رواية عودة عاشق الجزء الثاني2الفصل الرابع4 بقلم منة الله الجزار
جليلة بغضب.. بتقولي مين؟
هند بخبث.. يا ضرتي هو انتي مش فاكرة مايا البت اللي رمت ولدك في الحبس من غير ما تفهم ولا تعرف إذا هو بريء ولا لأ..؟
هنا هند ضربت ضربتها وبصت على مراد بشماتة مراد كانت عيونه بتطلع شرار من كتر الغضب ومازن كان بيلعنها في سره وحسناء راحت وقفت جنب مايا وبصت لهند باحتقار ومايا نزلت عيونها في الأرض وهي بتدمع.
اترسمت معالم الكره والغضب على وش جليلة.. دي اللي كانت السبب في الوقيعة بين ولادي وأبوهم.
هند بتأكيد.. أيون يا ضرتي.
جليلة بعصبية.. وليكي عين يا فاجرة تيجي لحد هنا كمان عاوزة ايه من ولدي مش كفاية راح واحد بسببك عاوزة تخلصي على التاني كمان ومش بعيدة انك تكوني انتي السبب في الحادثة اللي حصلت لولدي اطلعي بره بيتي واني اقول سمعت الاسم ده فين قبل سابق اتاريكي انتي يا واكلة ناسك.
الكلام كان بينزل على الكل بصدمة اول مرة جليلة تكلم حد بالأسلوب ده ومايا بصدمة.. فاجرة.
مراد بغضب.. مايا مش هتطلع من هنا غير رجليها على رجلي والفاجر اللي وسطينا فعلاً هي مرات ابوي.. اللي ملهاش حق هنا وبعدين اني اللي اقول مين يقعد ومين يمشي في البيت ده متنسوش اني ولي العهد وكل حاجة هنا مكتوبة باسمي انا.
هند اخدت الصدمة وجليلة برضو والباقيين كانوا بيبصوا عليها بشماتة.
هند بغضب.. كيف مكتوب باسمك؟
مازن بسخرية.. اللي متعرفهوش يا مرات عمي ان عمي جاسر فاق من الغيبوبة بقاله يومين و اول حاجة عملها انه كتب لمراد كل حاجة بصفته ولي العهد كيف ابوي ما عمل معايا وكيف برضو عمي ما عمل مع ولاده.
مراد..بغضب... يعني انتي هنا ملكيش حق انك تفتحي خاشمك واصل ومايا هتبقى مراتي عجبكم او لا لو لا هتجوزها برضو عشان مش مراد العزايزي اللي تمشي عليه حرمة.
جليلة بعصبية.. على جثتي البت دي تكون من عيلتي او تدخلها دي بتجيب الخراب معاها وهي جاية مش هتدخلي بيتي ولا عيلتي انتي فاهمة.. وانت يا مراد هتختار اهلك ولا هي.
مراد بصدمة.. بتقولي اي؟
جليلة بغضب.. بقول اللي سمعته يا ولد بطني ياني ياهيا.
مازن.. مرات عمي ما بتتاخدش الأمور كديه اهدي ونتفاهم وبعدين مايا ملهاش ذنب في اي حاجة واصل مايا دي بت غلبانة وهي طلعت ضحية نتيجة اللي حصل زمان.
حسناء بغضب.. ايه مالك كدا طايحة في الكل محدش عجبك وبعدين زي ما ابنك اتوجع هي برضو اتوجعت هو دفع تمن وهي برضو دفعت التمن ليه بتعاقبي مايا لوحدها مراد غلط برضو زيه زي مايا وبعدين ده العدل اللي بتكلمي عنه على طول وبعدين احمدي ربنا ان حد ممكن يقبل بابنك ده اصلا.
هند بتصنع الغضب.. حسناء وطي صوتك و متنسيش انك بتكلمي مرات عمك وانت يا مازن مش هتهج مراتك عنها ايه قلة الرباية دي هما علموكي في البيت اللي جاية منه انك تتحدثي كديه مع الأكبر منك.
مازن بغضب.. مرات عمي متحدثيش مع مراتي كديه وبعدين حسناء يمكن اسلوبها مش كويس بس كلامها صح زي ما مراد تعب ودفع التمن مايا برضو دفعت التمن.
مايا بدموع.. والله انا ما كنت اقصد اعمل كدا او اني احبسه بايدي بس كل همي وقتها ان المذنب ياخد عقابه وحق كايا يرجع حتى لو كان المذنب اخوه.
وحطت ايديها على وشها وقعدت تعيط كانت حسناء واقفة جنبها وكان هاين عليها تجيب هند من شعرها.
جليلة بجدية.. خلاااص اسكتوا مراد قولي اختارت مين؟
مراد بجدية بصلها ورجع بص للكل.. ورجع بصلها تاني.. انتي تاج راسي اللي انا رجعت عشانه من بين بلاد الغربة لما عرفت انك محتاجاني وشبشبك تاج على راسي.
جليلة ابتسمت وفكرت ان مراد هيختارها بس مراد كمل كلامه.
مراد.. وهي قلبي اللي اول مدق دق ليها هي انتم الاتنين مقدرش اختار بينكم بس لو وجب الأمر انك تحاولي تخليني اختار بينكم وتخسريني واحدة فيكم انتي كان ليكي ولد واحد قابل ربه دلوقتي بقى ليكي اتنين ميتين.
جليلة الصدمة وقعت عليها.. بتختارها يا مراد على امك.
هند بمكر.. كدا تختار واحدة رمتك في النار من غير ما تفكر دقيقة على امك اللي ربتك وكبرتك اخس على دي تربية يا بن العزايزي.
مراد بجنون.. دي حاجة بيني وبين اهلي انتي ملكيش تدخلي فيها دي اول حاجة تاني حاجة اللي بيته من ازاز مابيحدفش الناس بالطوب يا مرات ابوي.
هند اتخضت من العصبية الكبيرة دي وكانت حاسة انه مش بعيد يطلع سلاحه ويطخها.
جليلة.. بجدية.. تبقى اختارت يا مراد واني من الليلة دي معنديش ولاد صبيان رجالتي ماتوا وحتى البت اللي حلتي اتجوزت خلاص معدتش ليا ولاد.
مراد بلع الكلام بصعوبة.
مايا بسرعة.. لا يا طنط اوعك تقولي كدا مراد بيحبك انا الغريبة اللي دخلت بينكم بلاش تقولي كدا ابنك عايش وحتى... وبصت لحسناء وبلعت ريقها.. ابنك التاني عايش.
الصدمة وقعت على الكل.
جليلة بعصبية.. بتخرفي بتقولي ايه ابني مات ودفناه.
حسناء.. لا ابنك المصون عايش مش ميت اللي دفنتوه ده واحد تاني.
هند.. انتي هبلة يا بت انتي بتقولي كديه عشان تخلي جليلة تتلهي بعيد عنك صح.
مايا بصتلها بقرف.. الهيها انا مش بتاعت الحركات المقرفة دي يا طنط شكلك حافظاها اوي وبتعمليها كتير عشان كدا ماهو اللي بيعمل حاجة بيفكر الناس كلها زيه.
هند بعصبية.......
ـــــــ
عند كايا كان في الطريق هو وبلال للصعيد
بلال.. كمال فكر تاني احنا لسه في الطريق ممكن نرجع من تاني.
كايا.. متأكد يا بلال.
بلال بصله بقلة حيلة.
كايا فضل شارد.
ــــ
عند جاسر في المستشفى.
كان انتقل اوضة عادية وطلب الدكتور.
الدكتور جه ليه وكلمه... خير يا كبير؟
جاسر.. بتعب.. اني عاوز ارجع البيت كفاية كديه في المستشفى.
الدكتور.. انت كنت تحت العناية بقالك يومين و حالتك الحمدلله استقرت هكتب ليك على خروج وهبعت معاك ممرضة تكون جنبك في حيث حصل اي حاجة تكون موجودة.
جاسر.. شكرا يا ولدي.
الدكتور بحب.. ما تشكرنيش يا عم جاسر اني هنا بسببك انت لو مكنتش دفعت ليا فلوس الكلية مكنتش زمان بقيت دكتور وحققت حلمي.
جاسر بحنية.. انت كيف ولدي يا عمر يا ابني اني بشوف فيك ابني كايا الله يرحمه. وختم كلامه بحزن.
عمر بحزن.. الله يرحمه هو في احسن مكان دلوقت ادعيله يا عمي.
جاسر..برجاء.. يارب ارحمه واني مسامحه على اللي عمله.
عمر بحزن.. كايا ضيع نفسه بنفسه يا عمي واني حاولت كتير ارجعه من طريقه ده بس قدر الله وماشاء فعل.
جاسر.. مراد كان معاه حق لما قال الصحبة السوء بتجيب القرف والهم.
عمر.. فعلاً مراد اعقل واحد فينا كلنا اذا كان اني ولا مازن ولد عمي ولا كايا الله يرحمه.
جاسر.. بضحك.. متأكد ان مراد عاقل اشك في كديه مراد واخد جناني في شبابي مراد والعقل في كلمة واحدة مبيتجمعوش يا ولدي ه.
عمر بضحك.. هو فعلاً ليه حركات كدا بحسه مش هو اللي نعرفه بس قدرنا مراد هنعمل فيه ايه؟
جاسر.. ربنا يهديكم يا ولدي ويبعد عنيكم شر الدنيا.
عمر.. يارب.. اني هروح اغير هدومي عشان اجاي معاك.
جاسر.. ماشي.
عمر راح يغير هدومه وجهز العربية عشان ياخد جاسر للبيت وراحوا على البيت.
عند هند بعصبية.. كانت رايحة تجيب مايا من شعرها بس في ايد مسكتها
يتبع