رواية لنا موعد اخر الفصل السابع والخمسون57 بقلم لولا
فادهم فتح عينيه بالصدفه شافه موجهه عليها المسدس ففتح عينيه بصدمه ولف بيها بسرعه للناحيه التانيه فضهره بقي لعدلي والرصاصه جات فيه فكلهم اتصدموا بشده ولميا بصتله بصدمه وهي بتحاول تفهم حصل ايه فأدهم غمض عينيه بوجع
وامين الشرطه سحب المسدس من عدلي وخدوه بالقوه لبرا وتابع بخوف حد يجيب دكتور لادهم بيه بسرعه وبقيوا يجروا بخوف واتفرقوا في المكان بعشوائيه ورعب على ادهم ولميا بصتله بخوف ودموع وتابعت ادهم ادهم انت كويس صح ؟! ادهم متقوليش ان في حاجه جت فيك والنبي وحطت ايديها على خده وتايعت بعياط ادهم رد علياا
فادهم بصلها بألم شديد وحط ايديه على خدها بارتجاف وهمس بتعب كو يس... كو يس متقلقيش انا وملحقش يكمل ووقع على الارض فلميا اتخضت وصوتت ووقعت معاه وهي واخداه في حضنها وتابعت بعياط ادهم لاالا ادهم فتح عينيك ادهم والنبي وحياه لميا عندك فتح عينيك وكلمني وفضلت تضرب خده وتابعت بعياط هستيري وخوف : اددهم رد علياا يا ادهم رد علياا ابوس ايدددك وحست بسخونه بتغرق ايديها التانيه اللي حضناه بيها فرفعت ايديها تبص لقيتها غرقانه دم فاتصدمت بشده وتابعت بعياط هستيري وخوف لالا انت هتبقى كويس وحضنته جامد وتابعت بعياط هتبقى كويس والله ادهم رد علياا ابوس ايدك متتعبش اعصابي اكتر من كده وفضلت تخبط على وشه وتابعت بعياط وخوف ارجوك ارجوك قول كلمه واحده ريحني يا ادهم وفضلت تعيط وبصت لفوق وتابعت بعياط وقهر يااارب .. يااارب ارجوك خليه بخيرر يارب انا السبب فكل ده انا السبب وسندت جبينها على جبينه وتابعت بعياط ليه عملتت كده يا ادهم لييه حراام عليك كنت سيبها تيجي فياا اناا كنت سيبهاا وفضلت تعيط بهستريه وقهر ومسكت ايديه باستها وتابعت بعياط حبيبي قوم .. حبيبي علشان خاطري رد عليااا هموت عليك يا ادهم والله وفضلت تعيط وبصت حواليها وتابعت بعصبيه وعياط انتوا واقفين تتفرجوا !! حد يروح يجيب اسعااف بسررعه اخلصوا مستنين اييه
الامين التاني بخوف روحنا طلبنا والله وجايين حالا
لميا بعياط وعصبيه هو احنا لسه هنستناهاا ادهم دمه هيتصفى وكل دقيقه بتعدي خطر عليه
فالظابط مهاب زميله دخل وهو بيجري وراح وطى قدامه وتابع بخوف ادهم وفضل يخبط على وشه وتابع ادهم رد ابوس ايدك
لميا بعياط مش هيرد حاولت معاه كتير فقد الوعي خالص ابوس ايدك شوف حل مش هينفع نستنى الاسعاف
مهاب بخوف عندك حق هننقله بعربيه الشغل وخلاص
لميا بخوف ودموع ايوه بس ده بردو خطر ممكن يحصل مضاعفات مش هنعرف نتصرف
مهاب بخوف اعتقد اهون من قاعدتنا دي هناا والمستشفى لسه حبه حلوين احنا بس عايزين حاجه تكتم الجرح
لميا بخوف ودموع طب ثواني وقامت طلعت برا وقفت على جنب وقلعت طرحتها وقطعت منها حته كبيره بالطول ولفتها تاني علي راسها بعشوائيه ودخلت بسرعه وتابعت بلهفه ودموع امسك اربط دي وخلاص
مهاب خدها منها وتابع بلهفه يلا اي حاجه وخلاص وبص للعساكر وتابع يلا ساعدوني يارجاله نسند ادهم بيه للعربيه وبص لي لميا وتابع ابعدي انتي
لميا بلهفه ودموع حاضر اهو وبالفعل خدت جنب وهما لفوا الطرحه على الجرح وربطوها كويس وسندوه ومشيوا بيه ولميا وراهم وركبوا كلهم العربيه ولميا قعدت جنبه وسندت راسه في حضنها وفضلت تعيط وهي بتدعي ربنا ان يبقي بخير وبصت لمهاب وتابعت بدموع استعجل شويه يارب يخليك
مهاب متقلقيش والله انا ماشي بسرعه خير اهدي
لميا بدموع وخوف يارب .. يارب ارجوك
وبالفعل شويه ووصلوا المستشفى ومهاب والعساكر خدوه ونزلوا بيه فشاف ممرضه معديه فتابع مهاب بخوف معايا اصابه برصاصه اعمل ايه ارجوكي فيديني
الممرضه بقلق حاضر يفندم ثواني وبصت لزميلها وتابعت هات الترولي بسرعه وحد ينادي دكتور هشام يقولوا في حاله يلا بسرعه
فالممرض بالفعل جاب الترولي ومهاب والعساكر حطوا ادهم عليه فلميا مسكت الترولي وبصت لمهاب وتابعت بخوف ودموع انا رايحه معاه مش هسيبه
مهاب بابتسامه روحي انتي وانا هشوف الحسابات وجايلكم يلا
لميا هزت راسها بماشي بلهفه ومشيت معاه بالفعل وهي ماسكه ايديه وتابعت بدموع وخوف هيدخل عمليات صح؟
الممرض اه يفندم خير متقلقيش
لميا بدموع ياارب ياارب والله ووصلوا ولميا عينيها جات على اللوحه اللي فوق الاوضه المكتوب عليها " اوضه العمليات " وقلبها اتقبض وغمضت وتابعت برعشه في صوتها : خيرر ياا رب خيرر
الممرض خلاص يفندم وصلنا اتفضلي حضرتك استريحي هنا
لميا هزت راسها بماشي بخوف ووطت باست ايد ادهم وهمست بدموع ارجوك ماتوجع قلبي عليك يا ادهم .. لو حصلك اي اذي مش هسامح نفسي اني السبب فكل ده ودموعها نزلت على ايديه وهما خدوه ودخلوا وقفلوا الباب وهي دموعها زادت ومشيت بتتسند ودخلت الحمام وشغلت الحنفيه تغسل ايديها ودمه بقى ينزل في الحوض قدامها فصعب عليها اوي وفضلت تعيط وهي باصه لشميزها وهدومها اللي متغرقه دم فمسحت دموعها بقهر وحاولت تهدى وقفلت الحنفيه وطلعت وهي مش شايفه قدامها من كتر ما الدموع عملت طبقه في عينيها وراحت قعدت على الارض جنب الاوضه وضمت رجليها وبقيت تعيط بهستريه ودقايق وخرجت الممرضه من الاوضه وتابعت لو سمحتي انتي تبع ادهم بيه؟
لميا قامت وقفت وتابعت بلهفه ودموع ايوه خطيبته في ايه هو كويس صح ؟!
الممرضه بابتسامه اهدي متقلقيش انا خرجت اديلك حاجته ومسدسه اللي كانوا معاه
لميا مسكت منها المسدس والبطاقه والمحفظه والفون وهزت راسها بلايجاب وتابعت شكرا
الممرضه بابتسامه العفو يفندم ربنا يطمنك ومشيت
ولميا قعدت تاني زي ماهي وبصت لاسمه في البطاقه ولفتها لقيت خانه الوظيفه " يعمل موظف حكومي" فابتسمت بدموع وتابعت غامض حتى في بطاقتك يا ادهم وحطت مسدسه والفون والبطاقه في شنطتها وجات تحط المحفظه فـا في صوره صغيره وقعت على الارض على وشها فاستغربت ومسكت الصوره لقيتها صوره ليها من اللي بتنزلهم انستا وكانت بتضحك فيها اوي بس هو مصغرها وحاططها في محفظته فدموعها نزلت وحطت ايديها على بوقها وفضلت تعيط وحضنت رجليها وتابعت بعياط هستيري: انا مستاهلش حبك ده يا ادهم .. خدت ايه من حبك ليا غير الاذي وياريتني كنت واثقه فيك وبصت لفوق وفضلت تعيط وتابعت يارب ارجوك طمن قلبي بقى طمن قلبي مش قاادره
--
وعند اسيا شافت الكاميرا اتصدمت وخافت بشده وفضلت تعيط وحست الدم هرب من جسمها وتابعت بعياط وخوف ورعشه في صوتها: هفهمك ..هفهمك والله العظيم
فارس بعصبيه اه فهمييني وضربها بالقلم فعيطت بوجع فتابع بعصبيه فهمييني يلااا علشان انا محتااج افهم
اسيا بعياط وخوف : هو .. هو لما انت نزلت اليوم اللي روحت تجيب فيه اكل ده لقيت الباب بيخبط فقولت لتولين تفتح طلع سليم اللي بيخبط و
فارس قاطعها بعصبيه وتابع وازااي تسيبيه يدخل البيت في غيااب جووزك ؟!! ازاي متصلتيش بياا رجعتيني في نفس الوقت ده مفيش خمس دقايق بين نزولي وطلوعه ؟!! ازااي تخبي علياا حااجه زي دي ياا اسياا ؟؟!! انتي بتستغفليني ؟؟! وضربها على ضهرها جامد فعيطت فتابع بعصبيه بتستغفليني وتختميني على قفاياا وشغاله عايزه اطلق عايزه اطلق واقولك في ايه يابنتي حصل ايه اما قرفتي اهليي ومرضتيش تفتحي بوقك بس وماله كملي وليكي حساب معاياا بعدين واتعصب وتابع كمليي
اسيا فضلت تعيط بخوف وتابعت انا مقولتلكش لان هو هددني ياخد مني بنتي يفارس وانا خوفت عليهاا والله افهمني ارجوك انا ام
فارس بعصبيه تيجي تعرفيني وانا لو معرفتش اخلي بنتك في حضنك ابقى راجل لمؤاخذه انماا مش يجي بيتي ويكلم مرااتي في غيااابي وتركبيلي قروون يا اسياا
اسيا بعياط وخوف لا يحبيبي متقولش كده انا والله العظيم وحياتك ماسكتله واديته قلم علم على وشه علشان تعدى حدوده معايا في الكلام وقولتله اني بحب جوزي وصايناه في غيابه وطردته فوالله العظيم يفارس مافي اي حاجه غلط حصلت من ورا ضهرك
فارس بعصبيه انتي هبله ولا عبيطه هو انا بقولك لمس منك شعرره !! انا لو مش واثق فيكي مكنتش اتجووزتك ولا اديتك اسمي ولا سيبتك ونزلت واديتك ثقه بس وجوده في غيابي غلط كبير اوي والصح كان انك تيجي تعرفيني مش اعرف من الكاميرات وبالصدفه !! واصلا لولا كده كنتي هتفضلي مخلياني مختووم على قفاياا ومش فاهم ايه اللي بيحصل مش كدده يا اسيااا ؟؟!!
اسيا بعياط وخوف: والله كنت عايزه اقولك بس خوفت ارجوك افهمني يفارس
فارس بعصبيه ولا هفهمك ولا هسامحك كل اللي عايزه منك دلوقتي تحكي اللي حصل بالتفاصيل والزباله ده تطاول في الكلام قالك ايه
اسيا بخوف ودموع لا مش فاكره بس انا مسكتش يعني
فارس بعصبيه انتي هتتكلمي ولا اطلع عين اهلك؟؟ علشاان انا جاايب اخرري
اسيا بدموع وخوف : هقولك .. هقولك هو لما جيه تولين شافته جريت عليا خايفه فبقولها ايه مش بابي اللي على الباب فاهو قالي لا بابي بس يمكن في غيري ولا حاجه وكلام سخيف كده المهم قولت لتولين تدخل اوضتها وتقفل وراها وهي جريت وانا عدلت طرحتي وقولتله وانا مرعوبه انه جيه ليه وكده خوفت علشان عرف اني اتجوزت زي ما قولتلك قبل كده اني خايفه يعرف .. فلقيته بقي بيقولي انتي بتداري مني ايه مانا عارف وحافظ وكلام زباله كده فهزقته وضربته بالقلم فضربني وقعني على الارض مره واتنين ففارس اتصدم بشده فتابعت اسيا بعياط وهددني اني لو مطلقتش منك هياخد تولين بالقانون لان مينفعش تعيش مع جوز ام وارجعله قولتله لا مش هرجعلك لو حصل ايه فقالي لا هترجعيلي وده الاحسن ليكي واللي في بطنك ده اما تنزليه اما تقولي لفارس نزل وتسجليه باسمي لاني مش هعديلك فكره انك تحملي من فارس دي .. وازاي اصلا تخليه يلمسك وكلام زي ده بس انا مسكتلوش اقسم بالله وهزقته على كلمه بس كان بيتغابى عليا ويمسك طرحتي ويضربني
فارس كان باصصلها بذهول وتابع كل ده !!!! .. كل ده يحصل يا اسياا ومش شايفه ان الحيوان اللي في حياتك كان مفروض يعرف اي حاجه ؟!!! واتعصب وتابع وراايحه تسمعي كلااامه وتفكري من دمااغك وتقرري ان اسلم الحل الطلاق ؟!! لييه جوزك مات ومالكيش راجل يجبلك حقك منه من غير ماتسمعي كلااامه؟؟؟ مانا عايز افهممم ازااي عملتي كددده !!
اسيا بعياط بعيد الشر عنك يحبيبي انا بس خوفت تعمل مشاكل معاه وكده كده القانون فعلا بيديله تولين في وضعنا ده فقولت هطلق بس ولا انت ولا هو وهفضل في بيت اهلي
فارس بعصبيه هو فعلا مينفعش نفضل موجودين في الدنياا فيأنا يااهو يا اسيااا وقسماا بالله لطلع عين اهله وامسح بيه الارض على مد ايده على مراتي في غياابي ودخوله بيتي وتهديده ليكي بالشكل ده
اسيا بخوف وعياط ابوس ايدك لا يفاارس ابوس ايدك كبر دماغك مش عايزين مشاكل هيجي ياخد تولين ومش هنعرف ناخد معاه حق ولا باطل والله
فارس مسك دراعها جامد وتابع بعصبيه انتي هبله ولا عبيطه ولا فكراني مش رااجل علشان اعديله كل اللي عمله ده ؟!! ده قسما بالله لندمه على الخطوه اللي خطاها في بيتي في غيابي واكسرله ايديه اللي مدها عليكي دي وتولين هتفضل معاناا اصل بنته ايه اللي ياخدهاا الشماام دده !! انتي خلاص اتجننتي
اسيا بعياط حتي لو شمام اهله هياخدوهاا ومش هنبقي استفدنا حاجه المفروض نسايسه علشان يسبهاالنا احسن من ضربه واهانته
فارس بعصبيه اسايس مين؟؟ اساايس مين يا اسيااا ؟!! اسايس وااحد دخل بيتي وهان مراتي وهددها ؟! ليه اكتع ولا ناقصني ايد ولا رجل ولا مش رااجل ولا خاايف يقطع عني المعااش؟!! اللي يسيب حقه مش رااجل يا اسياا وسليم خلااص جاب اخره معاايا ومش هسكتله .. سبق وعديت الهبل اللي قالوا لاخوه انه عايز يرجعك علشان مجرد كلام مالوش ستين لازمه من واحد شمام مش في واعيه انما وصلت بيه انه يجي لحد هنا ويعمل كل ده يبقي لا يا اسياا سليم نهايته قربت ويبقي يوريني هياخد تولين ازاي
اسيا بقهر ودموع بنته ومحدش هيقدر يمنعه
فارس بعصبيه قصدك بنتي اناا .. وانا اللي هقدر امنعه .. محدش لف بيها في تعبها ولا قعد جنبها ولا بيعلمها غييري دي بنتي اناا وعلى موتي يااخدها مني ودوري اني اقفل الموضوع ده خالص انما انتي واللي عملتيه فحسابك هيبقي تقيل عليه اوي ومش هيعجبك خالص يا اسيا
اسيا بصتله بخوف وبلعت ريقها برعب وتابعت بدموع فارس صدقني انا ..
فارس بعصبيه هششش مش عايز رغي تاني خلاص الاقي سليم فين دلوقتي؟
اسيا بخوف ودموع لالا متروحلوش يفارس ابوس ايدك و
فارس قاطعها بعصبيه وتابع انتي سمعتيني ولا اطرشتي !!
اسيا اتخضت وتابعت بدموع وخوف في الشركه
فارس بحده فين عنوان الخرا؟
اسيا بدموع مش بعرف اوصفه بس موجود في شات زياد فوق كنت طلباه منه زمان علشان اقوله للاوبر لان سليم مكنش بيرد
فارس شد منها الفون وفتحه ودخل على شات زياد وخد الحاجات اللي عايزاها وبعتها لنفسه وحط الفون في ايديها بعصبيه ومشي فتابعت وهي بتمشي وراه بعياط وخوف : فارس ارجوك استنى .. فارس طب اسمعني الاول .. فارس فاارس
بس مردش عليها ونزل وقفل الباب وراه بعصبيه فحطت ايديها على بوقها وفضلت تعيط بهستريه
-----
عند عصام كان واقف قدام المرايا لابس بدله رصاصي غامق وقميص ابيض وبيسرح شعره
وفونه رن فعصام مسك الفون ورد وهو بيكمل تسريح بايديه التانيه وتابع خلاص والله هنزل اهو
إيلين بضيق كل ده يعصام انا وصلت بقالي ساعه ومستنياك
عصام بضحك حقك عليا والله انا اللي اخرني الشاور المهم اطلبيلنا فطار لحد ما اجي علشان مفطرتش
إيلين بابتسامه حاضر يغالي من عيوني انا كمان جعانه جدا بس ابوس ايدك بسرعه متتأخرش
عصام بحب لا انا معايا العربيه متقلقيش مش هتاخر
وفي نفس الوقت خرجت رفيده من الحمام وهي لابسه البورنص فعصام شافها تنهد بضيق وتابع يلا باي هلبس الساعه ونازلك اهو
إيلين بحب باي
وقفل معاها فرفيده بصتله وتابعت برفعه حاجب مين دي يعصام؟
عصام بضيق سبق وقولتلك اني رجعتك لعصمتي علشان ابوكي انما جو اني جوزك وتسألي وتتكملي عن حياتي ده انسيه خلااص فوقنا من العبط اللي كنا عايشين فيه
رفيده بسخريه وامبارح لمستنى علشان ابويا بردو ؟! ولا انت اللي بتختار امتى تفتكر انك جوزي وامتى تنسى؟؟
عصام بعصبيه لا هو انتي اللي نسيتي انك استغليتي اني مش في واعيي انما امبارح اللي انتي بتتكلمي عليه ده انا اصلا مش فاكرو
رفيده بحده ودموع حتى لو .. هل ده يديك الحق انك تخوني وتكلم غيري يعصام ؟!
عصام بعصبيه اخونك ايه انتي هبله ولا عبيطه !! هو انا لو اعرف غيرك هخاف منك مثلاا ؟؟ لا هقولك بكلم واحده عادي جداا ولو عايز اتجوز هقولك بردو وهعملها عادي ومش هبقى بستأذنك لسمح الله لااا .. ده للعلم بالشيئ مش اكتر علشان لا عاش ولا كان اللي يخليني اخاف منه واعمله حساب سواء راجل او ست وانتي عارفاني كويس
رفيده بدموع اممم طب احب اعرف بتكلم مين يعصام ونازل تشوفهاا ومش همنعك كده كده مقدرش بس للعلم بالشئ زي مابتقول
عصام بص للمرايا وكمل تسريح شعره وتابع بعصبيه مالكيش دعوه ورغي كتير مش عايز
رفيده بدموع وسخريه إيلين مش كده؟؟
عصام حط الفرشه على الكومود وبصلها بذهول وتابع بعصبيه هو احناا مش هنبطل الحركاات الوسخه دي !! مين سمحلك تفتحي فوني انتي اتجننتي !!
رفيده بحده ودموع انا مفتحتوش انا شوفته بالصدفه وحتي لو فتحته فانت جوزي وحقي
عصام مسك دراعها جامد وتابع بعصبيه لا مش حقك ومش جووزك وتنسي خالص ان ليكي حق فياا واياكي يارفيده اياكي المحك ماسكه فوني تاني ولا اعرف انك فتحتيه وزقها بعنف فكانت هتقع وقعد يلبس الجزمه
رفيده بحده ودموع مين دي بردوو وعرفتها منين فهمني
عصام مردش عليها ولبس الجزمه وقام لبس ساعته ورش برفيوم بكل برود وساب الازازه وطلع من الاوضه وخرج من الشقه وقفل الباب فرفيده فضلت تعيط ودبدبت برجليها على الارض وتابعت بعصبيه ودموع ماشي يعصام اقسم بالله لهوريك
-----
بعد شويه عند إيلين كانت بتبص في ساعتها بضيق وثواني ولقيت عصام داخل
فراح شد الكرسي وقعد قدامها وتابع ها اتأخرت عليكي
إيلين بضيق لا خاالص ومسكت المزهريه الصغيره المحطوطه على الترابيزه وتابعت بضيق اضربك بيها اجيب اجلك وارتاح طيب؟؟
عصام فضل يضحك وتابع لالا اخص عليكي ههون عادي كده يا إيلي؟؟
إيلين بضحك ماهو المشكله انك مش هتهون
عصام تنهد بحزن وتابع مبهونش عليكي انتي بس حرفيا
إيلين بصتله باستغراب وتابعت مالك يعصام فيك ايه انت متضايق صح؟
عصام بضيق يعني اه بس سيبك مني وقوليلي انتي كنتي عايزه تحكيلي ايه
إيلين بلهفه لا طبعا لما اعرف مالك الاول
وجيه الجرسون فسكتوا ونزل الاكل والعصير فعصام بصله وتابع بابتسامه شكرا
الجرسون بابتسامه العفو يفندم ومشي فإيلين حطت ايديها فوق ايديه وتابعت بقلق فيك ايه اتكلم؟
عصام بتنهيده طب ناكل الاول طيب؟
إيلين بقلق لالا قولي مالك بس الاول حصل ايه طنط هند ضايقتك؟
عصام بوجع مش هي بس اللي ضايقتني بس عموما انا بقيت متعود على اسلوب امي ده فبقى اخر حاجه افكر فيها
إيلين بحزن اومال في ايه طيب ؟؟
عصام تنهد بوجع وبص للسما وتابع ندمان اني رجعت سكرت امبارح بعد ما كنت بطلت من ساعه نزولي لمصر
إيلين بصدمه سكرت !! انت سكرت يعصام !! مش كنت قايلي انك كنت بتعمل الخراا ده برا مصر بس ومن ساعه مارجعت اتغيرت
عصام بوجع اه بس للاسف من خنقتي عملت كده وياريتني ماعملت كده والله
إيلين بخوف في ايه حصل ايه؟؟
عصام تنهد بعمق وبصلها وتابع لمست رفيده وانا مش في واعيي وكنت حالف اني ما هاجي جنبها تاني
إيلين اتصدمت بشده وحست قلبها هيتقسم نصين وبصتله بقهر وهي بتحاول تتماسك وتابعت ولمستها ازاي ان شاء الله ؟! واجتمعت بيها فين اصلاا ؟! هي مش اتطلقت وقاعده عند امهاا ؟؟
عصام بوجع لا ماهو انا رديتها لعصمتي بسبب ضغط ابوها عليا ونسيت احكيلك الموضوع ده امبارح علشان كنت قلقان عليكي
إيلين اتصدمت اكترر وتابعت: نسيت !! وابتسمت بوجع وتابعت لالا ولا يهمك بسيطه يعني نسيت تحكي لصاحبتك انك رديت مراتك اعتقد انا مش مهم اعرف ولالا اصلاا .. في النهايه احنا صحاب عادي وده قرار مصيري يخص حياتك الشخصيه وارد تنسى تعرفني بس مبروك يعصام مبروك ايه مزعلك بس
عصام بوجع مبروك ايه بس انتي التانيه ده انتي عشتي معايا كل اللي شوفتوا بسببها وبعدين انتي اكتر من صاحبتي ومهم طبعا اعرفك عني كل حاجه بطلي عبط هاا انا بس قلقت عليكي امبارح فأجلت كل حاجه للنهارده لما نشوف بعض بس حصل اللي حصل بقي بالليل واتنكدت اكتر ولسه مستوعب لما صحيت انا حقيقي مش فاكر اي حاجه
إيلين حست نفسها بيقل وضربات قلبها بقيت ضعيفه وواجعاها من فرط القهر اللي حست بيه بس حاولت تتماسك وبصتله وتابعت اه عشت معاك المعاناه كلها وكان حقك تطلقها وترميها بس طلما قبلت انها ترجع لعصمتك تاني فاهي حقها زي اي زوجه تتعامل بما يرضي الله انت هتتسأل عنها على فكره وابتسمت بقهر وتابعت ومتندمش اوي كده بكره وبعده تحمل وتجيبلك البيبي اللي نفسك فيه وتنسى كل اللي وجعك منها
عصام بحده لا طبعا انتي بتقولي ايه دي لا تؤتمن على خلفه وتربيه اصلاا
إيلين ابتسمت بوجع وتابعت بس بتحبها ومتنكرش
عصام بص للارض وتنهد بوجع وتابع اه
إيلين غمضت وخدت نفسها بعمق وفتحت بصتله وتابعت بقهر وعلشان بتحبها لمستها وانت مش في واعيك لان قلبك طالبك بيها فمتنكرش ده وتقول كنت سكران
عصام بحده إيلين انا عقلي بيبقي متخدر دي رغبه مش اكترر يعني لو غيرها كنت هغلط
إيلين بقهر : متهيألك .. انت تلاقيك قولت اسمها وانت معاها وعارف انت مع مين كويس اوي حتى لو عقلك متخدر وتنهدت بوجع
عصام بحده حتي لو بس انا مش طايقها ولا عايزها تاني بجد
إيلين بوجع هتسامحها يعصام هتسامحها بالوقت صدقني علشان بتحبها بجد ..فادعي ربنا يهديها ويكرمك منها بطفل سليم معافى ان شاء الله
عصام بحده سيبك من الهري على رفيده مبيجيش منه بفايده قوليلي انتي كنتي عايزه تحكيلي ايه ؟
إيلين ابتسمت بوجع وتابعت اممم ؟
عصام باستغراب كنتي عايزه تقولي ايه يا إيلين ؟
إيلين ابتسمت بوجع وتابعت : لا مش مهم بس المهم عندي انك توعدني انك متسكرش تاني
عصام بتنهيده اوعدك بس بردو قولي في ايه هو ايه اللي مش مهم انتي بتهزري انا اعصابي تعبت من امبارح
إيلين بابتسامه مليانه وجع. : ولا حاجه يسيدي هتخطب
عصام اتصدم وتابع هتتخطبي !! فاجاه كده ؟!!
إيلين ابتسمت بوجع وتابعت لا مش فاجاه اوي انا كنت عارفاه بس جيه طلبني من بابي امبارح
عصام باستغراب اومال كنتي بتعيطي ليه وانتي بتكلميني؟
إيلين بابتسامه مليانه وجع: هو انا كنت بعيط؟
عصام بتنهيده إيلين ممكن تصارحيني انتي فعلا مبسوطه؟
إيلين ابتسمت بوجع وتابعت طايره من الفرح مش مبسوطه بس لان الدنيا ابتدت توريني الطريق اللي لازم امشي عليه ومراد بجد شاب هايل
عصام بضيق عمري ماسمعت بالاسم ده في حياتك وبعدين كنتي بتعيطي ليه بردو فهميني بلاش استعباط
إيلين بتنهيده كنت بعيط لان بابي قالي ان في عريس جاي وهو موافق عليه ودي كانت اول مره بابي يعمل كده من غير ما يسألني عن رايي فكلمتك وانا منهاره ان حق الاختيار بيتسلب مني انما لما جيه العريس ولقيته مراد فهمت ان هو وبابي كانوا متفقين يفاجئوني بس كده يسيدي فالموضوع مش سيئ زي مانت فاكر لا متقلقش انا مبسوطه
عصام بوجع بتحبيه؟
إيلين بصتله بقهر وهي تقصده وتابعت بابتسامه مليانه وجع : بموت فيه بس يمكن هو مبيحبنيش ربع حبي ليه
عصام تنهد بوجع وتابع معتقدش لانه طلبك
إيلين بوجع اممم عندك حق ومسكت شنطتها وتابعت بابتسامه وهي بتقوم: يلا عرفتك الخبر السعيد اهو استأذن انا بقى ولما نتفق على المعاد هعرفك علشان تيجي تنورني طبعا
عصام باستغراب رايحه فين لسه بدري واقعدي نفطر سوا انتي مكالتيش حاجه وقولتيلي انك جعانه
إيلين بوجع لا ماهو انا بعد ما طلبت الاكل لقيت مراد باعتلي انه جاي يتغدا عندنا فيادوبك الحق اوصل وهاكل معاه عن اذنك ورايحه تمشي فوقفت وتابعت و اه ممكن تتصل بروفي تيجي وتاكلوا مع بعض بدل ما الاكل هيفيض حرام
ورايحه تمشي فعصام مسك دراعها وتابع إيلين اقعدي انا جاي افصل منها اصلا وانتي عارفه اني مش طايقها
إيلين بقهر وعارفه انك بتحبها وابتسمت وتابعت وبعدين الحاجه الوحيده اللي انا وانت متفقين عليها دلوقتي ان مقابلتنا بعد كده هتبقى صعبه فجيت اشوفك علشان كده .. هتوحشني يعصام
عصام قلبه وجعه وساب ايديها وبص قدامه وتابع بوجع وانتي اكتر مبروك يحبيبتي بس صدقيني انا هفضل موجود وفي ضهرك ومعاكي ومستعد اسمعك العمر كله
إيلين بابتسامه اكيد طبعا واثقه من كده عن اذنك وسابته ومشيت وهو نفخ بضيق وهي سمحت لدموعها اللي كتماها تنزل وتغرق وشها وهي مقهوره وحاسه رغم وسع الدنيا والهوا حواليها في كل مكان الا ان في ضيق على صدرها ونار مش راضيه تطفي فتابعت بعياط: تستاهلي .. تستاهلي كل اللي جرالك كنتي مستنيه ايه من واحد متجوز ؟!! طبيعي هيحن لحبيبته ومراته ..انتي اللي غلطتي من البدايه يا إيلين لما فكرتي في حاجه مش بتاعتك وركبت عربيتها وهي بتسوق ودموعها بتنزل بتخليها متشوفش كويس وتفادت كذا حادثه كانت هتعملهاا وثواني واتخضت ان في عربيه جايه جنبها وسريعه جداا وكانت هتخبطها وهي سرحانه فعدلت الدريكسيون للناحيه التانيه بسرعه فعربيتها فلتت منها فصرخت بخوف وحاولت تعدلها بس خبطت في الشجره ودماغها اتخبطت في الدريكسيون واغمى عليها والناس ابتدت تقف واتلموا حوالين العربيه
------
عند لميا في المستشفى قاعده على الارض وبتفتكر كلامه
فلاااش باااك
لميا بخوف ودموع ادهم انا خايفه وبعدين هتروحله تهبب ايه انت مش معاك صور على الفون
ادهم تنهد وتابع والله ما عارف اعمل ايه ولا هقوله ايه سيبيها على ربك ومسك ايديها حطها بين ايديه ووطى باسها بعمق وتابع واياكي تخافي طول مانا معاكي اوعدك هخرجك من هنا بخير زي ماجيبتك حتى لو التمن حياتي
لميا حضنته وفضلت تعيط وتابعت انا خايفه عليك مش على نفسي يا ادهم ابوس ايدك متقولش على نفسك كده علشان خاطري
**
لميا بدموع حبيبتك قويه في وجودك يا ادهم .. والله من غيرك اقل واحد فيهم يغلبني
ادهم بحب مش وانا عايش ..وقولتهالك وهقولهالك تاني هخرجك من هنا زي ما جيبتك حتى لو التمن حياتي
لميا حطت ايديها على شفايفه وتابعت بدموع هنخرج انا وانت بخير والتمن هيدفعه عدلي اوعدني ان ده اللي هيحصل يا ادهم
ادهم بابتسامه اوعدك وباس ايديها
بااك
لميا وهي سانده راسها على الحيطه اللي جنب الباب تابعت بقهر ودموع بس انت خلفت بوعدك معايا يا ادهم وفضلت تعيط وتابعت خلفت بوعدك وعرضت نفسك للخطر علشاني وحضنت رجليها وفضلت تعيط
وفاجاه امه دخلت مع زينه اخته وهما بيعيطوا فتابعت امه بعياط ادهم .. فينه ادهم
فقام مهاب وتابع اهدي يماما اهدي يازينه ربنا هيطمنا عليه والله انا مكلمتكوش علشان تيجوا تعملوا كده
زينه بعياط نهدى ايه يامهاب اخويا اضرب بالنار ومش معروف حالته ايه وتقولنا نهدى
مهاب بتنهيده علشان عياطكم ده مش هيغير حاجه يا زينه اقعدوا واهدوا وادعولوا احسن هو محتاج كل دعوه منكم دلوقتي
فاطمه الام قعدت وتابعت بعياط وقهر ياارب ياارب احميه ونجيه يارب ارجووك
وزينه قعدت جنبها وهي بتعيط ولفت نظرها اللي قاعده على الارض هدومها متبهدله دم وسانده راسها للحيطه وسرحانه ودموعها نازله بصمت رهيب واتصدمت انها لميا فبصت لامها وتابعت بصدمه ودموع هي مش دي اخت مرات وسام؟
فاطمه بصت عليها واتصدمت وتابعت بدموع اه هي وبصت لمهاب وتابعت دي بتعمل ايه هنا يا ابني وليه هدومها متبهدله دم كده
مهاب بتنهيده انا مش هقدر اقول اي تفاصيل ادهم يقوم بالسلامه وهيعرفكم كل حاجه بس كل اللي اقدر اقوله انها صحفيه وكانت بتساعدنا في اخر مهمه
زينه ابتسمت بوجع وتابعت حبيبه ادهم
فاطمه بصدمه وانتي عرفتي منين؟
زينه بدموع وابتسامه: هو قالي انه بيحب صحفيه شغاله على نفس قضيته وانه عايز يبعدها وحاول بكل الطرق وعنيده ومش بتسمع الكلام فاكيد هي لميا
مهاب بتنهيده ده حقيقي وزي مانتوا شايفين هي في حاله صدمه وسرحانه لانه وقع قدام عينيها وكانت واخداه في حضنها وبتعيط لحد ما صوتها راح
فاطمه غمضت بقهر ودموع وتابعت اه يا ابني ينورعيني ربنا يطمنا عليك يارب يحبيبي
زينه بدموع اللهم امين يارب وقامت وراحت وطت على ركبتها قدام لميا ولميا عينيها كانت متثبته في الفراغ وسرحانه فطبطبت عليها وتابعت بوجع ودموع : اهدي وصدقيني هيبقي بخير ادهم قوي وهيحارب يبقي كويس علشانك
لميا دموعها زادت وغمضت بقهر فزينه عيطت على دموعها وتابعت لالا والنبي ابوس ايدك عايزين نقوي بعض مش نضعف بالشكل ده ارجوكي وشاورت على امها وتابعت ماما مريضه سكر وضغط وتعبانه ولو لقيتك معايا بتهديها هنعدي الازمه دي مع بعض انما قاعدتك وسرحانك بالشكل ده غلط يا لميا وهيتعبك
لميا بدموع ووجع مش هقدر استحمل اشوفه تعبان ولا فيه خدش يا زينه والله ماهقدر وفضلت تعيط بانهيار فزينه حضنتها وفضلت تطبطب عليها وهي بتعيط زيها
---
في بيت هاله
كانت بتغسل المواعين في المطبخ بعد ما فطروا وخلصت وقفلت الحنفيه وتنهدت وطلعت لقيت علي قاعد قدام الشاشه وبيشرب قهوه فشهقت وتابعت بخضه نهاارك اسود يعلي
علي اتخض وتابع ايه يابت في ايه يخربيت اهلك جبتيلي صرع
هاله راحت خدت منه المج وتابعت بحده انت بتعمل ايه هو انت عايز تجلطني؟!
علي بضحك هاتي بس والله هي دي بس مش هشرب تاني
هاله بحده قولت لا مش كفايه اللي انت فيه كمان عايز تتعبلي قلبك بالخراا دي وراحت بيها المطبخ
فعلي فضل يضحك وتابع مصدع ياهاله وربنا مش هشرب غيرها اليوم كله هاتي بس
هاله دلقتها في الحوض وغسلت المج وصبت عصير برتقال في كوبايه وطلعت وتابعت لا هو ده الموجود والمسموح بيه مش عاجبك متشربش خالص خلصنا يلا
علي فضل يضحك وتابع عصير برتقال ايه اللي جيباه انتي بتهزري وربنا
هاله بحده مش بهزر اكتر من واحد تعبان وتاعبني معااه وماسكلي كوبايه قهوه
علي بابتسامه خلاص خلاص سيبك من القهوه خالص هشرب العصير بس اقعدي عايزك في حوار
هاله قعدت جنبه وتابعت بقلق ايه يحبيبي خير قول
علي بابتسامه خير ان شاء الله وتنهد وتابع طبعا انتي عارفه ان انا وابويا وميسون وام مالك مش راجعين الصعيد تاني وهنستقر هنا وكلها شويه ومالك يتجوز وهنمشي وانا وابويا هنجيب شقتين في المعادي في نفس عماره مالك فعايزك انتي والبنات تقعدوا معايا فيها
هاله بصدمه انت عايزني اسيب بيتي يعلي؟
علي بتنهيده متحسبيهاش كده .. انا عايزك تيجي تعيشي مع جوزك واظن انتي مش هيفرق معاكي المكان المهم اني معاكي
هاله تنهدت وتابعت بص يعلي انا اقعد معاك في اوضه في اي حته مش بسم الله ما شاء الله شقه في المعادي وانت عارف كده كويس اوي بس اني اقعد مع اهلك تاني انا مش هقدر وارجوك متجيش عليا ولو انت صح شاريني خليك انت معايا هنا زي ما احنا
علي بحده اخليني فين يهاله انتي عايزاني اقعد في شقه مراتي؟! ليه شيفاني لمؤاخذه ؟؟
هاله يحبيبي محدش يقدر يقول عليك كده ده بيتك غصب عن اي حد وبعدين انت عايزني اقنع بناتي يسيبوا هنا ؟! وضحكت وتابعت يعني ده بنتك الصغيره يجيلها صدمه نفسيه لو نقلتها من اوضتها اللي قصاد بلكونه علي لاوضه تانيه والكبيره متقدرش تعيش من غير ماتنكش في كريم مش تقولي نمشي من هنا خالص لا ميقدروش يعملوا كده
علي فضل يضحك وتابع بتحبه حبيبه اوي
هاله بضحك يووه ده بتحبه دي كلمه قليله وابتسمت وتابعت ساعات بشوف نفسي في حبيبه ويمكن علشان كده كنت بقسى عليها مكنتش عايزاها تيجي على نفسها علشان خاطر الحب زيي
علي تنهد بوجع وتابع انسي اللي فات .. المهم دلوقتي ولا حبيبه هتعرف تنقل ولا نيره هتسيب كريم طب ايه الحل كده
هاله بابتسامه انك تشيل الاوهام بتاعت شقتي وشقتك دي ونقعد كلنا هنا سوا
علي بتنهيده صعب يا ام نيره صدقيني صعب انا راجل صعيدي ومقبلهاش على نفسي وطلما مش هتمشي يبقى انا اشتري منك الشقه مش حاتم الله يرحمه كاتبهالك باسمك؟
هاله بضحك اه كاتبهالي بس شقه ايه اللي تشتريها يعلي انت بتهزر؟!
علي بتنهيده انا قولت اللي عندي يا هاله لاشتريها لهتمشي معايا انما اني اقعد في بيتك انسي
هاله بذهول وانت اصلا هتجيب فلوس منين هو انت ورثت !!
علي بتنهيده متشغليش بالك معايا حساب في البنك بعيش منه وبكره وبعده ربنا يكرمني واخف وهشتغل
هاله بقلق تتشتغل ايه؟
علي بابتسامه مدير مالي في شركه واحد صاحبي متقلقيش انا عشت ايام تخليني اتوب كل لحظه على تهوري زمان
هاله بابتسامه وفرح الف حمد وشكر والله
علي بابتسامه ها هتبيعي الشقه بكام ولا اجيب سمسار يتمنها؟
هاله لا سمسار ده ايه انت جوزي يعني هعملك خصم وفضلت تضحك
علي بضحك لا مش عايزو الخصم انا هجيب سمسار فعلا وهعملك حساب في البنك وهحطلك الفلوس فيها علطول لان لو عليكي انتي هتقوليلي الف جنيه مانا عارفك
هاله ضحكت وتابعت خمسه جنيه وحياتك اصل هاخد منك انت فلوس يعلي فعلي فضل يضحك ورايح يتكلم فالباب خبط فتابعت هاله :ثواني هشوف مين وجيالك
علي بابتسامه تلاقي البنات رجعوا واحشوني اوي
هاله بتوتر اه ممكن هما وطلعت فتحت الباب وبالفعل كانت حبيبه ونيره ومعاهم علي وكريم فتابعت حبيبه بضحك: روح قلبي اللي واحشتني
هاله بفرح يحبايب قلبي تعالواا وحضنت نيره وحبيبه وفضلت تبوس خدهم وتابعت واحشتوني واحشتوني اوي يولاد الجزمه
نيره بحب وانتي اكتر والله العظيم ياست الكل
كريم بضحك الله يعني هما واحشوكي وانا ماصدقتي خلصتي مني ولا ايه
هاله بضحك هو انا اقدر بردو يكيمو ده انت الغالي تعالى يحبيبي وحضنته جامد وتابعت واحشتني يواد البيت من غيرك مالوش حس
كريم فضل يضحك وطبطب على ضهرها وباس راسها وتابع بريحك من صوتي العالي مع البنات شويه
هاله فضلت تضحك وتابعت ربنا يديم حسك يحبيبي وتعيش وتطلع عينهم وبصت لعلي اللي واقف بيضحك وتابعت روح قلب حماتك انت واحشتني وواحشني جنانك انت وحبيبه وحضنته فعلي فضل يضحك وباس راسها وايديها وتابع بضحك وانتي واحشتيني اكتر يغاليه والله
نيره بضحك انهارده عيد ميلادي هاا وعدتيني هتجبيلي ايه؟
هاله بضحك جبتلك الدريس اللي عاجبك جوه يكلبه وصل تاني يوم مامشيتوا
نيره حضنتها جامد وتابعت بضحك ياروح قلبي انتي بموت فيكيي
حبيبه بضحك مع ان كريم امبارح احتفل بيهاا بالليل وجبلها هدايا بس مبتشبعش بنتك
نيره بضحك الله وانتي مالك ياستي مش حاجات جايه ببلاش اقول لا ليه يعني
هاله بضحك خليها تدلع يومها ولما يجي عيد ميلادك انتي كمان هجبلك دريس حلو شبه
حبيبه بضحك لا انا عايزه بدله رقص ماليش في الدريساات
فهاله فضلت تضحك بشده وعلي بصلها بذهول وهو بيضحك
فتابع كريم بضحك هو انتي مش ناويه تتربي يابت انتي هاا ورايح يمسكها فاستخبت ورا علي اللي بيضحك بشده وتابعت بضحك الحقني يعلي الحقني والنبي
علي بضحك خلاص يكيمو عندي انا المره دي عديها محدش غريب واقف
كريم بضحك في واحده تطلب بدله رقص قدام خطيبها واخوها !! ده البت مبتتكسفش ولا عندها ريحه الدم قسما بالله
علي فضل يضحك فتابعت حبيبه بضحك هنكدب على الله يعني ماهو عارف اني بحب الرقص ده انا ليله ما طلق رفيده طلعت واحده من بتوع جهازي واديتها للصبح وكان محبوس الراجل
كلهم فضلوا يضحكوا بشده فعلي بصلها وتابع بضحك لالا اخص عليكي يحبيبه بجد
كريم بضحك معندهاش دم وعامله نفسها كانت زعلانه عليك
علي بضحك لا انا بقولها اخص عليكي علشان طلعت بدله الجهاز للكلام الفاضي ده ماكانت تشلهالي
فكريم بصله بذهول وكلهم فضلوا يضحكوا بشده
فتابع كريم تصدق وتؤمن بالله؟
علي بضحك لا اله الا الله
كريم بضحك انت وهي مشوفتوش ربايه دقيقه والله العظيم
فكلهم فضلوا يضحكوا فتابعت حبيبه بضحك الله ما حقه الراجل يزعل بس متقلقش يروحي في كتير
كريم بضحك اه انتي هتفتحي كباريه بقي مش هتتجوزي
حبيبه فضلت تضحك وتابعت اه حاجه زي كده علشان متشوفهوش على القهوه تاني خالص هتوبه
كريم وطى يجيب جزمته وتابع لا انتي لازم تتربي علشان خدتي عليا اوي الفتره دي
علي بضحك لالا استهدى بالله بس وحبيبه فضلت تضحك وجريت على الصالون واتصدمت لما لقيت ابوها قاعد وهاله برا غمضت عينيها بخوف خايفه من رده فعل حبيبه وبالفعل حبيبه اتعصبت وتابعت انت بتعمل ايه هناا
فكلهم استغربوا فتابع علي باستغراب هو مين؟
فدخلوا كلهم وراها يشوفوا واتصدموا بوجود علي وهاله دخلت وراهم وهي خايفه
حبيبه بعصبيه ماترد علياا ايه اطرشت؟؟
علي بحده حبيبه
حبيبه بصتله وتابعت بحده نعم يعلي
علي بعصبيه احترمي نفسك وصوني لسانك وانتي بتتكلمي ده مهما كان ابوكي
نيره بصت بسخريه وتابعت ابونا مين؟ هو اي واحد غريب يجي بعد 20 سنه يقولنا انا ابوكم نصدقه ونحبه؟
هاله بعصبيه ودموع بس مش غريب وابوكي غصب عنك حتى لو مش عايزه تقتنعي ..هيفضل دمك اللي بيجري دمه وملامحك ملامحه سواء اقتنعتي او لا
كريم تنهد بعمق ومسح بايديه على وشه فتابعت حبيبه بعصبيه انتي بتقولي اييه يا ماماا احنا خلاص سيبناكي يومين هنرجع نلاقيكي اتجننتي؟!
علي بعصبيه يحبيبه احترمي نفسك واتكلمي عدل
حبيبه بعصبيه انت مش سامع كلامها يعلي دي بتداافع عنه بتدافع عن مجررم
فابوها بصلها بقهر والدموع اتجمعت في عينيه فعلي راح مسك دراعها جامد وتابع بعصبيه جواكي حاجه وعايزه تخرجيها تقوليها باحترامك انما غلط وقله ادب مش عايز علشان مخليش صوابعي تعلم على وشك قدام ابوكي واخوكي
حبيبه بعصبيه ودموع متقولش ابوياا ده مش ابوياا بابا حاتم اللي ابويا وكريم ابوياا انما ده لااا انا معرفوش اصلاا الاب اللي بيربي يعلي الاب اللي بيراعي ويسهر مش يرمي مراته وعياله في عز الفجر والمطر ويرجع بمزاجه وعايزنا نقبله بالعاافيه
علي بعصبيه غلط وندم ايه هنعلقله المشنقه ولا نموته؟؟
حبيبه بعصبيه ودموع متتسماش غلطه .. تتسمى جريمه .. غلطه ايه دي اللي ادفع تمنها انا وامي واختي عمرنا كله؟؟ غلطه ايه دي اللي تخليني اقول بابا لغيره واحس اني باخد حاجه مش من حقي وهو عاايش
علي تنهد بوجع وتابع عارف انك موجوعه بس ده مكنش اتفقنا قولتلك تهدي واديه فرصه واحمدي ربنا على وجوده وسطكم وانا لو مكانك كنت ..
حبيبه قاطعته بعصبيه ودموع وتابعت متقولش لو مكاني انت مش مكاني ولا عمرك هتكون مكاني انت عشت في حضن ابوك وشبعت من حنيته لحد ما كبرت وبقيت راجل وقدرت تشيل اهلك بعده وسابلك البصمه الحلوه والسيره الطيبه اللي بتخليك لحد انهارده لما تفتكره تعيط .. عم قاسم عاش راجل عظيم ومات راجل عظيم .. كان ونعم الاب والاخ والصاحب والزوج فمتقارنش ابوك بابويا ولا حياتك بحياتي
فابوها بصلها بوجع ودموعه بتزيد فتابع علي بتنهيده فاهمك وحقك تزعلي بس لحد امتى فهميني؟ هتضيعي العمر اللي فاضل زي اللي فات يحبيبه؟
حبيبه بحده مايضيع ولا يغور في ستين داهيه انا مش حاسه بحاجه ناحيته اصلا
نيره بحده ايوه ماحنا بردو عايزين نفهم هو جيه هنا يعمل ايه ؟؟
هاله بحده ودموع جيه يقعد وسط مراته وعياله وعلطول واللي مش عاجبهاا تمشي تغور في ستين داهيه
علي الاب بوجع ودموع لو سمحتي يهاله انا همشي وسيبيهم على راحتهم و
فهاله رفعت ايديها وقفته وتابعت بحده لو سمحت انت يعلي متدخلش في الحوار ده ارجووك ده بيتك وهتقعد غصب عنهم
فحبيبه ونيره بصولها بصدمه فتابعت نيره بحده يعني ايه هو انتي فاكره لما تقعديه وسطنا بالعافيه هنحبه؟! طب انا مش هقعد هناا وهغور عند خالتي ابتساام ووريني اخركم ايه
هاله بعصبيه ودموع غوري في ستين داهيه ولما تعقلي وتكبري كده بيتك موجود
حبيبه بعصبيه عايزه نيره تعقل علشان ترجع البيت ؟؟ اومال انتي مكنتيش عاقله ليه وانتي بترجعي واحد بهدل بكرامتك الارض لحياتك تاني؟؟
ابوها بصلها بصدمه ودموعه بتنزل وهاله اتصدمت من كلامها فعلي مسك دراعها جامد ولفها ليه وتابع بعصبيه يحبيبهه قولتلك خدي بالك من كلامك
حبيبه بعصبيه ودموع سيبني اقول اللي جوايا يعلي سيبني علشان حقيقي هتجنن وبصت لامها وتابعت بعصبيه عايزااه يقعد وسطناا ازاي وهو شك فيكي وضربك وسحلك على الارض ومنزلك من اوضتك بهدومك بالجرجره قدام اهله ورماكي ورمى عياالك .. عايزااه يقعد معانا ازاي وسامحتيه فهميني؟!!
هاله بدموع ووجع علشان راح ولا جيه ابوكي يحبيبه و
حبيبه قاطعتها بعصبيه وتابعت متقوليش ابويااا انا ابوياا مش تاجر مخدرات ولا رد سجون
فالاب بصلها بوجع وصدمه من كلامها لدرجه حس ان قلبه وجعه فتابع علي بعصبيه يحبيبه اقسم بالله همد ايدي عليكي احترمي نفسكك بقى
نيره بعصبيه حبيبه عندها حق يعلي احنا دكاتره ولينا سمعتنا والراجل ده هيخرب حياتناا فعدم اعترافنا بيه هو الاحسن فكل الاحوال خصوصا اننا مش متربين في حضنه يعني فعادي واحد غريب وبنقسى عليه
الاب بصلها وابتسم بقهر ودموعه بتنزل وتابع عندك حق يابنتي كتر خيرك
هاله اتعصبت وتابعت بدموع كفااياكي انتي وهي ايه مبتحسوش الغلط كله كان في حقي اناا وانا سامحته واذا كان عليكم انا منقصتكوش اي حاجه وكنت الام والاب وربيتكم احسن تربيه فالمفروض بدل ماتيجوا عليا وتسمعوني كلام يقهرني ياللي اسمكم بنااتي ..تفكروا كويس وتفهموا اني بعمل الصح علشاانكم
حبيبه بحده ودموع انتي مبتعمليش حاجه علشاناا انتي لسه بتحبيه وتصرفات المراهقين دي فضحاكي فمتجيبهاش فينا والنبي
هاله بصت للارض وتنهدت بقهر وبصتلهم وتابعت مش هتسامحوه حتى لو قولتلكم ان ابوكم مريض سرطان رئه وداخل عمليات قريب؟
علي وكريم اتصدموا بس نيره وحبيبه كانوا كأنهم جماد فتابعت حبيبه بسخريه طب يلا يموت بجد بقى ويريحنا واذا كان علياا انا ونيره هننسى كل الاحداث الاخيره اللي حصلت دي
فكلهم اتصدموا بشده فعلي اتعصب وضربها بالقلم بقوه فكلهم اتخضوا فحبيبه حطت ايديها على خدها بصدمه وهي بتعيط وتابعت انت بتمد ايدك عليا علشاانه يعلي !!
علي مسك دراعها جامد وتابع بعصبيه شديده: واكسر راسك كماان .. نبهتك مرره واتنيين تحتررمي نفسك وتصوني لساانك وانتي متربتيش ولا شوفتي ربااايه ولا محترمه اي حد فيناا اصلاا
حبيبه بصتله بقهر ودموع وتابعت بتهيني قدامهم عادي كده؟؟
علي بعصبيه شديده وانتي بتعملي ايه من الصبح؟؟ مانتي بتهيني ابوكي قدامناا كلناا وهو ساكت وحاطط جواه وعديتلك كتيير انما وصلت بيكي تعرفي انه مريض تتمنيله الموت؟!! اييه يحبيبههه من امتى وانتي حيواانه وقاسيه كدده؟؟
حبيبه بقهر ودموع بس مش اقسى منك لاني شايفاك اماني وانت استقويت علياا وكسرتني قدامهم بس عادي حقك .. اما ابوياا اللي اسمه ابوياا رمااني انت هتشوفني غاليه ليه مثلاا
ابوها بصلها بقهر ودموع فتابع علي بعصبيه بقولك اييه شغل عبط وقلب ترابيزاات مش عاايز متدخليش الامور في بعض طلما متربتيش وبتقلي ادبك يبقى اربيكي واعلمك الادب حتى لو ابوكي وامك معااكي بس طلما مفيش تربيه يبقى تتربي
كريم بحده كنت هعملها انا لو هو معملهاش عامه .. انتي قليله الادب ومتربتيش انا ساكت من ساعه مادخلنا وسايبكم تتكلمواا لاني مقدر موقفكم وصدمتكم بس كله الا الشماته في المرض يحبيبه انا من الجمله دي عرفت اني فعلا قصرت في تربيتي فيكي
نيره بعصبيه ايوه بكريم بس هي تقصد ان
كريم بمقاطعه وعصبيه هششش كفاياكم عك وقرف خلااص وشاور لفوق وتابع مش قولتي هتطلعي لخالتك غوري فوق يلا وانا طالعلك دلوقتي
نيره تنهدت بضيق ومسكت شنطتها بتاعت السفر وطلعت لخالتها فكريم بص لحبيبه وتابع متكلمتش قدك واحترمت وجودي اكتر منك ودلوقتي مقررتش الكلمه .. اول مره اشوف نيره انضج منك بكتير يحبيبه فحبيبه فلتت دراعها من علي بعصبيه وهي بتعيط ودخلت اوضتها وقفلت الباب فكريم بص لهاله وتابع بتنهيده ارتاح من السفر وليا قاعده معاكي ومع ابو نيره
هاله بدموع تنور اي وقت يا ابني
علي تنهد بعمق ومسح بايديه على وشه وتابع انا اسف يا عم علي اني مديت ايدي عليها في وجودك بس حقيقي مكنش ينفع اعديلها اللي اتقال
علي الاب بوجع لا يا ابني عادي ولا كنت تمد ولا تعمل هي حاسه بحاجه وقالتها
علي بحده بلا حاسه بلا زفت دي مشافتش ربايه والغلط غلطنا احنا مش انت خاالص ده انا اسف مره تاني انك جيت لقيت اخلاق بنتك بالشكل ده بس حقك عليا سامحني انا هظبطها وربنا يطمنا عليك يارب
كريم بتنهيده اه وعايز ورق الحاله بتاعتك لما انزل يخالتي تكونوا محضرينه عن اذنكم ومشي فعلي تنهد وتابع عايزه حاجه يخالتي؟
هاله بدموع سلامتك يا ابني
فمشي وقفل الباب وراه
---
عند إيلين كانت نايمه على السرير في المستشفى ومتعلقلها محاليل وراسها ملفوفه بشاش ونايمه وابوها قاعد قدامها مستنيها تفوق وهو على اعصابه
وثواني بالفعل وإيلين ابتدت تفتح عينيها فكامل بصلها بلهفه وتابع بخوف إيلين حبيبتي انتي بخير ردي عليا ابوس ايدك
إيلين بصت حواليها وتابعت بتعب انا فين
كامل بخوف في المستشفى يحبيبتي انتي عملتي حادثه وجابوكي على هنا وكلموني من فونك مالك يحبيبتي طمنيني حاسه بحاجه انتي كويسه؟
إيلين بصتله وتابعت بتعب كويسه يابابي متقلقش دي حادثه بسيطه
كامل بخوف بسيطه ايه بس ياإيلين ده انا قلبي كان هيقف يابنتي عملتي الحادثه دي ازاي بس
إيلين بوجع مخدتش بالي من عربيه كانت جايه جنبي فجيت اعدل الدريكسيون فلت مني وخبطت في الشجره
كامل بخوف ليه يا إيلين كده يابنتي خدي بالك بعد كده ابوس ايدك ايه واخد عقلك بس ده الحمدلله ربنا ستر والعربيه مولعتش من الخبطه
إيلين بوجع الحمدلله يابابي ومفيش حاجه واخده عقلي ده قضاء وقدر الحمدلله على كل حال
كامل مسك ايديها حطها بين ايديه وباسها وتابع بدموع الحمدلله يحبيبتي الف حمد وشكر انك بخير والله
ولقيوا مراد داخل شايل بوكيه ورد وابتسم وتابع حمدلله على سلامتك يا دكتوره وحط البوكيه جنبها على الكومود
إيلين ابتسمت بقهر وتابعت الله يسلمك يحضره الظابط شكرا تعبتك
مراد بابتسامه لا متقوليش كده ده واجبي
فإيلين ابتسمتله وبصت قدامها وسرحت وهي حاسه قلبها واجعها ومانعه دموعها بالعافيه وتنهدت وبصت لابوها وتابعت انا موافقه اتجوز مراد يا بابي
---
عند تولين في الحضانه دخلت الميس فصلها وتابعت تولين سليم التهامي هنا؟
تولين رفعت ايديها وتابعت اه انا يا ميس
الميس بابتسامه طب يحبيبي تعالي لان بابي جيه خد اذن وهتروحي بدري انهارده
تولين بحماس حاضر وقامت لمت كل حاجتها في الشنطه ومشيت مع الميس وهي فرحانه وفاجاه فرحتها اختفت لما شافت سليم واقف بيدخن ولما شافها رمى السجاره وداس عليها ووطى وتابع حبيبه بابي تعالي
فتولين خافت منه ومسكت في الميس والميس استغربت جدا فتابع سليم برفعه حاجب في ايه يتولين مش هتيجي تحضني بابي؟
تولين بعياط انا فكرت بابي فارس لا انت وحش
الميس باستغراب يعني ايه هو مش حضرتك والدها البنت ليه خايفه؟
سليم بحده ابوها طبعا والمديره شافت البطاقه اومال هاجي اخطفها مثلا
الميس بحده انا مقصدش بس واضح ان هي توقعت حد غيرك اللي يجي
سليم بحده اه خالها بيجي ياخدها علطول فاهي مستغربه شويه تعالي يا تولين يلا وبيشدها من الميس فعيطت ومسكت فيها وتابعت بعياط ارجوكي لا ارجوكي سيبيني معاكي لحد ما بابي فارس يجي ارجوكي
الميس قلبها وجعها عليها ومسكتها كويس وتابعت بعصبيه انت مش هتمشي بيها قبل ما نتاكد كويس انك باباها البنت مرعوبه منك
سليم بعصبيه انتي هبله ولا عبيطه دي بنتي ولو مخدتهاش ومشيت دلوقتي هخرب الدنيا فوق راسكم انا سليم التهامي يعني قبل ما تهري في اي كلام اعرفي بتتكلمي مع مين الاول
الميس اتعصبت ورايحه تتكلم فجات المديره وتابعت بخوف في ايه يسليم بيه صوتك عالي ليه بس حد ضايق حضرتك في حاجه؟
سليم بعصبيه تعالي شوفي الناس اللي مشغلاها الهانم بتتهمني اني مش ابو تولين ومش عايزاني اخدها دي شكلها اتجننت
المديره بحده انتي ازاي تعملي كده سليم بيه ابوها طبعا وعارفينه من زمان
الميس بعصبيه يامدام رقيه البنت خايفه منه ومش عايزه تمشي معاه انتي مش شايفه شكلها عامل ازاي دي منهاره عياط وماسكه في رجلي
المديره بعصبيه بينهم خلافات لانه قالي منفصل عن والدتها بس قايلها هجيب البنت انهارده فاهي متأثره شويه انما احنا مالنا بكل ده سيبي البنت لابوها وشوفي شغلك يلا
الميس بحده ايوه بس يا مدام ..
المديره بعصبيه ومقاطعه انتي سمعتي انا قولتلك ايه؟
فالميس قلبها وجعها على تولين اوي وحست بقله حيله وسليم بقى يشدها ويفك ايديها من على الميس وهي بتصرخ وتعيط وتابعت ياميس لا ياميس ارجوكي مش عايزه امشي معاه والميس مقدرتش تفتح بوقها والدموع اتجمعت في عينها وسليم شال تولين ومشي والميس مشيت بسرعه وراحت للشئون وتابعت بلهفه رشا طلعيلي ملف تولين سليم التهامي بسرعه
رشا باستغراب حاضر بس اهدي في ايه
الميس بحده يارشا اخلصي عايزه رقم مامتها بسرعه احنا لسه هنرغي
وعند اسيا كانت واقفه في الحمام تعبانه وبترجع وخلصت وغسلت وشها وبقيت تنشف وشها في الفوطه وسمعت فونها بيرن فمشيت بتعب بسبب رجليها وراحت مسكت فونها وردت وتابعت بتعب الو
الميس بلهفه والده تولين سليم؟
اسيا بخوف اه انا في ايه؟؟ تولين كويسه؟؟
الميس بحزن كويسه اهدي بس انا ميس معاها في الحضانه وكنت حابه ابلغك ان والدها جيه خدها بدري انهارده ولسه ماشيه معاه
اسيا بتنهيده طب تمام هو بيجي ياخدها كل يوم في معادها بس تشكري انك نبهتيني لما خدها بدري
الميس باستغراب انتي متأكده ان حضرتك فهماني؟؟
اسيا بتنهيده ايوه مش بتقولي فارس جيه خدها دلوقتي؟
الميس بتعجب : لا طبعا اقصد والدها سليم طليق حضرتك ومشيت معاه وهي بتعيط وخايفه بس طبعا منقدرش نتدخل لانه والدها وقال انه استأذنك
اسيا اتصدمت وحست قلبها وقع في رجليها وتابعت انتي بتقولي اييه سليم خد بنتي دلوقتي؟؟؟
الميس بتنهيده اه يفندم فاتصلت اعرفك لان واضح ان البنت مش مبسوطه وخايفه
اسيا بعياط وخوف شكرا تسلمي كتر خيرك سلام وقفلت معاها بسرعه وهي بتعيط ومرعوبه وايديها بتترعش وبقيت تتصل بفارس
وعند فارس كان وصل شركه سليم وطلع في الاسانسير وراح عند مكتبه ومشي ناحيه المكتب بعصبيه فميرنا شافته حاولت توقفه وتابعت يافندم يافندم رايح فين
فارس بعصبيه اوعي كده ولا فندم ولا زفت وضرب الباب برجله كسره ودخله المكتب ملقهوش فتابع بعصبيه سليم فيين
ميرنا بخوف مش هنا يفندم مشي بدري انهارده
فارس فونه رن فتجاهله وتابع بحده ايوه يعني الاقيه في البيت ولا في انهي داهيه؟
ميرنا بخوف في البيت اه
ففارس اتعصب وتابع طب اوعي من قداامي اوعيي فبعدت عن الباب فخرج وهو بينزل على السلالم ومتعصب جدا وفونه مش مبطل رن فركب عربيته وطلع الفون لقى مكتوب " حبيبه عمري " فغمض بضيق ورد وتابع بعصبيه عاايزه ايه يا اسيااا خيير
اسيا بعياط وخوف فاارس .. فارس الحقني ميس من حضانه تولين اتصلت قالت ان سليم راح خدها من هناك والبت خايفه ومش مبطله عياط
فارس اتصدم وتابع انتي بتقولي ايه؟؟ واتعصب وتابع ازاي الحيوان ده يعمل كدده ده ليله اهله سوداا وحسابه معاياا بيتقل
اسيا بعياط شوفت يفاارس شوفت سليم قولتلك هياخد مني بنتي ومفيش حد هيقدر يمنعه شوفت انا كنت هتطلق ليه
فارس بعصبيه ممكن تهدي وكفااياكي عياط وندب علشان اللي في بطنك ؟؟!! وبنتك هتباات في حضنك الليله دي ولو حصل غير كده قولي علياا مش رااجل انما صدااع ورغي مش عاايز يا اسياا
اسيا بدموع وخوف حاضر يفارس
فارس بعصبيه سلام انتي دلوقتي وقفل الفون ورماه جنبه بضيق وساق باقصى سرعه باتجاه بيت سليم
-----
وعند سليم كان قاعد على الكنبه بيشرب سجاير وجاكت بدلته مرمي على جنب وشيري قاعده جنبه متضايقه ومش طايقه نفسها
سليم بابتسامه مالك في ايه مش ناويه تفكي؟ وحط ايديه على كتفها
شيري بعدت بضيق ونزلت ايديه من على كتفها وتابعت ابعد عني يسليم واختصرني خالص
سليم بضحك الله كل ده علشان قولتلك عايز ارجع اسياا
شيري بصتله بحده وتابعت ااه طبعاا وحقي هو انت ايه فاكرني مبحسش ولا معنديش مشاعر
سليم حط ايديه على خدها وتابع بابتسامه لا طبعا يعمري مقدرش اقول اي حاجه من دي بس انا مش عايزها ترجعلي علشان بحبها انتي عارفه كويس اوي اني نفسي اذلها واعلمها الادب واردلها اللي شوفته بسببها مش اكتر
شيري بحده ودموع حتى لو انا مش هقدر ارجع استحمل اشوفها معاك في نفس البيت تاني ارجوك يسليم كفايه علياا ميرنا دي اللي روحت اتجوزتها رسمي
سليم بضيق اعمل ايه قالتلي ابوياا وابن عمي وهيقتلوني وحوارات فكتبت عليها رسمي وقولتلهم اني جوزها اتدبست يعني
شيري بدموع طب مانا كمان اطلق من زياد واتجوزني والله عمري ماهقولك يا انا يا هي بس احس اني مراتك بجد
سليم حط ايديه على كتافها وتابع بضحك وغمز ليه هو انا مبحسسكيش بكده ولا ايه وبيقرب عليها وتابع اخص عليك يسليم والله
شيري حطت ايديها على صدره تبعده وتابعت اتلم انت عارف اني مقصدش كده هاا
سليم بضحك يابت تعالي نستغل الوقت قبل ما انزل تولين من شقتك وتصدع اللي جابونا هناا
شيري بضيق ده لحد من شويه صوت عياطها واصلي رغم اني سيباها في اخر اوضه دي بجد عيله وش وصداع
سليم بضحك طالعه للي جابتها مش فالحه الا في كده المهم واحشاني وبيقرب عليها فوقفته وتابعت سليم لو سمحت ابعد
سليم باستغراب وده من امتى ده
شيري من دلوقتي لاني غالبا وقعت في مصيبه مش عارفه هعمل فيها ايه
سليم بقلق ايه هي مش فاهم؟
شيري تنهدت بعمق وتابعت انا حامل
سليم اتصدم بشده وتابع بصوت يكاد يسمع من فرط الصدمه: من مين؟
شيري بوجع ما دي المشكله .. اني معرفش
--
عند هناء ووسام كانت نايمه في حضنه وايديه بتمشي على شعرها وبيتكلموا
هناء بضحك مانا عارفه خدت بالي من يوم الفرح لما لقيته واقف مش طايق نادر
وسام بضحك عايز اقولك ادهم بجد كان بيعزه اوي لان نادر بنسبالي اخويا الصغير ومعندوش عيال عم اصلا فانا كبير عليه وكده فادهم كان بيعتبره مننا مجرد ما قولتله انك نفس البنت اللي كانت خطيبه نادر قلب عليه قلبه سودا
هناء بضحك احسن والله يستاهل بس عايزه اسالك سؤال يا وسام
وسام بحب قولي يقلب وسام
هناء اتعدلت وبصتله وتابعت بتنهيده ليه مقولتليش ادهم شغال ايه لما سألتك
وسام بتنهيده اه علشان تروحي تقولي لاختك مش كده؟
هناء اتصدمت وتابعت ايه ده وانت عرفت منين ان لميا اللي عايزه تعرف
وسام بضحك لا انا عارف حاجات كتير واختك عايزة تعرف لانها شاكه فيه ان شغله مش مظبوط بس انا مقولتلكيش علشان هو طلب مني ميعرفش لمياا دلوقتي
هناء بصدمه طب ده ليه دي بتحبه والبيه ابن عمك كلمها على انه ..
فقاطعها وسام وتابع انس
هناء بذهول وضحك لا متهزرش بجد يعني هو حاكيلك كل حاجه بالشكل ده؟!!
وسام بضحك يابنتي بقولك اخويا اخوياا
هناء بضيق ايوه وادهم كدب على اختي ليه بردو
وسام بتنهيده ادهم بيحب اختك يا هناء يمكن زي ماهي بتحبه واكتر حبها واعجب بيها من اليوم اللي خبط حبيبه فيه بالعربيه ساعه لما كانت هتتخطب لصاحب اخوكي
هناء بذهول وبعدين؟
وسام بتنهيده بس فضل يحاول يوصلها لحد ما اعرف اسمها وشغلها وعنوانها واهلها وكل حاجه بس متقدمش لانه كان شغال على قضيه دكتور عدلي الشامي ومتخفي ومكنش وقته يحب ولا يخطب
هناء بذهول هو ادددهم ظابط !!
وسام بابتسامه مخابرات .. مش اي ظابط
هناء بتفاجئ بسم الله ما شاء الله وازاي المتخلفه اختي دي تشك فيه ؟! ازاي معرفتش انه مخابرات اصلا رغم ذكائها في شغلها
وسام بتنهيده لان اختك هي اللي بتنكش ورا عدلي الشامي وبتكتب ضده المقالات اللي خاربه الدنيا ومره بتصور رجالته وهما بينقلوا حاجات فشافوها فادهم حط مسك على وشه وانقذها اليوم ده ومن اليوم ده تحديدا عرفتوا وفهمها انه هو كمان ضد عدلي فاتعاونوا سوا وهي سميته انس وحبيته وفضل مخبي عليها فكره انه ادهم علشان ميدخلهاش حياته اللي مليانه مشاكل دلوقتي وفي نفس الوقت بيحميها من عدلي من غير ما تعرف فاهي شكت فيه انه من رجاله عدلي ومجرم زيهم لانه خبى وشه من الرجاله لما انقذها
هناء بصدمه وخوف ينهارك اسود يا لمياا ينهاارك اسود ده كريم لو عرف والله ليموتهاا
وسام بتنهيده اهدي خير باذن الله هيعرف منين يعني
هناء بخوف هيعرف من اي حته وفي اي وقت هو انت فاكر عدلي بكل سلطته دي هيسكت لـ لمياا !! دي مصيبه سوداا ولازم اعرف كريم وامنعها تروح الجريده تاني
وسام بحده هناء اتلمي انا مش قايلك علشان نفضح الدنياا اختك شجاعه وب100 راجل وادهم لو هيموت مش هيعرضها للخطر فاسكتي كده وادعيلهم ربنا ينصر الحق وادهم كده كده بيتحايل عليها تبعد عن الموضوع كله انما تعرفي كريم انتي كده بتحطي البنزين جنب النار
هناء بحده ما احط البنزين جنب النار .. ما احطهم يا وسام ويخش تولع فيهاا بدل ماهي متخلفه وهتضيع نفسهاا كده
وسام بتنهيده ثقي فياا اختك هتفضل بخير .. في راجل في وسطهم ومتحكم في قرارتهم وتحركاتهم مستعد يموت ولا يشوف فيها خدش وما ادراكي لما راجل يحب واحده بجد هيعمل علشانها ايه
هناء بقلق يارب يسمع منك يوسام يارب يسمع منك والله
وسام يارب يحبيبتي واللي اتقال ده ميطلعش لحد هاا
هناء بقلق مش هقول والله مش هقول رغم ان كريم حذرها من الموضوع ده الف مره بجد وكل مره تقول ان مش هي
وسام بضحك اومال هتقول هي ده يقتلها
هناء بتنهيده على رايك والله .. ربنا يحميكي ويهديكي يا لميا
---
في الصالون في شقه كريم كان قاعد بيعمل حاجات على اللاب توب وامه قدامه بتقشر البطاطس فبص للساعه اللي على الحيطه وتابع الساعه بقيت 12 الهانم بنتك فين كل ده؟؟
ابتسام بتوتر تلاقيها نايمه يحبيبي وهتصحى وهتيجي والله
كريم بحده هو انا مش مانع ام البيات برا البيت ده ولا هي قله ادب وعدم سمعان كلام وخلاص
ابتسام بتوتر محصلش حاجه يكريم ده يوم
كريم بحده لا حصل وزي ما اتصلت زي الشاطره قالتلك يبقى كان مفروض تقولي انا وانا اقولها ااه ولا لا بس صبرها عليا لمياا وخرا على الصبح كانت نقصاها
ابتسام تنهدت بحزن وتابعت متنكدش على اختك يكريم خلاص علشان خاطري انا يحبيبي
كريم بضيق امي لما تيجي نبقى نشوف نيره فين؟
ابتسام جوه في اوضه هناء
كريم قفل اللاب توب وقام راح عند اوضه هناء وخبط فنيره تابعت ادخل
فكريم فتح وشافها قاعده لابسه بيجامه برموده ونص كم وشعرها مبلول لانها لسه خارجه من الشاور فابتسم وتابع هو انا مش قايلك لما تغيري قوليلي؟
نيره بوجع مخنوقه يكريم ومش قادره اتكلم حقيقي
كريم دخل وراح قعد جنبها وتابع ومن امتى لما بتتخنقي بتبعدي عن كريم يعني؟
نيره بدموع يمكن لانك هتيجي عليا زي ماجيت على حبيبه تحت
كريم بتنهيده انا جيت على حبيبه لانها شمتت في مرض ابوها واتمنتله الموت ودي صعبه اوي ومش قادر اتخيل لحد دلوقتي طلعت منها ازاي انما طول الموقف انا ساكت وسايبكم تتناقشوا مع امكم براحتكم
نيره تنهدت بعمق وتابعت ويعني ايه اللي حصل ده؟ هو احنا مضطرين نرجع نقبل بيه علشان تعبان
كريم بتنهيده بصي يانيره انتي عارفاني انا راجل دوغري وماليش في الحوارات وهقولهالك صراحه .. انتوا مش مضطرين بس لو معملتوش كده هتندموا .. والله هتندموا
نيره بوجع نندم على ايه احنا مشوفناش منه غير كل وجع
كريم هتندموا انكم ضيعتوا من ايديكم يعني تخيلي واحده تعيش عمرها كله فاكره ابوها ميت وفاجاه تلاقيه قدامها يبقى المفروض تجري تحضنه وتبوس رجله كمان مش تبهدله كده
نيره بدموع انت اللي بتقول كده يكريم
كريم بتنهيده اه انا اللي بقول كده لاني لما فكرت كويس لقيت انه مغلطش في حقكم قد ما غلط في حق امكم وهي سامحت انتوا مش هتسامحوا؟
نيره بصتله بوجع وتابقت بدموع ازاي بقي مغلطش غير في حقها هي
كريم بصي يحبيبتي ابوكي كان عقيم وده معروف لاهل البلد كلهم حتى امك كانت عارفه ووافقت تتجوزه بس بعد الجواز ربنا كرمها وحملت فيكي ساعتها دبح وعمل احتفال كبير اوي بالخبر ده ووزع على الناس كلها في البلد وده من غير ايه؟
نيره بدموع من غير مايشك فيها ويحلل
كريم بتنهيده الله ينور عليكي وفرح بيكي اوي لما اتولدتي و فراسك جات حبيبه فبعدين عمتك عملت كل الحوار ده وقالتله انت مصدق انك بتخلف طب ازاي واديني عقلك ده مراتك كل يوم برا البيت لانها كانت شغاله مدرسه في حضانه وحوارت فطبيعي شك لانه سهل جداا اني اطلع مبخلفش لاني فعلا مبخفلش على ان تحصل معجزه واخلف مره واتنين وورا بعض فراح حلل والتحاليل طلعت غلط بسبب عمتك فقوليلي هو كراجل صعيدي كان مفروض يعمل ايه؟ انا عارف كراجل اني مبخلفش ولما مراتي حملت مشكتش فيها بس التحاليل اهي بتاكد اني لسه زي مانا
نيره بوجع كان ممكن يقتلها
كريم بالظبط اديكي قولتي بس هو بردو معملش كده وطردها بعيالها متخيله؟؟! وبعد مده صغيره عرف الحقيقه بسبب عمك بدر ورايح يرجعها وياخدكم لحضنه فاتفبض عليه ولسه خارج والدنيا عاقبته بزياده ودلوقتي بمرض كمان فمتبقوش انتوا والدنيا عليه يانيره
نيره نامت في حضن كريم وتابعت بدموع انا تعبانه اوي يكريم تعبانه اوي ومش عارفه اعمل ايه
كريم باس راسها بعمق وتابع خدي وقتك في الزعل بس راضي ابوكي صدقيني انا كنت ضده زيك واكتر وبهدلت امك بهدله مايعلم بيها الا ربنا بس خلاص ده راجل مريض وهي بتحبه هحرمهم من بعض هشيل ذنبهم
نيره بدموع هشوف حاضر
كريم بابتسامه يحضرلك الخير ينورعيني كفايه عياط بقى ومسح دموعها وباس جبينها بعمق
نيره ابتسمت وتابعت حاضر والله
كريم بابتسامه شاطره يلا قومي اعمليلي كوبايه قهوه من ايديكي الحلوين دول بقى
نيره بحب عينيا
كريم بهيام ده يسلمولي
فنيره ضحكت وقامت طلعت من الاوضه ودخلت المطبخ وكريم طلع قعد مع امه تاني في الصالون وفتح اللاب توب يشتغل عليه فابتسام قامت وتابعت انا نازله لخالتك شويه ها
كريم بتنهيده ماشي روحي وبالفعل قامت لبست العبايه والطرحه ونزلت ونيره خرجت وحطت القهوه جنب كريم وقعدت جنبه فمسك ايديها باسها وتابع يسلمولي
نيره بضحك الف هنا يحياتي وبصت على اللاب فاستغربت وتابعت مش دي شقتك اللي قدام الشقه دي؟
كريم بتنهيده اه هي بوضبها فببعت تصاميم لمهندس الديكور
نيره بحماس تحفه واتوترت وتابعت بس ليه هاا هو في حد من ورايا؟
كريم بصلها وفضل يضحك وتابع لا مفيش بس لو هستنى مش هتتعمل خالص فايه رايك اخد بزوقك انتي
نيره بحماس موافقه اوعاا انت بقى كده وربعت رجليها وحطت اللاب عليها وفضلت تجيب تصاميم وتابعت كريم بص المطبخ ده شكله احلى من اللي انت بعته وربنا
كريم بص وهو بيشرب القهوه وتابع خلاص اعملي ايديت وابعتي ده
نيره بحماس اوكيه وعملت كده بالفعل وفضلت تدور وتابعت اللون الفانيليا ده روعه بلاش البيج الفاتح خلينا في ده
كريم باستغراب هو علشان اسمه فانيليا بقى مختلف ماهو هو البيج الفاتح يحبيبتي
نيره شهقت وتابعت نعمم هو هو ازاي يعني لاا الفانيليا مختلف اسكت انت الرجاله علميا عندها عمى الوان غيرنا احنا البنات فتخرس خالص
كريم فضل يضحك وتابع مااللي هينفذ راجل واللي هيتشري الالوان راجل واللي بيبيع راجل فصباح الفل يقلبي
نيره بضيق لا يكريم بجد انا هروح معاك ونجيب احنا اللون لان غير مسموح بالهبد في الوان الشقه دي بنت اللي هتقعد فيها وهتشوف الالوان زيي فطبيعي هتحب الفانيليا لانه تريندي اوي بجد
كريم بابتسامه انتي اللي تقوليه هيتنفذ
نيره بفرح حياتي بجد وباست خده ورجعت تبص في اللاب توب وتابعت البانيو احسن من الكبينه ليه مختار الكبينه؟
كريم بضحك انا مبحبش البانيو مانتي عارفه بس مع ذلك علشان الصداع مختار الاتنين لان الحمام كبير اهو بصي
نيره بضحك ايوه برافو كده انت بتفهم في المسواه
كريم بضحك علشان تعرفي بس
نيره بضحك اه اصل البنت بتعوز البانيو بجد وتريج جسمها في مايه دافيه وحمام مغربي وسكربات انما الكبينه دي للمستعجلين اللي زيكم
كريم مسكها من قفاها بخفه وتابع بضحك يابت مش عايز امد ايدي عليكي خلينا كويسين للاخر وشدي بلاستر
نيره بضحك حاضر حاضر والله هسكت اهو وكريم رايح يتكلم فونه رد
رد وتابع ايه يا هون اخبارك ايه
هاني تنهد بارتياح وتابع الحمدلله انك بخير اومال في ايه لميا صرعتني
كريم استغرب وتابع مش فاهم حاجه مالها لميا يهاني؟
هاني بتنهيده يا ابني انا روحت اسال علي واحد صاحبي في المستشفي ولقيت لميا قاعده هدومها مليانه دم وبتعيط وكلمه منهاره دي قليله وسرحانه كانها في عالم تاني وكان معاها راجل وست كبيره وبنوته بس اتكسفت اقف اسألها مين اللي في العمليات فقطع لساني فكرتك انت لانك اقرب حد ليها
كريم قام وقف بصدمه وتابع بحده: اختي انا هدومها مليانه د م وبتعيط علي حد في العمليات !! انت متاكد !!