رواية رقية بقلم اميرة خالد
رواية رقية الفصل السابع والعشرون27 بقلم اميرة خالد
عدى كم يوم والحياه مستقره ورقيه معاملتها مع فهد هاديه وهو كان مبسوط انه فاكر انها تقبلت الموضوع جوازهم اما يارا في حياتها كانت في حزن وطول الوقت في الاوضه وقفل التليفون ونيره اختها جات لها وعرفتها ان جوزها سافر وانه متضايق ويارا قررت انها تسافر ورا عشان تصالحه وصاحبتها قطعت علاقتها بيها نهائي
اما عاصي فكان متضايق من فكره انه يخطب هنا ولقي نفسه بيفكر في رقيه مش عارف يطلعها من دماغه
اما منه وخالد في حياتهم مستقره وخالد اشترى عربيه جديده ومنه نزلت شغلها في المستشفى
اما سلوى بقت تتجنب ولادها وخايفه من رده فعله النوم يعرفوا اي حاجه وجابر نزل فتح المحل هو وام محمد واشتغل فيه في ما يرضي الله كل ده عشان خاطر يعيش مع ولاده مرتاح البال
اما طه الدسوقي هو واللواءات حطوا خطه عشان يوقعه المنظمه ديت وطه عرف بالصفقه الجديده اللي عايزين يدخلوها باسم شركه العزايزي فقرر يتصل برقيه عشان يقابل فهد
اما هادي هو وحليمه بيتفقوا يخلصوا بالرقيه بعد ما يخلصوا الصفقه بتاعتهم
والنهارده صحيت رقيه من النوم وبصت جنبها شافت فهد نايم دخلت الحمام اخذت الدش وغيرت هدومها وبصت في الساعه لقيتها 5:00 صباحا نزلت المطبخ عملت كوبايه عصير وساندوتش وهي خارجه شافت باب اوضه جدها مفتوح وراحت

وقالت له صباح الخير يا جدو رد عليها صباح النور يا حبيبتي تعالي انا عايزك في موضوع رده رقيه حاضر يا جدو بس ثواني اجيب لك كوبايه عصير وساندوتش رد حمدي ماشي يا حبيبتي وراحت رقيه المطبخ عملت له كوبايه عصير وساندوتش وخرجت ودخلت الاوضه واديته له
واتكلم حمدي قولي لي يا رقيه ابوك كان مخبي عليا ايه استغربت وقالت له قصدك ايه يا جدو هو ابويا هيخبي عليك ايه يعني رد عليها ابوك ما سابش البيت بسهوله دي غير ما يكون حصل حاجه كبيره ردت رقيه ما اعرفش يا جدو حاجه عن الموضوع ده وبابا الله يرحمه مش هقدر اساعدك في الموضوع ده
رد حمدي طب يا حبيبتي تعالي احكي لي كنت بتعملي ايه السنين اللي فاتت كلها وحكت لحمدي عن حياتها وهو كان مبسوط بحفيدته اللي كانت ب 100 راجل وما زالت قال لها طب ايه رايك تنزل الشركه مع فهد عشان تفهمي الشغل اكتر ردد رقيه مش دلوقتي يا جدو اطمن بس على منه عشان قالت الهلالي كانت بينا مشاكل كثيره
رد حمدي انا هنزل معاكي مصر عشان نفسي اشوف احفادي ردت رقيه ماشي يا جدو يا ريت ما تقول لهمش حاجه عن الموضوع ده لغايه اما انا اقول لهم الاول رد حمدي حاضر انا عايزه اشوف صور اخواتك ردت رقيه من عيني الاتنين وطلعت له التليفون ووريته له صوره زياد ومنه وحمدي دمع ان زياد في شبه من سلطان تصدقي زياد حته مني وانا صغير رديت عليه ما ده اللي انا كنت بستغربه ازاي يبقى ابن جابر وهو مش شبهه
بس وهو شبهك قوي حتى في كلامه تصرفاته ضحك حمدي وقال لها عشان تعرفي ان احنا دم واحد وشبه واحد ردت رقيه معاك حق يا جدو وقال لها انا عايزه اسالك سؤال يا رقيه ردت عليه اتفضل لجدو قال لها انا شايف ان الحياه هديت بينك وبين فهد تقبلتي فكره جوازكم ولا لسه ردت عليه بصراحه يا جدو فهد انسان كويس وفي حاجات كثيره من ابويا بس انا ما بفكرش في الحب دلوقتي على قد ما بفكر في المسؤوليات اللي ورايا واخواتي محتاجيني
رد حمدي انا موجود وفهد كمان يعني انا ابقى في ظهرك ردت رقيه مش عارفه يا جدو احدد مشاعري من ناحيه فهد انا شايفاه سند واخ ولسه مش حاسه بمشاعر الزوج والزوجه رد حمدي بس خدي النصيحه من الناس مرت في الدنيا دي كتير وعارفه الانسان الوحش من الحلو من نظره واحده وبقول لك ادي لقلبك فرصه يحب فهد وانت هتعيشي مرتاحه وانا كمان اموت مستريح ان فهد مخلي باله منك ردت عليه حاضر يا جدو وفضلوا يتكلموا كتير
وبعد وقت صحي فهد من النوم وبص جنبه وما لقاش رقيه قام دخل الحمام اخذ دش وخرج دخل اوضه اللبس وطلع اللبسه واللبس وخرج فتح التابلت وكلم اخوه وهو بيخلص الشغل معاه وبعد وقت

خلص وبص في الساعه لقيها 8:00 الصبح فقرر ينزل عشان يفطر ويروح الشركه ينزل العيله كلها قاعده على السفره وقال صباح الخير الكل رد عليه صباح النور وقال الجد احنا مسافرين النهارده انا ورقيه وفهد القاهره ردت حليمه ليه يا بابا في حاجه قال لها ما فيش هنطمن على احفادي وهرجع
رده حليمه توصل بالسلامه يا بابا ورقيه كانت مستغربه نظرات هادي وفضلوا يتكلموا في الشغل وفهد قال بصوت واطي صحيت من النوم ما لقيتكيش جنبي كنت فين ردت عليه كنت قاعده مع جدو ما انت عارف اني بصحى بدري قوي رد فهد طيب انا هروح اخلص الشغل واخلي كنان يخلي باله منه واجي عشان نسافر ردت عليه ممكن تخليك انت واسافر انا مع جدو
قال لها ما ينفعش وهو بيمسك ايديها انتي مراتي ولازم اكون معك في كل حته اتكسفت رقيه وقالت له حاضر وبعد وقت خلصوا والكل راح على شغله ورقيه دخلت اوضتها ومسكت التليفون وكلمت طه وقالت له انا جايه القاهره النهارده مش لوحدي معايا جدو وفهد
رد طه كويس جدا وخلي بالك انتي هتكونوا متراقبين انا عايز طريقه اقابل بيها فهد ما يكونش حد مراقبه فيها ردت رقيه تمام هقول لك هعمل ايه وهكلم حضرتك قال لها ماشي صاحبتك مصدعاني وعايزه اجي لك باي طريقه ردت رقيه انا عارفه قل لها ان انا جايه رد طه ماشي يا رقيه خلي بالك من نفسك واقفل معاها
اما في بيت رقيه سلوى كانت في المطبخ بتحضر الفطار لعيالها وقالت لهم ان رقيه جايه النهارده وهم فرحوا وقالت منه طب انا مش رايحه المستشفى وهقعد معاكي يا امي عشان نحضر الغداء ردت سلوى ماشي يا حبيبتي و زياد قال لها بابا فين قالت له نزل المحل من الفجر عشان الشغل رد زياد ماشي يا ماما هروح انا الدرس بتاعي وهرجع بدري وان شاء الله تكون رقيه وصلت بالسلامه
ردت سلوى ماشي يا حبيبي ومنه وسلوى فضلوا يتكلموا مش عارفين يعملوا غدا ايه لغايه ما اكرره يعملوا ممبار وكرشه وحلويات
اما في بيت متولي الهلالي كان الكل قاعد وقال ياسين ايه يا جدو عملت ايه في موضوعي رد متولي هتصل بيه النهارده ان شاء الله واحدد معاه ميعاد فرح ياسين ومتولي بص لعاصي وقال له ايه يا عاصي موافق ولا لا رد عليه بصراحه كده يا جدو انا مش موافق والموضوع ده تقيل على قلبي مش عارف ليه اتعصب متولي وقال له هو انت بنت عشان تقولي الكلام ده رد عاصي ده جواز يا جدو وانا مش عارف اتقبل هنا وامشي وخرج وراء ياسين
وركب مع العربيه وقال له مالك يا صاحبي في ايه رد عاصي تعبان قوي ياسين مش عارف اعمل ايه رد ياسين ليه يا صاحبي مالك رد عليه حاسس ان قلبي مش ملكي وان في واحده دخلت في استغرب ياسين وقال له مين ديت اللي قدرت تدخل قلبك بالطريقه ديت سكه عاصي وهو بيردد في عقله وقلبه رقيه
اما في البيت اتكلم محمود في ايه يا بابا ما تسيبه عاصي يختار شريكه حياته زي ما هو عايز يتعصب متولي ازاي يعني انا قلت انه يتجوز هنا يبقى يسمع الكلام اتضايق محمود ومشي وطلع وراه كامل اما ايات كانت بتبعت رساله لرامي اما ندى تليفونها رن برساله وفتحتها ولقت الشركه موافقه على تدريبها وقالت يا جدو في موضوع عايزه اكلمك فيه رد عليها في ايه يا ندى قالت له في شركه انا قدمت تدريب فيها وجالي الموافقه رد الجد مش وقته يا ندى قالت له طيب يا جدو انا هستنى منك الرد بالليل عشان مش هقدر اسيب الفرصه دي تضيع ايدي وقامت
اما في الصاغه وصل عاصي هو وياسين ودخله هو على الورشه يعمل التصميم الجديد وهو عقله بيفكر في رقيه وبعد وقت دخل ياسين ورامي واول ما شافه القطعه اللي بيشتغل فيه وقال ياسين تحفه فنيه يا عاصي دي هتعمل ضجه كبيره في المعرض رد عاصي ما دي مش للبيع واقام اداها للاسطى محمد يلمعها ويجيبها له

ورد رامي ليه رد عاصي مش عارف بس مش عايز حد ياخدها غير اللي تليق عليه وفضل يتكلموا في الشغل اما عند فهد في الشركه قال لي كنان خلي بالك انت من الشركه وانا هسافر القاهره اشوف شركه الديكورات عشان فيها مشاكل رد كنان ماشي يا صاحبي ولو احتاجت حاجه ابقى اتصل علي قال له ماشي خرج فهد وراح على الفيلا
وبعد وقت رقيه جهزت وخرجت هي وجدها سلموا على العيله وركبه العربيه مع فهد
اما في بيت الهلالي بيتصل متولي باللواء طه الدسوقي وقال له انه عايز يحدد معاه ميعاد ويجي لهم البيت ورد طه اتفضلوا وان شاء الله الميعاد يوم السبت رد متولي تمام يا سياده اللواء واقفل معاه ودخلت عيشه ومعاها القهوه وقالت له اتفضل يا متولي
قال لها مالك يا عيشه متغيره ليه بالك فتره ردت عليه كثر خيرك انك عارف اني متغيره لواحده قال لها مالك يا عيشه قالت له بصراحه كده يا متولي انا متضايقه قوي من اللي بيحصل في البيت رد عليا ايه اللي بيحصل قالت له قراراتك كلها غلط وانا عارفه ان انت هتزعل مني بس انت قاسي على عاصي والولاد وهم ما يستاهلوش منك كده
رد متولي وهو بيتنهد والله يا عيشه انا عارف الكلام ده بس نفسي اشوفهم ما يرتاحين رده عيشه انا فاهمه كلامك بس دوله جيل وعيالك كانوا جيل تاني رد متولي حاضر يا عيشه هحاول افهمهم اكثر فرحت عيشه وابتسمت
اما في الورشه رامي تليفونه رن باسم والده ورد عليه ايه يا بابا اعمل ايه رد عليه انت اللي عامل ايه يا حبيبي انا في الشقه دلوقتي انا وماما واختك رد رامي بجد يا بابا قال لي بجد انا وعدتك ولازم اوفي بوعدي فرح رامي وقال له طب انا جاي لك حالا يا بابا واقفل معي
وبص العاصي وقال له انت محتاجني في حاجه النهارده رد عاصي لا بس ليه يعني قال له اصل بابا جاء وماما من السفر واختي كمان انا عايزه اروح اطمن عليهم قال له ماشي وعاصي فضل اللي يشتغل في رسومات جديده للشغل وقال له ياسين برده مش عايز تقول لي مين اللي شقلبت حالك كده رد عاصي مش هتصدق ياسين
قال له جرب يمكن اصدقك رقيه بقى لها فتره بفكر فيها ومش عارف اشيلها من عقلي ولا قلبي استغرب ياسين وقال له رقيه انت متاكد ده رد عاصي ايوه متاكد وده اللي مخليني هتجنن اشمعنا هي رد ياسين بس اللي انا عرفته انها متجوزه ابن عمها رد عاصي ما هو ده اللي انا بحاول ابعد عنها حتى بقول عليها كلام مش حلو عشان اشيلها من تفكيري وبرده ما بتبعدش عني
رد ياسين لا يا صاحبي لازم تشيلها عشان هي متجوزه وثانيا انا عارف رقيه مستحيل تفكر فيه بعد اللي حصل بينكم رد عاصي شكلها كده يا صاحبي هفضل لوحدي طول العمر زعل ياسين على صاحبه وخرج وسابوا
وبعد وقت في بيت رقيه منه كانت بتكلم خالد وعرفته ان رقيه جايه النهارده ورد خالد انا جايه لكم عشان اسلم عليها ردت منه ماشي يا خالد وقفلت معاه والدتها ندهت عليها وقالت لها تعالي اسلق الممبار لغايه ما اخلص تقطيع الفشه والطحال ردت منه حاضر يا ماما
وفي بيت متولي خرج من المكتب وهو بينده على ندى وقال لها انا موافق يا ستي تروحي التدريب فرحه ندى وجريت حضنت جدها وقالت له وهي بتبوسه من خده انت احلى جد في الدنيا كلها ضحك متولي وقال لها ماشي بكاشه والكل فرح من تصرف متولي
اما بيت رقيه وصلت عربيه فهد ونزلت رقيه وقالت لهم يلا يا جماعه انزلوا وفهد نزل وطلع الكرسي بتاع جدو واساعده يقعد عليه وطلعوا يخبطوا على الباب وسلوى فتحت لهم واول ما شافت رقيه حضنتها وقالت لها وحشتيني يا قلب امك ردت عليها وانتي كمان يا امي واتكلم فهد ازيك يا طنط ردت عليه كويسه وحمدي قال لها ازيك يا سلوى ردت عليه الحمد لله حمدي بيه
وخرجت منه واول ما شافت رقيه جريت عليها ورقيه حضنتها جامد ومنه قالت لها ينفع كده تسيبينا الفتره دي كلها ردت رقيه ان شاء الله مش هسيبكم ابدا وهفضل معاكوا طول العمر ردت منه يا ريت يا حبيبتي وعبودي خرج على صوتهم واجري حضني رقيه و حمدي كان بيبص لمنه ومنه كانت مستغربه اللي كانوا واقفين
وقالت لها من دولتي رقيه ردت عليها معلش انا نسيت تعالي يا ستي اعرفك ده جدي حمدي ابو بابا وده فهد ابن عم سليم وسلمت منه وقالت لهم اتشرفت بمعرفتكم وحمدي شدها الحضنه وقال لها وانا تشرفت بيكي يا حبيبه قلبي ومنه حست بدفء جميل في حضنه بس بعدت عنه وهي مكسوفه
ورقيه قالت لهم انا شامه ريحه اكل جميل رد عبودي اه طبعا يا ستي ماما عامله الاكل اللي انت بتحبيه بس على فكره رقيه انا مش هاكل الاكل ده ردت عليه ليه يا حبيبي قال لها انا عايز بيتزا او اندومي ضحكه رقيه وقالت له ان شاء الله يا حبيبي انت هتاكل من الاكل ده وبعد كده نفكر في الكلام ده
واقرب عبودي من حمدي وقال له ينفع كده يا جدو يرضيك اللي بيحصل في عبودي ضحك حمدي وقال لها لا يا رقيه ما تعمليش كده في عبودي ويا عم ما تزعلش انا هجيب لك كل اللي انت عايزه فرحه عبودي وحضن حمدي فهد وقال لهم طب انا هسيبكم واروح الشركه اشوف ورايا ايه وهرجع لكم
رده سلوى لا يا ابني اقعد النهارده عشان تتغدى وبعد كده ابقى امشي براحتك قال لها حاضر واتكلمت رقيه هو زياد فين هو وجابر ردت سلوى الزياد في الدرس وجابر في المحل ردت عليها طيب انا هروح له عشان اشوف الشغل واقف لفين رده سلوى يا بنتي دول فتحوا المحل بقى لهم كذا يوم هو وام محمد وبينزلوا من الساعه 5:00 الفجر عشان يحضروا الشغل وكمان الصناعيه بيجوا الساعه 8:00 ردت رقيه بجد قالت لها ايوه
ودخلت رقيه الاوضه غيرت هدومها ولبست جلابيه وخرجت اتكلمت في التليفون مع نور وعرفتها انها جت القاهره ونور قالت لها انا جايه لك حالا وقفلت معاها وهي بتضحك على جنون صاحبتها وحمدي كان مبسوط من القعده وعبودي عمال يضحك ويهزر معايا و فهد كان بيخلص شغله عن طريق التليفون

اما عند فارس رجع الاوتيل وبتفاجئ لما فتح السويت بتاعه بوجود يارا وقال لها ايه اللي جابك هنا ردت عليه بدموع انا اسفه يا فارس على اللي انا عملته صدقني انا بحبك وما اقدرش اعيش من غيرك وفضلت تعيط وقال فارس بس انا مش هقدر اعيش معاكي وانتي حاطه قوانين وكمان خلفتي كلامي
ردت يارا بانهيار انا اسفه والله ما هعمل كده وادي التليفون وكسرته مش عايزه حد في الدنيا غيرك وصدقني انا نفسي اجيب بيبي منك انا كنت غلطانه في كل حاجه ما تزعلش يا فارس عشان خاطري ادي فرصه جديده لحياتنا
رد فارس جيتي متاخره قوي يا يارا ويارا عيطت وقالت له مدام مش هيعيش معاك يبقى هموت احسن وجابت السكينه وحطيتها على ايديها وعورت نفسها وفارس جري عليها ومسك ايديها وقال لها بتعملي ايه يا مجنونه وشالها وراح بيها المستشفى ونده على الدكاتره يلحقوه وجه الدكتور واخد منه يارا ودخل اوضه العمليات واخيط لها الجرح وداها دم بدل اللي راح
وبعد كده خرجت ونقلوها في اوضه عاديه وبعد وقت فاقت وهي بتعيط وقرب فارس منها وقال لها ايه دي بتعيطي ليه قالت له انت انقذتني ليه كنت سبتني اموت عشان مش هقدر اعيش من غيرك صعبت عليه فارس وقال لها خلاص يارا هدي لحياتنا فرصه تانيه بس تكوني فاهمه ان ما فيش صحاب ولا نادي وهنخلف رده يارا وانا موافقه المهم ما تسيبنيش وحضنت فارس وهو حضنها جامد ودفن راسه في رقبتها وهو بيشم ريحتها اللي اشتاق لها
ودخل الدكتور واتكلم فارس ايوه يا دكتور هي حالتها ايه رد الدكتور الحمد لله انها عدت على قد كده وانها ما خسرتش الجنين بسبب الحاله ديت اتصدموا الاثنين واتكلم جنين ايه قال له المدام حامل في شهرين فرحوا ويارا حمدت ربنا وحضنت فارس
وقال لها انا هروح الاوتيل اجيب هدوم بدل اللي اتوسخت ديت وهجيب لك اكل عشان تتغذي انتي والبيبي ردت يارا انا فرحانه قوي ان ربنا كرمنا وصدقني حياتنا هتتغير للاحسن رد فارس يا ريت وهم هيبداوا حياه جديده مع بعض
انا بعد ما مشي فارس يارا ماسكه التليفون واتصلت على ابوها وقالت له كل اللي حصل وهو فرح عشان بنته رجعت لجوزها وكمان ربنا رزقها بيبي وقفل معاها ويارا اتصلت على نيره وقالت لها ونيره زغرطت وضحكت يارا وقالت لها بقيتي بيئه قوي
ردت عليها مش مهم المهم ان انتي تعرفي ان انا اللي هربي البيبي احسن تربيه ردت يارا ابدا مش هتلمسيه كفايه بوظت عيالك عايزه تبوظي ابني كمان وفضلوا يضحكوا وقفلت معاهم
ونزلت النيره من الاوضه وهي فرحانه وندهت على ملك وقالت لها ان يارا رجعت لفارس وكمان انها حامل وملك فرحت وحمدت ربنا ان ابنها هيعيش في سعاده مع مراته اللي بتحبه واللي هو بيحبها
اما بيت رقيه الباب خبط جامد وراحت فتحت ولقت نور وقالت لها كده يا كلبه البحر ما تساليش فيا كل ده وحضنتها رقيه وقالت لها انا اسفه يا حبيبتي حقك عليا ما تزعليش رده نور وانا مش زعلانه وعندي مفاجاه حلوه ليكي وقربت من ودنها وقالت لها على فكره انتي نجحتي وطلعتي الاولى كمان فرحت رقيه وحضنتها جامد
وقالت منه ايه يا ست نور متسلمي علينا ولا ايه ردت عليها ازاي يعني لازم اسلم وسلمت على الكل ورقيه قالت لها اقعدي بقى حماتك بتحبك هتاكلي الاكل اللي انتي بتحبيه ردت نور اكل ايه اوعي تقولي لي محشي وبط ضحكت منه قالت لها لا يا اختي عندنا ممبار وكرشه وحلويات سقفت نور وقالت لها هو ده وقعدوا يضحكوا ويهزروا
والباب اتفتح ودخل زياد واول ما شاف رقيه جري عليها حضنها وهي حضنته وقالت له وحشتني قوي يا حبيبي رد عليها وانت كمان يا حبيبتي بس وتعالى عايزه اعرفك واتعرف على فهد وحمدي وحمدي حضنه وزياد كان مستغرب بس حاسه ان في الفه كبيره بينهم وبعد كده قعدوا يتكلموا وحمدي لاحظ ان زياد طريقه قعدته شبه طريقه قعدته هو زمان وكلامه وابتسم
وخرجت سلوى وقالت يلا يا بنات حولوا الاطباق على ترابيزه الاكل ردت رقيه حاضر ومنه مسكه التليفون واتصلت على خالد وقالت له انت فين رد عليها انا لسه داخل البيت اهو وهطلع اخبط افتحي لي الباب قالت له طيب واول ما فتحت له قالت له حماتك بتحبك ضحك خالد وقال لها وانا بحب بنتها قوي اتكسفت منه وقالت رقيه مش وقت وكلام يلا عشان الاكل جاهز
ودخل خالد سلم على الكل وقعد وبعد دقائق وهم بياكلوا الباب اتفتح ودخل جابر وقال زياد كويس ان انت جيت يا بابا تعال عشان تاكل رد جابر حاضر يا ابني هغسل ايدي واجي وحمدي تضايق ورقيه بصيت له بمعنى اهدى ولكل قعد ياكل في جو عائلي جميل في وسط ضحك نور وهزار منه وعبودي وحمدي اللي مبسوط وهو قاعد في وسط احفاده وفهد كان فرحان من القاعده ديه ان عمره ما جربها في حياته
وبعد وقت خلصوا اكل رقيه الاكله دي عايزه كوبايه شاي بالنعناع من ايدك الحلوه يا منه ردت عليها من عيني الاثنين وقامت عشان تعمل الشاي وخالد كان قاعد هو وزياد وجابر مع فهد وحمدي ويتكلم فهد عمرك قد ايه رد عليه انا عندي 30 سنه ودكتور جراحه رد حمدي وانت مش شايف ان العمر بينك وبين منه اكثر من 13 سنه
رد خالد الحب ما يعرفش عمر ثانيا انا بحب منه وعمري ما اقدر استغنى عنها رد حمدي ماشي يا ابني ربنا يكمل لكم على خير وفضلوا يتكلموا
اما في ورشه الصايغه كان عاصي بيخلص الشغل في ايديه وقال بعد ما خلص اتصل بخالد وقول له يرجع البيت عشان مش هينفع يقعد عند رامي النهارده رد ياسين تصدق صح انا نسيت الموضوع ده
واتصل على خالد ورد خالد عليه وقال له تعال على البيت النهارده عشان اهل رامي وصلوا ومش هتنفع تبات معاهم رد خالد حاضر قال له ايه الصوت العالي ده قال له ما فيش يا سيدي ده انا قاعد عنده منه اصل رقيه رجعت من السفر هي وجدها وجوزها قال له ماشي وقفل معايا
وقال له عاصي في ايه رد عليه ما فيش يا سيدي اصل رقيه رجعت من السفر فرح عاصي وقال له انت متاكد قال له ايوه وجت هي وجدها وجوزها كمان زعل عاصي وقال له طيب يلا خلينا نروح وخرج ركب العربيه وروحها على البيت
اما بيت متولي كانت عيشه والحريم بيحضروا الغداء وتليفون متولي رن باسم رامي ورد ايوه يا رامي رد عليه انا مش رامي انا والده ازيك يا حاج متولي عامل ايه رد عليه انا كويس انت اللي عامل ايه يا وحيد قال لي انا كويس بصراحه كده يا حاج عايز اطلب منك ميعاد اجي اشرب القهوه معاك فيه رد متولي تنور يا وحيد هستناك شوف انت عايز تيجي امتى وتعالى قال له خلاص ممكن يوم الاحد اكون عندك
رد متولي هستناك واقفل معاه وقالت عيشه في ايه لا ما فيش يا ستي ده وحيد ابو رامي عايز يجي يشرب القهوه معانا ردت عيشه باستغراب ليه قال لي انا مش عارف ايه الخبر النهارده بفلوس بكره هيبقى ببلاش ضحكه عيشه وقالت له ماشي يلا عشان ناكل والشباب جم وقعدوا ياكلوا
واتكلم الحاج متولي وقال لهم انا اتصلت باللواء النهارده وحددت معاه ميعاد يوم السبت فرح ياسين وقام حضن جدو وقال له ربنا يخليك لنا يا جدو وما يحرمناش منك ابدا ضحك متولي وقال له ماشي يا سيدي النهارده يوم البكش ضحك الكل
و عاصي كان بيفكر في رقيه واستاذن وطلع على شقتهم دخل الاوضه بتاعته اخذ دش وطلع لابس بنطلون قطن وكان عاري الصدر ونام على السرير في نوم عميق من كتر التفكير
اما عند رقيه قال فهد يلا يا جدو خلينا نروح الاوتيل ردد رقيه اوتيل ايه جدو هيبات معانا هنا وانت كمان هتبات في اوضه زياد وجدو هيبات في الاوضه ديت رد متولي اوضه من دي يا رقيه قالت له لاوضه بابا الله يرحمه مقفوله من ساعه ما مات انا هقوم اروقها لك عشان حضرتك تنام فيها
قال لها ماشي وقال خالد هقوم انا كمان اروح وهستناكم بكره عندنا ويا ريت يا فهد انت وجدو حمدي تيجو تنورونا رد حمدي هنيجي معاهم بكره ان شاء الله وخرج خالد راكب عربيته وروح على البيت ونور نزلت هي كمان تروح وبعد دقائق حمدي دخل نام في الاوضه بتاعه سلطان وهو شامم وريحه ابنه فيها وفهد نام فوق اوضه زياد
اما ببيت متولي وصل خالد وامل اول ما شافته قامت جريت عليه وحضنته وقالت له كده يا خالد ما تشوفش امك الفتره دي كلها رد عليها معلش يا امي انتي عارفه الظروف رد فوزي والظروف اهي اتحلت يا ريت تكون مبسوط رد خالد انا فعلا مبسوط
وقال متولي تعالى يا خالد اقعد معانا يا حبيبي واقعد خالد وقال لهم بصي يا جدو رقيه هتيجي بكره هي وجدها حمدي وفهد ابن عمها هنا انا عزمتهم على الغداء معانا
رد متولي ما فيش مشكله كويس ان الكل جاي عشان نتعرف عليهم فرح محمود انه هيشوف رقيه هو وكامل فضلوا يتكلموا مع بعض وكل واحد طلع على شقته عشان ينام