رواية انت قدري الفصل الثامن8 بقلم زهراء

ادم:  كده مين اللي هيخلي باله من التاني..

حمزه وهو بيضحك: متقلقش يا صحبي...ده جرح وهيعدي ان شاء الله..المشكله بس هنقضيها دليفري..

ادم: ياعم فداك..

حمزه: اه ما انت مصدقت..طب انا بقي هطلبك شوربه خضار..

ادم: لا شوربه خضار لا..ياعم انا عايز اكل بيتزا..

حمزه: اه تصدق...استني الباب بيخبط اشوف مين..

اهلا بيكو..اتفضلوا..

احمد: الف سلامه يا صحبي..

حمزه: الله يسلمك يا حبيبي..

مها وهي بتسلم عليه: الف سلامه يابني مش تخلي بالك..

حمزه: الحمد لله نصيبي..

مها وهي بتطبطب علي دراعه: الحمد لله يا بني..

احمد: ازيك يا ادم..عامل ايه..

ادم: اهلا يا حبيبي..بخير الحمد لله..

احمد: يارب دايما يا حبيبي..

ادم: اتفضلي تعالي..اقعدي..معلش الدنيا مكركبه..

مها: لا يا حبيبي..الدنيا زي الفل اهيه..

احمد: ايه يا حمزه ايه اللي عملك كده...

حمزه : المنطقه اللي كنا فيها..فيها حديد ياما..

فوقعت بدراعي علي حديده..وزي مانت شايف بقي..

مها: الحمد لله انها جات علي قد كده..والله لما رهف قالتلي..يعلم ربنا خفت كأنك ابني..

حمزه: تسلمي يا حبيبتي..ربنا يخليكي...

الباب خبط..حمزه بيقوم..

احمد: خليك انا هفتح..الباب..

رهف: طنط سناء خدي شيلي انتي الصنيه..

سناء: بس يا بت..شيلوا وانتوا ساكتين...

احمد فتح الباب: تعالوا...

احمد ابتسم اول ماشاف ليلي...

سناء : ياخويا عدينا الاول ليلي مش هتطير..

ليلي: ماشي يا ماما..متشكرين..

مها: البنات جم اهوه...

رهف بصت لحمزه: احط دي فين..

حمزه: ايه ده..

رهف بابتسامة: اكل عمايل ايديا...

مها: يلا يا نصابه...

وحمزه بيتابع الحوار بتاعهم وهو مبتسم...

رهف بصت لفاطمه: طب يا فاطمه..مين اللي عمل السلطه التوحفه دي..

فاطمه: انت..طبعاا يا رهوفه..

رهف بصت لحمزه: اهوه عشان تعرف بس..

حمزه وهو بيضحك: تسلم ايدك..تعبتي نفسك..

رهف: انت بتتريق..

حمزه وهو بيضحك جامد: الله انا قلت حاجه..

رهف: ماشي يا حمزه..المهم احط دي فين..

حمزه: هاتي..وانا احطها..

رهف: هتعرف تشيل..

حمزه: طب خلاص المطبخ في الوش اهوه..

رهف: تمام...

ادم: بس بقيت بلاحظ حاجه يا فاطمه...

فاطمه: ايه هي..

ادم: مفيش وجع شبه الاول..خالص..

فاطمه: تعرف دي حاجه كويسه...معناها ان رجلك بقت بتتحمل..

ادم:امم..كويس..

فاطمه: مالك كده حساك مش مبسوط..

ادم: لا ابدا..مفيش حاجه..

فاطمه: لا يا آدم..انت فيك حاجه..

ادم: يعني مضايق...

فاطمه: من ايه..

ادم: من القاعده..مفيش شغله ولا مشغله..كمان شغلي..شغلي وحشني...مش قادر نفسي ارجع اشتغل تاني... احساس العجز ده صعب اوي بجد..

فاطمه: انا حاسه بيك والله..بس معلش اعتبرها اجازه وهترجع احسن من الاول بأذن الله...

ادم بابتسامة: والله انا مش عارفه اقولك ايه..بجد

يعني والله كتر خيرك..

فاطمه: علي ايه بس انا هو انا عملت حاجه..

ادم بابتسامة: عملتي كتير والله..كفايه كلامي معاكي بس...صدقيني انتي فارقه بالنسبالي اووي...

فاطمه اتأثرت اوي وابتسمت...وفضلوا هما الاتنين باصين لبعض...

حمزه: ادم..يا بني..

ادم فاق من شروده : ايوا يا حمزه..

فاطمه اتكسفت وقامت  من جنبه راحت عند رهف..

حمزه قعد جنبه وقال بمكر : ايه سرحان في ايه كده..

ادم: وانت مالك يا فصيل.....

حمزه: الله يسهله يا عم....شفت انا كنت بنادي عليك عشان اقولك تشرب قهوه معانا..

ادم: ماشي..

حمزه: تمام...

سناء: بقولك ايه يا رهف..قومي ساعدي حمزه..او اعملي بداله..حرام باين عليه ايده تعباه اووي

رهف: حاضر يا طنط...دخلت لقت حمزه واقف عند البوتجاز...قلبها فضل يدق بسرعه وقالت بهدوء: احم...حمزه اساعدك في حاجه..

حمزه بص لقي رهف اتفاجئ: انتي جيتي امتي محستش بيكي..

رهف: لسه جايه قالولي اساعك..

حمزه بابتسامة: تمام تعالي..

رهف: راحت وقفت جنبه..وفضلو ساكتين..

حمزه: انتي بتعرفي تعملي قهوه...

رهف: اه الحاجه الوحيده اللي شاطره فيها هي والسلطة..

حمزه: بجد..لا لازم ادوق السلطه اتشوقت..وجاب معلقه...

رهف: استني..لو وحشه متتريقش عليا..

حمزه: لا متقلقيش..

رهف: طيب كل..

حمزه : حاضر....بسم الله..

رهف: ايه وحشه..انت ساكت ليه..

حمزه وهو بيضحك: خطيره والله...ده تسلم ايدك بجد...

رهف: عيب عليك انا عارفه انا بعمل ايه...

حمزه: اه طبعاا..دانتي كنتي هتموتي من ثانيه لسه...

رهف: انا محصلش..الحق القهوه...

حمزه لمس الكنكه وهي سخنه اتلسع...قامت رهف طفت عليها..و جابت كيس تلج وحطيته علي ايده ..وقالت بخوف: مش تحاسب..هي ايدك دي  مالها كده...

حمزه واقف باصص عليها وبيبص لها بنظره كلها حب ..كأنه مش قادر يكتم مشاعره اكترمن كده

....فهي  رفعت راسها..وفضلوا باصين لبعض...لحد ما سمعت صوت مها وهي بتقول تعالي يا رهف شوفي صورتك كنتي حلوه ازاي وانت صغيره...

رهف نزلت عنيها بسرعه وشالت كيس التلج...وخدودها احمرت..

حمزه ابتسم وقال: ولسه حلوه اوي..

رهف حست انها هيغمي عليها..من كلامه ونظرته...

لفت بسرعه وقالت: اانا انا راحه اشوف ماما..

حمزه فضل باصص عليها وابتسم وقال: والله ووقعتيني يارهف...

ليلي: احمد كان شكلك كيوت اوي..

احمد: طول عمري..

ليلي بضحك: طبعا طبعا..ايه ده فطومه اهيه..

فاطمه: ايه ده وريني..ياتي ياتي..

ادم: شكلك متغيرش كتير يا فاطمه..

فاطمه: بجد..

ادم: ايوا...

رهف بحماس: وروني صورتي كده...الله ايه الفستان الحلو ده...

مها: تعرفي انا اللي كنت عاملهولك..لما كنت بخيط..

وعملت لفاطمه واحد بس لون تاني..

رهف: بجد ده تسلم ايدك والله..

فاطمه: ايوا ماما قالتلي علي الفستان ده..

حمزه: القهوه جات...اتفضلوا..

مها: تسلم ايدك..

سناء: بصي يا رهف وانتي بتضربي فاطمه عشان خدت لعبتك..

رهف: ايه ده...دنا كنت.مفتريه..

مها: مكنتيش بتسيبي حقك ابدا..

حمزه : ومازالت والله..

رهف: قصدك ايه...

حمزه: لا مش قصدي حاجه..بقيتي هاديه جدا ماشاءالله..

رهف: ايوا كده..الحق نفسك... فاطمه وادم  ضحكوا..عليهم...

وفضلوا يتكلموا ويهزروا

واليوم خلص وكل واحد روح بيته....

..................................

ادم: يلا يا حمزه بقي..بقالك ساعه بتلبس..

حمزه: خلاص يا عم خلصت..اهوه..

ادم: طيب يلا..فاطمه رنت عليا...عشان فيه ناس تانيه ليها دور..

حمزه: طيب يلا..

فاطمه: وبعدين يا رهوفه كملي..

رهف بابتسامة: بعدين وانا نازله من العربيه..قالي خلي بالك من نفسك..

فاطمه: اوعاا..بقي واحساسك ايه كده وانتي قاعده جنبه..

رهف: يعني كنت متوتره وفي نفس الوقت مبسوطه اوي..شكله حلو اوي وهو بيسوق..

فاطمه: الله..يسلام يا رهوفه...طيب هيعترف امتي بقي..

رهف حطت ايدها علي خدها وابتسمت وقالت: ايه ده هو ممكن يعترف وكده.

فاطمه:  ايه يا بت يا رهف..انتي الحب هبلك ولا ايه..

فوقي كده..اكيد لازم يعترف..و اتقلي كده عشان يعرف قيمتك..

رهف: امم حاضر..

الباب خبط..

فاطمه: اتفضل..تعالوا...

حمزه اول ماشاف رهف ابتسم لها وهي ابتسمت له..

فاطمه: ادم انا نفسي مره تيجي بدري...داخلين علي شهر ونص..وانت مفيش مره جيت في ميعادك...

ادم: لا علي فكره جيت مره بدري..

فاطمه: يارب صبرني... يلا عشان نبدأ..

ادم: يلا بينا..

رهف: فاطمه دكتور عمرو بيرن عليا..هشوفه عايز ايه واجي..

فاطمه: دكتور عمرو تاني..

رهف: اما اشوفه عايز ايه المرادي...

حمزه حس اني فيه حاجه..

فقال: انا طالع اجيب قهوه وجاي..

ادم: طيب..

............................

حمزه : رهف استني..

رهف: نعم يا حمزه..

حمزه: مين الدكتور ده...وفاطمه بتقولك تاني ايه..

رهف: مفيش يا حمزه..ده هو كان ساعات يقعد يلمح بالكلام كده..وانا مش بسكت..

حمزه اتعصب من كلامها وقال بهدوء: لما هو كده راحه ليه..

رهف : بيقول انه عايزني في الشغل..اصل احنا الاتنين ماسكين حاله...

حمزه: امم وانتي هتقابليه فين..

رهف: في المكتب بتاعه..

حمزه: ازاي يعني لوحدكوا..

رهف: اه..

حمزه: انا جاي معاكي..

رهف بصتله باستغراب بس ابتسمت لانها حست انه غيران عليها: تيجي معايا فين..

حمزه: هاجي معاكي عنده..

رهف: مش هينفع..هقوله ايه..

حمزه: لا هينفع..مش هو هيتكلم في الشغل..يتكلم قدامي..

رهف: ماشي  خلاص..تعالي..ومن جواها فرحت من اهتمامه..

حمزه: يلا...

...............................

رهف خبطت..

عمرو : اتفضل..وشه اتغير كده لما شاف حد معاها..

رهف: حضرتك..قلت انك عايزني..

عمرو: ايوا..بس معرفش انك هتجيبي حد معاكي..

رهف: ده استاذ حمزه..كنا راحين نجيب قهوه..وبعدين اكيد حضرتك عايزني عشان الشكل..ف وجوده مش هيأثر...

حمزه انبسط من كلامها..وابتسم..

عمرو: اكيد..ازيك يا استاذ حمزه..

حمزه بجمود: اهلا..

عمرو : عرفنا علي حضرتك..

حمزه: ليه..

عمرو: لا عادي معرفه..

حمزه: زي ما قالتلك...اسمي حمزه..

عمرو: ايوا يعني شغال ايه..تعرف دكتوره رهف منين..

حمزه اتغاظ من طريقته: انت هتطلعلي بطاقه يعني ولا ايه..هيفرق معاك انا اعرفها منين..

عمرو: ايوا هيفرق...

حمزه اتنرفز من كلامه...وبصله بغيظ

رهف انقذت الموقف وقالت: دكتور عمرو..قول اللي حضرتك عايزه..عشان مستعجله بس عندي عياده..

عمرو: تمام............

..............................

فاطمه بفرحه: ادم انت مشيت..

ادم واقف مخضوض: ازاي..انا بمشي..

فاطمه: ايوا..انت مشيت..كده رجلك...رجعت طبيعيه..

ادم بفرحه وعنيه دمعت: ازاي..الحمد لله يارب..الحمد لله..

فاطمه: انا بجد مش مصدقه...

ادم بابتسامة: انا كده رجعت طبيعي..انا مش عارف اشكرك ازاي..بجد..

فاطمه ابتسمت وقالت: انا معملتش حاجه لكل ده..الشكر لربنا وليك انت بطل القصه دي..انت اللي استحملت كل التعب ده...

ادم: لا يا فاطمه انتي عملتي كتير...وجودك فرق معايا اكتر ما تتخيلي...

                   الفصل التاسع من هنا