رواية احفاد الرفاعي الفصل الثاني والثلاثون32 بقلم صباح صابر
دخل مراد فأتكلم فوزي: إيه يا مراد في حاجة
مراد: لا يا خالي بس جدي كان عاوزني
المحمدي: ايوة روح أنت يا فوزي و أنا هتصرف في موضوعك
قام فوزي: ماشي يا ابويا
قال كدة وخرج قعد مراد جمب المحمدي: موضوع إيه ده يا جدي
_ ده موضوع سخيف كان عايز مني مبلغ عشان في شقة عجباه
مراد بصله واترسم على وشه ابتسامة غبث: طب مقليش ليه كنت اديتهمله
_ لا أعمل نفسك اهبل ومتعرفش حاجة
هز رأسه و استغرب هو ليه بيكذب
_مراد سامعني
_ نعم يا جدي
_ كنت ناديك عشان تروح تطلق البت دي وتخلص
_ حاضر هروح على العصر أقعد مع جدها ونجيب المأذون ونطلق
_ماشي يا ابني
قام مراد: أنا هطلع
طلع مراد وهو طالع كان بيفكر مين شوقي ده لاقي شروق خارجه من الشقة
_عامل إيه يا مراد
_ كويس
ولسه هيكمل وقفته بسرعة: أنا عايزة أتكلم معاك
_ هو في كلام لسه هيتقال
_ مراد أنا أكتر واحدة أتظلمت في الموضوع ده طلع عليا كلام مش فيا و اطلقت و مكملتش يومين طلاق وأهلي بيفكروا ازاي تتجوزني كل اللي عايزة أقولهولك إنك بجد ظالم أهل أبوك والله هما طيبين جداً و بيحبوك والكلام اللي ماما قالته كان كله كذب و حاتم اللي عمله فيا ده بما دخل عليا الاوضه وسمع مكالمتي معاك ولما وجهني أنكرت كل ده و قولتله كلام سم و بعدها عمل كده بس مش عنف صدقيني و لما أهله عرفه الكل غلطه و أنا شتمتهم ومع ذالك ندأ عليا جدهم و رضوني تحت وخلوه حاتم يرضيني كل الكلام اللي ماما بتقوله عليهم ده كذب بجد أنا طول مانا قاعدة معاهم بتمني اني ياريت دي عائلتي بجد ابعد يا مراد سيبلهم كل حاجة وروح عيش معاهم كفاية أنك هتلاقي الحنان والحب اللي أتمنعت منه أنت وعايش هنا
ابتسم و هو وطالع أتكلم: علفكرة أنا عارف كل اللي قولتي ده و مرتاح هنا أكتر كفاية اني عايش مع ناس ملهومش علاقة في قتل أهلي
_ ولا هما ليهم مضيعش من عمرك أكثر من كدة
طلع ودخل شقة قفل الباب وراح نام على الكنبة حط إيده على جبينه و هو بيقيس حرارته و أفتكر إمبارح وهي بتقراء القران بكل حب و دموعها اللي كانت بتنزل بحزن على حالته ابتسم يمكن كانت أيام بسيطة بس عاش معاها تفاصيل حلوة وكانه كان عايش مع طفلة مدلله مكنش متخيل إني الطفل دي تطلع أكتر انسانة بتذي طب دخلت حياته ليه من الأول
مسح دمعه خانته ونزلت
😴😴😴😴😴😴😴
وصل صاحب الشخص ونزل من العربية واتكلم بخنقه واضحة: أنت كويس أهو يا سي زفت أمال بتزن عليا ليه
عيونه جات على محمود وزين وبعدها أخرس و عيونه وسعت بانت على وشه
صديقه هو وبيزعق: أنت لسه هتصدم ساعديني نحطهم في العربية
_ يا مجرم أنا عرفت أبويا بيقولي ليه ابعد عنك يا زبالة المجتمع نزلت من نظري خالص
_ أنت أهبل كنت مراتي عشان انزل في نظرك أنا ابن خالتك
_ أنت عملت فيهم كدة إزاي و بص يا مجرم أنت من النهاردة ولا أبن خالتي ولا اعرفك أنا اساسا معنديش خالات
ولسه هيمشي جري عليه ومسكه من دراعة: يا ابني ولا ولا اعرفهم حتي أنا كنت جيلك روحت شوفتهم و سعدهم وعاوز اوديهم المستشفى حتي التليفون بتاعه فصل ومش عارف اوصل لحد من اهله
حضنه بسرعه الشخص الثاني
_ أنا كنت متاكد إني مستحيل ابن خالتي يعمل كده
_ يا ندل ده أنت كنت هتسيبني وتمشي _ ما هو ده اللي المفروض يتعمل أنت كنت عايزني البس معاك المصيبة ولا ايه
_ طب يلا ساعدني ننقلهم للعربيه وبالفعل نقلوهم للعربية وراحوا على المستشفى بعد نص ساعة تقريباً وصلوا المستشفى خاص لاني دي أقرب مستشفي ليهم دخل الشخص بسرعة
_ لو سمحت معايا حالتين حرجين جداً محتاج حد يساعدني أننا ندخلهم
الممرضة ببرود: ممنوع يا فندم لازم تدقع علي الأقل نص مبلغ تكاليف
_ بقولك حالة حرجة واحد بينزف والتاني مغيب و أنتِ بتكلمي في فلوس ده ممكن يموتوا
_ يا فندم دي حاجة مش بأيدي ده سيستم المستشفى
بص لصديقه اللي أتكلم: إحنا منعرفهمش أساسا وساعدنهم أنتِ ممكن تدخليهم ولما أهلهم يجوا يدفعوا
_ يا فندم والله دي حاجة خارج ارادي وأكيد لو ينفع كنت دخلتهم
بص لصاحبة: هنعمل إيه
_ مش عارف بجد دي المستشفى الوحيدة اللي ظهرتلي على اللوكيشن
_ متحاول يعم تشوف تليفونه فتح ولا لا
_ مفتحش شاحن العربية بطئيه جداً والتليفون مكملش 5٪ لحد الان
سكتوا وبصوا لبعض
اتكلم الشخص اللي انقذهم من العربية: مفيش غير إني أحنا ندفع الفلوس اللي معانا
_ أنت عبيط نفترط دفعناهم وفي الآخر أهلهم طلعوا معهمش فلوسنا كده اضيع
_ أنت عارف يا مازن أنا لو مدفعتش الفلوس اللي معايا دي دلوقتي لناس اللي بره أمي وامك هيجبولنا عيش وحلاوة وابويا بدل مبينادي بحيوان هينادي بابن الحرام فاندفع أحسن وكمان الواد ده معاه تليفون ب90الف مش هيكون معاه 15الف بتوعنا
_ ويطلع في الآخر يحلتها عليه أقساط
_ قلبك طيب يا مازن أخلص العيال هتموت
_ماشي امري لله يا سي شادي
دفع شادي الفلوس ودخلوه محمود و زين المستشفى، محمود دخل غرفة الجراحة وبدوا الاول يعملوا صدمات كهرباء لانعاش القلب وفي الناحية التانية في غرفة كان زين موجودة بدأوة يعقموا الجروح وفي جروح كانت عميقة وبعدها بدوا يعملوا أشعة علي ايده رجله بعد معرفوه من شادي أنه مكنش قادر يتحرك
بعد ساعتين
كان واقف أنس وبيتكلم بضيق واضح
_ يعني إيه زين يخرج من الساعه 9 والساعة 3 دلوقتي ولسه مرجعش وميكلمش حد فينا وكمان قافل تليفون
سليم: اصبر ده أنا هطين عيشته على التوتر اللي عمله لينا من الصبح بص لعمر: عرفت تجيب رقم البت دي يا حاتم
عمر هو وبيقلب في اللابتوب بتاع زين: اهو بشوف
محمد: رن على معاذ شوفه عمل إيه عند الزفت اللي اسمه جمال
يحي: أنت إزاي كنت تعرف يا سليم إني محمود بيشرب ومقولتش ليا هو ده مش ابني
_ أنا كنت هتصرف
محمد بزعيق في سليم: ومعملتش حاجة غبيت ودريت زي مبدري حجات كتيره عليهم وإحنا في الآخر ندفع الثمن دلوقتي
روضة: يا جدو سليم ملوش ذنب كان عايز يعرف حضرتك بس أنا اللي رفض وغلط لما سيبت الأوضة مفتوحة كان المفروض أقفل الأوضة با المفتاح بس كنت فاكره إني هو ايفكر وأيعرف إني اللي بيعمله ده غلط ويرجع عن الطريق ده أنا آسفة بجد كان لازم من أول لحظة أكتشفت الموضوع أقولكم
مريم: يا حبيبتي أنتِ مالكيش ذنب و دلوقتي يجي هو وزين
محمد بضيق واضح: هما هيرجعوا وكل واحد لي حساب شديد معايا وأنت يا سليم متدخلش في اي حاجة تخص الشباب تاني
أنس: سليم يا جدو بيحسبنا على كل غلطه ومش بيشجعنا زي منتا فاكر يا العكس هو أخ كبير بينصح مش بيقف معانا
معتز: تعرف تسكت يا أنس فادنا في إيه غير إني انتوا بتعملوا المصايب وهو يبقي الحنين اللي بيسمع وبينصح ابن عمك بقا يتعطاء المخدرات فاهم يعني إيه
يحي: أنا الغلط من عندي إني مبفتش وراهم وسايبهم لواحد زي سليم
سليم بغضب: سليم اللي مش عاجبك ده لو مكنش موجود في حياتكم صدقيني زين ومحمود كانوا هاجروا وسبوك وبا النسبة لمحمود مش أنا اللي خده من ايده وخليته يعمل كده وكمان لو عرفت ايكون رد فعلك تودي المصحه تفتكر كان ايتعالج با العكس كان هيعند أكتر معاك
عبد الرحمن: خلاص يا جماعة حصل خير يا يحي أنت ومعتز وأنت يا سي سليم عرفنا اهميتك يا بيه وأنت يا يحي أفضل أب في العالم
عمر: إيه خلاص سبته الايام كلها وجايين تتخنقواه عندي مش عارف اركز
مني: أنت بتعمل كل ده
_ بتعقب تليفون
مني: يعني إيه
سمية: هكر يا ماما
مني قعدت حواجبها وهي بتفكر ومره واحدة راحت على عمر ومسكته من ودانة: انت يا مجرم عايز تبوظ اسم العائلة وتبقي هكر زي الزفت مراد عمل مع رحمة
محمد بزعل واضح على ملامحه: أنا اللي قولتله يمكن يعرف يوصل لمكانه
بعدت عنه راحت على محمد وهي بتغير ملامحها تماما وحطيت إيديها على كتفه واتكلمت بحنان: متخفش يا محمد ان شاءلله يرجعوه بخير أحنا معملناش حاجة وحشة في حياتنا وربنا ايقف معاهم باذن الله
محمد ابتسم هي مش بس حبيبته دي شريكه كفاحه في الدنيا: باذن الله
نزلت في الوقت ده ليان خبطت ودخلت: صباح الخير
العيون راحت عليها عشان تتحول لصدمة
عبد الرحمن: إيه ده يا ليان أنتِ فكتي الجبس
_ اه يا عمي اصل مكنتش عارفة أنام
مني: يعني إيه الدكتور قال انك هتقعدي شهر على الاقل
مريم: ايوة يا ليان مسمعتيش الكلام ليه
بصيت على سليم وكانت بتستنجد بيه
سليم: متبصيليش عندهم حق مش أنتِ قولتلي امبارح انك هتسيبي لاخر الاسبوع
محمد: وأنت وفقت
استوعب الكلام اللي قاله و تراجع بسرعة: لا يا بابا أنت فهت غلط أنا أقصد لحد أخر اسبوع في الشهر
عمر: ليان ده اهمال ايدك مش هتخف
_ لا هتخف حتي شوف
وهي بتحرك إيديها ومره واحدة حسيت بوجع
محمد: تاخد يا أنس بنت عمك تعملها جبس جديد
_ يا جدو عشان خاطري مش عارفة بجد إني انام بيه
محمد: ده عشان تخفي
معتز: شلتي إزاي اساسا
_ كوكي سعدتني افكه
سليم بأستغراب: دي مين الحيوانة اللي فيهم اللي مشيت وراء كلامك
_ احم هي مش بنت أخوك دي مرات عمر
سليم اتصدم و رجع يبص في التلفيفون وعمر رفع عيونه من على اللابتوب: نعم هي اللي اتقال عليها حيوانه دلوقتي تبقي مراتي
محمد: مجانين
بص عمر لسليم بغضب سليم بصله واتكلم بأنفعال: إيه بروح امك بتبصلي كده ليه هو أنا كنت أعرف أنها مراتك
معتز: ممكن بس
لسه هيتكلم عمر سمع صوتها الرقيق: السلام عليكم
الكل بص ناحيتها وردو السلام
ليان: استنيتك تحت افتكرتك مش هتنزلي
كيان بإبتسامة: أنا وعدك إني هنزل
مني بإبتسامة: تعالي يا حبيبتي اتفضلي
دخلت كيان و لسه هتقعد جمب سميه
مني: اقعدي يا حبيبتي جمب جوزك
كيان هزت راسها وبعدها بصتله برعب بلعت ريقها وقربت وقعدت جمب عمر اللي كان مستني إني تليفون زين يتفتح
عمر ببرود: ادخلي اعمليلي فنجان قهوة
_ حاضر
قامت من جمبه هي أساسا كانت هي وقاعدة جمبه متوترة وقلانه والخوف متملك منها : اعمل لحد حاجة مع عمر
_ لا شكراً يا بنتي
دخلت عشان تعمل القهوة ليان: هو في إيه مالكم وفين مليكة
سميه: مليكة فوق و زين ومحمود خارجوا من الصبح ولسه مرجعوش ومحدش اتصل وتليفونهم مقفول
ليان: ازاي يعني طب متنزلوا ادورا عليهم
سليم: حاتم و معاذ راحوا يشوفهم
ليان: ان شاءلله خير
🤧🤧🤧🤧🤧🤧🤧🤧
مليكة وهي بضمنها: خلاص كفاية يا رحمة أرجوكي
رحمة بدموع: مش مصدقه يا مليكة أنتِ مشوفتيش هو بيحبهم ازاي ومستعد يضحي بنفسه عشانهم وفي الاخر يطلعوا هما اللي قاتلين اهله
مليكة: يا عيني بجد قلبي موجوع عليه
_ أنا لازم اعرفه واقوله على الحقيقة ولازم يروح لراجل ده ويعرف الحقيقة بنفسه مش هقدر استحمل أنه يبقي حد لو دقيقة واحدة معاهم
مليكة: أنتِ اتجننتي عايزة تروحيله نفترط حياة وابنها قالوله اي حاجة أو مثلا قالوله أنك كنتي نازله مع حاتم ايفكر با أني بينك وبين حاتم حاجة
_ حاتم أخويا يا مليكة أنتِ بتقولي إيه
_حبيبتي أنا عارفه أن هو اخوكِ بس مراد ما يعرفش ان حاتم اخو أنس في الرضاعة بصي أفضل حل أنك تكلمي في التليفون
_ معيش رقمه أنا هستناء يجي لاني متاكده إني الحرباية دي قالتله حاجات كلها كذب
_ حتي لو قالتله محدش يقدر يقرب منك ولا يلمس شعره منك طول ماخواتك عايشين
_ عارفة ومطمن
🤧🤧🤧🤧🤧🤧🤧🤧
كان واقف شادي بص لماذن اللي كان قاعد وبيقلب في التليفون
_ممكن يا ابو البرود تروح تجيب تليفون الواد من الممرضة
_ مش بتسحنه بدل متحمد ربنا إني هي وافقت تشحن التليفون
_هو الغباء وراثة في بيت أهلك ولا إيه إحنا عاوزين نكلم أهله وكمان مصاريف المستشفى28 الف فيها إيه لو شحنوا التليفون والمفروض كمان يخدموا علينا
ضحك مازن بقوه: يا ابني دي من أشهر المستشفيات في مصر حتي اسمها المركز الطبي العالمي
_ هو فعلا عالمي في المصاريف
_ خايف بجد إني أهله يكونوا ناس غلابة وفي الآخر هنروح أنا وأنت يا شادي وابويا وابوك هيعلقونا
_ بقولك إيه متجبش سيرة دي لحد منروح البيت أنا متوتر وقلان لوحدي خايف حد يحصله حاجة والله لو حد فيهم حصله حاجة أنا مش هسمحك يا مازن
مازن ضربه في كتفه: بقوه أنت عبيط وأنا كان مالي
شادي: بسبب تاخيرك وكمان يا عديم الاحساس مش باين زعل على وشك ليه
_ هم من بقيه اهلي أنت كمان ده أنت حساس بس وكمان أنا عمري منزل دمعه على حد
_ حساس!! يعني أنا لو كنت مكان الواد ده ولسه هيكمل
انفعل مازن: أنت عبيط يا شادي ده أنا بتمني في كل مره بنكون مع بعض إني ربنا يجعل يومي قبل يومك عشان محسيش لو لثانيه واحدة إني بقيت وحيد أنت أخويا
شادي: مش بقولك ندل عاوز تمشي من غيري
حضنه مازن بقوه : والله أنا ربنا بيحبني عشان اداني أبن خاله شبهك يبقي ألاخ وكل حاجة
خرج من حضنه مازن مسح دمعه نزلت من عيونه عنده صحاب كثير وولاد عم بس با النسبله مازن عنده الصاحب والاخ وابن الخاله وابن العم والشريك هو كل حاجة في حياته عموما
خرج الدكتور اللي قرب منهم واتكلم بكل برود: الحاله اللي كان في جرح في البطن نزفت دم كتيرة ووفرنا كمية الدم وهيفضل هنا فترة في العناية المركزة لاني حالته صاعبة وبا النسبة لتاني في كسور وجروح عميق في جسمه بس المشكلة مش في جسمه بل في رجله حصلت إصابة صاعبة في رجله فا لازم نعمل بتر لرجله
اتصدم مازن و شادي
مازن: يعني إيه اللي حضرتك بتقوله ده مفيش حل تاني
_ للاسف لا وأنا حبيت اعرفكم انكم لازم تنزلوا تمضوا تحت قبل منعمل اي حاجة
شادي: لا أنت مينفعس تعمل كده احنا مش اهله اساسا ومن المستحيل اللي إحنا نمضي على اي ي حاجة تخص واحد منعرفهوش
_ مينفعش و انتوا قدامي مسولين عن امضي ومعرفة حالة المرضي لحد ميخرجوه من المستشفى
شادي: وأحنا مالنا أحنا ساعدنهم بس اما اني احنا نمضي ورقة ببتر رجل واحد مكملش 25 سنة يبقي أنا بظلمة وبظلم نفسي
_ بص يا فندم أنا ماليش علاقة في كل الكلام ده أنا كل اللي يهمني إني أعمل شغلي لانه هو مسولة من المستشفى
مازن: أنت دكتور با الغش ولا إيه بيقولك مش أحنا اهله يغنهالك يعني اينزل يمضي علي قطع رجل واحد ميعرفهوش
نفخ الدكتور: تمام بس لازم تعرفوا اني لو الإصابة وصلت لرجل تانية كده مش هتبقي رجل واحدة ايبقوا الاتنين
مازن: روح يا حج انت واحنا هنشوف الموضوع ده
مشي الدكتور وشادي رجع ضهره على الحائطة: لا حولا ولا قوة إلا بالله اهله لو عرفوة هيكون رد فعلهم إيه دمعه خانته ونزلت قلبه اتقطع على زين مع أنه ميعرفهوش بس أفتكر المشهد بتاع زين وانه عمل المستحيل عشان ينقذ اخوه
شادي: هو في ناس مءية لدرجاتي لدرجة أنها تضيع مستقبل شاب لسه مدخلش دنيا وهو ماسك في ايده بطاقة زين
مازن: حسبي الله ونعمة الوكيل لسه بيدرس أنا هروح أجيب التليفون
راح وجاب التليفون وفتحه عشان ينتظر مكالمة من حد من اهله
😭😭😭😭😭😭😭
في بيت الرفاعي التوتر بقا أكبر معاذ وحاتم رجعوه بعد ملاقوش ليهم اثر وراحوا كل الاماكن اللي ممكن يفكروا بس لمجرد تفكير انهم يروحوا سليم كلن بيفرك في ايدي بتوتر واضح قام وقف: أنا مش هقدر استني أكتر من كده أنا هروح ادور عليهم في المستشفيات واقسام الشرطة
حاتم: أنا دورت في المستشفيات اللي حوالين المنطقة
أنس: طب اروح اشوف أنا في المستشفيات اللي في المهندسين وأنت يا سليم شوف في اللي ناحية الجيزة
هز رأسه يليم بس لسة ايتحركوا صرخ معاذ هو وبيمسك تليفونه وإيده بترتعش: زين فتح التليفون
راحوا كلهم حولين معاذ أخد منه سليم التليفون يعد مسمع صوت الجرس والفرحة اترسمت على وشه أخيراً ايطمن رد واول مرد انفعل سليم في إيه وهو بيمسح جبينه من شدة الخوف والتوتر: أنت فين يا حيوان وازاي تقفل تلفونك وصل فيك الجنان انك تخوفنا وتقلنا عليك
صرخت رحمة هي وبتمسح دموعها: هونه عليك تعمل فينا كده
في الجهه التانية في المستشفى أول مسمع شادي نبرة سليم اللي اتأكد قد إيه هما خايفين ومرعوبين بعد التليفون وهو بيحاول يمسك دموعه هيقوله ازاي على حالة زين وهو في الوضع ده
رجع التليفون: السلام عليكم
سليم : مين معايا وفين صاحب التليفون
_ صاحب التليفون في المستشفى ومعاه واحد تاني
_ إيه طب هو كويس
_ اه الحمدلله
_ طب اسم المستشفى إيه
_ المركز الطبي العالمي
_ ده فين لو سمحت
راح عمر ومسك اللابتوب وايديه بتترعش
عمر: في طريق مدينة الشروق
شادي: طريق القاهرة الإسماعيلية الصحراوي
سليم: هكون عندك في اقرب وقت أول مقفل معاه لسه ايخرج مسكه محمد بقوة واتكلم: أنت رايح فين مش تفهمنا إيه اللي حصل
_ زين ومحمود في مستشفى
سهر: طب هما كويسين
_ اهدوا هو طمني وقالي انهم كويسين
مريم: طب إيه اللي حصل خلاهم يروحوا مدينة الشروق
_ هنعرف
قالها ونزل ونزل وراها الشباب
سهر: روح اطمن على عيالك يا يحي
_ اطمن عليهم بعد كل اللي عرفته واروح واخدهم في حضني واقولهم بجد برافو رفعتوا راسي وعرفتوني إني عرفت اربي
مني: إيه اللي أنت بتقولة ده يا يحي هما عيال وغلطو ومفيهاش حاجة و الحمدلله إني احنا عرفنا و ق.دامنا فرصة نبعد محمود عن الطريق ده
يحي: هو ده قراري أنا مش عايز أسوفهم أساسا قال كده وطلع
والشباب والجد اتجهوا على المستشفى
🫨🫨🫨🫨🫨🫨🫨🫨🫨🫨
جمال كان بيتكلم في التلفون: أنا عملت اللي قولتلي عليه يا معلم اديته برشامة المخدر وديته على المكان ومكنش حد معاه أو هناك فا معرفش مين التاني اللي بتكلم عنه
المحمدي من الجهه التانية: هعمل نفسي مصدقك بس أنا عايزك في مهمة غير دي و هديك ضعف المبلغ
_ موافق من غير معرف
_ بحب طموحك في الشغل أنا هبعتلك صورة للشخص الصورة قديمة تقريبا من 20سنة فأكيد كبر دلوقتي أسمه شوقي عاوزك تعرف قاعد فين و تقتلو النهاردة قبل بكرة