رواية ذهب مطوي في تراب الفصل الرابع4الاخير بقلم شيماء طارق

يونس: (بص لليلى نظرة سريعة كلها احترام ورجع بص لشاكر وهو بيقول) يا حاج شاكر أنا هكون صريح معاك.. أنا كلمت ليلى في التليفون وده كان غلط وأنا بستغفر ربنا عليه  بس يشهد الله إني ما كلمتهاش علشان اتسلى بيها الموضوع كان صدفه والخط كان بتاع والدتي ولما كلمتها وحسيت من نبرة صوتها ان هي محتاجه حد تكون معاه فاتواصلت معاها؟!

 

شاكر: (قام وقف وعروق جبهته برزت هو بيقول) بتقر قدامي إنك كنت بتكلم بنتي من ورايا؟ إنت عارف ده معناه إيه في عرفنا؟

يونس: 

عارف يا حاج شاكر.. وعارف إن الأصول بتقول ان ندخل البيوت من ابوابها وعشان كدة أنا واقف قدامك دلوقت في بيتك مش في أي حتة تانية. بس اسمع مني الكلمتين دول واوزنهم بعقلك أنا راجل وبفهم في الأصول وبقولك إن بعدك عن بنتك الكسرة اللي هي كانت عايشه فيها دي  كانت ممكن تخلي أي حد نطع ما عندوش ضمير يلعب بيها وبمشاعرها. 

بنتك يا حاج جوهرة ومحترمة وبتخاف ربنا وقلبها من دهب بس البنت مهما كانت قوية لما تتمرمط في بيت ابوها وتتحرم من الحنيه بتبقى عامله زي الغرقان اللي بيتعلق في قشه والشيطان شاطر  بيدخل من اي حته وبيلعب لعبته القذرة. 

المهم يا حاجه انا جيت النهاردة علشان اقولك بنتك غاليه وانا بطلب ايديها على سنه الله ورسوله وكل اللي انت عايز انا تحت امرك ولو العمليه انت مش قادر تعملها لها انا هتكفل بكل حاجه ولو ليلى مش عايزه تعمل العمليه براحتها هي عجباني كده؟!

 

شاكر: (بص ليونس بذهول وقال) إنت عملت كل ده ليه؟ لا إنت قريبي ولا تعرفنا!

يونس بصلي بابتسامه هاديه وقال:لأني ابن بلد يا حاج  ومكنش ينفع أشوف بنتك في الحاله دي واسكت وكمان انا كنت شايفها حد كويس جداً ومحترم واي حد مكاني كان هيعمل كده. 

عواطف:(بدموع) سامحوني يا جماعه 

 أنا صحيح نمامة وبحب أعرف أخبار الناس بس المرة دي عرفت إن كلمتي ممكن تبني  بيت وتهد  بيت ومن النهاردة  هبطل العادة دي ومش هعمل كده تاني ؟!

شاكر :الدنيا اتقلبت حالها يا يونس.. الغريب خاف على بنتي والقريب كان بياكل في لحمها إنت راجل يا ابني ودخلت البيت من بابه زي ما الاصول بتقول ويا ريت يكون كل الشباب زيك وبلاش مكالمات التليفون لانها بتدمر حياة اي شاب وبنت؟!

 

يونس:

(قرب من شاكر وحط إيده على كتفه وقال) قوم يا عمي علشان تجهز نفسك علشان انا اتفقت مع الدكتور وبكره ان شاء الله هنعمل العمليه لليلى!

شاكر ابتسم وطبطب على كتفه وبعد كده يونس خد خالته وروح البيت وحكى لسته على كل حاجه وثاني يوم راحوا المستشفى وكانوا واقفين قدام اوضه العمليات 

يونس:يا حاج شاكر وحد الله.. ده هي ساعتين وهتطلعلك ملكة جمال السيدة زينب ده انا خايف على نفسي من الصدمه 

 لا يغمى عليا من الحلاوة ومحدش يشيلني غيرك فامسك نفسك كده واثبت!

شاكر: (بابتسامة باهتة رد عليه وقال) يا ابني إنت مابتبطلوش هزار؟ قلبي هيقف من الخوف على البت.

يونس:هيوقف إيه بس؟ وحد الله.. إحنا دافعين دم قلبنا في العملية دي 

 وبعدين يا حاج إنت النهاردة هتشوف  وش ليلى وهو بيتحول لحاجه ثانيه خالص!!

 شاكر :ان شاء الله يا ابني سالت الحاج حسن وحسين عاملين معاها إيه وهيكونوا مغلبينها؟!

يونس وهو بيطمنوا وبيقول: ما تقلقش زي الفل خالتي لسه مكلماني من شويه وبتقول اكلتهم وقاعدين دلوقتي بيلعبوا مع بعض؟!

شاكر: ان شاء الله ربنا يسترها؟!

بعد ساعتين خرج الدكتور وشه عليه ابتسامه وليلى كانت خارجه وراه على التريلا ووشها ملفوق بالشاش ويونس وشاكر جريوا عليها.

الدكتور: اطمنوا يا جماعه ما تقلقوش الحمد لله العملية نجحت بنسبة 100%.. الندبة اختفت تماماً بس عايزة شويه راحه على العلاج اللي هكتبه لها تستعمله لمده شهر وان شاء الله هتكون كويسه!

يونس: (نط من الفرحة وحضن الدكتور هو بيقول) الله أكبر! الله أكبر! ! يا حاج شاكر بنتك النهاردة اتولدت من جديد ارقص يا شاكر!

في الغرفة ليلى ثاني يوم بدات تفك الشاش والدكتور كان ماسك المرايه واول ما شافت وشها عينيها لمعت من الفرحه. 

 

يونس:مساء البسبوسة على عروستي إيه الجمال ده؟

ليلى: (بصوت تعبان وابتسامة رقيقة قالت) يونس.. أنا مش مصدقة.

يونس:لا صدقي يا نور عيني.. أنتي خلاص بقيتي زي الفل  قومي بقى الحارة كلها مستنية تشوف ملكة جمال السيدة زينب وهي نازلة من التاكسي انا خايف دلوقتي واحنا مروحين نلاقي عواطف عملنا بث مباشر. 

ليلى بدموع فرحه ردت عليه وقالت: ما انت عارف خالتك تعمل اكتر من كده؟!

بعد كم يوم رجعوا الحارة والناس كانوا فرحانين جداً وفضلوا يباركوا لليلى وبعد كده شاكر حدد ميعاد الفرح بعد شهر 

 في جانب تاني كان سعاد قاعدة في بيت اخوها مع عياله بعد ما اتحبس.

سعاد :يا رب ارحمني.. بقى دي تبقى اخرتي  أخدم في البيوت وأشقى عشان لقمة العيال اخويا بعد ما كنت الآمرة الناهية في بيت شاكر؟

جارتها اللي سعاد شغاله عندها: ده عدل ربنا يا سعاد.. اللي يجي على يتيمه ويظلمها ويحرمها من حقها ربنا يوقعه في شر اعماله 

و انتي حرمتي ليلى من الحنية والمال وأهو حرمك وذلك من هنا لهنا واخوك اترمى في السجن ! كملي غسيل يا أختي وانتي ساكتة وإلا هخصم لك النهاردة!

مرت الايام وجه يوم الفرح والحارة كلها كانت متزينه بالانوار والكل كان فرحان وليلى كان الشبه القمر في ليله تمامه بحجابها اللي كان منور وشها ومزود جمالها. 

 

يونس هو ماسك ايد ليلى قال: يا جماعه انا عايز اقولكم كلمتين قبل ما ابدا حياتي كلمتين نابعين من قلبي عن تجربه انا عشتها شخصيا عايز اقول لكل اب بيسمعني دلوقتي ان بنتك دي مش شيله تقيله

 ولا هم مستني تخلص منه وتديه لأي حد وخلاص بنتك دي أمانة ربنا هيحاسبك عليها الرسول صلى الله عليه وسلم قال: 

اسْتَوْصُوا بِالنِّسَاءِ خَيْرًا

يعني يا حاج خليك حنين عليها وطبطب على بنتك ما تضربهاش وبلاش القسوة البنت لما بتشبع حنيه في بيت ابوها ما بتدورش عليها بره ولو حد قرب منها ما بتديهوش فرصه وما فيش كلمه تقدر تهزها   لانها شبعانه في بيت ابوها امان وحب وحنيه واوعى تكشر في وشها وذلتها علشان ما تدورش على اي كلمه طيبه بره وساعتها انت اللي هتندم وفي الوقت ما ينفعش فيه الندم  املوا قلوب بناتكم بالحب قبل ما حد غريب يملى عيونهم بالوهم.

ويا كل واحدة لسانها مبرد يا اللي بتاكلي في فروة الناس وبتقعدي مع دي تجيبي سيرة دي ربنا قال في القران الكريم

 بسم الله الرحمن الرحيم 

{أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتًا فَكَرِهْتُمُوهُ} يعني اللي بيجيب سيرة الناس كأنه بياكل لحم ميت! الكلمة اللي بتقوليها بهزار ممكن تودي الناس في داهيه الرسول صلى الله عليه وسلم قال: مَنْ سَلِمَ الْمُسْلِمُونَ مِنْ لِسَانِهِ وَيَدِهِ' بلاش تخلوا أعراض الناس تسلية للياليكم لأن الدنيا دوارة واللي بتقوليها على الناس هيجي عليكي اليوم وهيتقال على اعز ماليكي  استروا بعض وداروا على بعض واستروا تتستروا.

وانتم ويا شباب  الرجولة مش إنك تكون فهلوي وتوقع البنات في غرامك 

 الرجولة هي اللي ربنا قال عليها 

:{وَأْتُوا الْبُيُوتَ مِنْ أَبْوَابِهَا} اللي عايز بنت يصونها والجدع بجد هو اللي يحمي عرض بنت حتى لو ما يعرفهاش قال النبي صلى الله عليه وسلم:

الْبِرَّ لَا يَبْلَى وَالذَّنْبَ لَا يُنْسَى وَالدَّيَّانَ لَا يَمُوتُ كَمَا تَدِينُ تُدَانُ' يعني اللي هتعمله في بنات الناس هيترد لك في أختك في امك في بنتك والايام دواره فخلي بالك من اعراض الناس علشان ربنا يحفظ عرضك 

 والرسالة الأخيرة.. لكل ظالم ربنا مبيسيبش حق حد وقال.{وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ} شفتوا سعاد اللي كانت بتعاير ليلى وشايفاها معيوب؟ النهاردة ليلى هي العروسة وسعاد هي اللي مكسورة العين  بتخدم في البيوت. ربنا مبيظلمش حد والظلم آخره سودة وربنا بيمهل ولا يهمل ارحموا ترحموا دمتم في رعايه الله.