رواية حين جمعنا القدر الفصل الرابع4بقلم جودي محمد
دخل زيدان الخياط اكبر منافس لمحمد في الشغل ليلي شافته اتعصبت ووقفت
ليلي: خير جاي ليه الكان مدايقك مات جاي تشمت فيي
وقف اسر قدام ليلي وبص لزيدان بقرف هو مش طايقه بسبب المحمد قاله هنعرف محمد قال لكل واحد اي بعدين
اسر : خير افندم
زيدان: اخس عليكي يبنتي حد يشمت في الموت بردو انا جاي اعزيكي واعمل الواجب
ليلي لسه هترد سبقها اسر : وعملت الواجب متشكرين اتفضل برا
اتحرج زيدان ومشي وبعد شويه دخل يوسف واخد ليلي في حضنه وفضلو يعيطو بعدين سلم على امه ويزن وسلم على كل الموجودين وحكو الحصل ويوسف ادايق ان محدش بلغه بكل ده
ليلي : كنت عايزني اكلمك اقولك اي انت حتى لما عرفت ان ابوك عنده القلب مهانش عليك تنزل مره تطمن عليه انا معرفش اي الجابك اصلا جاي تعزي وتمشي مش كده عشان تلحق مراتك مهانش عليها ترفع سماعة التلفون تعزينا وفضلت هناك عشان تجبرك ترجع في أقرب وقت مش كده ابوك مات وهو زعلان منك وانا هفضل زعلانه منك عمري كله مش هسامحك انت السبب في زعله انت والفاشل التاني انتو الجبتوله القلب ابويا لو قلبه مكنش ضعيف كان استحمل الحادثه دي وقام منها انا بكرهكو كلكو
قامت ليلي تجري على اوضتها وجت ناهد تقوم وراها بس اسر منعها وطلع هو خبط ودخل
اسر : ممكن ادخل
ليلي : تعالى يا اسر
اسر : بس اي الكلام الجامد ده يلولي مسحتي بكرامة اخواتك الارض على فكره خالو لو كان هنا كان هيفرح بيكي جدا
بعد الجمله دي ليلي دموعها نزلت
ليلي : ياريته كان هنا انا كنت وعدته اني هصلح كل حاجه ويشوفنا متجمعين زي مبيتمنى
اسر : هو اكيد شايفك دلوقتي وزعلان عليكي لازم تمسكي نفسك مينفعش كده انتي على طول قويه خالو كان دايما شايف انك قويه ومحدش يقدر يكسرك كان لسه قايلي كده وقالي اوعى تسيبها تتكسر من بعدي
انهارت ليلي من العياط شدها اسر في حضنه لحد ما هديت ونامت واتأكد انها نامت وغطاها ونزل
اسر : انا خلاص مش عايز حد يعيط انتو عارفين ان خالو عمره ما حب الزعل ولا النكد هنقف ونفرد ضهرنا وناخد عزاه ونعمل الهو نفسه في ونفذ الطلبه انا عارف انو طلب من كل واحد فيكو طلب قبل ميموت وانت يا يوسف انت ويزن اختكو وامكو ملهمش غيركو هتقفو زي الرجاله في ضهرهم وانت مفيش سفر تاني وانت هتبطل سرمحه
يوسف: نعم هو انت هتقولي اعمل اي ومعملش اي هو ابويا عينك واصي علينا وانا معرفش وبعدين انا عندي شغل هسيبه عشان كلمه من سيادتك
هند : يوسف اتلم وانت بتكلم ابن عمتك انت اتجننت
يوسف : بس انتي يا امي استاذ اسر بيحب ياخد دايما اللقطه وهو دايما الولد الابويا كان نفسه يخلفه واحنا العيال عاق
اتنرفز اسر وضرب يوسف بالبوكس
اسر : وانت كده مش عيل عاق وانت واقف وابوك جتته لسه مبردتش وبتبجح معايا ومش محترم ابوك حتى يا اخي واه انا ابنه يخويا على الاقل لما تعب كنت جنبه لما كان شغله في ازمه كنت جنبه وشغل اي يا ابو شغل ما كلنا عارفين الفيها ماشي تضحك على كله انك بتشتغل في شركه كبيره وانت مقفوش مع مرات صاحب الشركه وكان هيوديك في داهيه لولا تدخلي ومراتك مين ها انهي واحده فيهم متنطققق عايش على قفا النسوان وكل ما ابوك يكلمك تعملي فيها مشغول اسمع يلا انا جبت اخري منك يا تغور مكان ما جيت يتقعد ب احترامك زيك زي الغريب انا خالي طلب مني اقعدك هنا واشغلك انا لو عليا مش هعملك حاجه وارميك زي الكلاب بس دي وصية خالي لازم اعمل بيها
اتعصب يوسف وضرب اسر وطبعا اسر اقوى واعرض منه بكتيرر مسكو في بعض ومحدش قادر يدخل لحد ما ليلي نزلت وقفت وسطهم
ليلي : بس بس انتو اييي ابويا لسه ميت وبتعملو كده ووجهت كلامها ليوسف الكلام القاله اسر ده صح انت كل ده كنت بتخدعنا
بص يوسف في الأرض ومتكلمش
ليلي : يا اخي مش عارفه اقولك اي والله ابويا كل يوم كان بيعيط على ابنه البكري الشقيان السافر عشان يكون نفسه مع انك عارف ان سهل تشتغل معاه في شركته وكان هيعملك النفسك في مش مكسوف من نفسك وانت الكبير هنااا وبتتهزق كده وشكلك زي العيل الصغير طيب اسمع انت واخوك التاني بقا انت هتروح كليتك عدل وتتخرج لو سمعت انك شيلت ماده صدقني هتشوف وش مش هيعجبك وانت الأسر يقول عليه يحصل فاهمين
يوسف : هو استاذ اسر بقا واصي علينا وانا معرفش
يزن : وانا اعمل الأسر يقول عليه ليه ان شاء الله
ليلي : اخرسوو ابوكو قبل ميموت قال اسر هو الهيمشي كل حاجه كل من بعده عشان انتو ميعتمدش عليكو اصلا وانا وافقت وانتو هتوافقو والمش عاجبه يغور في ستين داهيه
خرج اسر وليلي خرجت وراه بعد ماقالت اخر كلامها اسر اتنهد ومسح وشه لما لقاها ركبت جنبه
اسر : جيتي ليه يا ليلي
ليلي : هاجي معاك اتحرك يا اسر محتاجين نقعد في مكان نتكلم
اسر هز راسه بصمت واتحرك بالعربيه راحو كافيه وقعدو
ليلي : انا عارفه بابا طلب منك اي
بصلها اسر بصدمه
ليلي : زي مقالك قالي هو اكيد مش هيسيب بنته تتخدع يعني
اسر: اااا
ليلي: سبني اكمل معلش بابا قالي حاجات كتير منهم الطلبه منك طلبه مني انا كمان بص يا اسر انا بعفيك من البابا طلبه ده انا موافقه على اي حاجه طلبها مني او منك وانت كده كده واصي علينا بس حوار الجواز ده انا مش هدخلك في عشان هو الله يرحمه عايز كده احنا طول عمرنا اخوات وانت دايما شايفني اختك ف انا شايفه اننا نخلينا اخوات وبلاش الحوار ده يبوظ علاقتنا ببعض
اسر : هو انا ممكن اعرف خالو قالك اي بالظبط
ليلي : قالي انك ابن حلال وشاريني واوافق عليك ونقف جنب بعض وتقف معايا في الشركه وتمسك العيله من بعده انا عارفه كل ده والله بس انت تقدر تعمل كده واحنا اخوات عادي متقلقش مش هدبسك
اسر : انا مش عارف اقولك اي بس انا مفكرتش في الموضوع خالص ومش عارف افكر لسه
ليلي : انا فهماك انت مش محتاج تفكر في الموضوع هو منتهي انا مش هوافق على جوازه مفيش فيها اي مشاعر عمري ما اقبل بكده واعترضت بس هو مسمعش مني عشان ..
اسر : عشان اي ؟ عشان بتحبيني مش كده وهو عارف ده
ليلي : كنت عارفه انو هيقولك هو شايف اني بحبك ويمكن جت فتره عليا حبيتك فيها فعلا لما في عز مشاكلنا مكنش حد غيرك موجود وكنت دايما جنبي بس صدقني دلوقتي مفيش اي مشاعر وحتى لو في انا مش هحط نفسي في موقف اني اتجوز بالشكل ده
اسر : تمام يا ليلي التشوفيه اديني وقت افكر ونشوف هنعمل اي نتكلم في الشغل؟
ليلي : اتفضل
بعد وقت اتكلمو في الشغل وخلصوا وروحوا قدام البيت
ليلي : انت مش هتيجي ولا اي
اسر : هروح اخلص كام حاجه في الشغل واجي
ليلي : تمام تصبح على خير
اسر : وانتي من اهله ليلي استني انا معنديش مانع في موضوع الجواز انا كده كده مفيش حد في حياتي ومفيش مشكله لو حاولنا وعملنا الخالو نفسه في ولو متوفقناش ننفصل رايك اي
ليلي بحيره : مش عارفه يا اسر سبني افكر
اسر ابتسملها : تمام خدي وقتك
راح اسر شغله وليلي طلعت حاولت تنام معرفتش نزلت قعدت في الجنينه بتفكر في كل الحصل ازاي كل ده يحصل في فتره قليله كده الفجر اذن واسر لسه مرجعش ليلي قلقت عليه بس محبتش تكلمه الساعه جت خمسه واسر دخل بعربيته الفيلا ليلي بصت عليه وهو راح ناحيته
اسر : اي المصحيكي لحد دلوقتي
كانت لسه هترد عليه بس لما قرب منها وشافت ملامحه انصدمت ....