رواية رقية الفصل الثاني والعشرون22 بقلم اميرة خالد
الفصل 22
جابر اتمشى في الجنينه بيشرب الشاي شاف خيال حد واقف وقرب جابر من المكان وسمع شخص بيقول ظهورها دلوقتي معناه انها تاخد نص الثروه فلازم نخلص منها قبل ما تاخذ اي حاجه ورد عليه شخص معك حق سيبني وانا هتصرف في الموضوع ده قال له ماشي
وبدا يتحرك وجابر استخبى ورا الشجره وهو بيقول ربنا يسترها معاك يا رقيه شكلك كده داخله على حرب اما عند فهد فضل مستني رقيه وما جتش فقرر الروح يجيبها وخرج من جناحه وراح على اوضه الضيوف ورقيه كانت قاعده مع سلوى وبيتكلموا خبط فهد على الباب ودخل
وقال هتفضلي هنا كتير يا رقيه ردت عليه باستغراب ايوه هبات مع ماما في حاجه ضحك فهد وقال لها لا ما فيش حاجه وقرب منها وشالها على كتفه زعقت رقيه وقعدته له اللي بتعمله ده يا بني ادم انت نزلني وبص لسلوى وقال لها تصبحي على خير ردت عليه انت واخد بنتي على فين سيبها بص لها وقال لها بنتك دي تبقى مراتي ومكانها يكون جنب جوزها مش في حته تانيه
وخرج بره الاوضه ورقيه لسه بتزعق راح رافع ايده وضربها على مؤخرتها اتصدمت رقيه وانكسفت وقال فهد كويس ان انتي سكتي عشان كنت هزود العقاب وكل ده تحت انظار حبيبه وملك وابتسمت ملك على ابنها وادركت انه لقى حب حياته اما حبيبه كانت متضايقه ومتغاظه من اللي بيحصل
وفي جناح فارس كان قاعد متضايق من مراته وقال لها اعملي حسابك ما فيش خروج من القصر ده خالص ردت عليه بعصبيه يعني هتحبسني قال لها ببرود ايوه واللي عندك اعمله وخرج وقفل باب الاوضه جامد
اما عند سلوى جه جابر وقال لها رقيه فين قالت له ابن عمها جه خدها قال لها انا لازم اتكلم معاها بكره ضروري ردت سلوى بقلق في ايه ما تفهمني ايه اللي بيحصل رد جابر بعدين هبقى اقول لك طب هي تليفونها معاها ردت عليه لا سكت جابر وقرر انه هيقول لرقيه كل اللي سمعوا وهي تشوف هتعمل ايه
اما في جناح فهد دخل ورمى رقيه على السرير وقال لها اعملي حسابك ما فيش خروج من الجناح ده وانتي مراتي خليكي فاكره كده ضحكه رقيه وقالت له تبقى بتحلم انا همشي بس الاول هاخذ حقي منك من عيلتك
ضحك فهد وقال لها ماشي يا ستي اعملي اللي انتي عايزاه بس تكوني جنبي فاهمه ولا لا قربت منه وقالت له انا هحاسبك كويس على اللي انت عملته تحت
رد فهد انتي مراتي وانا حر اعمل اللي انا عايزه اتعصبت اكتر وقالت له انت بتحلم انا مش مراتك ولا عمري هكون مراتك خليك فاهم كده رد عليها متاكده قالت له ايوه سابها ودخل البرنده يشم هوا اما هي
وقامت دخلت الحمام وقال فهد لنفسه شكلها كده الايام اللي جايه فل على الاخر
اما عند منه في اوضتها وبتكلم حياه وبتحكي لها اللي حصل رده حياه طب هتعملي ايه قالت لها مش عارفه بس ماما قالت ان خالد يفضل معانا لغايه ما هم يرجعوا ردت حياه كان حلو ده منها تقربي منه وتعرفيه اكثر وضحكت منه وقالت لها والله انتي رايقه انا بحكي في ايه وانت بتقولي ايه وفضلت حياه ومنه يتكلموا
اما فيلا طه الدسوقي كانت قاعده نور مع والدها ووالدتها وماسكه التليفون وعماله تتصل على رقيه والتليفون بيديها مقفول وهي مش عارفه تعمل ايه ولا توصل للرقيه ازاي وبتكلم طه مالك يا نور في حاجه مضايقاك ردت عليه ما فيش يا بابا عمال اتصل على رقيه او تليفونها بيديني مقفول من الصبح رده امها لما تتصلي على حد من عندهم
وافتكرت نور انها خدت رقم منه قالت لها طيب ومسكت التليفون واتصلت على منه وردت عليها مين معايا ردت عليها انا نور صاحبه رقيه ردت منه اهلا وسهلا معلش اصل الرقم مش مسجلاه ردت نور ما فيش مشكله انا عماله اتصل برقيه وتليفونها بيديني مقفول ردت منه هو انتي ما تعرفيش اللي حصل ردت نور ايه اللي حصل وحكيت لها منه كل اللي حصل النهارده ونور خافت على رقيه
وقالت وانتي تعرفي اسم عيله رقيه ايه ردت منه ايوه اسمهم حمدي العزايزي رده نور طب ما تقلقيش انا هعرف كل حاجه وهكلمكم اطمنكم وقفلت معاها واتكلم طه في ايه يا نور في حاجه حصلت وحكت نور كل حاجه منه حكيتها لها ورد طه وعيلتها اسمهم ايه عيله نور حمدي العزايزي وعيله كبيره في اسكندريه ده اللي عرفته من منه
رد طه ثواني وماسك التليفون واتصل على ظابط عنده وقال له عايز معلومات عن حمدي العزايزي من اسكندريه رد الظابط حاضر يا فندم ساعه بالكتير وكل حاجه هتكون عندك ردي طه طيب واقفل معاه وقالت نور ان شاء الله خير مع اني قلقانه قوي على رقيه بس انا عارفه انها قويه وهتعرف تاخد حقها رد طه ما تخافيش يا نور انا هعرف ارجعها ورقيه دي بنتي مش صاحبتك وبس ردت نور يا رب يا بابي
اما رقيه فضلت قاعده في الحمام بتفكر هتعمل ايه مع العيله ديت وفجاه الباب خبط واتكلم فهد هتباتي في الحمام ولا ايه ردت عليه وانت مالك روح نام وما لكش دعوه بيا رد فهد وفي واحد يعرف ينام بعيد عن مراته اتعصبت رقيه
وفتحت الباب وقالت له ايوه في انا واصلا انا مش بعتبرك جوزي رد عليها بجد بس انا فعلا جوزك ولا عندك اعمليه وماسك ايديها وراح ناحيه السرير ورماها عليه وانام جنبها وشدها في حضنه ورقيه حاولت تفك حصاره وما عرفتش
وقال لها بطلي تتحركي عشان انتي اللي في الاخر هتخسري وانا نفسي اعمل اكتر من الحضن اتكسفت رقيه وقالت قليل الادب ضحك فهد قال لها هو انتي لسه شفتي قله ادب ده انا محترم خالص ونامي بقى وانتي ساكته عشان ورايا شغل كتير بكره سكتت رقيه وغمضت عينيها وفهد فضل سرحان فيها
اما عند هنا مسكت التليفون واتصلت على عاصي وهو كان قاعد على السرير ولقى التليفون بيرن باسم هنا ورد عليها ازيك يا هنا في حاجه حصلت رديت عليه ما فيش يا سيدي قلت اطمن عليك ما دام انت ما بتتصلش ضحك عاصي وقال لها معلش انتي عارفه الشغل بقى واخذ كل وقتي ردد هنا انت لازم تشوف نفسك الحياه مش كلها شغل في شغل في حاجات كثيره لازم تتعمل
رد عاصي بلقم ايه هي الحاجات ديت ردت هنا انك تحب وتتحب وانك تعيش حياتك رد عاصي من حيث اني اعيش حياتي فانا عايشها اما حكايه احب واتحب ديت لسه ما قابلتش اللي اتحرك قلبي ردت هنا بجد ما فيش واحده حركت قلبك خالص افتكر عاصي تفكيره في رقيه ونفض من دماغه الكلام ده وقال لها لا ما فيش وفضلوا يتكلموا مع بعض
اما عند امل كانت قاعده بتتكلم مع جوزها وبتقول له هنعمل ايه في موضوع خالد رد عليها مش عارف بس اللي انا عرفته انه رقيه من عيله كبيره وواصله قوي وليها ورث كبير وكمان رقيه بتحب اخواتها يعني هتخلي بالهم منها وكمان هتساعدهم يعني بكده خالد ما خسرش حاجه واتجوز جوازها اللي هو عايزها واللي احنا عايزينها برده
ردت امل يعني انت كده هتصالح خالد وهترجعه البيت رد عليها ما قدمنيش غير كده بس اتكلم مع عمي الاول هشوف رايه ايه رده امل وانت فاكر ان بابا هيوافق بعد اللي حصل وانهم وقفوا المراكب السايره بتاعه بابا في الشغل غير الخساره اللي عملوها زمان رد عليها ما احنا لازم نتكلم معها بالراحه ونفهمه ان المصالحه ديت هتفيدنا وتفيدوا اكثر عشان يوافق وبكده يبقى خبطنا عصفورين بحجر واحد
ردت امل انا ما ليش دعوه بده كله انا كل اللي عايزاه ابني ما يبعدش عني رد عليها ما تخافيش ويلا بقى عشان ننام عشان الحق بكره اتكلم مع عمي واشوف هيعمل ايه ردت عليه طيب وقامت طفت النور ونامت جنبه على السرير
اما عند رامي كان بيتكلم مع ايات وقالت له انت بتتكلم معايا كده ازاي هو مش خالد بايت عندك رد رامي لا يا ستي بقت عند مراته عشان اهلها سافروا وما فيش حد معاهم هناك ردت ايات ماشي يا عم انا عايزه اسالك سؤال انت شفت مرات خالد رد رامي ايوه وقعدت معاهم مره قالت له شكلها ايه رد رامي ثواني هبعت لك صورتهم فتح الوتس وبعت لها الصوره
وقال لها على فكره البنت دي محترمه جدا وكويسه وبتحب اخوك ردت ايات وهي بتتفرج على الصوره تصدق كلامك صح باين عليها يا رب يفرح قلب اخويا على طول رد رامي طب يا اختي ادعي لنا احنا كمان ضحكه ايات وقالت له معك حق احنا محتاجين محتاجين الشعب كله يدعي لنا ضحك رامي وقال لها تصدقي صح وفضلوا يتكلموا لغايه ما ناموا
وثاني يوم صحيت رقيه وبصت جنبها لقت الساعه 5:00 الصبح ولقيت فهد مكتفه وتحركت وقامت بالراحه من جنبه وقالت والله لاوريك انا هعمل فيك ايه وخرجت من الجناح ونزلت تدور على المطبخ لغايه ما لقيته ودخلت قعدت تدور على زيت ودقيق وبيض وخدتهم وخرجت وطلعت على جناح فهد
وقالت شوف بقى انا هعمل فيك ايه يا فهد الكلب انت وده لقيت الزيت جنب السرير وراحت اوضه اللبس ورشه الدقيق على هدوم كلها وكسرت البيض في الجزم وراحت قعدت على الكنبه وهي مستنيه تشوفه هيعمل ايه وفضلت مستنيه انه يصحى وبعد وقت المنبه ضرب وصحي فهد وبص جنبه ما لقاش رقيه وقاعده على السرير وبص قدامه شافها قاعده على الكنبه
وقال لها صاحيه من امتى ما ردتش عليه قلق فهد وقام عشان يروح لها واول ما حط رجله على الارض ولسه بيقوم راح متزحلق وقع على ظهره وضحكه رقيه بصوت عالي وفهد كان متعصب من اللي حصل بس اول ما سمع ضحكتها سرح فيها وهي فضلت تضحك وتقول له احسن تستاهل عشان بعد كده تقف قصادي حاول فهد يقوم ما عرفش وخرجت رقيه من الاوضه ونزلت تحت عشان تعمل لنفسها فطار عشان جعانه
ولقت الخادمه بتعمل الفطار وقالت رقيه انا عايزه فول رده الخادمه ممنوع يا فندم الفطار هنا حاجات خفيفه ردت رقيه بقول لك ايه مش عايزه اسمع صوتك الا اقوله يتنفذ رده الخادمه باحترام حاضر يا فندم وبدات تجهز لها الحاجه ورقيه حمرت البطاطس وعملت الفول والبتنجان
اما عند فهد كان مش عارف يقوم من الزيت ومسك الملايه شدها من على السرير واحطها في الارض ومسح رجله من الزيت وقف عليها قال والله لاوريك يا رقيه الكلب انتي ودخل الحمام اخذ شاور وخرج وهو لافف الفوطه على وسطه ودخل اوضه اللبس واتفاجئ ان الهدوم كلها عليها دقيق اتعصب اكتر وقال ماشي انتي اللي جبتيه لنفسك هو خرج امسك التليفون واتصل على فارس
ورد فارس ايه يا فهد في حاجه حصلت رد فهد ما فيش حاجه يا فارس انا بس عايز هدوم من عندك رد فارس باستغراب ليه قال له بعدين هاتي الهدوم وتعالى على جناحي رد فارس حاضر
اما عند حمدي كان قاعد بيقرا قران بعد ما خلص بص لصوره مراته وقال شفتي يا رقيه ابنك بيحبك ازاي حتى سمى بنته على اسمك وكلها انتي اكني شايفك قصادي نفس الوش بس مش الشخصيه كلها سلطان وانا بقوتنا وجبرتنا كان نفسي تبقى زيك رقيقه بس انا فرحت عشان هي دي اللي هتعرف تربي فهد
اما فارس راح جناح فهد ومع الهدوم وخبط على الباب وفهد قال له خش يا فارس ودخل فارس واتفاجئ ان فهد واقف بالفوطه وقرب فهد وخد الهدوم ودخل الحمام يلبس وبص فارس على الارض لقى الملايه مرميه وقال هو حصل حرب امبارح يا فهد ولا ايه رد فهد من جوه لا يا اخويا ولا حرب ولا حاجه تغار وحصل في البيت

ضحك فارس وقال له اول مره يعني تطلب مني هدوم خرج فهد بعد ما لبس وقال له تعالى وانا اقول لك انا طلبت ليه وراح وراه ودخلوا اوضه اللبس واتصدم فارس الاوضه كلها ابيض الهدوم مش باينه فيها قال له مين اللي عمل كده رد فهد هيكون مين الست رقيه وضحك فارس قال له والله البنت دي جدعه تعرف تجيب حقوق الناس منك
رد فهد طب يا اخويا طرقنا وقرب فهد من الجزم وشد واحده ولسه بيحط رجله واتفاجئ ان في حاجه تحت رجليه وبيطلع رجله وبيبص في الجزمه شاف فيها بيض ضحك فارس وقال له والله تستاهل خش اغسل رجلك عقبال ما اجيب لك جزمه من عندي
رد فهد ماشي يا رقيه حسابك تقل معايا اما تحت الكل متجمع على السفره وملك طلبت من الخادمه تحط الفطار وراحت خبطت على جناح حمدي ودخلت وقالت صباح الخير يا عمي رد عليها صباح النور فهد فين اول مره يتاخر عليا كده ردت ملك ما هو عريس لازم يتاخر يا عمي ضحك حمدي وقال لها ماشي وسندته قاعده على الكرسي وخرجت بيه وراحت ناحيه السفره
ورقيه كانت خارجه من المطبخ وهي والخادمه ومعاهم الاكل وحطيتهم على السفره وقالت للخادمه روحي خبطي على ماما وقولي لها يلا عشان تفطر ردت الخادمه حاضر واتكلمت حليمه ايه اللي انتي عاملاه ده ايه الاكل ده ضحك سالم وقال لها الاكل ده اللي هي كانت بتعمله وبتبيعه في الشارع
اتكلمت رقيه فخر وايه يعني ببيعه في الشارع مدام بكسب فلوسي بالحلال ما فيش حاجه تاعبني فاهم ولا لا عايز تاكل كل مش عايز براحتك كل ده كان تحت انظار فهد وفارس اللي نازلين من فوق وفرح فهد ان رقيه بتعرف ترد على الكل وتكلم حمدي لا يا حبيبتي انا هاكل معاكي الاكل ده وحشني قوي سكت رقيه
وجات سلوى وجابر وقاعده واتكلم جابر بصوت واطي انا عايزك يا رقيه في موضوع مهم عايزه اقول لك عليه ردت رقيه حاضر يا جابر بعد الفطار نتكلم وقرب فهد وقال لها مكانك مش على الكرسي ده مكانك جنبي اتضايقت حبيبه وقالت له وايه يعني يا فهد تقعد في المكان اللي هي عايزاه
ردت رقيه اسمع كلامها كفايه اللي حصل لفوق بدل ما اكمل عليك قصاد العيله كلها اتغاظ فهد وقال لها حسبنا بعدين على اللي انتي عملتيه وفارس كل يفتكر شكل فهد ورجليه فيها البيض يقعد يضحك واتكلمت ملك يا حبيبي بتضحك ليه رد فارس ما فيش يا امي اصل افتكرت موقف واحد صاحبي
رد حمدي موقف ايه يا ابني وهكلم فارس الموقف ورقيه كانت بتبتسم وفهد كان متضايق وحمدي وملك وسلوى وجابر عاملين يضحكوا وقال حمدي صاحبك ده كروديا عشان يخلي بنت تعمل فيه ده كله رد فارس تصدق صح جدو وفضلوا يضحكوا
واتكلم فهد جرى ايه عايزين نفطر وتكلم سالم معك حق يا ابني وفهد بقى ياكل من الفول البيض والبطاطس اللي عاملاهم رقيه ومستمتعه جامد هو وحمدي ومعاهم باذنجان ومبسوطين و ملك حبت تجرب الاكل
اما عند منه صحيت من النوم قامت لبسه الاسدال وخرجت راحت الحمام غسلت وشها ودخلت على المطبخ تحضر الفطار وبصت في الساعه لقيتها 7:30 وراحت ناحيه اوضه الشباب وخبطت عليها واتكلم خالد انا صاحي يا منه قالت له طيب وخرج خالد دخل الحمام وبعديه زياد ومنه حضرت الفطار

ورصته على الترابيزه وقالت لهم يلا عشان نفطر رد زياد انا تاخرت قوي على الدرس اعملي لي ساندوتش يا منه ردت عليه حاضر وبدات تعمل له السندوتشات واديتها له وقالت له محتاج فلوس رد زياد لا معايا فلوس رقيه كانت مدياني فلوس الشهر
ردت منه طب يا حبيبي وخرج زياد وراح الدرس اما عبودي كانت منه بتاكلوا بتكلم خالد هتروح المستشفى ردت منه مش عارفه بس شكلي مش هروح عشان عبودي النهارده اجازه من الحضانه رد خالد طيب اقعدي وانا هرجع عليك لو احتجتي حاجه ابقي كلميني ردت منه ربنا يخليك ليا كل حاجه موجوده في البيت قال لها طيب وقام مسك التليفون ومفاتيحه والشنطه بتاعته
وراح ناحيه الباب ومنه وراه وقالت له عايز حاجه رد خالد ايوه تعالي بس اقول لك قالت له حاضر وخرجت وخالد بسها من دماغها وقال لها خلي بالك من نفسك ونزل من على السلم وهي كانت مكسوفه وفرحانه في نفس الوقت
ودخلت وكملت فطار هي وعبودي وهو قال لها ماما فين هي وبابا ورقيه ردت عليه راحوا مشوار وهيجوا النهارده رد عبودي بجد منه ولا بتضحكي عليا على فكره انا راجل وقولي لي الحقيقه ضحكت منه وقالت له والله جايين النهارده ويلا بقى قول لي عايز تتغدى ايه وانا هعمله لك رد عبودي انا عايز مكرونه بشاميل ورقاق ضحكه منه وقالت له حاضر من عيني
اما في قصر العزايزي كانوا خلصوا الفطار وفهد بص لجده وقال له المحامي بتاع عمي جاي النهارده رد سالم هو عمك عنده محامي رد فهد ايوه وبص الرقيه وقال لها ما فيش خروج من البيت خالص لغايه ما المحامي يجي فاهمه ولا لا بصيت لرقيه وقالت له ان شاء الله واتصدمت سلوى من كلمه المحامي وقلبها اتقبض ما تعرفش ليه وخرج فهد ومعه فارس على شغلهم
وقامت رقيه وقالت يلا يا جابر عايزاك بره وخرجوا وحكى لها جابر كل اللي سمعه بالليل وردد رقيه يبقى كده في حد مش عايزني اورث او خايف اجي على نصيبه رد جابر بصي يا رقيه انا عارف ان انتي ما بتحبنيش بس يعلم ربنا اني بعتبرك زي منه وان انتي بنتي عشان كده بقول لك خلي بالك من نفسك دولت باين عليهم مش سهلين وانتي جايه على حقهم بالنسبه لهم
ردت رقيه ما تخافش يا جابر انا عارفه انا هعمل ايه هات التليفون بتاعك قال لها حاضر وقالت له يلا خش عشان ما حدش يشك في حاجه مشي جابر اما رقيه مسك التليفون جابر واتصلت على نور ونور كانت نايمه وصحيت على صوت التليفون وبصت فيه لقيت رقم غريب نامت تاني والتليفون فضل يرن وفتحت وقالت مين اللي غلس اللي بيتصل على الصبح كده
ردت رقيه انا يا بقره قامت نور وقالت كنت فين يا رقيه انا قلقانه عليك من امبارح لغايه ما اتصلت بمنه ومنه حكيت لي اللي حصل كله رديت رقيه اهدي بس واسمعي اللي هقول لك عليه رده نور اتفضلي يا ستي مش تطمنيني الاول بعد كده قولي اللي انتي عايزاه
ردت رقيه انا كويسه سياده اللواء فين بس قالت لها بره اكيد بيفطر قبل ما ينزل قالت لها طيب اطلعي ادي له التليفون قالت لها ماشي وخرجت نور ولقت والدها بيشرب القهوه وقالت له اتفضل يا بابا كلم رقيه عايزاك رديتها كويس ان هي كلمتك عشان كنت عايزها ايوه يا رقيه ردت عليه بصي يا عمي انا عند اهل بابا والعيله دي مش سهله وجابر امبارح وحكيت له كل اللي حصل
ورد طه انتي كده مش في امان ردت رقيه انا عارفه بس مش عارفه اخرج من هنا ازاي بسبب عقد الجواز اللي فهد عامله رد طه انتي متاكده ان الامضه دي بتاعتك قالت له ايوه متاكده قال لها خلاص شوفي المحامي هيقول ايه واتصلي بيا قولي لي وانا هاجي لك النهارده
ردت رقيه شكرا يا عمي انا مش عارفه اشكرك ازاي على اللي انت بتعمله معايا ردي طه اوعي تقولي الكلام ده انتي بنتي زيك زي نور قالت له طيب وشدت نور التليفون وقالت لها انا هاجي معاه عشان اشوفك انتي وحشتيني قوي ردت رقيه طيب يا حبيبتي هستناكي هقفل انا بقى قالت لها طيب وقفلت معاها
واتكلمت نور ايه يا بابا رقيه كانت عايزه ايه رد طه ما فيش يا حبيبتي كانت بتقول لي على حاجه ردت نور مش حضرتك امبارح كنت بتجيب معلومات عن اهلها ما قلت ليش يعني ايه اللي حصل رديتها ربنا يستر من اللي جاي العيله دي مش سهله
ردت مراته ليه اللي انت عرفته رديتها عرفت كثير ده اللي يقف قصادهم بيمحو من على وش الدنيا ردت نور انا خايفه قوي يا بابا على رقيه رد عليها ما تخافيش رقيه ب 100 راجل وهتعرف تجيب حقها من بق السبع ردت مراته ربنا معاها ويسترها عليها قال لها يا رب
وقام عشان يمشي وبص لنور وقال لها على الساعه 1:00 هكون هنا جهزي نفسك انت ومامتك عشان هنسافر اسكندريه عند رقيه ردت نور حاضر يا بابا
اما عنده رقيه فدخلت القصر ولقت حمدي قاعد ومعاه ملك وحليمه وسليم وحبيبه ويارا واتكلم حمدي تعالي رقيه اقعدي معانا شويه ضحكه رقيه وقالت له كان على عينيا وسابته وراحت ناحيه اوضه سلوى ودخلت وقالت لهم انتم لازم تسافروا النهارده
ردت سلوى استحاله اسيبك في وسط العيله دي لوحدك ردت رقيه اسمعي الكلام وانت يا جابر في فلوس انا شايلاها في الشقه خدها وكمل بيها توضيب المحل وخلص الدنيا عشان نفتحه وانا هرجع قبل الافتتاح رد جابر خلينا معاكي احسن بلاش نسيبك لوحدك
ردت رقيه ماشي هتقعدوا لغايه ما المحامي يجي وتمشوا على طول ردت سلوى ماشي يا بنتي اللي انتي شايفاه