الهدوء رجع للشاليه بشكل مختلف…
مش هدوء راحة…
لكن هدوء “مؤقت”.
✦ ───────────────────────── ✦
السفرة اتجهزت بسرعة.
الأم أصرت إن الكل يقعد.
وبصوت ثابت قالت:
الأم: الأول ناكل…
وبعدين نتكلم.
✦ ───────────────────────── ✦
كلهم قعدوا.
لكن مفيش حد قاعد “براحة”.
✦ ───────────────────────── ✦
تيا كانت جنب تقى…
وهنا قاعدة جنب الأم من الناحية التانية، الصغيرة في حضنها هادية بشكل بريء وسط التوتر كله.
✦ ───────────────────────── ✦
حازم قعد في الجهة المقابلة تقريبًا…
وكل مرة بيرفع عينه، بيلاقي نظرة الأم عليه.
مش بتفارق.
✦ ───────────────────────── ✦
ياسين كسر الصمت أولاً:
ياسين: خلينا نعتبرها… استراحة إجبارية.
حاول يبتسم…
بس ما كملش ابتسامته للآخر.
✦ ───────────────────────── ✦
الأم بدأت الأكل بهدوء…
تقى بصت لتيا وهمست:
تقى: أيه فيلم الرعب ال احنا فيه دا ؟!
تيا : اه والله في دي عندك حق ناقصلنا اشباح وناخد اوسكار
تقى : لا وليه ما طنط وزيد وعبيد دول موجودين
تيا : ضحكة خرجت منها دون قصد ثم همست
تيا :اسكتي الله يخربيتك ماما هتسمعك
تقى : خايفه من طنط والاتنين ال قصادنا دول عادي
تيا : اخرسي وكلي وانتي ساكته
تقى :حاضر سكتنا
✦ ───────────────────────── ✦
الكل بدأ ياكل…
لكن الأطباق كانت بتتحرك ببطء.
كأن كل لقمة محسوبة على التوتر.
✦ ───────────────────────── ✦
حازم كان ساكت…
بس عينيه بين كل شخص في السفرة.
يقرأ المكان قبل ما يقرأ الأكل.
✦ ───────────────────────── ✦
الأم فجأة قالت وهي بتاكل بهدوء:
الأم: ماحدش هيقوم من هنا قبل ما أفهم كل حاجة.
✦ ───────────────────────── ✦
سكت الجميع.
حتى صوت المعلقة وقف لحظة.
✦ ───────────────────────── ✦
ياسين بص لها:
ياسين بهمس لحازم : وبعدين بقا ف الست دي
حازم : نظر ولم يعلق
✦ ───────────────────────── ✦
الأم بصت له، ثم لحازم…
وبعدها قالت بهدوء حاد:
الأم: مش كل حاجة هتتنقال في جملة واحدة.
✦ ───────────────────────── ✦
تيا حسّت إن الأكل فقد طعمه فجأة…
ونظرت لحازم…
اللي كان لسه ساكت.
لكن صمته هذه المرة…
كان أعلى من أي كلام.
✦ ───────────────────────── ✦
الصمت كان لسه قاعد على السفرة…
تقيل… ومشدود.
لحد ما تقى فجأة قطعت الجو.
✦ ───────────────────────── ✦
بصت لهم وقالت بنبرة خفيفة:
تقى: على فكرة…
إنتو اكيد متعودين على أكل التحقيق دا صح
✦ ───────────────────────── ✦
تيا رفعت عينيها لها بسرعة…
ثم ضحكت ضحكة صغيرة غصب عنها.
✦ ───────────────────────── ✦
تقى كملت وهي بتعمل حركة بيديها كأنها محققة:
تقى: حقيقي الاكل ليه طعم مختلف تحسه بطعم الملفات
تيا لم تستطيع منع ضحكتها هذه المره
✦ ───────────────────────── ✦
الضحكة دي…
كانت كفاية تكسر جزء من التوتر.
✦ ───────────────────────── ✦
ياسين ما قدرش يمسك نفسه…
ضحك بخفة وهو بيهز رأسه:
ياسين: لا والله وصفك دقيق جدًا.
✦ ───────────────────────── ✦
الأم بصت لهم الأول…
ثم تنهدت بهدوء.
نظرتها كانت أقل حدة.
✦ ───────────────────────── ✦
الأم: دا مش تحقيق…
إحنا بنحاول نفهم بس
لكن نبرتها كانت أهدى فعلًا.
✦ ───────────────────────── ✦
تقى ابتسمت:
تقى: خلاص يا طنط…
نفهم بس من غير نظرات مرعبة بقى.
✦ ───────────────────────── ✦
هنا : خلاص يامامي بقى هدي اللعب شويه
ضحكة خفيفة طلعت من هنا وهي في حضن الأم…
كأن البراءة نفسها قررت تدخل الموقف.
✦ ───────────────────────── ✦
حتى تيا…
ابتسامتها فضلت موجودة على وشها شوية أطول من الأول.
✦ ───────────────────────── ✦
حازم كان ساكت…
لكن نظرة عينيه خفت درجة بسيطة.
مش لأنه ارتاح تمامًا…
لكن لأن الجو ما بقاش خانق.
✦ ───────────────────────── ✦
ياسين رجع ياكل وهو بيقول:
ياسين: خلينا نعتبرها هدنة مؤقتة.
✦ ───────────────────────── ✦
الأم هزت رأسها بهدوء :
الأم: هدنة… بس الإجابات لسه جاية.
✦ ───────────────────────── ✦
لكن المرة دي…
الكلام ما كانش تقيل زي الأول.
لأن السفرة رجعت تتنفس شوية.
ولو حتى لوقت قصير.
✦ ───────────────────────── ✦
بدأت السفرة تهدأ تدريجيًا…
الأطباق فاضية تقريبًا…
لكن التوتر اللي تحت السطح لسه موجود.
✦ ───────────────────────── ✦
هنا قامت بهدوء، شايلة الصغيرة “أريج” بين إيديها.
بصوت واطي:
هنا: أنا هقوم أنيمها…
النهارده كان طويل عليها.
✦ ───────────────────────── ✦
الأم هزّت رأسها بحنان:
الأم: روحي يا حبيبتي…
وخليها ترتاح.
✦ ───────────────────────── ✦
هنا خرجت من الصالة بهدوء…
وصوت خطواتها اختفى في الممر.
✦ ───────────────────────── ✦
سكت لحظة تانية…
كأن المكان بيغير جلده من جديد.
✦ ───────────────────────── ✦
الأم رفعت عينيها للجميع…
لكن المرة دي بنظرة مختلفة.
مش تحقيق…
لكن “أم” تعبت من القلق.
✦ ───────────────────────── ✦
بنبرة هادية دافئة قالت:
الأم: أنا مش عايزة ضغط…
ولا شد أعصاب.
✦ ───────────────────────── ✦
سكتت لحظة قصيرة…
ثم أكملت بصدق واضح:
الأم: أنا بس محتاجة أفهم كل حاجة بهدوء.
✦ ───────────────────────── ✦
نظرت لحازم وياسين مباشرة:
الأم: مين إنتوا… وإيه اللي بيحصل حوالينا بالظبط؟
✦ ───────────────────────── ✦
ثم أضافت وهي أخفض صوتها شوية:
الأم: لأن واضح إن الموضوع أكبر من مجرد “صدفة سفر”.
✦ ───────────────────────── ✦
الصمت رجع مرة تانية…
لكن المرة دي كان مختلف.
مش توتر حاد…
لكن لحظة “كشف قريب”.
✦ ───────────────────────── ✦
تيا بصت للأرض…
وياسين شد نفس بسيط…
وحازم ما تحركش…
لكن عينيه قالت إن الكلام الجاي مش سهل.
✦ ───────────────────────── ✦
بعد سؤال الأم…
سكت المكان كله.
حتى النفس كان بيتحسب.
✦ ───────────────────────── ✦
حازم كان لسه ساكت…
لكن المرة دي…
الصمت طال زيادة عن الطبيعي.
✦ ───────────────────────── ✦
ببطء شديد…
رفع عينه.
مش للأم بس…
لكن للجميع.
✦ ───────────────────────── ✦
حازم: أنا هتكلم.
✦ ───────────────────────── ✦
الجملة نزلت في المكان كأنها قرار نهائي.
✦ ───────────────────────── ✦
ياسين بص له فورًا…
وكأنه بيقيس هل ده وقت مناسب ولا لا.
لكن حازم ما بصش له.
✦ ───────────────────────── ✦
بص للأم مباشرة:
حازم: حضرتك عندك حق تسألي.
✦ ───────────────────────── ✦
سكت لحظة قصيرة…
ثم أكمل بهدوء أثقل:
حازم: بس الإجابة مش بسيطة.
✦ ───────────────────────── ✦
تيا رفعت عينيها له بسرعة…
كأنها أول مرة تسمع نبرة صوته دي بجد.
مش باردة…
ولا حادة…
لكن “حقيقية”.
✦ ───────────────────────── ✦
حازم كمل:
حازم: أولا انا محامي وياسين يبقى صاحبي
ثانياً اللي حصل النهارده مش بداية…
ده امتداد.
✦ ───────────────────────── ✦
سكت ثانية…
ثم قال الجملة اللي شدّت كل الانتباه:
حازم: في حد كان بيراقبكم من قبل ما توصلوا الساحل.
✦ ───────────────────────── ✦
الصمت اتكسر جواهم من غير صوت.
✦ ───────────────────────── ✦
حازم: واللي دخل الشاليه…
ما كانش بيخترق مكان.
كان بيتأكد إنكم فعلاً هنا.
✦ ───────────────────────── ✦
الأم اتجمدت لحظة…
وتيا شدّت نفس صغير بدون وعي.
✦ ───────────────────────── ✦
حازم بص للأرض لحظة…
ثم رجع رفع عينه:
حازم: وأنا مش صدفة هنا.
أنا جيت لأن الخبر وصلني قبل ما أنتوا توصلوا.