رواية عنيدة في جحيم الفهد الفصل الرابع4بقلم اميرة خالد
و قال ادهم شكرا يا استاذ فؤاد
رد عليه العفو يا فندم بس لازم تمضي على الورق ده قبل ما تستلم الشيك
و رد ادهم ورق ايه
رد فؤاد دي اتفاقيه بينك وبين اميمه هانم على الشرط اللي هي طلبته منك امبارح
اتفاجئ ادهم بالكلام وقال له انا مستحيل امضي على الورق ده
رد المحامي يبقى كده ما فيش شيك
رد زين طب هو الورق ده بيتكلم عن ايه
رد فؤاد باختصار ده الشرط اللي هي طلبته وفي حاله ادهم بيه ما نفذش الشرط ساعتها الفلوس كلها هتروح للجمعيه وهو مش هياخد منها اي حاجه حتى نص الشركه هتتباع
اتصدموا الاثنين من تفكير اميمه
وقال ادهم وانا رافض امضي على الورق
رد فؤاد تمام جدا وقام مشي
وقال زين هتعمل ايه يا ادهم ما تنساش ان سعد عايز فلوسه النهارده وكمان اخر الاسبوع لازم الفلوس تبقى في البنك عشان تغطي على الصفقه
رد ادهم انا مش قادر افكر
رد زين ايه المشكله ما توافق بالشرط واتجوز انت في الاخر لازم هتتجوز وتبني عيله ويبقى لك عيال
رد ادهم ايوه انا هعمل كده بس مش بالطريقه ديت
رد زين هو انت بتحب شاهي
رد ادهم لا طبعا انا كنت خطيبها عشان خاطر هي واجهه غير كده لا
رد زين طيب اميمه هانم مش هتنقي لك اي واحده وخلاص دي هتجيب لك واحده تنفع زوجه وام وسيده مجتمع كمان
رد ادهم مش عارف يا زين انا متلخبط
رد عليه فكر فيها وشوف هتعمل ايه
وخرج زين و ادهم اتنهد وغمض عينيه وهو بيفكر في اللي بيحصل
والباب خبط ودخلت السكرتيره وهي بتقول المحامي بتاع سعد بيه واقف بره
رد ادهم قولي له يجي بكره عشان الفلوس تبقى جاهزه
ردت السكرتيره حاضر يا فندم وخرجت وادهم اخذ مفاتيحه وموبايله ومشي
اما في مكتب فؤاد كان بيتكلم اميمه وحكى لها اللي حصل كله
وهي قالت له تمام
والباب خبط ودخلت في السكرتيره وهي بتقول ادهم بيه بره وعايز يقابل حضرتك
رد عليها خليه يخش
وقال ادهم بيه وصل يا اميمه هانم
ردت عليه خلي السكه مفتوحه وانا عايزه اسمع كل كلمه وهو بيقولها
قال لها تمام
ودخل ادهم وهو بيقول الورق فين عشانهم دي
رد فؤاد حاضر يا ادهم بيه وطلع الورق ومضاه ادهم واخذ الشيك
وقال فؤاد بس مهله الورق ده سنه واحده
رد ادهم وانا موافق وخرج وقال فؤاد مضى يا اميمه هانم
قالت له تمام وقفلت معاه
ومسكت اميمه التليفون واتصلت على صاحبتها وقالت لها انها عايزه تقابلها النهارده هي وحفيدتها في البيت
ردت عليها تمام بس حفيدتي مش هنا
ردت اميمه لا لازم تبقى معاكي عشان حفيدي هيبقى موجود
ردت صديقتها تمام هنكون عندك الساعه 8:00 بالليل وقفلت معاها
وندهت اميمه على بسمله وقالت لها عايزاك تحضري لي حلويات وعصاير عشان عندي ضيوف بالليل
ردت بسمله حاضر يا هانم ودخلت المطبخ
واميمه مسكت التليفون واتصلت على ادهم
وقالت له انها مستنيه بالليل وكمان في عروسه هتبقى موجوده
رد ادهم حاضر واقفل معاها
وكان قاعد في الشركه عند سعد بيه وبيمضي العقد وادى له شيك بالفلوس وقبل ما يمشي
قال له اتفضل دبله بنتك وقول لها كل حاجه انتهت ومشي ادهم وساب سعد مصدوم
وبالليل في شقه اميمه كانت قاعده هي وصاحبتها وحفيدتها والباب خبط وراحت بسمله تفتح واتفاجئت بادهم وهو اتضايق
وهي سابته ومشيت دخلت المطبخ
وهو دخل سلم على الموجودين وقعد وقالت اميمه ما تخش البرنده يا ادهم انت وسالي هز راسه بالموافقه
ودخلوا وسالي كانت معجبه بادهم وقالت الجو النهارده حلو جدا
رد عليها طبعا وفضلوا يتكلموا
اما عند بسمله ندهت عليها اميمه وطلبت منها تعمل قهوه لادهم وعصير لسالي
وقالت لها حاضر فعلا عملت المشروبات ودخلت البرنده وحطت القهوه والعصير وخرجت
وادهم كان عينه عليها ونفسه يضربها متغاظ منها
وقالت سالي انا سمعت ان انت خاطب
رد ادهم ببرود الخطوبه اتفسخت
ردت سالي بصراحه زعلت قوي اصل شاهي صاحبتي في النادي وحبيبتي جدا
رد ادهم تمام وطلع التليفون وكلم زين وما عبرش سالي تاني
وبعد وقت مشوا الناس وقالت اميمه ايه رايك في العروسه
رد عليها اللي انتي شايفاه انا معاكي فيه
قالت له مالك يا ادهم ليه محسسني ان انت بتعمل الموضوع ده غصب عنك
رد عليها طب ما هو فعلا انا بعمله غصب عني هو في حد فيكم بيسالني انا عايز ايه
ردت اميمه بس انا شايفه مصلحتك فين
قال لها خلاص محتاجه حاجه انا مروح
ردت عليه لا انت هتقعد معايا الفتره ديت اوضتك جوه جاهزه وكمان شنطه هدومك موجوده جوه
رد ادهم وانتي جبتي حاجتي ازاي
ردت عليه اتصلت بالفيلا وخليتهم بعتها لي النهارده
و قال ادهم بضيق طب تصبح على خير ودخل الاوضه
وبسمله كانت بتروق الدنيا
وعدت فتره طويله وكل يوم اميمه تجيب له عروسه شكل وهم اللي بيرفضوا ادهم واتضايقت من اللي بيحصل
اما ادهم عمل الصفقه اللي هو عايزها واخلص شغله وابراهيم راجع من السفر بعد ما طلق مراته وطلب الشركه من ادهم
وادهم عرفه ان اشترى نصيب سعد ولو هو عايز يبيع هو موافق يشتري وابراهيم ما عجبهوش الكلام وراح لاميمه وقال لها وهي صدته
اما بسمله في كل يوم بتتعلم حاجه جديده وبقت معاها لغه وكمان اميمه بتساعدها عشان تكمل تعليمها وطبعا اليوم ما بيعديش من مضايقات ادهم ليها
كانوا قاعدين بيتغدوا قالت اميمه انا مش عارفه اعمل معاك ايه كل العرايس اللي انا جبتهم رافضينك انت عملت ايه للبنات خليتهم مش طايقينك
رد ادهم ببرود ولا عملت لهم حاجه
ردت بسمله بصوت واطي لازم يطفشوا هي دي خلقه الواحد يعاشرها
بتضايق ادهم من كلامها
وقالت اميمه طب خلي بالك بقى دي اخر واحده هاجيبها ولو ما وافقتش عليك اعرف ان انا هنفذ الشرط اللي في العقد
رد ادهم حاضر
وقامت اميمه ودخلت الاوضه
واقف ادهم وقال لها انا بقى ما تعاشرش
ردت بسمله اه ما تتعاشرش ايه حلو اللي فيك او الميزه اللي يخلي الواحده توافق عليك
ضحك ادهم وقال لها تحب تعرفي ايه هي الميزه
ردت عليه مش محتاجه اعرف علشان انت مش الستايل بتاعي
ضحك ادهم بقوه وقال لها بقى عرفت كلمه ستايل الله يرحم ما كنت بتمسحي العربيات
ردت بسمله بقوه وايه المشكله بمسح العربيات شغلانه شريفه هو انت كنت بتشوفني برقص في كباريه ولا حاجه
رد ادهم هي الشغلانه مش عيب بس انت كلك على بعضك ما فيكيش ريحه الانوثه عامله زي انثى البطريق
بصيت له قوي وقالت له انا انثى البطريق يا كلب من غير ديل
اتعصب ادهم قال لها انا كلب طب انا هوريك الكلب ده هيعمل فيك ايه ويجري وراها في الشقه وكان عايز يمسكها
وهي راحت على الحمام وقفلت الباب عليها
وقال ادهم يعني انتي هتفضلي طول الليل في الحمام ماشي يا بسمله انا هوريكي لسانك الطويل ده انا هعمل فيه ايه ودخل الاوضه بتاعته وكل ده كانت شايفاه اميمه وابتسمه
وفي النادي كانت قاعده شاهي ومعاها سالي اللي بتقول لها بصراحه زعلت قوي يا شاهي لما عرفت ان ادهم سابك
ردت شاهي بغرور مين قال لك ان هو سابني انا اللي سبته
ضحكه سالي وقالت لها انا عارفه عشان كده جه يتقدم لي وانا اللي رفضته
بصيت لها شاهي بصدمه وقالت لها انت متاكده
قالت لها اه طبعا متاكده ولو مش مصدقه ده حتى راح لنريمان
وتضايقت شاهي من اللي سمعته وقالت في سرها مشي يا ادهم والله لاوريك
وثاني يوم في الشركه كان ادهم قاعد بيخلص شغله ودخلت عليه السكرتيره وهي بتقول له شاهي هانم بره وعايزه اتقابل حضرتك
قال لها دخليها ودخلت شاهي وهي بتقول له هاي ادهم
رد عليها ازيك يا شاهي عامله ايه
ردت عليه كده يا ادهم اعرف ان انت رحت تخطب سالي من ورايا وكمان ناريمان انت ما سبتش بنت في النادي وانت عايز تخطبها
رد ادهم وانتي مالك احنا مش سيبنا بعض وخلصنا
ردت عليه انت اللي سبتني مش انا وانت عارف ان انا بحبك ومستحيل ابص لواحد غيرك
و قال ادهم انا فاهم كل اللي انتي بتقوليه ده بس انا مش بحبك وعمري ما حبيتك
اتعصبت شاهي وقالت له وانا مستحيل اسيبك لاي واحده خليك فاهم كده وخرجت تجري من المكتب
وعند اميمه في الجمعيه جالها اتصال من صديقتها وقالت لها معلش يا اميمه انا مش هقدر اجبر حفيدتي انها تتجوز ادهم وهي مش عايزاه
ردت اميمه ما فيش ادنى مشكله وقفلت معاها
ودخلت بسمله في الوقت ده وهي بتقول لها البنات جاهزين بره
ردت اميمه تمام واعملي حسابك يا بسمله ان انتي هتيجي معايا النادي النهارده
ردت عليها حاضر
وفي النادي كانوا قاعدين كلهم وبسمله قاعده في ترابيزه بعيده
وقالت اميمه وانتي معاكي ايه يا بسنت
وكانت هترد عليها بس تفاجئوا باللي جت عند الترابيزه
وقالت شاهي طبعا انت جاي تتقدم لواحده ثانيه بعد اللي عملته معايا ويا ريتك كنت راجل
رد ادهم بعصبيه ايه اللي انتي بتقوليه ده يا شاهي
ردت عليه طبعا اعمل لك فضيحه بعد ما انت عشمتني بالجواز وسبتني وبتعمل كده مع كل بنت تعرفها
اتكلم ادهم لم نفسك يا شاهي احسن لك
وقالت صاحبه اميمه بعد اذنكم قوم يا بسنت خلينا نمشي
وقالت اميمه عاجبك الفضايح ديت
رد عليها فضايح ايه انا راجل متجوز ما فيش حاجه تعبني
ردت شاهي متجوز مين
قال لها وانتي مالك
قالت لي عشان انت كذاب انت مش متجوز ولا حاجه
وقالت اميمه صحيح انت متجوز مين
وقال ادهم بعصبيه وهو بيشد ايد بسمله متجوز بسمله وبسمله كانت لسه هتزعق وهو شد على ايديها جامد
وقالت شاهي انت مستحيل تتجوز البتاع ديت
رد ادهم ليه دي احلى منك على الاقل كل حاجه فيها طبيعيه مش فيك زيك
اتكسفت شاهي وسابته ومشيت
وقالت اميمه وانت بقى فعلا متجوز بسمله ولا انت بتكذب
رد ادهم واكذب ليه احنا متجوزين بقى لنا اسبوعين وما كنتش عارف اقول لك ازاي بس الحمد لله ده حصل عشان تعرفي
ردت اميمه تمام معاك تسع شهور والاقي حفيدي على ايديا فاهم ولا لا وسابتهم ومشيت
وبسمله لسه هتتكلم وقال ادهم من غير ولا كلمه احنا هنتكلم بس مش هنا وشدها وراكب العربيه
وكلمت بسمله بصوت عالي ممكن بقى افهم اللي انت قلته ده جوه
رد عليها ما انتي شفت اللي حصل وكان لازم اعمل كده عشان ممكن تحصل فضيحه
ردت عليه طب وانا ذنبي ايه وتقول علي مراتك ليه
رد عليها طب ايه رايك نعمل اتفاق بيني وبينك
ردت عليه اتفاق ايه
قال لها انا اتجوزك ونخلف العيل اللي اميمه هانم عايزاه وانا هكتب لك شقه ليكي باسمك وهحط لك فلوس في البنك عشان تعرفي تربي اخوك وهدخله احسن المدارس ايه رايك
ردت بسمله وانت فاكر ان انا ممكن اجيب عيل واسيبه لك وامشي بالسهوله ديت
رد ادهم طب بلاش الخلفه وخلينا نتجوز لغايه ما احل المشكله دي مع اميمه هانم وساعتها ممكن اقول ان العيب مني وان انا ما بخلفش وبعد ما طلقك اشوف الانسانه اللي انا عايزه اتجوزها واخلف منها واقول ان انا اتعالجت قلت ايه
ردت عليه انا مستحيل اوافق
قال لها يا ستي اعتبري نفسك دخلت السجن ست اشهر ولا سنه وهتطلعي منه معاكي فلوس شيء وشويه
ردت بسمله انا مستحيل اعمل كده
رد عليها بلقم براحتك بس خلاص اميمه هانم عرفت ان احنا متجوزين مش بعيد تروحي تقول لك تباتي معايا في نفس الاوضه
فكرت بسمله في الكلام وقالت له انا موافقه وراحوا عند الماذون وكتبوا الكتاب
وبعد كده روحوا على البيت ولقوا اميمه قاعده مستنياهم
وقالت لهم ما دام انتم متجوزين اعمل حسابك هي هتعيش معاك في نفس الاوضه وهعرف الناس كلها اللي هي مراتك
رد ادهم والابتسامه على وشه طبعا يا اميمه هانم انا اتشرف دي حتى بسمله حب حياتي
ردت عليه تمام يلا كله يخش ينام ودخل الاوضه
وعدت الايام وبسمله تحس بمشاعر ناحيه ادهم وحاولت تكذب نفسها
اما ادهم ما بيفكرش غير في بسمله وقد ايه بنت جميله ودايما بتبهره بتصرفاتها وشاف فيها الزوجه بحلم بيها
وقرر انه يعترف لها مشاعره واتصل على زين وقال له انا هاخد اجازه اسبوع قال له تمام
وخرج ادهم وراحت ياخت بتاعه وبدا يجهزه واتصل على اميمه وطلب منها انها تساعده تبعت له بسمله
وبسمله وصلت في مكان ضلمه وهي بتقول هو ايه المكان ده وفجاه النور نور وظهر اليخت وهو متزين
ومكتوب اسمها اتصدمت من جماله وحست ان حد بيحضنها من ضهرها قال ادهم بصوت هادي ده انا يا حبيبتي
قالت له حبيبتك
رد عليها طبعا حبيبتي انتي عرفتني معنى الحب ويعني ايه تكون في ست في حياتك واقفه بضهرك ومعاك على الحلوه والمره ولو وقعت هتلاقيها دايما جنبك
بسمله كانت بتسمع الكلام وهي الدموع في عينيها ومش مصدقه ومسك ايديها وطلع خاتم ولبسه لها

وقال لها في ودنها انا بحبك ومستحيل اعيش من غيرك لحظه واحده
وقالت بسمله وانا كمان بحبك يا ادهم وكنت خايفه انك تسيبني او تبعد عني
ضحك ادهم وقال هو ينفع الواحد يبعد عن روحه ممكن بقى تيجي معايا وماسك ايديها وطلعوا اليخت ودخلها اوضه
وقال لها البسي الفستان ده واتفاجئت ان الفستان الفرح ولبسته
وخرجت بره واتفاجئت ادهم واقف لابس بدله مشغل اغنيه ومسك ايديها وبداوا يرقصوا........
🌹🌹🌹🌹🌹🌹🌹🌹🌹🌹🌹🌹🌹🌹
💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله
لقراءة باقي الفصول اضغط هنا💚 مرحبا بكم ضيوفنا الكرام 💚
هنا في كرنفال الروايات ستجد كل جديد
حصري ورومانسى وشيق فقط ابحث من جوجل باسم الروايه علي مدوانة كرنفال الروايات وايضاء اشتركو في قناتنا👈علي التليجرام من هنا يصلك اشعار بكل جديد من اللينك الظاهر امامك
🌹🌹🌹🌹🌹🌹🌹🌹🌹🌹🌹🌹🌹🌹
تمت بحمد الله