رواية خديجة الفصل الرابع والثلاثون34 بقلم اميرة خالد

بعد وقت خلص الفرح وكانت فرح في حضن ابوها وامها وبتبكي وبتقول لهم خدوني معاكم ومامتها بتهديها هي وفريده اما احمد كان بيتكلم مع اصحابي ويتكلم يحيى يلا يا حبيبي عشان تروح 

رد احمد نروح فين يا عم ده انا حاجز جناح هنا عشان نقضي ليله الدخله هنا ضحك يحيى وقالوا شكلك كده مش هتقضيها اتصدم احمد وقال له يعني ايه قال له بص كده وراك وبص على العروسه والاقيها بتعيط 

وراح وسمع فرح وهي بتقول لفريده خديني معاكي يا فريده ما تسيبنيش راح جري عليهم وشالها على كتفه زي شوال البطاطس وقال لها هتروحي على فين يا اختي لما انا صدقت ده انا عمال اصبر نفسي بقى لي اسبوع عشان هتبقي مراتي وتقولي لي عايزه تروحي 

صوتت فرح وهي بتقول له نزلني انا عايزه اروح مع بابا وماما قال لها ده عند امك الكلام ده مش هنا هو دخول الحمام زيي خروجه اتكلم محمد بس يا احمد عيب رد احمد عيب ايه يا عمي مش شايف كلامها قال عايزه تسيبني قال يلا بقى مع السلامه وراح على الاسانسير وركبه طلعوا 

اما عند العيله الكل بيضحك على تصرفات احمد بتكلم يحيى يلا يا بابا يلا يا خديجه واتكلم محمود يلا يا حبيبي بس هي مامتك فين يحيى واقفه مع خالتي وطنط جيهان رد محمود طب اندهى عشان هي لو قعدت اتكلموا مش هنمشي النهارده 

ضحك يحيى وقال له بس تعالى ركبك العربيه انت وخديجه وانا هروح اجيبهم رد محمود ماشي يا حبيبي هو يوسف روح ولا ايه رد يحيى اه يا بابا روح وركبهم العربيه وراح عند عاليه وقال لها بابا في العربيه وبيقول لك يلا ردت عليا حاضر يا حبيبي جايه معاك اهو 

وبصت لجيهان وقالت لها هستناك تجيلي رده جيهان حاضر هفوت يومين واجي لك اما فارس وجه وقال لها ما تيلا يا جيجي واقفه ليه ردد جيهان حاضر يا حبيبي جايه معاك 

وفريده كانت واقفه على جنب وبتبص على حسام ومش عارفه تعمل ايه وتكلم محمد يلا يا حبيبتي عشان نركب العربيه ونروح ردت فريده مش هنطمن الاول على فرح قال لها لا يلا بس نروح هي مع جوزها وبكره هنبقى نتصل بيهم 

رده فريده طيب ركبت العربيه مع باباها ومامتها وعينيها على حسام ومشيوا اما يحيى اتحرك بالعربيه اما احمد طلع قدام الجناح بتاعه وهو لسه شايل فرح وقالت له نزلني عشان تفتح الجناح ضحك بسخريه وقال لها ليه شايفاني اهبل عشان اسيبك تنزلي وتجري لا يا ماما انا هفضل اشيلك لغايه ما اخش جوه 

رده فرح يا مجنون نزلني مين هيفتح لك الباب رد عليها ما لكيش دعوه وشاف واحد معدي ونده عليه وقال له لو سمحت تعال افتح لي بس الجناح ضحك الشخص عليه وفتح له ودخل احمد ونزل فرح على الارض وقفل الباب بالمفتاح 

وفرح اتصدمت من شكل الاوضه كان في ورد وشموع عشاء السرير مكتوب عليه بحبك يا فرحتي بالورد والجو رومانسي وقرب احمد منها وحضنها من ضهرها وقال لها ينفع كده تسيبيني حد يسيب حبيبه تاهت فرح وهزت راسها بالرفض 

بتكلم احمد بعد ما بسها في رقبتها  بوسه رايقه يلا يا حبيبي خش تودي عشان نصلي دخلت فرح الحمام يدق بسرعه المصدومه وبتقول طب اعمل ايه دلوقتي اهرب ازاي وبعد كده افتكرت احمد وقالت اهدي يا فرح الموضوع عادي ده احمد ما فيهوش حاجه يعني وحاولي تفتح سوسته الفستان وما عرفتش 

وقالت الله يسامحك يا فريده مش قادره تعملي السوسته من الجنب وخرجت لقيت احمد لسه قاعد قال لها انتي كل ده لسه ما قلعتيش رده فرح بخجل اصل انا مش عارفه افتح السوسته رد احمد بمرح وهو بيقول لها ده انا تخصص في فتح السوسته ضحكه فرح 

وقالت له طب يا سيدي افتحها بقى وقربت وادته وضهرها واحمد كان مكسوف ومش عارف يعمل ايه وماسك السوسته وبدا يفتحها بالراحه وفرح كانت خجلانه وايده لمست ضهرها وفرح اتكلمت بكسوف بسرعه يا احمد الله حاضر وبعد ما فتح السوسته حضنها 

وقال لها يلا بقى بسرعه عشان مش قادر استنى اكتر من كده اتكسفت فرح ودخلت الحمام وبعد وقت راح احمد وخبط على الباب وقالت له انا مش طالعه انا هبات في الحمام رد عليها احمد طب يا حبيبتي يلا بس انجزي ردت بفرح انت مش مصدق اني مش هخرج براحتك 

قال لها طب انتي خايفه يا حبيبتي فهميني قالت لي انا مش عارفه بس انت قليل الادب وتكلم احمد طب يا حبيبتي افتحي ما تكسفنيش قدام صحابي بكره ردت فرح مش فاتحه وقال هي عين ياسر انا عارفها 

واتكلم احمد خلاص يا حبيبتي ما تتعبيش نفسك ولو مش عايزه براحتك بس انتي زعلتيني منك طب هقول لك على حاجه تعالي نصلي ولو لقيتي حاجه غير ان احنا هنصلي وابقي سيبيني وامشي ردت فرح وعد قال لها وعد 

اما في العربيه محمد اتكلمت سوسن وهي بتقول له انا زعلانه ان فرح اتجوزت وسابتنا رد محمد ما دي سنه الحياه الكل هيتجوز رده سوسن اه حتى فريده جالها اربع عرسان رد محمد ايوه وانا جالي عريس لفريده برده 

الرد فريده بخوف انا مش عايزه اتجوز رد محمد ليه يا بنتي ردت فريده انا عايزه اهتم بشغلي دلوقتي ولما افكر اتجوز هقول لحضرتك رده سوسن طب يا حبيبتي لما نروح نبقى نتكلم في الموضوع قالت لها طيب 

وفضلت طول الطريق بتفكر في حسام وهي بتحبه ومش عارفه هتقول له ايه بس خايفه انه يبعد عنها لما يعرف الحقيقه وقالت في سرها احسن حاجه اني اقفل الموضوع من بابه عشان ما حدش يحس في حاجه 

اما في عربيه يحيى اتكلمت عاليه عايزاك بكره يا يحيى نروح نصبح على احمد رد يحيى انا كنت لسه هقول لك يا ماما قالت لي انا عارفه يا حبيبي ان هو ما لوش حد وانت صاحبه واخوه رد يحيى طب يا ماما واتكلم محمود ده انتي طول الفرح قاعده مع جيهان وسوسن وناسيانا خالص يا عاليه 

ضحكت عاليه وقالت له يعني اعمل ايه بقى لي كتير ما شفتش جيهان رد يحيى اه عشان كده فارس اول ما شاف فريده عايز يتجوزها على طول ردت عاليه يا ريت فارس انسان محترم وعنده شركته وهيحافظ على فريده رد يحيى بس في واحد ثاني اتقدم لها برده 

قالت له مين قال لها صاحبي حسام  ردت عليه طب وهو شكله ايه يعني كويس رد يحيى هو كويس يا ماما وكمان هو شكله بيحب فريده وفريده بتحبه رد عليه يا رب يا ابني البنت دي غلبانه وتعبت كثير الرد يحيى احنا كلمنا عم محمد وهنشوف هيقول لنا ايه 

ردت عليه طب يا حبيبي ان شاء الله خير بس انا شايفه ان فارس احسن حتى ده من العيله يعني مش هتبعد عننا رد عليها مش مهم احنا شايفين مين المهم هي تختار مين قالت له صح وبص يحيى في المرايه لقى خديجه نايمه هي والاولاد 

وابتسم على طفلته الصغيره واتكلمت عاليه يا عيني خديجه نامت من التعب اللي هي كانت فيه بقى لها يومين رد يحيى اه والله يا امي شكلنا كده هناخد اجازه احنا كمان ردت عليه ليه يا حبيبي قال لها عشان هنسافر الساحل انتي نسيتي ولا ايه 

ردت عليها طب يا حبيبي هو انت كلمت جوز خالتك وقلت له قال لها لا هكلمه بكره واحنا عند احمد قالت له طيب اما عند احمد خرجت فرح بالاسدال واتكلم احمد ثواني هخش اخد دش كده في السريع وهرجع لك عشان نصلي رده فرح حاضر 



وراحت قعدت ومسكت التليفون وفتحت الوتس وبعتت رساله لفريده وقالت لها روحته ردت فريده اه احنا في البيت انتي بتعملي ايه وفين احمد ردت فرح احمد في الحمام بس انا خايفه اتكلمت فريده ما تخافيش يا حبيبتي فكري ان هو حبيبك قبل جوزك وسيبي مشاعرك هي اللي تسوقك والغي عقلك 

رده فرح شكرا يا فريده انا من غيرك ما اعرفش كنت هعمل ايه ردت فريده شكرا على ايه يا حبيبتي انتي اختي وحبيبتي وان شاء الله بكره هنجيلك الصبح مع بابا وماما ردت فرح ماشي يا حبيبتي وقفلت الوتس 

واحمد خرج وهو لابس ترنج وقال لها يلا عشان نصلي قالت له يلا واحمد فرش سجاده الصلاه ليه والفرح وبداوا احمد يصلي وبعد وقت صغير خلصوا صلاه وحط ايده على قلبها وقالت دعاء وهي استغربت وقالت له بعد ما خلصت ليه حطيت ايدك على قلبي ليه ما حطيتوش على راسي 



قال لها عشان افضل في قلبك ما اخرجش منه ابدا انا عارف ان انتي خرجتي من تجربه فاشله بس صدقيني انا حبيتك بس انا مش شايفه حب على قد ما انا شايفه عشق ردت فرح والدموع في عينيها صدقني يا احمد انا عمري ما حسيت ناحيتي يحيى بحاجه زي ما حسيت ناحيتك انا حبيتك يا احمد وعمري ما احب حد غيرك وقلبي ده شايلك انت بس جواه 

فرح احمد وقرب منها وباس راسها وقال لها ده احنا ليلتنا عسل يا عسل انتي ضحكه فرح بدلع وهي بتقول له عسل بس قال له قشطه كمان قالت له هو انت على طول بلدي كده ضحك احمد وقال لها هو في احلى من البلد يا سمنه بلدي انتي 

وشالها وراح بيها ناحيه السرير وقال لها لو انت خايفه قولي لي وانا هبعد رده فرح لا يا حبيبي انا مطمنه طول ما انا في حضنك وطفي النور وهنسيب احمد في قله الادب 

اما عند يحيى وصلوا البيت وعاليه كانت هتصحي خديجه رد يحيى استني يا امي انا هصحيها بس خدي عربيه الاطفال معك وانتي طالعه ردت عاليه طب يا حبيبي انده للبواب عشان يحطهم لي في الاسانسير قال لها حاضر ونده على البواب واداله عربيه الاطفال وقال له وديها على الاسانسير قال له حاضر يا بيه 

اما يحيى قرب من خديجه وشالها وراح على الاسانسير وطلبه واستنى وقت صغننين بعد كده نزل الاسانسير وركبه وطلعوا على شقتهم ودخلها الاوضه واقلعها الجزمه والنقاب والفستان اللي هي كانت لابساه واتفاجئ بفستان سهره جميل بس صعبه عليه انه يصحيها وغطاها وشغل التكييف 



وخرج نزل عند والدته وقال لها هاتي الاطفال يا ماما عشان ترتاحي انتي تعبت اليومين دولت ردت عاليه ما تعبتش ولا حاجه يا حبيبي وهنادي قاعده معايا خليهم عشان شكلي خديجه تعبانه رد يحيى طب يا ماما وان شاء الله بكره هجيب لهم واحده تقعد معاهم عشان خديجه ترتاح شويه 

ردت عليا طب يا حبيبي يلا اطلع نام رد يحيى عليها تصبح على خير ردت عليك تصبح على نور اما في شقه يوسف ياسمين كانت قاعده بتاكل ويوسف مستغربها انها اول مره تاكل بالطريقه دي 

رد يوسف في ايه يا حبيبتي هو انتي اول مره تاكلي ولا ايه ردت ياسمين جعانه ما اكلتش من الصبح وحضرتك مش سائل فيا وعمال ترقص لي مع العريس واصحابك رد يوسف حقك عليا يا حبيبتي انا هقوم اجيب لك العلاج بتاعك 

ردت ياسمين طيب بسرعه وهات معاك علبه عصير رد عليها لا يا حبيبتي هجيب لك عصير فريش احسن قالت لي ومش مشكله هات اي حاجه دخل يوسف وهو بيضحك على ياسمين وطريقتها في الاكل 

طلع يحيى شقته ودخل ونام على السرير واخذ خديجه في حضنه وثاني يوم صحي احمد من النوم وشاف فرح نايمه على بطنها والملايه مغطيه نص ظهرها وباين رسمه الحنه اللي على كتفها وقال اعمل ايه فيها دلوقتي اقوم اكلها وبعد كده قال لا حرام طول الليل سهرانه معايا ولسه نايمه ما بقى لها ساعتين وبص لنفسه 

وقام دخل الحمام واخذت دش وبعد ما اخلص ملل البانيو بميه دافيه وحط فيها الزيوت هو خرج وهو لافف الفوطه على وسطه وبص في الساعه لقاها 12 وقرب منها وقال لها قومي يا حبيبي الساعه بقت 12:00 واهلك زمانهم جايين ما ردتش عليه وقرب احمد وشالها ورمى الملايه 

وهي فتحت عينيها بصدمه ودفنت راسها في رقبته وهي بتقول له اللي عملته ده رد احمد عايزاني اعمل ايه اهلك زمانهم جايين وحضرتك لسه نايمه ردت عليه طب انا تعبانه وحضرتك ما سبتنيش طول الليل ولسه نايمه بقى لسه ساعتين 

رد احمد طب ما انا كمان كده بس اعمل ايه وحشوني عيونك الحلوه ديت والشفايف اللي عايزه تتقطع ردت عليه بطل قله ادب ونزلني قال لها نزلت ازاي وقعد يبص عليها 

وراحت حطت ايديها على عينيه وقالت له عيب رد عليها طب يا حبيبتي شيلي ايديكي عشان اعرف ادخلك الحمام ردت عليه لا نزلني وانا هروح لوحدي قال لها ده ينفع وما حدش قال لك من قواعد الجواز انك يوم الصباحيه تخشي انتي وعريس تستحموا مع بعض 

ردت فرح ده فين الكلام ده قال لهافي الروايات يا حياتي ردت عليه وحضرتك بقى بتقرا الروايات قال لها طبعا لازم اقرا الروايات قالت له طيب يا اخويا نزلني بقى اغمز لها بعينيه قال يعني بعد اللي حصل ده كله وابقى اخوك ده عيب في حقي دخل بيها الحمام 

واحطها في البانيو حست بالم واتنفضت وقال لها اهدي يا حبيبتي هتروقي دلوقتي هاتي علبه الشامبو من جنبك قالت له ليه قال لي عشان اغسل لك شعري واديتها له واحمد كان بيعملها اكنه بنته مش مراته 

اما في شقه سوسن صحيت من النوم فريده ودخلت الحمام خدت شاور وخرجت لبسه هدومها وعملت شعرها وراحت قعدت على السرير ومسكت التليفون ولقت رساله من حسام وبيقول لها انا عايزه اقابلك بعتت له رساله ليه في حاجه رد عليها في حاجات كثيره ولازم نتكلم فيها وعايزه اعرف انتي رفضتيني ليه وانا حاسس من جوايا ان انتي معجبه بيا 



ردت فريده مش وقته الكلام ده نبقى نتكلم بعدين وقفلت التليفون وخرجت لقت سوسن بتجهز هي ومحمد وبيقولوا لها كويس ان انت صحيتي هتيجي معانا عند فرح ولا لا ردت فريده لا جايه معاكم ثواني بس هلبس الشوز 

واتكلم محمد اتصلي بيها واحنا في العربيه وقولي لها ان احنا جايين والرده فريده حاضر يا بابا اما في شقه يحيى كان بيلبس وقال لها خليكي هنا يا خديجه انا هروح لاحمد انا وماما وبابا ويوسف وهنرجع على طول ردت خديجه طيب انا هقعد مع الاطفال وكمان ياسمين هتقعد معايا 



رد يحيى بقول لك ايه انت جهزي بس الشنط والحاجه اللي هتحتاجيها عشان هنروح الساحل وياسمين نفس الكلام هتجهز نفسها رد خديجه طيب وخرج يحيى وركبو العربيه اما خديجه وياسمين قعدوا يفطروا واتكلمت ياسمين انتي عرفتي هتاخدي ايه معاكي يا خديجه 

ردت خديجه ايوه يا حبيبتي انا بس شويه كده الاولاد يناموا وهطلع اجهز الشنط ردت ياسمين وانا كمان هجهز الشنط برده هو احنا هنقعد كم يوم ردت خديجه تقريبا 10 ايام قالت لها حلو اهو الواحد يفك عن نفسه شويه ردت خديجه معاكي حق 

اما في الفندق وصلوا عيله فرح ويحيى وطلعوا كلهم وفتح لهم الباب احمد وحضن ويحيى وسلم على العيله ودخلوا كلهم واتكلم يحيى صحيح يا عم محمد احنا هنسافر الساحل لمده 10 ايام رد محمد طب يا حبيبي تروحوا وترجعوا بالسلامه 

رد يا لا انتم فهمتوا غلط كلنا يعني انتم هتيجوا معانا رده فريده انا مش هقدر اجي عشان شغلي رد يحيى تقدري تخلصي الشغل عن طريق التليفون وتعالوا بقى خلي الواحد يتبسط وانتم هيبقى لكم فيلا واحنا لينا فيلا والعرسان ليهم فيلا 

وقام احمد نط في حضن يحيى وقال له والله عليا النعمه انت راجل سكره ضحك كلهم واتكلم يحيى في ودنه ها رفعت راسنا ولا لا على صوته وقال له طبعا هو انت مش عارف صاحبك ولا ايه يا برو وضحك وقال له طب يا حبيبي الف مبروك 

رد عليك الله يبارك فيك وفضلوا يتكلموا شويه واتكلم يحيى احنا هنسافر على بالليل يا جماعه كله بقى يروح يريح شويه عشان السواقه رد محمد طب يا حبيبي الحق انا عشان نحضر حاجتنا 

وانت يا احمد حضر حاجتك انت ومراتك رد احمد وحضر ليه ما انا متجوز ليه عشان مراتي اللي تحضر كل حاجه وانا ابقى سي السيد ضحكه الكل واتكلمت فرح احمد قال لها حاضر يا حبيبتي عايزه في انهي شنطه بقى الحمراء ولا الروز وضحكوا العائله 

واتكلم يحيى يلا يا جماعه خلونا نسيب العرسان شويه وكل واحد مشي اما في البيت خلصوا البنات تحضير الشنط وجم العيله واتكلمت عاليه ها يا بنات هنادي عملت الغداء ردت خديجه ايوه يا ماما 10 دقائق الاكل هيكون على السفره ردت عليه اوعى تكوني خديجه اشتغلتي قالت لها ابدا يا ماما انا بس ما عملتش غير البشاميل عشان انا نفسي فيه 

ردت علياء طب يا حبيبتي ما تتعبيش نفسك اطلع حاضر وبعد دقائق الكل اجتمع واتغدوا وبعد وقت اتكلم يحيى يلا يا جماعه كله يطلع ينام شويه عشان بالليل لما ننزل ردت عاليه طب يا حبيبي ايه هنادي هتيجي معانا ولا لا رد يحيى اه يا ماما هتيجي معانا عشان تهتم بالعيال وتعمل لنا الاكل هناك 

ردت عاليه طب بقول لك ايه يا حبيبي سيبك من حوار الاكل نبقى نطلب دليفري ولا حاجه بس عشان خاطر هي تبقى مهتميه بالولاد طول الوقت رد يحيى حاضر يا ماما يلا بقى تصبحوا على خير وطلع كل واحد على شقته والكل نام 

وبعد وقت طويل والساعه بقت واحده بالليل مسك يحيى التليفون واتصل على احمد وقال له احنا هنقابل على الطريق رد احمد طيب انا هتصل بعم محمد واقول له رد يحيى طيب ونزلوا كلهم ويوسف ركب هو ومراته ومعاه هنادي ويحيى ركب هو وخديجه وابوه وامه والاولاد وطلعوا على الطريق 

وقابله احمد ومحمد ومش ورا بعض والطريق ما خلاش من حركات احمد وهزاره مع الشباب وبعد وقت طويل وصلوا الساحل ويحيى ورا كل واحد الفيلا بتاعته وقال لهم نبقى نتقابل بعد العصر عشان نشوف هنروح فين 

رد محمد بقول لك ايه بتاخذ الشباب واخرجوا وما لكوش دعوه بينا احنا هنقعد على البحر صح يا محمود رد عليه ايوه انا مع محمد رد احمد احسن اصل انتوا عاملين زي عواجيز الفرح اتكلم محمد يا احمد لم لسانك شويه ضحك احمد وقال له انا بحبك يا حمايا رد عليه وانا كمان بحبك 

واتكلم يحيى خلاص يا جماعه يلا كل واحد يطلع ينام بقى والكل دخل الفيلا وفريده كانت قاعده سرحانه وقربت منها فرح وقالت لها مالك يا حبيبتي رده فريده ما فيش قالت لها طيب يا حبيبتي انا موجوده ولو حبيتي تتكلمي رده فريده طيب يلا روحي لجوزك ما تسيبهوش احسن اللي هيجي يقتلني ضحكه فرح قالت لها ده احمد ده غلبان وطيب والله الضحكه كلهم 

فيله يحيى دخل الاوضه وشاف خديجه وهي رافعه النقاب وبتبص من البلكونه على منظر البحر وبتقول له ده احسن مكان انا بحبه رد يحيى وانا عارف عشان كده قلت لك هنيجي هنا قالت له شكرا على كل حاجه حلوه في حياتي انت سببها رد يحيى ما تقوليش كده انتي عمري كله ويلا بقى عشان تنامي وترتاحي من السفر وردت خديجه طيب 

اما حسام كان هيتجنن كل ما يتصل او يبعت رساله لفريده ما بتردش عليه وقال ماشي يا فريده وماسك التليفون واتصل على احمد ورد عليه وقال له مبروك يا عريس قال له الله يبارك فيك ايه يا برنس انت فين رد حسام انا في الشغل انت اللي فينك رد احمد احنا في الساحل 

رد حسام طب يا عريس طب ويحيى فين قال له يحيى برده في الساحل استغرب حسام وقال له ازاي قال له اصل احنا طلعنا رحله عائليه انا وحمايا وحماتي وفريده واهل يحيى كلهم رد حسام طب يا عم مش تتصلوا بينا وتقولوا لنا كنا جينا 

رد احمد طب خلاص احنا فيها تعالى وهات معاك ياسر ومراته والعيال رد حسام خلاص يا عم بكره هتلاقينا عندك بس ما تقولش لحد رد احمد طب يا عم احجز لك في فيلا ولا اثنين رد حسام لا هي واحده هتكفينا كلنا 

رد احمد طب يا برنس هخلي يحيى يحجزها لك جنبي قال له طيب وقفل معاه وماسك التليفون واتصل على ياسر وقال له انت فين يا جحش رد ياسر لم نفسك يا حسام انا في البيت قالوا طيب تحب تسافر 10 ايام ببلاش رد ياسر يا سلام انا معاك لو في جهنم الحمراء ضحك حسام 

وقال له لا يا عم احنا هنسافر للساحل عند احمد ويحيى رد ياسر طب يا برنس انا هاجي معاك رد حسام طيب قل لي فاتن والعيال وانا بالليل هنطلع على الطريق سوا رد ياسر طيب يا برنس وقفل معاه 

واتكلمت فاتن في ايه يا ياسر قال لها ما فيش حسام عازمنا على رحله لمده 10 ايام ردت فاتن باستغراب ليه قال لها ما فيش احمد ويحيى في الساحل ومعاهم العائله فقال لنا نروح احنا كمان ردت فاتن وهي عارفه حسام ناوي على ايه طيب اقوم انا بقى اجهز الشنط والعيال رد ياسر ماشي يا ستي

اما حسام مسك التليفون واتصل على والدته وقال لها انها تجهز نفسها وهي وفهد عشان هيسافروا معاه ردت والدته طيب يا حبيبي وقفل معاها وقال انا وراكي يا فريده لغايه ما اجيب اخرك