رواية ليل المهران الفصل الاول1بقلم اميرة خالد
في الصعيد قصر رسلان كان قاعد الجد على السفره وحواليه اولاده واحفاده وقال اعملوا حسابكم امجد راجع النهارده من السفر ومعاه بنته
رزق
بجد يا بوي امجد راجع
الجد
ايوه راجع كفايه غربه
حسنه
ويرجع ليه بعد اللي عمله وساب اختي ليله الفرح
الجد
بعصبيه كفايه يا حسنه انا مش هسيب ابني في الغربه عمره كله وكمان اختك اتجوزت وعايشه مرتاحه مع جوزها يعني ما لكيش دعوه ولا ايه فاضل
فاضل
بخوف طبعا يا حاج اللي انت تؤمر بيه مطاع
واسكتي يا حسنه ملكيش دعوه
وبص لحفيد مهران اعمل حسابك تروح تجيب عمك من المطار فاهم يا مهران
مهران
بقوه حاضر يا جدي بس كنت بعت مازن احسن عشان هروح المصنع النهارده مش هبقى فاضي
الجد
ماشي يا مهران مازن يروح يجيبه الجد وانتي يا ذكيه حضري جناح امجد واوضه لبنته
ذكيه
من عيني الاتنين يا عمي دول هينوروا
حسنه كانت متضايقه
وبعد وقت راحوا الرجاله على الاراضي وذكيه طلبت من البنات انهم ينظفوا الاوض وجزء يعمل الاكل
وفي المطار وصل مازن ومعاه يافطه مكتوب عليها امجد رسلان
وبعد دقائق قرب منه شخص لابس بدله قال له انا امجد رسلان
مازن
ازيك يا عمي عامل ايه
امجد
انت ابن مين رزق ولا فاضل
مازن
رزق اما عمي فاضل مخلف بنات
امجد
معلش بقى لي سنين ما اعرفش عنكم حاجه
مازن
ما فيش مشكله يا عمي نورت البلد جدي هيفرح قوي
امجد
منوره بيك يا حبيبي
مازن
هي فين بنت عمي اللي انا عرفته من جدي ان هي جايه معاك
امجد في الحمام وجايه وفعلا
بعد دقائق قربت بنت تقول للقمر قوم وانا اقعد مكانك من جمالها ومازن مبهور من جمالها
امجد
يلا يا ابني خلينا نلحق نمشي عشان جدك وحشني قوي
مازن كان سرحان وامجد خبطه في كتفه ايه يا ابني سرحان في ايه
مازن بتوهان هي القمر ديت بنتك
امجد
لم نفسك يا واد انا لسه صعيدي محدش قال لك ان انا خواجه
ضحك
مازن طبعا يا عمي بس بسال على لقطه القشطه دي
امجد
تاني انت
مازن تنضحك خلاص يا عمي يبقى اكيد بنتك وامجد يلا يا ليل مشيت معايا وهي ساكته ما تتكلمش وركبو العربيه
وكانت بتتفرج على البلد وطلعت الكاميرا وبدات تصور
مازن
هي بتصور ايه يا عمي
امجد
هي بتحب التصوير سيبها تعمل اللي هي عايزاه
مازن
هي خرسه يا عمي اصلها ما اتكلمتش ولا كلمه من ساعه ما شفناها
امجد
لا بتتكلم بس هي كلامها قليل
مازن طيب يا عمي
وليل فضلت تصور وبعد وقت وصلوا القصر والجده خرج هو والعيله يستقبلوا امجد
وامجد نزل بسرعه من العربيه واجري على الجد وحضنه وحشتني قوي يا بوي
الجد
مهران وانت اكتر يا ولدي
وليل كانت بتصور اللي بيحصل وسلم على العيله كلها وحضن اخواته
والجد
بنتك فين يا امجد
امجد ليل تعالي
ونزلت ليل من العربيه والكل اتصدم من جمالها وشعرها الطويل البن الفاتح وعيونها الخضراء والقوام الممشوق
وقربت وامجد
مسك ايديها سلمي يا ليل على جدك
وقربت من مهران واول ما شافها شدها الحضنه وهي حست بالامان وحضنته
مازن
كفايه يا جدي البت هتتخنق تحت ايديك
الجد
وانت مالك يلا ما لكش دعوه دي حفيدتي انا
ليل
طبعا يا جدو والكل اتفاجئ من رقتها
مهران
قولي جدو تاني كده يا حبيبه قلبي جدو
ابتسمت ليل طبعا يا جدو
رزق
مش هتسلمي على عمك
امجد
ده عمك رزق اخويا الكبير سلمت عليه وديت ذكيه مرات عم رزق وتبقى بنت عمي
ليل ازيك يا طنط
حضانتها ذكيه
ازيك يا بنت الغالي عامله ايه
ليل الحمد لله
و امجد وده عمك فاضل سلمت ليل وابتسم لها وديه حسنه مرات عمك فاضل وتبقى بنت خالي
ليل سلمت عليها امجد والباقي ما اعرفوش غير مازن
الجد ده مهران ابن رزق الكبير وديت فاطمه بنت فاضل والثانيه سهر بنت فاضل ومازن ابن رزق بردو
امجد اهلا بيكوا يا حبايب عمكم
رزق واحنا هنفضل نسلم بره ايه يا ابوي خلينا نخش جوه احسن
الجد معاك حق ودخلوا كلهم
وليل كانت ماسكه في ايد امجد وقعدوا
رزق
مراتك ما جتش معاك ليه يا امجد
امجد
مراتي ماتت وهي بتولد ليل اصلها مريضه قلب
رزق الله يرحمها
فاضل
طب ما اتجوزتش تاني ليه عشان تجيب الواد
ضحك امجد
واد ايه وبنت ايه انا عندي ليل احسن من 100 واد
فاضل
بردو يا اخوي لازم يبقى لك جدر في الارض
امجد
طب ما انا شايف ان انت مخلف بنات
فاضل
لا مخلف واد بس امه لسه والداه وهي قاعده فوق
امجد
انت اتجوزت على حسنه
فاضل
وايه المشكله انا عايزه اجيب الواد وربنا كرمني بيه من مراتي الثانيه فين المشكله
امجد
ما فيش مشكله ربنا يخليه لك يا اخويا
زكيه ليل عندها كم سنه يا امجد
امجد
بابتسامه 18 سنه وفي اولى كليه طب
الجد
ما شاء الله شاطره كيف مهران ولد عمها
امجد
اوكيف ابوها ولا انا منفعش
ضحك الجد
لا طبعا تنفع يا ولدي ده انت احسن دكتور في البر كله
ذكيه
يلا يا عمي الغداء جاهز
ومهران كان قاعد بيتفرج على ليل والكل كان بيتغدى
و حسنه قربت من سهر يا بنت تلحلحي شويه احسن مهران يهرب من ايديكي وياخد الاجنبيه ديت
سهر
بابتسامه وثقه مستحيل انتى عارفه القانون وهو مكتوب لي وانا صغيره
حسنه
اختي كانت فاكره كده وفي الاخر اخذت على قفاها
سهر
ما احنا عايزين بقى ابوي يتكلم مع جدي عشان يسرع الموضوع
حسنه
ابوكي وانا عارفه اتلم عليه من ساعه ما مراته جابت الولد وهي لحست دماغه
سهر
لا شوفي لك حل معاه ما ينفعش كده
حسنه
طيب يا اختي هشوف
الجد
ما بتاكليش ليه يا ليل
ليل
لا باكل يا جدو والاكل جميل
وبعد وقت كانوا قاعدين
وليل قربت من امجد انا عايزه انام انا مش قادره
امجد
ثواني الذكيه هي اوضه ليل فين
الجد
جنب اوضتي فوق
ليل
طب انا عايزه اطلع انام يا جدو
الجد
من عيني الاتنين فاطمه خدي بنت عمك وطلعيها اوضتها
فاطمه
حاضر يا جدي يلا يا ليل وطلعوا مع بعض
وبعد وقت طويل الكل كان نايم
وليل صاحيه شغاله على اللاب توب وبتظبط الصور اللي صورتها النهارده ومشغله موسيقى هاديه
ولقت نفسها تعبت قامت خرجت البرنده وكانت بتشم الهوا
مهران انتى اتجننتي اللي موقفك كده
ليل اتجننت ليه
مهران
انتى مش شايفه انتى لابسه ازاي ما ينفعش كده خش غيري هدومك ديت
بصيت ليل على هدومها على فكره دي بيجامه عاديه ما فيهاش اي حاجه
مهران
يعني لابسه بيجامه بنص كم وبنطلون ضيق وتقولي دي بيجامه عاديه على فكره عيب والغفر ولا اي واحد ممكن يشوفوكي كده
ليل
ثواني ودخلت جابت شال وحطيته على كتفها وخرجت كده كويس
مهران
بغرور ايوه كويس
ضحكت ليل وهو سرح في ضحكتها ودخلت وسابته
مهران هو في كده ودخل هو كمان ينام
وثاني يوم كانوا بيفطروا
ليل
هو انا ينفع اخرج اتفرج على البلد يا جدو
الجد
طبعا يا حبيبه جدو ينفع تخرجي استني حد من الشباب يكون فاضي ويوديكي تخرجي
فاطمه
واحنا كمان يا جدو عايزين نخرج معاها
الجد
طبعا يا فاطمه يا مازن خد العربيه وخد بنات عمك يتفرجوا على البلد ووديهم المزرعه بتاعه الخيل
ليل
بفرحه بجد يا جدو
رد عليها طبعا يا قلبي جدو
حسنه ايه الدلع ده مفيش خروج فاهمه يا بت فاطمه زعلت
والجد
ما لكيش دعوه يا حسنه خليها تخرج مع بنت عمها
حسنه
من امتى يا عمي والبنات بيخرجوا
الجد
كلمتي واحده يا حسنه ما تدخليش في اللي ما لكيش فيه فاهمه ولا لا
سكت حسنه
بعد وقت خرجوا البنات مع مازن وراحوا يتفرجوا على البلد
وليل صورت فاطمه ومازن وكانت فرحانه
ومازن
يلا يا بنات عشان نروح نتفرج على مزرعه الخيل
وبعد وقت وصلوا مزرعه الخيل وليل كانت مبسوطه جدا وبدات تصور الخيل
ومازن
قرب من فاطمه هو ينفع اتكلم معاكي كلمتين على جنب
فاطمه
بكسوف اه يا مازن وراحوا وقفوا بعيد
وليل دخلت عند الاحصنه وعجبها شكلهم وبدات تتصور ولقيت حصان ابيض وجميل
وقربت منه وحطت سكر في ايديها وبدات تاكله الحصان مبسوط وهي بتطبطب عليه بايديها الثانيه
ومهران شاف فاطمه ومازن واقفين على جنب ومش معاهم ليل ودخل الاسطبل وشفاها وهي بتاكل حوريه وابتسم
مهران
واقرب منها تعرفي ان دي اول مره حوريه تسيب حد يقرب منها
ليل ليه
مهران
علشان دي فرسه جدك بتحبش حد يقرب لها غير جدك او انا
ليل
الابتسامه بس خلاص انا قربت لها وهتبقى صاحبتي وفضلت تمشي ايديها عليه
مهران بيبص لها باعجاب
ليل
صورني انا وحوريه مهران مسك الكاميرا وصورها كذا صوره
اما عند مازن
وحشتني قوي يا فاطمه بقى لي كتير ما اتكلمتش معاكي
فاطمه
بكسوف وانت اكتر يا مازن بس هعمل ايه انت عارف الظروف
مازن
انا هكلم النهارده جدي عشان اخطبك
فاطمه
بفرحه بجد يامازن
مازن
طبعا يا فاطمه انا مش هقدر اعيش من غيرك
فاطمه
بابتسامه انا مبسوطه قوي
مازن
طب تعالي بقى اجيب لك تفاح من الشجره
فاطمه
لا ويلا نروح نشوف ليل فين
مازن
انا لسه شايف مهران داخل لها جوه
فاطمه
يا مصيبتي يعني مهران شافني وانا واقفه معاك لوحدنا
مازن
مسك ايديها في ايه يا بنت انتي مراتي ولا نسيتي البنت لابن عمها
فاطمه
خدودها احمرت وزقت ايديه وجريت على جوه
وحد ضرب نار بالفرسه خافت وبقت تعمل حركات وكانت هتضرب ليل برجليها لولا مهران لحقها ووقعوا على الارض
فاطمه
مهران ليل انتم كويسين ليل ساكته
مهران
قوميها يا فاطمه قربت عشان تقومها ليل ما كانتش قادره تقوم
مهران
فيكي حاجه انتى تعبانه هزت راسها بلا
فاطمه
طب انتي ما بتنطقيش ليه سكته
مهران
قرب منها وشالها يلا يا فاطمه خليني اروحكم القصر وخرجوا وهو شايلها
مازن
هو في ايه اللي حصل
فاطمه
الفرسه لما سمعت ضرب النار خافت وكانت هتخبط ليل لولا مهران لحقها بس وقعت مش بتنطق ومش قادره تقف
مازن
طب نطلع على المستشفى احسن
مهران
ملهاش لزوم عمك يطمن عليها احسن وركبه العربيه
وفي القصر ذكيه بتعمل الغداء وحسنى قاعده مع سهر والجد قاعد مع امجد
ودخل مهران وهو شايل ليل
امجد اتخض وقرب في ايه مهران حكى له اللي حصل
وامجد
تبقى قاعده هنا يا مهران وقرب منها واقعد تحت رجليها مالك يا قلب ابوكي وماسك ايديها وفضل يدلك ايديها
وبعد دقائق اتحركت ليل والدموع في عينيها انا اسفه يا بابا اني قلقتك
امجد
ما تتاسفيش يا قلب ابوكي انتى كويسه دلوقتي
ليل
اه الحمد لله
الجد
مالها يا امجد
امجد
ما فيش حاجه يا بابا ديت حاله بتيجي لما هي بتخاف بتعمل لها شلل مؤقت وبعد كده الحاله بتروح لما بتحس بالامان
الجد
الف سلامه عليك يا حبيبتي
ابتسمت ليل الله يسلمك يا جدو
قرب ذكيه
وحضنتها الف سلامه عليك يا بنتي
ابتسمت ليل
الله يسلمك يا طنط
ذكيه
ايه طنط ديت قولي لي يا عمه
ليل
حاضر يا عمه
مهران
انتى كويسه ولا اجيب لك الدكتور
امجد
مش عاجبك انا ولا ايه يا مهران
مهران
مش قصدي حاجه يا عمي انا بس بطمن
الجد
هي كويسه يا ولدي قومي يا فاطمه وصلي بنت عمك الجناح ترتاح شويه عقبال الغداء
فاطمه
حاضر يا جدي
وقامت ليل وهي ماسكه ايد فاطمه
وحسنه
بصوت واطي شايفكو كهن البنات مش انتي اللي قاعده ما بتعمليش حاجه
سهر عايزاني اعمل ايه
حسنه
انا هقول لك تعملي ايه حكيت لها تعمل ايه
وسهر
طيب انا هطلع اعمل بقى اللي انتي قلتي لي عليه
حسنه
يلا بسرعه
وفي اوضه ليل غيرت هدومها وكانت فاطمه قاعده معاها
فاطمه
دلوقتي كويسه يا ليل ابتسمت ايوه كويسه
والباب خبط وكانت سهر ممكن ادخل
ليل اتفضلي
سهر
معلش بقى ما جاش الوقت نتعرف على بعض فيه
ليل ما فيش مشكله
سهر
احكي لي بقى على بلاد بره كنتوا بتعملوا ايه
ليل
ما كنتش بعمل حاجه حياتي كلها كانت لبابا والدراسه ما كنتش بخرج كثير
سهر
معقول انا اعرف ان هناك الحياه حلوه والبنت بتخرج وممكن ترجع متاخر
ليل
مش كل بيت زي الثاني يا سهر
فاطمه بس كده
ليل
وكنت بصور حاجات كثيره وكنت بسافر مع بابا اماكن كثيره
سهر
يا ريت كنت عشت زيك كده
ليل ليه بتقولي كده
سهر
احنا بنتولد ونتحبس في القصر ومكتوبين لولاد عمنا ممنوع واحده فينا تتعلم او تخرج بره القصر صح يا فاطمه
فاطمه
ايوه فعلا حتى ابوي مش حنين علينا كيف ابوكي يا ليل
سهر
وكمان مخطوبين لاولاد عمنا واحنا في اللفه
فاطمه
بابتسامه واحلى مخطوبين
ضحكه ليل وانتي مخطوبه لمين يا فاطمه
انكسفت فاطمه
وسهر بسرعه فاطمه مخطوبه لمازن وانا مخطوبه المهران
اتصدمت ليل بجد
سهر
بابتسامه ايوه بجد هكذب عليك ليه حتى اسالي فاطمه
فاطمه ايوه فعلا
ليل
طب انا تعبانه وحابه ارتاح شويه
سهر
طيب يا حبيبتي ارتاحي يلا يا فاطمه خلينا ننزل نشوف امك عايزه ايه
فاطمه
لو احتجتي حاجه عندها عليا
ليل
بابتسامه حاضر يا فاطمه وخرجوا
وليل نامت على السرير بتلوم نفسها انها فكرت في مهران وهو مش من حقها
وسهر قربت من حسنه حصل اللي اتفقنا عليه