رواية كيف تصطادين عريسا الفصل الرابع4 بقلم مريم سمير
كنت بصاله ومش عارفة انطق ، بلعت ريقي بصعوبة
= لاء ، انت عارف كويس اني مش هتجوز
_ أنا فاهم بس..
= لاء يا احمد ، شيل الموضوع دا من دماغك نهائي، بلاش نخسر بعض أرجوك ، أنا مصدقت علاقتنا رجعت زي الاول ، متهدش كل حاجة
_ مريم اسمعيني ، اهدي
= مش عاوزة اسمع حاجة ، اوعي تقول كلامك دا قدام ماما ولا حد من العيلة ، انت المفروض تختار من الأربعة
زعق _ هو كل حاجة المفروض؟ دخلت الكلية عشان مفروض ، فتحت شركة عشان مفروض ، نزلت مصر عشان اتجوز عشان مفروض ، حتي وانا بختار الي عاوزها فيها مفروض ؟
=..
سابني ومشي! قعدت علي سلم العمارة وانا حاطة ايدي علي وشي ، أحمد عاوزني انا؟ أنا لا هعرف أعمل الحاجة دي ولا هعرف أخسره ، لا ينفع يحبني ولا أنا ينفع أتجوزه ، بس أنا قولتله قبل كده أنه هيبقي زوج كويس؟ ، الخوف جوايا مقلش ، ضربات قلبي زادت وكلامه كل شوية يتكرر في ودني ، ماما وبابا لو عرفوا مش هيترددوا دقيقة أنهم يرفضوا أو حتي يسألوني عن رأيي ، هيوافقوا علي طول عشان ببساطة؟ أحمد ميترفضش .
بدأوا ينزلوا من تحت ف وقفت تاني
° مالك يمريم فيه حاجة ؟
= لاء مفيش يماما أنا تمام ، اتأخرتوا ليه؟
° علي ما انجي كتر خيرها عملت ميكب لينا كلنا ، هو احمد فين؟
= معرفش
° دا كان المفروض هيوصلنا للقاعة
_ خلصتوا يخالتي؟
ظهر قدامنا تاني ف بصيت النحية التانية
° أيوة يحبيبي ، يلا بينا يجماعة، اتقسموا علي العربيات عشان يدوب نوصل علي ميعاد وصول ريم
= شهد ، معلش هركب أنا مع باباكي وإركبي انتي مكاني
شهد : فيه حاجة يمريم ولا ايه؟
= لاء مفيش بس حابة اغير القعدة ، اركبي انتي في عربية احمد
شهد : ماشي يحبيبتي مفيش مشكلة
ركبت مع ابو شهد ف ماما بصتلي ° فيه حاجة يمريم ؟
= هركب هنا يماما ، أنا تمام متقلقيش
كله ساق ووصلنا القاعة ، قعدنا علي الطربيزات واستنينا ريم تيجي ، كان هو واقف مع الشباب علي جمب ، ملامحه متغيرة مبيتكلمش ، لازم بعد الفرح اقعد معاه ونتكلم .
سمير جه ووقف قدام الطربيزة الي كنت قاعدة فيها مع بنات خالاتي بصيتله ورجعت بصيت ل ليلي
= لاء بس ايه الشياكة دي يسمير
سمير : الله يشيكك
= تاني؟؟ ، بقولك ايه يا ليلي
ليلي : أيوة يمريم ؟
= سمير كان محتاج يقولك حاجة
سمير : ها؟؟؟ ، لاء تعالي قوليلها انتي
= هو يوم مش فايت أنا عارفة ، قومي يحبيبتي معاه بدل ما اجيب القاعة عاليها واطيها قومي
ليلي : كنت محتاج حاجة يسمير؟
سمير : اه كنت عاوز.. بصي قومي فعلاً
بصيتله ب استغراب وقامت
سمير : أقفي هناك وانا جايلك حالا
مشيت ف رجع بصلي ° أهبب ايه؟
= انت بتسألني؟؟؟
° بالله عليكي يمريم كلمتين استر بيهم نفسي
= قولها انك بتحبها!!
° علي طول ؟؟
= اكيد لاء منتا لازم تمهد
° لاء أنا مش مذاكر
= انت هتقول كلام حاسه مش كلام حافظه! يا آخرة صبري ، امشي يسمير من قدامي وروحلها قولها
° إفرضي رفضت ؟، اعمل ايه ساعتها؟
سكت لما لقيته بيسأل بزعل = مفيش واحدة هتلاقي واحد بيحبها كده وترفضه ، أنا هتكلم معاها بعدها
° شكراً يا مريم ، أيوة يا ليلي جاي اهو
راح وقف معاها وبصلها : شكلك حلو اوي
ليلي : شكراً يسمير وانت كمان
سمير : أنا..
: ماشي؟
° في الحقيقة يا ليلي كنت عاوز افتح معاكي الموضوع دا من زمان بس..
' سمير هو انت ليه كل شوية بتفصل شحن؟ ما تقول الجملة مرة واحدة!
° أنا بحبك
' طب منا عارفة ما انت بتحبنا كلنا!
° لاء، انا قصدي.. بحبك يا ليلي
' ها؟؟؟
ريم وصلت ف بصت علي باب القاعة ورجعت بصيتله
ليلي : أنا لازم اقعد دلوقتي ، اشوفك تاني
سرعت خطواتها ورجعت قعدت علي الطربيزة ، وشها عليه علامات صدمة ف عرفت أنه خلاص قالها
= ليلي انتي كويسة؟
° أيوة
غمزتلها = سمير قالك؟
بصتلي ° انتي عارفة ؟
= عارفة وعوزاكي تديله فرصة، متجوزش عشان بيحبك ، يعني كان مستني كل دا عشانك ، واحد زيه اول ما نقلوا وبعدوا عننا كان نساكي وعرف واحدة من هنا بس هو معملش كده ، عشان عاوزك أنتي
° أيوة بس.. الجوازة الي المفروض احنا فيها! ، ماما قالتلي..
= أنها جوازة محصلتش وإن احمد مفيش زيه ، أنا اتقالي نفس الكلام واتقال ل باقي بنات خالاتنا بس خليني اقولك حاجة ، انك تتحطي في خانة إن احتمال احمد يختارك ولا أنك تكوني متأكدة أن فيه راجل عاوزك انتي ومختارك انتي مش مجرد عروسة من اربع عرايس؟؟
° هو باين عليه أنه بيحبني؟
= الصراحة يا ليلي أنا كنت شاكة من نظراته بس انتي مبتفهميش غير في السمنة البلدي أعملك ايه؟
ضحكت ° هو شاب كويس بس.. ، مش عارفة
= انتي حاسة ايه؟
° لما قالها أول مرة قلبي يدق بالشكل دا ، معرفتش حتي أرد عليه ب أي حاجة
= يعني اترددي؟
° أيوة
= واتكسفتي؟
° موت
= والله أنا شايفة أنه كويس جداً ووسيم وكسيب وشاطر في شغله يعني عريس لقطة
° تفتكري؟
= لو اديتي لنفسك فرصة انك تعرفيه ، انتي مشوفتهوش وهو بيتكلم عنك يا ليلي كان عامل ازاي ، يعني دا اول راجل اتعاطف معاه
سكتت ف كملت
= أنا عارفة انك من اول ما احمد نزل وانتي في مسابقة لكن دلوقتي جاتلك فرصة ترتاحي من الجري دا ، فكرى كويس
كملنا الفرح والكل كان مبسوط، لكن أنا كان نظري كله عليه ، برتب كلام وبرجع اقول مينفعش أقوله ، الفرح خلص وكلنا حسينا بمشاعر لأول مرة نحسها ، فرحة اول حفيدة في العيلة ، بدأنا كلنا نسلم علي ريم ونودعها ، باباها وصي العريس عليها وركبوا العربية وراحوا علي بيتهم
سمير : أنا جبت العربية بتاعتي عشان نرتاح واحنا راجعين
مامته ردت عليه : كويس يبني ، خد بنات خالاتك فيها
رديت بسرعة = العربية بتاخد أربعة صح؟ ليلي وسلمي وشهد وانجي يركبوا مع سمير ، أنا هركب مع ماما وأحمد
سمير غمزلي : اختي والله ، مرتين عشا في فرحي
= يعم الله يسهله
كلنا اتوزعنا علي العربيات واتحركنا ، كان ساكت طول الطريق كأني مش جمبه كأن محصلش حاجة ، وصلنا وماما وخالتي نزلوا وهما بيشتكوا من ضهرهم وأنهم محتاجين يناموا حالا ، الكل طلع فوق وفضلت في العربية
_ مريم؟
= نعم
_ مش هتطلعي ؟ ، أنا رايح أركن العربية واطلع أنا كمان
= كنت محتاجة اتكلم معاك
_ نتكلم في ايه ؟
= في الي قولته قبل الفرح ، أحمد أنا.. آسفة ، أنا عمري ما حسيت اني عاوزة اتجوز ، انت الوحيد الي قولته كل حاجة ، وانت الراجل الوحيد الي مبخافش منه ، مش عاوزة الاحساس دا يضيع مني
_ طب وليه منحاولش؟ مش انتي شيفاني كويس يمريم؟
= محدش بيفضل كويس علي طول
_ عشان احنا بشر مش ملايكة! ، مريم اهدي وافهميني ، أنا ملقتش نفسي حابب أتكلم غير معاكي ، ولا عاوز اشوف غيرك ، وملقتش حد شبهي ولا فاهم دماغي قدك، أنا بحبك
اتجمدت مكاني _ ومش بس الفترة دي ، من قبل حتي ما اسافر وانا اكتر حاجة كانت مزعلاني اني مش هشوفك تاني ، لا هننزل كل خميس نفطر سوا ولا نلعب كورة في حجز الساعة عشرة تاني ، ولا هعرف ألاقي واحدة تسمعني زيك تاني ، لما قالولي أننا نازلين وهختار بنت من بنات خالتي مجاش في دماغي حد غيرك ، أنا مكنتش عاوز أختار بين خمس بنات أنا من الاول وانا مختارك انتي
=..
_ أنا عارف انك خايفة، بس انتي ممكن تديني فرصة ؟
= أنا عاوزة انام
_ أفندم؟؟
= أنام يا احمد أنام
نزل فتحلي الباب ونزلت ، سرعت خطواتي ودخلت العمارة ، وقفت علي السلم وانا باخد نفسي بسرعة ، أنا المفروض اعمل ايه دلوقتي ؟
طلعت الشقة وغيرت الفستان وقعدت في الاوضة، بصيت علي ليلي الي كانت ماسكة الفون وبتضحك ف فهمت
= بتتكلموا ؟
ليلي ° طلع دمه خفيف اوي
= ما علي طول دمه خفيف بس انتي الي مكنتيش شايفة
° تفتكري ماما وبابا هيرضوا ؟
= ليه لاء؟ هو سمير مش هيسيبهم الا لما يوافقوا ف متقلقيش
حضنت المخدة ° تعرفي يمريم ؟ بعيداً عن الطبخ والمطبخ والدور الي عايشة فيه ، كنت دايما عاوزة احس ان فيه راجل بيحبني وعاوزني راجل يحاول عشاني ، لما نزل احمد ولقيت نفسي مجبورة ابقي عروسة وسط بنات خالاتي كنت مضايقة اوي ، كنت عارفة إن احمد مبيحبش ولا واحدة فينا هو هيختار المناسبة وخلاص ، بس بعد ما سمعت كلام سمير عرفت اني كنت هفوت علي نفسي اني احس الي كنت عاوزة أحسه
ابتسمتلها = وهتحبيه من حبه ليكي أنا متأكدة، ربنا يسهلكم امورك والموضوع يمشي كويس
نمت وصحيت علي صوت ليلي بترزع الباب
= جري أيه يحبيبت قلبي ؟ انتي لو متربتيش هقوملك مبدأيا
° سمير بيكلم بابا
= ياه علي عصر السرعة!! ، طب ايه المؤشرات ايه؟
° يعني.. سايبة بابا بيبرق وامي شوية وهترقع بالصوت، حاسة كده والله اعلم فيه اعتراض
= بجد والله؟ طب ايه؟ يبقي فيه حالات اغماء عشان تتأكدي طيب؟
° هي الجوازة بتاعت احمد الي هتخليهم يشوفوا سمير لسه في أول حياته
= استهدي بالله
° هو مؤدب مش هيعرف يقنعهم اسمعي مني
سمعنا صوت زغاريط جاية من برا ، بصينا لبعض وبعدها جرينا علي الصالة
مامتها : الف الف مبروك يا ليلي
° اقنعكم؟
ردت خالتي وهي بتضحك : لاء يحبيبتي دا قالنا لو موفقناش هيشوهنا
° ها؟؟؟؟؟
بصيتلها وانا بسألها = انتي متأكدة أنه مؤدب؟؟
سمير : خالتي بتهزر هو انا اترفض يعني ؟
العيلة بدأت تهلل تاني ، بصيت علي سمير الي كان باصص علي ليلي كأنه خلاص خدت الي عاوزه من الدنيا! هو فعلاً فيه حاجة اسمها حب؟ يمكن الي سمعته في الي فاتت كانت تجارب فاشلة عشان الراجل والست مش متفاهمين؟ مش حابين بعض ؟ ، ولا الرجالة كلها بتتغير بعد الجواز ف دا الي بيخلي الحب يقل أو ينعدم بعد كام سنة ؟؟
بعدها ب يوم كان لازم نسافر تاني البلد ، سمير وباباه اتفقوا علي كل حاجة وأنهم هيجوا لينا عشان الخطوبة ، ودعنا خالتي وبدأنا نحضر الشنط عشان نمشي ، نزلنا تحت واتقسمنا علي العربيات ، ركبت مع احمد وماما ومامته وباباه ( نفس الركوبة الي جينا بيها )
قطع الصمت صوت بابا : ها يا احمد قررت؟ سمير الله ينور هما يومين وكان مخلص الموضوع
_ ربنا يسهل يبابا
° أيوة يعني اختارت ؟؟
بصلي ف اتوترت _ يعني.. قريب إن شاء الله
° أيوة كده طمنت قلبي ، ربنا يقدم الي فيه الخير
كملنا طريق ووصلنا ، طلعنا بيت العيلة وكان وقت غدا بس فيه حاجات كتير للطبيخ ناقصة وب حكم إن سلمي اشطر واحدة تشتري حاجات من السوق نزلت هي ، دخلنا كلنا نريح في الأوض لحد ما هي تيجي
_في السوق_
البياع ° الكيلو ب ٢٥
_ طب ما حلو جداً ، اديني اتنين كيلو لو سمحت
سلمي = فلفلة ايه الي ب ٢٥ هو انت فاكرني أجنبية؟ طب دا شكله مغفل وماشي مليش دعوة
_ نعم؟؟؟
= لكن أنا حد قالك اني كنت في حواري جاردن سيتي ولسه واصلة سياحة؟
° دي الاسعار الموجودة في السوق مش عاجبك متشتريش يا آنسة
= لاء أنا اشتري من المكان الي انا عوزاه والفلفلة دي هاخد الاتنين كيلو ب عشرة
° نعم؟؟؟ دا انتي بتحلمي بقي
= لاء بقولك الي هيحصل بدل ما افرج عليك السوق يا نصاب يا ضلالي وهتديني الي عوزاه عشان دي الأسعار مش الي انت حاططها تضحك بيها علي الناس
° لاء دا انتي تيجي تبيعي مكاني احسن
= علي الاقل هيبقي عندي ضمير ، اوزنلي اتنين كيلو وبلاش أنا احسنلك
بدأ يوزنلي الي عوزاه ف بص الشاب ليه تاني
_ أنا تبعها علي فكرة ، اوزنلي زيها بنفس السعر
ضحكت = حد يروح يشتري فلفلة ب ٥٠ جنيه؟؟
_ أنا كنت فاكر اني كده واحد صفر ليا
= انت اول مرة تنزل السوق؟
_ والدتي تعبانة ف لازم انزل اجيب انا الطلبات
= ربنا يشفيها ، بعد اذنك
_ استني لو سمحتي
= خير؟؟
_ عاوزك تيجي معايا علي فرشة البطاطس
= أفندم؟
_ عاوز اعمل شربة خضار ل والدتي ف أنا كده هصرف ٥٠٠ لو فضلت لوحدي علي اتنين كيلو بطاطس وبسلة وكوسة ف ميرضكيش يعني
= ٥٠٠؟؟ معاك ٧٠ جنيه؟
_ متهزريش
= هيفضل منها مواصلات تروح بيها ، تعالي ورايا
روحنا واشترينا خضار ف بصلي
= ايه تاني؟؟؟
_ بتتعمل ازاي بقي؟
= أصلا؟
_ معلش زي بعضه ، انتي بنت حلال والي ساعدتني هنا ف كملي جميلك للأخر
طلعت ورقة وقلم من شنطتي وكتبتله طريقة التحضير بالظبط = اتفضل
_ متشكر اوي ، فرصة سعيدة جداً يا.. ، حضرتك اسمك ايه؟
= سلمي
_ وانا يوسف
= أهلاً وسهلاً، أنا لازم امشي عشان اتأخرت
مشيت كام خطوة ف اتكلم _ احتمال بكرة اجي تاني حاولي انتي كمان تكوني موجودة عشان هشتري فاكهة
ضحكت وكملت طريقتي ووصلت البيت واديتهم الطلبات ودخلت قعدت مع بنات خالتي في الاوضة
انجي : مش واخدين بالكم من حاجة؟
شهد : حاجة ايه؟
انجي : احنا كده بقينا تلاتة احمد هيختار منهم هو ايه الي مخليه مختارش لحد دلوقتي ؟
ردت ليلي : الحمد لله الذي عافانا ، يلا بالتوفيق يخواتي
سلمي : مش احمد المفروض افتتاح شركته بكرة؟
شهد : اه سمعت باباه بيقول كده قبل ما نسافر
انجي : خلاص نروح نباركله وأهو فرصة نتجمع برا البيت
رديت ب تساؤل = هو الافتتاح بكرة ؟؟
انجي : أيوة ، ما تيجي معانا يمريم ، هو بيعرف يتكلم معاكي وانتي ب كلامك ممكن تخليه ينجز في الموضوع دا ، أنا ماما كل شوية تسمعني كلمتين
شهد : وانا كمان
سلمي : وانا كمان ، دي شوري ايه دي بجد دا انا قربت اكره الجواز
= ماشي ، هاجي معاكم
نزلنا الصبح بدري اشتريت ورد وروحنا علي الشركة
انجي : بقولك ايه ، اطلعي قوليله اننا هنا
= انتوا بتسلموني؟؟؟
شهد : مهو لو لقانا كلنا جايين بربطة المعلم من غير ما نقوله احتمال يضايق
نفخت = طيب ، خليكم وانا طالعة اقوله وهندهلكم بعدها تطلعوا ، طلعت وخبط علي الباب وفتحته
= الف مبروك يا احمد
_ مريم ؟ تعالي اتفضلي ادخلي
مديت أيدي بالورد = إن شاء الله فتحة خير
_ متشكر أوي، تعبتي نفسك
= ولا تعب ولا حاجة ، ميجيش جمب جمايلك الي بتعملها معايا
_ الي بعمله معاكي مش جمايل يمريم
بصيت النحية التانية = حلو اوي مكتبك
_ بجد؟
= اه شيك اوي
بص من شباك المكتب الازاز _ مريم؟ انتي جايبة الكتيبة معاكي ؟
= جايين يباركولك ، عرفت منهم أن الافتتاح النهارده
قبل ما أخلص كلامي سمعنا صوت انجي بتتخانق
_ اتفضلي ، اتفضلييييي
ضحكت = تعالي بس نشوف ايه الي حصل
نزلنا ووقفنا في نص الشركة ، موظف دلق قهوته علي لبس إنجي
انجي : انت أعمي؟؟ ايه الي عملته دا انت مش عارف الي لبساه دا بكام ؟
_ بس السبب مش مني! حضرتك لابسة نضارة سودا ومش شايفة قدامك
° أفندم؟؟
أحمد همسلي : نضارة شمس ايه الي تتلبس دلوقتي ، اقولهم أنها قريبتي ازاي دلوقتي ؟
= الموضة انتوا الي جهلة
انجي : أحمد ، مشيه حالا
أحمد : نعم يختي؟ معاذ من أكفأ المهندسين هنا ، دا هيعمل شغل نار دا
انجي : بقولك الاوتفيت باظ!
أحمد : يطلع ايه الاوتفيت دا يمريم؟
= لبسها الي ادلق عليه القهوة
رجع بصلها الشاب : علي العموم ، معلش مقصدش
انجي : انت بتتكلم ولا كأني أنا الي غلطانة أو شغالة عندك!!
معاذ : أحمد بيه أنا مش هقبل الي بيحصل دا
أحمد : طب ارقع بالصوت وسط الشركة يقولوا المدير اتهبل؟ معلش يا معاذ عندي دي
انجي : انت كمان بتستسمحه هو ؟؟
أحمد : معلش يا انجي عندي دي
ربعت أيدها : وانا عاوزة حقي
أحمد : طب اقفلها وأقلبها فرشة خضار واشمت الدنيا فيا عشان ترتاحي ؟
انجي : لاء ، تمشيه
معاذ : مش بمزاجك
كانوا باصيين هما الاتنين لبعض بمنتهي الغضب
معاذ : وبعدين ما البدلة الي لابسها جه عليها قهوة معملتش الي عملتيه ليه؟
انجي : هتساوي البدلة ب..
معاذ : البدلة ب ٣٠ الف ، إلعبي
سكتت وبصت قدامها ف احمد كمل
_ تعالوا فوق ، كل واحد يرجع لشغله يمهندسين معلش عطلناكم
طلعنا تاني فوق ف قعدت علي الكرسي وهي مضايقة
° كان المفروض تجيبلي حقي!
_ يا انجي الراجل مغلطش دا انتي مسكاه غسيل ومكوة وبعدين دا معاه خبرة هتفيدني جداً في الشغل
° بس هو الي غلطان
_ انزل اجلده تلاتين جلدة يعني ولا اعمل ايه ؟
ضحكت حطيت ايدي علي كفتها = خلاص يا انجي حصل خير ، انتي بوختي الراجل والموقف عدي روقي بقي
_ ايه رأيكم أخلص الشغل الي في ايدي ونتغدي برا ؟
ردوا ° اه ، ياريت
خلص شغل ونزلنا روحنا مطعم وقعدنا علي طربيزة كبيرة _ معاذ؟؟ ازيك يا راجل
معاذ : أهلا ازيك يا احمد
_ تعالي اقعد معانا
إنجي اتكلمت بصوت واطي : أكيد مش هيجي يقعد معانا بعد الي عمله يا احمد!
_ محسساني يا انجي أنه جاسوس ، الراجل قاعد لوحده فيها ايه لما يتغدي معانا؟
جه وقف قدامنا : بس بشرط ، العزومة عليا
_ لاء ميصحش و..
معاذ : والله أبدا، أنا الي هحاسب دا بعد اذنك طبعاً يا احمد بيه
_ شيل الالقاب يعم احنا برا الشغل ، اتفضل اقعد
قعد معانا وطلبنا الأكل، كان راجل لذيذ وعقلاني ودماغه توزن بلد ، قال ل احمد اكتر من خمس افكار عشان ينمي الشغل في اسرع وقت
_ والله كنت عارف انك مكسب للشغل عندي
معاذ : ربنا يخليك يا احمد متشكر
_ انت كنت مستني حد ولا ايه ؟
معاذ : لاء.. أنا متعود أكل دايما لوحدي
_ ليه كده؟
معاذ : والدي ووالدتي متوفيين ف من وقتها الاكل والشرب برا البيت
_ أنا آسف جدا مكنتش اعرف ، ربنا يرحمهم
معاذ : يارب ، متشكر
همست لإنجي = شوفتي؟ طلع طيب وغلبان كمان ، منك لله يجاحدة
انجي حست بالذنب ف قالت ب زعل : ربنا يرحمهم ، أنا.. آسفة علي الي عملته النهارده
كلنا بصينا لإنجي ب استغراب ( أول مرة تعتذر لحد ف هي معروفة أنها الفتاة المدللة في العيلة وكل طلباتها مجابة نظراً أنها البنت الوحيدة ل خالتي وباباها ف دلعونا دلع زيادة ومكنتش بتعتذر عن اي حاجة مهما كانت غلطانة )
معاذ : ولا يهمك يفندم ، أنا كمان متأسف
الأكل نزل ومعاه الحكاوي كترت أكتر ، طلع مهتم جداً ب اللبس والموضة ف انجي اتكلمت بلهفة
_ بجد رايح العرض دا ؟؟
= كنت ناوي بس بنت عمي سافرت لشغلها ف شكلي مش هروح
_ أنا كنت عاوزة بس كنت فاكرة إن محدش مهتم ، ايه رأيك يا احمد تيجي معايا ؟
رد احمد : مش بفهم في اللبس والله يا انجي دا انا مرة لبست بنطلون اخضر علي قميص زيتي
انجي : لاء متكملش، وصلت للمرحلة دي متكملش
ضحكنا ف معاذ بصلها : أنا هبقي هناك ، لو مجتيش مع حد يومها ممكن نبقي سوا
_ بجد؟؟
= أكيد
_ كويس اوي ، كنت عاوزة احضر العرض دا من زمان
كملنا أكل ومعاذ حاسب وطلعنا برا المطعم
معاذ ° فرصة سعيدة جداً
_ حبيبي يا معاذ احنا الأسعد والله ، هستأذن عشان لسه هوصلهم بيت العيلة
° مع السلامة
ركبنا العربية وأحمد ساق ووصلنا بيت العيلة ، البنات دخلوا الأوض وقعدت أنا وأحمد مع جدتي ، اتكلم احمد مع تيتا
_ بقولك ايه يبركة
° قول يحبيبي ؟
_ فيه واحد ابن حلال عازمنا النهارده عزومة جامدة ف عاوز أردله العزومة بس تكون هنا في البيت
° وماله يحبيبي ، اديله خبر يجي بكرة واحلي عزومة تتعمله
باس ايدها _ ربنا يخليكي لينا يحبيبتي
° وافرح بيك يحبيبي واشوفك عريس
بصلي ف بصيت نحية الاوضة بسرعة طيب
= أنا هدخل انام أنا كمان تصبحوا علي خير
دخلت الاوضة ف لقيت انجي لسه منامتش
= فيه عزومة بكرة إنما ايه..
° لاء أنا مش فاضية
= يعني مش هتحضري العزومة خالص؟؟
° لاء مش مهم ، عندي مشاوير بكرة كتير
= ماشي ، اصل سمعت إن احمد عزم معاذ عشان يردله العزومة الي حاسبلنا فيها ف..
° هو جاي؟؟؟
= أيوة العزومة معمولة عشانه اصلا ، يخسارة انك متحضريش
° ها؟ اصل.. دا ضيف مش ينفع مبقاش موجودة هتبقي قلة ذوق
= لاء عادي مش قلة ذوق ولا حاجة
°..
= قولي انك هتحضري عشان عرفتي أنه جاي
° لاء طبعاً! انتي ناسية الي احنا فيه؟
= قصدك علي جوازة احمد؟؟ ، بس انتي حتي مش مستلطفة أحمد
° مش مهم ، ماما قالتلي إن كل حاجة بتيجي بعد الجواز ودي اول حاجة يطلبوها مني ف لازم اعملها
= ماشي ، علي كيفك
قومنا الصبح علي صوت ماما وخالاتي وهما بيجهزوا الأكل ، فطرت وشربت قهوة وقعدت في البلكونة شوية لحد ما قرب ميعاد الغدا ، قومت عشان ألبس أنا وبنات خالاتي ، الحركة بدأت تكتر لما ميعاد معاذ قرب ، السفرة اتملت أكل وأحمد وقف يستقبله ، جه ومعاه ورد وشوكولاتة ودخل سلم علي الكبار الموجودين
بدأنا اكل ومعاه صوت الضحكة بتعلي أكتر واكتر من مواقف معاذ واحمد بيحكوها ، الاتنين كانوا في غربة ف عندهم حكايات كتير متحكتش ،
خلصنا أكل وشربنا شاي في البلكونة
معاذ : أنا مش عارف اقولك ايه يا احمد
_ ولا اي حاجة يمعلم دا انت منورني
معاذ : من وقت ما ابويا وامي ماتوا وانا محستش ب العيلة غير النهارده
ردت جدتي ° واحنا يبني والله حاسين أننا نعرفك من زمان وانك مننا وعلينا
معاذ : ربنا يديم المحبة ، علي فكرة أحمد مدير هايل
باباه اتكلم بحماس : بتتكلم بجد؟؟
معاذ : عنده أفكار لو اتنفذت أنا متأكد إن شركته في ظرف سنة هتبقي من أكبر الشركات في مصر
باباه بصاله بفخر : ربنا يكرمك يباشمهندس وعقبال العروسة
معاذ بصله : هو انت هتتجوز ؟
_ مش بالظبط..
باباه رد : هيتجوز واحدة من بنات خالاته إن شاء الله، سلمي أو شهد أو انجي اكيد شوفتهم مع احمد قبل كده
الغريبة إن عين معاذ موقعتش غير علي إنجي ، لاحظت نظراته ولما لقاني ببصله رجع بص ل أحمد تاني
معاذ : ربنا يتمم علي خير
أحمد _ متشكر يا معاذ
معاذ : استأذن أنا
_ ليه يراجل ما لسه بدري
معاذ : معلش ورايا شغل محتاج أخلصه ، اتبسطت اوي اني كنت وسطكم والله
مشي ف انجي بصتلي وهمست ° أنا محتاجة انزل اجيب حاجة من تحت
= حاجة ايه؟
° تعالي بس معايا عشان مش هعرف أنزل لوحدي
نزلنا تحت العمارة ، كان معاذ لسه هيسوق بس صوت إنجي وقفه
_ انت هتروح العرض؟
= انتي رايحة؟
_ أيوة
= يبقي أشوفك هناك
ابتسمتله ف قطعت كلامهم : احممم!!!
بصولي هما الاتنين = طيب ، أنا لازم امشي، تصبحوا علي خير
_ وانت من أهله
ساق ف رجعت بصيتلها وربعت أيدي
° فيه ايه؟؟
= مهتمة اوي انك تشوفيه تاني ليه؟
° أنا!! لاء دا انا عاوزة اروح العرض ومحدش من صحابي راضي يجي خالص ف قولت فرصة يكون هناك حد عرفاه
= هو العرض دا أمتي؟
° بكرة
= طب يلا نطلع بدل ما ياخدوا بالهم
طلعنا ودخلنا الاوضة ونمنا ، حسيت إن انجي معجبة بيه ويمكن هو كمان! ، اتنين معجبين ببعض بعد ما فرجوا عليهم الشركة كلها!!!!
تاني يوم بليل دخلت عليها وهي بتجهز
= شكلك.. حلو اوي
° بجد؟؟ يعنى مش ناقص أي حاجة اعملها؟
= منتي علي طول شكلك حلو ، اشمعنا النهارده مهتمة تعرفي ايه الي ناقص؟
° تعرفي يمريم ؟ كان لازم تشتغلي في التحقيق ، كل شوية سؤال ميتجاوبش عليه
ضحكت = طب إلحقي بقي عشان توصلي قبل ما العرض يبدأ
حطت التاتش الأخير وبصت علي المرايا ومشيت .
_ في العرض _
معاذ _ بقالك كتير؟
انجي = لاء لسه واصلة من عشر دقايق
_ معلش اتأخرت شوية كان ورايا شغل ولسه مخلصه
= ولا يهمك
_ أنا حاجز الطربيزة دي ، تقعدي معايا؟
= اكيد
قومت من المكان الي كنت قاعدة فيه وقعدت معاه علي الطربيزة بتاعته ، العرض بدأ ب هدوم للكبار براند الأول وبعد كده هدوم أطفال ، كنت مبسوطة اوي وانا بتفرج ، حصل مزاد ف بصلي _ اكيد هتشتري من الهدوم البراند الي اتعرضت
= عرفت منين؟
_ ناسية لما قولتيلي انت متعرفش الاوتفيت دا بكام
ضحكت = لاء ، أنا جاية عشان هدوم الأطفال
_ الاطفال؟؟ ليه ؟؟
= هقولك لما أخلص
المزاد اتفتح وكسبت _ مبروك
= الله يبارك فيك
_ بس انا لسه مش فاهم
= فاضي تيجي معايا مشوار وساعتها هتفهم؟
_ أكيد، اتفضلي
الشنط بتاعت الهدوم اتحطت في عربيته ووصفتله المكان الي عاوزة اروحه ، وقف عند البوابة وبصلي
_ دار أيتام ؟
= هيفرحوا اوي ، كان نفسهم يعيدوا بهدوم جديدة
فضل باصصلي = فيه حاجة ؟
_ الصراحة ولا هتزعلي مني؟
= لاء قول فيه ايه
_ اول ما شوفتك اول فكرة خدتها عنك انك مغرورة ، بنت حلوة بس شايفة نفسها ويمكن شايفة أنها ليها الحق تعمل الي هي عوزاه في الي قدامها، بس النهارده عرفت انك من جواكي كمان طيبة
بصيت النحية التانية ب كسوف = امممم ، هديهم خبر يجوا يشيلوا الهدوم من العربية عشان نتحرك
الهدوم اتشالت وصاحبة الدار جت شكرتني، وصلني لحد البيت وقبل ما افتح باب العربية وقفني صوته
_ انجي
= أيوة؟
_ أنا اتبسطت اوي بالكام ساعة الي فاتوا ، وكمان مبسوط اني دلقت القهوة عليكي
ضحكت وانا مش فاهمة = نعم؟؟
_ لولا كده مكنتش عرفتك
° الله الله ، وايه كمان؟؟؟
= بابا!!!!! أحمد!!!!