رواية في عشقها هلاكي بقلم زهرة الربيع
رواية في عشقها هلاكي الفصل الثامن والعشرون28 بقلم زهرة الربيع
انت بتقول ايه يا ماهر عمي اتخطف ازاي ..والامن والحراسه كنتو فين كلكم
رد عليها بقلق وقال....سيادتك كانو معاه والله بس الكاميرات اظهرت عربيه راكبين فيها جماعه لابسين اقنعة اكسجين على وشوشهم وفجروا ماده غريبه عملت اختناق لكل اللي في المنطقه وسحبو الباشا وطلعوا بسرعه
روعه قالت بتوتر...طيب...طيب انا جايه حالا...متعملش اي حاجه من دماغك
وقفلت معاه ولسه هتتحرك مختار مسك ايدها بقوه وقال بقلق ..رايحه فين انتي اتجننتي ...ما انتي عارفه ان عزيز اصلا عمل كده علشان يجيبك
روعه قالت بقلق...مفيش قدامي حل يا مختار مش هأمن نفسي على حساب عمي
بس مختار مقبلش يسيبها ومسكها من دراعاتها الاتنين وقال بخوف شديد..لا لا مش هسيبك تروحيله...مش هخسرك بعد كل ده..... انا ماصدقت بقينا سوا
روعه اتجمعت الدموع في عيونها وقالت بحزن ...بس احنا مبقيناش سوا يا مختار ...وجودنا هنا وضع مؤقت ومسيره هيجي يوم ونفترق ..ولازم نبقى عارفين ده كويس
مختار حضن وشها باديه وقال برجاء...انا مش عايز من الدنيا دي كلها غير اني ابقى معاكي ..ارجوكي فكري علشاني
روعه نزلت دموعها وقالت باسف....حقك عليا بس مش هقدر ...عمي هو اللي رباني من بعد وفاة امي وابويا ....هو في مكانة والدي ورئيس شغلي وفرد من اللي اقسمت احميهم لو بروحي ...متصعبهاش عليا ارجوك....اشوف وشك بخير
قالت كده ودخلت البيت ومختار وقعت دموعه على وشه وقلبه بيدق بقوه ومش قادر يتخيل اللي هيحصلها بعد ما عزيز عرف انها هيه البنت اللي عايزها
روعه دخلت بسرعه وسحبت موبايلها ومفاتيح عربيتها وقالت....فايز متتحركوش من هنا ..محدش يطلع خالص لحد ما تجيلكم مكالمه مني او من ماهر
فايز وقف وقال بقلق...فيه ايه...حصلت حاجه جديده
روعه مرضيتش تقوله علشان ميقلقش وعلشان ميعطلهاش قالت بقلق...مفيش يا فايز بس لازم ارجع فيه مشاكل في الشغل
مختار دخل البيت وقال بغضب..كدابه ...عمك اتخطف وهيه رايحه تسلم نفسها للعصابه علشان تطلعه
روعه بصتله بغيظ وفايز اتسعت عنيه بذهول وقال بخضه...ايه...عمي...ازاي ده حصل ....وانتي ازاي عايزه تعملي كده مستحيل اسيبك تروحي
روعه اتنهدت وقالت...انا معنديش وقت يا جماعه ارجوكم اهدو ده شعلي وانا هتصرف وهكون بخير لو سمحتوا متصعبوش الامور
نسيم قالت بقلق.. بس هما معاهم حق يا روعه....خطر جدا تروحي هناك بعد كل اللي حكيتيه
حمزه قال...طب اهدي ياروعه ومتاخديش قرار باندفاع اكيد فيه حل وسط
روعه ابتسمت بحب لان الجميع مهتم لامرها وخايف عليها وقالت بابتسامه ...اشوف وشكم بخير....خليكم دايما سوا
وطلعت جري ومختار وفايز جريو وراها بس كانت اسرع منهم وركبت العربيه وهما مسكوا في ابواب العربيه علشان يوقفوها بس طلعت بسرعه رهيبه
مختار بص لعربيتها اللي بتبعد بدموع وفايز قعد على عتبة البيت واديه على دماغه
بس مختار منتظرش دقيقه حتى و قال بسرعه..يلا بينا نلحقها...اكيد مش هنقعد هنا زي الولايا ونسيبها تجرالها حاجه
فايز قال بدموع...هنعمل ايه ...احنا حتى منعرفش هتروح على فين
مختار قال بغضب...بس انا عارف.... وعارف كل الاماكن بتاعة الكلاب دول ...وتقريبا متوقع حطو عمك فين واكيد هياخدوها على هناك...يلا بينا بسرعه هناخد عربيه حمزه
حمزه خرج هو ونسيم وقال.....وانا هاجي معاكم ....عايز ابقى معاك مش هقدر اسيبك
مختار قال بقلق....خليك بعيد عن الموضوع ده...وبعدين هتسيب نسيم هنا لوحدها
نسيم قالت بسرعه..لا انا هرجع معاكم
حمزه اتنهد وقال...احنا كده كده هنرجع..... نسيم خايفه على اهلها واصلا مش هينفع نتخبى ونهرب اكتر من كده ....لازم اوجه جوزها تحت اي ضغط
نسيم بصتله بخوف وهو قال....ارجوكي اديني فرصه ومتقلقيش عليا ...مش هيجرالي حاجه
نسيم هزت راسها بالموافقه بتوتر علشان الموقف اللي هما فيه ومختار كان هيرفض وجود حمزه معاه بس مكانش قدامه وقت قال...اركبوا بسرعه
و طلعوا كلهم في العربيه ومختار ساق باقصى سرعه على المكان اللي عزيز متعود يحط فيه رهاينه
و لما قربوا يوصلوا حمزه قال لمختار ...معاك تليفون
مختار اتنهد وقال .... روعه اخدته
فايز قال بتوتر... انا معايا
حمزه ابتسم وقال...طيب عن اذنك مكالمه
وعمل مكالمه وقال...ايوه انا حمزه ....عايزك ضروري تعاليلي المحطه... ايوه نفس المحطه بسرعه لو سمحتي
مختار قال باستغراب...كلمت مين
حمزه قال بهدوء...واحده اعرفها هتاخد نسيم عندها.... مينفعش تيجي معانا
مختار قال ..برافو عليك صح كده...كمان لو تنزل انت وفايز معاهم تبقوا ريحتوني والله
فايز قال بسرعه...انا رايح اطمن على اختي يعني رايح
حمزه ضحك بخفه وقال..وانا رايح اطمن على اخويا يعني رايح
مختار اتنهد بياس منهم وكان متأكد الكلام مش هيجيب معاهم نتيجه
نسيم ميلت على حمزه وقالت بدموع...خليني اروح معاك...ارجوك قلبي هيموتني من دلوقت من الخوف
حمزه ابتسم لها وقال...متخافيش ابدا انا هبعتك مع واحده امان وثقه ...وحتى جوزك ميعرفش اننا رجعنا اصلا
نسيم قالت بسرعه وبدون تفكير...... انا خايفه عليك انت مش على نفسي
حمزه ابتسم وبقى يبصلها بحب وقال....كوني بخير وانا هبقى في احسن حال صدقيني
نسيم اتنهدت بحزن وبقت تدعيله في سرها وتدعيلهم كلهم ربنا يرجعهم بامان
بعد شويه وصلوا المحطه اللي وصفها في التليفون ونزل حمزه ونسيم من العربيه
بس نسيم اتصدمت بشده لما لقت نجوى هيه اللي مستنياه بصت لحمزه وقالت بذهول....هيه دي اللي كلمتها ...هيه دي الثقه
بقلم...زهرة الربيع
عند روعه كانت وصلت القصر بتاع عزيز
ونزلت بتوتر ووقفت على البوابه وقالت بصوت عالي.... عزيز ...اطلع يا عزيز
بس الحراس وقفوا قدامها ومنعوها تدخل وقالوا..نعم...عزيز بيه مش موجود
روعه رفعت سلاحها في وشه وقالت بغضب...روح قوله اني عيزاه ..ولما يعرف اني هنا هيبقى موجود
الحارس بقى يماطل معاها في الكلام وهيه حست بكده وحست بحد وراها ولسه هتلتفت الشخص الي وراها حط منديل مخدر على انفها وبقها وفضل ماسكها بقوه رغم مقاومتها لحد ما اغمى عليها
هنا طلع عزيز من البيت وقال بسخريه.... هتوهالي على الكهف ....وكل اللي نفسه يتسلى شويه يحصلنا اهو نطلع منها بفايده قبل حكم الاعدام
رامي قال بسرعه...... انا اول متبرع
والرجاله ضحكوا كلهم وشالوها وخدوها على مزرعه بعيده جدا عن القصر ..ده المكان اللي عزيز بيقول عليه الكهف لان اللي بيروح هناك مبيخرجش تاني
عند حمزه بص لنسيم و قال ....انا عارف انك زعلانه منها على الي قالته....... بس هيه طيبه جدا واهم من الطيبه هيه ثقه ولا يمكن تخون
نسيم اتنهدت بغيظ ولسه هتتكلم بس نجوى قربت منهم وبصت لحمزه وقالت بضيق...حمد الله على السلامه....كويس انك افتكرتنا والله
حمزه قال بابتسامه..ازيك يا نجوى اخبارك ايه
نجوى قالت بضيق....امم..انا تمام ....وانت....
وبصت لنسيم من فوق لتحت وقالت بسخريه......اكيد تمام طبعا
حمزه حمحم و قال بجديه....نجوى انا معايا مشوار مهم جدا ومش هينفع اخد نسيم معايا ...ومعرفش اي حد اثق فيه غيرك....هينفع تخليها معاكي وهتكوني قد ثقتي دي ولا هتصدميني زي موضوع حملها
نجوى بلعت ريقها ونزلت عيونها بكسوف وقالت...هيه قالتلك
....والله يا حمزه انا قولت كده علشانك ..علشان تنساها لان وقتها كنت فاكره ان المدام مستحيل تسيب جوزها فكنت عايزه.....
حمزه قاطعها وقال. ...مش مهم .....مش مستني تبرير دلوقت..انا محتاج اسيبها معاكي ...ينفع
هزت راسها بالموافقه وقالت..... اكيد طبعا...تنورني...اي حد من طرفك على راسي مين ما كان
نسيم كانت واقفه تسمعهم بغيظ وابتسامة خنقه بس ساكته مش بتتكلم علشان الموقف اللي هما فيه كان اكبر من الامور دي
حمزه قال بابتسامه....شكرا يا نجوى انا كنت متاكد انك مش هترفضي
وبص لنسيم وقال....اشوف وشك بخير
نسيم بصتله بحزن وقالت...خلي بالك من نفسك ارجوك
حمزه لسه هيرد مختار ضرب تلاكس وقال بزعيق..... لا نخلص بقى ها نخلص
حمزه هز راسه بالموافقه وقال ......جاي
وبص لنجوى وقال بتردد....انتي اكيد مش هتخذليني يا نجوى
نجوى ابتسمت وقالت ....اطمن يا حمزه انت عارفني كويس
حمزه ابتسم ومشي ركب العربيه معاهم وهو كل شويه يبص وراه على نسيم وقلقان جدا بس مكانش ينفع ياخدها معاه تحت اي ضغط
اول ما ركب العربيه مختار قال ...انت متاكد انك واثق في البيت الصفرا دي
حمزه قال بتردد...نجوى..اه طبعا ...انت هتقلقني ليه انا اعرف نجوى من اكتر من تمن سنين يعني ثقه والا مكنتش اسبها معاها
مختار ابتسم بسخريه وقال..لا كده طمنتني ..ياخوفي تطلع ثقه زي بابا غانم
حمزه قال بضيق...ما خلاص بقى يا مختار هتفضل ماسكهالي لامتى يعني
مختار اتنهد وقال...سكت ...اصلا لا فايقلك ولا فايقلها ولا فايق لنفسي
وطلع بالعربيه بسرعه علشان يلحق روعه
اما نجوى بصت لنسيم وقالت بخنقه.....اتفضلي معايا ...ضيوف حمزه هما ضيوفي
ومشيت قدامها ونسيم مشيت وراها وهيه بتقلد كلامها بهمس وبتحرك اديها بغيظ يضحك
عند روعه فاقت من التخدير لقت نفسها مرميه على الارض وفيه صوت تعرفه بيكلمها وبيقول..روعه روعه سمعاني يا بنتي
روعه فتحت عيونها كويس وشافت عمها مربوط ومرمي على الارض قربت منه بلهفه وقالت...عمي عمي انت كويس
عمها قال بدموع...لا لا مش كويس..... ايه اللي جابك يا بنتي ليه..ليه يا غبيه
روعه بقت تحاول تفكه وهيه بتقول..انت بتقول ايه يا عمي انت متخيل اني هقدر اسيبك هنا
عمها قال بغضب...لا ناصحه متسبنيش هنا.... تعالي اتحبسي ويايا
روعه اتنهدت وقالت..اهدى انت بس.. اكيد هحلها....هنطلع ان شاء الله
ووقفت وبقت تبص للمكان يمين وشمال تدور على جزء مفتوح بس كان متقفل كويس
في الوقت ده دخل عزيز ورامي ورجالتهم
روعه رجعت لورا بقلق وعزيز بصلها بابتسامه تخوف وقال ....اهلا بحضرة الرائد روعه الجندي ....وانا اقول ازاي قدرتي تلعبي عليا كل ده......اتاري ضهرك محمي وعمو بيظبطلك الدنيا من بعيد
روعه قالت بارتباك...اللي انت بتعمله ده يوديك ورا الشمس...انت بتغلط غلطة عمرك
عزيز قال بسخريه ...عارف .....وعارف انكم لو خرجتو من هنا هنتهي انا وابني.....علشان كده هتاكد كويس ان روحكم تروح للي خلقها هنا ...ومش هسيبك تفلتي زي المره اللي فاتت ولا انتي ولا عمك...انا مش هاسيبكم هنا وافضل اهدد واهدد واطفي السجاير في قفاكم واضحك ضحكة الشر زي بتوع الافلام انا هخلص عليكم على طول بس فيه معلومه مينفعش تموتي غير لما اعرفها....ازاي انتي نفس البنت اللي كانت عندي ....ازاي دماغي هتشت
روعه حست بان فيه قدامها وقت تماطل معاه فحاولت تحسبها صح وقالت بثقه مصتنعه...وتفتكر اني هقولك ...مستحيل اقولك طبعا...هموت من غير ما تعرف ...ويمكن كمان مكنش نفس البنت واكون انا اللي بوجها وهيه لسه عايشه وفي امان معايا
عزيز اتسعت عنيه يزهول لما قالت كده ومبقاش عارف يتأكد ازاي اذا هيه نفسها او لا
بقلم....زهرة الربيع
عند مختار بره وصل عند المزرعه وقال....... انا متاكد هيكونو هنا....لما كنت شغال مع عزيز كان اما يحب يقتل شخص بيجيبه هنا...يعني لو هيقتلهم انهارده يبقو اكيد هنا
حمزه وفايز قالوا بصدمه وصوت واحد .....ايه ....يقتلهم
مختار قال بخنقه وتريقه...لا ياجماعه متفولوش عليهم ...هو بس عايز يلعب كوره والفريق بتاعه ناقص علشان كده استعان بيهم
وبصلهم بغضب وقال ....طبعا هيقتلهم امال خطفهم ليه ..انتو جايين تتصدمولي هنا هو انا ناقص
فايز قال برعب..لا لا يا مختار اتصرف ارجوك اتكلم معاهم ولا اعمل اي حاجه
مختار اتنهد وقال...انتو خليكم هنا في العربيه وانا هنزل الف حوالين المكان واشوف ايه اللي ممكن اعمله
فايز وحمزه قالو سوا ....لا طبعا هننزل معاك
مختار قال بزعيق....لا مش هينفع احنا التلاته هنلفت النظر ...انما انا ليا دخله معاهم..... خليكو هنا علشان لو اتأخرنا تحاولو تعملو حاجه ....ولو اني اشك انكم تفلحو في اي حاجه
ونزل مختار واتسلل للمكان وشاف رجالة عزيز حوالين المزرعه حتى الحرس الخاص بعزيز كانو هناك..... وفي الوقت ده اتاكد ان روعه اكيد جوه وعزيز جاي بنفسه يخلص عليها
عند نسيم كانت قاعده في الصاله عند نجوى وبتهز رجلها بتوتر وقلق ومفيش على لسانها غير استر يارب .....يارب كون معاهم
نجوى ناولتها مج كوفي وقالت باستغراب ...فيه ايه ....ليه متوتره كده....هو حمزه رايح فين
نسيم اخدت منها المج وحطته على الطاوله وقالت..لا ابدا مفيش..هو..هو بس قالي انه مشوار مهم علشان كده بقول ربنا يكون معاهم
نجوى قالت بسخريه...وتفتكري ربنا هيستجيب من واحده ذيك
نسيم بصتلها بدهشه ونجوى قالت....سوري يعني انا مقصدش اضايقك.... بس يعني بقالك اسبوعين مع راجل غريب لوحدكم والله اعلم ايه اللي بيحصل بينكم ....حتى مفكرتيش في جوزك الغلبان شكله هيقى ايه لما الناس تعرف...وبعد كل ده بتدعي ومستنيه استجابه
نسيم اخدت نفس عميق وحاولت تهدى وقالت.....بالنسبالي ربنا رحمتة وسعت كل شئ وعادي جدا يستجيب لاي بشر طالما مأشركش بيه....اما بقى بالنسبه لجوزي وحمزه فانا مش هريحك واشرحلك اللي حصل..... او ابررلك موقفي وكاني متهمه...بس هقولك الجزء المفيد...دي حياتي الشخصيه معتقدش تخصك في حاجه....يعني ريحي نفسك
نجوى حست ان دماغها هتطير من الغضب ورد نسيم استفزها جدا وقالت....حمزه يخصني وقولتلك قبل كده
نسيم قالت بضيق....تمام قوليله هو الكلام ده بقى....روحي و قوليله يا حمزه انت تخصني ...ومتوجعليش دماغي....وعن اذنك انا همدد على الكنبه هنا حابه انام شويه
نجوى اتنهدت وحاولت تهدى وبقت تشرب الكوفي بتاعها بغيظ شديد
نسيم كمان بصت بعيد عنها وهيه بتفكر في حمزه وخايفه عليهم جدا ولسه هتنام اتنفضت لما سمعت جرس الباب قالت بقلق...مين اللي جاي دلوقت
نجوى قالت بسخريه...ده بتاع المكوى متتخضيش كده
وراحت فتحت الباب وكان جمال واقف وشر الدنيا كله في عيونه وقال بصوت بيحاول يخليه هادي...هيه فين
نجوى قالت بصوت واطي....جوه ....بس زي ما اتفقنا مش عايزه مشاكل في العماره وووووو
طلعت ثقه زي عمو غانم 😂😂