رواية وكفي بها فتنة
الفصل الثامن عشر18
بقلم ايه نصار
في الخارج…
كان الليل بدأ يعلن استسلامه… لخيوط الشمس
لكن في صدر حازم…
ما كان لسه فيه ضلمه محتاجه شمس
✦ ───────────────────────── ✦
واقف قدام الشاليه…
إيديه في جيبه…
وعينه على نقطة مش واضحة في البحر.
✦ ───────────────────────── ✦
لكن عقله…
كان في مكان تاني تمامًا.
✦ ───────────────────────── ✦
سكت لحظة…
كأنه بيحاول يسمع حاجة مش موجودة.
✦ ───────────────────────── ✦
وبالفعل…
حس بيها.
✦ ───────────────────────── ✦
مش صوت…
ولا حركة واضحة…
لكن إحساس تقيل…
إنها مش كويسة.
✦ ───────────────────────── ✦
حازم (لنفسه بهدوء):
حازم: هي جوه… ليه قلقان
✦ ───────────────────────── ✦
شد نفس ببطء…
لكن صدره ما ارتاحش.
✦ ───────────────────────── ✦
ياسين وهو قاعد جنبه:
ياسين: لسه قلقان عليها؟
✦ ───────────────────────── ✦
حازم ما ردش فورًا…
بص ناحية الشاليه…
كأن الحيطان شفافة.
✦ ───────────────────────── ✦
حازم: مش قلقان…
✦ ───────────────────────── ✦
سكت ثانية…
ثم كمل بصوت أقل:
حازم: أنا عارف إنها بتنهار دلوقتي.
✦ ───────────────────────── ✦
ياسين بص له:
ياسين: وإنت شايف ده من غير ما تشوفها؟
✦ ───────────────────────── ✦
حازم ابتسم ابتسامة باهتة…
مش فرح…
ولا سخرية…
لكن إدراك.
✦ ───────────────────────── ✦
حازم: لما تحط حد في وسط حاجة أكبر منه…
مش محتاج تشوفه علشان تحس بيه.
✦ ───────────────────────── ✦
سكت لحظة…
وبص للبحر تاني:
حازم: أنا السبب في كل ده…
ولو سبتها لوحدها دلوقتي…
هتكسر أكتر.
✦ ───────────────────────── ✦
من جوه الشاليه…
كان في بنت بتحاول تمسك نفسها من الانهيار…
ومن برّه…
كان في واحد لأول مرة…
حاسس إنه مش عارف يوازن بين الحماية والذنب.
✦ ───────────────────────── ✦
كان الصمت ما زال ممتدًا بينهما…
والبحر أمامهم ثابت كأنه لا يسمع شيئًا.
✦ ───────────────────────── ✦
ياسين نظر لحازم طويلًا…
ثم كسر الهدوء بسؤال مباشر، بلا لف ولا دوران:
ياسين: ليه عملت كده؟
طلبت إيدها… ليه؟
✦ ───────────────────────── ✦
لم يرد حازم فورًا.
✦ ───────────────────────── ✦
سكت…
لكن السكون ده ما كانش هدوء.
كان توهان.
✦ ───────────────────────── ✦
عينه راحت ناحية البحر…
ثم رجعت للأرض…
ثم ثبتت في فراغ كأنه بيحاول يمسك إجابة مش لاقيها.
✦ ───────────────────────── ✦
الدقيقة دي عدّت تقيلة.
✦ ───────────────────────── ✦
وأخيرًا…
طلع صوته منخفض، متردد:
حازم: مش عارف…
✦ ───────────────────────── ✦
سكت تاني لحظة قصيرة…
ثم أكمل بصوت أهدى، لكنه أصدق:
حازم: يمكن… عشان أعرف أحميها.
✦ ───────────────────────── ✦
رفع عينه قليلًا…
لكن ما كانش فيه يقين.
كان فيه حاجة تانية…
حاجة لسه مش واضحه .
✦ ───────────────────────── ✦
ياسين ما علقش فورًا…
بس بص له نظرة طويلة…
فاهمة أكتر من أي كلمة ممكن تتقال.
✦ ───────────────────────── ✦
كان البحر قدامهم هادي…
بس الصمت بينهم كان أهدأ من الهدوء نفسه.
✦ ───────────────────────── ✦
حازم ثابت في مكانه…
لكن عينه مش ثابتة.
مرّة على الشاليه…
ومرّة على الأرض…
ومرّة كأنه بيبص لشيء مش موجود.
✦ ───────────────────────── ✦
ياسين لاحظه من أول دقيقة.
بس سكت.
✦ ───────────────────────── ✦
عدّى شوية…
وبعدين قال بهدوء:
ياسين: إنت مش قاعد هنا.
✦ ───────────────────────── ✦
حازم ما ردش فورًا…
بس تحركت عينه ناحيته ببطء.
✦ ───────────────────────── ✦
ياسين كمل:
ياسين: إنت مع تيا جوه.
مش هنا.
✦ ───────────────────────── ✦
سكت لحظة…
ثم مال شوية لقدام:
ياسين: أول مرة أشوفك بالشكل ده يا حازم.
✦ ───────────────────────── ✦
حازم أخد نفس ببطء…
كأنه بيحاول يرجع نفسه للمكان.
✦ ───────────────────────── ✦
حازم: مش وقت تحليل يا ياسين.
✦ ───────────────────────── ✦
ياسين ابتسم ابتسامة خفيفة…
لكنها ما كانتش هزار.
كانت فهم.
✦ ───────────────────────── ✦
ياسين: أنا مش بحلل…
أنا بس بقول الحقيقة اللي إنت مش عايز تقولها.
✦ ───────────────────────── ✦
سكت ثانية…
ثم نظر للشاليه:
ياسين: إنت متغير.
مش بس بسبب الي بيحصل…
✦ ───────────────────────── ✦
رجع بص له:
ياسين: بسببها هي.
✦ ───────────────────────── ✦
الصمت وقع تاني…
لكن المرة دي كان مختلف.
✦ ───────────────────────── ✦
حازم شدّ نفسه شوية…
كأنه بيحاول يقفل حاجة اتفتحت بالغلط.
✦ ───────────────────────── ✦
حازم: أنا مسؤول عنها…
مش أكتر.
✦ ───────────────────────── ✦
ياسين هز رأسه ببطء…
كأنه مش مقتنع، بس مش هيناقش دلوقتي.
✦ ───────────────────────── ✦
ياسين: ماشي يا حازم…
بس خلّي بالك.
✦ ───────────────────────── ✦
سكت لحظة…
ثم قال بجملة أخف لكن أعمق:
ياسين: في فرق كبير بين المسؤولية… وبين إنك تكون مش قادر تبعد نظرك عنها.
صمت ......
✦ ───────────────────────── ✦
انسدلت خيوط الشمس فوق البحر بهدوء…
تعلن بدايتها الخجولة على صفحة مَيّه ساكنة.
كأن الليل ما خدش حقه في الهدوء.
✦ ───────────────────────── ✦
الكل كان بيتحرك في صمت تقيل.
شنط تتقفل…
خطوات مستعجلة…
ونظرات مش مكتملة.
✦ ───────────────────────── ✦
حازم واقف عند العربية…
لكن عينه كانت تلقائيًا بتدور عليها.
✦ ───────────────────────── ✦
تيا خرجت من الشاليه…
بخطوات ثابتة.
✦ ───────────────────────── ✦
لكن أول ما عينيها وقعت على حازم…
ما فيش حاجة حصلت.
✦ ───────────────────────── ✦
ولا ارتباك…
ولا نظرة طويلة…
ولا أي أثر لليلة امبارح.
✦ ───────────────────────── ✦
بس برود.
✦ ───────────────────────── ✦
تيا: هنركب فين؟
قالتها وكأنها بتسأل سؤال عادي جدًا.
✦ ───────────────────────── ✦
حازم سكت لحظة…
مش بسبب السؤال…
لكن بسبب الفرق.
✦ ───────────────────────── ✦
كان مستني أي حاجة…
غير ده.
✦ ───────────────────────── ✦
أشار بهدوء:
حازم: إنتي وتقى وهنا معايا.
✦ ───────────────────────── ✦
تيا هزّت رأسها بس…
من غير تعليق.
ركبت العربية في صمت.
✦ ───────────────────────── ✦
تقى بصت لها باستغراب…
لكن ما سألتش.
هنا ركبت جنبها بسرعة، ساكتة.
✦ ───────────────────────── ✦
في العربية الثانية…
ركب ياسين مع الأم.
الطريق بدأ يتحرك.
✦ ───────────────────────── ✦
لكن الغريب…
إنه ما كانش في أي كلام.
✦ ───────────────────────── ✦
حازم كان سايق…
وعينه كل شوية في المراية.
بتروح عليها…
وبترجع للطريق.
✦ ───────────────────────── ✦
تيا كانت بصّة قدامها…
كأنها مش شايفاه حتى.
✦ ───────────────────────── ✦
تقى همست بصوت واطي:
تقى: مالكوا إنتوا الاتنين؟
✦ ───────────────────────── ✦
تيا ردّت من غير ما تبص لها:
تيا: مفيش.
✦ ───────────────────────── ✦
لكن الكلمة…
كانت أبرد من الجو نفسه.
✦ ───────────────────────── ✦
حازم شد إيده على الدركسيون…
وأول مرة من بداية الرحلة كلها…
ما عرفش يفسّر اللي بيحصل قدامه.
✦ ───────────────────────── ✦
مش عشان الخطر برا…
لكن عشان المسافة اللي فجأة اتخلقت بينه وبينها.
───────────────────────── ✦
فجأة اهتزت شاشة تلفونه......