رواية مهرة الاسد الفصل التاسع والعشرون29 بقلم اميرة خالد

وعدى اسبوع والاجواء زي ما هي واسد نزل الشغل وهو تفكيره في كلام ناهد ان مهره لسه عايشه بس هو متلخبط ازاي عايشه والدبله اللي اديها لها كانت لابساها الجثه ودماغه فيها الف سؤال وسؤال 

اما مهره دقت اول مسمار في نعش حسن وعرفت من عمار اللي عمله اسد مع مروه وناهد اما مازن لسه مكمل في الخطه بتاعه مهره 

صحي اسد من النوم وبص في الساعه ولقاها الساعه 8:00 الصبح قام دخل الحمام اخذ دش وخرج لبس هدومه ونزل ندهت عليه زينب تعالى يا حبيبي عشان تفطر الرد اسد معلش يا ستي ورايا كم مشوار كده واخلصهم ردت زينب طب عشان خاطري تعالى بس كله لقمه بسيطه وامشي مش هقول لك حاجه 

رد اسد حاضر يا ستي ودخل اقعد على السفره والكل حزين عليه وامه قلبها وجعها على اسد اللي شكله اتغير ودقنه اللي كبرت والسواد اللي تحت عينه مش ده اسد بتاع زمان وحطيت له زينب كوبايه اللبن مسك اول لقمه وافتكر مهره واللي كانت بتعمله معاه ساعه الفطار وهم في الاوتيل وابتسم بعد كده حس ان هي مش جنبه عيني دمعاك وقام وساب الاكل ومشي 

واتكلمت امه بعياط مش ده اسد بتاع زمان انا قلبي بيتقطع عليه ابني رد يحيى معلش فتره وهتعدي وهينسى ردت عليه هينسى ازاي وهو قلبه وجعه على مراته اللي مش عارفين هي فين كل ده كانت زينب سمعاه وقلبها وجعها على اسد وبصت لعمار وعمار هزلها راسه 

كلم عمار يلا يا ولاد كلوا خلينا نخلص اللي ورانا اما في امريكا مهره كانت قاعده مستنيه الاجراءات اللي هتحصل بعد ما بعتت الفلاشه لمكتب المحقق واتصلت بمازن وقالت له خلي المحامي يشوف مع المحقق ايه اللي هيحصل رد مازن حاضر وقفل معاها 

اما في فيله حسن كان بيتكلم مع حاتم او بيقول له احنا بعد ما نخلص الصفقه ديت نبيع كل حاجه ونسافر رد حاتم ليه ما مهره خلاص بعتت وكل حاجه بقت بتاعتنا رد حسن ما تبقاش اهبل مهره اصلا مختفيه يعني احنا ما نعرفش هي فين ولو ظهرت احنا كده هنتاذي عشان كده بقول لك احنا هنخلص الصفقه دي ونسافر على طول 

رد حاتم حاضر والصفقه دي هتخلص امتى رد حسن بالليل رد حاتم وانت هتروح بنفسك رد حسن لا انت اللي هتروح وتخلص رد حاتم ماشي خرج حاتم بالعربيه وحسن كان قاعد وهو بيقول كده تبقى ضربه معلم واكون خدت كل حاجه منك ومن بنتك وفضل يضحك 

اما عند مهره كانت سمع الكلام واتصلت بمازن وقالت له العمليه بكره بالليل قول  المحقق بمعرفتك رد مازن حاضر واقفل معاها اما اسد كان قاعد على القهوه مع حسين واتكلم حسين هتعمل ايه مع البنت دي رد اسد مش عارف قال له ازاي انت سايبها كل ده ليه دي ممكن تموت فيها 

رد اسد خلاص هات لها اثنين ستات يدوها علقه وبعد كده ارميها قدام اي مستشفى رد حسين طيب اقوم انا بقى اشوف اللي ورايا ايه رد اسد طيب وماسك التليفون واتصل على مازن ورد عليه وقال له ايه مازن عامل ايه قال له انا الحمد لله خير يا اسد في حاجه ولا ايه 

رد اسد عرفت ان الجثه دي مش جثه مهره اتصدمت مازن وفضل ساكت وكمل اسد الكلام وان احنا اتخدعنا رد مازن بتوتر ازاي وحكى له كل اللي عرفه رد مازن طيب اقفل وانا هكلم المحقق وافهم منه ازاي الكلام ده وازاي التحليل يطلع ايجابي 

رد اسد طيب انا كمان هاجي لك كمان يومين بس اضبط اموري هنا رد مازن طيب يا اسد و قفل معاه واتصل مازن بمهره وحكلها كل الاسد قالوا ردت مهره بسخريه هو لسه فايق لنفسه دلوقتي رد مازن يعني انتي عارفه اللي حصل قالت له اكيد جدي حكى لي كل حاجه رد مازن طب هو عايز يجي كمان يومين 

قالت له لا كلمه بعد ساعتين وقول له المحقق هيدور في الموضوع ولو في حاجه جديده هتصل بيك واقول لك تعالى عشان وجودك دلوقتي ما لهوش لازمه رد مازن حاضر وقفل معاها  

مهره كانت قاعده على السرير وبتضحك بسخريه وبتقول والله كويس يا اسد ان انت حاسس بتانيب بالضمير بس انا هربيك الاول قبل ما ارجع لك ما انا مستحيل اربي عيالي من غير اب وفتحت التليفون بتاعها وشافت الصور بتاعه شهر العسل بتاعهم وابتسمت 

وتليفونها رن وكان عمار وردت عليه ازيك يا جدو رد عمار انا كويس بس اسد مش كويس ردت مهره ازاي يعني رد عليها اتغير ما بقاش ياكل ولا يشرب ودقنه كبرت وعينيه تحتيها سواد من قله النوم ردت مهره طب يا جدي انا ما اقدرش اظهر دلوقتي سيبه كمان يومين وانا صدقني اول ما اخلص هاجي لكم على طول انا وبابا 

رد عمار طب يا حبيبتي بس انا حبيت اقول لك عشان هو صعبان عليا رديت عليه حاضر وقفلت معاه وحطت ايديها على بطنها ونامت مهره اما في القاهره اسد كان لسه في الشغل واتكلم عمرو يلا يا اسد نروح رد عليه لا روح انت انا عايزه اخلص الشغل قبل ما اسافر رد عمرو يا ابني انت مهمل في نفسك وفي عيالك وكده غلط 

رد اسد انا مش هرتاح غير لما الاقي مهره رد عمرو ماشي انا معاك بس عيالك ذنبهم ايه العيال بقت بتخاف منك من ساعه ما شاف امهم وهي بتضرب حزن اسد وقال له طب انا اعمل ايه رد عمرو هقول لك خدهم واطلع بيهم رحله رد يا اسد طيب اخلص الشغل بقى عشان اعرف اخرج معاهم بكره 

رد عمرو لا ومروح ارتاح وانا هبقى اخلص الشغل ده بكره رد اسد طيب وخرج معاه وراكب العربيه وقالوا اتصال من مازن ورد عليه ومازن قال له كل الكلام اللي مهره قالته رد اسد طيب ابقى اتصل بيه لو في جديد وانا هاجي لك رد مازن طيب واقفل معاه 

وبعد وقت صغير وصلوا البيت ودخل اسد واول ما زين شافه جري ورا زينب حزن اسد وقرب منه وقال له تعالى يا زين ما تخافش يا حبيبي مش انا بابا اللي بيحبك سكت زين ما ردش قال له تعالى بس ما تخافش وممد ايده و زين مسك ايده وهو خايف وحضنه اسد ومشى ايده على ظهره 

وبيقول له وحشني حضنك قوي يا زين عيطت زينب هي والحريم واتكلم اسد بمرح ايه رايك اخذك انت واخوك ونروح بكره الملاهي فرح زين وقال له طيب قال له طيب يا حبيبي يلا عشان نتغدى سوا فرح زين وقال له طيب 

واتكلم اسد في غداء يا امي ردت عليه ثواني والاكل يكون جاهز وحضروا الحريم الغداء والكل كان فرحان برجوع اسد شويه ليهم وقاعدين  زين واخوه على رجلك وبدا اكلهم ويضحك معاهم وبعد وقت قال لهم احنا هنطلع ننام عشان ورانا يوم طويل بكره رد عمار قالت لها يا حبيبي واخذ ولاده وطلع ودخل الشقه بتاعه امه ودخل الاوضه نام فيها واخد عياله في حضنه 

وبعد وقت في امريكا صحيت مهره بنشاط دخلت الحمام خدت شاور وخرجت سرحت شعرها ولبست بيجامه ونزلت تعمل كيكه هي في المطبخ كانت بتغني لام كلثوم ووالدها شافها قال لها صباح الورد على عيونك الجميل ردد مهره بسعاده صباح النور يا بابا وراحت حضنته 



قال لها النشاط ده كله رديت عليه ما فيش صاحيه نفسي اكل كيكه بالشوكولاته فقلت انزل اعملها احسن واشرب شاي بلبن ضحك عليها وقالت له بتضحك على ايه قال لها اصل ما فيش فكرتيني بليلى لما كانت حامل فيك برده كانت بتحب الكيكه والشاي بلبن 

ردت مهره بجد يا بابا قال لها ايوه يا حبيبتي وانا ما بحبهاش وكانت تغصب عليا ان لازم اكلها معاها تقول لي هو انا حامل لوحدي لازم انت تساعدني ضحكه مهره وقالت له ماما دي كانت عسل خالص رد عليها الله يرحمها ردت مهره خلاص يا بابا كل حاجه هتخلص النهارده وهنرجع لحياتنا الطبيعيه 

رد عليها يعني انتي بعتي كل حاجه ردت مهره اه الحمد لله بمساعده كريم وعصام رد عليها ازاي قالت له كريم اتصل بيا وكان عايز يعرف حكايتي ايه وانا حكيت له كل حاجه حصلت وهو حب يساعدني 

وحكى لها عصام هو اللي جاب لي المحقق وكمان الناس اللي كانت بتراقب حسن وحاتم غير ده كله هو اللي جاب لي المشتري وعرفه انه هيستلم بعد اسبوعين من تاريخ البيع وطبعا انا بعثت الفلوس كلها على بنك في مصر عشان ننزل نبدا شغل هناك كفايه غربه 

رد عليها انا كان نفسي اعمل كده من زمان بس كنت خايف ان هم ياخذوك مني وانت احلى حاجه حصلت في حياتي ردت مهره ما تخافش يا بابا كل حاجه هترجع لاصلها وبقول لك ايه يلا بقى عشان نفطر قال لها طب وانتي عملت كيكه حتى بالفانيليا ردت عليه ابدا لازم تاكلها معايا بالشوكولاته هو انا هبقى حامل لوحدي ضحكوا الاثنين 

وبعد وقت فيله حسن صحي من النوم ونزل راح الشركه وهو مطمن ان كل حاجه هتخلص 

اما في القاهره كان عمار قاعد بيصلي قيام الليل وبيدعي ربنا اني ينجي حفيدته وبعد ما اخلص صلاه جات زينب وقالت له حراما قال لها جمعا ان شاء الله ردت زينب كلمت مهره يا عمار رد عليها ايوه وهي قالت لي خلصت كل حاجه وهتيجي كمان يومين 

رده زينب طب يا عمار هنعمل ايه لما اسد يعرف ان احنا كنا عارفين انها عايشه رد عمار هنعمل ايه يعني مش شايفه الخطر اللي هي كانت فيه وكان لازم يحصل كده ردت زينب بس هو جوزها وكان لازم يقف من الاول 

رد عمار مهره مش بنت عاديه ده في سن صغير قدرت توقف شركه والدها على رجلها غير كل ده هي ما بتعرفش تعتمد على حد وهي اللي بانت نفسها بنفسها عايزاها ازاي تحتاج لاسد ردت زينب مهما كانت الست قويه بتحب دايما يكون جوزها جنبها وسندها 

رد عمار اسد غلط كتير مع مهره وما ينفعش كنت اقول له ما تنسيش ان هي قبل ما تسافر قالت لي ان هي عايزه تطلق وما اعرفش السبب ايه ردت زينب كله هيبان وربنا يستر من اللي جاي رده عمار ادعي بس لحفيدتك تيجي بالسلامه بعد كده ربنا يحلها من عنده ردت زينب يا رب 

اما عند اسد كان صحي من النوم على كابوس شاف مهره متربطه في الكرسي ومش عارفه تقوم من عليه وعلى طول بتنده له وهو كل ما يقرب الكرسي يبعد بيها لغايه ما اختفت 

وسمع صوت الاذان الفجر ودخل الحمام اتوضا ولبس جلابيه ونزل عشان يصلي في الجامع واقابل جدو وابوه وعمه رايحين الجامعه ورد جده رايح فين يا اسد قال له رايح اصلي في الجامع رد عمار يلا بينا كلنا نروح 



اما في امريكا مهره كانت قاعده مستنيه اتصال من مازن انه كل حاجه خلصت اما حسن اتكلم في التليفون مع ابنه وقال له خلص الصفقه وتعالى بسرعه رد حاتم حاضر استنى مني تليفون رد حسن ماشي وقفل معاه وهو قاعد 

اما عند حاتم كان في المينا بيستلم الشحنه وبيحطها في العربيات بتاعه المشتري وفجاه ظهرت البوليس وقالت كله يرفع ايده لفوق اما المشتري ما عجبهوش الكلام وبدا يضرب نار على البوليس وحاتم كان بيهرب ناحيه العربيه والمشتري شافه وقال اكيد دي خيانه وهو اللي مسلمنا البوليس 

وبص لدراع اليمين وقال له خلص عليه قال له حاضر وجري ورا حاتم وحاتم كان دور العربيه ومشي بيها والشخص ده رفع المسدس وضرب على خزان العربيه وفرقعت وراح حاتم في جشع ابوه 

اما البوليس كان اكتر من العصابه وقبض عليهم كلهم وراحوا اما حسن كان قاعد قلقان وفجاه جرس الباب رن وراحت الخادمه عشان تفتح ولقت البوليس ودخل البوليس وقال له مستر حسن انت مقبوض عليك 

رد حسن ليه انا ما عملتش حاجه رد المحقق لا عملت كنت بتدخل شحنات ممنوعه غير تورطك في قتل اخوك وبنته رد حسن انا ما عملتش حاجه وشاور المحقق للعساكر ومسكه حسن خرجوا بي وركبوه عربيه البوليس 

اما مهره جالها اتصال من مازن وقال لها المحقق كان لسه مكلمني وقال لي ان حسن قبض عليه وان حاتم مات اتصدمت مهره ودمعت عينيها حزنا على شاب راح بسبب جشع ابوه واتكلمت ماشي يا مازن قل لي المحقق ان انا عايزه اقابل حسن رد مازن حاضر وقفل معاها 

وهي فضلت تعيط حزنا على عمها وابن عمها وقالت نفسها يبقوا عيله مش عينيهم على الفلوس وخرج والدها وقال لها مالك يا مهره اترمت في حضنه وهي بتحكي له و عينيه دمعت على موت ابن اخوه اللي ما لهوش ذنب غير ابوه طماع ما بيحبش غير نفسه 

قال لها ما تزعليش يا مهره انتي ما لكيش ذنب ابوه هو السبب ردت عليه انا كان نفسي نبقى عيله وهو يحبني انا نفسي افهم هو كان كرهنا ليه رد عليها انا مش عارف بس ربنا يسامحه ويصبره على فراق ابنه 

وعدى يومين وناهد دخلت المستشفى وعندها كسور في جسمها 

اما مروه قاعده في بيت اخوها ومراته بتذلها وبتخدمهم 

اما اسد علاقته بقت قويه باولاده ومستني اي جديد في موضوع مهره 

اما حسن لما عرف ان حاتم مات جات له جلطه ودخل المستشفى ومستني حكم المحكمه عليك

اما مهره عملت ورق جديد باسمها وباسم والدها عشان يسافروا مصر ومعاهم مازن وجوليا ومهره شكرت كريم وعصام على وقفهم جنبها 

وصحيت مهره من النوم ودخلت الحمام اخذت شاور ولبست وخرجت واتكلم والدها رايحه فين يا مهره قالت له عندي مشوار كده وهرجع لك على المطار رد عليها طب يا حبيبتي ما تتاخريش خذي السواق معاكي ردت مهره حاضر خلي بالك انت هتركب مع مازن رد عليها طيب يا حبيبتي 



وركبه العربيه وراحت على المستشفى اللي فيها حسن وبعد وقت وصلت ودخلت اوضته شافت حسن نايم على السرير وسالت الممرضه حالته وصلت لايه ردت عليها قالوا شلل نصفي واتكلمت الممرضه انتي تقربي للمريض رده مهره مجرد معرفه ممكن تسيبيني 10 دقائق 

رده الممرضه حسنا وخرجت الممرضه ومهره جابت كرسي وقعدت عليه جنب سريره و قربت منه وقالت له عمي حسن اصحى فتح عيني وبص قدامه شاف مهره واتصدم واتكلمت مهره كده ما ينفعش لسه الصدمه جايه قدام اهدى كده واسمعني 

رد حسن انتي عايشه يا مهره ضحكه مهره بسخريه اه عايشه ومش لوحدي اقول لك على المفاجاه استغرب حسن وقال لها مفاجاه ايه قالت له ان اخوك لسه عايش ما ماتش زي ما انا قلت اتصدم حسن ولا ازاي قالت لي ما انا كنت عارفه ان انت بتعمله مع الخدامه وان انت كنت بتخليها تحط لبابا في الاكل ولي انا كمان بس انا لحقت نفسي ولحقت بابا بس اللي ما لحقتهاش هي ماما عشان واحد جبان زيك حاقد على اخوه وعايز ياخد كل حاجه منه شفت ربنا عمل فيك ايه خلاك تشوف موتك ابنك 

سكه حسن ودموعه نازله واتكلمت مهره في سؤال محير انت ليه عملت ده كله كنت عايز فلوس كنت قلت لك كنت اديتك اللي انت عايزه بس ليه خططت الموت امي وابويا وموت يعني كمان ساكت حسن وما ردش ردت مهره مش عايز ترد عليا 

اتكلم حسن ابوك السبب كل حاجه كنت بحبها كان ياخدها اهو حتى الكليه اللي كان نفسي اخشها هو دخلها كان مميز عند ابويا وامي كل العيله كانوا يقولوا لي شفت محمد عمل ايه شفت محمد سوا ايه وما حدش فاكر حسن اكنه ولا ليه قيمه في الدنيا وبعد ده كله لما انا حبيت واحده طلعت مش بتحبني بتحب ابوكي ويا ريتها على كده وبس بعد ما اتخطبت وقلت نسيته واول ما هو سافر وعرفت انه اتجوز امك راحت منتحره هو اللي خلاني اخسر حبيبتي 

رده مهره اديك قلت ما كانتش بتحبك كانت بتحبه هو وبرده يوم ما فكرت تتخطب اتخطبت لواحد غيرك ليه فكرت ان بابا هو السبب هو القلب مش عليه حاكم حب ده ما تحبش ده انت اللي كنت اناني ما بتبصش غير لنفسك اذا كان بابا اهل كانوا بيحبوه اكيد شافوا في حاجه ما شافوهاش فيك يمكن عشان انت اناني ما شافوش حنيتك انت لو كنت حنين على ابوك وامك كان زمانهم حبوك بس انت اخترت الطريق الغلط وعايزه اقول لك يا عمي شكرا على اللي عملته كله 

ضحك حسن وقال لها بس عارفه ايه اكثر حاجه مفرحاني بصيت له مهره ايه هي يا عمي رد عليها اني بعت كل املاكك وكتبتها باسم حاتم ضحكه مهره بسخريه وقالت له عايزه اقول لك ان انت ما لكش حاجه في الشركه ولا في الفلوس ولا في الاملاك عشان كل ده انا بعته قبل تاريخ وفاتي اللي انت حضرتك قلت عليه 

رد حسن ازاي قالت له بقى هسيبها لك تعرفها مع المحامين لما يجولك ولبست النظاره وخرجت من المستشفى 

وركبه العربيه وراحت على المطار وهناك شافت ابوها ومازن وجوليا وعصام وكريم وقربت منهم وشكرت عصام وكريم وقالت لهم انا مش عارفه كنت هرجع حق ازاي لولا مساعدتكم رد كريم ما فيش اي مشكله ولو احتجتي حاجه رقمي معاكي اتصلي في اي وقت 

ردت مهره شكرا وبصت لمازن ووالدها يلا عشان نركب الطياره وراحوا وبعد وقت صغير طلعت الطياره على القاهره المعز