رواية الوحش الفصل الواحد والعشرون21 بقلم حنان أحمد ماهر
في المركز الستخباراتي
دخلت و ورايا غيث ويزن
وقفت قدام غرفة بابها مصنوع من الحديد
قرب مني واحد من رجالتي
ـ أتفضل يا راكان باشا كل الورق اللي طلبته
أخدته منه
قلبت فيه ...وأبتسمت
ـ أفتحولي الباب
قولتها بحزم
فتحوا الباب وانا دخلت
كان غيث هيدخل ورايا هو ويزن
وقفته ـ لأ يا غيث سيبني لوحدي معاه
ـ راكان خليني معاك ...مش هتقدر تتحكم ف أعصابك
ـ لأ متقلقش ....سيبني كده على راحتي
ـ بس يا راكان
ـ خلاص يا يزن بقى ...يلا بره واقفلوا الباب ده ومحدش يدخل مهما حصل
تبادلوا النظرات بقلق
بعدها خرجوا بقلة حيلة وقفلوا الباب
فتحت النور
كان قاعد على كرسي والاصفاد في أيده وقدامه ترابيزه
وفي كرسي من الناحية التانية
قربت وقعدت قصاده
تبدلنا النظرات شويه ـ كنت مفكر إنك هتقدر تخادها مني زي ما أخدتهم مني زمان ...بس إيه سبقتك بخطوة ...واتمسكت في الاخر يا حلو
بعدها ضَحك ضحك هستيري
بصيتله بإستغراب
بعد مدة صغيره خالص من الوقت
هدي شوية وبصلي بغل ـ عاجبني شكلك اوي وأنت موجوع بسببي
أبتسمت بسخرية ـ وأنا عاجبني اوي شكلك دلوقتي لما تعرف إنك اتنزلتلي على كل أملاكاك
كشر باستغراب
وانا حطيت الورق على التربيزه
مسكت ورقه ـ ده تنازل على قصرك الصغير
ـ وده تنازل على كل شركاتك اللي متسويش حاجه قدام شركاتي
خبطت على التربيزه بغضب ـ بس من حقي ...أرضي اللي سرقتها من ابويا زمان
أتكلم بصوت محشرج ـ أنت ...أنت ازاي أخدت توقيعي وبصمتي
ضحكت بسخرية ـ ودي حاجه تفوت على الوحش برضو
بصيتله بغل ـ كنت بحلم باليوم اللي ازلك فيه بطريقة دي ....بحلم باليوم اللي هحرق قلبك فيه
قمت من مكاني واتجهت ناحيته حطيت ايدي على كتفه و مليت عليه واتكلمت بغضب ـ فاكر اليوم اللي بعتلي صورتهم .....فاكر اليوم اللي حرقت قلبي عليهم
ـ وعلشان ايه
قولتها بعصبية وصوت عالي
ـ علشان شوية أملاك ....حرمت شاب وبنت صغيره من أبوهم وأمهم علشان شوية أملاك متسويش
ـ لو كان أبوك اداني اللي أنا عايزه ماكنش ده حصل
قربت منه مسكت من ياقة قميصه واديتله بوكس حدفه على الأرض ـ ماكنش ده حصل
مسكته تاني قومته وبصيتله وانا عيني بطلع شرار من الغضب ـ أنت حيوان ....حيوان بينهش ف أي حد علشان شوية فلوس
ضربته بوكس تاني
نزلت على الأرض وانا بنهال عليه بضربات
وهو بيصرخ يمكن حد يسمعه
بس مش شايف حاجه غير صورة أمي وابويا وهما مق.تولين بسببه
سيبته بعد ما مسمعتش ليه حِس
بصيت عليه بقرف
واتكلمت ـ انا هسيبك تشد حيلك شويه وارجع اعمل تاني اللي عملته ومش انا بس انا هخلي رجالتي يعيشوك أحسن عيشه وهتشوف مش هرحمك هتتمنى تموت ولا تشوف اللي تشوفه معايا
زقيته برجلي بغل ومشيت
طلعت بره لقيت يزن وغيث واقفين مستنياني
وأول ما طلعت اتعدلوا وهما بيبصولي بتفحص
غيث قرب مني وحط أيده على كتفي ـ أنت كويس
هزيت رأسي ومشيت من قدامه
دخلت المكتب
سندت عليه وانا بتنفس بسرعة
دمعه فرت مني بس مسحتها على طول
خبط على الباب
عدلت من وضعيتي وأتكلمت وانا بحاول اخلي صوتي طبيعي ـ أدخل
ـ عزيز باشا
قولتها بتفاجئ من وجوده هنا
ـ لأ عمك عزيز يا ابني
قالها بابتسامة جميله
قربت منه وسلمت عليه
وبعدها أخدته وقعدنا
ـ أنت كويس
حاولت أبتسم ـ اه الحمدلله
ـ كداب
كشرت
ـ متكشرش كده انا عارف اللي حصل وعارف إنك لسه خارج من عنده متنساش إني معشارك عشر سنين يا راكان
ـ مش ناسي يا عم عزيز ... و أنا هنسى ازاي وأنت ليك الفضل بعد ربنا باللي وصلتله ده ...وكمان لو رجالتك مكانوش موجودين يوم ما ما كُنت في المستشفى مكنتش هبقى موجود دلوقتي
ـ يبقى تقولي يا بني ايه اللي حاسس بيه
ـ النار اللي جوايا منطفتش يا عم عزيز ...وهتنطفي ازاي ...حتى موت.ه مش هيشفي غليلي
طبطب على رجلي ـ عيش يا بني ...عيش مع البنت اللي اخترها قلبك ...أفرح شويه وأنت هترتاح ...أنت خلاص أخدت بطارك ولسه عقابه مخصلش يبقى متشلش همه ...عيش وافرح
أبتسمت ـ عارف يا عم عزيز إن وسط كل ده لما بشوفها بنسى كل حاجه....بنسى الدنيا... قادره تخليني أضحك وتغير مودي ف أقل من ثانيتين
ضحك ـ أنا عارف ومصدقك ده هي الوحيدة اللي قدرت تسيطر على قلب راكان المرشدي لمدة 10 سنين ومازالت
ضحكت
وأدركت حالتي ـ شوفت مجرد السيره عنها خلتني اضحك
ـ يبقى أمشي وروحلها بقى
قمت وقفت ـ معاك حق يا عم سمير
قام وقف هو كمان
حضنته وهو بدالني الحضن ـ ربنا يخليك ليا يا عم سمير وتُشكر على كل حاجه عملتها معايا لحد دلوقتي و وقفتك جنبي عمري ما هنساها
ضربني على ضهري بخفه ـ لو سمعتك بتقول كده تاني هقلل رُتبتك أنت سامعني
ضحكت وخرجت ـ حاضر يا فندم
ضحك وانا سلمت عليه ومشيت
--------------------------------------------
بعد مدة من الوقت وصلت البيت
دخلت لقيت تيتا قاعدة بتتكلم هي وهمس وكايلا قاعدة بتتفرج على الكرتون
قربت منهم وألقيت عليهم السلام وسألتهم عن هنا ـ جوا في المطبخ مردتش تخلي حد يساعدها وقالت إنها عايزه تطبخ انهاردة الأكل كله علشان خاطرك
قالتها تيتا ليا
أبتسمت
ـ اه يا عم ابتسم ابتسم ما ليك حق ما ست هنا مدلعاك على الاخر
ـ طب خليكي في حالك وجوزك يا همس
ـ شوفي يا تيتا بيكلمني ازاي
ـ عيب يا راكان كده
قالتها تيتا بضحك
أتكلمت وانا بتجه ناحية المطبخ ـ أنا رايح لمراتي ولا عيب يا راكان ولا مش عيب
دخلت المطبخ لقيتها واقفه بتطبخ وبتبرطم
قربت منها علشان اسمع بتقول إيه
ـ يعيني عليكِ وعلى حظك يا هنا ..يعني يوم ما تتجوزي تتجوزي واحد بياخد بطاره وتفضلي أنتِ بقى كده متمرمطه ....ده أنتِ مش عارفه إذا كان هيرجع ولا لأ ...مش بعيد مايجيش واتخطف تاني اه ما أنا بقيت سهلة الخطف خلاص
شَهقت بصدمة لما حضنتها من ضهرها
ـ على فكره يا حبيبي أنتِ أعصابك بقت في النازل اليومين دول محتاجه تغيري جو
لفيت ليا وانا مازلت محوطها
فضلت متابعها بعيوني
وهي وزعت نظرها عليا بتفحص ـ أنت كويس
ـ ايوه يا حبيب عيوني أنا زي الفُل ولو مش كويس لما بشوفك ببقى ف أحسن حالاتي
أبتسمت بكسوف وهي بتبعد عيونها عني
أتكلمت بمكر ـ بس أعتقد بقى إنك أنتِ اللي كويسه بتكلمي نفسك يا حبيبي
بصيتلي بغيظ وضربتني على صدري ـ أنت رخم ...مش فاهمه إيه لازمتها حبيبي اللي في أخر الكلام دي
ضحكت عليها ـ علشان أنت حبيبي يا جميل
ـ أبعد عني يا راكان
قالتها وهي بتبعدني عنها
شدتها ليها أكتر وبصيت لعيونها
ـ متأكدة
سكنت بين ايديا واستغربت سؤالي ـ متأكدة من إيه
مش فاهمه
ـ متأكدة إنك عايزاني أبعد عنك
قولتها بهدوء وترقب
ـ أنا أكتر حاجه متأكدة منها في الحياة إني مقدرش أبعد عنك
ـ أمال إيه أبعد عني يا راكان دي بقى
قولتها بتقليد لصوتها
ضحكت ـ علشان أنت رخم يا روحي
ـ الاه وايه لزمتها روحي بقى
ـ الاه أسأل نفسك بقى
ضحكت عليها
ـ عملت إيه ؟!
قالتها بترقب
أتنهدت ـ ممكن منكلمش عنه علشان مبحبش سيرته خالص
سكتت
ـ بس في حاجه عايزك تعمليها
ـ عيوني ليك
ـ يسلمولي يا جميل أنت ....بصي يا حبيبي أنا دلوقتي أملاكه كلها بقت ملكي حتى البيت ف عايزك تخديها أنتِ ليكي
ـ أنا مش محتاجها يا راكان ولا هي تلزمني ...بس لو تسمحلي ممكن اديها لماما هي ممكن تلزمها
ـ خلاص يا حبيبي اللي يريحك بس الأرض بتاعت بابا هتبقى ملكي انا لو حابه اكتبها بأسمك ماشي بس مش هديها للغريب
أتكلمت بدلع ـ قصدك اني مش غريبة يا سي راكان
ـ أنتِ شايفه كده يا قلب راكان
ـ الله الله أخويا ومراته في المطبخ لأ لأ ميصحش بجد
قالتها همس بدراما وهي بتدخل المطبخ
بعدت هنا عني بإحراج وهي بتعمل أي حاجه في المطبخ
ـ أنتِ ايه اللي دخلك يا بت أنتِ
ـ بت ...اه ما أنا مش الست هنا ...على فكره انا بدأت اغير منك يا هنا ..وهتعامل معاملة أخت الزوج الشريرة
أبتسمت هنا من تحت لتحت ومتكلمتش من إحراجها
ـ اطلعي بره يا همس
ـ اطلع أنت بره يا راكان في أكل هنجهزه يلا
بصيت لهنا
رفعت كتافها لفوق وضحكت
ـ ماشي يا ست هنا ماشي
ـ أستنى يا راكان ..مال إيدك
قالتها هنا بقلق وهي بتقرب مني
ـ أنا كويس يا قلب راكان
مسكت ايدي وهي بتحسس عليها
غمضت عيوني بألم
ـ أنا مش فاهمه يعني ليه تعمل في نفسك كده وفيا
ـ طب وأنا عملت ايه بس يا حبيبي
ـ كل ده ومعملتش
ـ خلاص حقك على عيوني
ـ أستنى ادهنلك عليها مرهم
ـ استناكي العمر كله يا حياتي
راحت وجابت المرهم
ولقيت همس واقفه ومربعه ايديها
ضربت كف بكف ـ لا إله إلا الله...اللي يشوفك كده ما يشوفكش وأنت بتتحول فجأة وبتبقى وحش بجد
ـ ملكيش دعوة أنتِ
ـ اه ما أنت ليك ناس ناس..انا مليش دعوة وهي تستنها العمر كله ...انا طالعه وسيبالك المطبخ باللي فيه
مسكتها قبل ما تمشي واتكلمت بحنيه ـ أنتِ عارفه إنك بنتي قبل ما تكوني أختي صح
ـ عارفه يا راكان انا بهزر معاك
ـ طب اطلعي بره بقى
قولتها وانا بزقها بره المطبخ
خرجت وهي بتبرطم وانا ضحكت عليها
هنا جت ودهنتلي المرهم
وطبعاً مسلمتش منها
فضلت تقولي ليه تعمل كده وقلتلك متأذيش نفسك
بس الحمد لله صلحتها
جهزوا الأكل
وقعدنا علشان نتعشى سوا بعد ما جم يزن وغيث
ـ تسلم إيدك يا حبيبي
ـ تسلم ....يا قطتي
قالت قطتي بهمس ليا
ضحكت عليها
ـ تسلم ايدك يا بنتي
ـ تسلمي يا تيتا بالهنا
ـ مكنتش اعرف أن مرات اخويا أكلها حلو كده تسلم ايدك
ـ تسلم يا غيث
ـ تيتا انا هسافر أنا وهنا علشان نقضي شهر العسل
ـ طب ما تستنى يا وحش كتب كتابي طب
قالها غيث ليه
ـ وده امتى يا غيث يا حبيبي لما أعجز
ضحكت عليه
أتكلم غيث بضيق ـ لأ يا خفيف الاسبوع الجاي
ـ طب أنا مش هحاسبك على كلمة خفيف دي علشان تيتا قاعدة بس
-----------------------------------------
بعد مرور أسبوع
رجعنا القصر وتيتا وهمس وكايلا معانا
بصيت على راكان وهو بيظبط نفسه قدام المرايا وبيحط بيرفيوم
ضحكت
ـ إيه بتضحكي على إيه
ـ لأ مش مصدقه إن الوحش بنفسه لابس برجندي
قولتها وانا بقرب منه
ـ أعمل ايه فيكِ بس معرفتش أرفض لك طلب
ـ حبيبي أنا
قولتها وانا بعدله ياقة قميصه
مسك أيدي وباسها ـ أنتِ اللي حياتي يا عيوني
ـ بس تعرف البرجندي عليك تحفه..يا خوفي بس البنات يكلوك بعينهم .. لأ بقولك ايه أرجع للأسود.. لأ بس الأسود حلو عليك برضو
ضحك عليا ـ طب أنا اللي اعمل فيكِ إيه بفستانك ده
ـ لأ مسمحلكش ده أنا مصدقت جوزي المعقد ده وافق على حاجه
شدني ليه وحاوطني ـ جوزك معقد اوي
أتكلمت بدلع ـ اوي اوي ...معرفش ماله مكنش بيهتم بلبسي...بقى يحب يدايقني ليه
ـ لأ ده ملوش حق ...في حد يبقى معاه القمر ده كله ويدايقها
ـ قوله أنت بقى يا عم
ـ طب مش يمكن غيران
ـ ماهو أنا عذراه علشان كده
ـ طب طالما أنتِ عذراني ليه بتقولي عني معقد
قالها بنرفزة وهو بيبعد عني
ـ يا بني إيه القلبه اللي قلبتها فجأة دي مش كُنا كويسين وتقولوا هرموناتنا بتنكد عليكم...ده أنتوا هرموناتكم تطهق الواحد
ـ والله طب تعالي هنا بقى
ضحكت عليه وجريت منه
ـ لأ يا وحش الله يسترك يا أخي ده انا في مقام مراتك يعني
ضحك عليا و وقف
ـ هتجيبي أجلي في مره
ـ يا ساتر من لسانك يا أخي ...متقولش كده تاني فاهم
ـ أمرك يا معلم
ضحكت عليه
---------------------------------------------------
بارك الله لكما وبارك عليكما وجمع بينكما في خير
بعد ما المأذون قال جملته الشهيرة تعالت الزغاريط
وانا قربت من رحمة صحبة عمري واختي وحضنتها ودموعي خنتني ونزلت
ـ مُبارك يا حبيبت قلبي...ربنا يسعدكم ويرزقكم الذرية الصالحة يارب
خرجت من حضني وابتسمت وعيونها اتملوا بدموع ـ إحنا وأنتم يارب يا حبيبتي
راكان بارك لغيث وقربت طنط سامية وحضنتها
و ...وماما جت
سلمت على رحمة وقربت مني ـ تسمحيلي أحضنك
حضنتها بدموع ـ اسمحلك طبعاً
برغم أنها مش امي الحقيقية بس عمرها ما حسستيني ب ده
افتكرت من تلت ايام لما روحنا لها انا وراكان
وصلنا القصر
ونزلنا وجينا علشان ندخل
مسكت أيد راكان جامد وانا بتحكم في نفسي
مش قادره اصدق إن البيت اللي كبرت فيه ولعبت وعيطت وضحكت ماكنش بيتي أصلا
مش قادره اصدق إنها مش أمي
غمضت عيوني أوي في محاولة مني إني أحبس دموعي
ـ حبيبي...
قالها راكان ليا
انتبهت له
ـ لو أنتِ مش كويسة ممكن نيجي في وقت تاني
ـ لأ خلاص يا راكان إحنا جينا يبقى نكمل اللي جينا علشانه
ـ على فكره ممكن ابعت غيث عادي
ـ لأ يا راكان انا حبه اشوفها
ـ طب يا حبيبي يلا
دخلنا
كانت قاعده في الصاله حضنه صورة
قربنا منها
قامت وقفت والصورة وقعت منها
بصيت على الصورة اللي وقعت ..كانت صورتي
ـ بنتي
قالتها وقربت مني حضنتني
حاولت محضنهاش بس مقدرتش
حضنتها وعيطت .....عيطت اوي ...عيطت بوجع
فضلنا شويه على الحاله دي
بعدها خرجنتي من حضنها ـ أنتِ كويسه يا بنتي
مسكتها من أيدها وقعدتها وقعدت قصادها
وحكتلها كل حاجه بس بموافقة راكان طبعاً واللي ماكنش عايزاني احكيه محكتوش
بعد ما خلصت
كانت منزله عيونها
بعدها رفعتهم ليا ـ بس أنتِ بنتي أنا....مش الأم اللي خلفت يا هنا الأم اللي ربت
ـ بس أنتِ كدبتي عليا
ـ وأنتِ عايزاني أقولك إيه بس ....أنا عمري ما حسيت إنك مش بنتي يا هنا
مسحت دموعي ـ سيبني فترة بس افوق واتعوّد
ـ اللي تعوزيه يا بنتي ...بس أفتكري ديما أن ليكي أم مستنياكي ف اي وقت ...تشوفك وتسمع صوتك
أخدت من راكان الورق ـ ده ليكي ويلزمك
ـ أنا مش عايزه من ريحته حاجه ...ربنا ينتقم منه ....حسبي الله ونعم الوكيل فيه
انا حاسه بيها صعب اوي الراجل اللي تكون متجوزاه السنين دي كلها تعرف عنه كل ده
أتكلم راكان ـ ده حقك ...ودول مش بتوعه أصلا دول من أملاكي أنا...وهنا حبه تديهملك هديه ياريت تقبليهم
مكنتش راضيه في الأول بس في الاخر قبلت بيهم
وقبل ما تمشي قالت لي راكان ـ خلي بالك من بنتي
ـ في عيني
باااك للوقت الحالي
خرجت من حضنها ـ أنا مش قادره أزعل منك
مسحت دموعي وهي بتبتسم ـ وأنا مش قادره على بُعادك عني ...بس ده مصير كل بنت ..الجواز ... أبقي طمنيني عليكِ من الوقت لتاني
ـ حاضر يا أمي
--------------------------------------------
ـ على فكره ماينفعش نسيب الناس كده ونمشي ده كتب كتابنا يا غيث
ـ وانا عايز استفرد بمراتي شويه..مش من حقي
ـ إيه استفرد دي
قالتها بغيظ من بروده
ـ إيه مش عارفه يعني ايه ولا إيه يا قمر
ـ أنت رخم يا غيث
قالتها وهي بتربع أيدها وبتبص قدامها بضيق
وقف العربية
ـ بس بحبك
بصيتله بصدمة ـ أنت قولت ايه
ـ بحبك ... إيه مكنتيش تعرفي
ـ وأنا أعرف منين هو البعيد نطق قبل كده
ـ شوف البت ... اقولها بحبك تقولي البعيد
ـ طب ما انا كمان بحبك بس
قالتها بسرعة
وسرعان ما أخدت بالها
بعدت عيونها عنه بكسوف وتوتر
مسك أيديها بحنيه ومال عليها ـ وانا بعشق رحمة ومقدرش أعيش من غيرها
أبتسمت وقالت وهي بتحاول تبعده عنها ـ طب أبعد بقى بدل ما نتمسك من بوليس الآداب
ضحك وهو بيبعد عنها وبيدور العربية مره تانيه
غمزلها وقال ـ ده أنا الآداب كله يا عمري
--------------------------------------------
بعد تلت شهور
ـ أسأل عليا علشان بيصعب عليا
ـ أنت مَتصل تهرج يا غيث
ـ لأ يا الوحش بتصل أقولك أرجع علشان انا تعبت مخليني أنا أهتم بشغل كله وانت مقضيها
ـ غيث لو اتصلت ضايقتني مره تانيه هزعلك بعدين مش روحت شهر عسل
ـ شهر يا مفتري ....يا عم ده أنت العسل عندك مبيخلصش
ضحكت عليه ـ اه من الناس الحقوده ....الحسوده
ـ ماشي يا وحش كتر خيرك
ـ سلام يا غيث سلام
ـ سلام يا عم
قربت منها
كانت واقفة على طرف اليخت وفاتحة دراعتها وهي بتستمتع بنسمات الهواء اللي بتيجي على وشها
قربت وحضنتها وهي أبتسمت ـ غيث اللي كان بيكلمك
ـ اه يا ستي غيران مني علشان انا مقضيها وهو مقضيها شغل
ضحكت ـ ماهو ليه حق برضو يا راكان أنت تَعبهُ اوي
ـ تَعبهُ ايه بس هو اللي كان عايز ينزل مصر حد جبره
لفيتلي
وهي بتضحك
سرحت في ضحكتها
حاوطت رقبتي ـ قطتي سرحان في إيه
ـ قطُتك سرحان في الضحكة اللي وقعته وجابته الأرض من عشر سنين او اكتر
ضحكت ـ على فكره انا مكنتش عارفه استوعب ازاي ممكن إنسان يحب إنسان ومينسهاوش لمدة عشر سنين
ـ شوفي أنتِ بقى عملتي فيا ايه
ـ عملت ايه
ـ معرفش عملتي إيه بس كل اللي اعرفه إني لما جربت أعيش حياتي وأنتِ مش موجوده فيها ماكنتش حياة وأول بس ما خطيتي خطوة لجوه بقيت عارف أعيش ....عرفت وقتها إن حياتي من غير كراميلا حجي متبقاش حياة
أبتسمت وحضنتني وقالت ـ مهما فضلت اقولها مش هتوصف إحساسي ليك بس أنا بعشقك يا قطتي