رواية رقية الفصل السادس والعشرون26 بقلم اميرة خالد

في بيت رقيه كانت قاعده منه بتكلم خالد اللي حكلها على مكالمه ابوه وامه وانهم متقبلين الجوازه وعزمنا الخميس الجاي فرحه منه وقالت له بجد قال لها ايوه يا قلب خالد ردت عليه طب وجدك رد عليها ابويا وامي عمرهم ما يقدروا يتصلوا بيا غير لما جدي يوافق الاول عشان كده انا مبسوط ان حياتنا هتتغير الاحسن 

ردت منه وانا فرحانه قوي عشان بابا وماما جايين النهارده وهقول لهم الخبر الحلو ده رد خالد طب يا حبيبتي ابقي طمنيني عليك هقفل معاكي عشان ورايا شغل في المستشفى قالت له طيب يا حبيبي وقفلت معي 

اما في اسكندريه في شقه صاحبه يارا صحيت نرمين من النوم وبصت على يارا ما لقيتهاش وافتكرت انها خرجت وسمعت التليفون بيرن ومسكت ولقيته اسر بيتصل وردت عليه ايوه يا حبيبي بتتصل بدري ليه ضحك اسر قال لها بدر من عمرك يا اختي انتي عارفه الساعه كام الساعه داخله على 5:00 قالت له نرمين طيب انت عايز حاجه يعني قال لها هي يارا عندك قالت له لا خ** مش عندي رد اسر في ايه يا قلبي اهدي شويه ما انتي عارفه ان دي مصلحه ولازم يكون بالك طويل فتحت نرمين السبيكر وراحت ناحيه التسريحه 

وقالت له انت عارف ان انا بتجنن لما اشوفك مهتم بيها انا اللي حبيبتك مش هي ضحك اسر وقال اموت انا في حبيبي اللي بيغير بس انتي عارفه انها مصلحه وهنطلع من وراها بفلوس كثيره لو انا اتجوزتها ردت نرمين وانت فاكر الرسائل اللي انت بتبعتها لجوزها ممكن تخليه يطلقها ده بيثق فيها ثقه عمياء ويارا كمان تقيله مش من النوع اللي بتقع بسرعه رد اسر وعشان كده انا قلت اكلمك ونعمل حاجه كده ونحطها قدام الامر الواقع ردت نرمين ازاي يعني 

قال لها انا هاجي لك النهارده وانتي حطي لها حاجه في العصير ردت عليه حاجه ايه ضحك اسر وقال لها ايه يا قلبي هو انتي نسيتي الحبايه تخلي الواحده تنسى نفسها ضحكه نرمين قالت له ماشي وبعدين رد اسر هننيمها على السرير وناخد لها كم صوره حلوه كده وبعد كده ناخذ كل اللي احنا عايزينه منها ضحكه نرمين 

وقالت له وانا معاك المهم ان اكسر مناخيرها الليها اللي رفعاها في السما رد اسر من عيني الاتنين يا حبيبتي كل ده كانت سمعاه يارا واتصدمت بصاحبتها وكانت بتحارب للكل عشانها حتى اختها كانت تقول لها انها مش كويسه ويارا تقول لها لا طبعا دي كويسه وضحكه بسخريه وخرجت اخذت شنطتها ونزلت ركبه العربيه وراحت على فيله ابوها 

وبعد وقت وصلت ودخلت الفيلا وابوها نده عليها تعالي يا يارا في موضوع عايزك فيه ردت عليه في حاجه يا بابي انا تعبانه ومحتاجه ارتاح شويه اتعصب وقال لها في ان جوزك خلى جدو اتصل بيا النهارده وقال له انكم تنفصلوا عشان ما بقاش قادر يعيش معاكي بتصرفاتك ديت وكمان حرماه انه يكون اب اتصدمت يارا 

وقالت طيب يا بابي اللي انت شايفه صح اعمله وهو لو عايز يطلق يطلق وطلعت على الاوضه بتاعتها ودخلت نامت على السرير وهي بتعيط وندمانه على كل حاجه عملتها وماسك التليفونها وشافت صورها مع فارس وقد ايه كان بيحبها بس هي اللي ما قدرتش النعمه في ايديها وتليفونها رن باسم نرمين وكنسلت عليها وعملت لها بلوك

اما عند رقيه كانت قاعده مع نيره وفريد ومامته وجدها بيكلموا وحليمه كانت شايفاهم وراحت قعدت معاهم وقالت هو انتي بتدرسي يا رقيه اه ده انا نسيت ان انتي معكيش غير الاعداديه وكنت بتبيعي فول وطعميه الكل تضايق ضحكه رقيه وقالت لها ومالها الفول والطعميه حد ما بياكلش الاكل ده وبعدين انتي عايزه ايه ان التعليم بتاعي اذا كنت متعلمه ولا لا 

ردت حليمه وسخريه عشان بس منظرك الاجتماعي وانتي مرات فهد العزايزي يعني هتروحي معاه حفلات والعشاء العمل عشان ما حدش يتريق عليك ضحكتك رقيه وقالت لها ما لكيش دعوه يا عمتو الحربوقه وخليكي في حالك وقامت وقالت لهم بعد اذنكم يا جماعه وطلعت على اوضه ابوها 

واتكلم حمدي ايه لازمه الكلام ده يا حليمه ردت عليه مش قصدي حاجه يا بابا انا بس بفهمها انها متجوزه فهد وممكن تحضر حفلات ولازم تكون قد المقام تعصب حمدي وقال لها ما لكيش دعوه يا حليمه برقيه وخليكي في حالك ردت عليه انا عايزه بس افهم انت مصدقها ازاي انها بنت سلطان وكمان اخواتها اللي قالوا عليهم انهم ولاد سلطان وكان هيرد حمدي بس سبقته ملك وقالت له يلا يا عمي عشان ميعاد الدوا بتاعك 

وقامت ملك ومشيت بالكرسي بتاع حمدي لغايه الجناح بتاعه مساعدته ينام على السرير وادته الدوا وقعدت جنبه وقالت له هتعمل ايه يا عمي في موضوع فارس ضحك حمدي وقال لها انا عارف ومتاكد ان فارس بيحبها مش هيقدر يطلقها بس سيبيه يهدى دلوقتي وبعد كده نتكلم معاه رده ملك طب حضرتك ليه اتصلت بوالدها وقلت له ان فارس عايز يطلقها 

رد حمدي انا قلت يمكن والدها يقرص عليها شويه عشان هي مدلعه عن نيره وانتي عارفه انها حتى شروط لعيشتها مع فارس غير انها مش عايزه تخلف دلوقتي عشان ما تبوظش جسمها ومع انه اختها خلفت اثنين ومبسوطه مع فريد ردت ملك ما ده اللي انا مستغرباه ان نيره تبقى اختي يارا ازاي ضحك حمدي وقال لها البطن قلابه طب ما انتي عندك سلطان غير سليم ولا حليمه ردت عليه معك حق يا عمي انا هسيبك ترتاح وخرجت

اما في المديريه كان قاعد طه دسوقي مع مساعد وزير الداخليه ومطلعه الملف عرضه للمساعد وزير الداخليه اللي اتصدم من اللي بيحصل في البلد وكمان الاسامي اللي موجوده في الملف تقيله جدا وسال طه انت جبت الملف ده منين رد طه وقع في طريقي بالصدفه وانا مش عارف اعمل ايه فاخترت حضرتك ان اجي واقول لك 

رد المساعد الوزير تمام يا طه احنا هنعمل دلوقتي اجتماع عشان نتاكد باللي موجود في الملف بس ده صور الاصلي فين رد طه موجود بس مش هيطلع دلوقتي غير لما نتاكد حضرتك من المعلومات رد عليه تمام يا طه ومسك التليفون واتصل على اللواء علي الجارحي من مكافحه المخدرات واللواء مصطفى القناوي من اموال العامه وبعد دقائق وصلوا اللواءات وقعدوا يتكلموا في الملف والكل اتصدم ونسيبهم

في فيله العزايزي كانت رقيه طالعه من الحمام بعد ما خدت شاور عشان تهدي دمها اللي اتحرق ولبست فستان وعليه طرحه والباب خبط وراحت فتحت ولقت نيره قالت لها انا عارفه ان انتي زعلتي من كلام طنط حليمه ردت عليها وازعل ليه هو الشغل عمره ما كان عيب ردد نيره معاكي حق وانا مبسوطه بمعرفتك 



وقالت لها اتفضلي نقعد جوه نتكلم بدل وقفه الباب ديت ردت نيره انا خايفه ازعجك ضحكه رقيه وقالت لها لا ما تخافيش بصراحه من ساعه ما جيت البيت ده وانا شايفه في ناس كثيره بتكرهني ضحكه نيره وقالت لها معاكي حق اصل انتي جايه تاخدي كل حاجه منهم بالطبيعي انهم ما يحبوكيش رده رقيه مع اني مش عايزه حاجه قالت لها نيره بس ده حقك وده اللي فهمته من طنط ملك ويا ريت ما تزعليش من اي حد ردت عليها مش زعلانه وفضلوا يتكلموا

اما عند فهد كان قاعد في الشركه بيراجع الصفقات دخلت السكرتيره وقالت له ان هادي بيه بره مستني حضرتك رد عليها دخليه وهاتي لنا القهوه قالت له حاضر وخرجت ودخل عليه هادي وهو بيقول له عامل ايه يا فهد رد عليه انا كويس يا عمي انت اللي عامل ايه قال له انا مش مبسوط من اللي بيحصل في القصر وكمان طريقه ابوك ما عجبتنيش مع بنت السلطان 

ورد فهد معك حق يا عمي الرد هادي انا من رايي ان انت تسلمها كل حاجه من دلوقتي احسن رد فهد ان شاء الله يا عمي هعمل كده عن قريب وقال له عملت ايه في الصفقه بتاعه اللحوم المجمده رد فهد انا لسه بدرس الملف بتاعها هخلصه وارد على حضرتك رده هادي طب ما تتاخرش عشان الناس مستعجله رد فهد حاضر يا عمي قال له ماشي انا هروح بقى الشركه بتاعتي عشان ورايا شغل كتير رد فهد خليك يا عمي اشرب القهوه الاول رد عليه المره الجايه لما نمضي الصفقه وخرج وفهد كمل شغله

اما عند فوزي قاعد في المكتب بتاع متولي وحكي له اللي حصل في مكالمه خالد وعن عزومه يوم الخميس وقال له متولي ماشي واتكلم فوزي طب انت هتعمل ايه مع محمد الاسيوطي لازم بنته تتجوز حد من الشباب 

رد متولي مين اذا كان ياسين عينه من بنت اللواء وخالد اتجوز منه وابن كامل لسه صغير على الجواز رد فوزي طب ما تقول لعاصي والبنت اصلا عينيها عليه رد متولي تصدق صح وهو كده نكون ما خسرناش حاجه رد فوزي خلاص انت اتصل بيه دلوقتي واعزم محمد الاسيوطي وعيلته يوم الخميس مع خالد ومنه 

وانفتحوا في موضوع عاصي وبنته رد متولي بلاش الخميس ده خلينا الاول نكلم عاصي عشان هو ممكن يرفض الرد عليه تمام وخرج فوزي وهو مبسوط انه ماشيه كل حاجه على مزاجه 

اما في اسكندريه كانت رقيه لسه قاعده مع نيره وطلعت الخادمه خبطت وقالت لهم الغداء جاهز ونزلوا وشافوا العيله كلها قاعده واتكلم حمدي تعالي يا رقيه اقعدي جنب فهد اتغاظت رقيه وقالت له حاضر وقعدت جنب فهد وفهد كان مبسوط انها قاعده جنبه وكل شويه يخبطها في رجليها وهم بياكلوا وخبط ايديها ووقع الشوكه ووطي رقيه عشان تجيبها راح مسك ايديها 

وقال لها خليك ما تجيبهاش الخادمه هتجيب لك واحده جديده قالت له طيب وفضل ماسك ايديها وهي ما كانتش عارفه تاكل كل ده تحت انظار حليمه وحبيبه اللي متضايقه واتكلمت ملك اخوك فين يا فهد رد عليها سافر يومين لندن عشان الشركه هناك فيها مشكله استغربت ملك وقالت له ده ما جاش خد هدوم 

رد فهد مش مشكله يا ماما هو هيشتري من هناك كل اللي محتاجه وسيبيه يغير جو احسن قالت له طيب يا ابني واتكلمت رقيه بصوت واطي سيب ايديا مش عارفه اكل منك رد عليها مش هسيبها واللي عندك اعمليه دي ايد مراتي اتضايقت رقيه وبصت على السفره واخذت شوكه صغيره وقربت من ايده وهو مش حاسس وخبطته بيها وزعقت من الوجع 

وقالت ملك ملك يا فهد فيك ايه يا حبيبي رد عليها ما فيش حاجه يا امي وعينيه على رقيه اللي بتاكل ولكنها عملت حاجه واستحلف لها وقام من مكانه وطلع على جناح سلطان ولقاها ناسيه المفاتيح في الباب 

وقفل الباب واخذ المفاتيح ونزل ودخل جناحه غير هدومه واخذ شاور ونزل قعد معاهم ورقيه كانت عينيها على هادي وفضلوا يتكلموا في الشغل ويتكلم هادي ما تنزلي يا رقيه الشركه احسن من القاعده ديت رده رقيه ببروت لا مش نازله عشان ان شاء الله كمان يومين راجعه القاهره عشان اشوف موضوع منه اختي 



رد حمدي ما تخليهم يجوا هنا يقعدوا معانا وانا هنقلهم الكليات هنا ردت رقيه مش هينفع يا جدي خليهم يكملوا دراستهم في القاهره احسن وكمان منه متجوزه يمكن جوزها يرفض رد حمدي متجوزه مين قالت له حفيد متولي الهلالي رد عليها ابن كامل ولا محمود ردت عليه لا ابني امل بنته رد حمدي ماشي يا رقيه وانا هنزل معاكي وقال فهد مين قال لك يا جدو انها هتسافر القاهره هي قاعده معايا هنا 

ردت رقيه مش هينفع لازم اسافر عشان متولي عازمهم يوم الخميس ولازم اكون معاها وكمان اشوف هتكلم معاهم في الموضوع ده ازاي عشان عارفه انهم بيحبوا جابر ومتعلقين بيه رد حمدي بعصبيه بس دولت ولاد ابني مش ولاد جابر وانا كلمت المحامي عشان يخلص الاجراءات وانقلهم باسم سلطان اتعصبت حليمه وهادي مسك ايديها بمعنى اصبري 

واتكلم سالم بعصبيه بقيت تاخد قرارات من نفسك ولكني لك عيال وايش ضمنك ان ام ولاد سلطان ما يمكن انهم يكونوا اولاد جابر وهي لعبه من سلوى وجابر عشان ياخدوا فلوس اكتر اتضايقت رقيه ووقفت قصاده وقالت له ما اسمح لكش تتكلم كده عن امي وعمرها ما تبص للفلوس ولو كان عينها على الفلوس زي ما انت بتقول كان زمانها جابتني هنا من زمان مش مستخبيه العمر كله وخايفه على اولادها من شخص اناني 

وسالم اتضايق ورفع ايديه عشان يضربها بالقلم ونزل القلم على وش فهد ورقيه كانت مغمضه عينيها وفتحت شافت فهد واقف قصادها واخد لقلم واتضايقت وطلعت على جناح ابوها واتكلم فهد اخر مره يا بابا تفكر تمد ايدك على مراتي وانا لسه عايش على وش الدنيا وسابه وطلع دخل جناحه ما لقاش رقيه وطلع ناحيه جناح سلطان ولقاها قاعده على باب الجناح وعينيها مدمعه 

واقرب منها وشالها وهي كانت مستسلمه ونزل على جناحه وفتح الباب وقفلوا برجليه بعد ما دخل وقرب من السرير وحطها بالراحه وقال لها مالك يا حبيبتي عينيك مدمعه عليه ردت رقيه تعبت يا فهد اول مره اعرف ان ابويا كان عايش في عذاب انا كنت الاول مرتاحه وانا ببيع الفول والطعميه وعمري ما حسيت بخوف من حاجه بس من ساعه ما عرفت اني ليا اهل وكل حاجه اتغيرت وبقيت اخاف على اخواتي اكثر من نفسي رد فهد ما تخافيش وانا هفضل في ظهرك وعمري ما حد هياذيكي ردت رقيه بضعف ممكن اطلب منك طلب رد عليها اطلبي يا حبيبتي قالت له ممكن تحضني حضنها فهد جامد وهي عيطت لغايه ما نامت وعدلها على السرير واخدها في حضنه وراح في نوم عميق 

اما بيت متولي وصل عاصي البيت واتكلم متولي تعالى يا عاصي عايزك في موضوع في المكتب رد عليه حاضر يا جدي ودخل وراه المكتب واتكلم متولي انت عارف يا عاصي ان انت اغلى احفادي واني بحبك ودائما خايف على مصلحتك رد عاصي في ايه يا جدي رد عليه بصراحه كده انا عايز اخطب لك هنا بنت محمد الاسيوطي ايه رايك رد عاصي مش عارف يا جدي ساعات بشوفها انها البنت المناسبه بس 

رد متولي بصي يا عاصي الحب ده حاجه فاشله ما تقدمش لقدام اسمع مني انا وهنا دي هي اللي بتحبك وهتسمع كلامك في اي حاجه انت عايزها وكمان هي من مستوى حلو وهتشرفك في كل مكان وفكر في اللي انا بقوله وابقى رد عليا رد عاصي حاضر يا جدي 

وخرج طلع شقه ابوه ودخل الاوضه بتاعته غير هدومه واخذ دش وخرج يفكر في كلام جده اما في بيت رقيه وصلت سلوى وجابر البيت وفرحوا منه وزياد وعبودي واتكلم زياد هي رقيه ما جتش ليه ردت سلوى هتيجي بس مش دلوقتي اتغديتوا ولا لسه رد عبودي لا كنا المهم انتي جبتي لي لعب ولا لا وحاجه حلوه 

رده سلوى اكيد يا حبيبي وادته الشنطه بتاعته وبصت لاولادها وقالت لهم انا داخله ارتاح شويه ودخلت الاوضه وهي خايفه من مواجهتهم لما يعرفوا الحقيقه بس اللي مخليها مرتاحه شويه ان رقيه عرفت كل حاجه وهتساعدها

يتبع