالهمم اقعدي كده وبراحه يا حبيبتي في اي
ليلي : احنا كنا هنا في المستشفى بنكشف على ماما واحنا مروحين في عربيه خبطت فينا وماما وبابا جوه دلوقتي ومحدش طلع يقولي حاجه لحد دلوقتي معرفتش اعمل اي ولا اتصرف ازاي كلمتك
اسر : طب بس اهدي هما هيبقو كويسين انتي كويسه فيكي حاجه
ليلي: مش عارفه
اسر : يعني اي مش عارفه وريني دراعك اي الدم ده كله قومي معايا خليهم يشوفوكي
ليلي : انا مش هتحرك من هنا غير لما اطمن على ماما وبابا
اسر : قومي يا ليلي اسمعي الكلام هنرجع تاني متخافيش
سندها وراح بيها اخدوها منه عالجو الجروح الكانت فيها واسر كلم كذا دكتور وراح لمدير المستشفى عشان يفهم البيحصل
اسر : مع حضرتك المقدم اسر الخولي خالي ومراته في العمليات لحد دلوقتي محدش طلع قال حاجه انا محتاج افهم في اي بالظبط
المدير : يا اسر بيه دي عمليات منقدرش ندخل عشان ممكن تكون الحاله صعبه والدكاتره لازم يشوفو شغلهم بعد اذن حضرتك استريح وانا هنزل بنفسي اخليهم يطمنوك راح اسر اخد ليلي وقعدو قدام العمليات عدا ساعه والدكاتره خرجت اسر وليلي جريو عليهم
الدكتور : اطمنو المدام بخير والعمليه عدت على خير شوية كسور خفيفه وتخف بإذن الله
حمدت ليلي ربنا وسالت برجفه عن باباها
الدكتور : للاسف السيد الوالد حالته صعبه شويه ياريت ندعيله يعدي ٢٤ ساعه الجايين على خير
ليلي : يعني اي هو ماله يا دكتور لو سمحت طمني
الدكتور : انا نفسي اطمنك يا بنتي والله بس للاسف حصله نزيف ودخل في غيبوبه ندعي ربنا يقوم منها على خير وكل حاجه هتبقى كويسه ان شاء الله متقلقيش
ليلي : غيبوبهه! بابا في غيبوبه يا اسر
انهارت ليلي من العياط في حضن اسر وفضل يهدي فيها عرفو ان مامتها هتفوق بكره فضلت قاعده مستنيه ينقلوها اوضه عاديه
اسر : احنا لازم نكلم اخواتك يا ليلي مينفعش كده
ليلي : هتكلم مين فيهم المسافر وياعالم هيجي ولا لا ولا التاني التلاقيه مروحش البيت لحد دلوقتي انا مكلمتش حد فيهم عشان عارفه مش هيردو عليا اصلا انا اسفه يا اسر تعبتك معايا ونزلتك مخضوض في وقت زي ده كمان عمتو زمانها قلقانه عليك تقدر تروح انا هفضل هنا جنب ماما وبابا
اسر : بس مش عايز عبط وعمتك مش قلقانه ولا حاجه هي متعرفش حاجه بس انا هاخدك دلوقتي ونروحلها وبكره ان شاء الله نيجي تكون طنط فاقت وانتي شوفتي الدكتور قال ملوش لازمه القعاد كده كده الزياره ممنوعه النهارده يلا قومي معايا
ليلي : لااا انا مش عايزه اسيبهم ارجوك
اسر : هنيجي بدري والله يلا عشان خاطري
بعد اقناع كتير من اسر سندت ليلي عليه وراحت معاه ودخلو البيت وهو سندها امه جريت عليه ولما شافت ليلي اتخضت
ناهد : يمصيبتي اي يحببتي العمل فيكي كده اي الدم ده تعالي في حضني تعالي
انهارت ليلي في حضن عمتها وهي بتنادي ب اسم باباها وناهد مش فاهمه حاجه
ناهد: ماله ابوكي يبت في اي في اي يا اسر خالك ماله
اسر: اهدي يا أمي واقعدو بس كده خالو ومراته عملوا حادثه وليلي كانت معاهم الحمدلله ربنا نجاها وهما في المستشفى دلوقتي وهنروح نشوفهم بكره
ليلي : ياريتني كنت معاهم ماما اول ما شافت العربيه خدتني في حضنها عشان ميحصليش حاجه ياريتني كنت مكانهم ياريتني
ناهد : بس يبنتي بس اي البتقوليه ده بعد الشر عليكي متقوليش كده واخدتها في حضنها
اتنهد اسر بتعب وخوف على ليلي اول مره يشوفها كده وزعلان على خاله وخايف عليه من جواه بيدعي يقوم بالسلامه وناهد ماسكه نفسها عشان ليلي بس من جواها مرعوبه على اخوها ومراته
اسر : خدي ليلي يا ماما طلعيها ترتاح وشوفيلها حاجه تلبسها بدل الهدوم الكلها دم دي امال سلمى وبابا فين
ناهد : حاضر يحبيبي ابوك نام من بدري انا كنت قاعده مستنياك قلقت لما لقيتك نازل بتجري كده واختك هتلاقيها في اوضتها بتذاكر
اسر : طيب ماشي خدي ليلي تغير وتاكل وتريح شويه
قامت ناهد وليلي وراحو اوضة سلمى الاتخضت لما شافت منظر ليلي بس ناهد فهمتها قعدت تدعي خالها يقوم بالسلامه وصت ناهد سلمى تاخد بالها من ليلي وتجبلها هدوم على متعملها حاجه تأكلها ونزلت ناهد لقت اسر قاعد يعمل مكالمات بيشوف احسن دكاتره تيجي تتابع حالة خاله ناهد قربت منه
ناهد : خالك هيبقى كويس مش كده ؟
اسر اتنهد بتعب واخد امه في حضنه
اسر : ادعيله يا أمي يقوم بالسلامه ادعيله عشان بنته الملهاش غيره دي وشرح لامه حالة خاله القعدت تعيط عليه اهدي يا امي ونبي اجمدي واقفي جنب بنت اخوكي عشان خاطري
ناهد : حاضر يحبيبي حاضر
اسر : يلا يست الكل حضري لقمه كده خفيفه عشان ليلي
ناهد : حاضر يبني واعملك انت كمان وكلو سوا افتحو نفس بعض
هز اسر راسه لامه وراح يكلم يزن اخو ليلي الصغير بس مرضش عليه بعتله فويس
اسر: اسمع يا يزن الزفت انت ابوك وامك واختك عملوا حادثه وابوك في غيبوبه وامك هتبقى كويسه بكره ان شاء الله اختك عندي بايته مع ماما وهنروح بكره المستشفى عايزك تفوقلي كده من الانت في وتكون عندي الصبح عشان نروح سوا اختك محتاجلك
فوق عند ليلي اخدت الهدوم من سلمى ودخلت تاخد شاور وقفت تحت الدش بهدومها بيمر قدامها كل الحصل تاني امها وهي بتحضنها ابوها وهو بيمسك ايدها بتفتكر منظرهم وهو كله دم ومش بيردو عليها وقعت في الأرض وقعدت تصوت وتنادي على ابوها وامها سلمى سمعت الصويت اتخضت ودخلت عليها واسر وناهد طلعو جري على الصوت سلمى حاولت تقوم فيها وناهد بتنادي عليها بس ليلي كانت فقدت الوعي ....