ايه اللي حصل ؟!
قالها طه بتوتر فز.عق إيهاب :
-فيه أن البيت اللي اجرتهولي بيت غريب ...فيه حاجة مش طبيعية ...أنا ببص على مراتي لقيت شكلها اتغير ...أنا سيبتها وجريت يا عم طه ...بس الحق عليا محطتش في بالي لما مراتي فضلت تقولي قلبي مقبوض ...كان لازم اصدق كلامها .....أنطق يا عم طه قولي ايه اللي حصل في البيت ده ...أنطق وقولي مراتي مالها
اتنهد عم طه بتعب وقال بحزن :
-سامحني يا ابني ...أنا كنت فاكر اني لما أجر البيت مش هيحصل حاجة ......هي صحيح رازت السكان اللي قلبكم وبسبب كده البيت فضل سنة متأجرش وقولت أنها هديت بس للاسف
بص إيهاب لعم طه بصدمة وقال :
-مين دي اللي بتتكلم عليها يا عم طه ...
بلع عن طه ريقه وقال بصعوبة :
-ورد ...بنت شابة جات هي وجوزها من خمس سنين وأجروا الشقة بتاعتي ...فضلوا فيها سنتين لحد ...
-لحد أيه ؟!
قالها إيهاب برُعب فرد هو :
-لحد ما جوزها قتـ.لها ....
رجع ايهاب لورا بصدمة وقال :
-ميار ...ميار ...ميار يا عم طه ...يارب أحميها ...
-أنا هجيب الشيخ اللي أعرفه. ...هو الوحيد اللي قدر قبل كده يحبسها في المرايا ورغم أنه طلب مني اكـ.سر المرايا بس انا رفضت ..معرفش ليه عملت كده بس انا بعترف بغلطي ......هي قدرت تطلع من المرايا ...
-يعني أيه ؟!
قالها إيهاب برعب فرد هو وقال بتوتر :
-يعني اللي معاك في البيت مش مراتك !!...
عينيه اتوسعت برعب وحس بقلبه وا.جعه...ياريته كان سمع كلامها ياريته ....
........
فتح إيهاب الباب بتوتر ودخل هو الأول البيت ....كان لازم يتأكد أن ميار أو اللي عاملة نفسها ميار ساترة نفسها و ...
فجأة حس بالصدمة وهو بيشوف مراته ميار جوا المرايا ...
جري إيهاب عليا وهو بيخبط على المرايا ودموعه بتنزل. ..
-ميار...ميار ...
قالها وقلبه بيوجعه... عيطت وانا شايفة جوزي باليأس ده ...فجأة جسمه اتجمد لما سمع ضحكة عالية ...رفع رأسه ...كانت الشئ الغريب ده لازق في السقف ....صرخت ونطت وهي بتخنق إيهاب ...فضلت أصر.خ جامد وانا بضر.ب القز.از ولكن فجأة صر.خت هي بأ.لم وصوت قوي بيقرأ آية الكرسي بسم الله الرحمن الرحيم ((اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَّهُ مَا فِي السَّمَوَاتِ وَمَا فِي الْأَرْضِ ۗ مَن ذَا الَّذِي يَشْفَعُ عِندَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِّنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَوَاتِ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ﴾
صر.خت وجلدها بيسيح ...وحسيت ان المرايا بتتهز فيا....فضل الشيخ يكرر في آية الكرسي اكتر من مرة وآيات الحر.ق ....حسيت اني بفقد الوعي .....
....
فتحت عيني لقيت نفسي على السرير وإيهاب جنبي ودموعه بتنزل ...اول ما شافني فتحت عيني شدني وهو بيحضني جامد وبيعيط ...
-افتكرت اني مش هشوفك تاني يا ميار ...
الحمدلله يا حبيبتي ...الحمدلله ..
حضنته بتعب ولقيت مفيش حد غيرنا في الاوضة ....بصيت على المرايا لقيتها مش موجودة ...
بعد عني وقال :
-الشيخ قدر يحر.قها المرة دي خالص بس قال لعم طه الافضل أنه يكـ.سر المرايا دي خالص وفعلا اخدها عشان يكـ.سرها....والشيخ قالي على شوية حاجات احصن نفسي بيها ...
ابتسمت ببهوت وقولت :
-الحمدلله الكابوس ده انتهى .
ابتسم وقال:
-الحمدلله يا حبيبتي ...الحمدلله ...المهم اني خلاص توبة قررت نرجع البلد ...مش هعيش في المكان ده تاني. ....احنا نرجع بلدنا وسط اهلنا وتبقى لينا عزوة ونرضى بقليلنا...
-تعرف أنا صعبانة عليا ورد ...هي اتأ.ذت برضه ....
اتنهد إيهاب وقال :
-فعلا بس الحاجة الحلوة أن المتهم اخد عقابه ...
بصتله بصدمة فقال:
-اتحبس واتنفذ فيه حكم الإعد.ام.بس يظهر هي قررت تعككنن على باقي الرجالة يا ستي وملقيتش حد غلبان غيري تنكد عليه .
ضحكت وانا بحضنه وقولت ؛
-أنت مش زعلان انك هترجع البلد والفرص هناك قليلة ...أنا عارفة أن وجودك هنا مهم و ...
-ششش مفيش حاجة أهم منك عندي يا حب عمري ♡
ابتسمت وحضنته وقولت :
-وأنت حب عمري وكل حياتي يا إيهاب...ربنا يخليك ليا ♡
مش مهم اللي هيحصل بعدين المهم اني أتأكدت أن جوزي احن راجل في العالم .
تمت بحمد الله