رواية لنا موعد اخر الفصل التاسع والخمسون59 بقلم لولا
رفيده بضحك اتجننت !! انا لو اتجننت صح كنت فضحتها قدام الكل وجبت مناخيرك الارض بس معلش كفايه كسرتك دي قدام نفسك اصل انت تبقى غبي اوي لو مخدتش بالك من حب سلمى لعصام المفاجئ ده وطبعا ده لانه ساعدها وستر عليها وتحديدا يوم خطوبتك لما مرجعتش البيت ولو مش مصدقني روح اطمن على اختك يحبيبي وشوف دليل شرفها وضحكت وتابعت ولا هتجيبه منين ماهي مدام ..تفتكر مالك اللي صلح غلطته ولا شال غلطه غيره يعلي؟
علي بعصبيه شديده: انتي بتقولي اييه يحيواانه انتي !! قطع لسانك انتي واهللك فوقي لنفسك يارفيده واعرفي بتتكلمي عن مين دي اخت علي الجارحي يعني اشرف منك انتي واهلك كلهم
رفيده بضحك اهدى بس يحبيبي متضايقش نفسك لطيقلك عرق واعتبرني مقولتش حاجه وروح انت اتاكد بنفسك ..باي وقفلت
وعلي نزل الفون من على ودنه وهو مصدوم وحبيبه واقفه قدامه مرعوبه وماسكه دموعها بالعافيه فبصلها وهو ساكت ونظراته كانت كفيله تموتها من الرعب وعدت ثواني في سكوته بس بنسبالها كأنهم قرون وحاولت تمثل الثبات فتابع علي بهدوء مخيف: مش شايفه ان في حاجه مفروض تقوليهالي؟
حبيبه بلعت ريقها برعب وتابعت بخوف وتوتر: حـ حاجه ايه يعلي؟
علي راح مسك دراعها جامد وتابع بعصبيه شديده: لااا بت انا استعبااط مش عايز اخلصيي
حبيبه بدموع وخوف: في ايه ياعلي انا مش فاهمه حاجه صدقني
علي مسك شعرها جامد فعيطت فتابع بعصبيه افهمك يقلب علي ..الكلام اللي انا قايلهولك اللي محدش غيرنا يعرفه ومنبهك متفتحيش بوقك فيه لان ملنااش دعووه وصل لعصام ازاي وخلاه يطلق رفيده يحبيبه ؟!
حبيبه بعياط وخوف: معرفش ..معرفش يعلي انا مالي بالموضوع ده وهقوله ليه
علي بابتسامه اممم طب تمام انا هروح لعصام واعرف منه بمعرفتي عرف الكلام ده منين ولو جاب سيرتك هعتذرله واجي اقسمك نصين
ورايح يمشي فمسكت ايديه وتابعت بعياط وخوف لالا استنى هقولك .. هقولك والله
علي وقف وبصلها وتابع بذهول يعني انتي يحبيبه !!
حبيبه بعياط عصام كويس يعلي وميستاهلش يكون مع واحده زي دي فمقدرتش اسكت بصراحه
علي مسك دراعها جامد وتابع بعصبيه واحنااا ماالناا !! مش هو اللي راح جبرهاا علييه ؟!! يبقي يستااهل مايخش يولع ولا يغوور في ستين دااهيه هو وهي انما انتي شايفه ان الصح ان خطيبك يديكي سر ويقولك متتكلميش فمتعمليش لكمله اهله اعتبار وتروحي تفضحي واحده عند جوزها وتكشفي سترهاا وتكوني سبب طلاقهاا يحبيبهه !! انتي اتجننتيي !!
حبيبه اتخضت وتابعت بعياط وخوف يعلي فكرت ان ده الصح علشان مسبهوش معمي
علي بعصبيه فتقومي تكسري كلمتي اناا وتفضحي ست زيك مش كدده !!
حبيبه بصتله وسكتت ودموعها بتنزل فزق المزهريه اللي جنبه وقعت اتكسرت وتابع بعصبيه شديده لا متسكتيش رديي علياا وكلميني زي ما بكلمكك
حبيبه اتخضت وفضلت تعيط وحطت ايديها على بوقهاا فمسك دراعها فخافت واتخضت فتابع بعصبيه لالا متخافيش انا مش هضربك واتعصب اكتر وتابع علشان اناا تعببت من كتر ما بمد ايدي عليكيي وايدي وجعتني من الضرب فيكيي وجسمك مبقااش فيه حته سليمه وانتي ولا بتتغيري ولا بتسمعي الكلاام ورايحه تطلعي سر امنتلك عليه .. امنت للست اللي هتبقى مرااتي عليه وهي زيهاا زي العيال الصغيره تافهه ومعندكيش ثقه بنفسك ولسه بتغيري منها وحطاها في دمااغك
حبيبه بصتله بذهول وتابعت بعياط وبحده انا بغير منهاا يعلي !! انا اللي بحاول كل شويه اخرب حياتهاا واكلم جوزهاا !!
علي بعصبيه انتي عملتي الاوسخ وروحتي بكل بجاحه حطيتي عينك في عين جوزها وقولتيله من غير كسوف مراتك مبتحبكش وسقطت ابنكم بنفسهاا .. فانتي عملتي فيها الاوسخ من اللي هي عملته لانها دايما كانت بتحاول معاياا انا وانا كنت بديهاا فوق دماغهاا انما متقدرش تتكلم عن شرفك بالوحش زي مانتي عملتي
حبيبه بعصبيه ودموع ده لااني عمري ماهبقي زيهاا يعلي واشرف منها ومن اهلهاا فمتقدرش تتكلم عني
علي اممم فالعقل نروح نفضح واحده ربنا ساترها مش كده؟؟ انتي بت قليله الادب ومشوفتيش ربايه ولا احترمتيني ولا احترمتي دينك اللي امرك تستري وحطتينا في موقف زي الزفت لان عصام لو ركز شويه هيقولك مين قالك التفاصيل دي او حتى هيدور وراكي ويعرف ان مراته اللي قالتلي بقي ما ده اللي ناقص
حبيبه بعياط قولتله متسألنيش عرفت ازاي وهو مسألش
علي بعصبيه ده اكيد لانه كان مستعجل يتاكد كلامك صح ولا غلط انما لو ركز فيها هتبقي مصيبه سودا وحلت علينا كلناا وكله بسببك ومسح على وشه بضيق وتابع بحده بصي يحبيبه انتي من انهارده تختصريني وانتي من طريق وانا من طريق يابنت الناس
حبيبه اتصدمت وحست قلبها وجعها وبصتله بصدمه وتابعت يعني ايه يعلي ؟!
علي بحده يعني اعتبري علي ماات ولما تحترمي نفسك كده وتعقلي نبقى نفكر العلاقه دي تنفع ولالا لان انتي من اولها مش محترماني ولا امنتي على سري
ورايح يمشي فحبيبه مسكت دراعه وتابعت بعياط علي ارجوك استنى علشان خاطري متمشيش غير لما نخلص كلامنا
علي زق ايديها وتابع بعصبيه انا خلصت اللي عندي خلاص ومعنديش كلام تاني اقوله وسبيني في حالي الساعه دي علشان رايح اشوف المصيبه التانيه اللي انا فيهاا ورايح يمشي
فحبيبه تابعت بدموع وخوف رايح فين لسلمى صح ؟
علي وقف مصدوم وهو مديها ضهره ولف بصلها وتابع وانتي عرفتي منين ان المشكله التانيه عند سلمى يحبيبه ؟!!
حبيبه اتصدمت من غبائها وتابعت بدموع وخوف لالا معرفتش ولا حاجه انا بسالك رايح فين عادي
علي مسك دراعها جامد وتابع بعصبيه حبيبهه قصري وقولي عرفتي منين ؟! وبصلها بصدمه وذهول وتابع هي سلمى حد لمسهاا فعلا ؟!
حبيبه بخوف وعياط لالا حد لمسهاا ايه بس يعلي انت هتصدق الحيواانه دي .. دي بنت كلب كداابه مانت عارف سلمى وعارف تربيتهاا جرالك ايه
علي بحده مبقتش عارف اصدقك انا هروحلها واعرف بمعرفتي الكلام ده اتقاال ليه .. مفيش دخان من غير ناار وزقها وطلع لبرا وهي فضلت تعيط وتابعت علي ..علي استنى يعلي .. علي ارجوك اسمعني
علي خرج للصالون واخته وامه كانوا قاعدين وبصلها وتابع بعصبيه من انهارده ولا عايز اسمعك ولا عايز اشوف وشك وانسي ان في حد في حياتك اسمه خراا
فكلهم كانوا مصدومين فتابعت اسراء بصدمه ايه ده يعلي في ايه مالكم
علي بعصبيه محدش يتدخل في الموضوع ده وأجلوا صباحيه سلمى لبكره هي عايزه تنام براحتها انهارده
رانيا بخوف حصل اييه يعلي واختك كويسه ؟
علي بعصبيه قولنا كويسه بس كلمتها عايزه تنام فسيبوهاا براحتهاا في ايه هو تحقيق !! وسابهم ونزل فرانيا بصت لحبيبه اللي بتعيط وتابعت بخوف حصل ايه يحبيبه عملتيله ايه الله يخربيتك مبتلحقوش تتصالحوا
حبيبه بعياط عرف اني السبب في طلاق رفيده اللي ربنا ياخدهاا
اسراء بصتلها بصدمه وتابعت السبب في طلاقهاا ازاي هي اتطلقت اصلا !!
رانيا بتنهيده وردهاا تاني واللي انتي عملتيه فعلا غلط يحبيبه
حبيبه بدموع وانتي عرفتي منين؟
رانيا بتنهيده عصام قالي ودماغه مش راضيه توقف وسألني يتارا انتي عرفتي منين وانتي كده حطيتي البنزين على النار علي وعصام مكانوش ناقصين حاجات تكرهم في بعض اكتر
حبيبه بعياط رفيده مش شبهو يخالتي فصعب عليا كنت عايزاه يسيبها ويتجوز اللي تنفعه
رانيا بتنهيده معاكي ونفسي زيي زيك يطلقها بس متجيش مننا احنا لا انتي غلطتي يابنتي
اسراء بصدمه ده مش مهم المهم دلوقتي علي هيصالحك ازاي
حبيبه فضلت تعيط وتابعت علي سابني يا اسراء مش مجرد زعلان مني وانا خلاص مش هفرض نفسي عليه اكتر من كده ولاول مره هقول براحته
رانيا بوجع لا يحبيبتي متهونيش عليه بس انتي اللي غلطتي يحبيبه مكنش ينفع يأمنك على سر زي ده فيه خراب بيوت وتقوليه ده مفروض انك سره وأمانه
حبيبه بعياط وغلطت يقوم يقولي انسيني وهشوف العلاقه دي تنفع ولالا !! انا خلاص مش هفرض نفسي عليه تاني بجد انا تعبت وزهقت من الموضوع ده ..وهو علشان ضامن وجودي بيجي عليا يخالتي وسابتهم ومشيت
اسراء بصت لامها وتابعت بحزن والعمل؟
رانيا بدموع ووجع والله يابنتي ما عارفه ربنا يهديهم
---
عند لميا في اوضتها كانت قاعده مع نيره
نيره بتوتر اووف يا لمياا ماتخرجيني انا من الموضوع ده وخلي حد غيري
لميا بدموع علشان خاطري يا نيره صدقيني كريم مبيعزش حد قدك انتي الوحيده اللي ليكي تأثير عليه ارجوكي
نيره بتوتر افرضي عرف ؟! والله ليفصل راسي عن جسمي هتنفعيني انتي ساعتها؟
لميا بدموع ولهفه: لا صدقيني مش هيعرف بس انا تعبت اني احاول ارتب معاد للزياره مفيش غير الوقت اللي كريم فيه هنا في البيت ولو نزل امي بتبقى موجوده فمش هعرف انزل انما دلوقتي امي راحت واجب عزا بعيد وكريم موجود فانتي الوحيده اللي هتعرفي تنزليه والله
نيره بحيره طب انزله نروح فين طيب مش عارفه؟!
لميا بلهفه اي حته تعجبك اي حته هو عمره ماهيقولك لا صدقيني بس عايزه استغل الموقف لان مش هتقرر ان الاتنين ميبقوش موجودين
نيره بتوتر اووف طب هشوف يا لمياا بس بالله عليكي متتأخري براا وحاسبي لهاني ولا غيره يشوفك المره دي والله ساعتها هيقتلك وماحد هيعرف يحوشه
لميا بخوف لا منا هعمل زي حبيبه قالتلي البسي نقاب
نيره بضحك والله ده اذا كان انتي ولا حبيبه فمشفتوش ربايه بس ماشي اما نشوف سي ادهم بتاعك ده لما يقوم هيعمل ايه
لميا بدموع هو يقوم بس ومش عايزه حاجه تاني من الدنيا
نيره بضحك لا احنا عايزين ياختي يلا قايمه اشوف كوكي متتحركيش غير لما ننزل ها
لميا بلهفه ماشي بس بسرعه والنبي
نيره بحب حاضر وخرجت بالفعل وطلعت للصالون لقيت كريم قاعد بيشتغل على اللاب توب فراحت قعدت جنبه وحضنت دراعه ونامت على كتفه وتابعت بحب: بتعمل ايه يكوكي؟
كريم بحب بشتغل يقلب كوكي ولف راسه باس راسها ورجع بص للاب توب تاني
نيره بحب طب ماتيجي نفصل من الشغل شويه وننزل انا وانت في اي مكان؟
كريم باستغراب اشمعنا يعني ده احنا الصبح بدري والشمس طالعه وانتي مبتحبيش الجو ده وبتدوخي
نيره بحب اه بس مخنوقه من البيت اوي فنفسي افطر برا بصراحه ماشي ولا مشغول وراك حاجه؟
كريم بحب انا لو مشغول افضالك يسلام هو احنا عندنا كام نيرو يعني
نيره بضحك قلب وعيون نيروو انت طب ايه اقوم البس؟
كريم بحب يلا طيران
نيره بحماس اتفقنا وقامت بالفعل ولميا كانت فاتحه باب اوضتها نص فاتحه فبصت لنيره وعملت بايديها تمام؟ وهي متوتره
فنيره ابتسمت وعملتلها تمام ودخلت تلبس وشويه وخرجت وتابعت ها يلا يا كوكي جاهز؟
كريم وهو باصص للاب توب تابع بحب جاهز يقلب كوكي وبصلها وابتسامته اختفت فتابع بحده ايه البنطلون الخرا ده على دماغك؟
نيره بتوتر ايه ماله ده بوي فريند واسع
كريم بحده بوي فريند ايه وزفت ايه ده هيطق عليكي انتي اتهطلتي ولا خلاص قله الحجاب جننتك وبقيتي تلبسي اي حاجه؟؟
نيره بتوتر ماله يكريم مش اول مره البسه والله وكنت بتسكت
كريم بعصبيه يبقي تخنتي فمبقاش ينفعك فاركنيه على جنب وميتلبسش تاني علشان اقسم بالله انا جايب اخري منك ومن هدومك وكفايه شعرك اللي طلقاه للدنيا كلها ده
نيره بضيق اووف غايره اغيره خلااص يااربي منك بجد وفضلت تدبدب على الارض وهي ماشيه
كريم بحده دبدبي دبدبي كمان علشان اجي اكسر رجليكي الحلوين دول ونريح خالص
وشويه ونيره غيرته ولبست بنطلون قماش واسع اسود على بلوزه بينك وخرجت وتابعت هاا حلو كده
كريم بصلها بضيق وتابع لا نقاب هيبقى حلو
نيره بضحك دده بعينك ده طب قول حجااب انما نقاب مره واحده
كريم بابتسامه خلاص ياروحي نحبسك في البيت ومش هنحتاج للنقاب ولا الحجاب
نيره بضحك يلا يكريم علشان وربي انت طالبه معاك محاضره دلوقتي وانا هموت واكل
كريم بضيق يلا مهزقه يلا هفضل وراكي لحد ما شعرك ده يتدارى بردو
نيره بضحك يارب يحبيبي امين وفتحت الباب وطلعت وكريم طلع وراها وقفل الباب فلميا سمعته قفل الباب تنهدت بارتياح وقفلت الباب على نفسها وجهزت ولبست النقاب وخدت شنطتها وحاجتها وخرجت ونزلت طلعت بسرعه على اول الشارع وتابعت تاكسي ووقفلها فركبت
وشويه ووصلت للمستشفى وحاسبت التاكسي ونزلت وطلعت السلالم ودخلت لموظفه الاستقبال وتابعت بلهفه ادهم العامري اوضه رقم كام لو سمحتي؟
الممرضه بصت في الكشف وتابعت 311 الدور الرابع يفندم
لميا بلهفه تمام شكرا ومشيت وهي سامعه ضربات قلبها ودموعها بتنزل هتموت وتشوفه وطلعت بلاسانسير وراحت عند اوضته ودخلت لقيته نايم ومتوصل في جسمه اجهزه كتيره ومنهم جهاز التنفس فدموعها نزلت بقهر وراحت شدت الكرسي وقعدت جنبه ورفعت النقاب وتابعت بدموع وقهر: ادهم
بس مفيش رد وصوت جهاز نبضات القلب كان الوحيد اللي ليه صوت في الاوضه فدموعها زادت وحطت ايديها فوق ايديه وتابعت بعياط وقهر هترد عليا امتى يا ادهم؟ هانت عليك حبيبتك كل ده؟ ومسكت ايديه حطتها بين ايديها وباستها وبصتله وتابعت بدموع وقهر: لميا تعبانه من غيرك اوي يا ادهم وعيطت اكتر وتابعت مش قادره اشوفك كده يحبيبي والله ..ابوس ايدك كفايه وقوم انا مش قادره اعيش من غيرك. محتجالك والله وقربت سندت راسها على صدره وتابعت بعياط مش كنت قايلي هتيجي تتقدملي تاني يوم يا ادهم؟؟ هان عليك تسيبني كل ده؟؟ وعيطت اكتر وتابعت انت وعدتني اننا هنبقى بخير وعدلي اللي هيدفع التمن خلفت بوعدك معايا ليه يا ادهم؟ ليه؟ وفضلت تعيط بانهيار وقهر وهي حضناه
---
عند سلمى ومالك كانوا نايمين ومالك واخدها في حضنه ودقايق وعينيه انكمشت من الشمس اللي داخله من البلكونه بتاعت اوضتهم لان الستاير مفتوحه ففتح عينيه ببطئ وبص للساعه لقاها 10 فبص لسلمى اللي نايمه على دراعه وابتسم ووطى باس خدها وهمس لوماا .. انتي يابت ..وهزها بخفه وتابع لوماا
سلمى بنوم اممم في ايه يامالك
مالك بحب قومي يا نن عيون مالك كفايه نوم ووطى سند جبينه لجبينها
سلمى فتحت عينيها ببطئ من الشمس وبصتله وابتسمت وتابعت بصوت ناعس: صباح الخير
مالك بضحك ايه صباح الخير السكر دي !! ده يا صباح النور والفل والورد والياسمين وقال الواحد عاش عمره كله كان فاكر ان بيتقاله صباح الخير قال ده انا كان مضحوك علياا ومشوفتش خير خالص الا دلوقتي وربنا
سلمى فضلت تضحك وتابعت كل بعقلي حلاوه من اولها يا مالك وخليني اتعود على الدلع ده بعد كده تقولي زي بقيت الرجاله اصطبحي وقولي يا صبح
مالك ابتسم بحب وتابع ليه هو انا زي بقيت الرجاله؟ ده انا معايا ست البنات كلهم وبص لعينيها بحب وتابع هي الناس اللي مبتصحاش على عيون خضرا دي عايشه ازاي
سلمى فضلت تضحك وتابعت على كده عصام كمان محظوظ
مالك بضحك محظوظ مين بعود القصب اللي متجوزها دي اتنيلي ده اخوكي ربنا بيحبه انه خلع من الموضوع ده وخطب بنت عمي .. ده بنت عمي بطل وتطبقها 10 مرات
سلمى بغيره وانت مالك انت عود قصب ولا عود كبريت بتبص ليه؟؟ وبعدين هي مراتك اللي تخينه اوي يعني؟؟
مالك فضل يضحك وتابع وربنا ما ببص انتي عبيطه بس كانت واقفه جنبه وسلمت عليا وناشفه خالص فخدت بالي وبعدين انا مراتي فيها الهون عنها هتهزري ولا ايه
سلمي فضلت تضحك وتابعت يا مالك بجد اتربى وبطل قله ادب واوعاا كده علشان كلكم زي بعض بصباصين
مالك بضحك والله ما ببص ويوم ما ابص هبص لرفيده يشيخه يسد نفسك
سلمى بضيق هي قموره على فكره بس رفيعه متحورش انت بس علشان ارضى عنك
مالك بحب بس انا مش شايف حد قمر غيرك طيب اعمل ايه في عيوني اللي مبتشوفش غير لوما؟
لوما بغيره : نخزقهاا خالص ولوما هتراعيك متقلقش
مالك فضل يضحك وتابع اخص عليكي يا لوما ههون عادي كده؟
سلمى بضيق اه واسكت بقي سيبني وزقت ايديه من عليها
مالك فضل يضحك وتابع لالا ياستي حقك عليا متزعليش وادي شفايفك ابوسها وباسها فسلمى ضربته في صدره وفضلت تضحك وتابعت انت قليل الادب هي مش بتتقال ادي راسك ابوسهاا !!
مالك فضل يضحك وتابع راسك دي للناس الغريبه انما مراتي لا هعاملك زي الناس ولا ايه؟
سلمى مسكت تيشرته وتاابعت انت متبوسش حد عاامه
مالك بضحك وغمز انتي بس يعني؟ وباسها وبعد بسرعه
فسلمى فضلت تضحك وتابعت ااه انا بس ويلا قوم كفاياك دلع علشان جعانه
مالك بحب يسلام ده من عيوني وقام من على السرير وشالها بين ايديه فشهقت وفضلت تضحك وتابعت مالك نزلني .. مالك نزلني بجد يخربيتك هتعمل ايه
مالك بضحك هعمل ايه جتك ستين نيله اللي خلاني معملتش في اوضتنا هعمل براا يعني
سلمى فضلت تضحك وتابعت طب رايح فين طيب مش فاهمه
مالك دخل المطبخ وقعدها على الرخامه وتابع بضحك هعمل الفطار فعايزك قاعده قدامي كده ولا اكتر ولا اقل ياختي
سلمى ضربته في صدره وتابعت بضحك اختك في عينك وعين اهلك يشيخ
مالك قرب عليها وتابع بحب معنديش مانع نثبت العكس
سلمى بضحك وتوتر لالا خلاص اختك انا موافقه
مالك بضحك ايوه اتظبطي كده ولقيوا الباب بيخبط فسلمى شهقت ومسكت في مالك ونزلت من على الرخامه وتابعت بتوتر افتح انت انا هجري البس لتكون امك ولا اي حد
مالك بضحك طيب روحي وراح هو فتح الباب فكان علي فتابع بضحك ده علي يسلمى تعالي
سلمى وقفت قبل ما تدخل اوضتها وتابعت بضحك بجد !!
مالك بضحك اه والله هو تعالي خلاص ومد ايديه وسلم على علي وتابع بابتسامه ادخل يا ابو نسب
فعلي دخل ومالك قفل الباب وسلمى جريت عليه بلهفه حضنته وتابعت بدموع وحب يحبيبي واحشتني اوي اوي بجد
علي كان مقهور ومش قادر حتى يبادلها الحضن بس جواه يقين كبير ان اكيد الكلام ده كدب
فسلمى بصتله باستغراب لقيت عينيه حمرا زي الدم ومليانه قهر فتابعت بخوف في ايه يحبيبي انت كويس؟
علي بتنهيده كويس كويس عايزك في كلمتين بس ومسك ايديها يشدها للصالون وتابع لمالك معلش يا مالك عايز كوبايه شاي
مالك بابتسامه من عيني حاضر ودخل المطبخ وعلي خد سلمى ودخلوا الصالون وهي مرعوبه وقلبها بيدق بعنف من الخوف في يتارا عايزها في ايه؟؟
وقعدت على الكنبه وعلي قعد قدامها وتابع بتنهيده انا هسألك سؤال ومش عايز كدب
سلمى اتوترت وتابعت بخوف اكيد طبعا يعلي هكدب ليه يعني؟
علي بصلها وتابع انتي كنتي فين يوم خطوبتي الليل كله يسلمى؟
سلمى اتوترت وجسمها بدا يتشنج وتابعت بتقطع: ما .. ما انت عارف يعلي .. انا .. انا كنت في المستشفي مع .. مع شمس علشان مامتها
علي اممم طب اتصليلي بشمس
سلمى بلعت ريقها بتوتر وتابعت ايه؟
علي بحده اتصليلي بيها ايه اطرشتي؟
سلمى بدموع وخوف هتفرق معاك ايه يعلي عايزها في ايه مش فاهمه
علي بحده تفرق معايا كتير ومسك دراعها وتابع بحده علشان ورحمه ابويا لو اللي سمعته ده حقيقي لادفنك حيه علشان انا مخي مش عاارف يصدق ولا يستوعب اللي سمعته لحد دلوقتي
سلمى بخوف وعياط سمعت ايه ومن مين يعلي؟؟
علي بحده هنعرف كلنا دلوقتي وبقى يضرب كتفها بخفه وتابع بحده بس قومي هاتي فونك وكلميهاا يلاا
مالك جيه واستغرب وتابع هو في ايه وبص لسلمى بخوف وتابع ومالك بتعيطي ليه يسلمى وحط الشاي على الترابيزه وراحلها قعد جنبها فسلمى حضنته وفضلت تعيط فمالك اتخض وتابع بخوف في اييه يابنتي عملتلهاا ايه يعليي
علي بتنهيده لا مش مهم انا عملت ايه المهم انت اللي عملت ايه يعريس احكيلي
مالك اتوتر وتابع قصدك ايه مش فاهم
علي بهدوء : لا قصدي واضح ومفهوم اخ وجاي يوم صباحيه اخته يطمن عليها فإيه الدنياا بقى؟؟
مالك تنهد بعمق وتابع لا اطمن اختك ست البنات كلهم
علي بابتسامه عارف يحبيبي طبعاا بس احب اتاكد بنفسي قوم هات اللي يثبت من جوه يلا
فسلمى خافت وغمضت عينيها برعب
مالك بتوتر: مكنتش اعرف عنك انك بتدقق وبتشوف الكلام ده يعلي
علي بعصبيه لا بدقق وابن ستين كلب وصعيدي بيكلم صعيدي يعني مش جديده ولا غريبه عليناا فقوم كده واخلص علشان الكلام ده مفيهوش هزاار
مالك بتمثيل هدوء: تمام انا هوريك اللي انت عايز تشوفه عادي
سلمى اترعبت ومسكت في هدوم مالك وبصتله بمعنى هتعمل ايه؟؟
فمالك هز راسه يطمنها فعلي بصله وتابع هاجي معاك الاوضه نجيب المنديل ده بيت اختي مش حد غريب علشان شغل الاستعباط والاستلواح بتاع الافلام ده وتعورلي رجليك ولا اديك مش هيجي معايا سكه
مالك اتصدم لانه فعلا كان هيعمل كده فتابع بحده هو في ايه يعلي لو سامع حاجه عرفناا انما مينفعش تتهم اختك بحاجه زي دي
علي بعصبيه لا انت متعليش صووتك عليااا هو ايه خدوهم بالصوت ليغلبوكم؟؟؟ عايز تقلب عليا الترابيزه يمالك فاكرني عيل اهبل ولا بريااله ؟!!
مالك بحده يسيدي ولا اقلب ترابيزه ولا نيله بس دي مراتي وعرضي وشرفي وانا بقولك اقسم بالله انا ماشوفت في ادبها ولا اخلاقها وتربيتها انت عايز ايه بقى؟؟
علي بعصبيه عايز اييه؟؟ عايز اطمن على شرفي .. دي اختي يعني عرضي وشرفي عمرهاا كله ولازقه فياا ليوم الدين انما متخصكش انت غير من امباارح بس
مالك رايح يتكلم فتابعت سلمى بدموع بس يمالك خلاص وعيطت وتابعت سمعت ايه يعلي وانا والله هقولك كل حاجه
مالك بصلها بصدمه وضغط على دراعها بس هي سحبت ايديها وهي بتعيط
فعلي بصلها بقهر وتابع رفيده متصله بيا تشمت وبتقولي انك مش بنت وغلطتي يوم خطوبتي
سلمى اتصدمت بشده وحست قلبها هيقف من الوجع ودموعها نزلت بقهر ان ازاي عصام يحكي لرفيده وبصت لعلي وتابعت بدموع وهي عندها حق انا فعلا مش بنت
فمالك بصلها بصدمه وعلي اتصدم بشده وتابع مش بنت ازاي يعني مش فاهم وقام شد دراعها وضربها بالقلم بقوه ففضلت تعيط فتابع علي بعصبيه ودموع ردي عليااا فهمينيي
مالك قام وقف وشد سلمى منه وتابع بعصبيه انت متمدش ايدك على مراتي واتكلم معاها باسلوب احسن من كده
علي بعصبيه مرات مين يحيوااان انت ده انا هقسمهاا نصين وولا انت ولا غيرك هتعرفوا تمنعوني دي اختييي ياالا انت اتجننت
سلمى بعياط وقهر سيبه يا مالك سيبه ارجوك لازم يعرف كفايه خلاص
مالك بعصبيه يعرف ايه انتي التانيه انا غلطت وصلحت غلطتي واتجوزتك خلاص مفيهاش حاجه يعني
سلمى بصتله بصدمه لانه بيورط نفسه ولطمت على وشها
علي بصله بصدمه ومسك تيشرته وتابع نعم ياروح امك عملت ايه؟؟؟ غلطت وبتصلح غلطتك؟؟ طب ده انت حتى صعيدي وعارف ان اللي يعمل كده في بناتنا مبنسيبهوش عايش ولا ايه؟؟ وضربه بالراس بقوه وقعه فسلمى شهقت بخوف وتابعت بعياط كدااب يعلي والله كدااب
فعلي مسكه من تيشرته وفضل يضربه بعصبيه شديده
مالك بعصبيه من بين وجعه لا مش كدااب اخرسي انتي واقعدي ساكته انا اللي عملت كده وعلي فضل يضربه وتابع بعصبيه ازااي جالك الجرااه ياالا ؟؟ ازااي يا وسخ يازباله تلمس اختي في الحرام وجاي تحط ايدك في ايدي عاادي رد عليااا
سلمى بعياط وخوف والله يعلي كدااب ورحمه ابوياا كدااب وغلاوتك عندي بيكدب علشان مش عايز يحسسك ان حد داس على عرضك عايزك تحس ان اختك اتسترت من اللي اذاها بس مش دي الحقيقه ومسكت ايد علي باستها وتابعت بعياط وانهيار اقسملك بالله وغلاوتك عندي مش مالك اللي لمسني ده حواار كبير اوي اوي وحازم السبب فيه مالك ستر عرضك وحافظ علياا انما عمره مايقدر يأذيني صدقني
علي بصلها وهو مصدوم وحاسس بقهر وتابع انتي بتقولي ايه؟؟ يعني مش جوزك اللي عمل كده؟؟
سلمى هزت راسها بـ لا بعياط وتابعت لا مش هو والله مش هو
مالك بوجع ليه يسلمى ؟؟ يسلمى ليه ماتسكتي
سلمى بعياط علشان مينفعش اخليه يبصلك بنظره الاتهام والخياانه وانت اكتر واحد حب اخته وستر عليها وقبل باللي مفيش راجل يقبله مينفعش يضربك بدل مايحطك فوق راسه يمالك وبصت لعلي اللي بيبصلها مصدوم والدموع متجمعه في عينيه وتابعت بعياط انا اه حصلي كده بس مش مالك ده واحد بيعادي حازم لان حازم اغتصب اخته وكانت حامل وانتحرت لما حازم رفض يتجوزها فحب يردله القلم فياا واذاني يوم خطوبتك ولما رجعت كنت بنزف وتعبانه فاغمي عليا في الحوش ومالك وعصام خدوني على المستشفي وقعدوا معايا وعصام مشى الحكومه لانها كانت جايه تاخد اقوالي علشان دي حاله اغتصاب وقفل القضيه وكنت هتجوز حازم علشانك .. علشان مكسرش ضهرك وشوفتني تاني يوم وانا منهاره وحتى حسيت ان فياا حاجه بس انا انكرت وكنت هكمل مع حازم رغم انه وسخ بس علشانك وعلشان سمعتك ولانه الوحيد اللي لازم يتحمل الغلطه دي بس الندل الحيوان باعني ورفض يتجوزني علشان كده روحتله اناا و .. وسكتت وتابعت روحتله يعني وطردني ولما طلعتله تاني كان معايا عصام لما لقيته ميت بس كده
علي بصدمه وقهر روحتيله انتي وحبيبه مش كده؟
سلمى بخوف لالا حبيبه متعرفش حاجه عن الموضوع ده صدقني
علي غمض بقهر وتابع ما كفاياكم بقى واتعصب بشده وتابع كفاااياكم كدددب انتوا اييه مبتشبعوش من الكددب ومخبين عليااا كل ده انتي والهاانم التانيه ومستغفلني وعصاام ..عصاام ابن الكلااب ده يبقى عاارف باللي حصلك ويشمت فياا هو ومرااته وانا زي الاطرش في الزفه !!
سلمى بقهر ودموع عصام مشمتش فيك يعلي ده حافظ على سمعتك وقفل القضيه
علي بعصبيه ده المغفلين اللي زيك اللي يصدقواا كدده انما هو مخططه اكبر بكتيير ده عمل كده بالذات لاجل انه في يوم من الايام يحط عينيه في عينيا وكأنه عملي جميله ويقولي لولايااا انا كانت اختك اتفضحت وسمعتك وشرفك بقيوا في الارض .. ده هو مخطط انه يكسرني قداامه وكأنه انقذني احسن ما اتكسر قدام الناس .. عصام عايز يحسسني ان روحي كانت في ايديه والدليل قال لمراته كل حاجه وجات تتكلم عن شرفك بالوحش قدامي وانتي مصدقه انه كويس انتي والحيوانه التانيه يا متخلفين واتعصب اكتر وتابع ده خلى رفيده الزبااله اللي بتتمناني ولو طاوعتهاا كانت خانته معاياا تقف تتكلم عن اختيي اناا كدده
سلمى فضلت تعيط بانهيار وقلبها وجعها وعلي قعد وحط راسه مابين ايديه وتابع بقهر ودموع: ازااي !! ازاي يحصل كده !! ازااي يارب !!
سلمى وطت على ركبتها وقعدت قدامه وتابعت بدموع علي انا اسفه وعيطت وتابعت ارجوك سامحني ياعلي ومتشيلش مني ورحمه ابوك
علي بقهر مش عايز اتكلم يسلمى
سلمى بعياط لا يعلي لازم تتكلم .. متقهرنيش اكتر مانا مقهوره ارجوك ومسكت ايديه باستها وتابعت بانيهار ده انا اموت لو انت زعلت مني والله
علي بصلها بقهر وتابع وانا بموت من الزعل عليكي مش منك .. حاسس كأن الدنيا كلها اتفقت عليا علشان تكسرني ولما لقيوني بقوم بعد كل ضربه ضربوني ضربه في مقتل .. اذوني فيكي ودموعه زادت وتابع انا اللي عمري ما بصيت لبنت بصه وحشه اتبلي بمصيبه زي دي في بنت من بناتي !! طب ليه وعلشان ايه ؟!! ده انتي مفيش اطيب ولا احن منك وملتزمه اومال اللي بتلبس وحش يحصلها ايه لما انتي بخمارك ولبسك الواسع حصلك كده فهميني يسلمى فهميني ليه انتي ليه؟؟ ودموعه فضلت تزيد فسلمى حضنته وفضلت تعيط فشدد من احتضانها وهو بيعيط زيها ومقهور عليها ومالك باصصلهم وقلبه واجعه ومش قادر يمسك دموعه وقعد قدامهم وحط راسه مابين ايديه
فتابع علي بدموع وقهر والحيواان ابن الكلب اللي جريت على تصريحات دفنه وكرمته للاخر وشيلت خشبته بايدي يطلع هو اللي عامل فيناا كل ده واتعصب بدموع وتابع قسما بالله لو اعرف لكنت اولع في جتته وارميها لكلاب الشوارع بس الغلط مش منه الغلط من الهوانم اللي خبوا علياا
سلمى بصتله وتابعت بعياط كنت هقولك ايه يعلي كنت هقولك ايه بجد؟
علي بعصبيه ودموع تقوليلي اللي حصل ومين اللي عمل فيكي كده وانا اساوي وشه هو وحازم بلاسفلت واجيبلك حقك تالت ومتلت
سلمى بعياط ربنا جابلي حقي انا والبنت الغلبانه اللي انتحرت دي من حازم دنيا واخرى كفايه اوي نهايته كانت على معصيه وماسك مخدرات واللي عمل فيا كده انا معرفوش كان مغمي عينيا فخلاص انسى يعلي ارجوك انسى زي مانا بحاول انسى
مالك اتوجع من كلامهم وحس بغيره وقام دخل الاوضه وقفل الباب برزع فعلي بص للاوضه وبص لسلمى وتابع بوجع ودموع انا مش قصدي اجرحه
سلمى بعياط بس اتجرح لاننا بنتكلم عن راجل غيره لمس مراته وهو مقدر اللي انا فيه وخايف عليا وملمسش شعره مني لحد دلوقتي
علي بصلها بذهول وتابع انتي بتهزري صح؟
سلمي بعياط وغلاوتك عندي ابدا وزي ما قعدت قدامه اديني قاعده قدامك بنفس البيجامه فمالك بردو راجل وبيحس يعلي يعني تخيل قطع لساني بعيد الشر لو دي حبيبه هتستحمل كلامها هي وكريم قدامك؟
علي دموعه زادت بقهر وتابع متخيل كلامك وفاهم بس بنسبالي انا كـ علي انتي وحبيبه ايه؟ انتي وحبيبه ايه يسلمى؟ مانتوا الاتنين بناتي ولو هو اتوجع لمراته انا موجوع على حته مني ربيتها وكبرتها وتعبت عليها وفي الاخر حد يأذيها كده ودموعه فضلت تزيد فسلمى حضنته جامد وفضلت تعيط وتابعت انا اسفه يعلي والله اسفه لوجعك ده
علي بدموع وقهر ده انا اللي اسف اني جوزتك الحيوان ده من البدايه مجلناش من وراه غير القهر والأذي وكور ايديه بغل وتابع ده انا نفسي امسك اللي عمل فيكي كده وانا ورحمه ابويا هندمه على اليوم اللي فكر يلمسك فيه
سلمى بقهر ودموع كان صاحب حق .. الحيوان اللي كان جوزي هو اللي غلط من البدايه
علي بعصبيه ودموع بس مش منك الحق ده يسلمى انتي مالكيش ذنب والا انا كمان اروح اعمل كده في مراته واقول اصل اغتصب اختي واخو مراته يأذي مراتي ومش هنخللص ..الدنياا مش غاابه في قاانون يجبله حقه او هو ينتقم من الشخص نفسه انما حتت انه عملها شرف بشرف دي انا مش هسكت عليها بس مش هعمل زيه انا هأذيه هو
سلمى بعياط يحبيبي والله ما اعرفه ولا اعرف صوته حتى والوحيد اللي كان يعرفه ماات فارجوك كفايه ننكش في الماضي انا ربنا بيحبني وعوضني بسيد سيده وبيحبك وستر عرضك فمش هندور على فضيحتنا يعلي ارجوك انا هموت فيها لو حد غيرك عرف الحوار ده
علي بسخريه على اساس ايه عصام هيستر؟ واتعصب وتابع ده هو استناكي تتجوزي علشان يهيني ويقولي روحت لاختك واطمنت ولالا زي ما مراته الحيوانه عملت بس تمام يسلمى مش وقته الكلام ده دلوقتي انا رايح لجوزك اراضيه وانتي الليله دي تتمي جوازك منه مينفعش اللي بتعمليه ده
سلمى بخوف وتوتر انا مش ..مش هعرف يعلي صدقني جسمي بيتنفض
علي غمض بوجع ودموعه نزلت وخدها في حضنه جامد وباس راسها بعمق وتابع انا عارف ومقدر اللي انتي فيه ..وعارف ان ده طبعك من قبل اي حاجه ما بالك بعد اللي حصل؟ فاكيد الوضع صعب بس وحياه علي عندك لتحاولي ..مينفعش يبقى بيحبك وعمل علشانك كل ده وكمان عايشين زي الاخوات وابتسم وتابع ده الواحد مابيصدق يعني
سلمي ابتسمت من بين دموعها وتابعت حاضر يحبيبي اوعدك اني هحاول
علي باس راسها وطبطب على كتفها وراح عند الاوضه وخبط فتابع مالك بتنهيده ادخل
علي فتح ودخل لقاه واقف في البلكونه فدخله وتنهد وتابع انا اسف على اسلوبي معاك وعلى الكلام اللي قولته بس عايزك تعذرني انا ..
مالك قاطعه بوجع وتابع عاذرك وفاهمك يعلي وكتر الف خيرك انا مش متضايق ولا حاجه ولو كنت مكانك كنت هعمل زيك واكتر
علي قلبه وجعه ودموعه نزلت وتابع مش عارف اشكرك ازااي يمالك انت اتجوزت اختي و
مالك قاطعه وتابع لا متشكرنيش لاني اتجوزت اختك علشان هي ست البنات وانا بحبها مش علشان اي سبب تاني .. محدش بيضحي التضحيه دي ..بس انا علشان راجل بحب عمري ما هسيبها لاي سبب .. هو لو بعيد الشر حبيبه حصلها كده كنت هتسيبها؟
علي بقهر لا طبعاا دي حبيبتي ورغم اننا شبه سبنا بعض خلاص بس بردو حبيبتي وهتفضل حبيبتي
مالك بصدمه ايه ده وسيبتوا بعض ليه؟
علي بوجع متشغلش بالك هي عكاكه وبتاعت مشاكل ومبتسعمش الكلمه انا خليني في اللي انا فيه ده دلوقتي وباس راسه وتابع حقك علياا اني مديت ايدي وعملت كل ده وانت فعلا تستاهل تتشال على الراس
مالك بضيق يعلي قسما بالله هتضايق منك انا معملتش حاجه للجو اللي انت بتعمله دده ورفع دقنه ليه وتابع بحده وارفع راسك كده متبصش للارض وانت بتكلمني قسما بالله ما في اي حاجه في دماغي متضايقنيش وتعكنن علياا بقى يعلي
علي ضحك من بين دموعه وتابع انت متعكنن عليك خلقه يغالي مش هبقى انا والدنيا
مالك بضحك هي قالتلك؟
علي وهو بيمسح دموعه تابع ااه وابتسم وتابع بس متقلقش وصيتها عليك
مالك بحب براحتها خالص انا بنسبالي استنى العمر كله بس تكون معايا بقلبها وروحها احسن ماترضيني وهي مرعوبه ومش معايا خالص
علي بحب اصيل يغالي وابتسم وتابع مش مسامح نفسي اني مكنتش طايقك في الاول الصراحه
مالك بضحك ما محبه الا بعد عداوه يا اخو الغاليه
علي ابتسم بوجع وتابع ااه يا مالك عندك حق .. غاليه .. غاليه اوي والله .. وهموت واكسر اللي قتل برائتها ووسخ سمعتها بالشكل ده تحت رجلي
مالك بابتسامه ولا وسخ ولا نيله انا جوزها والبت بنسبالي صاغ سليم واللي يقول غير كده قولي انا احط ايدي في عينيه الاتنين
علي بابتسامه حزينه ربنا يسعدكم يغالي
مالك رايح يتكلم لقى سلمى لبست الاسدال ودخلتهم وتابعت يلا انا بحضر الفطار اطلعوا ناكل سوا
علي بابتسامه لا الف هنا ليكي انتي وجوزك يحبيبتي انا يادوبك الحق امشي وابسط ياعم مش هخلي حد يجيلكم انهارده قولتلهم بكره علشان سلمى عايزه تنام
سلمى شهقت بحرج وتابعت اخص عليك يعلي يفهموا غلط كده
مالك بضحك خليهم يفهموا غلط اومال شكلي يبقى وحش قدام اهلك كمان مش كفايه اخوكي اللي فضحتيني قدامه
فعلي فضل يضحك بشده وتابع انا هسيبك ونازل اهو حسن صورتك في عيني بقى علشان انا مش فاهم ازاي حد ملكه الجمال ده وماسك نفسه عادي
سلمى اتكسفت ودخلت من البلكونه فعلي ومالك فضلوا يضحكوا بشده وعلي حضن مالك وتابع يلا هنزل انا عايز حاجه
مالك بحب سلامتك يغالي وطلع معاه وصلوا للباب وعلي نزل فمالك بص حواليه وتابع لوما ..بت يا لوما فينك؟
سلمى كانت واقفه في اوضه الاطفال بتتصل بعصام فرد عليها وتابع بابتسامه حبيبه قلبي صباحيه مباركه على احلي عروسه عامله ايه؟
سلمى بدموع وقهر عامله ايه؟؟ عامله نفسي مش واخده بالي انك بتستعبط وبتمثل انك ملاك بريئ
مالك دخلها وتنهد وضرب بايديه على جبينه وتابع ليه كده يسلمى؟
سلمى بحده ودموع استنى انت يا مالك لو سمحت
عصام بصدمه ايه ده يسلمى؟ مالك في اييه انتي اتجننتي؟؟
سلمى بحده ودموع اتجننت فعلا .. اتجننت لما واثقت في واحد حاول يقتل اخويا وحبسه وخد خطيبته انه بقى انسان كويس
عصام قلبه وجعه وتابع سلمى انتي بتقولي ايه ؟! انتي بتقوليلي انا الكلام ده !! لعصام !! طب ليه ؟ انا فكرت انك الوحيده اللي سامحتيني وبقيتي تحبيني فعلا
سلمى بعصبيه ودموع قصدك الوحيده اللي هبله وعبيطه فصدقتك انا مش عايز اعرفك تاني ولا اشوف وشك انت فااهم
عصام بحده طب ليه انا عملت اييه فهميني
سلمى بعياط استعبط استعبط بس وماله افكرك .. رايح تحكي لمراتك على اللي حصلي يعصام؟! رايح تكسرني قدامهاا وتخليها تتصل تشمت في اخوياا وتكسره وبسببها جيه ضربني بالقلم وبهدلني لحد ما قولتله كل حاجه ومش مبطل عياط
عصام اتصدم بشده وتابع لالا انتي بتقولي اييه رفيده قالت لعلي على اللي حصلك !! ازااي يعني لا اكيد في حاجه غلط
سلمي بعياط الغلط اني حطيت ايدي في ايديك من البدايه .. اسراء صح انت مالكش امان وتستاهل تعيش لوحدك العمر كله وقال ايه زعلان اوي ان مالكش اهل .. كنت عايز اوساخ من عينتك كتيير ولا ايه ده كفايه علينااا انت ومراتك
عصام مسك دموعه بالعافيه وتابع احلفلك بايه اني معرفتش رفيده اي حاجه ولا اتكلمت عن الموضوع ده حتى بيني وبين نفسي ومعرفش عرفت منين
سلمى بعصبيه ودموع متحلفش علشان انت كدااب اصل هي هشتم على ضهر ايدها مش كده؟؟ فمتحلفش كفايه القرف اللي انت عملته في حياتك انت مش قد الحلفان الكدب كمان ومش عايزه اعرفك ولا اشوفك تاني ابداا وقفلت السكه في وشه
مالك بصلها وتابع بتنهيده حزينه ليه يحبيبتي ماكنتي سيبك منه ومتتعبيش نفسك
سلمى بعياط مش قادره مطلعش اللي جوايا يامالك انا حبيته واعتبرته من اهلي ده كان واقف قصاد الكل في المستشفى علشاني حسيت للحظه اني شايفه علي قدامي وقولت عمره احساسي ما خيب بس لا عصام فعلا وحش ومش زي مافكرته
مالك خدها في حضنه وفضل يطبطب عليها وايديه بتمشي على ضهرها وباس راسها بعمق وسمع الباب بيخبط وناس بتزغرط فتابع بلهفه دي امي روحي اغسلي وشك بسرعه
سلمى بلهفه ودموع حاضر وجريت على اوضتها ومالك فتحلهم وابتسم وتابع يا مرحب يا مرحب بالغاليه
هدى زغرطت بفرح وحضنته وتابعت يالف مليون مبرووك يا قلب امك صباحيه مباركه يحبيبي
مالك بحب الله يبارك فيكي يغاليه ادخلي وبص لميسون وتابع ادخلي يا عمتي تعالوا
وبالفعل دخلوا وسلمى غسلت وشها ولبست قفطان مغربي ابيض شيك اوي وفردت شعرها وحطت ميكاب رقيق وخرجت وهي مبتسمه فلما شافتها هدى زغرطت بفرح وتابعت ايه يابت الحلاوه دي يا الف نهاار ابيض يا الف مبروك وحضنتها فسلمي حضنتها وتابعت بابتسامه الله يبارك فيكي يا ماما ربنا يخليكي لينا يارب
هدى بضحك ويخليكي يقلب ماما وبصت لمالك وتابعت بضحك يا زين ما اختارت عروستك زي القمر ايه الرقه دي والحلاوه دي
مالك بابتسامه علشان تعرفي بس اني مبتختارش اي حد وخلاص وبص لفتون وعينيه راحت لسلمى بسرعه وتابع بحب ولما جدي سابني لاختياري خدت ست البنات كلهم
فتون كانت متغاظه منه جدا وسلمى قعدت جنبه وحضنته وتابعت بحب يحبيبي انت ربنا يديمك ليا يارب
هدى بضحك لا كان حقك تسيب بنات الصعيد كلهم وتاخد من هنا والله
مالك بضحك بنات صعيد ايه بس ياما انتي مش شايفه الحلاوه لو هما بنات الصعيد انا معايا القشطه البلدي بحالها
هدى فضلت تضحك فتابعت ميسون بابتسامه وماله حقك بردو يا ابن اخويا
مالك بابتسامه تسلميلي يا عمتي
سلمى بحب طب هحطلكم حاجه تشربوها ورايحه تقوم فمالك مسك ايديها وتابع لا استني هقوم انا خليكي ارتاحي انتي عروسه فسلمى ابتسمت بكسوف
وقام فتابعت ميسون بابتسامه مدلعهاا انت يا ابن بدر
مالك بابتسامه ودلع مرء وغلاوتك وبشيلها على ايدي كده في الرايحه والجايه علشان رجليها متلمسش الارض متخيله !!
سلمى كتمت ضحكتها بالعافيه فهدى فضلت تضحك وتابعت وماله يقلب امك دلعها وشيلها مش عيب مش حلالك يا ولدي؟
مالك بضحك حلالي طبعا
هدي بضحك خلاص يعمري تتهنوا ببعض
وميسون وفتون كانوا قاعدين متضايقين جدا وسلمى متجاهله وجودهم
---
قدام البحر
علي كان قاعد لوحده علشان مخنوق ومش عايز يشوف حد ودماغه مش مبطله تفكير ومسك فونه واتصل بحبيبه وقبل ما الجرس يخلص ردت عليه وتابعت الو
علي بعصبيه ساعه علشان تردي !! ايه اطرشتي ؟!
حبيبه بتنهيده معلش مش فاضيه
علي بعصبيه حبيبه اتعدلي انا قسما بالله جايب اخري وفياا اللي مكفيني
حبيبه بحده عايز ايه يعلي خير
علي بعصبيه انتي ازاي يحيوانه انتي تستغفليني وتعرفي موضوع سلمى ده وتخبي علياا هاا
حبيبه اتصدمت بشده فتابع علي بعصبيه ماترردي علياا هو انا كل ما هكلم واحده هتخررس
حبيبه بدموع ووجع مكنش كلام ينفع يتقال يعلي
علي بعصبيه ودموع بس ينفع تستغفليني وتركبيلي قروون وتخليني قااعد عاجز عن اني اسال ابن الكلاب ده في ساعتهاا قبل مايغور مين اللي عمل كده في اختي وانا اكسره تحت رجلي لانه هو الوحيد اللي يعرفه .. تسكتي وتخليني ادفن اللي كان سبب اذاهاا واكرمه بايدي ده اللي ينفع عاادي مش كدده !!
حبيبه بدموع وقهر سلمى كانت مرعوبه منك وخايفه على شكلك فمكنش ينفع اكسر صاحبتي واحكيلك
علي بعصبيه ودموع سلمى مش خاطيه ..سلمى حد اغتصبهاا يعني ضحيه والضحيه دي ليهاا حق وكان لازم يتجااب انما كنت هقتلهاا لو هي اللي غلطت وانا كنت رايح وواثق دي مش تربيتي بس مقهور ..مقهور لان واحد معرفهوش جبر نفسه على اختي ولمسها واذااهاا بالشكل ده وانا حسي في الدنياا وكنت حاسس يوميها والله وقولتلكم كلمولي سلمى ..قلبي كان قايد ناار عليها ..ربنا يسامحك يحبيبه لو كنتي عرفتيني كنت هقدر اعرف من حازم اي معلومه انما خلاص حقهاا مات معااه
حبيبه قلبها وجعها عليه اوي ودموعها نزلت وتابعت انت فين يعلي ..ارجوك ارجع البيت دلوقتي متقعدش لوحدك
علي بعصبيه ولا ليكي دعوه بياا ولا تكلميني وميخصكيش ارجع ولا حتى اموت انا كلمتك علشان مخي كان هينفجر ازاي تعرفي وتخبي عني بس انتي بقيتي كلك كدب وحوارت وقرف فمش جديده عليكي وبسبب انك خليتي عصام طلق رفيده فاتصلت بيااا تردلي القلم وتكسرني بالشكل ده انما لو كنتي فضلتي في حاالك ؟؟! كان ممكن جداا معرفش حاجه خالص ويبقى اهونلي بدل احساس العجز اللي حاسه ده
حبيبه حست انها فعلا سبب لان رفيده فكرت علي اللي قال واتصلت تردله القلم فقلبها وجعها وتابعت بدموع علي انا اسفه معترفه اني غلطت و
بس مسبهاش تكمل وقفل الخط ورمى الفون جنبه ووطى راسه وحطها مابين ايديه وتابع مش عايز اسمعك يحبيبه ودموعه نزلت وتابع مش عايز اسمعك ..مبقتش قادر
---
عند اسيا كانت عند حماتها وماسكه الشرشوبه وبتمسح الارض وبصت على الساعه لقيتها 11 ونص فتابعت بتعب طب هطلع انا يا ماما احضر الاكل علشان فارس كان عنده شيفت بالليل وبايت في المستشفى من امبارح زي مانتي عارفه وزمانه جاي وانا محضرتش اكل لسه وهنزلك تاني
ليلى بضيق وانتي ياختي طول الليل معملتيش اكل لجوزك ليه؟
اسيا بتعب تعبانه اوي وكل شويه برجع مش قادره صدقيني حاولت بس مقدرتش قولت هعمل قبل مايجي حاجات خفيفه لانشون وبيض كفطار وخلاص فهماني
ليلى بسخريه حاجات خفيفه !! الراجل شغال من امبارح وبدل ماتعملي حاجه تعوض تعبه تقوليلي لانشون وبيض يحزني على ده زمن ودي نسوان امسحي ياختي امسحي الحته دي بعدين شوفي هتهببي ايه
اسيا بتنهيده مانا مسحتها يماما الحته دي
ليلى بحده ايه ده هو ده منظر مسح !! تعالي يا اسيا عيدي عليهاا بلاش عك وراحت ملتت جردل مايه ودلقته على الارض كلها وتابعت امسحي يلا
واسيا بصتلها بذهول وفي نفس الوقت فارس كان جيه لان الباب بيبقي مفتوح اغلب الوقت واتصدم بتصرف امه وتابع بعصبيه انتي بتهببي ايه هنا يا اسياا !!
اسيا اتخضت والشرشوبه وقعت من ايديها وبصتله وتابعت بتوتر ابدا يحبيبي دي داليا مش هنا وماما طلبتني شويه فنزلت اساعدها
فارس مسك دراعها وتابع بعصبيه وانا قاايلك ايه على النزول هنا؟؟
ليلى بحده ايه يفارس مش عايزها تسمع كلمه امك ولا ايه
فارس بعصبيه تسمع كلمه جوزهاا .. جوزهاا وبس وانا قايلها متنزلش اول 3 شهور واذا كان فوق مش بخليهاا تعمل حاجه وايدي في ايديها هنزلها تتمرمط هناا !!
اسيا بتوتر يحبيبي عادي وفيها ايه دي امي و
فارس قاطعها بعصبيه وتابع هششش انتي تسمحي تخرسي خالص علشان قسما بالله لهربيكي على عدم سمعان الكلام ده وبص لامه وتابع بعصبيه ولو سمحتي يا ماما انا مقدر انك والدتي ومينفعش اقف قصادك بس هي مش شغاله عندك علشان تزعقي فيها وتدلقيلها المايه تمسح تاني ايه الاسلوب القذر ده !!
ليلى بصدمه وهي علشان بتمسحلي بقيت شغاله عندي يفارس !!
فارس بعصبيه لما يكون بالطريقه دي يبقى ده قصدك بس دي مراتي يعني كرامتها من كرامتي وما عااش ولا كان اللي يقلل منها طول مانا عايش وهي مش هتروقلك لا انتي ولا غيرك ومش اول 3 شهور بس ده العمر كله
اسيا بصتله بذهول فتابعت ليلى بصدمه نعم يفارس؟؟ قولت ايه؟؟
فارس بعصبيه قولت اللي سمعتيه ..اسيا مش هتشيل قشايه في شقتك وللابد ولو لقيت مشاكل ووش انا هاخد مراتي وعيالي ونغور من هناا خالص علشان مش يوم ما اغيب اجي الاقيها مترمطه بالشكل ده
اسيا رايحه تتكلم فتابع بعصبيه اخرسي انتي ومتدخليش وكفاياكي عبط ولو اتعودتي على اسلوب نعمه وكنتي بتعدي وتعيشي فانا مش سليم ومش هسمحلك تيجي على نفسك علشااني لان انا اصلاا مقبلش بالوضع ده على فوق يلا
اسيا دموعها نزلت بحب من دعمه ليها بالشكل وطلعت فعلا فبص هو لامه بضيق وتابع لو مش عايزه تخسريني اختصري مراتي علشان اقسم بالله انا نبهت كتير انما المره الجايه هنفذ وسابها وطلع وليلى اتعصبت وقفلت الباب وقعدت متضايقه جدا من اسلوب فارس
وفارس طلع وسمع صوت الدش ففهم انها بتاخد شاور فقلع جاكت بدلته وركنه هو والبالطو على جنب وقعد على السرير وتنهد بعمق من كتر تعبه وشويه واسيا خرجت لقيته نام على بطنه بهدومه وحتي مقلعش الجزمه فتابعت يقطعني يحبيبي والله وراحت وطت قلعتله الجزمه وركنتها على جنب وطبطبت على ضهره وتابعت فارس ..قوم يحبيبي غير هدومك لحد ما احطلك الاكل
فارس بتعب مش عايز اكل يا اسيا سبيني معلش
اسيا بلهفه لا يحبيبي مينفعش طبعا قوم بس غير وناكل سوا انا استنيتك والله
فارس اتعدل علشان يقوم يغير وفتح عينيه بضيق ومسح بايديه على وشه وتابع هاتيلي البنطلون والتيشرت السود يا اسيا
اسيا بحب حاضر يحبيبي ودخلت غيرت هدومها لقميص بيتي بينك حمالات قصير وجابت الهدوم لقيته قاعد وقالع قميصه فابتسمت وتابعت امسك يعمري
فارس بتنهيده شكرا وخد منها الهدوم وقام يغير
اسيا بوجع من امتى بتشكرني؟ ومن امتى ودي حاجه اتشكر عليها؟ ده واجبي يحبيبي
فارس لبس البنطلون وبصلها وهو بيلبس التيشرت تابع لا عادي حسيت اني تعبتك بس
اسيا بوجع فارس لازم نتكلم احنا علاقتنا اتدمرت وتولين خدت بالها طب وبعدين؟
فارس بحده لما اتنيل اصحى نبقى نشوف الموضوع ده بس مش عايزك تفكري اني علشان دافعت عنك تحت ابقي سامحتك ونسيت انا بس مستحملتش اللي حصل لانك مراتي وكرامتك من كرامتي ومسمحش لحد يهينك ولا يجي عليكي
اسيا بدموع: وفرحت والله بس فكرت ان ده بدافع تاني غير اني مراتك لاني طول الاسبوع اللي مش بنتكلم فيه ده شايفه اني مراتك وبتحطلي علاجي في مواعيده وبتهتم بيا وتخاف عليا فانا مراتك اه وبتتقي الله فيا بس مبقتش احس اني حبيبتك يفارس
فارس ابتسم بسخريه ومسك دراعها وتابع يغبيه انا معرفتش اكرهك لما اتجوزتي غيرري هكرهك دلوقتي وانتي شايله ابني !! انتي طبيعيه ؟!
اسيا بدموع نفسي ارجع احس بحنيتك عليا زي زمان يفارس نفسي انام وتاخدني في حضنك وتعاملني زي الاول
فارس بضيق لما اصفالك هبقى اعاملك زي الاول حاضر وسابها وخرج من الاوضه فاسيا دموعها نزلت وتابعت طب يفارس الاكل مالوش دعوه طيب
فارس من برا بحده: قولت مش عايز اطفح سبيني اناام
ودخل اوضه تولين وقفل الباب وهي قعدت تعيط على سريرها
---
عند رفيده كانت قاعده بكل برود بتبرد ضوافرها وبتتفرج على الشاشه اللي في اوضتهم
وعصام جيه وفتح باب الشقه وقفله جامد وتابع بعصبيه رفيددده ..انتي يا زفتهه
رفيده اتخضت وقامت خرجت للصالون وتابعت بخوف ايه في ايه يعصام
عصام ضربها بالقلم بقوه فعيطت وصرخت بألم ومسك شعرها جامد وتابع بعصبيه انتي ايه اللي عملتيه ده يابنت الكلب يحيوانه انتي هاا ؟! وعرفتي موضوع سلمى ده ازاي ردي عليااا
رفيده بعياط وخوف سمعتك وانت بتكلم الظابط وبعدين انا معملتش حاجه انا كنت بكلم علي عادي وفكراه عارف فبقوله ان جوز اخته حد محترم يعني وراجل
عصام بعصبيه ااه اشتريت انا كده وبلعتهاا صح؟؟ وضربها بالقلم بقوه وتابع بعصبيه شديده انتي اييه يابت انتي جنس ملتك اييه؟؟ شيطاان؟؟ مبتتغيريش ابدا ؟! وايه اللي خلاكي تكلمي عليي اصلااا بتتصلي بواحد كان خطيبك في غيااب جوزك لييه يارفيدده
رفيده بعياط وعصبيه علشان انا كنت بحبه يعصاام .. كنت بحبه وعرفته اني مش عايزه اخلف منك وهو راح بكل بجاحه حط عينيه في عين جوزي وحكاله وكان سبب في طلاقي فحبيت اردله اللي عمله علشان يبطل يجيب سيره بنات الناس
عصام اتصدم بشده وتابع انتي قولتي لعلي انك موتي ابني ومش عايزه تخلفي مني !!
رفيده بلعت ريقها برعب وتابعت اه مش علي اللي حكالك اصلا ؟!
عصام كان مصدوم بشده وتابع لا مش علي يا رفيده بس خلاص انا كده فهمت كل حاجه وضربها بالقلم بقوه ومسك شعرها وتابع بعصبيه شديده انا قرفت منك ومبقتش طاايقك وينعل ابووه قلبي اللي وداني في 60 داهيه من البدايه وخلاني ابقى مجرم علشان اطولك بس خلاص مبقتش عايزك في حيااتي تعبت منك ومن قرفك ومن العك والغل والحقد اللي انتي عايشه فيهم واتعصب اكتر وتابع ذنبهاا ايه سلمى؟ وضربها بالقلم فعيطت بقلم فتابع بعصبيه ذنبهاا ايه تفضحيهاا الغلباانه دي وتكسري بنفسهاا ليله صباحيتها ردي عليااا
رفيده بعياط وعصبيه بقيت تقسى علياا زيك زي الناس كلها وبتتلككلي علشان عايز تتجوز الهانم اللي بتخرف باسمها الليل كله ومش عارف تجبهالي ازاي
عصام اتصدم وتابع هي مين ان شاء الله؟
رفيده بعصبيه ودموع إيلين اللي بتخرف باسمها وبتجيب صورتها على اللاب توب وتسرح بالساعات ومش عامل اعتبار للحيوانه اللي انت متجوزهاا ومشاعرها بس انا حراام .. حرام كنت احب غيرك انماا انت عاادي مش كده؟؟
عصام بعصبيه ااه انا عادي انا راجل والدين نفسه محللي اربعه فانا حر احب اللي احبهاا واكرهه اللي اكرهاا وعلشان تستريحي يا رفيده ااه بحبهاا ومش طايق المسك علشان بحبهاا ومعرفتش قيمتها غير متأخر لما غابت عني واتغابيت وضيعتهاا من ايدي من البدايه علشان سمعت كلام ابوكي يشيخه ينعلك انتي وابوكي انا كان مالي بالعيشه الزفت اللي عايشهاا معاكي دي
رفيده بعصبيه ودموع ماشي يعصام انا هوريك علشان جاي تضربني كده علشان سلمى وواقف بكل بجاحه تقولي انك بتحب غيري اما ندمتك على كل كلامك ده مبقاش انا رفيده
عصام ضربها بالقلم بقوه ومسك شعرها وتابع بعصبيه مين رفيده مش فاهم؟ مين انتي ردي عليا؟ حتت بت زباله لا راحت ولا جات الحاجه الوحيده اللي كانت معلياهاا في نظري حبي ليها وغار في ستين داهيه خلاص وفوقت منك فقيمتك راحت من عيني خلاص يارفيده .. وانسي انك تأثري علياا تاني وانا هشهد ابوكي علشان انا جبت اخري وطلع الفون رن عليه ورفعه على ودنه وهو ماسك شعرها بايديه التانيه ففضلت تعيط وتصرخ بتحاول تفلت منه
عادل الو ايوه يا ابني
عصام بعصبيه بص بقى يا عم عادل انا كبرتك وكبرت كلامك ورديتهاا وبنت كالعاده صغرتك ومعتبرتش ان ليهاا كبير وبتعك وبتعمل حوارات وبتكلم اللي كان خطيبهاا في الفون واتعصب اكتر وتابع وعيشه تقررف وانا مش رافع قرون علشان اقبل على نفسي الوضع ده فمعلش بقى انا عملتلك خاطر مره وبنتك محترمتش نفسها فالمره دي انت اعملي خاطر ومتدخلش نفسك في الموضوع ده .. بنتك طالق يا عم عادل
فرفيده اتصدمت بشده فعصام بصلها وتابع بحده سمعتي قولت ايه؟؟ انتي طالق وارجع مشوفش وشك في بيتي وزقها وقعت على الارض وهي بتعيط ومصدومه ونزل وسابها وهو بيخلص باقي كلامه مع ابوها
---
عند شيري زياد كان رجع من السفر وقاعد في اوضته
فدخلت وتنهدت وتابعت انت لسه مغيرتش هدومك ليه؟
زياد كان قاعد حاطط راسه مابين ايديه فتنهد بعمق وتابع شويه وقايم ياشيري
شيري قعدت جنبه وتابعت بابتسامه قوم بس غير هدومك وتعالى علشان عندي ليك خبر يجنن يعدل وشك المقلوب ده
زياد بابتسامه معلش حقك عليا مش قصدي انكد عليكي بس قاعد مستني مسدج ضروريه ولما تيجي واطمن هفك
شيري بابتسامه مسدج ايه دي بقى؟
زياد بحب هقولك لما تيجي بس خير باذن الله ورجع شعرها ورا ودنها ووطى راسه باس رقبتها بحب وهمس واحشتيني والله .. واحشتيني اوي .. بعد الايام اللي بغيب عنك فيهم على صوابعي
شيري غمضت بضيق وتابعت بتمثيل : وانت كمان ياروحي بس مش بقولك هقولك خبر انت مش متحمس ولا ايه؟
زياد بصلها بحب وتابع بغمز ماتسيبك من الاخبار والرغي الكلام قاعد انا بقالي شهرين غايب وبدا يفك زراير قميصه
شيري بضحك لالا استنى بس ماهو مش هينفع للاسف
زياد باستغراب ليه مش هينفع عندك ظروف ولا ايه؟
شيري بابتسامه لا .. عندي اللي استنيناه العمر ده كله ومسكت ايديه حطتها على بطنها وتابعت بحب انا حامل يا زياد
زياد اتفاجئ بشده وفرح ورايح يتكلم قاطعه صوت وصول المسدج اللي مستنيها فتابع بلهفه وفرح استني يا شيري معلش
وقام وقف بلهفه وهو خلاص متاكد من محتوى المسدج وفتحها وكانت الصدمه على ملامح وشه الدكتور كان باعت « انا متأسف يا بشمهندس بس شكك كان في محله العيب منك مش في زوجتك تحاليلك بتقول انك صعب تخلف وهتعوز فتره علاج طويله شويه » فزياد رفع وشه لشيري وتابع بملامح خاليه من اي وتعابير: انتي متاكده انك حامل؟
شيري باستغراب اه يا زياد مالك في ايه؟
---
عند نيره وكريم
كريم كان قاعد مع نيره على البحر والدنيا هدوء فبتاع غزل البنات عدا فخرجت من حضن كريم فاجاه وسكتت
كريم بضحك يشيخه يخربيت فصلانك خضتيني في ايه
نيره بصتله كأنها طفله 6 سنين وتابعت بابتسامه مفيش
كريم بابتسامه عايزه غزل بنات مش كده؟
نيره بضحك بتعرف منين بجدد
كريم فضل يضحك وتابع ده انا اللي مربيكي يابنت الجزمه استني هجبلك وقام واشترالها كذا كيس بالفعل وهي شافته وهو جاي ففضلت تسقف وضحكت بفرح فكريم ضحك على ضحكها وتابع تولين النسخه الكبيره والله
نيره خدت منه الاكياس وتابعت بضحك انا معاك انت بس بخرج الجانب الطفولي ده على فكره
كريم قعد جنبها ورفع ايديها باسها وتابع بحب مانا عارف حاجه زي دي وعارف انك بتدلعي عليا بس على قلبي زي العسل
نيره وهي بتاكل غزل البنات تابعت بضحك روح قلبي انت والله تعيش وتجيب
كريم بحب الف هنا ينورعيني وفضل يبصلها بحب
نيره بحب امسك كل دي
كريم بحب لا مش عايز كلي انتي
نيره بحب هتكسف ايدي يعني؟
كريم بضحك هو انا اقدر؟ وقطم منها حته بالفعل وهي كالت وراه وخدها اتبهدل فكريم فضل يضحك وتابع بهدلتي نفسك وفضل يمسح خدها بايديه ونيره بصاله فبص لعينيها اللي الشمس متعامده عليهم ومخلياهم جذابين اكتر وسرح فنيره طرقعت صوابعها قدامه فخرج عن تركيزه فتابعت بضحك ايه يحياتي وصلت لغايه فين؟
كريم تنهد وبصلها وتابع بابتسامه انا نفسي اعرف اكتر منك والله وصلت لغايه فين واخره اللي انا فيه ده ايه
نيره باستغراب مالك يكريم في ايه؟
كريم تنهد بعمق وبص للبحر بعدين بصلها وتابع هو انا ينفع اسالك سؤال؟
نيره بحب طبعا يحبيبي
كريم بتنهيده انتي ليه مفكرتيش مره واحده تسألي نفسك انا ليه بميزك عن اخواتك ..وليه مبرتاحش في الكلام غير معاكي .. وليه مبرفضلكيش طلب ومدلعك كل الدلع ده .. وليه بهتم بعيد ميلادك وحافظ تفاصيلك وبغير عليكي .. وليه كل اللي بيحصل ده اصلا؟
نيره بصتله باستغراب وتابعت بصراحه عمري ما سألت نفسي يكريم بس انت بتفضلني عنهم فعلا وهما كمان عارفين
كريم بتنهيده ايوه وده ليه؟ ما كلهم اخواتي وبعاملهم نفس المعامله ليه انتي بالذات اللي كده؟
نيره تنهدت وتابعت بابتسامه قولي انت ليه؟
كريم قلبه دق بعنف وقام وقف قدام السور المطل على البحر وتابع : نيره انا شوفت بنات كتير اوي في حياتي وكلهم انتي تعرفيهم بس ولا واحده فيهم عرفت تخليني احبها .. عشت ادور فيهم كلهم عن بنت واحده .. واحده بس مش شايف غيرها تنفع مراتي وام عيالي .. بس ملقتهاش فيهم كلهم
نيره قامت وقفت جنبه وبصتله وتابعت بحيره : مين دي انا اعرفها ؟
كريم تنهد بعمق وبصلها وتابع انتي اختي وصاحبتي وقت ما بعوز وحبيبتي وسندي وامي وقت ما بعوز بردو وبنتي فكل الاوقات .. انا عشت معاكي عمري كله وشوفت فيكي كل الادوار اللي في الدنيا الا دور واحد بس .. وهو الوحيد اللي اتمنيته اكتر من كل دول وتنهد بعمق وتابع البنت دي انتي يا نيره .. انا عمري ماشوفتك اختي .. وعايزك تكملي اخر دور ناقص في حياتي .. عايزك تبقي مراتي
---
في الشارع عصام كان ماشي بعربيته رايح الجامعه يخلص ورق ومتعصب جدا وبيرن على إيلين بس مقفول فنفخ بضيق ورمى الفون جنبه وركن العربيه ورجع ضهره لورا وتابع تعبت .. والله تعبت وما عارف اروح فين ولا اعمل ايه ونزل وقفل باب العربيه ودخل الجامعه يخلص اللي جاي علشانه وشويه وطلع وشاف اسراء واقفه بتتخانق مع حد وصوتهم عالي فاستغرب جدا
اسراء بعصبيه انت اييه مبتفهمش !! ما قولتلك ابعد عن حياتي انا مخطوبه وبحب خطيبي انت ايه يجدع انت مفيش عندك دم ولا عايز تتهاان !!
باسل بعصبيه لا عندي دم وعندي اوي كمان وهروح اوري البيه خطيبك انك كنتي بتكلميني ونبقى نشوف بقى مين فيناا اللي هيتهان يا اسراء
عصام بحده والله ما حد عايز يتهان غيرك ومسكه من قميصه وضربه بالراس بقوه فاسراء شهقت بصدمه من وجود عصام فتابع باسل بحده انت مين ياعم انت كماان وابعد عني كده ولا يكون ده المغفل التالت
اسراء بعصبيه ودموع مغفل ايه يحيواان يازباله هو اانا في بيني وبينك ايه اصلاا
عصام بعصبيه هشش ممكن تسكتي انتي وبصله وتابع ماالك بيهاا يالا
باسل بحده بحبها وبطلبها بقالي كتير ومش راضيه بياا علشان سي حسن اللي رجع من براا
اسراء بصتله بذهول وتابعت بعصبيه يا ابني هو انا كنت وعدتك بحااجه
عصام بعصبيه قولت استني انتي يا اسراء وبصله وتابع ايوه في ايه بينك وبينهاا يعني مش في شات بتقول وريني الشات
باسل خرج فونه وجاب الشات واداله الفون فعصام مسك الفون بايد وقميص باسل في التانيه وفضل يقرا ودقايق وبصله وتابع بسخريه والكلام الفاضي ده وبتطلب منك الملخصات او بتهزر عادي في اطار المحاضره او على كلام الدفعه بقى وعد بالجواز وعايز توريه لخطيبها ؟ انت مجنون ولا عندك خال اهبل صارحني؟
اسراء بدموع وخوف ماهو كلام عادي اديك شوفت بعينيك بس علي وحسن لو عرفوا والله ليدبحوني معندهمش حاجه اسمها زمايل جامعه دول خاصه اديك شايف تفكيره والتخلف اللي الواحد بيقابله
عصام بابتسامه لا خلاص يحبيبتي ونجيبلك مشاكل مع علي وحسن ليه؟؟ بناقص خالص ورمي الفون على الارض وداس عليه برجله كسره فاسراء اتخضت بس كانت طايره من الفرح
باسل بعصبيه انت مجنوون انت ايه اللي عملتواا دده انت عاارف ده بكاام
عصام بعصبيه مش مهم سعره ومسكه من قميصه وتابع بعصبيه مش اغلى من وقفتك مع بنت من عيله الجارحي في وسط الجامعه بالشكل ده واتسببتلها بفضايح كأنها بتحب فيك من ورانا مثلا وكمان مخطوبه ومحسوبه على راجل فانت ايه ياالا عبيط ولا مخك فيه حاجه عرفني؟؟ ماهو الصنف اللي عامل بيه الدماغ دي اكيد مش عادي
باسل بعصبيه اوعا كدده سيب قميصي وماليش دعوه بيها تاني خلاص
عصام ضربه بالراس وقعه على الارض فاسراء شهقت وحطت ايديها على بوقها
عصام بعصبيه: كده كده مكنتش هتقدر تكملهاا تاني علشان اقسم بالله انت ما تعرف انا مين واقدر اعمل ايه فـ اسال عن اسم عصام السيوفي كويس اوي قبل ما تفكر تكلمها واسراء لو قالتلي انك اتعرضتلها تاني حتى لو بكلمه اقسم بربي كمان مره ما هخليك تخطي عتبه باب الجامعه دي وللابد
باسل هز راسه بماشي بخوف وهو بيتألم من راسه وبص لاسراء وتابع بحده قدامي يلا فمشيت وهي فرحانه وعصام مشي وراها وخرجوا وتابع اركبي اوصلك انا رايح عندكم كده كده
اسراء بخوف لا مش لازم وشكرا على وقفتك جنبي يعصام بس بلاش علشان خاطر ربنا انا هركب تاكسي وجايه وراك
عصام بحده يا بنتي اركبي متخافيش من علي انا رايحله اساسا يلا
وركب واسراء فتحت الباب وركبت جنبه فمشي بعربيته وبصلها وتابع المره دي اتلمت تاني مره مالكيش دعوه بحد من الجامعه ولا صحاب ولا زفت اديه كان هيخليكي تروحي في داهيه
اسراء بحزن ودموع والله العظيم بكلمه عادي مكنتش اعرف انه مريض كده
عصام بتنهيده اهدي خلاص انا فاهم بسيطه وعدت طبيعي يكون ليكي صحاب في الجامعه بحدود وزمايل عادي بس بعد اللي شوفته ده لا اختصري خالص احسن انتي كمان مخطوبه ودماغ حسن نفس دماغ علي فمش هتلاقي اللي يدافع عنك وامسحي دموعك بقى خلاص مانا ظبتهولك اهو
اسراء مسحت دموعها وابتسمت وتابعت حاضر هعمل كده ربنا يخليك يعصام تعبتك معايا وشكرا انك فهمتني ومظلمتنيش بالشات
عصام بضحك حبيبتي انتي فعلا مقولتيش اي حاجه غير كلام وهزار عن الدراسه بس مع علي دي كبيره من الكبائر
اسراء بضحك اه انت بتقول فيهاا
وبعد شويه وصلوا تحت البيت واسراء نزلت وعصام نزل وراها وطلعوا وباب الشقه كان مفتوح فدخلت اسراء ووراها عصام وتابع السلام عليكم
رانيا بابتسامه وعليكم السلام ورحمه الله وبركاته ينورعيني اقعد يحبيبي نورت
عصام باس ايديها وراسها وقعد قدامها وتابع ده نورك ياست الكل والله
رانيا بضحك ايوه كل بعقلي حلاوه يواد وبصت لاسراء وتابعت بضحك الا ربنا هاديكي يعني وداخله قدامه وشوفتيه ومتكلمتيش
عصام بضحك وجايه معايا من الجامعه لحد هنا في العربيه كمان تخيلي
رانيا بتفاجئ وفرح لا بتهزر !! وبصت لاسراء وتابعت بضحك صحيح الكلام ده
اسراء بابتسامه ااه اصل هو كان في الجامعه ودافع عني علشان كان في واحد بيعاكسني وكده
رانيا ضحكت بفرح وحطت ايديها على خده وتابعت بفرح يحبيبي ربنا يخليك ليهم يارب
عصام ابتسم وتابع ويخليكم ليا يحبيبتي وبص حواليه تابع الا فينه علي
رانيا بقلق معرفش يا ابني والله اتخانق مع حبيبه وخرج من بدري ومجاش لغايه دلوقتي بس ليه خير يحبيبي؟
عصام تنهد وتابع اممم عرفت اتخانق معاها ليه على العموم متقلقيش خير باذن الله
رانيا بقلق عرفت ازاي يعني؟
عصام ابتسم وتابع عرفت لان هي وقعت في شر اعمالها وقالت بالغلط لانها فاكره ان علي اللي قالي علشان مقولتلهاش ان حبيبه بس متقلقيش انا مش جاي علشان اتكلم عن رفيده خالص
رانيا تنهدت بارتياح لانها خافت عصام يتخانق مع علي ورايحه تتكلم لقيت علي داخل فشاف عصام اتعصب وتابع انت بتعمل ايه هناا يحيوان يا زبااله انت هاا وراح مسكه من جاكت بدلته وتابع بعصبيه هو انت ايه البجااحه خلاص وصلتك انك تجيلي لحد عندي ؟!
رانيا قامت وقفت بينهم وتابعت بخوف وبحده بس يعلي بتعمل ايه سيبه مينفعش اسلوبك ده
علي بعصبيه اخرجي انتي برا الموضوع ده يماماا علشان قسما بالله انا على اخري منك ومنه ومن الدنيا بحاالها جاي تعمل ايه يعصام؟؟ جاي تكسرني مش كدده؟ جاي تتشفى فيا ؟!!
رانيا بحده يتشفى فيك على ايه هاا سيب الراجل متسمكهوش بالشكل ده واحترم نفسك
علي بعصبيه قولتلك متدخليش هو عاارف انا اقصد ايه كويس بس خليك رااجل مره واحده وكفاياك لت ورغي زي النسوان
عصام بعصبيه يا ابني انت فاكر ايه قسما بالله انا ما جاي علشان اي حاجه من اللي في دماغك
علي بعصبيه ومتجيش اصلا ومش عايز اشووف وشك ولو انت عملت معايا جِميله انا عملت معاك جمايل لما حافظت على شرفك واختصرت مراتك مره والف ..مع اني لو وسخ كنت اقدر اعملهاا عادي جدا
عصام بصله بصدمه فتابعت رانيا بعصبيه انت اتجننت ! ايه اللي انت بتقوله ده يعليي؟! اخرس كفايااك عك بقى ومتجيبش سيرتها ده جاب اختك من الجامعه لهنا ودافع عنها علشان حد ضايقها وانت تهينه بالشكل ده
علي بصله وتابع بذهول انت حتى بتحاول تكسب اسراء وضحك وتابع ده انت عبيط بقى ومسكه وبقى يزقه برا الشقه وتابع بعصبيه غور برا بيتي واياك تيجي هنا تااني
فرانيا شدت عصام منه وتابعت بعصبيه يجي براحته ده بيته زي ماهو بيتك ومحدش يقدر يمنعه يقعد فيه
علي بعصبيه بيته ايه وزفت ايه هو اي كلام بيتقال
رانيا بعصبيه ودموع ااه بيته علشااان ده اخووك