رواية لنا موعد اخر الفصل الستون60 بقلم لولا
علي بعصبيه بيته ايه وزفت ايه هو اي كلام بيتقال
رانيا بعصبيه ودموع ااه بيته علشااان ده اخووك
عصام بصلها باستغراب وعلي ابتسم بسخريه وتابع بعصبيه هو ايه اللي اخوياا هو انتي مش لاقيه حاجه تقوليهاا فبتقولي اي كلاام وخلاص !!
رانيا دموعها نزلت بقهر وتابعت وهي بتهز راسها بالنفي بوجع : لا ياعلي مش اي كلام ودموعها زادت وتابعت عصام اخوك فعلا وبصت لعصام اللي باصصلها ومصدوم ومستغرب وحطت ايديها على خده وتابعت بدموع الشبه اللي بينكم مش صدفه وبصت لعلي وتابعت بدموع وقهر: انتوا الاتنين ولاد قاسم بس انت ابني وعصام ابن هند
كلهم اتصدموا بشده فتابع علي بعصبيه وذهول : انتي اييه اللي بتقولييه دده اخويااا اييه وكلام فااضي اييه انا ابويا متجوزش غيررك ولو ابنه متسجلش باسمه لييه ما بلااش كلام فاضي بقيي الحيوااان ده عمره ما هيكون اخوياا لو اطبقت السما على الارض هو هبل !! واحد مكنتش اعرفه اصحى فاجاه الاقيه اخويا !!
اسراء بصدمه ماما انتي بتقولي اييه ؟؟! احنا كلنا معرفتنا عن عصام انه ابن خاله رفيده جارتنا في الشارع واللي كانت خطيبه اخوناا ولو متخطبوش كانت هتفضل جارتنا لا اكتر ولا اقل فمش هنعرف اهلها ايه بقى الكلام الغريب اللي بتقوليه دده !!
عصام بصلها بذهول وتابع خالتي في 100 حاجه ممكن تتقال علشان تهدي الامور بينا غير انك تطلعيناا اخوات فاجاه كده وابتسم بسخريه وتابع اصل ده كلام ميخشش العقل احنا مش في مسلسل ودي الحلقه اللي قبل الاخيره علشان فاجاه تقولي حاجه زي دي
رانيا بدموع ووجع خلصتوا ؟! كل اللي عنده اعتراض قالوا ؟؟ وتنهدت وتابعت بس عدم تصديقكم مش هيغير الحقيقه وعيطت وتابعت وان ده اخوك الصغيرر ومن لحمك ودمك ولو هو اتربي بعيد عنك ولا عاداته غير عاداتك وتفكيره واسلوبه غير تفكيرك واسلوبك فواجبك كأخوه الكبير توعيه وتسنده لانه بطوله في الدنيا وتكون مكاان قاسم اللي هو اتحرم منه وميعرفش عنه حااجه مش تقسى عليه وتطرده بالشكل دده يااعلي
علي بصلها بذهول وتابع بعصبيه اخوياا اييه !! اخويااا اييه !! انتي بتقولي اي كلام علشان تهدينا على بعض وخلاص انما مفيش حاجه من اللي قولتيهاا دي صح الكلام ده مستحييل يكون حقيقي ومش هيخليني ابطل اكرهوو ده دمر حيااتي وحبسني وقطع رزقي وجايه بعد كل ده تقوليلي اخووك الصغيرر !! اخويا اييه وزفت اييه على دمااغكم ايه الهبللل اللي بيتقال على المساا ددده !!
عصام بوجع خالتي انتي بتقولي ايه انا مكنتش اعرف علي اصلا غير لما خطب رفيده ومكنش ليا علاقه بيكم قبلها .. اخويا ايه وعم قاسم ايه اللي ابويا انتي ليه بتتعبيني بكلامك؟؟ صدقيني انا مش مرتاح لوحدي وانتي كده بتخلي دماغي تتشغل ابوس ايدك بلاش الكلام اللي يقلب حياتناا ده .. اصل الكلام ده فعلا مستحيل وبعيد عن الواقع بكل ماتحمله الكلمه من معنى
رانيا حطت ايديها على خده وتابعت بعياط: على الرغم اني اتقهرت لما قاسم طلقني واتجوز امك عليا ولمسها وابتسمت بدموع وتابعت بس لما شوفتك معرفتش اكرهك يا عصام .. هكرهك ازاي وانا شيفاه فيك تاني قدامي؟؟ هكرهك ازاي وانت حته من حبيبي واخو ولادي؟؟ ورغم كل اللي عملتوا في اخوك مقدرتش اكرهك وفضلت احامي ليك كل ماسيرتك تيجي يالوحش واحاول ابعدك عن اي مصيبه حصلت لعلي من وراك واقولهم لا عصام ميعملش كده علشان كان كلي امل تحبوا بعض فمش عايزه عداوتكم تزيد وعيطت اكتر وتابعت وتيجي انت بعد كل ده تقولي عم قاسم ؟؟! لاا مش عمك ياعصام وعيطت اكتر وتابعت مش عمك .. ده ابوك ..ابوك اللي امك اللي ربنا يسامحهاا حرمتك منه وحرمته منك وحست بوجع في قلبها وتابعت بقهر ودموع :قاسم مات وهو ميعرفش ان ليه ولد عايش برا اصلا
علي وعصام كانوا مصدومين بشده واسراء بصتلها بقهر ودموع وتابعت ماما انتي بتقولي ايه بجد !! ايه الكلام ده وازاي محدش غلط مره قدامنا وقال ان بابا كان متجوز غيرك قبل كده انا مصدومه بجدد
رانيا بعياط بقول الحقيقه ..بقول اللي ربنا هيسالني عنه لو قابلته من غير ما اعرفكم انكوا اخوات .. ومحدش قال علشان الجوازه دي مكملتش ايام وانتهت فقفلنا عليها ومحدش تخيل يجي من وراها عيل وانا نفسي عرفت انه اخوكم من 3 سنين بس واستنيت كتير بس مش ضعف مني ولا خوف من هند اللي مُنى عينيها تفضلوا تكرهوا بعض .. لا خالص.. بس استنيت احس انكم حنينين على بعض وعيطت وتابعت علشان كده رفضت خطوبتك من رفيده ياعلي مش بس علشان انا شوفتها وحشه لكن علشان كانت خطيبه اخوك ..كنت عارفه ان مصيركم هتعرفوا فمكنتش عايزاكم تكرهوا بعض بسبب واحده دخلت بينكم وبردو كرهتوا بعض ورفيده كانت السبب اللي حاولت بكل جهدي ابعدك عنه
علي بصدمه الكلام اللي انتي بتقوليه ده اكيد مستحيل ..حتى لو ابويا اتجوز عليكي ..بس مستحيل يكون ابنه مستحيل تلاقيه ابن خالد فعلا وهي بتعمل عليكي حواار علشان تقهرك
رانيا راحت مسكت المصحف وتابعت بدموع والمصحف ده على عينيا عصام ابن قاسم واخوكم مش ابن خالد خاالص
فكلهم بصولها بصدمه فتابعت رانيا بعياط حتي لو الحقيقه دي قهرتني ساعتها فعلا بس انا بحبه علشان ابنه وكفايااكم انتوا تقطعواا في بعض كفااياكم انا تعبت ومبقتش مستحملهه
اسراء بدموع حصل كده ازاي وليه مش متسجل باسم بابا
رانيا بدموع ابوكي ميعرفش بيه اصلا يا اسراء
عصام بتقطع وصدمه: ولما هو .. ميعرفش ..انتي عرفتي منين
رانيا بدموع خالد قالي يعصام ..خالد اللي محبش في حياته قد امك فسمع كلامها واتجوزها وسجلك باسمه ولما تعب وجاله المرض الوحش كلمني وهو بيحتضر وقالي سامحيني يا رانيا انا خدعتك مع هند بس عصام مش ابني عصام ابن قاسم من ...وامر الله نفذ كان رايح يقولي من هند بس انا عرفت لوحدي ماهو معروف انها خلفت ولد وسمته عصام ولما روحت واجهتها بالكلام ده علشان اترجاها وابوس ايديها تخليك تخرج اخوك من السجن مأنكرتش بس قالتلي هسيبه يحبسه وبكره ينتقم منكم واحد واحد ويجبلي حقي
كلهم كانوا مصدومين بشده فتابعت اسراء بصدمه ودموع حقهاا اييه !! حقهاا ايه وزفت اييه بجدد
رانيا بدموع علشان خليت قاسم طلقها ومرضتش بيها كـ ضره
علي بعصبيه كل اللي انتي قولتيه ده مش هيغير حاجه جواياا وهعتبر اني مسمعتوش عصاام عدوي وهيفضل عدوي واللي بيني وبينه مش هينتهي ليوم الدين وربنا يحكم بيناا انما انه اخوياا والهبل ده انا مستحيل اقبله ده انا اقبل اليهود ولا اقبله فانسواا الموضوع ده نهاائي وميدخلش هناا ولا ليه علاقه باخواتي البناات لإماا قسما بالله ادخل فيه السجن انا خلاص مبقاش يفرقليي حااجه
رانيا بعصبيه ودموع يدخل براحته ده بيته واخواتك دول اخواته هو كمان وليه كل الحق فيهم زيك بالظبط كفاياك قسوه يعلي الايام رايحه مش راجعه
علي بعصبيه ودموع الايام اه رايحه مش راجعه بس اياامي اللي فاتت كلهاا ادمرت بسببه انا اتسجنت ظلم واتهانت بسببه وحياتي اتعرضت للخطر بردو بسببه وخطيبتي طلع عينيها علشان تخرجني بسببه وسلمى اللي عامل نفسه قلبه عليها تعبت وكانت هتدخل في انتكاسه بسببه انتي مبتحسيش بيااا ولا فهمااني كأن هو اللي ابن بطنك مش انااا كأن هو المظلوم وانا الظالم واتعصب اكتر وتابع مع اني عيشت اخدمكم كلكم بعيني وطلع عين اهلي علشان اسدد احتياجتكم العمرر كله وده في ظرف شهور بس جيه خرب حياتنا كلناا ولسه بتبديه علياا رغم كل اللي شوفته منه واخوك يعلي واقف جنبه يعلي وغير فِكره يعلي وكأن علي ده جبلل مبيحسش ولا بيرتااح ابداا ومصممه تيجي عليا انا وتحسسيني اني يتيم اب وام وماليش حد .. وسابها ومشي ورزع الباب وراه ورانيا دموعها كانت بتنزل بشده فتابعت اسراء بدموع معلش يا ماما علي بردو غصب عنه شاف كتير اوي وشال لوحده وعمره ما سند راسه على حد فينا وبقي يحكيله وحتى علاقته بحبيبه مش افضل حاجه دلوقتي فوالله فعلا كتر الف خيره مالوش حد حقيقي
عصام كان مصدوم ومش عارف يستوعب فقعد على الكرسي وحط راسه مابين ايديه ودموعه نزلت وهو ساكت
رانيا بدموع انا عازره علي ومقدره صدمته ووجعه .. طول عمره بيتمنى يبقى ليه اخ علشان يسند عليه بس متخيلش انه يوم مايبقى ليه هيبقى اكتر حد اذاه بالشكل ده
اسراء بصت لعصام وشافت دموعه وصعب عليها اوي وتابعت بدموع بكره ينسى ويعرفوا ان مالهمش الا بعض وراحت قعدت جنبه واترددت تحط ايديها على كتفه وبصت لرانيا فرانيا هزت راسها بلايجاب ودموعها بتنزل فاسراء حطت ايديها على كتفه وتابعت بدموع انا اسفه لزعلك ده بس صدقني علي ميقصدش
عصام اتفاجئ انها جات تواسيه ورفع راسه بصلها ودموعه بتنزل وابتسم وتابع انا عمري ما اغلط علي هو حقه يعمل كده واكتر اذا كنت انا ومقهور ومش عارف استوعب هو يعمل ايه؟! بس ازاي امي تخبي علياا !! ازاي اهون عليها للدرجه دي !!
اسراء بدموع يمكن امك خبت عليك علشان متتصدمش بالشكل ده
عصام ابتسم بوجع وتابع بدموع غلبانه انتي يا اسراء وتنهد بقهر وتابع انا طول عمري مكنتش فاهم ليه صممت تعيشني في امريكا من صغري بس دلوقتي فهمت
رانيا بدموع فهمت ايه يعصام؟
عصام بقهر ووجع عملت كده علشان تكبرني ..فضلت تسقي فيا زي الزرعه كل يوم وبتهتم وبتاخد بالها لحد مابقيت دكتور عصام السيوفي ولما لقيت علي خطب رفيده صممت ارجع ..ارجع علشان يا اقتل اخويا يا اكسره ..كبرتني علشان ابن هند يعدي ابن رانياا وتدوس عليكي وعليهم بايدي .. بتكسر اهلي بدراعي وانا زي المتخلف ماشي وراها وبردد ان كلامها الصح وحط ايديه على وشه ووطى راسه ودموعه زادت وتابع بقهر خدت فيها هي ورفيده اكبر مقلب في حياتي كلهاا اشتريت اللي بايعني وروحت بيعت اهلي
رانيا دموعها زادت بقهر فاسراء طبطبت عليه وتابعت بدموع مش مهم ..كل اللي فات مش مهم ..المهم متضعيش اللي جاي زي ماضيعت اللي فات يعصام .. علي محتاجك وافعالك الكويسه اللي لازم تنسيه كل اللي فات هو حاليا مش قادر يثق فيك
عصام بصلها وهز راسه بلايجاب وتابع بدموع ووجع اكيد هعمل كده حاضر وبصلها برجاء وتابع بس انتي مسامحاني صح يا اسراء؟؟
اسراء ابتسمت من بين دموعها وهزت راسها بـ اه فعصام ابتسم بفرح من بين دموعه وفتحلها ايديه فاسراء بصت لرانيا فهزت راسها بلايجاب بلهفه فدخلت في حضنه فضمها ليه اوي ودموعه زادت وباس راسها بعمق
-
عند نيره وكريم
نيره كانت سمعته وسكتت وقاعده سانده ايديها الاتنين على المقعد بطول دراعها وكريم واقف زي ماهو ساند ضهره السور المطل على البحر وباصصلها ومش قادر يفهم سكوتها ده صدمه ولا بتحاول تقرر هتقوله ايه فقاطع الصراع اللي بيدور جواه وتابع بتنهيده شايفك سكتي يعني؟
نيره من غير ماتبصله تابعت: عايزني ارد اقول ايه يا كريم؟؟
كريم بتنهيده تقولي اللي حساه علشان اعرف انا مطلوب مني اعمل ايه الفتره الجايه
نيره قامت وقفت وراحت وقفت قدامه بالظبط وتنهدت بوجع وتابعت وليه لازم تعمل ما تخليك معايا نفس كريم ولا هتتغير؟
كريم بصلها وهو بيحاول يقرا عينيها وتابع هتغير على حسب ردك يا اما هفضل اخوكي او جوزك واكيد دي غير دي فلازم تردي وتفهميني رايك يا نيره
نيره الدموع اتجمعت في عينيها وتابعت عايزني ارد اقول ايه؟؟ انا مش قادره ارد ولا قادره افهم كلامك اصلا ..انا لو رديت هبقى بخسرك كأخ وصاحب وبجرح اكتر انسان حبيته في الدنياا
كريم اتصدم بشده وبلع ريقه وتابع افهم من كده انك رافضه مش كده؟؟
نيره بدموع وبحده : متقولش رافضه ارجوك يكريم متجبيش سيره الرفض والقبول والحاجات الغريبه دي في علاقتنا ودموعها نزلت وبصتله بقهر وتابعت كريم انت اخوياا .. فاهم يعني ايه اخوياا ؟؟!! يعني انا بتحامي فيك انت من الدنيا بدال ابويا اللي رماني وبحكيلك عن اللي بحبه علشان تقعد معااه انما عمري ماشوفتك بالشكل ده ابداا ولا يجي في بالي انك تكون بتشوفني كده اصلاا !! انما رفض ايه وقبول ايه هو علي عمره هيتقدم لسلمى ولا اسيا ولا اسرااء !!
كريم قلبه كان بيتعصر من الألم بس تظاهر بالثبات وتابع بابتسامه مليانه الم :انتي عندك حق مكنش ينفع افكر فيكي كده وانسى اي حاجه قولتهالك .. يلا يا نيره
نيره مسكت دراعه رجعته وتابعت بدموع ووجع لا مش هتمشي قبل ماتفهمني ازاي ده حصل وامتي ؟؟! ازاي انا كنت برمي نفسي في حضنك علشان انت اخوياا وانت مشاعرك ورغبتك بتتحرك ناحيتي فهمني يكريم انا مش قادره استوعب
كريم تنهد بعمق ومنع دموعه باعجوبه وبصلها وتابع بصوت مليان وجع: معتقدش هتفرق معاكي امتى وازاي .. الكلام ده مش هيغير حاجه ولازم تنسيه يمكن انا كمان اقدر انسى اني شوفتك بالشكل ده
نيره بدموع وذهول كريم .. كريم انا نيره انت مستوعب بتقولي انا ايه؟؟ انت .. انت عايز تتجوز اختك يكريم ؟!
كريم بعصبيه لا مش اختي .. ومش معنى اني فضلت عمري كله شايلك في عينيا وبجبلك اللي تحلمي بيه قبل ماتنطقيه يبقي تبقي اختي الدين نفسه محرمش جوازي منك فانتي مين علشان تقولي اني اخوكي مش فاهم !!
نيره بصتله بذهول وتابعت بدموع انت جاي تقولي كده بعد ايه؟؟ واتعصبت بدموع وتابعت رد علياا بعد اييه ؟؟ بعد ماكبرت وبقيت 22 سنه ومتعوده من وانا عيله انك اخوياا وابوك ابوياا واخواتك اخواتي !! ازاي عايزني اغير اقتناع عشت بيه عمري كله واخليك بدل ماتبقى اخوياا تبقى جوزي يعني !! ازاي شوفتني كده اصلااا !!
كريم بصلها وتابع بوجع علشان انا من يوم ماجيتي بيتنا وانا مش شايفك اختي يا نيره .. حبيبه اختي ولميا اختي وهناء اختي انما كنت باجي عندك بحس بغير كده بحس ان هي دي اللي نفسي تكمل معايا عمري كله وهي دي اللي نفسي يكونلي عيال منها وهي دي اللي نفسي تشيل اسمي ووقف قدامها بالظبط وتابع بنبره مليانه وجع: انا شوفتك مراتي علشان عمري ما شوفتك اختي ..انما مغيرتش نظرتي ليكي زي مانتي فاكره
نيره كانت مصدومه جدا وقلبها بيدق بعنف من التوتر والصدمه والوضع اللي هي فيه ودموعها نزلت وتابعت بس انا برتاح في علاقتي معاك ومش عايزه الحب يبوظها يكريم ..عمرك ماهتشوف علي بيخسر سلمى او بنت من اخواته انما وارد جدا يخسر حبيبه وحتى حصل مثال حي قدامنا واسيا خسرت سليم بس علي فضل سندهاا فعلاقه الاخوات والصحاب انقى واريح بكتير من علاقه الجواز والحب
كريم بوجع ده علشان حب متزعزع ومكنش حب من البدايه علي اللي بتتكلمي عنه ده خدي روحه بس متاخديش منه حبيبه ومهما قطعوا في بعض بيموت فيها وميقدرش يعيش من غيرها لانه شافها مراته من زماان بس خاف تكون هي اللي فكراه اخوهاا وبالنسبه لسليم هو محبش اسيا بجد ده كان طمعان في جمالها انما فارس؟ حبها واتجوزها وهي مطلقه ومكنش اول راجل في حياتها ودي لوحدها صعبه وتكسر اي راجل فينا ومش لوحدها ده كمان على كتفهاا عيله ..الحب اللي انا حبتهولك انتي عمرك ماشوفتيه مع مروان ولا نديم ولا غيرهم ولا عمرك هتشوفيه يا نيره
نيره بدموع انا اعترف اني اتمنيت اتجوز راجل زيك بس مش انت يكريم لا .. انت اخويا وصاحبي ومش عايزه حاجه تغيرنا على بعض ودموعها زادت وتابعت بلهفه كريم انا لما هتخانق معااه هجيلك انت تجبلي حقي انما دماغي مش قادره تستوعبها غير كده لا
كريم قلبه كان بيتقطع من كلامها المؤذي بس سكت ثواني بعدين بصلها وهو مقرر يقفل الموضوع ده نهائي وابتسم وتابع وانا تحت امرك وهفضل اخوكي وسندك العمر كله يلا بقى علشان اتأخرنا وعندي شغل وتعبت من الشمس
ورايح يمشي مسكت ايديه وتابعت بدموع كريم
كريم بصلها وتابع نعم
نيره بدموع ممكن توعدني علاقتنا متتوترش وتتغير عليا بعد اللي قولته انا ماليش غيرك
كريم ابتسم وباس جبينها وطبطب على ايديها وتابع متقلقيش يعمري اوعدك ان كريم هيفضل اخوكي وعمره مايتغير عليكي
نيره ابتسمت بدموع وتابعت وياريت توعدني كمان انك تنسى كل اللي اتقال ده زي مانا هنساه
كريم ابتسم بوجع وتابع في دي متأسف مش هقدر اوعدك لاني ممكن انسى كل حاجه في الدنيا .. الا كلامك اللي اتقال من شويه ده ..علشان ده اللي كل مايتردد جوايا هيفوقني ويخليني اشيل الكلام الفارغ اللي جوايا ده من دماغي وللابد
نيره دموعها نزلت وتابعت بوجع متقولش على مشاعرك كلام فارغ
كريم بابتسامه لا كلام فارغ وكان هيخسرني اختي فعلى ايه؟ انتي ادعيلي بس الاقي واحده تفهمني زيك
نيره هزت راسها بـحاضر وتابعت بدموع وحب واحسن مني كمان
كريم بابتسامه طب يلا بقى علشان اروحك لان هفوت على الشركه
نيره باستغراب مش قولت هتروح؟
كريم بابتسامه افتكرت اني لازم اروح اتمم علي حاجه بس مش هتأخر يلا ومشي في اتجاه العربيه وهو مانع دموعه باعجوبه وقلبه قايد نار من الوجع .. نار مش راضيه تهدى ولا تطفي ومخليه نفسه ضيق رغم ان الدنيا هوا حواليه وركب عربيته وجات نيره ركبت جنبه ومشي من غير ولا كلمه
-
عند زياد وشيري
زياد كان قاعد في اوضته وحاطط راسه مابين ايديه وساكت ودماغه مش قادره تجمع اللي بيحصل فشيري دخلت وهي بصاله بحيره من تقلب مزاجه المفاجئ وتابعت زياد .. انت كويس يحبيبي؟
زياد بصلها وتابع بتنهيده كويس يا شيري كويس متشغليش بالك ده خبر وحش في الشغل بس
شيري قعدت جنبه وتابعت بابتسامه طب قوم يلا انا حضرتلك الاكل وبعدين مالك يا زياد فاجاه وشك اتقلب بعد ما كنت فرحان وتقولي كل شويه هو انتي متاكده انك حامل؟ هو انا هكدب عليك يعني يحبيبي
زياد بصلها وتابع انا مقولتش هتكدبي لا طبعا الفكره بس اني متفاجئ يحبيبتي فمش مصدق
شيري نامت على كتفه وتابعت بابتسامه عندك حق ولا انا مصدقه بس مبسوطه يا زياد .. مبسوطه اوي بجد
زياد ابتسم بالعافيه وتابع يارب دايما مبسوطه يحبيبتي
شيري بابتسامه طب يلا بقى الاكل هيبرد كده
زياد بتنهيده لا كلي انتي انا نازل لمحمود عندنا شغل هنخلصه هنا وشويه وجاي
شيري بتنهيده خلاص تمام ماشي بس هتتأخر؟
زياد بصلها بشك وتابع لا مش هتأخر وقام غير هدومه ولبس قميص ازرق وبنطلون ابيض ونزل وهي شافته نزل تنهدت بضيق وتابعت يباي عليك ده الواحده مبتبقاش طايقه نفسها في وجودك والله
وعند زياد ركب عربيته ولقى فونه بيرن فرد وهو بيسوق بايديه التانيه وتابع ايوه يا شهد
شهد بتنهيده ايه يا زياد بعتلك الايميل اللي طلبته مني من بدري وانت لحد دلوقتي مشوفتوش ولا قولتلي ردك
زياد بتنهيده شهد اجلي كل الشغل دلوقتي انا دماغي مقلوبه ومش قادر افكر في اي حاجه
شهد بقلق مالك في ايه؟
زياد تنهد بوجع وتابع معرفش مش مستوعب حاجه لحد دلوقتي ولا اتأكدت من حاجه بس الشيطان ابتدى يتملك من تفكيري
شهد بقلق استعيذ بالله من الشيطان يا زياد ماالك فيك ايه
زياد تنهد بعمق وتابع: اعوذ بالله من الشيطان الرجيم.. متخافيش عليا انا بخير
شهد بقلق مخافش عليك ازاي يعني هو انا مش عارفاك يا زياد ده انت صاحبي وعشره عمري
زياد بوجع شهد انتي نزلتي مصر؟
شهد بخوف اه لسه واصله اجيلك؟
زياد بوجع ياريت انا هتجنن ومحتاج اتكلم مع حد بس مش دلوقتي ارتاحي شويه من السفر
شهد بخوف ولا هرتاح ولا هتنيل قولي بس هنتقابل فين يلا انت تعبت اعصابي اصلا
زياد بتوهان: مش عارف .. حقيقي مش عارف حاجه .. كل اللي اعرفه اني حاليا رايح المستشفى بعدين هكلمك اقرر نتقابل فين
شهد بخوف ورايح تعمل ايه في المستشفى يا زياد ؟!
زياد بتنهيده لما اشوفك هقولك يلا باي دلوقتي علشان سايق وفي لجنه قدام
شهد بتنهيده باي يا زياد
وقفل معاها وبعد شويه وصل المستشفى وطلع لعياده دكتور معروف جدا واستنى دوره ودخل
الدكتور بابتسامه اهلا وسهلا اتفضل
زياد قعد وتابع بتنهيده يزيد فضلك يا دكتور
الدكتور بابتسامه سامعك
زياد بتنهيده حضرتك انا متجوز بقالي 3 سنين ومخلفتش لحد دلوقتي وبحكم سفري المستمر مكنتش بفضى اروح لدكاتره بس مراتي لفت كتير وكل الدكاتره كانت بتقول انها كويسه ومعندهاش مشاكل وانها مسأله وقت لحد ما شكيت ان انا اكون السبب وعملت التحاليل دي برا مصر والنتيجه اهي
الدكتور مسك الفون منه وقرا التحاليل وتابع بتنهيده النتيجه مظبوطه العيب فعلا كده في حضرتك بس متفقدش الامل بالعلاجات ممكن تخلف حتى لو خدت سنين
زياد قلبه وجعه وتابع مانا عارف حضرتك ان ده كلام التحاليل دي بس انا عندي امل لو يكون فيها غلط يعني واعيدها من تاني
الدكتور بتنهيده مفيش مشكله نكتبلك عليها تاني في معمل اضمنه هناا وتحاليل ادق كمان وبدا يكتب واداه الفون
زياد بوجع بس مفيش امل حتى لو بسيط مراتي تحمل ؟
الدكتور بصله وتابع بتنهيده مكدبش عليك .. بالوضع ده ومن غير علاجات مستحيل حتى لو 1% يحصل حمل
زياد اتصدم بشده وهز راسه بلايجاب وسكت وخد الورق وراح المعمل وعمل التحاليل ودفع الفلوس وتابع انا عايز النتيجه انهارده باذن الله
الراجل وهو بيعد الفلوس تابع صعب يا فندم اقل حاجه هنا 48 ساعه ده نظام المعمل او ممكن تعملها مستعجل بقى وتطلع بكره ورقمنا اهو كلمنا انما غير كده صعب
زياد بحده يسيدي بكره بكره ادفع مستعجل مفيهاش حاجه بس المهم متتأخرش يومين ده كتير عايز كام زياده؟
الراجل 300 يفندم ومتقلقش بكره الصبح هتكون جهزت
زياد طلع الفلوس وتابع تمام وخرج وهو حاسس بتوهان اوي وجواه الف سؤال ملهوش اجابه وبيتمنى وكل امله التحاليل الاولى تطلع غلط وقاطع تفكيره صوت رنه شهد فرد وتابع بابتسامه عارفك وربنا مش هتسكتي انهارده
شهد بقلق ما يلا يا زياد فينك كل ده وانزلك فين
زياد بتنهيده الساعه 3 العصر والشمس لسه طالعه خلينا في الكافيه اللي بنعمل فيه ميتينج لما بنكون في مصر علشان ضل وهادي
شهد بابتسامه خلاص ماشي يلا باي وقفلت معاه ونزلت ركبت عربيتها واتجهت انها تروح الكافيه وبعد شويه وصلت ونزلت من عربيتها ودخلت لقيته قاعد وحاطط راسه مابين ايديه فشدت الكرسي وقعدت جنبه وحطت ايديها على كتفه وتابعت بقلق زياد .. مالك في ايه
زياد رفع راسه وبصلها وتنهد وتابع شيري حامل
شهد اتصدمت وقلبها وجعها بس ابتسمت وتابعت بتقطع : مـ مبروك ايه المشكله في كده؟
زياد تنهد بعمق وتابع المشكله اني عندي مشكله في الخلفه والدكتور قال من تحاليلي اني مستحيل اقدر اخلف من غير رحله علاج طويله شويه
شهد اتصدمت اكتر وشهقت وتابعت ينهار اسود انت بتقول ايه !! انت بتهزر صح !!
زياد بحده وده وقته هزاار يشهد اكيد لا طبعاا انا تايه وجايب اخري ومش عارف احكي لمين حاجه زي دي الوضع صعب وحساس اوي ودي مراتي ومينفعش اشكك في شرفها بالشكل ده بس مش عارف ده حصل ازاي هتجنن
شهد طبطبت على كتفه وتابعت بحزن طب اهدى طيب حقك عليا تعالى نروح نعيد التحاليل تاني لعل يكون في غلط
زياد حط راسه مابين ايديه وتابع عملت كده وعلشان كده قولتلك رايح المستشفى والنتيجه بكره الصبح ربنا يستر بقى
شهد بقلق طب ولنفترض ان التحاليل نفس النتيجه بصتله بخوف وتابعت هتعمل ايه يا زياد؟
زياد رفع راسه بصلها وتابع بحده هعمل ايه؟ هقتلهاا طبعاا ومش هيهمني اتسجن ولا اغور في ستين داهيه انتي بتهزري ولا ايه
شهد بحده لا انت اللي بتهزر مش معقوله هتودي نفسك في داهيه علشانهاا لو عملت كده فعلا ارمي عليها اليمين وخلصناا
زياد بحده يمين ايه انتي شكلك اتجننتي هو انا اسافر ومراتي تخوني وتقوليلي يمين !! ده قسما بالله ما هتعيش بعدهاا بس اما نشوف النتيجه بكره
شهد بقلق اتمني تبقي ظالمها اهون بكتير من المشاكل التانيه دي
زياد بوجع انا نفسي بتمنى اكون ظالمها واروح ابوس على راسها واخدها في حضني وافرح بحملها ..دي حبيبتي يشهد انا متجوزتهاش جواز تقليدي انا اختارتها بنفسي ورغم انها مش بتحبني قد ما بحبها وقسوتها عليا في بعض الاوقات الا انها بردو حبيبتي ومش عارف ازاي وصل بيا الوضع بفكر فيها كده بس الفكره ان بقالنا كتير متجوزين والعيب طلع مني ازاي فاجاه كده حملت مش قادر افهم
شهد قلبها وجعها من كلامه عنها وتنهدت بعمق وتابعت انا عارفه انت بتحبها قد ايه علشان انا مش صاحبتك من انهارده ولا امبارح ده احنا عشره سنين من ثانوي فحفظاك فوق ماتتخيل وان شاء الله خير ويطلع شيطان ودخل بينكم وتكون التحاليل دي غلط اهدى كده ومتضايقش نفسك
زياد تنهد بعمق وتابع يارب يشهد يارب بجد فشهد ابتسمت بحزن وطبطبت عليه
--
عند اسيا كانت قاعده على سريرها بترطب رجليها وايديها ولابسه قميص احمر قصير حمالات وشفاف من عند البطن وفوقيه الروب بتاعه قصير وتولين قاعده قدامها على الارض بتكتب الهوم وورك بتاعها
فقامت اسيا وراحت قعدت قدام التسريحه وبدات تحط ميكاب هادي فتولين بصتلها باعجاب وتابعت مامي
اسيا وهي بتحط المسكرا تابعت ايوه يعيون مامي
تولين راحتلها وتابعت بابتسامه انتي جميله خالص ينفع احط هنا زيك وشاورت على شفايفها
اسيا فضلت تضحك وباست خدها وتابعت يعيوني ده مفيش اجمل منك بس لا مينفعش ووطت صوتها وتابعت بهمس بابي يضربنا لو شافك حاطه روج علشان ده للكبار بس
تولين بهمس خلاص استأذنه ايه رايك؟
اسيا بهمس تؤ تؤ مستحيل يوافق لما تكبري انا هخليه يسيبك تحطي دلوقتي مينفعش بس ممكن احطلك زبده كاكاو خفيفه كده بينك اتفقنا؟
تولين بحماس اتفقنا وضربت كفها في كف اسيا واسيا بالفعل مسكت زبده الكاكاو وحطتلها منه طبقه خفيفه وتابعت بضحك يوغتي ياناس على القمر زي امها دي
تولين بفرح شكلي جميل خالص ينفع يا مامي اسيبه شويه وانزل اقعد مع ملك؟
اسيا بابتسامه روحي يقلب مامي بس لما تخلصي الهووم ورك بتاعك ومتتاخريش
تولين بفرح انا خلصت اصلا خلاص بصي وراحت جابتلها الكتب
اسيا بابتسامه خلاص روحي واطلعي بسرعه .. وفكرت شويه وتابعت بابتسامه ولا اقولك خليكي لحد مانا انادي عليكي ايه رايك اتفقنا؟
تولين بفرح اتفقنا وشالت الكتب بتاعتها وفتحت الباب ونزلت واسيا قامت قلعت روبها ورميته باهمال وفضلت بالقميص الحمالات بس وتابعت بخبث يانا يا انت انهارده يا ابن نبيل ومسكت البرفيوم رشت منه وسابته مكانه وفردت شعرها بتمويجه ورا ضهرها وطلعت بتتسحب وفتحت الباب لقيته نايم زي ماهو فخدت نفسها بعمق ودخلت وقفلت الباب وراحت نامت جنبه ودخلت في حضنه ودفنت وشها في صدره ففارس حس بيها وفتح عينيه بضيق وتنهد وتابع بنوم: وبعدين طيب؟؟ عايز انام يا اسيا
اسيا بتمثيل خوف نام يعيون اسيا مانا كمان هنام اهو بس خايفه انام لوحدي سمعت صوت غريب في الحمام يا فارس وكأن ناس بتتكلم ومش عارفه انام خالص
فارس برفعه حاجب صوت غريب في الحمام اه ولما اهزقك هتتبسطي؟
اسيا بتمثيل خوف يفارس انا بتكلم جد ومش هدخل جوه لو حصل ايه ده حتى الواد حس بالرعب معايا وضرب بطني اللي هو يلا نجري يا مامي
فارس بصلها وتابع لالا معلش عيدي تاني واد مين اللي ضرب بطنك؟؟
اسيا مسكت ايديه حطتها على بطنها وتابعت بابتسامه ابنك ياروحي انت نسيته ولا ايه
فارس بضحك ابني انا ابو شهرين ضربك في بطنك علشان خايف؟ طيب ماشي مش متذكره هو ضربك فعلا في بطنك ولا في مخك؟ علشان ده اللي فعلا ضرب ومش طبيعي
اسيا بتمثيل ذهول وهو هيطول مخي ازاي بس يفارس ايه يحبيبي ده انت حتي دكتور وفاهم
فارس لا الحقيقه بعد اللي بيتقال ده انا اكتشفت اني مش فاهم حاجه وتنهد وتابع اتكلي على الله يا اسيا
اسيا حضنته جامد ومسكت فيه وتابعت بتمثيل خوف لالا انا خايفه انا والواد اخص عليك يفارس بجد هتسيبنا ننام لوحدناا عادي كدده!!
فارس غمض عينيه بضيق ومسح بايديه على وشه وهمس استغفر الله العظيم يارب يابنتي مش عايز اهزقك بجد فاطلعي برا يلا علشان مقلبش عليكي
اسيا بحزن يعني هنهون عليك؟
فارس بحده اه يلا خليه يخاف هو وامه ولا يجيلهم صرع حتى انا عايز اتخمد
اسيا بحزن طب علشان خاطري ننام معاك بليز يفارس
فارس تنهد بضيق وتابع طب انا مطبق من امبارح انما انتي ايه اللي يخمدك 3 العصر يعني يا اسياا مش فاهم؟
اسيا بصوت انثوي: الله يفارس تعبانه وعايزه انام شويه فيها ايه يعني ولا انت بقى فاكر نفسك طلقتني وحرام انام في حضنك؟؟
فارس بتنهيده لا مقولتش كده طبعا بس انا مقفول منك دلوقتي
اسيا بتمثيل حزن : ده ياريتها جات على دلوقتي بس وقربت منه اكتر وتابعت ده جوزي يا دكتور زعلان مني بقاله 9 ايام بانهارده اهو يرضيك الكلام ده؟
فارس حاول ميتأثرش وتنهد بعمق وتابع يمكن انتي غلطتي في حقه جامد فتستاهلي ولا ايه؟
اسيا بصوت رقيق: وانا علشان غلطت في حقه هيمنعني انا من حقي؟؟
فارس اتفاجئ بردها ومنع ابتسامته باعجوبه وتابع افندم ؟ انهي حق بس علشان افهم .. في حقوق كتير
اسيا قربت منه وتابعت بحب وغمز : اقصد اهمهم
فارس قلبه دق بعنف من طريقتها وتابع اسيا ما تتظبطي مالك على المساا في ايه
اسيا بتمثيل حزن : في واحده جوزها وحبيبها زعلان منها ولما بتحتاجه مبتلاقيهوش بذمتك يرضيك الكلام ده يا دكتور وباست خده وبصتله تاني وتابعت هو العمر فيه قد ايه علشان يفضل شايل من حبيبته كده قولي
فارس تنهد بعمق وتابع الزعل على قد الغلاوه وهي غلطت وغلط كبير
اسيا بحب يقطم رقبتها.. ويتقمص حبتين ..انما مش يهجرها كل ده لا
فارس غمض عينيه وتنهد بعمق عايزه ايه يا اسيا؟؟
اسيا حاوطت رقبته وتابعت بحب اسيا مش عايزه الا رضاك علشان زعلك بيوجعها
فارس برفعه حاجب ومن امتى الدلع والحكمه دول سخنه ولا حاجه؟
اسيا ضحكت وتابعت وحياتك ولا سخنه ولا حاجه وابتسمت وتابعت بس يمكن عرفت اني غلطانه فجيت ابوس على راسك واقولك حقك عليا وباست جبينه وبصتله وتابعت في النهايه انت جوزي وحبيبي وابو ابني ومفيش بيني وبينك فراق فكفايه نبعد عن بعض اكتر من كده
فارس تنهد بعمق وتابع خلاص يا اسيا انا هعديهالك المره دي بس اقسم بالله بعد كده انا ..
اسيا قاطعته وحطت ايديها على شفايفه وتابعت بهمس وحياتك مفيش بعد كده الا سمعان لكلمتك وهشاركك فكل حاجه وعمري ما هخبي عليك اي حاجه
فارس ابتسم وتابع اما نشوف
اسيا بابتسامه هتشوف وقربت منه وتابعت بهمس بس ايه مش ناوي تحن ولا اسيا مبقيتش تأثر فيك؟
فارس قلبه دق بعنف من قربها المهلك بنسباله وبصلها وتابع بهيام مين قالك كده .. بس شايل هم حملك وتولين
اسيا بضحك تولين انا جبتها من الحضانه ووزعتها علشان استفرد بابوها والحمل يسيدي انا اللي حامل وبقولك متشغلش بالك علشان واحشتني
فارس بصلها بحب واعجاب بشكلها وتابع ياريت بس اخاف عليكي مني فعلا
اسيا فضلت تضحك وتابعت فارس انا لو قومت من جنبك دلوقتي هتعيط على نظراتك اللي بتفصصني حته حته دي وضربته في كتفه وتابعت بضحك فاخلص وبطل تقل هاا علشان هتقمص واقوم وربنا ورايحه تقوم
ففارس مسك دراعها وقعها على السرير واعتلاها وتابع بضحك رايحه فين هتهزري ولا ايه انا اه خايف عليكي صحيح بس مش حجر يعني وهشوف الحلاوه دي واسكت
اسيا فضلت تضحك وتابعت مانا قولت كده بردو
فارس ابتسم وسند جبينه لجبينها وهمس محبتش ولا هحب في حياتي قدك بتعملي فيا ايه يابنت الجزمه انتي بس
اسيا ابتسمت بحب ولفت ايديها حوالين رقبته وضمته ليها وهمست وانا بموت فيك بجد ماتيجي نروح اوضتنا؟
فارس بضحك لالا خلينا واهو تغيير روتين وقرب وباسها بحب وهي ايديها حوالين رقبته وبتتجاوب معاه
وبعد وقت مر بيهم كان نايم على السرير عاري الصدر وماسك فونه واسيا نايمه في حضنه فبصتله بضيق مصطنع وتابعت: سيب الفون شويه مش هيطيرر
فارس بابتسامه يعمري والله برد على بيشنت باعتلي اشاعه
اسيا اتعدلت وهي ماسكه الملايه على صدرها ومسكت الفون وقفلته من الباور وحطته جنبها على الكومود وتابعت بهمس وهي بتقرب منه: الفون قاعد والشغل قاعد انما طول مانت قاعد معايا تنساهم اتفقنا؟
فارس حط ايديه على وسطها وشدها ليه وتابع بهيام ده انا انسى الدنيا بحالها هتهزري ولا ايه؟
اسيا فضلت تضحك وتابعت ايوه كده برافو وابتسمت وتابعت صحيح يفارس انا حاسه اني بتوحم
فارس حط ايديه على خدها وتابع بابتسامه على ايه يعيون فارس ويجيلك حالا
اسيا بحب على فسيخ هموت واكله بجدد
فارس ابتسامته اختفت وتابع لا موتي يحبيبتي وماله كلنا هنموت كده كده
اسيا اتفاجئت وفضلت تضحك وتابعت اخص عليك بجد في ايه الله وضربته في صدره العاري
فارس بحده انتي هبله ولا عبيطه فسيخ ايه اللي تاكليه وانتي حامل!!
اسيا بضحك يعني هو اللي حصل دلوقتي ده كان ينفع وانا حامل ؟ ولا انت هتنقي
فارس بحده اسياا اقسم بالله هزعلك و ..
اسيا بمقاطعه وضحك خلاص والله خلاص اسفه بهزر انا اللي اتحرشت بيك وجرجرتك معترفه
فارس برفعه حاجب ولو مش انتي وانا اللي قولت ليكي عندي حاجه ولا هتمنعيني؟
اسيا بحب مقدرش
فارس ابتسم تلقائي من كلمتها وودي وشه الناحيه التانيه علشان متشوفش انه ضحك فاسيا ضحكت اكتر وتابعت شوفتك طب وربنا شوفتك مانت بتضحك اهو مكشر في وشي لييه بس
فارس فضل يضحك وخدها في حضنه وتابع ربنا يهديكي يحبيبتي والله سبحان الله انتي الوحيده اللي من كلمه تعصبيني ومن كلمه تهديني
اسيا بضحك مانا عرفت نقط ضعفك خلاص بس بجد يفارس نفسي فيه اعمل ايه طيب
فارس بحب قومي بالسلامه انتي واللي في بطنك وليكي عليا هاكلهولك بايدي مع اني مش بطيقه
اسيا بحماس وحب خلاص اتفقنا وباست خده ودخلت في حضنه وتابعت ينفع ابقى انام على بطني بقى ولا غلط؟
فارس بضحك اسيا بتسألني ومكسله تسال داليا بس عامه انا عارف المعلومات دي فهجاوبك اه ينفع بس اول شهرين بس بعد كده لا ويستحسن عودي نفسك من دلوقتي يا اسيا انا كل شويه ادخل اعدلك لما كنا متخاصمين
اسيا بضحك حسيت وربنا فعلا
فارس بضحك وكنت ببوسك دي محستيش بيها؟
اسيا بضحك بتهزر !! لا دي محستش خالص بجدد
فارس باسها بحب وتابع خلاص نعوضهم وانتي صاحيه
اسيا بضحك ياروحيي انت وباسته
فارس بتذكر: صح يا اسيا انا مش هنكد على عدم سمعانك للكلام ونزولك لامي ده بس متتقررش تاني وعلطول واظن سمعتي كلامي
اسيا بتنهيده حاضر يحبيبي وصدقني انا لو نزلت وعملت
فعلشان خاطرك انت فعلا وخلاص مش هنزل تاني بس بصراحه يفارس خايفه علاقتي بداليا تتوتر بسبب ان كل حاجه عليها لوحدها
فارس بحده والله انا حر مش عايز مراتي تعمل حاجه طارق كمان مش عايز مراته تعمل هو حر فمفروض دي حاجه متزعلش
اسيا بحب خلاص اهدي وباست خده وتابعت شكرا انك دايما في ضهري وسندي واماني يفارس
فارس ابتسم بحب وتابع بس يعبيطه ده واجبي وخدها في حضنه وتابع ده انتي حته مني يا ام توتي وباس راسها بعمق
اسيا بحب نن عيون ام توتي والله
---
وعند عصام كان قاعد في عربيته تحت بيته حاسس بتوهه رهيبه وبيتردد في باله كلام امه
فلااش بااك
هند بعصبيه رايح تحضن وتبوس في ايدين رانياا يا عصاام راايح تشيل اخت اللي دمر حياتك وتجري بيهاا على المستشفياات رايح تقعد وسط عيله بتكرهكك وبتكرهه امكك
عصام بعصبيه وانا مااالي بعليي ؟! .. انا ماالي بيه !! علاقتي بعلي مش هتتصلح مهما حصل بس خالتي رانياا وسلمى ملهمش دعوه وانا بعزهم و
هند بعصبيه ودموع خالتك رانيا ميين وبتعز مين يعصام !! انت بتقول ايه يا ابني ! مينفعشش تحب الناس دي مينفعشش
عصام بعصبيه مينفعش ليه ؟ ايه مش هينفعوا ؟ ردي عليا والدموع اتجمعت في عينيه وتابع مش عايزاني احس بالعزوه ولمه الاهل لييه؟ مش عايزاني يبقى ليا معاارف ليه ؟؟ ولا عاجبك اني افضل عبيد تحت رحمه رفيده هاانم بنت اختك اللي انتي مخلتنيش اعررف غيرهاا واعتبرتها كل اهلي وهي بنت كلب تستاهل تترمي اصلاا ؟!
فرفيده خافت وبصتله بصدمه وسكتت فتابعت هند بدموع وعصبيه علشان دوول مش اهللك ومش دول اللي تعملهم عزوه ليكك دول بيكرهووك ولو اتحطيت في مقاارنه مع عليي هيرموك في اقرب محطه وهيجروا على ابنهم واخوهم فكفاياك قررف واوهاام بقى محدش من العيله دي حبك ولا هيحبك انت ابني انا وحبيبي اناا واعتبرني اناا ومراتك كل اهلكك
بااك
فدموعه نزلت بقهر وهز راسه بخذلان من امه اللي المفروض هي اكتر حد بيحبه ..مصدوم فيها ازاي قدرت تزرع الكرهه ده جواه لاهله ومبسوطه بوحدته فخرج من عربيته وقفلها وطلع عند هند وخبط فهند قامت فتحت الباب وشافته وبصتله بضيق وتابعت بحده تعالى يابيه لسه فاكر ان ليك ام تجيلها بعد ما اتصرفت من دماغك وطلقت مراتك؟
عصام دخل وقفل الباب برزع وشاف رفيده قاعده معاها جوه بس عمل نفسه مش شايفها وتابع بعصبيه ليه هو انا مفروض استأدنك قبل ما اطلق كماان !! ولا انتي اتعودتي اني ماشي تحت طوعك وماليش راي؟؟
هند بعصبيه راي ايه يعصام؟ راي ايه؟ هي مش دي رفيد اللي كنت هتموت عليها !!
عصام بعصبيه كنا وكانوا واهو ماضي وغار في ستين داهيه انما دلوقتي البت دي ملتزمنيش ومش عايزهاا ومجتش اتكلم عنهاا اصلا وبدل مانتي بتيجي على ابنك شوفيهاا هي الهانم اللي كل شويه تخوني وتكلم خطيبها القديم من ورايا مستنيه مني ايه لما اعرف هاا؟؟ دي عايزه القتل مش الطلااق بس
هند بعصبيه رفيده مش بتخونك دي كانت بتقولوا يبعد عنهاا وده اللي انت متعرفوش علشان علي اللي بيجري وراهاا فا لو هتقتل صح يبقى من باب اولى تقتل علي
عصام بصلها بسخريه وتابع ليه؟ علشان اخويا؟
هند اتصدمت بشده وبلعت ريقها برعب ورفيده بصتله باستغراب شديد فاتعصب وتابع بدموع رديي علياا ..عايزااني اقتله لييه؟ عملك اييه؟ واتعصب اكتر وتابع ذنبه الوحيد انه ابن رانيا اللي خلت جوزها طلقك وانتي عروسه ورجع لمراته ام ابنه فتاخديني وتسافري بياا وتحرميني من ابويا واخواتي علشان ست اناانيه ومبتحبيش الا نفسك مش كدده
رفيده بصدمه ايه الكلام الفارغ ده لالا انت اكيد بتخرف
عصام بدموع وسخريه بخرف؟ ده ياريتني بخرف ولا اني اشوف خالتك بالشكل ده ..ده يظهر ان الوساخه والحقد عرق في عيلتكم كلهاا
هند بعصبيه عصااام
عصام بعصبيه اكبر: عصاام اييه وزفت اييه حراام عليكي يشيخه حرام عليكي خبيتي عنيي لييه فهميني ماناا يااما قولتلك نفسي يكونلي اهل نفسي يكونلي عزوه وانتي سكتي وسبتيني اشحت الاهتمام من واحده زباله زي بنت اختك وهماا جنبي وحواليا ليه كل دده !! علشان ايه؟! علشان تربيني وتنتقمي من ضرتك وعيالها بياا؟؟
هند بصدمه ودموع رانيا اللي قالتلك مش كده؟ بس صدقني هي كدابه وبتحكي الموضوع من ناحيتها هي بس اسمعني
رفيده اتصدمت بشده من رد خالتها فعصام بصلها بقهر وتابع بسخريه: انتي لسه بتكدبيها بعد كل ده؟! ماخلاص كل حاجه بانت.. بذمتك مش مكسوفه على دمك؟ واتاريكي خوفتي لما قولتلك ان سلمى عجباني كبنت خوفتي اقولك اتجوزها ولا احبها علشان اختي وابتسم بسخريه وتابع كأن بيفرق معاكي وكل اللي عملتيه حلال بس كلمه حق برافو والله تستاهلي برافو .. تاخدي عيل لحمه حمرا تكبريه براا وتعمليله اسم ومنصب وترجعي بيه تدوسي على كل اللي اذوكي واتعصب اكتر بدموع وتابع وتخليه يكرهه اهله اللي مالهوش غيرهم ويتحول لمجرم وعادي يقتل ويوم ما يكون هيقتل كان هيقتل اخووه علشان واحده زباله.. اناا ازاي طااوعتك ازاي !! وازاي قلبي حس بسلمى ومحسش بعلي؟! ازاي جيت علي اخوياا كده وحبسته بايدي !! لا برافو ياهند وفضل يسقفلها وتابع بعصبيه حقيقي برافوو
رفيده بصدمه وتلعثم: انت انت بتقول ايه !! وبصت لهند وتابعت هو ..هو علي اخو عصام !!
هند هزت راسها بلايجاب بدموع وسكتت فتابعت رفيده بصدمه انتي بتقولي اييه ازااي ده ازااي !!
هند بدموع وعصبيه كنت متجوزه قاسم يا رفيده خلاص اتهدي بقى مش وقتك حقيقي
عصام بصلها بسخريه ورفيده اتصدمت بشده وحست ان هيغمى عليها وحطت ايديها على صدرها وعصام سابهم ورايح يمشي فهند مسكت دراعه وتابعت بدموع استنى يعصام
عصام بعصبيه ولا هستنى ولا في بيناا كلام ومش متنيل راجع اليومين دول اقعدي انتي وبنت اختك اهروا في نفسكم كتير بقى علشان حبيب القلب طلع اخوياا يعني حتى لو كان هيتف في وشك فالامل راح للابد
رفيده اتقهرت وغمضت عينيها بوجع وهند بصتله بدموع وتابعت انا عمري ما استغليتك يعصام ..انا فعلا كنت عايزاك تجبلي حقي منهم لان قاسم ظلمني بسبب رانيا انما مقصدش احسسك بكده ابدا يحبيبي
عصام بقهر بس اخواتي مكنش ليهم ذنب وعلي بالذات ميستاهلش مني كده وبصلها بوجع وتابع انتي استغلتيني وحسستيني ان كل حبك ليا السنين اللي فاتت دي ماهو الا علشان افضل تحت طوعك وابقى زي مانتي عايزه واتعصب بدموع وتابع والدليل اهو لما بقيت باخد قرارتي بنفسي قلبتي علياا كاني عيل صغير لازم افضل امشي ورا كلامك وماليش راي في اي حاجه في حياتي صاحب ده يعصام ماشي ابعد عن ده يعصام ميضرش حب رفيده يعصام وماله لحد ما عصاام قرف وزهق منك ومن الدنياا كلها وبدال ماتبقي محطه راحه في حياتي بقيت مصدر تعبي ووصلتيني لاني احسد اخواتي على رانيا اللي انتي بتكرهيهاا ده ياريتهاا هي اللي امي مش انتي
ومشي ورزع الباب ونزل وهند اتصدمت بشده من كلامه عن رانيا وقعدت مقهوره والدموع متحجره في عينيها معقول ابنها بعد تعبها ده كله عليه هيكرها هي وبردو يحب رانيا !! مخها مكنش قادر يستوعب اللي اتقال وقاطع تفكيرها صوت رفيده اللي تابعت بحده ودموع انتي ازاي متقوليلش مصيبه زي دي يخالتي ينهارك اسوود بجد يعني شيفاني بحب في اخوه ومصممه اخرب بيتي ومتنبهنيش !!
هند بعصبيه ودموع هششش انا مش ناقصاكي يارفيده ما ياماا نبهتك تبعدي عن علي ولا هو اخوه مينفعش انما لو غريب ينفع؟ بس انتي اللي خربتي بيتك بايدك
رفيده بذهول وعياط والعمل !! اعمل ايه دلوقتي؟ ده عصام اللي مش هيتف في وشي بعد اللي عرفه وانا اللي فضحت نفسي لان قالي ان علي محكالوش حاجه
هند بهدوء حبيبه اللي قالت
رفيده بصدمه نعم وانتي عرفتي منين؟
هند بصتلها وتابعت علي سره مش مع حد غير حبيبه يا اذكي اخواتك وطلما مش هو اللي قال يبقي هي اللي قالت لانها عايزه تطردك من حياه عصام علشان الحلوه اللي لفت عليه وعايزاه يحبها تبقى صاحبتها
رفيده بصدمه إيلين صاحبه حبيبه انتي بتتكلمي جد !!
هند هزت راسها بـ اه وتابعت اه عصام كان قايلي عليها وقايلي انه عايز يتجوزها عليكي لانه مش عايز يخلف منك بس البت خلاص هتتخطب
رفيده بعصبيه وغل: ااه يحبيبه الكلب انتي اما وريتك مبقاش انا وبصت لهند وتابعت عايزه منك خدمه يخالتي
هند بصتلها وتابعت بدموع والنبي يارفيده حلي عني الساعه دي وسبيني في المصيبه اللي رانيا حطتني فيها دي
رفيده بلهفه هساعدك فكل اللي تعوزيه والله بس ساعديني انتي الاول في الطلب ده وبردو ان عصام يرجعلي انا كده كده علي ناويه اربيه ومبقتش احبه ولا طيقاه
هند بتنهيده طلب ايه يارفيده
رفيده بخبث هقولك
--
عند حبيبه كانت قاعده على سريرها حاضنه رجليها ودافنه راسها وبتعيط والباب خبط فتابعت بدموع ادخل
فدخل علي الاب وتابع بقلق ينفع اقعد معاكي شويه؟
حبيبه بصتله واترددت توافق بس هي حاليا محتجاله وتعبانه فوافقت وتابعت بدموع ادخل يا بابا
علي ابتسم بفرح من الكلمه ودخل قعد جنبها وبقى يمسح على شعرها وتابع بحزن مالك يانورعين بابا فيكي ايه ومخاصمه الاكل ليه
حبيبه بصت لصورتها هي وعلي المتعلقه على الحيطه والدموع متجمعه في عينيها وتابعت حاسه اني مشيت مشوار طويل اوي مكنش لازم امشيه
علي بابتسامه حزينه :علي عملك ايه؟
حبيبه بقهر قول معملش ايه؟ علي من يوم ماخطبني وهو اول حد يطلع فيه عصبيته انا واول حد يجي عليه انا ومن غير مايفهمني مع اني عيشت ارضيه
علي باستغراب واتعصب عليكي ليه ان شاء الله ؟
حبيبه بدموع هو الاول ضربني قدامكم علشان اللي انا قولتوا وانا فعلا غلطانه بس رماني ولا فكر يصالحني ولا يقولي انا عملت كده علشان انتي غلطتي لا قسي علياا وسابني انا اروح اكلمه ودلوقتي عرف اني قولت حاجه هو قيلهالي سر يعني فبهدلني وشبه فسخ الخطوبه
علي بتنهيده اقولك رايي ومتزعليش يحبيبه؟
حبيبه هزت راسها بلايجاب بدموع
علي تنهد وتابع الراجل مننا يابنتي بيبقى ليه هيبه سواء في مركز في شغله او لو كبير عيلته وبيتعامل مع الكل بحدود الهيبه دي بس لما بيحب بيتنازل عن جزء كبير من هيبته ويبين الجزء اللي مخبيه عن الكل قدام اللي بيحبها وعلي عمل معاكي كده وبيحبك وشايف في عينيه نظرات خوف عليكي كانه ابوكي مش خطيبك بس لما انتي متحترميش وقفته وهنتي اهلك قدامه كان لازم يوقفك عند حدك لان هما اللي ربوكي مش انا والحاجه التانيه انك قولتي سر قالهولك دي بنسبالي كارثه اكبر يعني هو بيفضفضلك وبيقولك حاجه واياكي تعرفيها لحد وانتي تقوليها طب هو ده ينفع ؟ ده الست مفروض ستر وغطا على جوزها
حبيبه بدموع مبقولش اني مغلطش لا انا غلطت بس ازاي بيعرف يقسى عليا ويبعد عادي رغم اني عمري ماقدرت على بعده ثانيه
علي بابتسامه ده دورك انتي بقى ..يعبيطه مفروض تدوخيه عليكي شويه وضحك وتابع طب ده انا كنت حاد في اسلوبي مع امك اكتر من علي وهي كانت طيبه وحنينه وبتحبني وتراضي فيا علطول زيك كده بس جات مره بقى لقيتها قالبه وشها في وشي وتحط الاكل وتشيل الاكل وتعمل شاي وساكته اتجننت بصراحه وجريت اصالحها علشان مش متعود على سكوتها بالشكل ده فانتي اه غلطانه وهو عداه العيب الراجل وحقه بس اقرصيه بغيابك حسسيه ان حاضر اديني بعدت زي ماطلبت مني علشان يمسك فيكي اكتر
حبيبه بدموع طب واعمل كده ازاي مش فاهمه؟
علي هو قالك انه سابك؟
حبيبه هزت راسها بـ اه وتابعت بدموع قالي هنفكر العلاقه دي هتنفع ولالا وانسي حد اسمه علي وكده
علي بتنهيده خلاص هاتي دهبه ومتفتحيش بوقك انا هتصرف
حبيبه بصدمه انت هتفسخ الخطوبه يابابا !!
علي بضحك يابت متخافيش وسيبيني اتصرف علشان احسسه انك وافقتيه وهتضيعي منه فعلا ياهبله
حبيبه بخوف ودموع وافرض زعل وخده فعلا؟
علي بابتسامه في الحالتين انتي كسبانه
حبيبه بدموع ازاي بقى
علي بحب لو خده ومشي يبقى ميستاهلش حبك ونظرتي فيه كانت غلط ولو سابه وصمم ان مشاكلكم ليها حل يبقي عرفتي تختاري صح فـ في الحالتين انتي الكسبانه
حبيبه بوجع ايوه بس علي هيتصدم اني قلعت الدهب كده دي عمرها ماحصلت
علي بتنهيده علشان كده عمره ماهيتخيل ان خلاف بينكم ممكن يدمر الدنيا لا خليه يشوف انك فعلا ممكن تضيعي ورغم انك غلطتي على فكره هو مغلطش معاكي انتي تستاهلي بس لاجل انه قالك هفكر ونشوف هتنفع ولالا والجو ده فـ لا يحبيبي انا بنتي الف مين يتمناها متفكرش
حبيبه هزت راسها بلايجاب وتابعت بدموع عندك حق حتى انا قولت فعلا المره دي مش هفرض نفسي عليه وقامت من على السرير جابت علبه الدهب بتاعتها لانها مش بتلبس الباقي وقعدت جنب ابوها وحطت ايديها على الدبله وهي مقهوره ودموعها بتنزل وقلعتها هي والمحبس وحطتها في العلبه وغمضت بقهر فابوها طبطب عليها وخدها في حضنه وباس راسها بعمق وتابع بوجع حقك عليا انا يحبيبتي اهدي
حبيبه بعياط وقهر بحبه اوي يا بابا بحبه اوي وتعبت منا ماوصلت لهناا بس يظهر علشان انا بس اللي حبيته فموجوعه بالشكل ده
علي بحنان مين قالك كده؟ علي بيموت فيكي وهتشوفي وهينجح في الاختبار انا بس مصمم علشان اعملك كرامه قدامه لانه مينفعش يقول لبنتي كده ونفضل تحت رحمته
حبيبه بعياط عندك حق فابوها فضل يطبطب عليها وتابع اهدي بقى يحبيبه وروحي اغسلي وشك يلا كفايه عينك ورمت وانا طالع اكلمه اهو فحبيبه هزت راسها بماشي وقامت دخلت الحمام وهي بتعيط وعلي خد العلبه وخرج للصالون
هاله شافت العلبه في ايديه اتصدمت وشهقت وضربت على صدرها وتابعت يعني يا رااجل اقولك ادخل طايب بخاطر البت شكلهاا متخانقه مع خطيبها تجبلي دهبها وتخرج ياعلي !!
علي بحده تسمحي تسكتي انتي ومتدخليش
هاله بصدمه متدخلش ايه بس !! ليه كل ده يعلي عملهاا ايه الواد؟ وهي بتموت فيه ازاي طاوعتك وقلعت دهبهاا
علي بتنهيده هاله قومي شوفيلك حاجه اعمليها وهاتي فونك اكلم الراجل علشان رقمه مش معايا
هاله بصدمه يعلي اياك تجيبه تديه الحاجه ينهاار اسود هو احنا هنلاقي زي علي تاني فين
علي برفعه حاجب لا هنلاقي كتير ياختي بنتي زي القمر والف مين يتمناها روحي انتي بس اعملي الغدا يلاا ومتدخليش في كلام الرجاله ده
هاله اديته الفون وتابعت بذهول والله انا ماعارفه اقول ايه اول مشكله احطه فيها هيفسخلي خطوبه البت ربنا يسامحك يعلي بجد ودخلت المطبخ وهو قعد واتصل بعلي
وعند علي كان قاعد على البحر وسارح في افكاره ومش قادر يهدي النار اللي حاسس بيها ونفسه يكلم حبيبه بس مانع نفسه باعجوبه ولقي فونه بيرن فتوقع تكون هي فمسكه لقي هاله فابتسم لانه فكرها بتتكلم من فون امها ورد: الو
الاب بتنهيده :ايوه يعلي يا ابني انا ابو نيره معاك
علي استغرب وتابع ايوه ياعم علي ازيك اخبارك ايه
الاب بتنهيده بخير الحمدلله .. كنت عايزك تعدي عليا شويه لو فاضي
علي بابتسامه تحت امرك ياعم علي انا مش في البيت بس فمسافه السكه واكون عندك
الاب بابتسامه ماشي يا ابني يلا سلام
علي سلام وقفل معاه وقام يمشي وهو مستغرب يتارا هيعوزوا في ايه وركب ميكروباص رايح عندهم وسند راسه للشباك وسرح فكل اللي هو فيه وحس قد ايه بيتمني يرمي نفسه في حضن حبيبه ويشتكيلها قد ايه انه موجوع من اللي عرفوا وفاق من سرحانه على صوت ست كبيره بتقول: معلش يحبيبتي اقعد مكانك شويه بس لسه مشواري طويل صدقيني ورجلي تعباني
البنت بضيق ماقولتلك انا كمان تعبانه ماتشوفي غيري ايه الاستفزاز ده ده انتي حتي راكبه بنص الفلوس عايزه تقعدي كمان!!
علي بحده ايه يماما ايه واحده واحده اهدي بس كده على نفسك دي ست قد والدتك ارحموا من في الارض يرحمكم من في السمااء مش كده تعالي يا امي مكاني انا
البنت بضيق عملت دور بطولي يعني مبروك
علي بحده هشش محدش قالك اتنيلي قومي فمسمعش حسك وقام وبقى يسندها
الست بحنان :روح يا ابني ربنا يكرمك بالبنت اللي تستاهل اهم سبع دقايق في حياتك
علي مفهمش الدعوه بس ابتسم وقعدها مكانه وباس على راسها وتابع بحب انا ربنا كرمني بيها بس ادعيلنا يكملنا على خير ويجمعنا في بيت واحد
الست بابتسامه يارب يجمعك انت وهي في بيت واحد عاجلاً ليس اجلا يارب
علي بحب اللهم امين ياست الكل وشويه ووصل عند بيته فنزل وراح لحبيبه وخبط
علي فتحله الباب وتابع ادخل يا ابني تعالى
علي دخل معاه وقعدوا في الصالون وتابع اؤمرني ياعمي
الاب الامر لله يا ابني بس حبيبه حكتلي عن خلافكم اه مش بالتفاصيل بس قالت انها نقلت سر انت قولتهولها وهي غلطانه وتستاهل كسر رقبتها بس مكنش ينفع تقولها انا هشوف بقى ينفع نكمل ولالا على راي المثل حبيبك على عيبه حتى لو هي بنت كلب وانت عايزها هتاخدها وانا لما لقيت البت جاتلي بتعيط كده مستحملتش وبصراحه هقولهالك في وشك قولتلها احنا مش تحت امره يفكر ولالا فخدت منها دهبك اهو وجاب العلبه من جنبه حطها قدام علي اللي اتصدم بشده وتابع الاب بتنهيده وهعملك اللي انت عايزه من غير ماتكون محطوط في موقف محرج
علي بصدمه لا لحظه بس هي حبيبه قلعت دهبها !!
الاب بتنهيده انا اللي قولتلها لانك وارد تكون عايز تنفصل ومحرج بحكم انها حبيبه مش بنت غريبه
علي بذهول انفصل ايه ياعم علي!! هي اه غلطت واكسر رقبتها ونتخانق ونختلف بس منسيبش بعض!! هي ازاي قدرت تقلعهم مش فاهم!!
الاب بتنهيده انت عايز ايه يعلي ماترسيني يا ابني
علي: عايز حبيبه يا عم علي ..عايز اتجوزها لاني محبتش ولا هحب قدها واذا كان على الجمله اللي قولتها فكانت بغرض اني اربيهاا لانها غلطت اوي.. انما اسيبها؟! ده انا اموت لو سيبتها وتنهد بوجع وتابع يا عم علي انا مفيش حاجه في الدنيا مخلياني عايز افضل عايش غيرها.. دي حب عمري
الاب ابتسم بفخر وتابع يعني هتكمل انادي البت يعلي؟
علي بوجع انا كده كده هكمل وعمري ماكنت هسيبها بس متنديهاش انا موجوع منها وزادت ان كمان قلعت الدهب فمعلش سيبنا نهدي شويه
الاب انا اللي قولتلها يعلي
علي بوجع وانا فاهم ومقدر خوفك على بنتك لاني مش هستحمل حد يقول لبنتي افكر في علاقتنا بس المفروض هي عارفه علي .. انا بحبها اكتر ما هي بتحبني بس يمكن مش ببين زيها عن اذنك يا عم علي وعقل بنتك وقام وقف
الاب بابتسامه اذنك معاك يا ابني وعلي مشي فخرجت حبيبه ودموعها بتنزل ومبتسمه فتابع ابوها بضحك سمعتي بودنك بقى؟ بطلي وسواس ناحيه الراجل
حبيبه دموعها نزلت بفرح من تمسك علي بيها وراحت حضنت ابوها وتابعت بدموع شكرا بجد
علي ابتسم وحضنها جامد وباس راسها بعمق وتابع بحب بس يا هبله ده انتي بنتي
-
عند مالك وسلمى
مالك كان واقف بيعمل قهوه في المطبخ وسلمى في اوضتها طلعت من الشاور وواقفه محتاره قدام الدولاب تلبس ايه فنفخت بضيق وهي بتبص على كل موديلات اللانجري اللي مش عجباها وتابعت :اووف مانا بردو اللي غلطت لما خليت اسيا وحبيبه اللي يختارولي البس الكلام ده ازاي بجد!! وحطت ايديها على جبينها وتنهدت وتابعت اهدي يسلمى اهدي واتعاملي عادي كأنك لابسه بيجامه اهدي وسحبت واحد اسود حمالات رفيعه جدا وفيه دانتيلا على الصدر وضيق بياخد شيب الجسم وفوقيه روب شيفون وبصتله بتوتر وعدم رضا ونفخت وتابعت والله مانا متراجعه هلبسه هي ليله سودا من اولها اصلا فهيليق وقلعت البورنص ولبسته بالفعل وشهقت من شكلها لما بصت في المرايه كانت قمه في الاغراء والانوثه خصوصا ان بشرتها البيضه لايقه على سواد القميص وقلبها دق بعنف من التوتر وتابعت اهدي والنبي ده جوزك مالك يا سلمى في ايه مش كده وقعدت على كرسي التسريحه وحطت ميكاب رقيق وروج احمر داكن لايق على لون بشرتها وفردت شعرها بتمويجه وحطت وبرفيوم هادي وخدت نفسها بعمق وطلعت من الاوضه بخطوات هاديه لحد ماوصلت للمطبخ ولقيت مالك واقف قدام القهوه فتنهدت بعمق ودخلتله وتابعت بتعمل ايه؟
مالك بابتسامه بعمل ..وسكت لما لف وشه شافها واتفاجئ وانبهر بشده من شكلها وسلمى اتوترت من نظراته بس حاولت متبينش فابتسم وبقى يقرب عليها بخطوات هاديه وهي بترجع لورا لحد ما حاصرها بين ايديه وتابع بهيام: بعمل نفسي مش واخد بالي من حلاوتك علشان متهورش
سلمى بصتله بتوتر وتابعت وتعمل نفسك مش واخد بالك ليه انا راضيه
مالك بابتسامه ده بسبب علي مش كده؟
سلمى بتوتر مش بالظبط انت بردو جوزي وليك عليا حق و..
مالك حط ايديه على شفايفها وتابع بهمس هشش انا مش عايزك تجيلي علشان انا جوزك وده حقي يسلمى ..انا عايزك تبقي عايزاني زي مانا عايزك ومطمنه وراضيه فبطلي عبط كده وادخلي البسي يلا
سلمى الدموع اتجمعت في عينيها وتابعت ليه هو انا شكلي وحش؟
مالك بانهبار شكلك وحش ايه !! ده مين ابن ستين كلب يقدر يقول كده؟ ده ربنا يعلم انا ماسك نفسي عنك ازاي بس مش عايز اول يوم لينا يبقى وانتي مش مستعده وضحك وتابع فبقولك البسي علشان مشاعري انا وكده
سلمي ابتسمت بحب وتابعت صدقني انا راضيه يا مالك متقلقش عليا
مالك بحب صدقيني انتي مش وقته لسه بدري والايام جايه كتير وانا مش هبطل احاول ولما احسك مهيئه هكمل من نفسي هو انا اكرهه؟ ده انا بتمنى اليوم ده كل يوم بس انتي ونفسيتك وصحتك عندي اهم مليون مره
سلمى لفت ايديها حوالين رقبته وحضنته جامد فمالك ضمها ليه اوي ووطى راسه دفنها في حضنها وباس رقبتها بعمق فسلمى تأوهت وضربت ضهره بايديها وتابعت بضحك ماالك
مالك رفع وشه وتابع بضحك عيون مالك هاتي بوسه وروحي غيري يلا
سلمى بضحك لا كفايه بتاعت رقبتي دي اوعا خلاص
مالك بضحك وذهول شوف البت اللي سايبها بمزاجي بتقولي ايه على بوسه !! لا انا ميتقاليش لا
سلمى بضحك انا بقولك لا اهو هتعمل ايه؟
مالك بضحك هعمل كده ومسك ايديها الاتنين في ايد واحده ورفعها لفوق راسها وقرب باسها بحب وسلمي اتوترت وهزت راسها بالرفض فبعد راسه وبصلها بمعنى في ايه؟
سلمي بخوف ودموع لا يمالك متمسكش ايدي بالشكل ده تاني ارجوك
مالك تنهد بعمق وتابع شوفتي بقى انا مش عايز المسك ليه؟ كلام فاضي اهو وبيفكرك ويضايقك
سلمى بدموع ولهفه لالا يحبيبي انا راضيه والله بس الحركه دي بالذات بكرهاا اوي علشان يوميها معرفتش اتحرك بسببها وو
مالك بتنهيده خلاص يسلمى وخدها في حضنه فدموعها فضلت تنزل وهي ماسكه في تيشرته بـ قبضه ايديها فمالك ضمها لحضنه وباس راسها بعمق وتابع اهدي خلاص محصلش حاجه وسمع صوت القهوه فارت فبصلها وتابع بضحك اهو شوفتي حلاوتك نستني القهوه اهو
سلمى ابتسمت من بين دموعها وتابعت هعملك انا غيرها يحبيبي حقك عليا
مالك بحب لا خلاص لما ارجع يعمري تعالي اختاريلي طقم انزل بيه بقي
سلمى بذهول تنزل فين يامالك ؟؟ انهارده صباحيتنا وانت هتنزل !! انت بتهزر صح ؟!
مالك بابتسامه والله ما هتاخر بس لازم انزل ضروري علشان الشغل واقف فهروح ساعه وجاي علطول وغلاوتك عندي
سلمى بحده هو مفيش غيرك يعني يا مالك !!
مالك بتنهيده والله يحبيبتي فعلا مفيش غيري دي شركه ابويا الله يرحمه مين هيديرها غيري يعني؟
سلمى بضيق خلاص انزل يلا وسابته وخرجت تروح اوضتها
مالك وهو ماشي وراها تابع سلمى..سلمى مش عايز قمص استني بس هقولك
بس سلمى مردتش عليه وسحبت كاش نص كوم ولحد الركبه ودخلت الحمام وقفلت فوصل كان الباب اتقفل في وشه بالظبط فخبط وتابع طب افتحي يسلمي
سلمى بحده مش متنيله وانزل شوف وراك ايه يلا ماحنا فعلا معندناش حاجه نعملها زي بقيت العرسان هتقعد معايا ليه مثلا
مالك اتفاجئ وفضل يضحك وتابع يابنت الجزمه ياتربيه ناقصه انتي عارفه اني مش بتاع كده والقاعده في وشك بالدنيا بس والله مضطر
سلمى قلعت القميص والروب بعصبيه ولبست الكاش وخرجت وتابعت مالك حل عن دماغي عايزه انام يلا روح شوف وراك ايه يلا وراحت على السرير ونامت واتغطت
مالك بحب طب مش عايز زعل طيب وراح جنبها وباس كتفها الظاهر من الغطا فحركت كتفها برفض ففضل يضحك وتابع بقى كده يعني؟ ماشي يسلمى اروح مشواري واجي اعلق امك وهندخل خلاص انا رجعت في كلامي
سلمى بضيق تصدق خوفت !! تدخل ولا متدخلش مش فارقلي كتير كله محصل بعضه
مالك قرب منها واعتلاها وتابع بضحك متاكده يعني
سلمى بخوف لا مش اوي
مالك فضل يضحك بشده وتابع شوف البت لسه حتى مقولتش بسم الله وكشت وقام من عليها وتابع بضحك ده انا ربنا يكتبلي الجنه على اللي بشوفه ده والله وقلع تيشرته علشان يجيب هدوم فسلمى بصتله ورايحه تتكلم اتكسفت انه عاري الصدر فهشقت بحرج وغطت وشها ففضل يضحك بشده وتابع ايوه ايوه غطي وشك .. انا لو جدي عرف ان مراتي غطت وشها مني في صباحيتي ولسه مقربتش منها لدلوقتي يضربني بالنار
سلمي بحرج والله انت ما اتربيت
مالك بضحك هنبقى انا وانتي ياروحي؟ وبدا يلبس وتابع ده انا متربتش ولسه مدخلتش دنيا اومال لو متربي هنجيب علي يشجعنا احنا الاتنين ولا ايه
سلمى فضلت تضحك بشده ومالك لبس وراح باس راسها وهي متغطيه وتابع مش هتاخر عليكي والله
سلمى ادته ضهرها وسكتت فضحك وتابع لما اجي احايل فيكي بقى هتاخر كده وخرج من الاوضه فكشفت وشها من الغطا وتابعت بضيق انسان معندوش دم والله
--
وفات اليوم وجينا لتاني يوم الصبح عند حبيبه في الجامعه كانت قاعده مع شمس وكنزي في الكافيه بين المحاضرات وبيتكلموا
شمس بضحك ايوه كلمتها بنت الجزمه تقولي انتوا بتصحوني ليه روحوا محاضراتكم وسيبوني نايمه في حضن جوزي
كنزي بضحك ربنا يسعدها سلمى طيبه وتستاهل كل خير
شمس بحب اه والله عندك حق ولفت نظرها سرحان حبيبه فطرقعت صوابعها قدامها وتابعت حبيبه
حبيبه اتخضت وتابعت ايه يخربيتك
كنزي مالك يحبيبه انتي متخانقه مع علي؟
حبيبه رجعت شعرها ورا ودنها وتابعت بوجع اه يعني وتنهدت بوجع وتابعت والمره دي غير كل مره
كنزي لفت نظرها ايديها الفاضيه فشهقت وتابعت نهارك اسود ده كده مش خناق دبلتك فين يحبيبه ؟!
شمس بصدمه انتي قلعتي الدبله انتي بتهزري ؟!
حبيبه بضيق يجماعه مختلفين جامد فقلعتله الدهب بس هو مخدهوش والله فشويه مشاكل وهتتحل متقلقوش
شمس بصدمه منقلقش ازاي ده حضرتك قالعه دبله علي انتي مستوعبه !!
حبيبه بتنهيده علشان المره دي الموضوع كبير انما مفيش حاجه والله الدهب في البيت بس انا عايزاه هو اللي يلبسهولي
كنزي بحزن ربنا يهديكم لبعض يارب
حبيبه بتنهيده حزينه: اللهم امين يارب وبصت في فونها وتابعت الساعه 11 انا تعبانه مش قادره اكمل اخر محاضره بصراحه هقوم انا امشي
شمس شافت صورتها مع علي اللي على الشاشه فابتسمت بفرح وتابعت بضحك مشالتش صورتهم اهو الحمدلله يبقي مسابوش بعض
حبيبه بضحك انتي هبله يابت هو احنا لو سبنا بعض مانا هقولك هخبي ليه
شمس بحزن بصراحه قولت علشان لسه مش رسمي وكده
حبيبه بتنهيده لا مقدرش على بعده والله مانتي عارفه
كنزي وقولتيله انك نازله الجامعه على كده؟
حبيبه بتنهيده قولت لاسراء تقوله انا مبكلموش
شمس بابتسامه بس شاطره علشان ميمسكش عليكي واحده ويقولك مش معني ان متخانقين يبقي متعرفنيش رايحه فين وجايه منين وكده
حبيبه وهي بتقوم تابعت لا مانا حفظت بقى فبقيت اريح دماغي المهم ماشيه انا هاا
كنزي يابنتي ماتخليكي دي دكتور ريم شاطره جدا وهتفهمي منها الماده دي
حبيبه بتعب لالا مبقتش قادره والله يلا عن اذنكم وابقوا ابعتولي المحاضره دي
شمس بحب اذنك معاكي ياروحي خلي بالك من نفسك
حبيبه بحب حاضر عيوني ومشيت وكانت عايزه تكلم علي بس اترددت واخر ما تعبت من الصراع اللي في دماغها مسكت فونها ورنت بس قبل ما الجرس يرن فصلت وتابعت بضيق لالا مش عايش عليا دور اللي عنده كرامه خليه وشالت الفون في شنطتها وماشيه في الشارع وفاجاه حد حط ايديه على بوقها وشدها لحاره فحبيبه اتخضت وفضلت تصرخ باعتراض وتحاول تفلت منه وان صوتها يتسمع بس كان كاتمه باحكام وخرج مطوه من جيبه وطعنهاا فجسمها اتنفض فطعنها الطعنه التانيه وسابها تقع على الارض ومشي
-
وعند زياد كان قاعد في البلكونه بيشرب سجاير وبيتكلم مع شهد
شهد بتوتر طب ايه مطلعش لغايه دلوقتي؟
زياد بحده يابنتي متوترنيش زياده على توتري لا متنيلش اهدي انا في الشات بتاع الدكتور اهو ببعتله
شهد بخوف خير باذن الله
زياد بتنهيده يارب وثواني واتبعتله ملف Pdf فتابع بلهفه اتبعت اهو يشهد
شهد بلهفه طب الحمدلله ها طمني
زياد رايح يدوس عليه لقى مسدج من الدكتور مضمونها "حضرتك بتعاني من عقم فعلا يفندم بس متفقدش الامل بالعلاج هتقدر تخلف انما بالنسبه دي مستحيل" فاتصدم بشده وسكت
شهد بقلق زياد انت معايا؟
زياد بجمود اقفلي يشهد
شهد بخوف زياد التحاليل مالهاا؟؟
زياد بعصبيه يشهد قولت اقفلي مش وقتك بقيي وقفل في وشها السكه وقام فشهد اتخضت وتابعت بدموع وخوف لالا انا لازم اروحله وحطت ايديها على جبينها وتابعت بخوف ينهار اسود ده كده هيقتلهاا وهيودي نفسه في داهيه المتخلف وجريت على دولابها وبقيت تلبس بسرعه
وعند زياد دخل اوضته لقاها قاعده بتعمل شعرها فمسكها منه بعنف فصرخت بألم واتخضت فتابع بعصبيه انا عايز افهم دلوقتي انتي حامل ازاي هاا ردي علياا