رواية عودة عاشق الجزء الثاني2 الفصل الثالث عشر13 بقلم منة الله الجزار
كايا خرج وراح وقف مع بلال.
بلال.. مالك؟
كايا.. بزهق.. مفيش.
بلال باستغراب.. كاي.. كايا حط إيده على بقه بسرعة..
كايا بسرعة.. إنت بتهبب إيه إنت ناسي إحنا فين إحنا في غابة لو حد عرف محدش هيرحمنا.
بلال.. شال إيده.. محدش سمعنا عشان كدا اتكلمت براحتي.
كايا.. لا هنا الحيطان ليها ودان وإحنا مش ناقصين.
بلال.. تمام بس قولي في إيه؟
كايا كان هيحكي ليه بس شاف حسناء وهي بتقع في الأرض.
جري عليها هو وبلال.
ــــــ
عند شوق.
خلصت المكالمة وبتلف وراها لقت عمر.
شوق بصدمة.. عمر.
عمر بغضب.. إنتي إزاي مقولتيليش كدا وأنا اللي فكرتك وسكت لما شوق نطقت اسم حسناء وطلعت تجري عليها.
بيبص ورا واتصدم راح عليها بسرعة.
شوق بخضة.. مالها حسناء حسناء فوقي جرالك إيه حد يوقف الأغاني دي.
بلال.. أنا هقوله وراح يقول للراجل يبطل الأغاني.
عمر شد مازن من دراعه.. مالها حسناء؟
مازن كان واقف مذهول ومش عارف هو عمل إيه ولا إيه اللي شايفه ده هل حقيقة ولا لا؟
عمر بغضب.. مازن فوق وقولي في إيه؟
شوق.. بقلق.. حد يجيب ماية حسناء ردي عليا؟ مازن شيل حسناء خلينا ندخلها جوة.
كايا.. إنتي لسه هتستني حسناء حسناء فوقي حصل إيه؟
مازن فضل واقف رجليه مكنوش شايلينه.
عمر زقه ونزل شال حسناء ودخل بيها جوة بخوف.
الكل اتلموا ودخلوا جوه وهما مش فاهمين حاجة.
فوقوا حسناء أخيراً بعد عناء.
جاسر بقلق.. مالك يا بنتي؟
حسناء كانت بتبص على مازن وبتعيط.
جاسر بغضب.. مازن في إيه عملت فيها إيه؟
مازن ببرود.. طلقتها.
الكل اتصدموا.
وعمر مسك في هدوم مازن بغضب.. إنت هببت إيه؟
مازن.. يا عمر افهم.
وهب بوكس 👊 في وش مازن من عمر بغضب.. أفهم إيه يا متخلف إنت إنت عارف عملت إيه عملت إيه يعني عشان ده كله؟
كايا وبلال كانوا بيبصوا لبعض باستغراب.
بلال في سره.. أكيد كايا اللي وراها ما هو مفيش حد عاوز ينتقم منهم غيره.
كايا في سره.. مين المنافس الجديد واللي عاوز أعرفه مين هو لازم أعرفه عشان عدو عدوي صديق.
شوق بغضب.. مازن إنت وهي كنتم من دقايق بتضحكوا ومفيش حاجة عملت إيه يعني شقلب حالكم كدا؟
مازن بغضب.. خليكي في حالك ومتدخليش بينا دي خصوصياتنا وإنتي هنا عشان تخلي بالك من وضع عمو خليكي هنا على قد شغلك وبس.
شوق عيونها اتملت دموع 🥲 وحست بالإحراج.. بعتذر.. بعد إذنكم.
وكانت ماشية بس عمر لبس مازن بوكس 👊 كمان.
عمر بغضب.. وجنون.. ما تتكلميش معاها بالطريقة دي تاني إنت فاهم محدش هنا ليه إنه يتكلم معاها بالطريقة دي ولو عملت كدا تاني هقتلك بإيدي يا مازن وهي ليها الحق إنها تدخل قدام شايفة إنك حيوان يبقى لازم تتدخل.
مازن بغضب.. عمر احترم نفسك وافتكر إنك بتكلم أخوك الكبير وبعدين هي مين أصلاً عشان تدخل بينا أنا مقولتش حاجة غلط هي واحدة غريبة.
عمر بجنون.. لا مش غريبة يا كبير شوق تبقى مراتي.
الصدمة وقعت على الكل وأولهم شوق.
ـــــ
عند مايا
وهب قلم نزل على وش مراد.
مايا بعدت عنه.. بغضب.. إنت اتجننت يا مراد.
مراد بصلها بصدمة.. واتكلم بغضب.. إنتي عملتي إيه؟
مايا خافت منه ورجعت لورا خطوتين وكانت لسه هتتكلم سمعت صوت عمر ومازن وهما بيتخانقوا.
مراد جاب قميصه ولبسه ودخل إيده المصابة الأول وبعدين السليمة ونزلوا.
مايا نزلت جري واتصدمت لما لقت حسناء منهارة راحت عندها وحضنتها بخضة.. مالك يا حسناء في إيه؟
حسناء بانهيار.. مازن مازن طلقني.
مراد ومايا اتصدموا.
مايا بغضب.. ليه عملت إيه عشان تعمل كدا؟
مراد.. بهدوء ما قبل العاصفة.. مازن في إيه؟
كانت هند فرحانة هي وشربات في حسناء.
شربات.. بشماتة.. مازن عارف بيعمل إيه كويس يا مراد وأكيد الحرباية دي عملت حاجة تستاهل أكيد.
هند بشماتة.. يا ما تحت السواهي دواهي.
ورد طلعت على الصوت اللي كان عالي.. ووقفت بعيد وكانت صعبانة عليها حسناء.
مراد بتحذير.. أي واحدة هسمع نفسها منكم هكسرها في بعضها إنتوا فاهمين.
مراد بغضب.. مازن ردها دلوقتي حالاً.
مازن بغضب.. بقا أنا اعتبرتك أخويا وصاحبي وزعلان عشانك وإنت في الآخر مقرطسني وملبسني العمة إنت والهانم.
مراد بصدمة.. إنت بتقول إيه؟
مازن بجنون.. اعمل فيها برئ بقى وأنا اللي شيطان وقدامنا بتتخانقوا ومش طايقين بعض وإنتوا من ورانا مقضينها سوا إنت وحسناء.
مراد بجنون وأداه بوكس 👊 في وشه.. إنت اتجننت إنت بتقول إييييييييه إنت يا متخلف إنت عارف إنت بتقول إيييييييه.. ومسكه من هدومه بغضب وزعيق.. إنت عارف مين أنا ومين حسناء كويس أوي واستحالة استحالة يا حمار إنت إني أبص لمرات أخويا أو إني أعمل كدا إنت بتتهمني أنا وشرفك في شرفنا إنت اتجننت دي مش مراتك يا زفت بس دي شرفك وإنت عارف كويس إني أنا وحسناء مبنطيقش بعض وصحيح هي لسانها متبري منها بس استحالة تكون كدا إنت واحد وسخ يا مازن إزاي بتفكر فيها كدا أو فيا.
مازن بجنون.. الصور دي إيه فهمني؟
وطلع فونه ووراه الصور مراد أخد الفون منه وقلب في الصور كانت صور وحشة ليه هو وحسناء سوا.
مراد مسك مازن من هدومه بجنون.. الصور دي متفبركة يا زفت دي باينة أوي إنها متفبركة حتى شوف ومسك الفون وعمل زوم للصور وكان في تركيب وشوش حتى الشاب اللي عليه صورتي إيده فيها شامة أنا عندي شامة في إيدي ولا حسناء البنت دي سمرا مش قمحية زي حسناء باين جداً من رجليها يا زفت وإنت زي الثور صدقت وخربت بيتك قبل ما تتأكد وبعدين مين اللي بعت ليك الصور دي؟
مازن فعلاً مراد معندوش شامة في إيده ولا حسناء سمرا وهو غبي اتسرع وضيع كل حاجة من إيده والبنت اللي حبها طول عمره خلاص مش هتقبل ترجع ليه تاني.
مازن قرب من حسناء وراح قعد قدامها بقهر.. حسناء حقك عليا أنا بس غيرتي هي اللي خلتني أعمل كدا مكنش قصدي إنتي عارفة إني قد إيه بحبك.
حسناء بقهر وقوة.. إنت شكيت فيا وفي شرفي وتهمتني مع أخوك من غير ما حتى تعرف إذا أنا بريئة ولا لا وضح يا مازن إذا إنت كنت بتثق فيا وإزاي صور متفبركة زي دي وضحت اللي جواك من ناحيتي يا مازن وإنت طلقتني خلاص يا مازن كل حاجة بينا انتهت للأبد.
الكلام وقع على مازن زي الصاعقة.. حسناء اسمعيني.
حسناء بقوة.. اسمي ما ينطقش على لسانك يا مازن تاني وأنا هلم حاجاتي وهرجع القاهرة دلوقتي.
مايا.. مش إنتي بس أنا كمان هرجع معاكي.
جاسر بجدية.. محدش هيسيب البيت ومحدش هيسافر إنتوا اتكلمتوا واتخانقتوا ولا كأني موجود ومازن أنا هربيه من تاني وإنتي هنا في بيت أبوكي يا بنتي مش عشان أهلك مش موجودين يبيع ويشتري فيكي لا أنا اللي هقف ليه وإنتي يا مايا مفيش سفر مازن اعتذر لمرات أخوك عمر على قلة ذوقك معاها وحسناء ومراد.
مازن بندم.. أنا بجد بعتذر عن اللي حصل حسناء سامحيني.. أنا عارف السماح صعب بس بالله عليكي عشان خاطري عندك سامحيني.
حسناء بسخرية.. ووجع.. خاطرك بجد يا مازن إنت نهيت كل حاجة بينا خلاص.
وسابته وطلعت مع مايا مايا بصتله بقرف.. وأخدتها وطلعت.
عمر بقرف.. يا خسارة.. وأخد شوق ومشي.
مراد بغضب.. استفدت إيه دلوقت ها قولي ولا حاجة أهي طارت على دماغك ودماغ اللي جابوك اشرب بقى.
وسابه ومشي.
هند بهمس لشربات.. بخبث.. لو أنا مكانك أخده في حضني دلوقت هو موجوع ومحتاج صدر حنين يطبطب عليه وأهي فرصتك عشان تكوني مراته بدل الحرباية دي هو دلوقتي مجروح وعاوز اللي يطبطب عليه.
جليلة بحزن.. عملت أكيد ليه يا ولدي خربت بيتك عشان إيه ولا حاجة هي حسناء صحيح بت عاوزة قص لسانها بس غلبانة وبتحبك واللي إنت تهمتها فيه ده أخوك يعني حامي عرضك وهي عرضك يا ولدي.
جاسر بجمود.. مازن تعال عاوزك.
مازن راح ليه وأخده بالكرسي ودخلوا المكتب.
بلال لكايا بهمس.. دي الدنيا ولعت أوي بينهم عملتها إزاي دي.
كايا بنفس الهمس.. تعال نطلع.
بلال.. ماشي.
ومشيوا وكايا وهو طالع لاحظ ورد وهي واقفة ومتأثرة أوي وكمان بتعيط.
كايا.. بلال اطلع وأنا جاي وراك.
بلال.. أوك.
كايا كانت ورد واقفة ورا السلم وهو راح ليها وطلع منديل ومده بإيده ليها.
ورد اتفاجأت بيه.. إنت.
كايا بحنية.. امسحي دموعك.
ورد.. مسكت المنديل ومسحت دموعها.. شكراً.
كايا.. العفو.. هو ممكن نتكلم شوية.. وهو بيحك راسه من ورا.. بإحراج.
ورد باستغراب.. هنتكلم في إيه؟
كايا.. يعني مقولتيليش أمك قالتلك إيه لما إنتي صوتي امبارح.
ورد.. قالتلي هطخه عيارين.
كايا بابتسامة.. طيب مقولتيش ليه النهاردة وإنتوا بتحكوا لمراد على اللي حصل معاكم.
ورد.. بتوتر.. إنت لحقتني من الشبح الصبح هقول ليهم بقى إيه؟ وكملت باستغراب.. إنت كنت بتعمل إيه امبارح عندنا وإزاي دخلت البيت.
كايا بتوتر ووووويتبع.
عاوزة رأيكم في البارت
هل؟
حسناء هتسامح مازن ولا لا
مازن كان غلط ولا لا
مراد هيعمل إيه في مايا
كايا وقع نفسه في مشكلة مع ورد
مين العدو الجديد
جاسر هيعمل إيه في مازن
شوق فعلاً تبقى مرات عمر ولا هو قال كدا وخلاص