رواية في عشقها هلاكي الفصل الخامس والعشرون25 بقلم زهرة الربيع

لو خرجت من هنا هيوصلولك ويمكن يهددوك باخوك واكيد هيوصلولي ..لو معندكش مانع في كده امشي

مختار بصلها بذهول وقال..انتي قصدك ايه انتي من كل عقلك واقفه تخيريني بين حياتك وحياة اخويا...فاكره ان في مجال للمقارنه اصلا

روعه اتنهدت وقالت ...عارفه ان حمزه اغلى حد عندك ....بس متأكده اني كمان مش ههون عليك

مختار قال بغضب ..لا هتهوني... وعادي جدا على فكره...المهم دلوقت عندي الحق اخويا...حمزه طول عمره اهم من حياتي واقدر اضحي بنفسي علشانه.... يعني من السهل جدا اضحي بواحده كدابه ذيك

روعه اتنهدت وقالت...تمام...طالما انت شايف كده واقف ليه انت تقريبا واخد قرارك اتفضل دي مفاتيح العربيه اللي جابتنا بره....والطريق العمومي على بعد خمسه كيلو من هنا يلا روح الحق اخوك....وانا مش مهم هدبر نفسي

مختار اتوتر لما قالت كده بس سحب المفاتيح منها وقال بغيظ وزعيق...طبعا مش مهم وانتي هتهميني في ايه اصلا ....كل اللي كان بيني وبينك العمليه وقصتها انتهت

قال كده ومشي بمنتهى الغضب وروعه قعدت على الكنبه ولمعت عيونها بالدموع 

اما مختار طلع في العربيه وكان هيشغلها بس دماغه مش راضيه تهدى وقلبه رافض تماما انه يسيبها او يعرضها للخطر ...بقى يفتكر كل كلمه وكل دقيقه بينهم...ووقت ما قررت تكشف نفسها وتبوظ شغلها علشانه... وكلام عمها ليها ...داس على اسنانه بغيظ من مشاعره اللي دايما بتتحكم فيه من وقت ما عرفها وضرب بكل قوته على المقود  اكتر من مره وهو بيحاول يطلع اكبر قدر من غضبه

عند حمزه كان ماسك الموبايل وقرر اخيرا يتصل بمختار لانه قلق عليه وخاف يكون جمال عمل حاجه معاه.... ولسه هيطلب الرقم سمع صوت صرخة نسيم من الاوضه....رمى التليفون من ايده وجري عليها بخضه

دفع باب الاوضه وقال برعب.... فيه ايه 

نسيم شاورت بايدها على ركن في الاوضه وصباعها بيرتعش بقوه 

حمزه بص مكان ما بتشاور واتفاجأ بتعبان كبير قال بحذر....اششش اهدي.... اهدي وخليكي مكانك... متتحركيش

نسيم قالت بخوف...خلي بالك ده كبير قوي ....خلي بالك 

حمزه اتقدم بحذر شديد ومسك قطعة حديد اثريه للزينه وضربه بيها بقوه كذا مره قتله

نسيم حطت ايدها على قلبها وداخت جدا من الخوف بس حمزه لحقها وسندها بين اديه وقال..نسيم حببتي انتي كويسه وضمها ليه بقوه واحتواها بين ضلوعه

نسيم كانت مرعوبه ودايخه مسكت فيه جامد وكانت اجمل لحظه عدت عليهم

بس مفيش دقيقه ودفعته بقوه لما خدت بالها من وضعهم ومن لبسها لانها كانت بقطعه خفيفه لبستها علشان تنام 

وشدت العبايه لبستها بسرعه وقالت ببكا وغضب منه ومن نفسها..اطلع بره

حمزه اتنهد وقال...نسيم انا مقصدتش صدقيني انا...

بس قاطعته وقالت بغضب وصراخ...بقولك بره.....مش عايزه اشوفك انا بعصي ربنا بسببك ...االي بيحصل بنا غلط ..غلط وخيانه ....انت مينفعش تشوفني باللبس ده مينفعش تلمسني ...مينفعش حرام عليك...حرام ده انا استحملت عذاب ووجع محدش يستحمله علشان ابقى ست نضيفه ...الللي بتعمله فيا ميرضيش ربنا .....حرام عليك سيبني في حالي بقى

وبقت تبكي بقوه

حمزه اتجمعت الدموع في عيونه وقال بوجع ...حاضر يا نسيم ...الللي انتي عايزاه هيحصل....انامش هخليكي تتوجعي اكتر من كده...هرجع دلوقت وحالا لجوزك وهتفاوض معاه ويا قاتل يا مقتول يا اما يطلقك وتكوني ليا بحلال ربنا ومن غير ما تحسي باي ذنب يا اما اموت على اديه وانا راضي اني اموت علشانك 

نسيم اتسعت عيونها بذهول ورعب ميتوصفش لما قال كده ولسانها اتجمد مقدرتش تنطق بحرف

بقلم....زهرة الربيع

عند روعه كانت قاعده على الكنبه بتوتر لما دخل مختار بحرج وقال. ..احم...العربيه ...العربيه مشتغلتش....تقريبا ناقصها بنزين

روعه ابتسمت بسعاده وعيونها لمعو بالدموع كانت مراهنه نفسها عليه وكان املها ضعيف انها تكسب الرهان

مختار اتنهد ورما المفاتيح على الطاوله وقعد قصادها وقال.....والعمل....انا مش هينفع اسيب حمزه...انتي مش ظابط اتصرفي

روعه ابتسمت وقالت....هتصرف ...انت حافظ الرقم اللي اديته لحمزه مش كده

مختار قال ...ايوه حافظه كان رقمي القديم قبل كل العك ده

روعه قالت ممتاذ لازم نتصل عليه ونكلمه قبل ما هو يتصل على تليفونك....ونقوله يجي هو ونسيم هنا...هنا امن مكان لحد ما نفكر هنعمل ايه

مختار قال بسرعه...طب ليه منرحلوش احنا ..مهو هناك امان ومفيش مخلوق واحد يعرف المكان غيري

روعه قالت ...لا فيه.... شاكر...ولا نسيت انك بعته يوصلهم حاجات هناك

مختار وقف مفزوع كان ناسي الموضوع ده خالص وقال...يا نهار اسود شاكر صحيح انا ازاي نسيت

روعه قالت بسرعه...اهدى كل حاجه لها حل...انا متأكده ان اول حاجه هيعملها عزيز انه هيحاول يوصل لحمزه عن طريق شاكر...علشان يهددك بيه زي ما عمل قبل كده

مختار قال بخوف...روعه انا قلقان جدا انا مش هقدر استنى بجد...تعالي معايا لازم نلحق حمزه....وانا مش مامن اسيبك لوحدك

روعه ابتسمت وقالت....ثق فيا مره واحده يا مختار.....حمزه لازم هو اللي يجي هنا ده الحل الوحيد اللي هيساعده...استنى دقيقه

ودخلت الاوضه وطلعت بتليفون صغير ركبت فيه شريحه وقالت...هات الرقم اللي مع حمزه

عند شاكر كان لسه قاعد في شقة مختار اللي كانوا هيعملو فيها العمليه...ومتوقع ان خلاص زمان مختار وروعه اتقتله..... قاعد ودموعه مبتنشفش زي الاطفال

في الوقت ده قام مفزوع لما الباب اتكسر ودخل عزيز ورامي رجالتهم

شاكر قال بفزع..... فيه ايه.... في ايه يا باشا

رجالة عزيز مسكوه بقوه ورموه عند رجلين عزيز اللي قال بغضب شديد....صاحبك فين يلا

شاكر قال برعب...صاحبي...صاحبي مش انت اخدته...هو..هو حصل ايه

عزيز ضربه قلم قوي وقال....انا اللي اسال وانت تجاوب وبس .....تعرف حاجه عن مختار 

شاكر هز راسه بالرفض وقال بخوف ...لا لا والله ...والله ما اعرف

عزيز قال بغضب....صاحبك هرب هو والبت اللي معاه

شاكر ابتسم بسعاده وذهول وقال .....هرب...يعني مختار وروعه عايشين

عزيز قال بغضب.... اه يا حيلتها عايشين...بش مؤقتا  ...ورحمة ابني ما هحلهم.

شاكر قال برجاء...طب يا باشا مختار غلط معاك بس ده راجلك ..وعلى فكره تقدر تستفاد منه في حاجات كتير...لو قتلته في لحظة غضب تبقى بتخسر صدقني...و...و كمان روعه انت مالك بيها يا باشا دي بنت غلبانه واحنا اللي جبناها و....

عزيز قاطعه لما ضحك جامد وقال...غلبانه....ده انت وصاحبك اللي طلعتوا غلابه....ركذ معايا ياض ومتدخلش في اللي ملكش فيه....تعرف مكان اخوه الدكتور

هنا شاكر اتوتر جدا ومكانش عايز يغدر بمختار تاني قال بتوتر...احم...لا يا باشا ...لامعرفش.... اكيد في البيت او العياده

عزيز قال بغضب...ما احنا سالنا هناك قالو مجاش له يومين...انت بير اسرار الديب ...واكيد تعرف مكان اخوه انطق واكسب حياتك...لاني لو هخرج من هنا من غير معلومه تفيدني يبقى هخرج بحياتك..... ورفع السلاح في وشه

شاكر اترعب وقال بخوف...يا باشا انا معرفش انا.....

بس عزيز سحب الزناد وحطه بين حواجبه وبدأ يعد بطريقه توتر وترعب

شاكر نزلت دموعه وقال بالعافيه ..خاطف بنت بيحبها.... ومختار مخبيه في بيت بتاعه بعيد عن هنا

عزيز ابتسم وقال بسرعه...تعرف المكان

شاكر هز راسه بالموافقه بخوف ودموع

عزيز ابتسم وزق شاكر للرجاله وقال...هاتوه ورايا معانا طلعه ...حد فيكم عايز يكشف نسا 

عند حمزه قال لنسيم انه هيتواجه مع جوزها وسابها وطلع جري وهيه جريت وراه وقبل ما يطلع من البيت مسكت في ايده بقوه وقالت...انت اتجننت....تروح لمين...تروح للراجل اللي من يومين ضربته وخطفت مراته...انت متعرفش جمال

حمزه كان في قمة غضبه وقال...انتي اللي متعرفنيش انا مش هفضل عاجز كده كتير ...انا ماخدتكيش من عنده علشان اتفرج على دموعك اللي بتحرق قلبي...اوعي يا نسيم هروحله يعني هروحله ..لازم اتكلم معاه

نسيم فضلت ماسكه في ايده بكل قوتها وقالت برعب...هتقوله ايه ...مش هيسمعك هيخلص عليك يا حمزه ...انت فاكر اني كده هبطل ابكي ...لو حصلك حاجه دموعي مش هتنشف عمري كله

حمزه قال باصرار ...متحاوليش مفيش فايده....ابعدي بقى 

وشد ايده بقوه فدفعها من غير ما يقصد ووقعت على الارض وصرخت بالم

حمزه التفت وراه وجري عليها بسرعه وهو بيقومها 

وبيقول بخضه.... نسيم...انتي كويسه....ياخبر انا اسف.. اسف والله حقك عليا

واخدها قعدها على الكنبه وهو بيقول بندم وقلق ..انا بجد اسف.... الجنين...حاسه بحاجه....الوقعه دي خطر عليكي استني هجيب السماعه حالا

نسيم مسكت في ايده وقالت ..لا لا انا كويسه

بس حمزه قال باصرار..مينفعش لازم اطمن عليك وجري ناحية الاوضه بس وقف مكانه لما قالت بسرعه....انا مش حامل يا حمزه

حمزه التفت لها بذهول..ومكانش مصدق ان الشك الكبير اللي في قلبه طلع حقيقه فعلا.....قرب منها خطوات ولسه هيفهم منها بس تليفونه بقى يرن

جري على التليفون وهو بيقول...ده اكيد مختار

ورد وقال....الو مختار

مختار رد بسرعه وقلق وقال..... ايوه انا يا حمزه....انت كويس ...اتصلت على حد او استخدمت التليفون ده 

حمزه استغرب وقال..... لا مكلمتش حد..غير شاكر زي ما انت قولتلي

مختار جذب شعره بغضب من نفسه وقال ....طيب يعني شاكر معاه الرقم ده دلوقت...ومعاه العنوان صح

حمزه قال باستغراب...اكيد طبعا انت مش قولتلي لو احتاجت حاجه كلم شاكر ...هو فيه ايه يا مختار

مختار قال بقلق......فيه مصيبه انت ونسيم في خطر اركب العربيه حالا حالا واطلع على الطريق العمومي واحفظ الرقم اللي بكلمك بيه ده .... ومن اقرب محل موبايلات يقابلك على الطريق هات موبايل وشريحه جداد وكلمني على الرقم ده وهاجي اخدك

حمزه افتكر الخطر من جمال قال بغضب....لا مش هتحرك خليه يجي انا مستنيه خلينا نفضها ونخلص 

مختار قال بغضب...افهم انا مقصدش جمال.... فيه مصيبه اكبر بكتير..المهم اتخلص من التليفون اللي معاك ده حالا فتفته هو والشريحه مية حته او احرقه اي حاجه علشان ميوصلوش للرقم اللي بكلمك بيه ده 

حمزه قال باستغراب... هما مين دول.... ويوصلوا لايه

مختار قال بتوتر.....هات نسيم واعمل زي ما قولتلك بسرعه مفيش وقت هنبقى نتكلم لما تيجي

حمزه اتلخبط وقال ...انت عامل مصيبه تانيه ولا ايه يا مختار

مختار قال بسرعه...والله هفهمك كل حاجه ....كل حاجه بس مش وقته يلا بسرعه ارجوك 

حمزه اتنهد وقال... ماشي يا مختار لما اشوف اخرتها 

 وقفل معاه وبص لنسيم وقال...احنا لازم نتحرك من هنا يا نسيم 

عند مختار كان رايح جاي بتوتر وقال....ممكن يوصلوله قبل ما يتحرك...احتمال وارد.... انا هتجنن 

روعه قالت بتوتر...متقلقنيش معاك اهدى شويه وهنحلها

مختار قال بغضب...ملهاش اي حل لو وصلو لحمزه...علشان اطلعه هعمل اي حاجه حتى لو هسلمك بايدي فاهمه

قال كده وقعد على الكنبه بتعب

روعه ابتسمت وقربت منه وقالت بابتسامتها الجميله اللي بتنسيه الدنيا...ربنا معانا يا مختار احنا مش لوحدنا متقلقش

مختار لمعت عيونه بالدموع وحط اديه على دماغه وقال...انا معملتش حاجه لربنا علشان يفتكرني دلوقت

روعه قعدت جنبه ونزلت اديه من على دماغه وقالت...بس ربنا مبينساش حد اصلا علشان يفتكره....ومش بيعاقبنا باعمالنا في الدنيا قول يارب ...ومتقلقش... انت واخوك هتكونو في امان ...لو وصلو لحمزه انا اللي هروح لعزيز برجليا مش هستناك تسلمني كون واثق من كده

بقلم...زهرة الربيع

قالت كده ولسه هتمشي مسك ايدها ووقف وقال...انا اسف على اللي قولته..انا اكيد مقصدش اني ممكن افرط فيكي علشان انقذ نفسي او انقذ اخويا....بس انا بجد متلخبط ومش عارف بقول ايه 

روعه ابتسمت وقالت..فهماك ....وحاسه بيك 

مختار قرب قوي وحط ايده عليها وقال بوقاحته المعتاده....طب ما ...تقربي شويه واهو نحس ببعض ونهون على بعض الفتره الصعبه دي ....احضنيني كده يمكن احس بدفا

روعه رفعت شفتها وقالت بغيظ ....لا انا ممكن اخليك تحس بالقفا..ولسعة القفا

قالت كده ومشيت وهو ضحك وقال بصوت عالي ...اصلا من اول يوم وانا شاكك في انوثتك يارائد ...كنت حاسس ان ناقصك شنب ويطلبوك للجيش

روعه هزت راسها بيأس من كلامه وقالت بغيظ...ياربي هيجنني...هو في ايه ولا في ايه

ولسه هتروح اوضتها سمعو جرس الباب بيرن 

روعه سحبت سلاحها بقلق واتقدمت ناحية الباب ومختار سحب مطوه كانت في جيبه وقال...مستنيه حد

روعه هزت راسها بالرفض وشاورت على بقها انه ميعملش صوت وراحت تفتح ومختار مشي قصادها من الناحيه التانيه واول ما فتحت الباب وشافت اللي بيخبط المسدس وقع من ايدها من الصدمه والسعاده

كان فايز اخوها

فايز اول ما شافها لمعت عيونه بالدموع وشدها لحضنه بقوه وشالها وبقى يلف بيها ويبوسها وهيه كمان وبقت تعيط في حضنه بسعاده

مختار اتسعت عيونه بذهول ومستحملش المنظر  وقرب منهم وهو مصدوم

فايز نزل روعه ومسك اديها وبقى يبوسهم وهو بيقول بدموع ......كنتي فين كل ده... ليه تعملي فيا كده حرام عليكي

مختار قال بذهول.... هو حرام فعلا 

روعه قالت بدموع .....حقك عليا يا فايز انا اسفه بجد يا حبيبي 

مختار قال بذهول اكبر... حبيبيك

 فايز قال بعتاب..اسفه ايه ده انا كنت هموت واشوفك او حتى اطمن عليكي ليه تعملي كده ده انا كنت هتجنن 

مختار سحب اديهم من بعض وقال ....ده انا اللي هتجنن على اللي خلفوكم ونسيو يربوكم دلوقت..مين ده يا حلوه يا بتاعة القفا اللي ماشوفتك سحبتي ايدك حتى...ولا عشان اشقر وعنيه ملونه

روعه بصتله يصدمه وقالت...انت بتقول ايه يا غبي انت

فايز  قال باستغراب....مين ده يا روعه 

مختار فتح المطوه ووجها على فايز وقال....انا حاليا بعد ظهور حضرتك بقيت الإكس بتاعها .....انت بقى مين يا قلب اخوك وووووو

مختار دكتوراه في المصايب قسم مشاكل من تحت الارض