رواية هو وهي الفصل الاول1 بقلم كاترين موريس
:. اااه اتلم المتعوس علي خايب الرجا .
: انا المتعوس؟
:. لا خايب الرجا .
:. مرزق طول عمرك مورزق يابوالسكلان الدهب في ايدك يبقي تراب .
قال بزهق :كفايه بقا .
:. اخر ساوند خلاص .
: لا زهقت .
:. اخر واحد بجد .
: ماشي يلا .
:. بسلامته خطبني من بابا طلبني .
: خلاص بقا .
:.خلصنا اهو انت لسه مضايق .
قال بتعب : هو كانت المشكله اتحلت عشان اتبسطت .
طبطت عليه :. معلش يعني هو كان بمزاجك مهي الظروف .
قال بضعف : مش عارف افتح الموضوع مع باباكي بأنهي وش اصلا .
قلت بمرح لتخفيف الموضوع:. بوشك ده عادي .
ضحك باستسلام : يابنتي بقا بطلي هزار احتمال يقولي خد حاجتك واطلع برا .
:.لا لا أن شاء الله خفيفه خير .
:خفيفه هي حقنه ، دي داهيه هنتجوز منين .
افتكرت لما كلمني امبارح وهو زعلان .
:انا سيبت الشغل .
قلت بفزع :.يلهووووي .
:.احم قصدي ليه ،انت كويس ، طب تعالي .
قال بهدوء:خدي نفس براحه .
سألت بقلق :. طب انت كويس ؟
اتنهد: بحاول .
:.معلش ربنا هيكرمك وهتبقي في احسن حال.
: اقول لباباكي ايه دلوقتي ؟
:. بص مش عارفه ولا فيا دماغ افكر في اي حاجه دلوقتي بس.
كملت بثقه :. عارفه ومتأكده من حاجه واحده أن ربنا من هيسيبنا واكيد ده خير ، اهدي وخلي بالك من نفسك وروح البيت ارتاح ونفكر بكرا سوا .
قال بضياع :يعني ايه منا لازم الاقي حل هتبقي خلصت كدا .
حاولت اخليه يهدي :.متفكرش في اي حاجه دلوقتي.
رد كأنه مسمعش وكأنه بيكلم نفسه :اعمل ايه ابوكي مش هيستحمل تاني و هيبقي معاه حق المره دي .
كملت أهديه :.بس اهدي خد نفس وبراحه ، النهارده تعال نقول يارب بس انت مش هتعرف تحلها بس ربنا هو اللي هيساعدنا يبقي نقول يارب .
: يااارب .
: سلام دلوقتي هروح واهدي شويه وهكلمك .
:. طيب طمني عليك .
:حاضر.
قال بود - ازيك يا حبيبي عامل ايه .
: بخير ياعمي صحتك عامله اي .
- الحمدلله يابني ، كنت عاوزني .
قال بتردد : اه محتاجك في موضوع كدا .
- خير يابني قول متتكسفش ، قومي هاتي عصير .
:.حاضر .
قال بتوتر : بص ياعمي بصراحة اصلا مش عارف اجبهالك ازاي لو طردتني من هنا دلوقتي يبقي عندك حق .
قال بدهشه - بتقول كدا انت ابني قول علطول ، متخفش اعتبرني زي ولدك .
: ربنا يخليك ليا ، عمي انا محتاج آجل الفرح شويه كمان ،انا عارف اجلت كتير وحاجات شيلتها عني بس انا متعشم فيك .
سأل بحيره - ماشي بس التأجيل اد ايه ؟
قال بارتباك :5شهور كمان .
قال بتعاطف- بس كدا تبقي داخل علي سنتين بعد كدا لو لقدر الله محلصش نصيب كدا ضيعت كتير من عمركم .
قال بثقه :عمي انا بحب بنتك وصدقني مش بلعب وانت عارفني ومتأكد اني داخل جد بس للاسف الظروف ضدي .
سأل - طب عاوز تأجل ليه المرادي .
رد بارتباك :انا انا سيبت الشغل .
قال بذهول -يعني ايه ؟
قال بضعف :حصل مشاكل ومشيت .
سأل بشك - طب هتعمل ايه دلوقتي .
:في اللحظة دي مش عارف انا مشيت امبارح وجيت اول حاجه اتكلم معاك بصراحة عشان مكدبش عليكم في اي حاجه .
- طيب تعال نأكل الاول وبعد كدا نكمل كلامنا براحتنا .
قال بإحراج : ربنا يخليك ياعمي شكرا انا همشي وحضرتك فكر براحتك .
- تعال ياواد انت هتعمل نفسك غريب قوم يلا .
بعد الاكل ..
سأل بخوف : ها ياعمي قولت ايه ؟
قال بتفكير - بصراحة يابني انا مقدر كل اللي بتقوله ويعز عليا انا ازعلك بس برضه دي بنتي ،سيبني لغايه بكرا وهرد عليك بالكلام النهائي .
:. الو ، ازيك عامل ايه دلوقتي ؟
: الحمدلله كويس بس خايف من قرار باباكي.
:. ومين سمعك انا مرعوبة ، بس بابا مش هيزعلنا أن شاء الله.
رد بمرح : لو طردني برا البيت وقال مشوفش وشك هنا تاني يبقي حقه بصراحه .
سألت بخوف :. وأنت هتعمل ايه لو عمل كدا هتستسلم .
رد بتصميم : لا طبعا انا بحبك ومش هسيبك بس مش هقدر أكلمه وانا من غير شغل بس اول ما لاقي هجري عليه تاني وهفضل وراه لغايه ما يوافق .
:. ولو قالك خلاص ورفض كل المحاولات ؟
: مش هسيبه لغايه ما يوافق بكل الطرق هبعت كل الناس تتوسط عنده ، بصي مش هسيبه في حاله .
:. يارب مانوصل لكده وربنا يسهلها علينا .
: أن شاء الله ،بس عاوزك تتاكدي اني مش هسيبك لو ايه حصل .
: مساء الخير ياعمي اخبارك ايه ؟
- الحمدلله يابني .
رد بخوف : طب وصلت لقرار .
قال بحسم - اه وصلت انت زي ابني وانا بحبك وعارف انك بتحب بنتي وهتحافظ عليها عشان كدا ده اخر معاد هحدده بعدها كل شئ قسمه ونصيب .
رد بتفاؤل :فاهم ياعمي وان شاء الله متوصلش لكدا
رد بحب -ربنا معاك يا حبيبي ويسهلك كل ظروفك.
بعد فتره ....
قلت باستغراب:. مالك مبسوط اوي كدا ليه ؟
قال بفرحه : انا هموت من الفرحه زغرطي هنتجوز .
قلت بضحك :. أن شاء الله بس اي سر الفرحة دي كلها ؟
قال بحماس : لاقيت شغل .
قلت بذهول :. بجد احلف ؟
قال ببهجه : حقيقي ومرتب تحفه وكمان شقه بالتقسيط جنب الشغل .
قلت بعدم استعاب:. لالا بتهزر مستحيل يكون بجد .
: صدقيني بجد هنتجوز خلاص ، الفرح هيوصلنا اخيرا .
:. يلا نروح لبابا نقوله .
: كلمته في التليفون قولتله قبل مااجيلك .
:. يلهووووي انا لغايه دلوقتي مش مصدقه .
قال بحب : لا صدقي اخيرا هنكون سوا ، قلتلك مش هسيبك وربنا هيسهلها.
:. فعلا اخيرا ربنا هيجمعنا.
: بحبك .
"وإنت هتحبّ أمتى يا منيل؟🥺 فصلتلك.. سوري! 😂