رواية وكفي بها فتنة
الفصل الخامس والعشرون25
بقلم ايه نصار
كسر حازم الصمت أولًا…
بنبرة هادئة لكنها مستعجلة قليلًا:
حازم: في إيه يا ياسين؟ اتكلم.
✦ ───────────────────────── ✦
رفع ياسين الأوراق بين يديه…
ثم قال بصوت منخفض:
ياسين: الأرقام اللي إنت بعتهالي امبارح…
واحد منهم طلع تابع لـ" أسر الدمنهوري…"
....صاحبنا.
✦ ───────────────────────── ✦
ساد صمت للحظة.
✦ ───────────────────────── ✦
لكن الغريب…
أن ملامح حازم لم تتغير.
لا دهشة…
لا صدمة…
ولا حتى ارتباك.
✦ ───────────────────────── ✦
قال بهدوء شديد:
حازم: كنت عارف.
✦ ───────────────────────── ✦
ارتفع حاجب ياسين فجأة…
وبص له بصدمة واضحة:
ياسين: كنت عارف؟
كنت عارف إزاي؟
✦ ───────────────────────── ✦
أخذ حازم نفسًا ببطء…
ثم قال وهو ينظر في الفراغ كأنه بيربط الخيوط في دماغه:
حازم: كنت عارف إن فتحي العربي مش لوحده.
✦ ───────────────────────── ✦
ثم نظر لياسين مباشرة:
حازم: وتوقعت إن أسر ليه علاقة…
بس كنت محتاج إثبات.
✦ ───────────────────────── ✦
تجمد ياسين مكانه…
ثم قال
ياسين: طيب ليه وازاي ؟
ثم اضاف بقلق واضح على ملامحه
ياسين :انت هتعمل إيه ؟
✦ ───────────────────────── ✦
رفع حازم عينيه…
وكان فيها هدوء مختلف تمامًا…
بارد… محسوب… وخطير.
✦ ───────────────────────── ✦
حازم: مش هعمل حاجة .
✦ ───────────────────────── ✦
اقترب خطوة…
وأضاف بصوت أخفض:
حازم: هما فاكرين إنهم بيراقبوني…
✦ ───────────────────────── ✦
ابتسامة خفيفة ظهرت على طرف شفتيه:
حازم: وأنا كمان هراقبهم.
✦ ───────────────────────── ✦
وفي نفس اللحظة…
كان كل طرف واضح إنه المسيطر…
✦ ───────────────────────── ✦
تنقّلوا بين أكثر من محل…
وأضواء المول تنعكس على الواجهات الزجاجية اللامعة.
كانت تيا تمشي خلف أريج وهنا…
وكأنها دخلت معركة لا نهاية لها.
✦ ───────────────────────── ✦
أريج كانت تمسك كل قطعة ملابس بحماس…
تدخل غرفة القياس…
تخرج بعد دقائق وهي تهز رأسها:
أريج: لا… مش حلوة.
✦ ───────────────────────── ✦
ثم تشير لقطعة أخرى:
أريج: دي مش عايزاها.
✦ ───────────────────────── ✦
تيا وقفت تتنفس بعمق…
ثم رفعت يدها باستسلام:
تيا: يا أريج بالله عليكي…
أنا تعبت والله.
مش قادرة
ناخد حاجة واحدة حتى!
أهو نبقا طلعنا من اليوم ده بحاجة...
✦ ───────────────────────── ✦
هنا كانت تراقب المشهد من بعيد…
تحاول كتم ضحكتها، لكنها فشلت تمامًا.
وضحتكها طلعت من قلبها وهي شايفة تعب تيا الحقيقي.
✦ ───────────────────────── ✦
هنا: خلاص خلاص…
هناخد اللي لبسته آخر حاجة…
تحفة بصراحة.
ونطلع نروح نشوف اللعب.
✦ ───────────────────────── ✦
تيا بصتلها بنظرة مرهقة ممزوجة بالاستسلام…
ثم قالت:
تيا: لا.
هو لسه فيها لعب؟
أنا مش قادرة…
روحي إنتِ وبنتك لوحدكم.
✦ ───────────────────────── ✦
أريج وقفت فجأة…
وبصت لها بعيون واسعة بريئة:
أريج: خالتو؟
✦ ───────────────────────── ✦
تيا ضيّقت عينيها بتعب:
تيا: بلاش النظرة دي… بجد بتوديني في داهية.
ثم تحركت يلا يا عيون خالتو.
✦ ───────────────────────── ✦
قفزت أريج بحماس…
ومسكت يد تيا بقوة:
أريج: تعالي يا خالتو!
هجبلك لعبة معايا.
✦ ───────────────────────── ✦
تيا وهي ماشية وهي بتسحب نفسها:
تيا: آه فعلاً…أنا محتاجة لعبة.
أنا كانت تايهة عني فين الفكره دي .
✦ ───────────────────────── ✦
هنا انفجرت ضحك من قلبها…
وهي شايفة المشهد كله…
بين طفلة لا تعرف التوقف…
وخالة استسلمت تمامًا للحب والجنون معًا.
✦ ───────────────────────── ✦
خرج حازم من مكتب ياسين…
والصمت ما زال يرافق خطواته.
ركب سيارته بهدوء…
وأغلق الباب خلفه بإحكام.
✦ ───────────────────────── ✦
قاد السيارة في طريقه نحو مكتبه…
وعقله لا يتوقف عن ترتيب الخيوط.
العربيتين ال لونهم أسود…
ال كان بيراقبني …
الشاليه…
فتحي العربي
وأسر الدمنهوري.
ويخرج منه صوت اخير عالي نسبياً:
حازم : كدا صح
✦ ───────────────────────── ✦
حازم (بصوت منخفض لنفسه):
اللعب بدأ يحلو ….
ثم تذكر
✦ ───────────────────────── ✦
داخل السيارة…
كان حازم يقود بهدوء، لكن عينيه لم تعد على الطريق فقط.
كانت أفكاره تسبق كل شيء.
✦ ───────────────────────── ✦
الخيط الجديد…
أسر…
فتحي العربي…
كلها أسماء تدور في رأسه كدوائر لا تهدأ.
✦ ───────────────────────── ✦
وفجأة…
مرّ في ذهنه شيء آخر.
تيا.
✦ ───────────────────────── ✦
توقف داخلي بسيط…
كأن عقله غيّر مساره دون إذن.
✦ ───────────────────────── ✦
تخيل لحظة صمتها وهي تتكلم…
نظرتها وهي تبعد عينيها بسرعة…
خوفها ...قلقها ....ترددها .... رفضها
───────────────────────── ✦
حازم (لنفسه، بنبرة خافتة):
ليه رجعت في دماغي دلوقتي؟
✦ ───────────────────────── ✦
ضغط على المقود أكثر قليلًا…
ثم زفر بهدوء يحاول به طرد الفكرة.
✦ ───────────────────────── ✦
لكن الصورة ما اختفتش.
✦ ───────────────────────── ✦
تغيرت ملامحه للحظة…
قلق خفيف مرّ في عينيه، سريع لكنه حقيقي.
✦ ───────────────────────── ✦
ثم كأنه يوبخ نفسه بصمت…
هز رأسه بخفة.
✦ ───────────────────────── ✦
حازم (بصوت منخفض):
لا…
هي بخير.
✦ ───────────────────────── ✦
تنهد…
ثم أكمل لنفسه كأنه بيحاول يثبت الفكرة:
حازم: طول ما أنا بعيد…
هي أكيد بخير.
✦ ───────────────────────── ✦
صمت ثواني…
لكن قلبه لم يقتنع بالكامل.
✦ ───────────────────────── ✦
كان الطريق هادئ…
لكن داخله كان في حركة لا تهدأ.
كل تفصيلة كانت بتتربط بالأخرى…
كأن الصورة بدأت تكتمل ببطء.
✦ ───────────────────────── ✦
وفجأة…
اهتز الهاتف بجواره.
✦ ───────────────────────── ✦
حازم لم ينظر مباشرة…
لكن ملامحه تغيّرت للحظة خفيفة جدًا…
كأن عقلُه سبق عينيه بخطوة.
✦ ───────────────────────── ✦
مد يده ببطء نحو الهاتف…
✦ ───────────────────────── ✦
خرجوا من محل الألعاب…
وأريج تمسك أكياس كثيرة بين يديها الصغيرة بحماس واضح.
كانت تضحك وهي تمشي بخطوات سريعة كأنها خايفة اللحظة تفلت منها.
✦ ───────────────────────── ✦
أريج: لما نروح بقى يا خالتو…
هخليكي تختاري لعبة من اللي أنا اشتريتهم.
✦ ───────────────────────── ✦
نظرت لها تيا بابتسامة مرهقة لكنها دافئة…
ثم قالت وهي تهز رأسها:
تيا: يا سلام…
ده إيه الكرم ده بس!
✦ ───────────────────────── ✦
كانت هنا تمشي بجانبهم وهي تراقب المشهد بابتسامة خفيفة…
ثم توقفت فجأة.
هنا: أنا هروح أجيب حاجة نشربها…
✦ ───────────────────────── ✦
أومأت تيا:
تيا: تمام.
أنا هدخل الحمام بسرعة وأرجع لكم.
✦ ───────────────────────── ✦
تحركت تيا باتجاه الحمام…
بينما اتجهت هنا في الاتجاه الآخر نحو كاونتر المشروبات…
وأريج ظلت واقفة في المنتصف لحظات، ثم تبعت هنا ببطء.
✦ ───────────────────────── ✦
مرت دقائق…
ثم عشر…
ثم الوقت بدأ يطول بشكل غير مريح.
✦ ───────────────────────── ✦
نظرت أريج حولها بتردد:
أريج: خالتو تيا…؟
✦ ───────────────────────── ✦
لا رد.
✦ ───────────────────────── ✦
اقتربت هنا قليلًا وهي تنظر في الاتجاهات:
هنا: ممكن تكون في الحمام لسه…
هنستنا شوية.
✦ ───────────────────────── ✦
لكن الوقت مرّ أكثر…
ولا أثر لتيا.
✦ ───────────────────────── ✦
بدأ القلق يتسلل لملامح هنا…
وأريج أمسكت يدها بقوة:
أريج: خالتو اتأخرت ليه؟
✦ ───────────────────────── ✦
هنا أخرجت هاتفها…
ورنت على تيا.
مرة…
اثنين…
ثلاثة…
✦ ───────────────────────── ✦
لكن لا إجابة.
✦ ───────────────────────── ✦
نظرت هنا حولها ببطء…
ثم همست بصوت خافت:
هنا: مش طبيعي…
✦ ───────────────────────── ✦
وبدأ البحث…
بين الزحام…
وبين الممرات…
لكن تيا لم تكن موجودة.
ولا حتى ظلّها.
✦ ───────────────────────── ✦
في لحظة هدوء قصيرة داخل السيارة…
اهتز هاتف حازم .
✦ ───────────────────────── ✦
نظرة سريعة على الشاشة…
ثم توقف الزمن داخله لجزء من الثانية.
الرسالة:
“الحق تيا.”
✦ ───────────────────────── ✦
تجمدت يده على المقود.
الطريق أمامه ظل يتحرك…
لكن عقله توقف تمامًا.
✦ ───────────────────────── ✦
حازم (بصوت منخفض جدًا):
تيا…
✦ ───────────────────────── ✦
لم ينتظر.
غير اتجاهه فورًا…
والسيارة انطلقت بسرعة مختلفة.
✦ ───────────────────────── ✦
بعد دقائق…
وصل إلى العمارة التي تسكن فيها.
✦ ───────────────────────── ✦
صعد بسرعة إلى الشقة…
وطرق الباب دون انتظار.
✦ ───────────────────────── ✦
فتحت والدة تيا.
نظرت له باستغراب:
الأم: حازم؟
✦ ───────────────────────── ✦
حازم حاول يثبت نبرة صوته:
حازم: آسف على الإزعاج…
كنت قريب وقلت أطمن عليها.
✦ ───────────────────────── ✦
الأم: تيا مش هنا…
في سان ستيفانو مع أختها.
✦ ───────────────────────── ✦
ساد صمت لحظة قصيرة…
ثم هز رأسه بهدوء مصطنع.
✦ ───────────────────────── ✦
حازم: تمام… شكرًا جدًا.
✦ ───────────────────────── ✦
نزل بسرعة…
وكأن الأرض تحت رجليه بدأت تضيق.
✦ ───────────────────────── ✦
في الطريق…
أخرج هاتفه واتصل بياسين فورًا.
✦ ───────────────────────── ✦
حازم: اعرفلي مكان تيا بالضبط… حالًا.
✦ ───────────────────────── ✦
على الطرف الآخر…
جاء صوت ياسين بنبرة خفيفة فيها سخرية:
ياسين: أنا مش ساحر يا عم والله .
✦ ───────────────────────── ✦
ضحكة قصيرة…
ثم أكمل:
ياسين: وبعدين… بتسأل عن تيا ليه؟
مش كنت قررت تسيبها في حالها؟
✦ ───────────────────────── ✦
كان حازم يقود بسرعة متزايدة…
وعينيه لا تلتفت للطريق إلا بقدر الضرورة.
✦ ───────────────────────── ✦
بصوت حاد ومتوتر لأول مرة:
حازم: مش وقت هزار يا ياسين…
تيا ممكن تكون في خطر.
✦ ───────────────────────── ✦
جاءه صوت ياسين على الطرف الآخر:
ياسين: طب هدي أعصابك…
انت لسه متعرفش مش يمكن بيشتتوك
✦ ───────────────────────── ✦
حازم (بحدة):
مش وقت نفكر!
قولّي بسرعة.
✦ ───────────────────────── ✦
سكت ياسين لحظة…
ثم قال:
ياسين: طيب… .
رقمها معاك؟
✦ ───────────────────────── ✦
حازم (بنفاذ صبر):
لا.
✦ ───────────────────────── ✦
صمت قصير…
ثم ضحكة خفيفة من ياسين:
ياسين: يا نهار أبيض يا دنجوان…
إزاي بعد كل ده ومش معاك رقمها؟
أخص على الرجالة بقى دا حازم جلال!
على العموم انا هتصرف
✦ ───────────────────────── ✦
حازم (بقوة):
ياسين…
اخلص بدل ما أغير إتجاهي واجيلك اعرفك مين الراجل دلوقتي
أنطق هتتصرف إزاي.... بقولك احتمال كبير تكون في خطر
✦ ───────────────────────── ✦
ياسين هدأ قليلًا:
ياسين: خلاص خلاص…يا عم براحه
معايا رقم تقى.
هكلمها وأسألها.
✦ ───────────────────────── ✦
حازم:
معاك ثانيتين تعرفلي فيهم كل حاجه
✦ ───────────────────────── ✦
أغلق الهاتف للحظة…
لكن قلبه كان سابق العربية بخطوات.
✦ ───────────────────────── ✦
وفي داخله…
كان في صوت واحد بيكسر أي منطق:
“لازم ألحقها.”
✦ ───────────────────────── ✦
عند مدخل المول…
كان حازم واقف لحظة…
وعينه تدور في كل اتجاه
✦ ───────────────────────── ✦
اقترب بسرعة من هنا…
والطفلة كانت ماسكة إيدها بقوة، وملامحها مرعوبة.
✦ ───────────────────────── ✦
حازم :(بصوت متقطع):
فين تيا؟......
✦ ───────────────────────── ✦
** في منزل تقى 🏠 ......
رن هاتف تقى، فنظرت إلى الشاشة لتجد اسم ياسين يضيء أمامها.
رفعت الهاتف سريعًا وهي تجيب بهدوء:
تقى: ألو؟
ياسين: إزيك يا تقى؟
تقى: الحمد لله كويسة... إنت عامل إيه؟
ياسين: الحمد لله بخير... بقولك يا تقى...
✦ ───────────────────────── ✦
عقدت حاجبيها من نبرة صوته.
تقى: في حاجة ولا إيه؟
ياسين: لا... بس كنت عايز أسألك على تيا... هي فين؟
تقى: لا... معرفش، أنا في البيت، بس أكيد هي في البيت عندهم.
أخذ ياسين نفسًا قصيرًا ثم قال:
ياسين: طيب... خلاص، ماشي.
✦ ───────────────────────── ✦
وقبل أن يغلق الهاتف...
تسلل القلق إلى قلب تقى دون استئذان.
تقى: ياسين... هو في إيه؟ إنت قلقتني.
حاول أن يبدو طبيعيًا.
ياسين: لا متقلقيش... مفيش حاجة.
لكنها شعرت أن هناك شيئًا يخفيه عنها.
✦ ───────────────────────── ✦
تقى: ياسين... قولي في إيه حالًا.
زفر بضيق وهو يبحث عن أي مخرج.
ياسين: هو... بس حازم كان عايز يسأل عليها... يطمن.
ظلت صامتة لثوانٍ، غير مصدقة.
تقى: يسأل عليها ليه؟ هو مش قرر يبعد عنها؟ في إيه يا ياسين؟
✦ ───────────────────────── ✦
أغمض ياسين عينيه للحظة.
أدرك أنه لا مفر... تلك العنيدة لن تتركه قبل أن تعرف الحقيقة.
قال بنفاد صبر:
ياسين: تقى... بس اهدي كده ومتتوترِيش.
تقى: في إيه يا ياسين؟! رجلي مبقتش شيلاّني... قول بقى.
✦ ───────────────────────── ✦
تنهد بعمق ثم قال:
ياسين: أصل في رسالة من شوية جت لحازم... بتقوله يلحق تيا.
ابتلعت تقى ريقها بصعوبة.
ياسين: وهو مش عارف هي فين دلوقتي... راح البيت، ومامتها قالتله إنها في المول مع أختها... فكان عايز يتأكد بس.
✦ ───────────────────────── ✦
وقع الكلام عليها كالصاعقة.
اتسعت عيناها...
واختفى صوتها تمامًا.
ساد الصمت.
✦ ───────────────────────── ✦
عقد ياسين حاجبيه بقلق.
ياسين: تقى... إنتِ معايا؟!
سكت.
ياسين: روحتي فين؟! إنتِ كويسة؟
لا رد.
ياسين: يا بنتي ردي عليا... متسكتيش كده.
✦ ───────────────────────── ✦
عادت إلى الواقع بصعوبة، وهمست بصوت مرتجف:
تقى: هرن على تيا... أشوفها فين.
ياسين: طيب... يلا بسرعة، وأنا شوية وهرن عليكي.
أنهى المكالمة.
✦ ───────────────────────── ✦
أخذت تقى هاتفها بسرعة.
ضغطت على اسم تيا.
مرة...
مرتين...
ثلاث مرات...
أربع...
وفي كل مرة...
"الهاتف مغلق."
✦ ───────────────────────── ✦
بدأت أنفاسها تعلو.
ارتجفت يداها.
شعرت أن الأرض تميد بها.
وفجأة...
رن هاتفها.
ياسين.
✦ ───────────────────────── ✦
فتحت المكالمة فورًا.
وما إن سمعت صوته...
انهارت.
تقى: الحق يا سين... تيا! تلفونها مقفول... ومش بترد.
✦ ───────────────────────── ✦
اعتدل ياسين في وقفته وهو يحاول تهدئتها.
ياسين: طيب اهدي... مفيش حاجة أكيد... هي بخير، متقلقيش.
لكن بكاءها ازداد.
تقى: أكيد حصلها حاجة... أكيد...
كانت كلماتها تخرج متقطعة بين شهقات البكاء.
✦ ───────────────────────── ✦
أغمض عينيه للحظة وهو يشعر بالعجز.
ياسين: اهدي يا تقى... إن شاء الله محصلش حاجة.
ثم قال بحزم:
ياسين: أنا هعدي عليكي كمان عشر دقايق... اجهزي واستنيني... مش هتأخر.
أنهى المكالمة.
✦ ───────────────────────── ✦
ولأول مرة...
شعر ياسين أن بكاءها يمزق شيئًا داخله.
كان صوتها المرتجف يشد خيوط قلبه بقوة.
وتمنى، ولو للحظة...
أن يكون أمامها الآن...
يضمها إلى صدره...
ويخبرها أن كل شيء سيكون بخير.
✦ ───────────────────────── ✦
خرج مسرعًا.
استقل سيارته، وانطلق بأقصى سرعة في اتجاه منزل تقى.
✦ ───────────────────────── ✦
وجدها تقف أسفل المنزل.
وجهها شاحب.
وعيناها متورمتان من كثرة البكاء.
أما دموعها...
فكانت تعرف طريقها إلى خديها دون توقف.
✦ ───────────────────────── ✦
توقفت السيارة أمامها.
رفع ياسين عينيه إليها...
فشعر بغصة حادة في حلقه.
لم يحتمل رؤيتها بهذه الحالة.
نزل بسرعة، وفتح لها باب السيارة.
ركبت إلى جواره.
✦ ───────────────────────── ✦
التفتت إليه وهي تحاول السيطرة على ارتجاف صوتها.
تقى: إحنا رايحين فين؟... لقيتوا تيا؟
نظر إليها بعينين امتلأتا بالاحتواء.
وقال بهدوء:
ياسين: اهدي... وحاولي تبطلي عياط.
أكيد هنلاقيها.
حازم مش هيسيبها.
هو اتحرك على المول...
وإحنا هنروح لهم.
وإن شاء الله هنلاقيها كويسة... متقلقيش.
✦ ───────────────────────── ✦
نظرت إليه...
وحركت رأسها بإيجاب في صمت.
ورغم أن الدموع لم تتوقف عن الانهمار...
إلا أن كلماته كانت تزرع بداخلها قدرًا ضئيلًا من الطمأنينة.
ابتسم لها ابتسامة هادئة...
ثم انطلق بسيارته يشق الطريق نحو المول...
✦ ───────────────────────── ✦
رجوع عند حازم وهنا
هنا سكتت لحظة…
كأنها بتحاول تستجمع هدوء مفقود.
ثم قالت بصوت فيه خوف واضح:
هنا: قالت لنا إنها رايحة الحمام من حوالي ساعتين…
ومن ساعتها موبايلها مقفول…
ومرجعتش.
✦ ───────────────────────── ✦
ساد صمت ثقيل.
✦ ───────────────────────── ✦
كأن الكلمات الأخيرة وقعت على قلب حازم مش على ودنه.
✦ ───────────────────────── ✦
اتسعت عينيه فجأة…
وقلبه اتقبض بطريقة مؤلمة.
✦ ───────────────────────── ✦
حازم : (لنفسه بصوت مكسور تقريبًا):
ساعتين…
✦ ───────────────────────── ✦
قبل أن يتحرك…
هاتفه رن فجأة.
✦ ───────────────────────── ✦
نظر للشاشة…
رقم مجهول.