رواية طفلة النرجسي الفصل الثالث3بقلم ايلا ابراهيم
مرت تلات شهور كامله فيهم اتعلقت ناره فيه جدا عوضها عن غياب أهلها اللي مكنش ليه مبرر ابدا الا انهم اتخلو عنها ...
وفي يوم كانت في أوضتها بتحضر نفسها عشانه
وصل عبد العزيز و وقفت بحماس تستقبله وحاوطة رقبته بدلال: اتأخرت اوووي ياحبيبي
عبد العزيز حاوط خصرها وشالها ودفن وشه برقبتها ولف بيها وهو بيشم ريحتها بادمان وقال :
كنت في المستشفى الدكتور بيقول رجلي بقت احسن
ناره بضحكه :
بشويش ياحبيبي انت لسه تعبان
عبد العزيز حطها على الأرض وهو بيقول :
تصدقي بالله وحشتيني اوووي في الشويتين اللي غبتهم
ناره زمت شفايفها بضيق وقالت:
يعني لما تخف هتروح الشغل ومش اشوفك زي الاول
عبد العزيز :
هكون دائما هنا عندك
ناره بدلال :
بس هتكون مشغول عني
عبد العزيز :
عمري ما انشغل عنك ياروحي قال كده وباس جمب شفا*يفها ولسه هيبو"سه سمع صوت عربيه عقد حواجبه وبص من الشباك واتصدم في ليالي مراته راجعه من السفر
ناره :
في أي ياحبيبي
عبد العزيز بارتباك :
ليالي رجعت من السفر
ناره ببرائه :
وانت متضايق كده ايه
بص عبد العزيز ناحيتها و اتحولت نظرات الحب والشوق للجمود و البرود وقال بتحذير :
حسك عينك تخرجي من الاوضه ولو شافتك ليالي هتقولي انا المربيه بتاعت عمر ماشي
ناره بصدمه :
بس انا مراتك
مسك دراعها بتحذير وقال:
ليالي مش لازم تعرف بجوزنا عشان مازعلكيش باناره فهماني
اترعبت من نبره صوته وبصته ليها اللي اول مره تشوفها وايدها اللي ماسك عليها بقوه وهزت راسها بضعف وقالت:
حاضر حاضر
في الوقت ده كان ايهم بيخبط على باب الأوضه بسرعه خرج عبد العزيز ايهم:
ليالي هانم رجعت من السفر
عبد العزيز بضيق شفتها :
هروح اشوفها وانت فهم الشغالين يقول ايه عن ناره
ايهم:
فهمت كل الشغالين يقول اي لكن هي ليالي هانم مبلغتش حد برجوعها ليه
عبد العزيز:
هنزل اشوف نزل
عبد العزيز اول ما شافها جري عليها بصعوبه وخدها بحضنه بشوق كبير وهو بيقول:
ايه المفاچأه الجميله دي وحشتيني اووي
ليالي وهي حضناه :
وانا اكتر خلصت شغلي بسرعه ونزلت اعملك مفاجأه
عبد العزيز :
احلى مفاجأه والله
ليالي :
حقك عليا سبتك لوحدك وانت تعبان
عبد العزيز :
وانتي سبتيني في مزاجك ياروحي
حاوطة رقبته بدلال وقالت:
تصدق انك وحشني اوووي
حاوط خصرها بتملك وقال :
مش قدي وشألها وطلع بيها الدرج ليالي :
على مهلك رجلك يا روحي
عبد العزيز :
متخفيش انا كويس قال كلامه ودفن وشه برقبتها
كل ده قدام عيون ناره اللي قلبها اتتحرق ايديها بتتعرش وقلبها بيوجعها حاسه بجمره بتحرق قلبها وهي شايفه جوزها واخد وحده تانيه في حضنه ورايحين اوضتهم قبضت على صدرها مكان قلبها وعيونها بتدمع وايدها التانيه يتكتم شهقاتها وجريت على أوضتها وانفجرت بالعياط..