رواية رقية الفصل الرابع والعشرون24 بقلم اميرة خالد
قامت رقيه وقالت ازاي يعني وقربت من سلوى وقالت لها الكلام ده صح سكتت سلوى واتكلم جابر اهدي يا رقيه ما تظلميش امك واسمعي منها الاول ردت رقيه اسمع ايه اسمع انا ليا اخوات وما اعرفش عنهم حاجه رد جابر ومين قال لك انك ما تعرفيش حاجه عنهم
ردت رقيه ازاي يعني هم فين ساكت جابر وهو خايف من اللي هيحصل وهادي كان قاعد بيبتسم وعينيه على سلوى ويتكلم عبد المنعم يا جماعه اسمعوا بقيه الوصيه عشان تعرفوا سلطان وصه بايه رد حمدي قول يا ابني وقعدت رقيه وهي عنيها على سلوى واتكلم عبد المنعم
وقال لها في جواب ليك يا رقيه والدك كان سايبه لك وادى لها الجواب وكمل كلامه في ارض ليكي في الساحل وكل حاجه كانت باسم سلطان بقت باسمك وانتي الوريثه الشرعيه ليهم والوصيه على اخواتك قام عبد المنعم واداها الكارت بتاعه ولا ده كل ارقامي ولو عايزه تفهمي اي حاجه تعالي لي المكتب
رده رقيه حضرتك مش هتمشي من هنا غير لما افهم كل اللي بيحصل رد عبد المنعم اعرفي الاول من والدتك وبعد كده نتكلم خرج عبد المنعم واتكلم سالم حلوه قوي اللعبه ديت كمان ليها اخوات لا ده انتم نصابين وجايين تاخدوا فلوسنا وتكلم فهد اهدى يا بابا خلينا نفهم ايه اللي حصل وحليمه قالت هنفهم ايه ما كل حاجه ظهرت على حقيقتها هم نصابين وجايين ياخدوا فلوسنا تزعق حمدي
وقال لهم اخرسوا خالص وبص لسلوى وقال لها فهمينا كده سلطان لي ولاد ثانيه ولا لا سلوى فضلت تعيط وما بتتكلمش وتكلم جابر يا جماعه افهموا اللي عملته سلوى ده كان خوفا على ولادها ردت رقيه عملت ايه بقى ومخبيين عليا ايه يا جابر
رد جابر انا هقول لك كل اللي حصل من 19 سنه انا كنت شغال في عياده دكتوره نساء وقابلت سلوى وكانت على طول بتيجي عند الدكتوره ودموعها على خدها وكنت مستغرب ازاي بتيجي ومعاش جوزها وجيت في يوم سالتها وقلت لها مالك اعتبريني زي اخوك وقولي لي وسلوى حكت لي ان جوزها مات وان جه ناس ضربوها وهددوها انها لو جات لكم هيذبحوا بنتها وانها حامل وما حدش يعرف بحملها فخافت ان الشخص ده يعرف وهربت هي وبنتها من البيت وقعدوا في بلد فلاحين اللي كانت الدكتوره منها وانا كنت منها وعرضت عليها المساعده وهي وافقت وقالت لي جوازنا هيكون بعد ما اخلف وانا وافقت بمقابل مادي وانك تبقى سامي الولاد على اسمي وهي كانت حامل في توام ولد وبنت وفضلت اجيب لها طلباتها هي وبنتها لغايه ما جه يوم الولاده ولدت البنت بصحه كويسه بس الولد كان تعبان واتجوزنا بعد تسع شهور من الولاده وكتبت اسم البنت على اسمي والولد عدى عليه سنه ولقيناه بقى كويس وكتبته برده على اسمي وفضل جوازنا على الورق لمده 12 سنه لغايه ما ربنا رزقنا بابني منها واتكلم حمدي والولاد دولت فين رد جابر موجودين منه وزياد منه دكتوره وزياد في الثانويه عامه ورقيه كانت مصدومه وقاعده
وقربت سلوى منها ومسكت ايديها وقالت لها افهميني يا بنتي والله كل اللي حصل كان غصب عني انا ما اعرفش ابوك يعرف منين بحملي مع اني ما عرفتش غير بعديها بثلاث شهور خرجت رقيه من البيت وخرج وراها فهد وقال لها استني انتي رايحه فين سكت رقيه ومشيت وهي مش عارفه هي رايحه فين وفهد وراها
اما سلوى فضلت تعيط وقالت لي كده يا جابر انا ما كنتش عايزاها تعرف دلوقتي رد جابر ده حقهم وحقك انتي كمان كفايه الظلم اللي انتي كنت بتشوفيه والتهديدات اللي كانت بتجيلك وحمدي اتكلم مين ده اللي جالك وهددك سكته سلوى وقامت دخلت الاوضه واتكلم حمدي قول لي يا جابر من الشخص ده رد عليه ما اعرفوش يا بيه
ودخل وراها وقال لها ما قلتيش ليه قالت له ما اقدرش انت ما تعرفش هو ممكن يعمل ايه قال لها طيب اهدي بقى وخلينا نفكر هنعمل ايه مع رقيه ردت عليه ورقيه بعدت عني وهتكرهني وهتشوفني ان انا ظالمه رد جابر اهدي بس يا سلوى رقيه عاقله مش هتفكر بالطريقه دي سيبيها بس تهدى وبعد كده نتكلم معاها قال لها هو سلطان عرف منين ان انتي حامل مع انك ما عرفتيش غير بعد ثلاث شهور ردت عليه مش عارفه بس يمكن ساعه مكان محتاج كيس دم فلازم يحلله الاول عشان يعرفوا الدم كويس ولا لا
رد جابر طب ما قالكيش ليه في وقتها قالت لي انا مش عارفه انا خايفه من اللي جاي وبالذات على زياد رد جابر ما تخافيش كل حاجه باسم رقيه يعني هم ما كانش ليهم حاجه في الورث حتى قبل ما يعرفوا ان ليها اخوات ردت سلوى تفتكر كده قال لها ايوه اهم حاجه انا لازم اسافر عشان اخلي بالي منهم ان هم ممكن يؤذونا في حد فيهم
رده سلوى ايوه سافر يا جابر وانا هتكلم مع رقيه وهرجع لك بس بعد ما اعرف هي هتعمل ايه رد جابر طيب يا سلوى اما رقيه قعدت على البحر قاعد جنبها فهد وقال لها اول مره اشوفك مهزومه بالطريقه ديت ردت رقيه المره دي الضربه كانت قويه امي خبت عليا ان دولت اخواتي من ابويا وطول الوقت كانت مفهماني انهم ولاد جابر بس انا كنت بحبهم وهم بيحبوني وعمري ما حسيت غير ان هم اخواتي ومن دمي
رد فهد طب في ايه اللي مخليكي متضايقه قوي كده قالت له الشخص اللي يهدد امي بيا وباخواتي لازم يدفع الثمن غالي وانا مش زعلانه من امي وده طبيعي اي ام كانت هتحمي عيالها بالطريقه ديت وانا اللي افتكرت انها بطلت تحب ابويا رد فهد طب اهدي واخدها في حضنه وطبطب عليها ورقيه كانت ساكته وبتفكر في اللي حصل مع امها
في جناح حليمه قالت شفت يا هادي عرفوا كل حاجه حصلت زمان رد هادي ما تخافيش سلوى مش غبيه عشان تقول حاجه وهي عارفه ان ممكن اؤذي عيالها ضحكه حليمه وهي شايفه نظرات الشك في عيون ابوها نحيت سليم وقالت بس احلى حاجه ان ابويا فاكر ان سليم هو الشخص ده وكده نكون ضربنا عصفورين بحجر واحد رد هادي عشان تبقي تسمعي كلامي من الاول
ردت حليمه انا كنت مبسوطه طول ما هم بعيده عننا وكنت ناويه اتجوز حبيبه لفهد وكده كل حاجه تبقى تحت ايدينا رد هادي ما هي البنت جت وقلبت الموازين وكفايه انها مرات فهد يعني مصيبه اكبر ردت حليمه اصبر عليا زي ما خرجت ابوها زمان هخرجها هي كمان
اما عند رقيه قامت وماسكه التليفون واتصلت على منه وقالت لها عامله ايه يا حبيبتي ردت منه انا كويسه انتوا وحشتونا قوي حتى عبودي ما كانش راضي ياكل من غيركم ردد رقيه قريب جدا هتلاقيني عندك انا وماما وجابر
زياد شد التليفون وقال لها انتوا بتعملوا ايه هناك كل ده انتي خلاص عشان عرفتي اهلك هترمينا ردت رقيه انا برده يا زياد ممكن ارميكم انتم دنيتي كلها مستحيله اعمل كده رد زياد خلاص ارجعي دلوقتي انتي وماما وبابا باكت رقيه وقالت له مش دلوقتي بس هبعت لك ماما وجابر بكره ان شاء الله
رد زياد ماشي يا ستي خدي عبودي عايز يكلمك وقال لها كده يا رقيه تسيبي عبودي حبيبك لوحده كده ابتسمت رقيه وقالت له حقك عليا يا قلبي هاجي لك مش هبعد عنك تاني انت ولا اخواتك رد عبودي طيب ما تنسيش تجيبي لي الشيكولاته اللي انا بحبها والمشبك وانتي جايه ردت عليه من عيني الاتنين
ومنه اخذت التليفون وقالت لها مالك يا رقيه فيك ايه في حاجه مضايقاك صح ردت عليها ما فيش يا حبيبتي انا قلت اطمن عليكم ويلا بقى روحوا تناموا عشان تشوفوا اللي وراكم بكره ردت منه حاضر تصبحي على خير يا حبيبتي ردت عليها وانتي من اهلي يا حبيبتي وقفلت معاها
وبدات تمشي واتكلم فهد انتي ايه يا بنتي مش انا واقف معاكي ردت رقيه بقول لك ايه فكك مني ما كانش لحظتين قعدتهم جنبك تنسى نفسك ضحكت فهد وقال لها انتي كده رجعت رقيه القديمه وسابته ومشيت وعلى وشها ابتسامه
اما سلوى كانت قاعده خايفه في اوضتها من اللي اسمه هادي على بنتها وما تعرفش ان راس الافعى هي حليمه وجابر كان نايم وبعد وقت وصلت رقيه القصر وقالت له تصبح على خير انا رايحه اشوف ماما اتكلم معها دلوقتي رد فهد ما تتسرعيش واهدي ضحكه رقيه وقالت لي وانت اللي جاي تقول لي النصيحه اتعامل مع امي ازاي ما لكش دعوه وسابتهم ومشيت
وهو قال يا بنت المجنونه ايه اللي هي بتقوله ده ده اللي يشوفها من شويه ما يشوفهاش دلوقتي جبروت وراح على جناح جدو ولقى حمدي قاعد واول ما شافه قال له رقيه فين رد عليه ما تخافش يا جدو عند امها دلوقتي قال له انت مصدق اللي حصل ده كله ورد فهد مش عارف يا جدو ومش عارف مين الشخص اللي ممكن يكره عم سلطان بالطريقه ديت
رد حمدي على فكره سليم ما يعملهاش طول عمره بيحب اخوه هو ممكن يكون اتضايق من تصرفاتي مع السلطان بس لو عمره ما يعمل كده اخره كان بيضيع ورقه يكذب كذبه بس ما يوصلش انه ياجر ناس ويهددوا سلوى رد فهد من غير ما تقول يا جدو انا متاكد اني مستحيل بابا يعمل حاجه زي كده وانه طيب
اما في اوضه سلوى دخلت رقيه ولقت سلوى بتعيط وقربت منها واخذتها في حضنها واتكلمت سلوى حقك عليا في كل اللي عملته بس والله العظيم كنت خايفه عليك ردت رقيه انا عارفه بس اتصدمت من اللي انتي عملتيه مع اخواتي ردت سلوى يا بنتي الشخص ده ايدي طايله ولو عرف اني كنت حامل كان ممكن يقتله وهو لسه في بطني مش هقول لك جه على الدنيا
ردت رقيه من الشخص ده يا ماما احكي لي رده سلوى ما انا لازم اقول لك عشان تاخدي حظرك منه ردت رقيه عم سليم صح ردت سلوى مستحيل ده عمك ومهما ان كان عمر الدم ما يبقى ميه ردت رقيه طب مين قعدت سلوى قدام رقيه وحكيت لها كل اللي حصل زمان
وقالت رقيه انا كنت حاسه وقلبي كان مقبوض من ناحيته اطمني يا ماما انا احل كل حاجه بس انتي لازم تسافري انتي وجابر لمنه وزياد وعبودي وما تسيبهمش لوحدهم رده سلوى حاضر بس انا خايفه عليك ردت رقيه ما تخافيش انا ورايا ناس ياكلوا الزلط ضحكه سلوى وقالت لها ناس مين يا موكوسه ولا فاكره ان الشومه بتاعتك هتنفع معاهم
ردت رقيه شومه ايه وكلام ايه عقلي هو اللي هينفع معاهم وكمان معايا سياده اللواء طه الدسوقي وما تنسيش ان جدو يتمنى انك اطلب منه طلب واحد رده سلوى يمكن دي الحاجه اللي مطمناني عليك ان جدك وفهد حواليك
ردت رقيه طب قومي نامي بقى احنا تعبنا النهارده وخرجت رقيه وطلعت الاوضه بتاعتها سلطان وقلعت هدومها وطلعت من جيب البنطلون بتاع سلطان وقعدت على السرير وهي بتقراه ومكتوب فيه
(انا عارف يا رقيه انك بتقري الجواب ده وانا مقابل وجه كريم واكيد مستغربه انا كتبته ليه بس اللي انا عايزه اقوله لك خلي بالك من نفسك ومن امك ومن اخوك او اختك اللي جايين لي الدنيا طبعا انتي هتقولي ايه اللي انت بتقوله ده اخ مين واخت مين اه ما انا كنت عارف ان امك حامل ساعه ما طلبوا منها كيس دم عشان يسعفوني بيه وقالوا لي انها حامل وانا كنت مبسوط وفي نفس الوقت خايف عشان مش هقدر اربيه واخليه زيك بس اللي متاكد منه ان انتي هل تخلي بالك منه وتخليه احسن مننا كلنا صح يا رقيه وعايزه اقول لك سامحي جدك هو طيب وكان بيحبني زياده عن اللزوم وحبه ده خلى في عداوه بيني وبين اخواتي بس انا عمري ما كرهتهم ولا خفت منهم حتى سليم كان بق على الفاضي ما بيعرفش يعمل حاجه واول لما يجرى لي حاجه الاقيه خايف عليا ما كانش بيعرف يكرهني على قد ما كانت خالتو بتبخ سمها في ودانهم كل يوم اه ما انتي ما تعرفيش ان عمك سليم وحليمه اخواتي بس من الاب وليهم ام تانيه اما امي ابويا اول ما شافها وقع في غرامها واتجوزها وجابني للدنيا وهو مبسوط وانا كنت فرحان عمرها ما غيرت معاملتها معايا ولا مع اخواتي وكانت بتحبهم عشان كده انا قلت اول بنت هجيبها هسميها رقيه على اسمها والحمد لله ربنا رزقني بيكي وانتي حته منها بس طبعك شبه جدك اكثر مني وده حاجه مخلياني مبسوط وفي يوم وانا في الشركه عرفت ان في شحنات بتخش من ورانا في قلب شغلنا وساعتها عرفت اللي بيعمل كده وهددني انه هياذيني بس انا كنت خايف اهد كياني العيله واسكت وكنت بحارب من جبهه واحده وانا مش قادر ابلغ عنه البوليس وازاي ابلغ وهو حته مني وكان ابويا يجرى له حاجه لو عرف فاخترت الصمت وحبيت امك وقررت اني اتجوزها وهي كمان كانت نعمه الزوجه والاحترام لغايه ما ابويا عرف وطردنا وانا كنت شايف في نظره الشخص الشماته بس انا فرحت عشان كنت خايف على امك وحملها منه واخذتكم ورحت بيكم عند محمود الهلالي وكامل وجابوا لي البيت وقعدت فيه وفضلت برده احارب من بعيد لغايه في يوم ما عرفت ان الشخص ده مش لوحده وان معاه حد ثاني والمستندات كلها مع المحامي عبد المنعم ولو عايزه تعرفي الشخص ده مين روحي له وافهمي منه كل حاجه وهتوحشيني يا رقيه وخلي بالك من نفسك انت وامك واخوك او اختك)